شنو سالفة أهل الشؤون نزلوا لهم فلوس دبل !!!؟

[الساهرة]

بصراحة شئ غريب صار لاكثر من وحده من الاهل وسالنا الجيران نفس الشئ
عمتي كذالك راحت للبنك وحصلت الشؤون دبل راجعت البنك على بالها البنك مغلطين شيكوا لها الكمبيوتر قالوا لا هاذي نازله من الشؤون طبعا ولدها سحب الفلوس كلها لكن المسكينه
مب مصدقه كلمت أهل الشؤون قالوا مالهم خبر في هالشئ وقالت انتي بس ولا اكثر من شخص قالت لا اكثر من ثمان حالات من الاهل والمعارف اتصلت لهم ونفس الشئ
قالت لها الباحثه عيل من فوق هالشئ يمكن عشان رمضان ويمكن زيادة بالمبارك عليكم تستاهلون وسكرت عمتي وقالت الحمدلله ربي يجزاهم خير

لكن الغريب انه كل اللي تعرفهم وماسحبوا المبالغ الاضافيه تم استرجاعها من البنك بمسج
والمسكينه مب عارفه شنو تسوي تقول يوم الاحد بترجع الفلوس للبنك


فرحوا هالمساكين وتالي كسروا بخاطرهم
بس ابي اعرف من المسؤول عن هالشئ وليه ينزلون في حسابات هالفقارى ويردون يسحبونها فيه اكثر من وحده صرفت الفلوس الان شلون راح يدبرون عمرهم وهل عليهم مسؤوليه ؟

ومن المسؤول ؟


استكثروا عليهم هالمبلغ الزهيد مانقول الا حسبي الله ونعم الوكيل

[بوعلي2]

والله هالمواضيع تعور قلبي الله يساعدهم يارب ولهم الحق بالزياده حالهم حال كل من تمت لهم الزياده خصوصا في ضل هالظروف والغلاء المعيشي

اتمنى ان تتم الزياده لهم وماياخذونها عنهم

حسبي الله ونعم الوكيل

اتمنى من اعماق قلبي ان تتم الزياده عاجلا وليس اجلا لاهل الشؤون من كبار السن والارامل ولكل من تصرف لهم والي ماتصرف لهم الله يبلغهم ويسهل امورهم يارب وتصرف لهم


وشكرا

[نوت]

موب الشؤن بس الي حصل لهم انا مالي علاقه بالشؤن نزل في حسابي زيادة راتب كامل ورجعوا سحبوه بنفس اليوم

[(بوطلال)]

صحيح الراتب نزل دبل لأكثر من مكان ووزاره بالغلط

[alwahesh]

ان شاء الله خير

خلنا ننتظر الى اخر الشهر وكل شي بيبين

يمكن عشان رمضان دبلو الراتب او ان باذن الله يكون هذا راتبهم الجديد

نقول لهم مبروك الزياده مقدما

[intesar]

طيب خلوها هدية رمضان وغضوا الطرف عنه..

[مشتاقة لقطر]

ان شالله يارب تكون صدق هدية للجميع لرمضان

[قطر دزاين]

شي غريب صراحه اذا الخطاء مو من البنك والشؤن يقلون مدري عيل من المخطي

[خزامئ]

امي بعد نفس الشي نزا الراتب امس وسحبته
واليو م نزل مره ثانيه رحت اتكد من الحساب
وبعد اقل من 5 دقايق سحبوه من الحساب حقها
وحده من الاهل استلمت كاش وقالت لها الموضفه هاذا نال لكم من الشوون
عاد مادري ويش بيسير يوم السبت

[مستجدة]

:omg:

آمي نفس الشئ وخلاتي فرحنا مفكرين انه جاءتهم زيادة
المشكلة الأمهات سحبوا الفلوس الان شنو نسوي ؟

حرام عليهم والله فرحنا فكرناها زيادة حق آهل الشؤون
عشان رمضان :(

[basma222]

نزل مثل كل شهر ما فيه زيادة

[الصغيره]

يعني حتى الفرحه بحقهم حرااااام

والله حرام والله حرام يفرحوووونهم ويسحبونها ليه هم نااااااااقصين ديون

الصراحه حركه لازم يتحاسبون عليها بالوزاره ويعاقبون من افرح هم وبعدها احزنهم ترى هم مب ناقصين حزن لا وحزن فوقه دين خاصه اللي صرفوا المبلغ

حسبي الله والنعم الوكيل

[خزامئ]

الخطاء من المصرف الاسلامي
كل الي اعرفهم عن طريقه الي سحب كاش والي ن طريق البطاقه
وفيه ناس اعرفهم شغالين في اماكن ثانيه يستلمون رواتبهم عن طريق المصر
نزل راتبهم دبل وعلى طول كلموهه وقالو له رجع الي زياده على معاشك
حن غلاطانين

[وحيد-الشوق]

شيء يحز في الخاطر راتب شؤون وقطريين ٢٢٥٠

وماليزي راتبه ٨٠ الف !!! واجنبي كافر قدامي شاري له مرسيدس ب٥٠٠ الف ولما سأله عن السكن قال في اللؤلؤة :(

زمن عجيب غريب

[روعة الجوري]

في ناس اتصلو فالبنك وقالو لهم خطا فالسيستم


بس المفروض يرفعون رواتبهم

[naif3]

الفرحه ماتمت هههههههههه

[مستجدة]

والله حرام هالفئات صدق متعففه لكن ماتبي شئ مب لها برقم حاجتهم حق الدبل اللي جاهم اللي أعرفهم من اهل الشؤون استلموا الفلوس ينتظرون يوم الأحد عشان يرجعون الفلوس يقلون ماتبي شئ مب لنا

شفوا شلون طيبتهم وعفت نفسهم

الله يفرجها لهم يارب ان شاءالله ابو مشعل يفرحهم في شهر رمضان بالزيادة اللي تغنيهم عن الحاجه

[عاشق ميونخ]

الي متى وأصحاب الضمان الاجتماعي مهمشين ف المجتمع خصوصا انهم من اكثر الناس احتياجا لزيادة رواتبهم ع الاقل دبلوا رواتبهم ثلاث أضعاف ف رمضان خلوا الناس تفرح