نصيحتكم من تجاربكم في السلم ( الدرج )

[ابوعلي]

السلام عليكم ورحمة الله وبركاته

لو تكرمتوا ابي ابلط الدرج بالفيلا ان شاء الله

فايش الافضل

هل احط رخام

او سيراميك

او بورسلان


محتاج رايكم ونصايحكم وخاصة الي جربوا الانواع المذكورة

بانتظار مشاركاتكم

[معماري قطري]

عليكم السلام ورحمة الله وبركاته

أنا ركبت رخام ومب مرتاح له غالي ويتشمخ ويبين البورسلان حوله وايد أحلى، وبالنسبة للبورسلان فيه نوعيات سميكة وقوية، وتجيك قطع كبيرة حطيت انا صور لها في كذا موضوع، ولازم قبل لتركبها تاخذها وتقصها حسب المقاس في ورشة رخام علشان يشطفون الحافة بشكل مقوس، لأن لو كانت حادة بتكون خطرة لو ضرب فيها حد وتنكسر بسهولة، وهذا ينطبق على الرخام والسيراميك والغرانايت والبورسلان.

إذا بتركب إنارة للدرج حاول تأسس لها قبل، وممكن حتى بعد صب خرسانات الدرج بس يبي لك تمدد بايبات على الخرسانة وتتغطى بإسمنت تعديل المستوى، وفيه ليتات دايرين حلوين وصغار ينحفر لهم في الخرسانة وخذ إل اي دي إنارتهم حلوه ويعيشون 15 سنة يشتغلون على طول، يعني لو بتشغلهم كل يوم 12 ساعة بيعمرون 30 سنة.

شيء أخير حاول تخلي واجهة العتبة لون غير عن أرضيتها بس ألوان متناسبة، حتى فيه الحين بورسلان لماع فيه قطع ذهبية، ولو ركبت قطع صغيرة بفواصل بينهم حاول تسويها زيرو جوينت ولو ما تستوي حط نوعية قراوت جيدة ليحطون لك إسمنت أبيض.

[فريج النجادة]

رخام او جرانيت

الرخام الهندي في السعودية ب 70 ريال

والجرانيت الصيني 100 ريال في قطر

[ابوعلي]

عليكم السلام ورحمة الله وبركاته
أنا ركبت رخام ومب مرتاح له غالي ويتشمخ ويبين البورسلان حوله وايد أحلى، وبالنسبة للبورسلان فيه نوعيات سميكة وقوية، وتجيك قطع كبيرة حطيت انا صور لها في كذا موضوع، ولازم قبل لتركبها تاخذها وتقصها حسب المقاس في ورشة رخام علشان يشطفون الحافة بشكل مقوس، لأن لو كانت حادة بتكون خطرة لو ضرب فيها حد وتنكسر بسهولة، وهذا ينطبق على الرخام والسيراميك والغرانايت والبورسلان.
إذا بتركب إنارة للدرج حاول تأسس لها قبل، وممكن حتى بعد صب خرسانات الدرج بس يبي لك تمدد بايبات على الخرسانة وتتغطى بإسمنت تعديل المستوى، وفيه ليتات دايرين حلوين وصغار ينحفر لهم في الخرسانة وخذ إل اي دي إنارتهم حلوه ويعيشون 15 سنة يشتغلون على طول، يعني لو بتشغلهم كل يوم 12 ساعة بيعمرون 30 سنة.
شيء أخير حاول تخلي واجهة العتبة لون غير عن أرضيتها بس ألوان متناسبة، حتى فيه الحين بورسلان لماع فيه قطع ذهبية، ولو ركبت قطع صغيرة بفواصل بينهم حاول تسويها زيرو جوينت ولو ما تستوي حط نوعية قراوت جيدة ليحطون لك إسمنت أبيض.

مشاركة قيمة ماشاء الله عليك اخوي وان شاء الله نشوف البورسلان وبنفس الوقت نشوف لون للعتبة ولون للارضية

وان شاء الله ناخذ بنصايحك اخوي وكل الشكر لك على المشاركة

[Chambray]

الدرج ولا تفكر
رخام سمك 3 سم
او جرانيت .. بس الافخم هو الرخام 3 سم ( كريم مارفيل )

وموفق اخوي

[khaldoon]

الدرج ولا تفكر
رخام سمك 3 سم
او جرانيت .. بس الافخم هو الرخام 3 سم ( كريم مارفيل )

وموفق اخوي


متفق تماما معاك انه يركب جرانيت او رخام فقط

اعتقد منظر البورسلان او السيراميك على الدرج بشع جدا


صراحة انا استغرب من الناس اللي تركب ارضيات رخام بسماكة 2سم فقط سواء للدرج او الارضيات العادية

اقل من 3سم للارضيات عرضة للكسر بسهولة جدا ..... 2سم تنفع بس لتلبيس الحوائط

[بن غيث]

ايش رايك في هذه النوعية من الدرج

http://www6.0zz0.com/2012/07/09/01/486151036.jpg
http://www6.0zz0.com/2012/07/09/01/511031673.jpg
http://www6.0zz0.com/2012/07/09/01/489661593.jpg

http://www6.0zz0.com/2012/07/09/01/507881769.jpg

http://www6.0zz0.com/2012/07/09/01/455409613.jpg

[ولد المنصور]

رخاااااام ,,, رخاااام

[معماري قطري]

[quote=بن غيث;8321524]ايش رايك في هذه النوعية من الدرج


تعجبني يا بن غيث إحنا العرب وخصوصاً القطريين نفكر كل ما زاد سُمك الرخام أفضل وننسى إن الرُخام مادة طبيعية فيها عروق وفجوات وما تقاوم الأحماض .. وننسى إن فيه مواد راقية وجديدة وكلها تعتمد على مواصفات المادة وطريقة التركيب.

البورسلان مادة مصنوعة تحت ضغط وحرارة شديدة وبإضافات كيماوية تخليها مقاومة لعوامل الخدش وللأحماض والمنظفات المنزلية بعكس الرخام والجرانيت .. والزجاج مثل ما شفتوا فيه نوعيات مخصصة للسلالم وما تزلق وحوافها مبرومة وشكل كثير منور وحلو،، ويبقى الخيار لصاحب القرار.

[وطن]

متفق تماما معاك انه يركب جرانيت او رخام فقط

اعتقد منظر البورسلان او السيراميك على الدرج بشع جدا


صراحة انا استغرب من الناس اللي تركب ارضيات رخام بسماكة 2سم فقط سواء للدرج او الارضيات العادية

اقل من 3سم للارضيات عرضة للكسر بسهولة جدا ..... 2سم تنفع بس لتلبيس الحوائط

اتفق معاك






تعجبني يا بن غيث إحنا العرب وخصوصاً القطريين نفكر كل ما زاد سُمك الرخام أفضل وننسى إن الرُخام مادة طبيعية فيها عروق وفجوات وما تقاوم الأحماض .. وننسى إن فيه مواد راقية وجديدة وكلها تعتمد على مواصفات المادة وطريقة التركيب.

البورسلان مادة مصنوعة تحت ضغط وحرارة شديدة وبإضافات كيماوية تخليها مقاومة لعوامل الخدش وللأحماض والمنظفات المنزلية بعكس الرخام والجرانيت .. والزجاج مثل ما شفتوا فيه نوعيات مخصصة للسلالم وما تزلق وحوافها مبرومة وشكل كثير منور وحلو،، ويبقى الخيار لصاحب القرار.

شنو يعني نفكر كل ما زاد سمك الرخام افضل؟!!! :omg:
في مواصفات للرخام والجرانيت و حاطينها مهندسين يعني مب بس احنا نفكر ونخمن ان احسن

ومب كل رخامه ما تتحمل وفيها عروق ولا فجوات
الواحد ما يشتري اي شي
قبل لا يشتري لازم يشوف النوع و مواصفاته وقدرة التحمل فيه


واذا على البورسلان كل واحد وذوقه :nice:
بالنسبة لي البورسلان ارضيات فقط لكن ما تركب على درج لانها ما تناسب

بسألك اخوي
نزلوا بورسلان على عرض وارتفاع بلاطة الدرج ولا بيكون في جوينتس في التركيب ؟؟
من زمان ما لفيت على محلات البلاط فما ادري نزلوا منها ولا ؟
اذا في جوينتس فأنا اشوف انها ما تصلح ابدا و منظرها مب حلو كلش

[بوالبيض]

رخام اوجرانيت بس غيره لتحط

[almaf1a]

الجرانيت هل هو مقاوم وافضل للعمر الطويل ام الرخام
والاختلاف بينهم في الشكل فقط ام قوة التحمل ايضا

وشكرا

[بن غيث]

معماري قطري
انا لا اتفق معاك لان الرخام الموجود في الدوحة سئ
والتجار في الدوحة يدورون الرخيص ويبيعونه على اساس انه اسباني او ايطالي
والرخام بطبيعته قوي وصلب ومتماسك
وخصوصا اذا كان موطنه بارد

[معماري قطري]

معماري قطري
انا لا اتفق معاك لان الرخام الموجود في الدوحة سئ
والتجار في الدوحة يدورون الرخيص ويبيعونه على اساس انه اسباني او ايطالي
والرخام بطبيعته قوي وصلب ومتماسك
وخصوصا اذا كان موطنه بارد

صح كلامك والنوعية الجيدة بتكون غالية وايد

ولا تنسى مشكلة العناية والإهتمام والتشمخ بعد فترة وبهتان المنظر ... كحل لكل هذي المشاكل إنسى الرخام والجرانيت وركب بورسلان وإرتاح .. انا ابي أسوي كحت للرخام اللي عندي وأركب عليه زجاج مثل اللي في الصور اللي حطيتها تتوقع حد يقدر يسوي هذا في قطر؟

[بن غيث]

في قطر....!!!
وايد على المقاولين يسون بيت شعبي
للاسف معضم المقاولين عندنا ماخذين الشغله شطاره وضحك على الناس ويدورون الربح السريع وبس
ومش مهم سمعه الشركة ولا اسمها
اعرف واحد يقول انه مقاول .. بفتح شركة مقاولات وينصب على العالم ويفتح شركة جديدة باسم جديد وهكذا ..
من فترة شفته .. الحبيب مربي اللحية ويقولي انا الحين سلفي ..
قتله انت نصاب الله يفكنه من اشكالك

[وطن]

الجرانيت هل هو مقاوم وافضل للعمر الطويل ام الرخام
والاختلاف بينهم في الشكل فقط ام قوة التحمل ايضا

وشكرا

الجرانيت افضل
قوة تحمله اكبر
وامتصاصه للسوائل اقل

بس اختار النوعية الجيدة

[almaf1a]

الجرانيت افضل
قوة تحمله اكبر
وامتصاصه للسوائل اقل

بس اختار النوعية الجيدة

:nice: الف شكر يا وطن
بسبب مشاكل الرخام وافضليته في الشكل فقط راح اركب جرانيت ان شاء الله

[وطن]

:nice: الف شكر يا وطن
بسبب مشاكل الرخام وافضليته في الشكل فقط راح اركب جرانيت ان شاء الله

والله يا اخوي بيتنا فيه رخام على الدرج من 25 سنة
وماشاء الله صامد مثل ما هو

:victory:

[معماري قطري]

أمس شفت درج بورسلان ما ادري سيراميك في مطعم وصورته .. للأمانه فيه جزء بسيط مكسور بسبب إن الحافة ما سووها دائرية .. لكن صار له كم سنه الحين وفي مطعم كثير زوار يركبون عليه وللحين عايش .. مع اني ما حبيت اللون بني خشبي غامق وأحس نوعيته رديئة.

وإليكم الصورة.


http://im17.gulfup.com/2012-07-10/1341913949911.jpg (http://www.gulfup.com/show/X70ns6tyc0qsx)

[كبير المتداولين]

انا جربت البورسلان تكسر قبل اسكن بالفيلا نصيحه لاتركب غير الرخام او الجرانيت وافضل الرخام الايطالي لقوته وسعره المنخفض والله يوفقك

[معماري قطري]

اتفق معاك




شنو يعني نفكر كل ما زاد سمك الرخام افضل؟!!! :omg:
في مواصفات للرخام والجرانيت و حاطينها مهندسين يعني مب بس احنا نفكر ونخمن ان احسن

قصدت الفكر الشائع ما قصدت تفكيرج إنتي بالذات وقلت إحنا بما معناها انا واحد من اللي نفكر هذا التفكير ... وإذا فيه مواصفات للرخام غير سمك الرخام وكثافته وبعض المواصفات المبدئية اللي ما حد يقدر يتحكم في جودته مثل مادة مصنعة مثل البورسلان والسيراميك أتمنى والله أعرفها بتضيف لي شيء... والرخام مادة طبيعية والعروق والفجوات في أنواع كثيرة منه والفجوات تكون موجودة مخفية تحت سطح جيد بعد فترة ممكن تبين

ومب كل رخامه ما تتحمل وفيها عروق ولا فجوات
الواحد ما يشتري اي شي
قبل لا يشتري لازم يشوف النوع و مواصفاته وقدرة التحمل فيه


واذا على البورسلان كل واحد وذوقه :nice:
بالنسبة لي البورسلان ارضيات فقط لكن ما تركب على درج لانها ما تناسب

بسألك اخوي
نزلوا بورسلان على عرض وارتفاع بلاطة الدرج ولا بيكون في جوينتس في التركيب ؟؟
من زمان ما لفيت على محلات البلاط فما ادري نزلوا منها ولا ؟

فيه نوعيات زيرو جوينت وبحافة خاصة دائرية للدرج وهذا نوع قوي وجيد ورخيص ومنه بورسلان وسيراميك، وإذا بتسوين جوينت بقراوت زين خاص بعد بيطلع حلو ولو إختلاف الأذواق لبارت السلع، وتفضلي شوفي هذي بعض الصور تؤيد كلامي، وصدقيني بربع قيمة الرخام باخذ بورسلان زين وشكل حلو وبيعمر معاي عمر وبيقاوم الأحماض وكيماويات التنظيف.

وهذي صورة لأرضية عتبة بورسلان وتنخلط معاها واجهة عتبة من السيراميك المزخرف حصلت صور له بس ما تننسخ وهذي كفاية توضح الموجود.

http://im18.gulfup.com/2012-07-11/1341956797271.jpg (http://www.gulfup.com/show/xkgbgo19d1u9)

وهذي ثانية..
http://im20.gulfup.com/2012-07-11/1341957050571.jpg (http://www.gulfup.com/show/x6ttaetfcbcqp)

وهذي ثالثة عتبة وحده لمدخل البيت من البورسلان العادي سويتها بحف زاويتها بشكل مقوس وتركبت بلزقة بورسلان خاصة وبقراوت خاص أسود متناسب مع البلاطات والحين الحمد لله 7 سنين ما تغيرت.

http://im18.gulfup.com/2012-07-11/1341957457231.jpg (http://www.gulfup.com/show/x2a3t3lv60x0kk)

وانا غلطت غلطة كبيرة بتركيب رخام إيطالي رويال بيج كلفني 65000 ريال مع درابزين في حدود 60000 ريال وهي بروحها بدون تكلفة بنيان درج كبير بمنحنيات وشغل خرسانات وحديد ... هذي القيمة تكفي لمصعد لو إكتفيت بدرج بسيط وما بالغت في مواد ما أثبتت وجودها مقارنة مع مواد ثانية.


اذا في جوينتس فأنا اشوف انها ما تصلح ابدا و منظرها مب حلو كلش


هذا إخت/ أخ وطن منتدى نتناقش فيه لعرض خبراتنا وتجاربنا، وفي النهاية لكل واحد قناعاته والإختيار الأخير يرجع له هو وحده.

[وطن]

قصدت الفكر الشائع ما قصدت تفكيرج إنتي بالذات وقلت إحنا بما معناها انا واحد من اللي نفكر هذا التفكير ... وإذا فيه مواصفات للرخام غير سمك الرخام وكثافته وبعض المواصفات المبدئية اللي ما حد يقدر يتحكم في جودته مثل مادة مصنعة مثل البورسلان والسيراميك أتمنى والله أعرفها بتضيف لي شيء... والرخام مادة طبيعية والعروق والفجوات في أنواع كثيرة منه والفجوات تكون موجودة مخفية تحت سطح جيد بعد فترة ممكن تبين


وأنا ما قصدت تفكيري انا بالذات
انا رديت على النقطه لأنك تقصد شريحة كبيرة من الناس و كأنهم جهله ويفكرون بس اذا زادت السماكة صار احسن
والرخام تقدر تتحكم في جودته بانك تختار المحجر الجيد و تروح تسوي اختبارات على الرخامه اللي عندك لو مب واثق من المحل اللي انت شاريها منه
وكل نوع من الرخام تختلف مواصفاته من حيث الكثافة اللي هي تدلك على قوته و قدرة الامتصاص وتحمل الكيماويات والأحماض هذه الأشياء الرئيسية
العروق والفجوات تتحكم فيها بانك ترفضها وما تاخذها من المحل تطلب منه الكمية تكون كلها سليمة من الفجوات ولا راح ترجعها و في استشاري يدقق على هالموضوع اذا صاحب العقار ما يعرف في هذه التفاصيل
اللي فيهم عروق و فجوات تقدر تعالجهم بعد و تقدر تركبها على الحوائط بدل الأرضيات كديكور


فيه نوعيات زيرو جوينت وبحافة خاصة دائرية للدرج وهذا نوع قوي وجيد ورخيص ومنه بورسلان وسيراميك، وإذا بتسوين جوينت بقراوت زين خاص بعد بيطلع حلو ولو إختلاف الأذواق لبارت السلع، وتفضلي شوفي هذي بعض الصور تؤيد كلامي، وصدقيني بربع قيمة الرخام باخذ بورسلان زين وشكل حلو وبيعمر معاي عمر وبيقاوم الأحماض وكيماويات التنظيف.

وهذي صورة لأرضية عتبة بورسلان وتنخلط معاها واجهة عتبة من السيراميك المزخرف حصلت صور له بس ما تننسخ وهذي كفاية توضح الموجود


اسمح لي اخوي
مافي بورسلان زيرو جوينتس وهذا كلام مهندسين مب من عندي
الا ما يكون في جوينت لو صغير جدا
الرخام بس والجرانيت اللي زيرو جوينت
بس البورسلان رقيق "سمكة قليل" واذا لزقتهم في بعض مع اي حركة وتمدد البلاطه تنكسر
بس الرخام لان سميك يتحمل هذه الحركة والتمدد

وبخصوص هذي الصورة
http://im18.gulfup.com/2012-07-11/1341957457231.jpg

اسمحل لي اخوي بالنسبة لي هذا شغل مب مقبول ابدا وما يمشي الا في المباني التجارية مب في بيت العمر
شوف الجوينتس حتى مب ماشيين مع بعض اللي في الأرض و الدرج
وشكبرهم ومشوهين منظر الدرج
غير الزاوية هذه معالجتها مب صح .. مب كافيه الزاوية اللي انت سويتها

ومثل ما قلت اخوي الناس اذواق
انت يعجبك وانا لا
والرأي الأخير لصاحب الموضوع واقتناعه


هذا إخت/ أخ وطن منتدى نتناقش فيه لعرض خبراتنا وتجاربنا، وفي النهاية لكل واحد قناعاته والإختيار الأخير يرجع له هو وحده.

بالضبط كل واحد وقناعاته

[وطن]

انا جربت البورسلان تكسر قبل اسكن بالفيلا نصيحه لاتركب غير الرخام او الجرانيت وافضل الرخام الايطالي لقوته وسعره المنخفض والله يوفقك

:victory:

[معماري قطري]

وأنا ما قصدت تفكيري انا بالذات
انا رديت على النقطه لأنك تقصد شريحة كبيرة من الناس و كأنهم جهله

مشكوره على النصيحة ورجاءً لتقولين بلساني شيء ما قلته ما قلت جهلة وصح تكلمت عن الإعتقاد السائد وقلت رايي إني انا مخطيء في هذي التجربة وكثير يخطئون والأفضل باب يجيك منه الريح سده واستريح .. شفايدة الرخام إذا يبغي له عناية دايمة ويتشمخ وكل فترة باسوي له جلي وتلميعويفكرون بس اذا زادت السماكة صار احسن
والرخام تقدر تتحكم في جودته.. وعن التحكم في جودة الرخام حتى بايع الرخام بيقول لج عينة الرخام هذي ما نظمن لج اللي بيوصلج يكون مثلها أو لا ومثل ما قالوا الإخوان مجال الغش فيه كبير بانك تختار المحجر الجيد و تروح تسوي اختبارات على الرخامه اللي عندك لو مب واثق من المحل اللي انت شاريها منه
وكل نوع من الرخام تختلف مواصفاته من حيث الكثافة اللي هي تدلك على قوته و قدرة الامتصاصفيه إختبار لإمتصاص الماي ومعروف إن قطعة الرخام مهما كانت قوية وجيدة فيها عروق حتى مجهرية سريعة الإمتصاص للماي وتزيت ويتغير لون الماي داخلها بعد فترة وتحمل الكيماويات والأحماضأُوكي وصلنا للمهم انا ابي مختبر يعطيني شهادة على قطعة رخام انها تتحمل الكيماويات والأحماض هذه الأشياء الرئيسية
العروق والفجوات تتحكم فيها بانك ترفضها وما تاخذها من المحل تطلب منه الكمية تكون كلها سليمة من الفجوات ولا راح ترجعها هذا بالنسبة للعروق المرئية وشرايج في المجهريةو في استشاري يدقق على هالموضوع اذا صاحب العقار ما يعرف في هذه التفاصيل
اللي فيهم عروق و فجوات تقدر تعالجهم بعد و تقدر تركبها على الحوائط بدل الأرضيات كديكور




اسمح لي اخوي
مافي بورسلان زيرو جوينتس مسموحة إختي ومشكورة على المعلومة القيمة ... حتى الرخام ما يجي زيرو جوينت يجي قريب من الزيرو جوينتوهذا كلام مهندسين مب من عندي
الا ما يكون في جوينت لو صغير جدا
الرخام بس والجرانيت اللي زيرو جوينت
بس البورسلان رقيق "سمكة قليل" واذا لزقتهم عن تجربة وملاحظة وصورت في موضوع غرانايت متكسر بسبب عدم وضع فاصل تمدد حراري والبورسلان فيه منه حتى 12 ملم ويشيخ على أي قطعة رخام وحطيت صور لنوعيات منه، وما قلت تجاربي وخبرتي الا للتعلم من أخطائي السابقة لي ولنشر هالمعلومات بأمانة لغيري في بعض مع اي حركة وتمدد البلاطه تنكسر
بس الرخام لان سميك يتحمل هذه الحركة والتمدد

وبخصوص هذي الصورة
http://im18.gulfup.com/2012-07-11/1341957457231.jpg

اسمحل لي اخوي بالنسبة لي هذا شغل مب مقبول ابدا وما يمشي الا في المباني التجارية مب في بيت العمر .. هالصورة انا في نظري ما عليها أي كلام والجوينت شيء واقع ولا بد منه لسهولة التركيب ... زين شرايج تراوينا صور أحسن خلينا نتثقف ما شاء الله مبين عليج دقيقة وايد ... نبي نشوف شلون الستاندرد اللي مقبول عندج!!
شوف الجوينتس حتى مب ماشيين مع بعض اللي في الأرض و الدرج
وشكبرهم ومشوهين منظر الدرج
غير الزاوية هذه معالجتها مب صح ..معليش الزاويه هنيه ما بينت عدل وهي شبه مقوسه ومعالجة ومقصوصة في ورشة رخام المهم انها عايشة هالفترة ذي بدون كسر .. بس بعد نورينا أكثر نبي نعرف شالحل للزاوية عندج مب كافيه الزاوية اللي انت سويتها

ومثل ما قلت اخوي الناس اذواق
انت يعجبك وانا لا
والرأي الأخير لصاحب الموضوع واقتناعه



بالضبط كل واحد وقناعاته

:nice:

[معماري قطري]

أنقل لكم هذي الصورة لدرج معمول بعتبات من البورسلان المشكل مثل الرخام .. نفس القطعة البيج في مشاركتي السابقة هنا .. مع واجهات من السيراميك المزخرف.

http://im26.gulfup.com/2012-07-11/1342002298211.bmp (http://www.gulfup.com/show/Xozwtc0zyu3kks)

[بن غيث]

يعطيكم العافية .. دائما نستفيد من تجارب الغير

[وطن]

:nice:

اخوي اسلوبك فيه وايد استهزاء

وانا من جملتك الأولى فهمت انك تعتبرنا جهله
لان قلت ان احنا نفكر ان كل ما زادت السماكه كان احسن
وانا اقول لك هذه مب فكرة هذي خبرات و دراسات ومواصفات

لو انك تقرى كلامي بشكل دقيق قلت لك ان في مواصفات لقدرة الامتصاص و تحمل الكيماويات والأحماض
ومو معناتها ان الرخامه ما تمتص وانها 100% مقاومة للأحماض

و لو ترجع لمشاركة سابقة لي نصحت احد الاخوان بالجرانيت لأن معامل امتصاصه اقل و اقوى من الرخام

انت كلامك كله استهزاء اخوي من اول جملة كتبتها في الموضوع واسمح لي انا ماراح ارد عليك اكثر
بس حط في بالك ترى في مهندسين وايد في المنتدى غيرك
وعندهم من الخبرات و المعلومات اللي يمكن ينافسونك فيها بس ما دخلوا هالموضوع او عندهم اسباب اخرى لعدم الرد

وانا اكتفي عليك بهالرد وراح اتجاهل الكثير من النقاط اللي فيها استهزاء منك مع ان عندي رد عليها بس لان ما احب اتناقش بهالاسلوب مع الناس

[بن غيث]

الاخت وطن .. والاخ معماري قطري
احنا كلنا اخوان وعيال ديره واحده
كلامكم انتم الاثنين صحيح من الناحية الفنية
لكن العيب في السوق والتجار الي يخدعون الناس
النوعيات الموجودة من رخام وجرانيت في السوق اسواء ما يمكن تخيله
وتستورد من عدة دول عربية واسياوية وينباع المتر بــ 16 دولار
وانعرض علي من قبل اني اشتريه ورفضت
وللاسف المستوردين يبيعونه على اساس انه ايطالي واسباني بمبالغ الكل عارفها في السوق
تقبلوا مروري وتعليقي على الموضوع

[معماري قطري]

الاخت وطن .. والاخ معماري قطري
احنا كلنا اخوان وعيال ديره واحده
كلامكم انتم الاثنين صحيح من الناحية الفنية
لكن العيب في السوق والتجار الي يخدعون الناس
النوعيات الموجودة من رخام وجرانيت في السوق اسواء ما يمكن تخيله
وتستورد من عدة دول عربية واسياوية وينباع المتر بــ 16 دولار
وانعرض علي من قبل اني اشتريه ورفضت
وللاسف المستوردين يبيعونه على اساس انه ايطالي واسباني بمبالغ الكل عارفها في السوق
تقبلوا مروري وتعليقي على الموضوع

مشكور يا بن غيث كفيت ووفيت ومشكورة الأُخت وطن أفادتني وايد وانا ما قلت رايي انا الصح وبس طبعاً الكل ما يقصرون من مهندسين وأصحاب خبرة وإحنا كل يوم نتعلم .. ويشهد الله ما اقول إحنا الا قصدي نفسي في الأول وفئة قليلة من اللي هم مثلي وما عمري إتهمت حد بالإستهزاء أو الجهل وعارف آداب النقاش الموضوعي ولا أتعداها .. وسلامة الجميع.