أكلنا في رمضان شلون؟

[المحاميه]

السلام عليكم


طبعاً شهر الخير ((رمضان)) على الابواب .. وانا فيني فوبيا الوزن ومابي ازيد في رمضان ولا كيلو ..

ممكن حد يقولي شنو الحل؟ مابي كلام عام .. ان خففي ومادري شنو لا .. ابي نظام او جدول امشي عليه بالحرف الواحد :secret:

وشكرا

[خليفـة]

موضوعج وايد مهم ومفيد لشريحة كبيرة من الناس
ليش ما كتبتيها على الحوار العام !!
انسخيه اختي وحطيها بالحوار العام .. وان شاء الله يفيدونج الأعضاء
تحياتي لج المحامية
:)

خليفــة

[PrivateHeart]

شوفي عزيزتي امشي على نظام السعرات في اكلك وشلون ؟
انا اقولك
الشخص الخامل يحتاج الى 20 سعر حراري لكل كيلو جرام
الشخص متوسط الحركه يحتاج الى 25 سعر حراري لكل كيلو جرام
والشخص كثير النشاط يحتاج الى 30 سعر حراري لكل كيلو جرام

يعني اذا وزنك 70 مثلا ونشاطك متوسط نضرب الوزن في 25 = 1750
يعني احتياجك اليومي من السعرات 1750 سعر حراري اذا اكلتي 1750 سعر في اليوم يثبت وزنك واذا نقصتي راح تنحفين واذا زدتي راح تسمنين
بذلك دوري على نظام رجيم على حسب السعرات الحرارية في عند ١٥٠٠ و١٢٠٠
فمثلا اذا اكلتي 1200 كل يوم مع رياضه لمدة نصف ساعه اربع ايام في الاسبوع راح تنحفين من 4 الى 6 كيلو في الشهر


وبامكنك الاستعانه بجدول السعرات الحرايه في الانترنت اذا رغبتي في اكل وجبه معينه

ملاحظه/ الشاي الاخضر مفيد جدا لانقاص الوزن 3 اكواب في اليوم تحرق 200 سعر حراري
بدون سكر طبعا يضاف اليه الليمون او النعناع لتحسين الطعم ولفائده اكبر

[PrivateHeart]

هاي رجيم ١٥٠٠سعر حراري
الفطور
-كوب حليب خالي الدسم
- قطعة جبنة أو بيضة - او2ملعقة لبنه قليلة الدسم أو فول أو حمص
-سلطة شرايح ماعدا الجزر
-2توست أو نصف خبزة


وجبة خفيفة
حبة فاكهة أو نصف كوب عصير أو 3 حبات تمر أو نصف موزة


الغداء
- كوب سلطة او تبوله او فتوش +ملعقة صغيره زيت زيتون
- كوب مرق خضار - او كوب خضار مسلوقه
- لحم اوسمك اودجاج90جرام أو 2همبرجر أو 2 كباب ((مشوي او مسلوق))
- كوب أرز مسلوق أو نصف خبزه
- حبة فاكهة أو 3 تمرات
- نصف كوب لبن خالي الدسم أو روب خالي الدسم


وجبة خفيفه
-شاي اوقهوه اونسكافيه
+ 2قطعة بسكوت دايجستف أو بسكوت بيتي بور أو 3شابوره أو 3 حبات تمر


العشاء
- نصف كوب روب أو لبن خالي الدسم
- كوب معكرونة مسلوقة أو نصف خبزة أو 2 توست
- تونه 60 جرام أو قطعة جبن أو 2 ملعقة لبنة
- كوب سلطة أو فتوش أو تبولة
-حبة فاكهة أو نصف كوب عصير

[المحاميه]

مشكوريين :rolleyes2:

[بصمة قطرية]

السلام عليكم ..
اختي بما إنج تبين الأكل الخاص في شهر رمضان ..
أنصحج بكم نصيحة أتبعها والحمدلله وزني ما يزيد ..

أول ما تفطرين ..
تمرة و لبن أو ماء ..
تصلين المغــرب و ترجعين تكملين فطورج ..
إبدي بالشوربة ..
لأن اللبن أو الماء والشوربة تقريباً راح يشبعونج ..
بعدها تقدرين تاكلين من اللي تبينه بس بكميات بسيطة ..
لأنج مليتي نص المعدة تقريباً ما راح تقدرين تاكلين وجبة كاملة ..
إبتعدي عن الشغلات الدسمة بعد الفطور خصوصاً المعجنات والمقليات
هي سبب المتن ..
السويت لازم تاخذينه لأن الجسم يحتاج عشان ما تتعرضين لهبوط
و انخفاض في معدل السكر ..
لازم توازنين في أكلج بحيث الجسم يستفيد ..
الحمدلله في البيت عندنا كلنا ماشيين على هالجدول
و الوزن ثابت ..

بين الفطور والسحور لو حسيتي إنج كثرتي من الأكل عليج بالشاي الأخضر
أو شاي الزنجبيل بالليمون ..
بس بعد الأكل بساعه ..
حاولي تكون وجبة السحور خفيفة ونسبة الدهون فيها بسيطة ..

[المحاميه]

مشكوره وايد وماقصرتي ان شاء الله ببدا بتمر وماي وعقب الشوربه .. الله يقدرنا ويبلغنا رمضان