جلسة تداول يوم الخميس :) 28/6/2012

[قناصه]

سم الله الرحمن الرحيم

أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر.

[juma]

السلام عليكم وصبحج الله بالخير

[الريان76]

السلام عليكم ورحمه الله وبركاته

صبحكم الله بالف خير

[juma]

السلام عليكم ورحمه الله وبركاته

صبحكم الله بالف خير

وعليكم السلام وصباح الفل

[juma]

شكل قناصه ضاربه فول من الصبح ولا شرايك يا الريان

[الريان76]

شكل قناصه ضاربه فول من الصبح ولا شرايك يا الريان

:secret:انت شخبارك

ياخي ابي بيت فالشمال يصير ولا لا :shy:

[juma]

:secret:انت شخبارك

ياخي ابي بيت فالشمال يصير ولا لا :shy:

يصير بناء ولا مشترى

[قطــ86ــر]

السلام عليكم و رحمة الله و بركاته
صبحكم الله بالخير و السعادة جميعا

[juma]

السلام عليكم و رحمة الله و بركاته
صبحكم الله بالخير و السعادة جميعا

هلا وعليكم السلام وصباح النور في خبر دولي يخص المواشي اليوم بن هناك اعتراف دولي بمنتجات مواشي سمعته في وطني الحبيب صباح الخير في فقرة جرائد اليوم قسم الاخبار الاقتصاديه

[الريان76]

يصير بناء ولا مشترى

مشتري :)

[مهندس_قطري]

السلام عليكم ورحمة الله وبركاته

صبحكم الله بالخير والربح الوفير...

[hma]

السلام عليكم ورحمة الله وبركاته

صباح الخير

[مهندس_قطري]

اعتراف دولي بجودة منتجات «مواشي»

الدوحة - العرب | 2012-06-28
تم مؤخراً تكريم الشركة القطرية لتجارة اللحوم والمواشي «مواشي»، خلال المؤتمر الدولي السادس عشر لجائزة الريادة في الجودة، والذي أقيم في باريس - فرنسا، وذلك في إطار جوائز مؤسسة «Business Initiative Directions « BID.
وتعتبر الجوائز السنوية هذه، برامج عالمية المستوى ترمي إلى تكريم المعايير الاستثنائية للجودة والخدمة المتميزة، وقد جمعت هذا العام أكثر من 70 شخصية في قطاع الأعمال والشركات والتحليل الاقتصادي، إضافة إلى الأكاديميين والفنانين وحتى رجال السياسة. ونقل بيان لشركة عن أحمد ناصر سريع الكعبي، الرئيس التنفيذي العضو المنتدب لـ «مواشي»: «نتشرف ونفتخر بنيل هذا التكريم، وأن يتم اعتبارنا في مصاف الشركات الرائدة عالمياً والتي تركت بصمة واضحة في القطاعات التي تعمل بها. وأضاف : لا يزيدنا فخراً إلا تمثيلنا لدولة قطر في مثل هذا الحفل المرموق الذي خصنا بهذا اللقب المحترم تقديراً لالتزامنا الراسخ بالجودة في كافة أقسامنا العاملة».وتابع الكعبي: «تعتبر هذه الجائزة إضافة جديدة إلى مجموعة الجوائز والتكريمات التي حصلنا عليها في منطقة الشرق الأوسط وشمال إفريقيا منذ تأسيس الشركة، ونحن نعي تماماً طبيعة القطاع الذي نعمل فيه، ولهذا لا نوفر أي جهد كي نكون مثالاً يقتدى به في التميز بتقديم الخدمة». وزاد : إن هذه الجائزة لم تأت من فراغ وإنما أتت بعد التحديث والتطوير على مدار عامين متتاليين».وأعقب بقوله: «تسهم هذه الجوائز في تعزيز الالتزام الراسخ لدى كل شخص في (مواشي) بالنقاط الـ100 المتعلقة بالالتزام بالجودة QC100، وكلما كان الالتزام راسخاً أكثر، كانت النتائج المحققة للمساهمين والموظفين والشركاء أفضل. واستطرد : عملنا على ضمان تطبيق برنامج إدارة الجودة الإجمالية، الذي يسلط الضوء على التوجهات المركزة على الجودة والتي تأخذ العميل في عين الاعتبار، وتحقيق الرضا لدى فرق العاملين والموظفين لدينا، وكفاءة النظام الذي نتبعه، واستثمارنا المتواصل في التقنية، والريادة في المجتمع، وتركيزنا على تحقيق أرباح قوية ومستمرة. ومن أجل هذه الأسباب مجتمعة، وتعتبر (مواشي) في الوقت الحاضر أحد أهم اللاعبين البارزين بين الشركات في الاقتصاد القطري».واختتم الكعبي بقوله: «تمثل الجودة في شركتنا أسلوب حياة منتظما ومكملا وتنظيميا، وهي في صميم ثقافتنا المؤسسية، وتجسد مبدأ توجيهياً يضبط كل نشاط وعملية نقوم بها، بهدف تحقيق نتائج عملية مستدامة». وكان قد تم تكريم الكعبي في مايو من العام 2012 باعتباره أحد أهم الشخصيات العربية في تحقيق الأمن الغذائي في حفل أقيم في دولة الإمارات العربية المتحدة، بفضل الدور الذي لعبه في تحويل شركة «مواشي» إلى مورد متميز للحوم والمواشي، وإحداثه لتأثير إيجابي متنام في الاقتصاد المحلي. ويعد نموذج إدارة الجودة الإجمالية QC100 أسلوباً في الإدارة يستند إلى تحقيق الجودة في تقديم الخدمة كما يحددها العميل.
وقام خوسيه إي. بريتو بتأسيس « BID»، بهدف مشاركة ثقافة الجودة لدى الشركات الرائدة من كافة أنحاء العالم.
وتألف الفريق المؤسس من مهندسين وأطباء وعلماء رياضيات ومحللين اقتصاديين وخبراء اجتماع وصحافيين، ويواصل هذا الفريق المساهمة في تقديم أفكار مبتكرة، وخلق فرص ثمينة لكافة الشركات التي تحرص على الاستثمار في العمليات المرتكزة على الجودة.
وتمثل « BID» الآن إحدى أهم المؤسسات الخاصة في العالم التي تعمل على منح جوائز في الجودة على أساس مبادئ ومعايير ثابتة كتلك المطبقة في «Deming» في اليابان (للشركات اليابانية فقط)، و «Baldrige» في الولايات المتحدة (للشركات الأميركية فقط) أو «المؤسسة الأوروبية لإدارة الجودة EFQM « في أوروبا (للشركات الأوروبية فقط).

[قطــ86ــر]

هلا وعليكم السلام وصباح النور في خبر دولي يخص المواشي اليوم بن هناك اعتراف دولي بمنتجات مواشي سمعته في وطني الحبيب صباح الخير في فقرة جرائد اليوم قسم الاخبار الاقتصاديه

الحمدلله :)
بس العبرة في الـــ$$$$$ :nice:


الصبر حلو

[imar]

السلام عليكم ورحمة الله وبركاته

صباح الخير على الجميع

[juma]

مشتري :)

تبين بيت بر

[قطــ86ــر]

السلام عليكم ورحمة الله وبركاته

صبحكم الله بالخير والربح الوفير...



السلام عليكم ورحمة الله وبركاته

صباح الخير

عليكم السلام و رحمة الله و بركاته
صبااااح النور :)

[imar]

كيف أحوالكم إن شاء الله أموركم طيبة:)

[hma]

السلام عليكم ورحمة الله وبركاته

صباح الخير على الجميع

وعليكم السلام ورحمة الله وبركاته

صباح النور

[لـبـيـه]

السلام عليكم ورحمة الله وبركاته

[hma]

كيف أحوالكم إن شاء الله أموركم طيبة:)

هلا بك

الحمد لله بخير يجعلك بخير

أنت وين تختفي بالأسابيع؟

[juma]

السلام عليكم ورحمة الله وبركاته

صباح الخير على الجميع
وعليكم الاسلام والرحمه وصباح النور

[imar]

هلا بك

الحمد لله بخير يجعلك بخير

أنت وين تختفي بالأسابيع؟

والله ضغط شغل مب طبيعي:anger1:

[imar]

وعليكم الاسلام والرحمه وصباح النور

هلا بالغالي juma:)

[juma]

السلام عليكم ورحمة الله وبركاته

صبحكم الله بالخير والربح الوفير...

وعليكم السلام والرحمه و صباح النور

[juma]

هلا بالغالي juma:)

من طول الغيبات جاب الغنايم

[الريان76]

من طول الغيبات جاب الغنايم

عاد انت تموت على الغنايم :tease:

[juma]

عاد انت تموت على الغنايم :tease:

محد يعافها

[hma]

السلام عليكم ورحمة الله وبركاته

وعليكم السلام ورحمة الله وبركاته

[imar]

الأسواق العالمية جميعها مرتفعة وكذالك النفط:victory:
يارب السوق يستحي على دمه ويتحرك:rolleyes2:

[juma]

الأسواق العالمية جميعها مرتفعة وكذالك النفط:victory:
يارب السوق يستحي على دمه ويتحرك:rolleyes2:

انا احساسي مرتفع بس على قولتك بيحس هذا في علم الغيب والمشكله انه مافيه مؤشرات تعطيك الأمل

[hma]

الأسواق العالمية جميعها مرتفعة وكذالك النفط:victory:
يارب السوق يستحي على دمه ويتحرك:rolleyes2:

المشكلة السيولة ضعيفة


يعني حتى لو أن المؤشر أخضر بيكون شي بسيط وما في ارتفاع حقيقي

[imar]

المشكلة السيولة ضعيفة


يعني حتى لو أن المؤشر أخضر بيكون شي بسيط وما في ارتفاع حقيقي

كلام ساليم , ولاكن شوي أخضر نبي الناس تشوف لون غير ألاحمر:telephone:

[لـبـيـه]

يومكم احمر

[hma]

المؤشر عند 8166.98

خلال الفترة الماضية السوق كسر كثير من الدعوم ومنها 8228 ورايح ل 8105

حسب تحليل مستثمر خطير

[hma]

كلام ساليم , ولاكن شوي أخضر نبي الناس تشوف لون غير ألاحمر:telephone:

البرتقالي زين :tease:

[imar]

البرتقالي زين :tease:

هههههههههههههههههههههههههه

[hma]

نقترب من الافتتاح

[hma]

نقترب أكثر من الافتتاح

تمسكوا :)

[hma]

ضربة البداية

10 - نقطة

[المسعف]

السلام عليكم يا الربع

[hma]

قطر وعمان

حرب حول 12.9

[hma]

السلام عليكم يا الربع

وعليكم السلام

[شذى الورد]

السلام عليكم ورحمة الله وبركاته
صباح الخير ع الجميع :)

[المسعف]

السلام عليكم ورحمة الله وبركاته
صباح الخير ع الجميع :)
صباح النور

[hma]

السلام عليكم ورحمة الله وبركاته
صباح الخير ع الجميع :)

وعليكم السلام ورحمة الله وبركاته

صباح النور

[hma]

شعللت مزايا

12.5

[hma]

قطر وعمان قريب 13

[hma]

يا سلام يا صناعات

127

[hma]

3 + نقطة

12 مليون

[bo3adel]

السلام عليكم ورحمة الله وبركاته

شحالكم جميع عساكم طيبين .. وصباح الويكند ^_^

[bo3adel]

قسم بالله دلاله مستحيييييييييييله هههههههههههههههههه

[hma]

المستثمرين 25

[hma]

السلام عليكم ورحمة الله وبركاته

شحالكم جميع عساكم طيبين .. وصباح الويكند ^_^

وعليكم السلام ورحمة الله وبركاته

هلا هلا

[bo3adel]

وعليكم السلام ورحمة الله وبركاته

هلا هلا

هلا فيك .. مادري ليش جفت نكك استانست :tease:

ياخي البوووووووووووووووووووووس قاهرني :rolleyes2:

[المسعف]

السلام عليكم ورحمة الله وبركاته

شحالكم جميع عساكم طيبين .. وصباح الويكند ^_^
طيبين طاب حالك ، صباح ويكند تو

[شذى الورد]

http://www10.0zz0.com/2012/06/26/08/572680454.jpg
الحمدلله ( هذا من فضل ربي )
مبرووك قطر وعمان وصلت الهدف الثالث
ما طالبوني شي :nice:
انا اطالبكم
وين عمولتي :sneaky:

[hma]

هلا فيك .. مادري ليش جفت نكك استانست :tease:

ياخي البوووووووووووووووووووووس قاهرني :rolleyes2:

حبيب ألبي :)

ليش قاهرك البوس؟

[hma]

http://www10.0zz0.com/2012/06/26/08/572680454.jpg
الحمدلله ( هذا من فضل ربي )
مبرووك الهدف الثالث
ما طالبوني شي :nice:
انا اطالبكم
وين عمولتي :sneaky:

جزاك الله خير

عمولتك الدعاء من الناس يا محللتنا :nice:

[bo3adel]

حبيب ألبي :)

ليش قاهرك البوس؟

ابي ابيع الميره واشتري المستثمرين من الصبح وهو ساحب علي :rolleyes2:

وماعندي لا اليوزر ولا شي :weeping: :anger1:

هذي حالة بذمتك :whistling:

[hma]

المستثمرين 25.15

يا سلام

[hma]

ابي ابيع الميره واشتري المستثمرين من الصبح وهو ساحب علي :rolleyes2:

وماعندي لا اليوزر ولا شي :weeping: :anger1:

هذي حالة بذمتك :whistling:

يبي مصلحتك :secret:

[شذى الورد]

جزاك الله خير

عمولتك الدعاء من الناس يا محللتنا :nice:

ويجزاك خير يارب
دعوه طيبه في ظهر الغيب تكفيني :)

[bo3adel]

يبي مصلحتك :secret:

مانقول الا الحمدلله :victory:

بس الفكره كانت تعويض راس مال فقط لاغير :tease: بس مالك فالطيب نصيب

ومبروك عليك قطر وعمان صراحه استانست لك تستاهل انت وبوفلان

[قناصه]

http://www10.0zz0.com/2012/06/26/08/572680454.jpg
الحمدلله ( هذا من فضل ربي )
مبرووك قطر وعمان وصلت الهدف الثالث
ما طالبوني شي :nice:
انا اطالبكم
وين عمولتي :sneaky:

ممتاز ممتاز

والف مبرووك لكل من ربح فيها




نبي شركه غيرها !!@@

[bo3adel]

ويجزاك خير يارب
دعوه طيبه في ظهر الغيب تكفيني :)

تستاهلين دعوه في ظهر الغيب يا مس شذى الورد .. دخلتي السرور على الربع :victory:

[hma]

مانقول الا الحمدلله :victory:

بس الفكره كانت تعويض راس مال فقط لاغير :tease: بس مالك فالطيب نصيب

ومبروك عليك قطر وعمان صراحه استانست لك تستاهل انت وبوفلان

الله يرزقنا وإياكم بالحلال

[bo3adel]

ممتاز ممتاز

والف مبرووك لكل من ربح فيها


نبي شركه غيرها !!@@
يقولون والعهده ع الراوي المستثمرين فيها ارتداد طيب .. مب تخسرين وتقولين بوعادل قال :tease:

[hma]

ممتاز ممتاز

والف مبرووك لكل من ربح فيها




نبي شركه غيرها !!@@

دفعتي الاشتراك الشهري؟

[bo3adel]

13 كفو يا قطر وعمان .. ابيها توصل عشرين عشان شخص واحد ياورلد بوس وقول ان شاء الله توصل

[شذى الورد]

ممتاز ممتاز

والف مبرووك لكل من ربح فيها




نبي شركه غيرها !!@@


ان شاء الله :nice:

[hma]

13 كفو يا قطر وعمان .. ابيها توصل عشرين عشان شخص واحد ياورلد بوس وقول ان شاء الله توصل

أنا بعت على 12.95

خلها تنزل شوي نرجع نشتري :secret:

[شذى الورد]

تستاهلين دعوه في ظهر الغيب يا مس شذى الورد .. دخلتي السرور على الربع :victory:

الله يجزاك خير يارب :)

[قناصه]

يقولون والعهده ع الراوي المستثمرين فيها ارتداد طيب .. مب تخسرين وتقولين بوعادل قال :tease:

ممتازه ..


دفعتي الاشتراك الشهري؟

:rolleyes2: حق شنو وليش

[bo3adel]

أنا بعت على 12.95

خلها تنزل شوي نرجع نشتري :secret:

معليك بيهدي السهم شوي وبتلمه على سعر حلو :victory: باذن الله

[hamad-007]

السلام عليكم

[bo3adel]

السلام عليكم

عليكم السلام ورحمة الله وبركاته

[hma]

ممتازه ..



:rolleyes2: حق شنو وليش

علشان أنا وشذى نحللك الأسهم :telephone:


السلام عليكم

وعليكم السلام

[hma]

حرب في قطر وعمان على 13

[hamad-007]

ان شاء الله نشوف ارتداد في م المستثمريين

[bo3adel]

ان شاء الله نشوف ارتداد في م المستثمريين

ان شاء الله .. يستاهلون ملاكها :victory:

[bo3adel]

ورلد بوس شرايك شنو موتر كلاسك اوكي ف الدوحه ؟ بما انك شخص برستيج وجي

[bo3adel]

كفو الرعايه 38 .. عساها تطيير فوق

[قناصه]

مزايا ارتداد حلوو ..

[bo3adel]

مزايا ارتداد حلوو ..

قناصه .. تدرين في نظريه تقول اذا تحسين ان شي بيصير معاناته غالباً يصير

انا شكلي بمشي على توقعاتي دوم بدال مانطر التحليل هههههههههههههههه :tease::victory:
واذا تبين استشاره باخذ عليج نسبه

[sendarala]

السلام عليكم ورحمة الله وبركاته

صباح الخير على الجميع

[bo3adel]

السلام عليكم ورحمة الله وبركاته

صباح الخير على الجميع

عليكم السلام ورحمة الله وبركاته

صباح النور ابله سندرلا .. :tease:

[قناصه]

ورلد بوس شرايك شنو موتر كلاسك اوكي ف الدوحه ؟ بما انك شخص برستيج وجي

ببيع سيارتي الحاليه على شهر 9 لاني طالبه سياره بتوصل ان شالله ...

موديل 2008 تشتري ب 300 الف @@

[hma]

ورلد بوس شرايك شنو موتر كلاسك اوكي ف الدوحه ؟ بما انك شخص برستيج وجي

كورولا 2012 , شنابر, أسود مطفي :secret:


السلام عليكم ورحمة الله وبركاته

صباح الخير على الجميع

وعليكم السلام ورحمة الله وبركاته

صباح النور أبله سندريلا

[hma]

ببيع سيارتي الحاليه على شهر 9 لاني طالبه سياره بتوصل ان شالله ...

موديل 2008 تشتري ب 300 الف @@

شالدعوة

سني ب 300 ألف؟

[قناصه]

قناصه .. تدرين في نظريه تقول اذا تحسين ان شي بيصير معاناته غالباً يصير

انا شكلي بمشي على توقعاتي دوم بدال مانطر التحليل هههههههههههههههه :tease::victory:
واذا تبين استشاره باخذ عليج نسبه

قانون الجذب ..

اي نعم انا مؤمنه بهالشي

[sendarala]

عليكم السلام ورحمة الله وبركاته

صباح النور ابله سندرلا .. :tease:

هلا والله فيك اخوي بوعادل

[bo3adel]

ببيع سيارتي الحاليه على شهر 9 لاني طالبه سياره بتوصل ان شالله ...

موديل 2008 تشتري ب 300 الف @@

طالبه سياره = مرسدس اشكره وشكلج ماخذه سي ال اس

بعدين شهالسياره اللي بـ 300 الف

اخذ لي كيان احسن مواصفات يطلع لي ارخص لا واصفار بعد :tease:

[قناصه]

شالدعوة

سني ب 300 ألف؟

هههههههههههههههه

الله يهديك وراي سفر وومناسبات وسياره جديده

مصاريف وايد

[sendarala]

كورولا 2012 , شنابر, أسود مطفي :secret:



وعليكم السلام ورحمة الله وبركاته

صباح النور أبله سندريلا

هلا والله فيك اخوي worldboss

[bo3adel]

هههههههههههههههه

الله يهديك وراي سفر وومناسبات وسياره جديده

مصاريف وايد

يا هالسفر ذي اللي كل ويكند تطلعين لنا فيه :tease:

اخر شي كله دبي ومافي الا ذاك اليوم بالغلط المالديف مادري وين :tease: هههههههههههه

[قناصه]

طالبه سياره = مرسدس اشكره وشكلج ماخذه سي ال اس

بعدين شهالسياره اللي بـ 300 الف

اخذ لي كيان احسن مواصفات يطلع لي ارخص لا واصفار بعد :tease:

:secret:

المرسيدس والكيان الدفعات الجديده كلها بتوصل شهر 10 و 11

[قناصه]

يا هالسفر ذي اللي كل ويكند تطلعين لنا فيه :tease:

اخر شي كله دبي ومافي الا ذاك اليوم بالغلط المالديف مادري وين :tease: هههههههههههه

شسوي هالاجازه ماحجزتها من قبل ... :( لاتحرني بس

[bo3adel]

شسوي هالاجازه ماحجزتها من قبل ... :( لاتحرني بس

ههههههههههههههههه ماظن حد محتر كثري

هلي رايحين سويسرا وايطاليا وفرنسا وانا قاعد محكور هني اخذ صيفي :anger1:

هني القهر

[hma]

13 مش سهلة في قطر وعمان

[hma]

ههههههههههههههههه ماظن حد محتر كثري

هلي رايحين سويسرا وايطاليا وفرنسا وانا قاعد محكور هني اخذ صيفي :anger1:

هني القهر

يعني أنا اللي في سويسرا :eek5:

كل اللي في الجلسة مصيفين في الدوحة :weeping:

[هداية]

السلام عليكم ورحمة الله

صبحكم الله بالخير والرضى،،

الله يجزاكم خير، ودي استشيركم أول مرة أدخل السوق وعندي 150 ، وبغيت شركات إسلامية 100%
شنهي الخيارات والاستثمار سنة أو سنتين؟؟ وبارك الله فيكم

[hma]

الملاحة 59

حرااااام

[bo3adel]

السلام عليكم ورحمة الله

صبحكم الله بالخير والرضى،،

الله يجزاكم خير، ودي استشيركم أول مرة أدخل السوق وعندي 150 ، وبغيت شركات إسلامية 100%
شنهي الخيارات والاستثمار سنة أو سنتين؟؟ وبارك الله فيكم

عليكم السلام ورحمة الله وبركاته وصباح النور


اذا بتحط الفلوس وتنساهم .. بنك الريان الانسب من وجهة نظري

الشركات الاسلاميه اللي اعرفها .. الريان .. مجموعة المستثمرين .. الرعايه .. مزايا .. واتوقع بروه .. والمواشي .. واتوقع الميره

هذا والعلم عند رب العالمين

[hma]

السلام عليكم ورحمة الله

صبحكم الله بالخير والرضى،،

الله يجزاكم خير، ودي استشيركم أول مرة أدخل السوق وعندي 150 ، وبغيت شركات إسلامية 100%
شنهي الخيارات والاستثمار سنة أو سنتين؟؟ وبارك الله فيكم

وعليكم السلام ورحمة الله وبركاته

صباح النور

أهلا وسهلا فيج :victory:

أنا تخصصي أسهم ربوية فقط

قناصة مطوعة ممكن تنصحج

[hma]

كوكو 105.7

[bo3adel]

وعليكم السلام ورحمة الله وبركاته

صباح النور

أهلا وسهلا فيج :victory:

أنا تخصصي أسهم ربوية فقط

قناصة مطوعة ممكن تنصحج

ههههههههههههههههههههههههه مستانس بعد

[قناصه]

ههههههههههههههههه ماظن حد محتر كثري

هلي رايحين سويسرا وايطاليا وفرنسا وانا قاعد محكور هني اخذ صيفي :anger1:

هني القهر

ههههههههههه احسن

ترا انا نفس الحاله ويحرونك ويحطون صور الشوارع والقهاوي والجو والطبيعه :weeping:

[hma]

ههههههههههههههههههههههههه مستانس بعد

:nice:

قررت أتوب من الأسهم كلها

بتجه لتجارة السلاح :omg:

[الريان76]

وعليكم السلام ورحمة الله وبركاته

صباح النور

أهلا وسهلا فيج :victory:

أنا تخصصي أسهم ربوية فقط

قناصة مطوعة ممكن تنصحج

انصحني:shy:

[bo3adel]

:nice:

قررت أتوب من الأسهم كلها

بتجه لتجارة السلاح :omg:

تبي شريك؟

احلى شي اني انكبك وتنسجن عقب :tease: ويعطوني فلوس

[قناصه]

وعليكم السلام ورحمة الله وبركاته

صباح النور

أهلا وسهلا فيج :victory:

أنا تخصصي أسهم ربوية فقط

قناصة مطوعة ممكن تنصحج

ههههههههههههههههههههههههههههه

استغفر الله

[hma]

ههههههههههه احسن

ترا انا نفس الحاله ويحرونك ويحطون صور الشوارع والقهاوي والجو والطبيعه :weeping:

أنت الحين مديرة قسم في المركزي

وراتبج شكبر

ليش ما حجزتي من الأول؟

[الريان76]

تبي شريك؟

احلى شي اني انكبك وتنسجن عقب :tease: ويعطوني فلوس

:funny:

[bo3adel]

أنت الحين مديرة قسم في المركزي

وراتبج شكبر

ليش ما حجزتي من الأول؟

تنطر خصومات القطريه :taunt:

[hma]

انصحني:shy:

هههههههههههههههههههههه

عندي لج سهم يالريان

مش ممكن بس أما يخلص تسخين

حرام 200% :tease:


تبي شريك؟

احلى شي اني انكبك وتنسجن عقب :tease: ويعطوني فلوس

شالدعوة بتبلغ عني :weeping:




ههههههههههههههههههههههههههههه

استغفر الله

الله يهديج بس وتشترين في الأسهم الربوية :omg: :secret:

[hma]

تنطر خصومات القطريه :taunt:

:funny:

[bo3adel]

هههههههههههههههههههههه

عندي لج سهم يالريان

مش ممكن بس أما يخلص تسخين

حرام 200% :tease:
:omg: :secret:
وانا كله عبالي السهم حلال 100% وانطر اقول متى يخلص التسخين طلع ربوي :tease:

[الريان76]

وانا كله عبالي السهم حلال 100% وانطر اقول متى يخلص التسخين طلع ربوي :tease:

انتظر:telephone:

[hma]

وانا كله عبالي السهم حلال 100% وانطر اقول متى يخلص التسخين طلع ربوي :tease:

ههههههههههههه

لا مش ربوي

مختلط

[bo3adel]

الرعايه 38.30 ان شاء الله فوق

كفو .. قالها البوس انت مافيك صبر ههههههههههههه

[bo3adel]

ههههههههههههه

لا مش ربوي

مختلط

معاك اللي مناحس وقايل مايدش الا 100% نقي :tease:

كيفك دبر لي شي ثاني الحين :shy::victory::telephone:

[المسعف]

السلام عليكم ورحمة الله

صبحكم الله بالخير والرضى،،

الله يجزاكم خير، ودي استشيركم أول مرة أدخل السوق وعندي 150 ، وبغيت شركات إسلامية 100%
شنهي الخيارات والاستثمار سنة أو سنتين؟؟ وبارك الله فيكم
1- الريان
2- المواشي
3- الخليج التكافلي
4- بروة
5- المستثمرين
وعند الله التوفيق

[hma]

معاك اللي مناحس وقايل مايدش الا 100% نقي :tease:

كيفك دبر لي شي ثاني الحين :shy::victory::telephone:

الحين كل اللي تسويه في أمريكا وجيت عند الأسهم وصرت مطوع؟؟!!!!! :tease:

انحرف ياخي

[الريان76]

الحين كل اللي تسويه في أمريكا وجيت عند الأسهم وصرت مطوع؟؟!!!!! :tease:

انحرف ياخي

:omg::omg::omg:

[hma]

:omg::omg::omg:

أكيد مستغربة من "اللي يسويه في أمريكا" :tease:

[bo3adel]

الحين كل اللي تسويه في أمريكا وجيت عند الأسهم وصرت مطوع؟؟!!!!! :tease:

انحرف ياخي

مسكين انا .. ترى مطوع في امريكا لايغرك :tease:

مافي امل الا في هالشي هههههههههههههههه اقول حق البوس ذاك اليوم قطر وعمان ممتازه يقول اشتر .. قلت له لا مختلطه قال في ناس يطلعون تطهير ... شكيت ف الموضوع

[bo3adel]

:omg::omg::omg:

الريان شدعوه ترضين علي ؟ :"(

[الريان76]

الريان شدعوه ترضين علي ؟ :"(

اكيد لا:nice:اعرفك مؤدب

[hma]

مسكين انا .. ترى مطوع في امريكا لايغرك :tease:

مافي امل الا في هالشي هههههههههههههههه اقول حق البوس ذاك اليوم قطر وعمان ممتازه يقول اشتر .. قلت له لا مختلطه قال في ناس يطلعون تطهير ... شكيت ف الموضوع

يعني بني أمية يتبلا عليك؟ :)

[bo3adel]

يعني بني أمية يتبلا عليك؟ :)

بل مالقيت الا بو قلب ابيض عاد يتبلى :tease: قول حد ثاني بقول معليه

[hma]

اكيد لا:nice:اعرفك مؤدب

ما تعرفين شي

أنت مسكينة

ذاك اليوم شايفينة في ***** :omg:

قاعد مع **** :secret:

وقاعد يسوون **** :eek5: :shy:

استغفر الله

يالله حسن الخاتمة

[المسعف]

المستثمرين ٢٥.٢٠

[مغروور قطر]

السلام عليكم ورحمه الله وبركاته

صبحكم الله

[المسعف]

ما تعرفين شي

أنت مسكينة

ذاك اليوم شايفينة في ***** :omg:

قاعد مع **** :secret:

وقاعد يسوون **** :eek5: :shy:

استغفر الله

يالله حسن الخاتمة
هههه حلو الشرح :nice:

[المسعف]

السلام عليكم ورحمه الله وبركاته

صبحكم الله
يا مرحباً بالمشرف العام

[bo3adel]

السلام عليكم ورحمه الله وبركاته

صبحكم الله

عليكم السلام ورحمة الله وبركاته

صبحك الله بالنور والرزق ان شاء الله

[مغروور قطر]

كيفكم

[مغروور قطر]

علووومكم مع السوق

[الريان76]

ما تعرفين شي

أنت مسكينة

ذاك اليوم شايفينة في ***** :omg:

قاعد مع **** :secret:

وقاعد يسوون **** :eek5: :shy:

استغفر الله

يالله حسن الخاتمة

بس هاي :)

انا قلت في شي اكبر :shy:

خله يستانس توة صغير:tease:

[hma]

السلام عليكم ورحمه الله وبركاته

صبحكم الله

وعليكم السلام ورحمة الله وبركاته

صباح النور كابتن



هههه حلو الشرح :nice:

شوفي يالريان

هذا المسعف طلع يعرف اللي أنا اعرفه :secret:

[hma]

بس هاي :)

انا قلت في شي اكبر :shy:

خله يستانس توة صغير:tease:

:rolleyes2: :rolleyes2:

[مغروور قطر]

لا لا يامزمز يا دلووعه 12.61

[الريان76]

لا لا يامزمز يا دلووعه 12.61

كيفك مشرفناااااااااااااا:nice:

[مغروور قطر]

اخوي الغالي ورودبوس شحالك حد زعلك او شي

[مغروور قطر]

كيفك مشرفناااااااااااااا:nice:

نوووت باااد

[مغروور قطر]

يالله ياصناعات دخلنا فيها امس وان شاء الله الى 130

[bo3adel]

يالله ياصناعات دخلنا فيها امس وان شاء الله الى 130

آمين كابتن

[مغروور قطر]

آمين كابتن

وانت وش مسوي مع السوق

[مغروور قطر]

السيولة 71 مليون

[bo3adel]

وانت وش مسوي مع السوق

خساير مالها داعي :secret: بس معليك ان شاء الله مثل ما خسرنا بندبل الارباح ^_^

مثل ماوعدتك شهر 8 ان شاء الله بخاويك في مزايا لـ سنتين قدام :tease:

تعال برز العيديه انت + ورلد بوس .. صار لي 3 سنين ونص ماعيدت ف الدوحه :weeping:

[مغروور قطر]

خساير مالها داعي :secret: بس معليك ان شاء الله مثل ما خسرنا بندبل الارباح ^_^

مثل ماوعدتك شهر 8 ان شاء الله بخاويك في مزايا لـ سنتين قدام :tease:

تعال برز العيديه انت + ورلد بوس .. صار لي 3 سنين ونص ماعيدت ف الدوحه :weeping:

هههههههه ابشر

[hma]

اخوي الغالي ورودبوس شحالك حد زعلك او شي

حبيبي والله يا مغروور

لا والله الشباب الله يرضى عليهم شايليني على كفوف الراحة :)

[مغروور قطر]

حبيبي والله يا مغروور

لا والله الشباب الله يرضى عليهم شايليني على كفوف الراحة :)

اي ملاحظ صاير دلوووع

[hma]

خساير مالها داعي :secret: بس معليك ان شاء الله مثل ما خسرنا بندبل الارباح ^_^

مثل ماوعدتك شهر 8 ان شاء الله بخاويك في مزايا لـ سنتين قدام :tease:

تعال برز العيديه انت + ورلد بوس .. صار لي 3 سنين ونص ماعيدت ف الدوحه :weeping:

صحيح

برز العيدية لي ولأبوعادل :secret: :shy:

[bo3adel]

هههههههه ابشر

تبشر بالجنه ان شاء الله

احساسي يقول يوم العيد بنصك باند جامممممممممممد ياورلدبوس :eek5:

[hma]

اي ملاحظ صاير دلوووع

من يوم ما عرفوا أني اعرفك ومعاملتهم صارت 5 نجوم :shy:

[hma]

تبشر بالجنه ان شاء الله

احساسي يقول يوم العيد بنصك باند جامممممممممممد ياورلدبوس :eek5:

يمكن

أنت لازم تدفع عيدية لمغروور مش تطلب منه :secret:

[bo3adel]

يمكن

أنت لازم تدفع عيدية لمغروور مش تطلب منه :secret:

يستاهل مغرور :victory:

بس انت ضبطني عشان يستوي عندي شي عدل عشان اعطيه :tease:

[الاستثمار]

السلام عليكم ورحمة الله وبركاته

[bo3adel]

السلام عليكم ورحمة الله وبركاته

عليكم السلام ورحمة الله وبركاته

مرحبا الاستثمار

[مغروور قطر]

من يوم ما عرفوا أني اعرفك ومعاملتهم صارت 5 نجوم :shy:

انت اصلن فارض احترامك

بس عاد وايد مدحتك

[مغروور قطر]

يستاهل مغرور :victory:

بس انت ضبطني عشان يستوي عندي شي عدل عشان اعطيه :tease:

تسلم لي ياريت 500 يورو

[مغروور قطر]

عليكم السلام اخوي الاستثمار

[مغروور قطر]

صناعات تعنفص

[bo3adel]

تسلم لي ياريت 500 يورو

بس ؟ عبالي بتقول باوند ولا شي

ابشر رقم حسابك نفسه ماتغير اللي في الوطني :tease:

[مغروور قطر]

دخلنا في الاحمر

[مغروور قطر]

بس ؟ عبالي بتقول باوند ولا شي

ابشر رقم حسابك نفسه ماتغير اللي في الوطني :tease:

0044000000

[المسعف]

يمكن

أنت لازم تدفع عيدية لمغروور مش تطلب منه :secret:


السلام عليكم ورحمة الله وبركاته
وعليكم السلام

[مغروور قطر]

راحت صناعات

[مغروور قطر]

مزايا تتحرك

[bo3adel]

كفو مزمز 12.70

[الاستثمار]

اخباركم مع السوق

[مغروور قطر]

اخباركم مع السوق

ضاربين ومضروبين

[hma]

يستاهل مغرور :victory:

بس انت ضبطني عشان يستوي عندي شي عدل عشان اعطيه :tease:

http://www13.0zz0.com/2012/06/28/08/271839381.jpg (http://www.0zz0.com)


السلام عليكم ورحمة الله وبركاته

وعليكم السلام ورحمة الله وبركاته




انت اصلن فارض احترامك

بس عاد وايد مدحتك

والله الكل في المنتدى محترم

وأنا اتشرفت في معرفت الجميع

[bo3adel]

كأن السوق خثر شوي

[الاستثمار]

علوم قطر وعمان معاكم اشوف انها حالفة ما تخترق 13

[مغروور قطر]

المؤشر يرجع للاخضر

[مغروور قطر]

علوم قطر وعمان معاكم اشوف انها حالفة ما تخترق 13

المقاومه مش سهله

[الاستثمار]

المقاومه مش سهله

صحيح :nice:

[الاستثمار]

مزايا عجيبه اليوم

[الاستثمار]

حرب ضروس بقطر وعمان ما بين الثيران والدببه

[مغروور قطر]

السيولة 92 مليون

[مغروور قطر]

مزايا عجيبه اليوم

:victory::victory:

[مغروور قطر]

المستثمرين على 25

[hma]

بطبطت صناعات

126

[الاستثمار]

قطر وعمان ان شاء الله انها تنطلق

[الاستثمار]

تم شراء مزايا

[مغروور قطر]

بطبطت صناعات

126

ادعي لها

[hma]

تم شراء مزايا

الله يوفقك :victory:

[مغروور قطر]

تم شراء مزايا

الف مبروك

[مغروور قطر]

قطر وعمان تتراجع

[hma]

اللهم عافي صناعات

وإن شاء الله تروح ل 180

[مغروور قطر]

اللهم عافي صناعات

وإن شاء الله تروح ل 180

:nice::nice::nice:

[مغروور قطر]

السوق يبي له باقي ساعه

[hma]

كوكو تحترق

104.5

[مغروور قطر]

كوكو تحترق

104.5

اتصل على فودا تساعدها

[الاستثمار]

الف مبروك

الله يبارك فيك

[قناصه]

السوق يبي له باقي ساعه

اليوم طووويل جدا"

[مغروور قطر]

اليوم طووويل جدا"

هلا جناصه شلونج

[hma]

اتصل على فودا تساعدها

هههههههههههه

أتوقع قريبة من الارتداد

[مغروور قطر]

اف يعمق المؤشر بانخفاض 24

[hma]

صناعات

تغرق

تغرق

تغرق

[الريان76]

صناعات

تغرق

تغرق

تغرق

:nice:

[الاستثمار]

شسالفة كوكو

[مغروور قطر]

صناعات

تغرق

تغرق

تغرق

بترجع لاتحاتي اتوقع الان

[hma]

كيوتل بترتد بأي لحظة

الدعم المتوقع الارتداد منه 102.5

إن شاء الله ينجح التوقع

[الاستثمار]

امن السواحل عندنا حالات غرق
الدفاع المدني عندنا حالات حرق

[مغروور قطر]

كيوتل بترتد بأي لحظة

الدعم المتوقع الارتداد منه 102.5

إن شاء الله ينجح التوقع

:telephone::telephone:

[الاستثمار]

شرايكم بكيوتل حاليا

[hma]

:telephone::telephone:


شرايكم بكيوتل حاليا

أنا دخلت ع السهم

الله يوفقنا وإياكم

[الاستثمار]

أنا دخلت ع السهم

الله يوفقنا وإياكم

الخوف انه يتجه الى مستويات اقل من 100

[مغروور قطر]

-31 نقطة والسيولة 116 مليون

[hma]

الخوف انه يتجه الى مستويات اقل من 100

أنا شخصيا

ما أتوقع

مع أنه ممكن يكون كلامك صحيح مع شح السيولة

[مغروور قطر]

12.85 قطر وعمان

[مغروور قطر]

قطر وعمان ممكن تهبط تحت 12.80

[الاستثمار]

عندي احساس مزايا الاسبوع الجاي تسوي اكشن

[مغروور قطر]

عندي احساس مزايا الاسبوع الجاي تسوي اكشن

نفس احساسك

[مغروور قطر]

اليورو عند أدنى مستوى في 3 أسابيع أمام الدولار قبل قمة أوروبية

[الاستثمار]

نفس احساسك

:nice::nice:

[ame32480]

السلام عليكم ورحمه الله وبركاته
صبحكم/مساكم الله بالخير جميعا

[مغروور قطر]

السلام عليكم ورحمه الله وبركاته
صبحكم/مساكم الله بالخير جميعا

عليكم السلام ومساء الورد

[الاستثمار]

السلام عليكم ورحمه الله وبركاته
صبحكم/مساكم الله بالخير جميعا

وعليكم السلام ورحمة الله وبركاته

[قطــ86ــر]

ورلد بوس امس دافع فاتورته
بتشوفون ارباح كيوطل قريبا :)

[juma]

القوه شباب وين راحت أرباح الصباح اكلها المساء

[ame32480]

:rolleyes2: سوقنا العالمي

[hma]

السلام عليكم ورحمه الله وبركاته
صبحكم/مساكم الله بالخير جميعا

وعليكم السلام ورحمة الله وبركاته

مساء النور


ورلد بوس امس دافع فاتورته
بتشوفون ارباح كيوطل قريبا :)

ليش سربت الخبر؟ :anger1:

[الاستثمار]

اخبار كيوتل بخصوص الاستحواذ على الحصة المتبقية من الوطنية الكويتية

[قناصه]

القوه شباب وين راحت أرباح الصباح اكلها المساء

الله ذكرتني في مطعم صباح ومسا

[قطــ86ــر]

ليش سربت الخبر؟ :anger1:


ورلد بوس امس ........... فاتورته
بتشوفون ارباح كيوطل قريبا :)

هيك احسن؟ :telephone:

[قناصه]

اليورو عند أدنى مستوى في 3 أسابيع أمام الدولار قبل قمة أوروبية

عيل نشتري يورو

بس الاوضاع تخوف الصراحه

[مغروور قطر]

الله ذكرتني في مطعم صباح ومسا

الجوع ومايسوي

[juma]

الله ذكرتني في مطعم صباح ومسا

الله كريم سوق يأكل ما يعطي الحمدلله على كل حالة

[مغروور قطر]

عيل نشتري يورو

بس الاوضاع تخوف الصراحه
اذا لسفر اشتري

[قناصه]

الجوع ومايسوي
ههههههههه اي والله

الله كريم سوق يأكل ما يعطي الحمدلله على كل حالة

الله كريم

[مغروور قطر]

مزمز تغرق

[الاستثمار]

مزايا ياهل مزايا

[قناصه]

نشوفكم يوم الاحد على خير

واجازه سعيده :)

[مغروور قطر]

السوق الان في موجة بيع كثيف قطر وعمان تحت 12.70

[مغروور قطر]

نشوفكم يوم الاحد على خير

واجازه سعيده :)

اجازة سعيدة اختي

[الاستثمار]

تحويل سيولة حاليا من والى

[ame32480]

نشوفكم يوم الاحد على خير ياجماعه
اتمنى لكم اجازه سعيده

[juma]

انا مسافر نيويورك الاثنين انشاءالله بس المصرف الاسلامي يقولك بطاقته ما تمشي هناك هل هذه حقيقه ولا لا الفيزا تمشي بس الصراف الآلي ما تمشي حد عه فكره الله لا يهينكم

[مغروور قطر]

سوق مسقط: المؤشر يعود للارتفاع في ختام جلسات الاسبوع مسجلا 5690 نقطة (+ 0.7 %).. بقيادة اسهم بنك مسقط
أرقام - 28/06/2012 التعليقات 0 عاد مؤشر سوق مسقط للأوراق المالية للارتفاع بنهاية تعاملات الاسبوع، بعد تراجع دام جلستين متتاليتين، مغلقا عند 5690 نقطة، بمقدار 0.7 %، مرتفعا بــ 37 نقطة، وسط ارتفاع التداولات والتي بلغت قيمتها بنهاية الجلسة 8 ملايين ريال عماني .

وكانت اسهم بنك مسقط هي القائد الرئيسي لإرتفاع المؤشر العام بعد ارتفاعها بأكثر من 1 % عند 0.593 ريال .

وارتفع 22 سهما اخر، من بين 52 سهما تم التداول بها، تقدمها "مسقط للغازات" المرتفع بـ 5.1 % عند 0.820 ريال، كأعلي سعر اغلاق له منذ عام 2006، وذلك عقب اعلان احد الملاك الرئيسيون بيع حصتها في الشركة، كما ارتفعت اسهم "اتش اس بي سي"و"عمانتيل" بأكثر من 1 % لكليهما عند 0.245 ريال للاول، و1.337 ريال للثاني .

في حين، تراجعت اسهم 14 شركة، ابرزها "عمان والامارت" المتراجع بـنسبة 4 % عند 0.120 ريال، وهبط سهم "الحسن الهندسية" بــ 3.2 % عند 0.179 ريال، كما انخفضت اسهم "اومنفيست"و"اونك القابضة" بنسبة 1.3 % لكليهما .

[مغروور قطر]

نشوفكم يوم الاحد على خير ياجماعه
اتمنى لكم اجازه سعيده

الله يحفظك

[قطــ86ــر]

كوكو استعدلت.. :nice:

[مغروور قطر]

اتوقع ارتداد لصناعات والدعم على 125

[bo3adel]

انا مسافر نيويورك الاثنين انشاءالله بس المصرف الاسلامي يقولك بطاقته ما تمشي هناك هل هذه حقيقه ولا لا الفيزا تمشي بس الصراف الآلي ما تمشي حد عه فكره الله لا يهينكم

كلم البنك قولهم لاتحطوون هولد ع البطاقه

بالنسبه لنا هني نسحب من الوطني عادي .. واتوقع في شباب يسحبون بكرت الريان عادي اما المصرف محد من الربع عنده .. يفضل تكلمهم وتقولهم انك مسافر وماتبي لو سحبت من برع يصير هولد ع البطاقه .. عشان ماتتوهق في امريكا

ونصيحه لك .. لاتشيل كاش وايد في مخباك

[hma]

ما قبل الاغلاق

[مغروور قطر]

ماقبل الاغلاق يبدء