نصيحه للمرور وياليت ياخذون بها فهي كنز ثمين والله الشاهد ..

[الصغيره]

لما حد يتخطى القانون يتعاقب صح ؟

زين

العايله اللي تعطي ولدها سياره وهو عاده بيبي وتقول يالله روح العب غلطانه او لا ؟؟؟

لما يسوي حادث وهو تحت السن القانوني يكون مخالف او لا ومن المسؤووول ؟


لما يجي عاقل ومعه ليسن ويتعدى بسواقته على الاخرين يكون مخالف او لا ؟؟


انصح ادارة المرور بتطبيق غرامات ماليه ما تقل من 100 الف على كل سيياره تسوي حادث او تتسبب بحادث والسائق اما طفل او ما عنده ليسن او ضارب بالقوانين الخاصه بالمرور عرض الحائط


الاسباب اللي دعتني لكتابه الموضوع هي :

كثرة وفيات الشباب تحت السن القانوني للسواقه16 و15و 17

كثرة التجاوزات المروريه اللي يقو بها الشباب على من يستخدم الطريق

كثرة الدهس وكثرة قطع الاشاره

ياليت يدروسون الفكره وينفذونها على كل والد يسلم ابنه سياره باسمه والابن طفل

وياليت بعد يطبقونها على كل من يعطي سيارته سائئئق على غير كفالته

وياليت يبقونها على الشوحن اللي تتسبب بالحوادث بوقت الذروه

وياليت تتبق على باصات العمال اللي يسوقها ناس كنهم بحلبات سباق

وياليت ووياليت

وسلامتكم


:(

[ms-qtr]

اتمنى تطبق على كل من يعطي طفل سيارة

علشان اولياء الامر يحسون شوي

يفقدون فلوس ولا يفقدون ولدهم

[ابوالعبد]

انا ضد المرور وتصرفاته والله ياجماعه كل شي مخالفات تمشي مخالفه وين تروح مخالفه

فلسنا وخلصت معاشاتنا علي هالمرور ومخالفاته يخي ليش مايكون نفس سعوديه رادار فقط يكون

علي 200 ريال او 300 ريال ليش 500 ريال و600 ريال كل شي ممنوع اخاف باجر يحطون رادار جنب بيتنا

ومشكله شوارع وسيعه من 4 خطوط حاطين لك سرعه 100؟؟ اي ملل هذااا

ولا حاطين لك بطريق بوسمرا طريق فاضي و4 خطوط السرعه 120 طيب يخي حطوا سرعه 140 مثل


والمشكله ترى السرعه 100 او 80 تسبب حوادث صدقوني لانه الاجانب يخاف يمشي اقل من 100 تلاقيه يمشي علي 80 ومايسرع وهذا يسبب بزحمه وحوادث


الامارات

[فلتة زمانها]

ان شاءالله يطبقون نصايحج الحلوه
عندي لج نصيحه يالغلا ليش مختاره نك حزين ويجيب الكأبه وانتي عكس ذلك
شرايج تغيرينه وتختارين نك حلو ومفرفش الروح السعيده او الروح الفرفوشه
والا الروح المفتله :dance:

[MAZEN37]

والي منتهيه استمارته ويدعمك وقعد طارد وراه لين ما تجيك حاله نفسيه
من السبب غير المرور مخلتهم على كيفهم

[فـيـراري قطر]

الشرطي : موترك مطلوب اصفط على اليمين
السايق : اوك انشالله
الشرطي : الشيخ موترك حجز 6 شهور
السايق : يزاعق ويصارخ وفالاخر ياخذون موتره على اساس انه 6 شهور حجز
(بعد يومين الريال جاي فالموتر )
بخصوص الحجز الي مدته 6 شهور؟ وين وشلون جي؟ طبعا فتامين واو طال عمرك

وهاي الي دمرنا ووصلنا للي احنا فيه الحين
والله يوفقا وياكم

[سعادة الوزير]

سؤال بسيط : لماذا اي خطأ في المجتمع دائماً وابداً نصلحة بقانون وغرامات؟؟؟؟ ، هل ترون ان كثرة القوانين والغرامات هي التي جعلت المجتمعات الغربية متقدمة علينا من الناحية الدنيوية؟؟؟

دولة صغيرة جداً مثل قطر فيها من القوانين والغرامات ما يعادل قوانين ولايات امريكا كلها ، ومع ذلك نجد المخالفات هنا لا تقارن مع مايحصل عندهم!! ، لماذا؟؟؟

فكروا معي قليلاً في هذا السؤال وحاولوا ان تجدوا الاجابة عليه.

[gprs]

المشكلة ان المرور اغلب تركيزه على مخالفة الموقف بالاسواق او الادارات الحكوميه
ومخالفة الحزام على الكورنيش ومخالفة الوقوف على الرصيف
ونسوا المخالفات المهمه اللي المفروض يخالفون هل الفئة عليها واللي المفروض يردعونهم
بأقصى عقوبه هل الفئة المجرمه
مستخدمين البلاك بيري اثناء القيادة وين المرور عنهم والله تعبنا منهم ومن تصرفاتهم
وخاصة عالخطوط الطويله مثل الشمال وسلوى وام سيعيد تلاقي الواحد ماسك الخط السريع
ويمشي على سرعة 80 او 70 او اقل وهو يسولف على البلاك بيري

والفئه الثانيه اللي لا يقلون اجراما
اللي ييك يتناحس مع واحد على الطريق وفجأة يمسك بريك على الخط السريع
ويمشي على سرعة 20 انزين ايش ذنب اللي جاي بسرعة 120 ويتفاجاء فيك انت بسبة عنادك
وعدوم وجود رادع لك انك تمشي بسرعة 20 وتسبب في حادث

[عليه العوض]

انا اروى انا المرور تجد واحد يسوق وهو تحت السن القانونيه بدون رخصه ان تسحب السياره وتحجز
السياره اكثر من سته اشهر ومخالفه عشرة الف ريال قطري

[سعادة الوزير]

لين الحين انتظر حد يجاوب على سؤالي!

[عنزي قطر]

لما حد يتخطى القانون يتعاقب صح ؟

زين

العايله اللي تعطي ولدها سياره وهو عاده بيبي وتقول يالله روح العب غلطانه او لا ؟؟؟




:(


جزاك الله خير
اختي الكريمة قبل فترة في محطة بترول الخور ولد عمره 14 سنه يسوق ومعه ابوه :eek5:

وكلمت ابوه بعيد عن ابنه منعاً للاحراج رد علي الاب قالي الولد طلب مني يسوق لانه نجح لاحول ولاقوة الا بالله

الحل بوجهة نظري الشخصيه الجميع مسؤل الاسره والمرور

ويجب على المرور تكثيف دوريات ونقاط التفتيش خصوصاً في المناطق السكينه

وبصراحه كل منطقه يوجد لديها مركز خاص لكن وجهة نظري الشخصيه يوجود تقصير من بعض المراكز

واتمنى اشوف وجهة نظرك بالموضوع على الرابط التالي

http://www.qatarshares.com/vb/showthread.php?t=512120

وصوتك وصل

وهذا ايميل المرور
traffic@moi.gov.qa

[آلملآزم]

طيب والاطفال اللي اعمارهم بين 13 سنه و16 سنه واكثر من مره احصلهم عند وقت الشاي لا وبعض المرات يكونون شله يعني ممكن يتسببون في حادث اليم أو يكونون هم عرضه لحادث لا قدر الله وين أولياء امورهم ووشلون يسمحون لهم يسوقون في مثل هالاعمار ووين دوريات المرور عنهم !!

[الصغيره]

سؤال بسيط : لماذا اي خطأ في المجتمع دائماً وابداً نصلحة بقانون وغرامات؟؟؟؟ ، هل ترون ان كثرة القوانين والغرامات هي التي جعلت المجتمعات الغربية متقدمة علينا من الناحية الدنيوية؟؟؟

دولة صغيرة جداً مثل قطر فيها من القوانين والغرامات ما يعادل قوانين ولايات امريكا كلها ، ومع ذلك نجد المخالفات هنا لا تقارن مع مايحصل عندهم!! ، لماذا؟؟؟

فكروا معي قليلاً في هذا السؤال وحاولوا ان تجدوا الاجابة عليه.

اشكر الجميع والوجع واحد وربي شاهد

اتمنى ان اي سياره تتمسك وفيها سائئق طفل ان تسحب السياره ويزاد عليها 100 الف ريال لان اللي شراها مش قد المسؤوليه

اخي سعادة الوزير الاجابه البسيطه عندي ان فيه ناس ما يهمهم وناس لجاء الحق قالوا وين هذا ابوه وهذا اخوه وهذا عمه وهذا عنده واو قويه

ناس الله يصلح الحال ما يصحون لين يموت الولد او يدهس حد

وهالايام يا مكثر الحوادث والبركه بان الاب والام ما يقدرون قيمة ضناهم

هالايام تلاميذ المدارس يتسابقون عند المدارس ويستعرضون بدل ما يراجعون يدرسون

هالايا م تولع الاشاره خضراء وحمراء والاخوه لاهين بالبلاك بيري وان كان السايق هندي او مقيم كفخوه عند الاشارات ليه ما تتحرك وليه وقفت وهي يادوب صفراء


هالايم ينجحون من الثانويه والهديه ليسن

هالايام فقدنا من فلذات اكبادنا ماكان قوة للوطن وللاهل صح القضاء والقدر لكن ايضا الاهمال والتدليل والمحاباه للاسف


الوجع بقلوبنا عى شباب اما رحلوا اثناء فترة طيش او تشوهوا وتعوقوا واصبحوا على الاسره لا ميتين ولا حييين

هالايام نرى امهات وابهات يحملون شباب على كراسي متحركه بدل ما هالشباب يحملون ابهاتهم


ياخوي بامريكا احترام سير المرور وعقابه السجن لا تنفع واو ولا صاد وياويله بالويل من يطلع على خطه


هذا ياخوي ردي واسسف ان زدت او نقصت لك يبقى الحزن يتنفس بصدور امهات وابهات لم يبقى لهم سوى الذكريات وهم من ضيع هالشباب بالتدليل وفلان ولده يسوق وفلان ولده سيارته وفلان وفلان

وحنا مثل البقيه

والله والله ان فيه مدينه بجنوب قطر اطفال تحت 17 يسوقون


الا يكفي هذا تنبيه

ربي ارحمهم واسكنهم جنتك


وهذا انتحار مع التشجيع للاسف من الاب والام

ويالله غفرانك ورحمتك للجميع

[الصغيره]

طيب والاطفال اللي اعمارهم بين 13 سنه و16 سنه واكثر من مره احصلهم عند وقت الشاي لا وبعض المرات يكونون شله يعني ممكن يتسببون في حادث اليم أو يكونون هم عرضه لحادث لا قدر الله وين أولياء امورهم ووشلون يسمحون لهم يسوقون في مثل هالاعمار ووين دوريات المرور عنهم !!

ياخوي بيض الله وجهك على هالرد

طيب ياخوي مافيه دوريه تمر من هالجهه مافيه حد من اللي بالمرور يمر يشرب شاي وقت دوريته وان شاف هالمبزره يوقفهم ويسحب سياراتهم ويقول لهم راجعوا الاداره

يعني ابو 15 عنده ليسن ؟؟؟؟ مستحيل

ياخوي بدا الصيف وبدت الحوادث

ياخوي حتى اللي بالشارع وبطريق وبخط سيره ما يشوف الا جايه واحد مسرع يتجاوزه يمين يسار لو ما ستر الله كان شطره نصين


ياخوي وين المرور من دوار محطة المرخيه وانت رايح للمرخيه الصبح ذاك اليوم رايحه الطواري بالاهلي ما ضنيت بوصل من اثنين شكلهم متاخرين عن طياره او دوام لو ما ستر الله مانجينا

حتى ابي اخذ الرقم من السرعه ما قدرت

حتى اللي معه حاله حرجه ما يسرع هالسرعه حتى سيارة الاسعاف ما تسرع هالسرعه


الصراحه الحكايه وصلت حد لابد من ايجاد حل جذري لما يحدث بشوارعنا

صح ما هي قطر كبيره لكن اللي يصير بشوارعها الداخليه شي ما نسميه الا جنون واستهبال واستهتار

[الصغيره]

جزاك الله خير
اختي الكريمة قبل فترة في محطة بترول الخور ولد عمره 14 سنه يسوق ومعه ابوه :eek5:

وكلمت ابوه بعيد عن ابنه منعاً للاحراج رد علي الاب قالي الولد طلب مني يسوق لانه نجح لاحول ولاقوة الا بالله

الحل بوجهة نظري الشخصيه الجميع مسؤل الاسره والمرور

ويجب على المرور تكثيف دوريات ونقاط التفتيش خصوصاً في المناطق السكينه

وبصراحه كل منطقه يوجد لديها مركز خاص لكن وجهة نظري الشخصيه يوجود تقصير من بعض المراكز

واتمنى اشوف وجهة نظرك بالموضوع على الرابط التالي

http://www.qatarshares.com/vb/showthread.php?t=512120

وصوتك وصل

وهذا ايميل المرور
traffic@moi.gov.qa

اخوي العزيز الصوره ما طلعت معي ؟؟

ياليت اشوفها

واكيد شي خطير


ومدري ياخوي قريت موضوعي عن السايق اللي انضرب عند اشاره المرور لانها كانت صفراء وولعت حمراء واللي خلفه مهرن عليه حتى يسرع قبل تصبح حمراء طيب وولعت حمراء واللي بالجهه الجايه مسرع بعد وصار ما لا يحمد عقباه

لكن السايق خفف ووقف خوف من تصبح حمراء ووفعلا صارت حمراء بسرعه ونزل اللي خلفه وكفخه وسبه والمسكين حتى من الخوف كتب الرقم غلط

ياخوي للاسف البعض ماخذ لسواقه تسليه والشارع استعراض

ياخوي اذا كل شخص بيستهتر يبي يلنا شرطي مرور لكل شخصص للاسف


الحزن تنفس بصدورنا من تصرفات البعض اللي ما يحترم نفسه قبل يحترم القانون


اسعدني تواجدك وردك الطيب


كل التقدير لك

[الصغيره]

ان شاءالله يطبقون نصايحج الحلوه
عندي لج نصيحه يالغلا ليش مختاره نك حزين ويجيب الكأبه وانتي عكس ذلك
شرايج تغيرينه وتختارين نك حلو ومفرفش الروح السعيده او الروح الفرفوشه
والا الروح المفتله :dance:

اهلين يا الغاليه

والله كلامك عين العقل

بس هناك اشياء تحزني وتؤلمني وتؤرقني ولما تنتهي هالاشياء وشوف لها حل بكون الروح السعيده والمتفائله والمفرفشه

ومن ضمنها القضاء على سواقه الاطفال
حل مشكله هروب الخدم
شوارع واسعه ونظيفه
احترام مواقف ذوي الحاجه
عدم السباق بشوارع قطر
احترام المواعيد بمستشفى حمد والاولويه لمن موعده قبل ولا واو للبعض
عدم تغليف الخبز بالنايلون
زيادة رواتب الضمان الاجتماعي لفئه تستحق الزياده
اشوف الموظفين الاجانب بشغلهم يتكلمون لغه عربيه او انجليزيه ولا يتكلمون لغتهم الام حتى نقدر نفهم خاصه اللغه الفلبينيه والهنديه تمنع بالعمل الا بالسفارات الخاصه بهم
وبعد نشوف حديقه العاب تليق باطفال قطر وتسعدهم مافيه داعي نسافر دبي او فرنسا او الصين او اليابان حتى نلاعبهم
اشوف حملة مداهمه لمنع بيع السويكه لتلاميذ المدارس من بنقالية المساجد
اشوف حملة تفتيشيه على بوابات المدارس العصر حيث حاراس المدارس يقلبون شبكة النت بالمدارس تجاره ياجرون مكالمات بمقابل اموال والخط فري من واير لس المدارس او خطها الارضي
وووووووووو باقي اشياء توجع القلب وتخليني حزينه

الله يسعد لي ايامك

[الامل القديم]

شو رايك الي يلف الدوار وهو يقرا الجريده وكانت سيارة الشرطه واقفه ولما لف طبعا مو شايف كان بدوا يخبط بالسياره الى على اليمين ولما زمر له حرك يده بطريقه غبيه كانه يقول له انت غبي والشرطي ينظر له مش المفروض الشرطه تلاحقه ولا لا يا جماعه

[عاهد بن علي]

الله يستر ويقدم الي فيه خير