قطر ثاني أكبر مكان لتجمع أسماك القرش في العالم !!!!

[وجه السعد 2]

الدوحة - قنا : أعلن السيد محمد الجيدا الخبير البيئي بوزارة البيئة أن دولة قطر هي ثاني أكبر مكان لتجمع أسماك القرش الحوت غير المفترسة في العالم بعد المكسيك.

وقال الجيدا إن نحو 400 من أسماك القرش الحوت تتواجد في مكان واحد بمنطقة حقل الشاهين لمدة تصل إلى 6 شهور ويتراوح طول الواحد منها ما بين 8/ 9 أمتار وبأحجام كبيرة ، بينما في المكسيك، وهي الدولة الأولى لتجمع هذا النوع من الأسماك ، يكون العدد ومدة التجمع والحجم أقل مما هو عليه في قطر

التعليق : الله يسامحك يالجيدا على هذا الخبر .. الحين وين الواحد له نفس يروح البحر :eek5:..

[رذاذ]

.. ايه صدقت انا ..

[غايه الطواش]

اعتقد ان هالخبر تم نشره من زمان فالمنتدى....
لو الخبر صحيح على الاقل صوره نصدق ...
على اي اساس تم تعميم ان قطر ثاني اكبر تجمع ...شنهي الاساليب العلميه الي اتبعوها ...
والا الربع مشتهين مغاوص على حساب البيئه نزلوا وطلعوا لنا بالخبر؟؟
خاطري اعرف شلون عدوهم ؟؟؟؟

ماحب الاخبار الي تستغفل عقل القارئ

[شبح الصمت]

وانا اقول وين السمك يروح


منشفينه بلاع بلاع فيه

:weeping:

كله داخل بطون هالحيتان

[FCB 123]

ما أعتقد إن الخبر صحيح

عاد إلي يقول من كبره حقل الشاهين إلي مجمع هاي الحيتان

الله المستعان

[آنــه]

السلام عليكم ورحمة الله وبركاته

اتمنى محاسبة الجريده على هالاخبار اللي تبث الرعب في قلوب المواطنين

- من اللي قام بعمل الدراسة ( اين مصدر الدراسه ) ؟؟؟
- لنشر اي موضوع يجب التأكد منه ونشر بعض الأدلة ؟؟

[Mr. H]

اتحدى مليون مرة لو الكلام صحيح , يعني هالحيتان خلت بحار استراليا و افريقيا و البرازيل و كل هالقارات الي بحارهم انظف و اغنى و احلى مليون مرة من بحرنا الي كله مخلفات و نفايات و لاهو عميق ولا فيه سمك اصلا عشان يدعم كل هالاعداد من الحيتان

كلام فاضي و رخيص , مادري وين حماية المستهلك من هالناس و مقالاتهم

[غايه الطواش]

شوفو الرايه شكاتبه

واهم شي لاحظو العدد فالخبرين وانا متاكده ان الخبر قديم ونزل بالمنتدى بحاول ادور عليه
http://www.qatarshares.com/vb/showthread.php?t=515977

[abed-wolf]

ليش خايفين!؟ وحتى لو الموضوع صحيح

اسماك القرش غير مفترسة ؟

اقروا الموضوع بتمعن ..

[دلة الرسلان]

سبحان الله سخر لنا القرش يحمي حقولنا :)

[راشد محمد]

سبحان الله

[bu 3li]

ماشفت الا كم يريور على سيف امسعيد صغار طولهم ذراع او اكبر شوي ومن زمان !!
من وين طلعوا اهل الـ 9 امتار واشلون عاشوا في بحورنا ومن الاساس اشلون وصلوا عندنا !!

الواحد قبل يدش البحر يتلفت يدور لخمه ولا دول ولا قبقب بالغلط ..
الحين شكلنا بنشوف البحر من بعيد بس مب داشينه هههههههه لا مصدر للخبر ولا صور تثبت ولا شي !! خوش جرايد اللي تنشر مثل هالكلام

[┋أَجِوَدًيّ┋]

قووووية


فيه شقوق تترقع وفيه اشقوق ما تترقع !!

[سيار]

الدوحة - قنا : أسماك القرش الحوت غير المفترسة
التعليق : الله يسامحك يالجيدا على هذا الخبر .. الحين وين الواحد له نفس يروح البحر :eek5:..

يقولك غير مفترسه يعني ممكن تلبس لبس الغوص وتسبح وياها وممكن الدولة تستثمر تواجد الحيتان وتعلن بأنها منطقة سياحية ياكثرهم إلي بيونك من تايلند

[دااانة قطر]

السلام عليكم ورحمة الله وبركاته

اتمنى محاسبة الجريده على هالاخبار اللي تبث الرعب في قلوب المواطنين

- من اللي قام بعمل الدراسة ( اين مصدر الدراسه ) ؟؟؟
- لنشر اي موضوع يجب التأكد منه ونشر بعض الأدلة ؟؟



يحااسبون وكاالة الأنباااء؟؟:eek5:







خلااص انسوا البحر
رااح البحر للمشااريع

[بوعلي2]

:omg:

[intesar]

هذا أصلا كله من شارك.. مجمعهم حولينه بالبحر..

[اليحصبي]

مبين عليه قرش كيوت

[qatarshark]

هذا أصلا كله من شارك.. مجمعهم حولينه بالبحر..


كل واحد منكم عنده ربع:anger1:
حرااام يعني اجمع ربعي حوالييي:tease:

[حسن]

قووووية


فيه شقوق تترقع وفيه اشقوق ما تترقع !!




االشق اللي ماينترقع ان محمد الجيده ضابط في الجيش من وين صار خبير بيئي:victory:
الشق الثاني بعض الكائنات البحريه تتجمع عند الشعله للمحطات الانتاج سواء غاز ولا بترول
الله يعين قطر على هل الخبراء

[فلتة زمانها]

انه القرش المطفي

[حسن]

انه القرش المطفي

مطفي لون ولا مطفي صالونه
:victory:

[فلتة زمانها]

مطفي لون ولا مطفي صالونه
:victory:

لونه مطفي :p

[تاسيتوس]

مافي شيء اسمه مستحيل في الدنيا

[شنايدر]

اتوقع الكلام صحيح، لان سمعت احد زملائي الذي يعملون في الشاهين قبل سنوات، كان يقول لي هذا الكلام

[الكونتيسه غلا]

اذا الدولة استغلت هالشي وحافظت على هالنوع من الاسماك والكائنات البحرية النادرة ،،وساعدت على تكاثرها ،،
بتكون بالمستقبل منطقة سياحية ،، تجذب آلاف الناس من مختلف دول العالم :)

[العنابي 2022]

مرحباااا بالقروووش مالها عندنا الا القرووووش
ومن دخل في حمانا فهو امن
فمرحبا بها في حمى ابو مشعل

[نجم سهيل]

السلام عليكم

علشان الجماعة يتطمنون هذا تصوير حق واحد من الربع اهني فقطر بس نسيت أي صوب مع القرش الحوت .. امسحوا المسافة بين الـ you والـ tube

http://www.you tube.com/watch?v=S0zdGcACT2U

[بـن عدوان]

دام انه مب مفترس فـ عادي يعني