ابي اتوظف ..بس !!!!

[غيمة مطر]

السلام عليكم..

بدخل بالموضوع على طول

انا كنت موظفه بقطاع شبه حكومي لمدة سنتين ولكن وبسبب لاجانب وخصوصا ( الهنود ) وحاربتهم لي .. اضطريت اني اطلع
شكيت لمديري بدال المره 5 مرات ( المدير قطري) وكل مره يقولي بكلمهم والوضع تم على ماهو عليه سنتين

طلعت ورحت قطاع حكومي وللاسف الشديد ... انا خريجة هندسه وتوظفت على مسمى وظيفي مهندسه ولكن اشتغل شغل سكرتاريه ... كلمتهم ومافي فايده ... المهم اني ناويه اطلع

قدمت كل مكان ... محد يبي رد علي :(

يعني شسوي ... قطريه ومهندسه ... شالظلم

ساعات اتحسف اني كملت دراستي لاني ابتلشت
ان اشتغلت بشغله تناسب مؤهلاتي حاربوني الاجانب بديرتي
وان رحت مكان حكومي واهل قطر جهلو مؤهلاتي ووظفوني كاني خريجة ثانويه..

حسافه التعب والتعليم ... نهايته مافي اي تقدير :(

ممكن تقترحون لي اماكن توظف بس >>>> بدووووون وااااااااسطه <<<<
ومحتاجين لتخصص it

وجزاكم الله خير

[لمعة الالماس]

الله يوفقج في الحصول على الوظيفة

حاولي تدخلين اوراقج على مدير الموارد البشرية

[طموحي عالي]

حبوبه مادري شنو اقولج وربي يوفقج ويعينج
بس لين رحتي مكان اطلبي تقابلين المدير للموارد البشرية

[فلتة زمانها]

حبوبه ممكن توضحين تخصصج هندسة شنو؟

[عاشق الشهادة]

والله حرام حق الي يصير للمواطن وهوفي بلاده ؟؟

الله يوفقج اختي وان شاء الله تحصلين وظيفه تناسب مؤهلاتج باسرع وقت

[Zeezoo]

ليش ما تجربين القطاع الخاص ما دام تخصصك هندسه و عندك خبره الله يوفقك

[غيمة مطر]

ماقصرتو خواتي واخواني على الدعوات الطيبه.. جزاك الله خير ...

بس مدير الموارد البشريه مايخلوني ادخل ويايقولون اجتماع او مسافر ...

واذا قلت ابي ايميله يقولون لي ارسلي السي في لنا ( ايميل التوظيف ) وراح يوصله

والله مادري .. بس ان شاء الله ربي يسهل الامور ويوفقني بالوظيفه اللي فيها خير لي

:(

[عازف]

شيكي الخاص

[غيمة مطر]

شكرا جزاك الله خير

[mariamm]

الشيخة اذا تخصصك هندسة قدمي في اللجنة الاولمبية القطرية محتاجين مهندسين قطريين

في إدارتين مختصين بتخصص الهندسة
- المشاريع الهندسة
-الصيانة والعمليات

والله يوفقج إن شاء الله

[غيمة مطر]

انا هندسة كمبيوتر ... وقدمت فاللجنه بس ... محد رد ...

تسلمين عالنصيحه

جزاج الله خير

[mariamm]

اهااا

اذا هندسة كمبيوتر هاي تبع إدارة نظم المعلومات

[المحاميه]

والله مادري شاقولج
لكن الوضع اساسا صاير صعب

شوفي المجلس الاعلى للاتصالات .. ولا الماليه ..

[طير]

هيئة السياحة يبون كوادر قطرية لكذا قسم وحطو اعلان في الجريدة يوم الخميس الي طاف
قدمي والله يكتب لج الخير باذن الله

[غيمة مطر]

الله يجزاكم خير ...

قدمت في كل لاماكن اللي ذكرتوها وانتظر ...

تسلمون

[فلتة زمانها]

لا تحزنْ على تأخُّر الرزقِ ، فإنِّه بأجلٍ مسمّى،،انغمسْ في العملِ النافعِ،،استمر في الالحاح بدعائك
مع التيقن بالاجابه،، من كتاب لا تحزن للدكتور عايض القرني

يااااارب تلقين احلى وظيفه

[رحال الدوحه]

السلام عليكم ورحمة الله وبركاته ،،

اختي غيمة مطر .. يعطيج العافيه
وربي ينولج اللي فخاطرج ويوفقج دووم
الاخوان والخوات ما قصروا وجزاهم كل خير وياج على دعواتهم الطيبه
صج قهر اذا عيال الديره ما يحصلون وظايف في بلادهم هذا واحنا على قولتهم
مليون 800 الف هذا حالنا .. لو بنصير 10 مليون شلوون ؟؟ الله يرحمنا برحمته
مع انه تخصصج مطلوب وحلو ومميز هندسة كمبيوتر= it

إختي عليج بالدعـــاء واطلبي الله ووكلي
امورج على الله وسبحانه بيوفقج .. آمين

بحاول أسأل لج واهل الخير مب مقصرين وياج

أخوكم : رحال الدوحه

[غيمة مطر]

تسلمون جميعا وماقصرتو ..

بس فعلا الوضع اللي صاير .. يخلينا ننقهر ...

الاجانب يتوظفون عندنا لايسالونهم عن الجامعه معترف فيها او لا ... ولايسالون عن التقدير امتياز او مقبول
بس اجنبي خلاص يعني عبقري ...

مقهووووووووره حدي :(

[ذيب ازغوى]

قدم اوراقك في وزارة التوظيف وهم بيطلعون لك وظيفه