خيب آمالنا مصرف الريان والسوق القطري

[هاجاكم بها]

والله يا أخوان ان السوق القطري خيب آمالنا وين صناع السوق وين المضاربين وين الهوامير
وكنت اليوم مع غيري من المستثمرين الخليجين في الدوحه وامام الشاشات نتابع السوق ونزول مصرف الريان وكنا نتوقع لا يقل عن 50 على اقل تقدير كأكبر مصرف اسلامي ولكن للأسف خيب امال الكثير .
لدرجة ان ثقتي اهتزت في السوق القطري من مشاهدتي لبعض الشركات التي لم يحصل عليها تداول اصلا ولا سهم وهذي معلومه جديده اكتشفتها على الشاشات اليوم في الكميات المنفذه
وين الهوامير اولاد البلد وين الحكومه القطريه ما تدعم السوق بصناديق استثماريه وين رؤوس الاموال القطريه .

بالعربي كنت ناوي ادخل السوق واشتري وخفت لما شاهدت اسهم ماصار عليها تداول اصلا


الطريقه الحاليه بالسوق القطري تخلي المستثمرين يهربون بأموالهم خارج السوق
من المسئول ؟؟؟؟؟؟؟؟؟؟؟؟؟؟؟؟؟؟

[بوحمد1]

الصبر مافي غيره حتى تشرق الشمس من جديد

[ابو مضر التميمي]

ليه هو كم وصل مصرف الريان ؟؟؟؟؟

[طبشور]

(تهرب للخارج ) .... أيش قصدك ..؟؟ ترجع لمكانها قبل 11/9


ترى كثير من الكلام اللي لازم نفهمه هو المخفي والموجود بين السطور مش ذاك الباين للجميع ومكتوب على السطور .

[سهم الدوحة]

قله حجم التداولات لباقي الشركات ضر الجميع اليوم .

والسبب قله عدد شركات الوساطه عندنا ..

أتصالاتهم صارت مشغوله ببيع وشراء أسهم الريان

وتركوا باقي الشركات والرد على العملاء .:anger2:

[Rame2006]

ربح 300% ليست بالامر السيء ابدا :nice:

بس اخوانا السعوديين الله يهديهم ما يكفيهم الا 1000% :D

[شمعة الحب]

هذا السوق ياحميدان المستثمر يصبر والمضارب يشتغل معاهم ..ولايقولك شاريه ب5 وتبيعه ب20 رباحان ولا لا:nice: ...تبون تنهبون ..:D

[حالي الذوق]

(تهرب للخارج ) .... أيش قصدك ..؟؟ ترجع لمكانها قبل 11/9


ترى كثير من الكلام اللي لازم نفهمه هو المخفي والموجود بين السطور مش ذاك الباين للجميع ومكتوب على السطور .





الطريقه الحاليه بالسوق القطري تخلي المستثمرين يهربون بأموالهم خارج السوق


اخي طبشور يمكن يقصد العقار :nice:

[حالي الذوق]

هذا السوق ياحميدان المستثمر يصبر والمضارب يشتغل معاهم ..ولايقولك شاريه ب5 وتبيعه ب20 رباحان ولا لا:nice: ...تبون تنهبون ..:D

ههههههههههههههههههههههههههههههههههه اشوف تغير كلامك الحين

[التجاري]

السلام عليكم

اللي حصل اليوم خيبة امل كبيره عند الاف المتوهمين بان سوف يجنون ارباح خياليه من سهم الريان واولهم انا اللي ماكنت متوقع انه بينباع بهالاسعار المتدنيه

لكن ارجو ان يعرف الجميع الغلطه الكبيرة اللي حصلت وهوت بسعر السهم للارض !!!!!!!

العرض يفوق الطلب بكثيررررر وهذا مايجعل السهم ينزل سعره لكن الامر الذي ادى الى نزول هذا السهم بهالطريقة هو اوامر البيع بسعر السوق وحطوا تحتها سبع خطوط

اكبر غلطه حصلت اليوم هو وضع اوامر البيع بسعر السوق !!!!!!!


ارجو ان يكون اللي صار درس لنا للمرات القادمة ولانعلق خيبة املنا بالحظ او بوضع السوق لان صناع السوق هم المساهمين فكلما كان المساهمين واعين نهض السوق والعكس صحيح

[سهم الدوحة]

أغلب الوسطاء في دول الخليج والسعودية وضعوا أوامر البيع بسعر السوق

وبعتراف جميع خوانا الخليجيين .

هذا اللي ضيع سعر سهم الريان .

[Abu Omar]

يا اخوان لا تضعوا المشكلة على الاخوة الخليجيين
الذي باع اليوم وبدا السعر على 20 هم للاسف ربعنا
لان كانت الاسهم اكثر من ألف سهم وكما هو معلوم لا يوجد خليجي لديه اكثر من 141

[الأختصاصي]

ان شاء الله يكون بكره يوم مفاجىء للجميع بالارتفاع

[دنيا الاسهم]

يا اخوان لا تضعوا المشكلة على الاخوة الخليجيين
الذي باع اليوم وبدا السعر على 20 هم للاسف ربعنا
لان كانت الاسهم اكثر من ألف سهم وكما هو معلوم لا يوجد خليجي لديه اكثر من 141
لا وانت الصادق مساكين القطريين المساهمين الصغار يبون السوق يطلع ويرتفع
لكن الكبار هم اللي ما يبون
وشي واضح اصلا ان زمرة السوق ماسكتة عدل لا يطير
تكتيك;)