استفسار حول حمام سباحة داخل البيت .. لاصحاب الخبرة

[محمد]

السلام عليكم ..

حاليا انا عاكف على عمل خوارط بيتي ان شاءالله ..
وافكر بصراحة بعمل حمام سباحة داخل البيت ..

لعدة اسباب من اهمها عشان اسيطر عليه ان شاءالله عن اليهال .. وللشكل ايضا عشان يكون مفتوح على الصالة ..

انا ابي اراء الي جربوا او يعرفون تجارب ناس قاموا بنفس هالشي ..

من جميع النواحي .. هل تحتاج تجهيزات خاصة غير عن حمام السباحة الخارجي ؟
التكلفة المتوقعة ؟
الايجابيات والسلبيات للي يعرف او قام بهالفكرة .. ؟

للمعلومية الحوض مساحته 8*5


تحياتي

[تركواز]

شلون تسيطر عليه عن اليهال وهو مفتوح ع الصاله ؟؟؟؟؟؟؟؟
اشوف خارجي ومسكر ومركب عليه الارم مال المسابح عن الاطفال احسن

[معماري قطري]

عليكم السلام

يا اخوي وضح وين بيكون الحوض .. وإذا مغطى بالكامل وفي بيسمنت مثلاً بتفتقد الشمس اللي هي ضرورية وإذا شبه خارجي وبتغطيه شوف موضوع حوض سباحة مغلق .. انا باضيف عليه نصائح مهمة للكل يطلع عليها حتى يعرف شيخطط له قبل التنفيذ والعقد مع المقاول.

[king999]

يا اخوان اتوقع اخونا يقصد ان البيت يكون مطل على البركه وعادي لو كان فية زجاج ما ينفتح يقدر يعمل كنترول ما في مشاكل اما بالنسبه لك يا صاحب الموضوع اذا كان البركه مثل ما قلت داخل البيت لازم ما تشتغل الا مع شركه ممتازة مثل تدمر او غيرها لان يحتاج لك عوازل صح عشان الماي ما يتسرب للفيلا ويدمر قواعد البيت مع الوقت الطويل هذا اللي تحتاجه ولو امكن تعمل قبه فوق البركة للشمس يكون احسن وموفق

[محمد]

مشكورين على المرور و للتوضيح اكثر بيكون مفتوح على الصالة مع وجود حواجز زجاجية طبعا و من ناحية الحوش بتكون واجهة زجاجية عشان تدخل الشمس بشكل مباشر

يعني هو بواجهة البيت بيكون يطل على الحوش ومغلق بالزجاج بالكامل كأنه جزء من الصالة

اتمنى وضحت الفكرة :nice:

[بن غيث]

موفق ان شاء الله

[MAZEN37]

شفت نفس فكرتك بفيلا بجده السعوديه وهي اكثر من رائعه
بس اهتم بالاضاءه اكثر لانه بالليل بيطلع منظر خرافي