كلمني بصوتك

[ms-qtr]

بسم الله الرحمن الرحيم

موضوعي وباختصار هي ملاحظة لاحظتها على بعض الشباب والبنات :pilot:

وهي ان في بعضهم يغير نبرة صوته لما يكون في مواقف معينه مثلاً يرد على التلفون او يقابل ناس جدد او غيرها :telephone:

الشاب يحاول في اغلب الحالات تخشين الصوت فتحصله يكلم اخوانه في البيت بنبره و اول ما يرن التلفون يخشن صوته الدبل :strong

اما البنت تميل لترقيق الصوت وبعضهم يحاولون يقلدون المذيعة حليمة بولند فمثل حالة الشاب تلاقيها تتكلم مع اهلها بصوت عادي و اول ما يرن التلفون يبدي التصنع :shy:

السؤال: ليش بعض الشباب او البنات يميلون لتغيير نبرة صوتهم وهل تعتقدون ان السبب عدم ثقة بالنفس ؟؟؟؟:discuss:

[intesar]

يمكن ايه.. ويمكن لا.. بس ما لاحظت هذا الشيء..

[.خالد]

شي غريزي في الانسان ، انه يتميلح :) ، او حركة تكتيكية ... بس مالها علاقه بعدم الثقة بالنفس ..
والللي نلاحظه ان تغيير الصوت يكون دايما مع شخص غريب او مب ماخذين عليه .
اما الشخص اللي ماخذين عليه هو المسكين اللي نكلمه بصوتنا الحقيقي ...

[intesar]

صدقت أخوي خالد بونقطة على قولة الأغر..
يمكن الصوت يتغير إذا كان هذا الشخص ما نعرفه.. إذا كان الكلام يغلب عليه الطابع الرسمي.. لذا الصوت يكون على وتيرة معينة.. غير عن لو كان في الطرف الثاني.. حد نعرفه وماخذين عليه..

[qtr qtr]

على حسب الشخص اذا كان اول مره اتكلمه لازم يكون نبره الصوت فيها احترام .. يعني يكون الصوت هادئ خصوصا المراجعين اللي يجونا .. اما البنات فهذا طبعهم الانثوي خصوصا مع خطيبها .. وبعد الزواج الصوت يتغير 180 درجه .. اتحس انه مصارع يكلمك .

[خليفـة]

الملل بعيد عنج
:)

خليفـة

[العقل المدمر]

ههههه
شي طبيعي ترى يتغير الصوت
اكيد لما اكلم امي غير عن لما اكلم طفل غير عن لما اكلم صديقتي
مستوى الصوت والنبره يختلف على حسب من الشخص اللي نكلمه
وحتى عالتلفون تلقائي بعد يتغير خصوصا ان مافي ملامح مجرد صوت

[ms-qtr]

شي غريزي في الانسان ، انه يتميلح :) ، او حركة تكتيكية ... بس مالها علاقه بعدم الثقة بالنفس ..
والللي نلاحظه ان تغيير الصوت يكون دايما مع شخص غريب او مب ماخذين عليه .
اما الشخص اللي ماخذين عليه هو المسكين اللي نكلمه بصوتنا الحقيقي ...

ما تعتقد ان في ناس تتعمد تغيير الصوت لكسب اعجاب الغريب او الي مب ماخذين عليهم

[ms-qtr]

على حسب الشخص اذا كان اول مره اتكلمه لازم يكون نبره الصوت فيها احترام .. يعني يكون الصوت هادئ خصوصا المراجعين اللي يجونا .. اما البنات فهذا طبعهم الانثوي خصوصا مع خطيبها .. وبعد الزواج الصوت يتغير 180 درجه .. اتحس انه مصارع يكلمك .

ههههههه بالنسبة للبنات الي ينعمون صوتهم بزيادة ما تحس احياناٌ يدخلون من باب التصنع ؟؟؟

[ms-qtr]

الملل بعيد عنج
:)

خليفـة

هههههه شلي يوصل بعض الناس للتصنع غير الملل

[ms-qtr]

ههههه
شي طبيعي ترى يتغير الصوت
اكيد لما اكلم امي غير عن لما اكلم طفل غير عن لما اكلم صديقتي
مستوى الصوت والنبره يختلف على حسب من الشخص اللي نكلمه
وحتى عالتلفون تلقائي بعد يتغير خصوصا ان مافي ملامح مجرد صوت

انا معاك ان الصوت تلقائياً يتغير لما اتكلم بجد غير لما اتكلم بمزح غير لما اكلم حد كبير غير لما اكلم حد صغير

لكن ما تعتقد ان في ناس يبالغون شوي بتغيير نبرة الصوت

[intesar]

ليش تتجاهلين ردي..

[abdo222]

يمكن توه قايم من النوم

يمكن فيه زكام

يمكن جوعان

[findi]

المشكله بعضهم ماتغير نبرة صوتها وبس حتى لهجتها تغيرها

يعني اذا كانت حضريه مثلاً تعطيج كم كلمه بدويه على كم كلمه اماراتيه على كم كلمه كويتيه هههههه

وهذا الشي الي يستفزني أكثر شي

ليش انزين هالتصنع ؟ ماعندج ثقه بنفسج ؟ ماتفتخرين بلهجتج وأصلج ؟

الله يعينهم على نفسهم الصراحه

[اليحصبي]

على حسب الشخص اذا كان اول مره اتكلمه لازم يكون نبره الصوت فيها احترام .. يعني يكون الصوت هادئ خصوصا المراجعين اللي يجونا .. اما البنات فهذا طبعهم الانثوي خصوصا مع خطيبها .. وبعد الزواج الصوت يتغير 180 درجه .. اتحس انه مصارع يكلمك .


http://www.shooq4.com/vb/images/bb/18.pngمابي اتزوج خلاص هههههههههههه

[بصمة قطرية]

بصراحــة لاحظت هالشي ..
و تسائلت يا ترى ليش ..!!

[intesar]

بصراحــة لاحظت هالشي ..
و تسائلت يا ترى ليش ..!!

هههههههههههههههههههههههههههههههههههههههههههههههههه هههههههههههه

[عاهد بن علي]

كل شي يستوي
والناس تختلف عن بعض
باختلاف تفكيرهم

[بصمة قطرية]

هههههههههههههههههههههههههههههههههههههههههههههههههه هههههههههههه

صج والله انتصار .. :secret:
حتى مرة اتصلت كيوتل تطلب رقم ..
قسم بالله لا شعورياً لقيت نفسي أطالعها وانا جذي :eek5:

[كلنا قطر 1981]

صج والله انتصار .. :secret:
حتى مرة اتصلت كيوتل تطلب رقم ..
قسم بالله لا شعورياً لقيت نفسي أطالعها وانا جذي :eek5:

اختي بصمه ضفيني عندج بنفس القائمه :nice:

بصراحه ان كان رقم غريب المتصل اضبط قعدتي و اضبط الصوت و ارد عليه و اقول الو

اما اذا كان رفيجي عادي اكلمه و انا منسدح وارد عليه و اقوله هااا شتبي ؟؟


اختي صاحبة الموضوع لا تركزي على تصرفات البشر ترى الدعوه سهلات مب سالفة عدم

الثقه بالنفس و لا شي السالفه هي تلاقئيه و تطلع من غير شعور :tease:

[بصمة قطرية]

اختي بصمه ضفيني عندج بنفس القائمه :nice:

بصراحه ان كان رقم غريب المتصل اضبط قعدتي و اضبط الصوت و ارد عليه و اقول الو

اما اذا كان رفيجي عادي اكلمه و انا منسدح وارد عليه و اقوله هااا شتبي ؟؟


اختي صاحبة الموضوع لا تركزي على تصرفات البشر ترى الدعوه سهلات مب سالفة عدم

الثقه بالنفس و لا شي السالفه هي تلاقئيه و تطلع من غير شعور :tease:


:secret:
خخخخخخخخخخخخخخخخخخخخ :secret:

[ms-qtr]

صدقت أخوي خالد بونقطة على قولة الأغر..
يمكن الصوت يتغير إذا كان هذا الشخص ما نعرفه.. إذا كان الكلام يغلب عليه الطابع الرسمي.. لذا الصوت يكون على وتيرة معينة.. غير عن لو كان في الطرف الثاني.. حد نعرفه وماخذين عليه..

انا معاج ان لما تتكلمين بكلام رسمي تتغير نبرة صوتج عن كلامج مع ربعج واهلج

لكن في ناس بزيادة

يعني في مرة كنت قاعدة مع وحدة ورن جوالها قامت تكلم وحدة من زميلاتها في الجوال
انا استغربت حسيت حليمة بولند قاعدة حذاي والصوت نعم بشكل مب طبيعي


نفس الشي اخوي كان يسولفلي عن واحد يقولي انه يتكلم معاه بصوت مب صوته يخششنه لدرجة انه ما يفهم عدل شيقول الريال

واسفة ما قصدت اتجاهلج

[ms-qtr]

يمكن توه قايم من النوم

يمكن فيه زكام

يمكن جوعان

انا اقصد الناس الي تغير صوتها بتعمد وبشكل كبير

[ms-qtr]

المشكله بعضهم ماتغير نبرة صوتها وبس حتى لهجتها تغيرها

يعني اذا كانت حضريه مثلاً تعطيج كم كلمه بدويه على كم كلمه اماراتيه على كم كلمه كويتيه هههههه

وهذا الشي الي يستفزني أكثر شي

ليش انزين هالتصنع ؟ ماعندج ثقه بنفسج ؟ ماتفتخرين بلهجتج وأصلج ؟

الله يعينهم على نفسهم الصراحه


فعلاً في بعض الناس يغيرون نبرة الصوت واللهجة مادري ليش

نفس الي اذا يكلمون حضر يقلبون حضري واذ كلموا بدو قلبوا بدوي كأن الي جدامهم ما بيفهمهم بلهجتهم

[ms-qtr]

كل شي يستوي
والناس تختلف عن بعض
باختلاف تفكيرهم

فعلاً

[ms-qtr]

بصراحــة لاحظت هالشي ..
و تسائلت يا ترى ليش ..!!

يمكن بعض الناس يحاولون يكسبون اعجاب الطرف الاخر بهالطريقة

[intesar]

انا معاج ان لما تتكلمين بكلام رسمي تتغير نبرة صوتج عن كلامج مع ربعج واهلج

لكن في ناس بزيادة

يعني في مرة كنت قاعدة مع وحدة ورن جوالها قامت تكلم وحدة من زميلاتها في الجوال
انا استغربت حسيت حليمة بولند قاعدة حذاي والصوت نعم بشكل مب طبيعي


نفس الشي اخوي كان يسولفلي عن واحد يقولي انه يتكلم معاه بصوت مب صوته يخششنه لدرجة انه ما يفهم عدل شيقول الريال

واسفة ما قصدت اتجاهلج


مسموحه اختي.. بس استغربت.. لأن فيه غيرج يتجاهلني.. قلت يمكن انتي من ضمنهم.. اعذريني..

[intesar]

انا معاج ان لما تتكلمين بكلام رسمي تتغير نبرة صوتج عن كلامج مع ربعج واهلج

لكن في ناس بزيادة

يعني في مرة كنت قاعدة مع وحدة ورن جوالها قامت تكلم وحدة من زميلاتها في الجوال
انا استغربت حسيت حليمة بولند قاعدة حذاي والصوت نعم بشكل مب طبيعي


نفس الشي اخوي كان يسولفلي عن واحد يقولي انه يتكلم معاه بصوت مب صوته يخششنه لدرجة انه ما يفهم عدل شيقول الريال

واسفة ما قصدت اتجاهلج


المشكلة أن شبيهات حليمة بولند صاروا متواجدات على الطبيعة..
بس الرجل يخشن صوته بزيادة ما عرفت ليش..
المرأة نعرف قصدها من ورا هذي الرقة.. بس الرجل ليش..
هذي تلاقين الجواب عند المعرفات الذكورية..

أفتونا بارك الله فيكم..

[بصمة قطرية]

المشكلة أن شبيهات حليمة بولند صاروا متواجدات على الطبيعة..
بس الرجل يخشن صوته بزيادة ما عرفت ليش..
المرأة نعرف قصدها من ورا هذي الرقة.. بس الرجل ليش..
هذي تلاقين الجواب عند المعرفات الذكورية..

أفتونا بارك الله فيكم..

أما شبيهات حليمة بولند ..:secret:
لا تعليق ..!!! :secret:
صارت موضه الحمدلله والشكر ..

[العقل المدمر]

انا معاك ان الصوت تلقائياً يتغير لما اتكلم بجد غير لما اتكلم بمزح غير لما اكلم حد كبير غير لما اكلم حد صغير

لكن ما تعتقد ان في ناس يبالغون شوي بتغيير نبرة الصوت


الصراحه ماقد شفت حد يبالغ
هي فعلا الاصوات تتغير وايد
بس يعني تكون عفويه ماتكون بتصنع
يعني لما وحده تهاوش عيالها عالغلط غير لما تكلم ريلها :shy:
وانتي بعد قلتي عشان يكسبون اعجاب الغريب
اكيد الناس كثر مايقدرون يحاولون يعطون انطباع حلو عن نفسهم
الريال لما يخشن صوته يبي الناس تحس برجولته
والبنت لما تنعم صوتها تبي الناس تحس بانوثتها

[النجلا]

في حالات طبيعية ممكن تتغير فيهآ نبرة الصوت على حسب الموقف ..

لكن فيه حالات مرضية عند البنات وشكلها حتى عنده الشباب :tease:

عاد البنات فيه نوعيآت المشكلة احنا عارفينها من ايام الثانوية قمة في الدفاشة وفجأة تصير انعم من حليمة بولند :telephone: