أختك حبيبتك!!

[رذاذ]

للأسف كثير من الإخوان يكون آخر علمه بأخته يوم عرسها أو بعد ذلك بيوم أو يومين وبعدها
تصبح في عالم النسيان!!
، سلّمها للرجل ( زوجها ) وتوكل على الله
، متخيلا أنها الآن في ذمة رجلها
وأنه لم يعد له دور في حياتها ( وقع العقد ، وسلــّم البضاعة ، وإنتهت المهمة ).

أختك.. تزيد حاجتها لك حتى لو أنها تزوجت ،
فهي بحاجة أكبر لعطفك ، مشورتك ، بث همومها لك ، تثبيتك ونصحك لها..

أختك..
بسؤالك عنها وعن أحوالها تنعشها وتحييها
تقول إحداهن واصفة حالها عند زيارة أخيها لها:
أحس بأنني أنتفض من الفرحة بزيارته وسؤاله عني ، وأبدأ طوال الليل أتكلم عن أخي أمام زوجي ، وأتكلم عن حنان أخي وطيبته ( نوع
من الفخر والإستعداد لأي طلق ناري من
الزوج فلا بد من الكيد البسيط )

فهي تفتخر بإخوانها وكأنها تحذر زوجها من الإساءة لها فإخوانها موجودون!!
وأخرى ( مسكينة ) تقول:
أضطر إلى الكذب على زوجي !! فأخبره بأن أخي يسلم عليه ( متصل اليوم يسأل عني ) !!

أختك..بسؤالك عن أحوالها وزوجها ، والإطمئنان على نفسيتها وحقوقها ..تشعر بأن حقها قد أتاها ، وأن الخير ما تعداها ..
سلام وسؤال ودعوة طيبة منك ، تجعل من أختك ملكة زمانها في ذاك اليوم!!

أختك..لو يرن الجوال برقمك ، تبدأ تحكي معك بصوت
عالي ، ليسمع زوجها و( حمولتها ) أن لها أخ حبيب عضيد يسأل عنها ، وأسد يقف بجوارها يتفقدها بين الحين والحين ، فرحة ، فخورة بك
ولسان حالها يقول : أنت لي ملاذ لو ساءت الأحوال يا أخي

أختك.. لا تأخذك الزوجة ، والأولاد ، ومشاغلك عنها ، فهي بك تعتز ، وبك تقوى ، وبك تشعر بأن الدنيا فيها خير وسلام
!!ألا يكفيك بأنها إبنة أمك

أختك..يكبر قدرها عند زوجها بك ، ويحسب لك ألف حساب .. ويزداد إحترامه لك

أختك..مالها عنك بد

حبيبتك ومن ريحة أمك

هل عدم السؤال يعتبر من قطع صله الرحم !!
سؤال متى اخر مره اتصلت بجيمع خواتك وزرتهم ف البيت ووصلتهم ووصلت عيالهم !!
ليش نشوف بمجتمعنا الزيارات فقط بالاعياد و المناسبات !! .

سؤال وبامانه متى اخر مرة شريت هدية لأختك !!
---->ترا الرواتب بتنزل قريب ^_^

[حواي الفريج]

متى آخر مره شريت هديه ماخبر اني شريت واعترف فالجانب هذا مقصرررر ومن قلب

اما عن سؤالي لهم فالله الحمد والمنه والفضل كل يوم ازور وحده منهم جدول يومي
لازم كل وحده منهم ولو صادف ماحصلتهم ولا مشغول اخر الاسبوع في بيت الوالد اشوفهم كلهم

اما عن قطع صلة رحم هاذي مافيها واحد اثنين قطع وبتر واضح وضوح الشمس ؟؟

[شمس2]

فعلا الاخوان عزوه وسند
كفاية بس حسهم في هالدنيا
احنا مانبي اخوانا حق الفزعه لالا
نبيهم قريبين منا يسألون عنا ويعرفون اخبارنا مثل ما احنا نعرف كل تفاصيل حياتهم ( تقريبا )
يا زينهم لين حضنونا وحضنوا عيالنا
يا حلو غشمرتهم وضحكهم اللي مثل العسل على قلوبنا
صحيح الهديه منهم كأنها ماي بارد يسرسح علينا
لكن شوفتهم والقعده معاهم تسوى عندنا الدنيا كلها
الله يحفظهم ويحفظ لكم كل عزيز

وشكرا على الطرح الرائع :nice:

[أسير الاسهم]

لا انا الحمدلله ,, كل سفره اجي محمّل هدايا لخواتي سواء اللي للحين صغار والمتزوجات الكبار ,, الحمدلله ما افكر الا فيهن عند الهدايا .. بس صحيح مقصر فالاوقات العاديه ما اتصل ولا اسأل واجد بس شسوي الدوام والكرف ,, ومشاغل الدنيا

بس لامن طروو على البال ما يحتاج اتصل واسأل وازورهم

ووقت الشدايد يبشرون بالسعد والعزوه ما يحتاج كلام

[رذاذ]

الله يخليك لهم سند وعون لهلك وناسك واحبتك ..

بالفعل انا عن نفسي اشوف نفسي مقصر بالسؤال ايه دوم اسال اما زيارات بالمناسبات .

قعدت افكر والموضوع حز بخاطري كثير وقلت بشاركم الراي . جميعاً

[ألماسة]

ربي يحفظ لي اخواني ولا يحرمني منهم ،،، دايم السؤال عني بشكل يومي وزاد السؤال بعد ماتزوجت

فعلا الاخ هو السند والعون بهالدنيا بعد الله سبحانه وتعالى وبعد الأب

وربي يحفظ اخوان جميع خواتي

[فلتة زمانها]

طرشت الموضوع لاخواني
تسلم يا رذاذ

[زهرة بنفسجية]

موضوع اكثر من رائع
تسلم عليه
لعل البعض المقصر يتنبه

[رذاذ]

الرائـــع مروركم جميعا
تسلمون ع المشاركه جميعا

[بو الجوري]

الله يخلي خواتي وأخوي و الوالده :..

والحمدلله ماقطعتهم ولانسيتهم عقب ماتزوجوا :..

الله يديم المحبـه :)

[بنت مريخ]

عندي اخو من الرضاعه اخر مره شفته اواخر 2008
وعقبها زعل ماخليته يدخل مع المعرس يوم عرسي
لين يومك مقاطعني وزوجته معاه بعد صداقه عمرها 19 سنه
لا ومطوع وملتزم واللحيه شطولها
ومرته مثله
الى ضحكني وبكاني في نفس الوقت
يوم عزا بنت اخت زوجته رحت عزيتهم ومديت يدي اسلم على زوجه اخوي سلمت وعقب شغلت سيارتها وطلعت من البيت بكبره
يارب لاتبلينا
اشلون الانسان ينسى صداقه 19سنه

[مشتاقة لقطر]

الحمدلله تقريبا متواصلين بشكل دائم

[intesar]

فديتهم أخواني.. مازالوا عزوتي وسندي.. إن احتجت لهم يوم..

[غايه الطواش]

اهم شي مايحللون لحريمهم الي كانو محرمينه على خواتهم

[حواي الفريج]

اهم شي مايحللون لحريمهم الي كانو محرمينه على خواتهم




بل بل اشدخل موضوعنا صلة الرحم والتراحم والعزوه

[شمس2]

اهم شي مايحللون لحريمهم الي كانو محرمينه على خواتهم

لازم تقلبين المواجع يا غاية :rolleyes2:

[حسن]

بالنسبه لي اختي الكبيره توها زايرتني والاول دايما عندها بالنسبه لنا عباره مثل الام
وخصوصا عقب الله يرحمه ام حسن اللى هي امي
وعندي ثنتين اكبر مني وهذاهم طايحين عندي على جبدي مثل العسل:)
بس بالنسبه للهدايا انا مقل جدا لاني ماعرف اذوا ق الحريم رجل جاف
افضل الفلوس ابرك بس مهم مقصر في اي شي اذا طلبو مني :victory:

[عاهد بن علي]

اقسم بالله اني اول المقصرين

[فلتة زمانها]

لا بديت اغار الصراحه:eek3:

[العقل المدمر]

عندي اخو من الرضاعه اخر مره شفته اواخر 2008
وعقبها زعل ماخليته يدخل مع المعرس يوم عرسي
لين يومك مقاطعني وزوجته معاه بعد صداقه عمرها 19 سنه
لا ومطوع وملتزم واللحيه شطولها
ومرته مثله
الى ضحكني وبكاني في نفس الوقت
يوم عزا بنت اخت زوجته رحت عزيتهم ومديت يدي اسلم على زوجه اخوي سلمت وعقب شغلت سيارتها وطلعت من البيت بكبره
يارب لاتبلينا
اشلون الانسان ينسى صداقه 19سنه


:eek5: والله عيب اللي سوته
الحين يزاتج هاذي رايحه تعزين

انزين سؤال لقافه
ليش ماخليتيه يدخل :shy::tease:

[انصار جليري]

اهم شي مايحللون لحريمهم الي كانو محرمينه على خواتهم



:nice::nice::nice::nice:

[رذاذ]

بالنسبه لي اختي الكبيره توها زايرتني والاول دايما عندها بالنسبه لنا عباره مثل الام
وخصوصا عقب الله يرحمه ام حسن اللى هي امي
وعندي ثنتين اكبر مني وهذاهم طايحين عندي على جبدي مثل العسل:)
بس بالنسبه للهدايا انا مقل جدا لاني ماعرف اذوا ق الحريم رجل جاف
افضل الفلوس ابرك بس مهم مقصر في اي شي اذا طلبو مني :victory:

الله يخليها لكم ودائما الاخت الكبيرة لها مكانه كبيره لنه كل واحد من بعدها يرجع ويستشيرها باموره وتنصح بالافضل .. تستاهل خاتم بس عاد كون شاطر وعرف مقاس الصبع قولها اشوف خاتمج وحاول لبسه وعرف مقاسه على صبعك وسوق الذهب دلة قريب نابينا والله تستاهل وشوف رضا نفسك عن نفسك .

الله يخلي لك خواتك الثنثين وتستاهل كل وحده عطر تشوف دعايته بالدواوير توه نازل وشاريه انا 550 ريال وتستاهله من جاها


اقسم بالله اني اول المقصرين

السؤال واجب حتى لو انت بعيد ومغترب وانا اخوك الى ما به خير بهله شلون ربي بيوفقه بحياته !
وهدفي للموضوع اثارة نقطه يمكن الكل عادي عنده لكن بالفعل غافل عنها.


لا بديت اغار الصراحه:eek3:
اما انتي يا فلته زمانها عجيبة هههههههههههههه طرشتي لخوانج الموضوع وبعد تغيرين على علاقات الاعضاء كوني افضل من اخوانج وانتي صيليهم ادعيهم على عشا او غذااا وشوفي مودتهم كيف لو هم مقصرين .


:eek5: والله عيب اللي سوته
الحين يزاتج هاذي رايحه تعزين

انزين سؤال لقافه
ليش ماخليتيه يدخل :shy::tease:
مب سبب زعل بس يتاج الموقف الى تفهم الطرفين في اعراس ياخوي العقل المدمر تشرط به عدم دخول الرجال حتى لو من الدرجة الأولى وصارت وشفنا .

اهم شي مايحللون لحريمهم الي كانو محرمينه على خواتهم
تاكدي معامله الاخ لاخته اسمى ولا بها خلاف بعكس معامله الاخ لزوجتة .

اختي عشت معها اكثر من زوجتي ومعاملتهم سواء لافرق بين هذي ولا هذي بس بعض الحريم واما اعم الغيـــــــــرة تذبحهم خاصه لو عرفت انه سوا لاخته كذا وعطاها كذا وموقفهم ينقلب سلبي بنقاشات قد لا يتفهمها الأخ من زوجته .

[ألماسة]

عندي اخو من الرضاعه اخر مره شفته اواخر 2008
وعقبها زعل ماخليته يدخل مع المعرس يوم عرسي
لين يومك مقاطعني وزوجته معاه بعد صداقه عمرها 19 سنه
لا ومطوع وملتزم واللحيه شطولها
ومرته مثله
الى ضحكني وبكاني في نفس الوقت
يوم عزا بنت اخت زوجته رحت عزيتهم ومديت يدي اسلم على زوجه اخوي سلمت وعقب شغلت سيارتها وطلعت من البيت بكبره
يارب لاتبلينا
اشلون الانسان ينسى صداقه 19سنه




اسمحيلي اختي ع المداخلة

بس انا اشوف ان انتي غلطانه.... لان هذا يوم عرسج يوم فرحته هو وفخره فيج

ماتدرين انتي شنو سببتي له بهاليوم اللي اكيد كان مستنيه بفارغ الصبر

حطي نفسج بمكانه.... وشوفي شبتكون ردة فعلج

اتمنى تتقبلين مداخلتي بصدر رحب

[الجني]

نعم أختي حبيبتي
أخل بيتها من باب المطبخ الخلفي و اقلب المواعين بحثاً عما لذ و طاب
و امزح معها و اتطنز عليها و العب معها و لي معها ذكريات و صور طفولة
أحب أبنائها و بناتها و أنا بمنزلة أباهم و قد أكون أقرب إليهم من أمهم و أبوهم
بل إن إبنتها تستعين بي إذا أرادت شيئاً من والديها
أحبهم جميعاً لأنهم يحملون رائحة حبيبتي أختي

أهديت أختي ساعة عند تخرجها من الثانوية و ما زالت تلبس تلك الساعة
و تلبسها إبنتها فالساعة قيمتها المادية صغيرة و المعنوية كبيرة جداً

موضوع تربوي رائع

[العنابي 2022]

لاهنت على الموضوع الجميل وعسى الله يسامح على القصور
نعم التواصل طيب واجر

[حفيد الأنصار]

عن نفسي ان شاء الله مو مقصر لاني انا مداوم بمدينة ثانية وماأجي الا بالويكند ( خميس وجمعه ) للمدينة
اما الزيارات لازم ازورهم امس لما جيت المدينة زرت اخواتي من ابوي وكانو مجتمعين ببيت وحدة منهم ورحت سلمت عليهم
واللحين انا ببيت ووحدة ثانية كمان ( شقيقتي )
وانام عندهم < مخررربها :victory:
اما الهدايا صراحة ماأتذكر جبت الا لـ أختي الصغيرة مو متزوجة واخر مرة تقريبا من ثلاث شهور لكن كل شهر لازم اعطيها فلووس وهي عاد ماتقصر بس تطلب خخخخخ :app:

[BARBICAN]

ليــت عنــدي خوات

[بنت مريخ]

اسمحيلي اختي ع المداخلة

بس انا اشوف ان انتي غلطانه.... لان هذا يوم عرسج يوم فرحته هو وفخره فيج

ماتدرين انتي شنو سببتي له بهاليوم اللي اكيد كان مستنيه بفارغ الصبر

حطي نفسج بمكانه.... وشوفي شبتكون ردة فعلج

اتمنى تتقبلين مداخلتي بصدر رحب

والله لويستاهل كنت دخلته لو مب زوجته ماشفته طول عمري، كنت طالبه منه يوديني بلاد قريبه تدرين قال لزوجته من كلامها( اوهوووو) صراحه انقهرت عمري ماطلبت منه طلب، وين حقي عليه؟ تعامله زفت المطوع، المفروض من وجهه نظري يستحي على ويهه ويشوف اشلون تعاملي مع اعياله اقل شي، زوجته تقول اعيالي يحبون يجون عندكم ومايحبون يروحون بيت هلي.الله يعينه على نفسه

[رذاذ]

نعم أختي حبيبتي
أخل بيتها من باب المطبخ الخلفي و اقلب المواعين بحثاً عما لذ و طاب
و امزح معها و اتطنز عليها و العب معها و لي معها ذكريات و صور طفولة
أحب أبنائها و بناتها و أنا بمنزلة أباهم و قد أكون أقرب إليهم من أمهم و أبوهم
بل إن إبنتها تستعين بي إذا أرادت شيئاً من والديها
أحبهم جميعاً لأنهم يحملون رائحة حبيبتي أختي

أهديت أختي ساعة عند تخرجها من الثانوية و ما زالت تلبس تلك الساعة
و تلبسها إبنتها فالساعة قيمتها المادية صغيرة و المعنوية كبيرة جداً

موضوع تربوي رائع

الرائع مرورك يا الجني ع الموضوع .. أوصيك رد الصحون لا تصير نفسي هههههههههه :victory:

[M O H A D]

ليــت عنــدي خوات

:weeping:

[الخزرجي قطر]

الله يجزيك الخير على الموضوع في ميزان حسناتك ان شاءالله

[روح الاطلس]

طيب الاخوات اللي يقولون اخوانهم مايهدونهم هل انتم اهديتوهم؟؟ ومن عام الف وتسع مية وحطبه قدمتوا لهم هديه؟؟

البعض والبعضات يهدون اصدقائهم اكثر من اهلهم :)

[رذاذ]

اليوم خميس وفرصة حلوه لرفع الموضوع

[ام ناصر1]

موضوع حلو والله يديم المحبة والتواصل بين الاهل

[مشاكل]

انتي فنانة وربي

[النجلا]

ماعندي الا اخو واحد اخر العنقود فالثانوية وطبعا دلوع البيت ..
دايم يقولي اذا سقت سيارة بوديج كل مكان وبنسافر مع بعض ..

الله يخليه لنا .. ادعوله الله يهديه ويوفقه ..