اغـــــلاق فيلاجيـــــو

[بووسالم]

السلام عليكم ورحمه الله وبركاتـــه


مثل ماهـــو واضح لكم في العنوان
اليوم سمعت خبر بس مب متاكده منه عن اغــلاق مجمع فيلاجيــــو نهائياَََ وهـدم المبنى والحاق جزء منه بحديقه سبايــــر ....

اللي عنده علم ولا سمع شي يقووووول

[كلنا قطر 1981]

نفس العلم الي جاني قبل شوي على البلاك بيري و مادري هو صحيح او لا :rolleyes2:

[البدع]

محد يغلب الاشاعات في تويتر .... الا البلاك بيري

ننتظر تاكيد او نفي الخبر

[بووسالم]

تسلمون على الردود


وانا ماتفرق معاي تصكر او لا

[رُفق المجنّا]

اتمنى ذلك ، خلو شارع الوعب يتنفس !

[روز باريس]

اي والله صج فقدناه بس ارتحنا من الزحمه
قزرنا الخميس والجمعه نرجع بيتنا من طريق الصناعيه والله

[مساهم فنان]

حسب ما سمعت إنه بيفتح أيام العيد

[لاجل QT]

افضل وارقى مجمع في الدوحة ..خسارة

[رُفق المجنّا]

افضل وارقى مجمع في الدوحة ..خسارة

خسارة !! ما أحزنني الا اللي ماتوا في الحريق ولا والله أني فرحان من كثر كرهي له من النوعيات اللي الواحد يشوفها وصار يستحي هو

[ZURICH]

اهم شي سوق واقف لايسكرونه

[monatee]

ولد عمي شغال في الدفاع المدني ويقول جاهم تعميم الهدم

[بووسالم]

لو ينهـــدم ابرك الواحد وين عاد له نفس يروح هالمكان ولا يتسوق فيه وهو يدري ان في ناس واطفال ماتوا فيه وبسبب غلطه .........

[romoz]

غير صحيح ماتردد عن اغلاق مجمع فيلاجيو بشكل نهائي أو اي نية لهدم المبنى

#لا_للشائعات
#قطر
#qatar


وصلني من تويتر الاخ حمد

[al-obaidly]

ونعم القرار

[PrivateHeart]

سمعنا بخبر الهدم من قبل الحريق

[intesar]

ياريت ما يسكرونه.. تعبنا من الزحمة اللي صوبنا..

[الدوحاتي]

المجمع راح يفتح بعد 3 اسابيع

[airbus]

المجمع يبيله اقل شي سنة حتى يفتح كليا نفس ماكان السالفة مب سهلة لازم ينهدم الجزء المحروق وبعده يعيد بنائه

[خوي الدرب]

تسلمون على الردود


وانا ماتفرق معاي تصكر او لا

الحمدلله أن أكرمنا بخليفة لسيباويه

[ذباح]

هههههههه. مستحيل تتوقعون صاحب بعد مصارف الملايين بهدمه بكل هااسهوله لا تنسون ان موقع عقود تأجير أخرتها بدخل في قضاية

[خالد32]

زمان كانت في اشاعة بقص الارض لمشروع اسباير
شكلي زدت الطين بله

[ريم 28]

هههههههه. مستحيل تتوقعون صاحب بعد مصارف الملايين بهدمه بكل هااسهوله لا تنسون ان موقع عقود تأجير أخرتها بدخل في قضاية

نعم مستحيل نفس الراي

[Anas_G]

على فكرة انا شفت الحريق حوالي 5 او 6 محلات يعني ممكن بكل سهولة اغلاق المحلات المغلقة مع صيانة خفيفة وفتح باقي المجمع الكبير ولا تنسون كمية الخسارة على كل يوم اغلاق .. اذن الموضوع اكبر من صيانة وتصليحات من جراء حريق .. واحتمال كبير يكون كلام الهدم صحيح

[الموضوعي]

هذا مشكلة حكومتنا قرارتهم ردة فعل وليست وفق مصلحة معينة، يعني لو ماصارت الحريقة خاصة اللي ماتوا اجانب مب هنود كان المجمع للحين مفتوح ولا كأن فيه شي ، وين مفتشين الدفاع المدني ووزارة الأعمال والتجارة والبلدية والشؤون الاجتماعية عن المجمع وعن المحلات اللي فيه طول هالسنيين يعني صاحب المجمع اذا محد نبه للتقصير فالمسؤولية ماتكون عليه لوحده على الجهات الحكومية النايمة ، لكن هذي قطر لا صارت مصيبة لازم يكون فيه كبش فداء حتى لو مظلوم

[Rosso]

محتاجين مجمع مثل العالم والناس نقضي فيه مشترياتنا :weeping:

[][ الوحيد ][]

أشـــــــــاااااااعه

[تاسيتوس]

لا يهدمونه شنسوي باللاجئين بعدين ؟

[Ahmed25]

صراحة خساره .. مجمع متكامل من ناحية الخدمات.. مطاعم و محلات و ماركات و سينما .. الله يسامح الدفاع المدني اللي ما شدد على اجراءات السلامه

لا اتمنى الهدم

[الملا]

ان شاء الله يفتحونه في اقرب وقت

[Chambray]

وصلني من تويتر الاخ حمد

من هذا حمد؟؟؟؟؟
لهدرجة مصدر موثوق هو؟؟؟؟؟؟

[الأصيلة]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

[لاجل QT]

خسارة !! ما أحزنني الا اللي ماتوا في الحريق ولا والله أني فرحان من كثر كرهي له من النوعيات اللي الواحد يشوفها وصار يستحي هو

الله يرحمهم جميعا كلنا حزنا عليهم..
بخصوص النوعيات في كل مكان تحصلهم يمكن في فيلاجو على اخف ..لو كل مكان بندعي علية ان يحترق بسبة هالفئة احترقت قطر كلها بعيد الشر الله يحفظها اميين

[romoz]

من هذا حمد؟؟؟؟؟
لهدرجة مصدر موثوق هو؟؟؟؟؟؟

لا مو مصدر موثوق ، و لكن نفي الاشاعة قد تكون اقرب للحقيقة و اكثر فائدة من نشرها .

و الله يجزاكم خير و يبارك فيكم

[OREO]

المجمع يبيله اقل شي سنة حتى يفتح كليا نفس ماكان السالفة مب سهلة لازم ينهدم الجزء المحروق وبعده يعيد بنائه


ليش ينهدم الجزء المحروق اخوي ؟؟

[OREO]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

انا سمعت بأن اللي اعطى المجمع بعين هو قطري و عيونه تبط مرارة الشخص ،، و العلم عند الله ،،

[ANONYMOUS]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...


شدخل

هذا قضاء وقدر

وبعدين حسستيني ان فيلاجيو 44 دور وطوله 60 كيلو

[لجين]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

سبحان مغير الاحوال

الحين السعوديين منبهرين بمجمعاتنا

قبل احنا اللي ننبهر بمجمعاتهم ونتحسر على حالنا ماعندنا غير السنتر

[al_jo0ory]

لاااااااااااااا إلاااااااااا فيلاااااااجيوووووووو :anger1::anger1:

[رُفق المجنّا]

انا مستعد أتطوع وأشارك في عملية الهدم والفأس موجود وانا حاضر

:tease:

[M S A]

مع إني مب من مرتادي فيلاجيو بس حسيت بأن صار زحمة في اللاند مارك بعد ما احترق. أتمنى ينفتح عشان يخف الضغط على باقي المجمعات. الله يغفر لجميع شهداء فيلاجيو صغارا و كبارا. إن شاء الله.

[خليفـة]

الله يسمع منك
ويسكرونه ان شاء الله
:)

خليفــة

[Dana’1]

اذا بيهدمونة وبيبنون مجمع غيرة يفي بشروط السلامة زين وان استثمروا الارض بشي ثاني هم ابخص:)
الحين المشاريع كثيرة مجمع العمادي والفيستيفال بيفتحون حتى لو بعد كم سنة ما تدرون يمكن تكون نفس مدة صيانة اجرآت السلامة فيي فيلاجيوا
وحاليا لاجونا واللاند مارك وحتى الحياة بلازا ووذنان يفي بالغرض على الاقل



إلا
عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...
*

*



اولا: اختي العين حق:)
بس مو شرط سعوديين او قطرين ممكن تفلت من اي جنسية

ثانيا: المجمع وسائل السلامة فية دمار والي معطي تصاريح هذا .... والاطفال الي راحو الله يرحمهم نتيجة لهذا الاهمال مو العين والله اعلم

ثالثا :اغلب من اواجه من السعوديين اهلي صديقات خواتي.الخ من الي تمشوا بالدوحة كيفو على سوق واقف وفيلاجيو بس الاول سوق واقف
حتى صديقتي من دولة عربية جات لقطر تقول احلى شي عندكم بالديرة كلها سوق واقف

اخيرا: شكلك اختي مارحتي السعودية بالذات لجدة او الرياض الي مليااااااانة مولات واسواق فخمة وحلوة :) وحتي الشرقية بس اقل عدد من جدة والرياض
ولا تنسين ان السعوديين الي قدروا يوصلون قطر ايضا بعضهم وكثير سعوديين راحوا دبي قبلها
عاد تعرفين دبي شلون هي لؤلؤة الخليج بلا منافس:)
ماشاءلله تبارك الله ما سمعنا ابن بطوطة الي مصور من كل صوب من السياح السعودين احترق وان شاءلله ما نسمع اي خبر شين عن اي دولة مسلمة

**ضربت كمثال ابن بطوطة بحكم ان الديكور من سماء وارضيات قريبة من فيلاجيو مو شي جديد
الا الممر المائي الفرق:)

هذا غير دبي مول ..امارات مول...فيستيفال دبي هذا فية ممرات مائية خارجية وجلسات روعة

والسلام ختام

[ParadEyes]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

صراحه تحليل خطير.. يا ليت يفتحون باب التحقيق مرة ثانية بحثا عن صاحب العين المتسبب بالكارثه :omg:

الا اقول اختي بما ان فيلاجيو مسكر.. شرايج تزورين مجمعات الرياض اللي القطريات يجهزون منها من سنين - من قبل ما تفتح مجمعاتنا :rolleyes:

[.. الكاش ..]

اتمنى الخبر يكون غير صحيح

[قطر33]

بسم الله الرحمن الرحيم والصلاة والسلام على اشرف المرسلين,

من ثاني يوم احترق فيه مجمع فيلاجيو, توقعت انه راح يهدم, وذلك لقربه من استاد خليفة ولاتنسون كاس العالم واكيد راح يحتاجون المكان في المستقبل وغير هذا ان المجمع مبني من الشينكو وحوائط المحلات اغلبها قابلة للاشتعال فهو مبني بطريقه غير امنه, ولا يوجد فواصل اسمنتيه بين المحلات تكفي لعدم انتقال الحريق, فهناك ثغرات كثيرة, والشيء الاخر والمهم, مجمع فلاجيو بجمال سقفه والنهر وتصميمه الغربي الجميل, استقطب كل فئات المجتمع وصار مجمع للمناظر الغير محتشمه حتى في ليالي شهر رمضان المبارك , فسبحان الله كل شي صار بقدر الله ويمكن الله يحبكم يا اهل قطر الطيبين ومنع هذه المناظر والامور المنكره الاخرى, فيه دول غيرنا صار لها حروب وكوارث من هذه الاسباب والأمم السابقة الله ذكرها في القران لما عصوا, لكن الله يستر على الجميع ويهدينا لما يحبه ويرضاه واسف عل اطالة.

[ll vip ll]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...


شدخل وهذا قضاء وقدر
خلو عنكم هاي السوالف

توقعون السعوديين بيعطونا عين وبيضرون اهلهم :)

[ألعب بعيد]

شدخل الهدم الحين ؟!

انا رحت هناك امس الساعة 11 وشوي لاني كنت متوجه للبرج لقيت افراد قاعدين قدام بوابة رقم 4 قلت خلني اسال عن اللي صاير
قال لي واحد من الحراس ان اللي صاير الحين تصليح المحلات المحترقة وتركيب اجهزة الانذار في مخازن المحلات كلها ركزو كلها .. اللي تكون في الطابق الثاني وقاعدين يعدلون السقف المتهدم واجهزة التكييف
وانا بنفسي شفت العمال يدخلون اغراض ولوحات محلات واصباغ ترا العمل في فيلاجيو 24 ساعة بالتناوب للحراس وعمال التصليح وفيلاجيو بيفتح تقريبا بعد 13 يوم من الحين ..

[وليف قطر]

اخر شي وصلنا .. 15 رمضان بيفتح

وياخبر اليوم بفلوس .. بكره ببلاش

[بنت مريخ]

ان شاءالله مايصكرونه

[alwahesh]

نعم الخبر شبه صحيح ولكن الاغلاق بعد 5-7 سنوات

لاستغلال الموقع للمتابعه من قبل الصحفيين والمراسلين الدوليين لاحداث 2022

[كازانوفا]

حتى لو ما تسكر اظن الكثير من العائلات راح يخافو انهم يروحو او حتى يتركو اولادهم بدون رقابه
لا زال الخوف مستمر في قلوب الكثير من الناس

[doha2012]

,


اتمنى مايكون صحيح ,


تعبنا من الزحمه في كل مكان , كان مغنينا عن الذهاب لاي مجمع ثاني الا للضروره ,


اللحين حتى وان رحنا بدري تاخرنا الزحمه .. ونوصل متاخرين , الستي مسكر ولا فيه الا اللاند


حتى المول زحمه ..








اللحين اشوف به مجمعات كثيره في طور انها تخلص بناء قريب ,


الله المستعان ,








,

[الأصيلة]

اذا بيهدمونة وبيبنون مجمع غيرة يفي بشروط السلامة زين وان استثمروا الارض بشي ثاني هم ابخص:)
الحين المشاريع كثيرة مجمع العمادي والفيستيفال بيفتحون حتى لو بعد كم سنة ما تدرون يمكن تكون نفس مدة صيانة اجرآت السلامة فيي فيلاجيوا
وحاليا لاجونا واللاند مارك وحتى الحياة بلازا ووذنان يفي بالغرض على الاقل



إلا

اولا: اختي العين حق:)
بس مو شرط سعوديين او قطرين ممكن تفلت من اي جنسية

ثانيا: المجمع وسائل السلامة فية دمار والي معطي تصاريح هذا .... والاطفال الي راحو الله يرحمهم نتيجة لهذا الاهمال مو العين والله اعلم

ثالثا :اغلب من اواجه من السعوديين اهلي صديقات خواتي.الخ من الي تمشوا بالدوحة كيفو على سوق واقف وفيلاجيو بس الاول سوق واقف
حتى صديقتي من دولة عربية جات لقطر تقول احلى شي عندكم بالديرة كلها سوق واقف

اخيرا: شكلك اختي مارحتي السعودية بالذات لجدة او الرياض الي مليااااااانة مولات واسواق فخمة وحلوة :) وحتي الشرقية بس اقل عدد من جدة والرياض
ولا تنسين ان السعوديين الي قدروا يوصلون قطر ايضا بعضهم وكثير سعوديين راحوا دبي قبلها
عاد تعرفين دبي شلون هي لؤلؤة الخليج بلا منافس:)
ماشاءلله تبارك الله ما سمعنا ابن بطوطة الي مصور من كل صوب من السياح السعودين احترق وان شاءلله ما نسمع اي خبر شين عن اي دولة مسلمة

**ضربت كمثال ابن بطوطة بحكم ان الديكور من سماء وارضيات قريبة من فيلاجيو مو شي جديد
الا الممر المائي الفرق:)

هذا غير دبي مول ..امارات مول...فيستيفال دبي هذا فية ممرات مائية خارجية وجلسات روعة

والسلام ختام

هــ:)هـــ:)هــــ:)هـــــ

بالعكس أنا أروح السعودية وجده بالذات وفعلا فيها مولات ومجمعات بس مب بهذا المستوى...
وأكيد العين بتجي من أي أحد مو السعوديين بس...

[الأصيلة]

شدخل وهذا قضاء وقدر
خلو عنكم هاي السوالف

توقعون السعوديين بيعطونا عين وبيضرون اهلهم :)

العين تجي من القريب والبعيد
وقالواها مايحسد المال إلا اصحابه
وصاحب العين مسكين اشدراه إنه قاعد يضر غيره
هو يطالع ويتكلم ويمشي ماعنده فيها
الله يكفيني شر العين,,,

صدقتوا عاد ...!!!!

[محمد]

هذا مشكلة حكومتنا قرارتهم ردة فعل وليست وفق مصلحة معينة، يعني لو ماصارت الحريقة خاصة اللي ماتوا اجانب مب هنود كان المجمع للحين مفتوح ولا كأن فيه شي ، وين مفتشين الدفاع المدني ووزارة الأعمال والتجارة والبلدية والشؤون الاجتماعية عن المجمع وعن المحلات اللي فيه طول هالسنيين يعني صاحب المجمع اذا محد نبه للتقصير فالمسؤولية ماتكون عليه لوحده على الجهات الحكومية النايمة ، لكن هذي قطر لا صارت مصيبة لازم يكون فيه كبش فداء حتى لو مظلوم

اخالفك الرأي ..
هي ليست ردة فعل ..
بل هو فساد مستشري و تعطيل للقوانين و العمل بها ممن يرأسون اجهزة كثيرة في الدولة .. و فجأة ومع اي حادث .. ينكشف هذا التقصير .. من اشخاص وليس من الدولة .. فتبدأ رحلة التصحيح وكأنها ردة فعل .. ولكنها ان كانت كذلك فهي لا بد منها !!

[الـخـالـدي]

ماعرفنالكم ناس يقولون بينهدم وناس يقلون بينفتح

العلم وشو اللحين ؟

[Alshoog84]

ان شاء الله يفتح قبل العيد
احلى مجمع بصراحة .. والمصخرة بصراحة كلها تصير ف الاند مارك !! المجمع الوحيد اللي ما داني اطبه خير شر ومن اول مانبنى وهالشباب دوارة و show بسياييرهم حق ال........

[لابس بشت]

وصلنا عام 2012 وللحين فيه ناس تصدق خرابيط البلاك بيري

انا وصلني في البلاك بيري انه بينهدم
شوي جاني انه بيحولونه لسوق السمك والخضروات

واللي يقول ولد عمي فالدفاع المدني وجانا قرار الهدم !!

اللي يحب المجمع واللي يكرهه المجمع حاليا تحت الصيانه وبيرجع ينفتح اذا الله اراد
لكن خرابيط اغلاق فيلاجيو وهدمه لحد يصدقها

[Dana’1]

هــهـــهــــهـــــ

بالعكس أنا أروح السعودية وجده بالذات وفعلا فيها مولات ومجمعات بس مب بهذا المستوى...
وأكيد العين بتجي من أي أحد مو السعوديين بس...[/size]

[size="5"]دوم هالضحكة..يا حلوة:)
اعرف ان اغلب اهل قطر يجون للسعودية اذا مو كلهم.. سواء لاداء فرائض ..او عشان الاسواق طيب خلاص ..ولا يهمك السعودية مافيها ولا مول فخم بمستوى فيلاجيو هههــــ

بس الاكيد ان دبي ومجمعاتها احلى من فيلاجيو ومن مجمعات قطر:) ما جاهم شي ..عسى الله يتم عليهم

[اليحصبي]

احلى شي يوم سكرو فيلاجو ما اشوف زحمة




الحمدلله أن أكرمنا بخليفة لسيباويه


وكذلك بحاجبه معاذ بن مسلم
http://www.shooq4.com/vb/images/bb/11.png

[كلنا قطر 1981]

هــ:)هـــ:)هــــ:)هـــــ

بالعكس أنا أروح السعودية وجده بالذات وفعلا فيها مولات ومجمعات بس مب بهذا المستوى...
وأكيد العين بتجي من أي أحد مو السعوديين بس...

والله يا اختي الاصيله شكلج ما رحتي مجمع رتسي في جده

روحي و روحي بس الحي الاندلسي الي فيه و بتعرفين انه الفيلاجو و لا شي بالنسبه حق

هالمجمع الي ذكرته

السالفه و مافيها هي قضاء الله و قدره لا عين السعوديين و لا حتى عين القطريين

و خلو عنكم سالفة العين ان واحد رسب في الامتحان قالوا عين ان وحد مسرع و سو حادث

قالوا عين و واحد من ربعي قبل اسبوع خبط موتره لانه مافي اويل مكينه و جى و قالي عين

والله رديت عليه و قلته خف على بس مافي في قطر واحد عنده كروزر جي اكس 2004

غيرك

كل شي مقدر و مكتوب الاسباب من عند البشر عيل مجمع مرشات الماي فيه ما تشتغل و مافي

دراسه عدله حق مخارج الطواري؟؟؟

[شبح الصمت]

الله مكثر المجمعات اذا صكروا فيلاجيو


حياة بلازا

الرويال بلازا

المول التجاري

وذنان

اللاند مارك

مجمعين بعد بيفتحون من غربي الاند مارك

يعني لا تحاتون التفرفر

[Dana’1]

والله يا اختي الاصيله شكلج ما رحتي مجمع رتسي في جده

روحي و روحي بس الحي الاندلسي الي فيه و بتعرفين انه الفيلاجو و لا شي بالنسبه حق

هالمجمع الي ذكرته

السالفه و مافيها هي قضاء الله و قدره لا عين السعوديين و لا حتى عين القطريين

و خلو عنكم سالفة العين ان واحد رسب في الامتحان قالوا عين ان وحد مسرع و سو حادث

قالوا عين و واحد من ربعي قبل اسبوع خبط موتره لانه مافي اويل مكينه و جى و قالي عين

والله رديت عليه و قلته خف على بس مافي في قطر واحد عنده كروزر جي اكس 2004

غيرك

كل شي مقدر و مكتوب الاسباب من عند البشر عيل مجمع مرشات الماي فيه ما تشتغل و مافي

دراسه عدله حق مخارج الطواري؟؟؟
اظن غلطة مطبعية... تقصد..."الرد سي " :)

[كلنا قطر 1981]

اظن غلطة مطبعية... تقصد..."الرد سي " :)

الله يرحم والديج اختي على التصحيح هو فعلا مجمع الرد سي في جده

ما شاء الله عليه له بدايه و ماله نهاية من كبر حجمه و عيني عليه بارده لا يصير فيه شي و

عقب اهلنا في السعوديه يزعلون على و يقولون هذي عين كلنا قطر

الله يحفظ السعوديه و قطر و كل بلاد المسلمين الللهم امين

[الأصيلة]

والله يا اختي الاصيله شكلج ما رحتي مجمع رتسي في جده

روحي و روحي بس الحي الاندلسي الي فيه و بتعرفين انه الفيلاجو و لا شي بالنسبه حق

هالمجمع الي ذكرته

السالفه و مافيها هي قضاء الله و قدره لا عين السعوديين و لا حتى عين القطريين

و خلو عنكم سالفة العين ان واحد رسب في الامتحان قالوا عين ان وحد مسرع و سو حادث

قالوا عين و واحد من ربعي قبل اسبوع خبط موتره لانه مافي اويل مكينه و جى و قالي عين

والله رديت عليه و قلته خف على بس مافي في قطر واحد عنده كروزر جي اكس 2004

غيرك

كل شي مقدر و مكتوب الاسباب من عند البشر عيل مجمع مرشات الماي فيه ما تشتغل و مافي

دراسه عدله حق مخارج الطواري؟؟؟

بالعكس ردسي مول رايحته أكثر من مرة
و ستارز افينو وشارع التحلية والخياط وفتيحي وجده مول وجرير
والبضائع حلوة وتجنن ماقلنا شيء..
بس السعوديين مايعجبهم ها النوع من الأسواق
يبغون فيلاجيو لأنه غير بالنسبة لهم حركة وكبير جدا بالنسبة لموالاتهم..
وأهم شيء فاتح طول اليوم ...
بالإضافة إن اللي يجون قطر مب أهل جده ..
اللي يجون أهل الشرقية والرياض والمناطق هذه تفتقد لمثل ها المجمعات...

[الأصيلة]

الله مكثر المجمعات اذا صكروا فيلاجيو


حياة بلازا

الرويال بلازا

المول التجاري

وذنان

اللاند مارك

مجمعين بعد بيفتحون من غربي الاند مارك

يعني لا تحاتون التفرفر

ثلاثه والرابع في المرخيــة والخامس في الوكرة...

[شبح الصمت]

ثلاثه والرابع في المرخيــة والخامس في الوكرة...




الثالث ما شفته بس الرابع الي على خط جاسم بن حمد

العمادي يبيله وقت والي في الوكره تقصدين الي في قرية بروه حلو بعد

وعندج الله يسلمج الي في الخور صوب اكاديمية الخور من شماليها

يعني مجمعات اش كثرها

بس يبقى الستي سنتر قلب المجمعات كلها شالسالفه مدري

:secret:

[الأصيلة]

الثالث ما شفته بس الرابع الي على خط جاسم بن حمد

العمادي يبيله وقت والي في الوكره تقصدين الي في قرية بروه حلو بعد

وعندج الله يسلمج الي في الخور صوب اكاديمية الخور من شماليها

يعني مجمعات اش كثرها

بس يبقى الستي سنتر قلب المجمعات كلها شالسالفه مدري

:secret:

الثالث على طريق الشمال بعيد شوي عن اللاند مارك
أما الوكرة فـ هو مول ازدان مقابل المستشفى العام
باقي له بعد سنة كاملة أعتقد...
الله يبارك ويزيد وتخف الزحمة...

[آنــه]

الصراحه ما اتمنى يهدمونه اولا المجمع تحفه معماريه ( الديكور الداخلي ) يحسسك بحضارات وفيه اماكن ترفيهيه ومقاهي ومطاعم ومحلات عالمية , وبعدين فاكنا من الزحمه والضيق جعلها تضيق على اليهود الوسيعه ان شاء الله شنو يعني المناطق الشمالية ما لها مخارج و بعد يزيدون اختناقات مروريه على الاختناقات الموجودة ويفتحون مجمعين متلاصقين ولا وجنبهم اللاند مارك الله عليكم وعلى دراساتكم :( ذبحتونا صراحه بحركاتكم .. يا توزعون المجمعات مثل الناس يا توفرون لنا طيارات ومهابط تودينا وتجيبنا .. لو نبي نطلع نقضي اغراض من مشوار منطقه ما ياخذ الا 10 دقايق ناخذه في ساعه ونص ليش رايحين بوسمره مب نازلين الدوحه .. اللي يفكر في استقطاب الكثير من الناس عليه بالتخطيط اولا لمنطقة السكن وتوزيع االاماكن العامه واماكن التسلية لهم وبعدها يتم تغيير الشوارع من ( مصران القطو )الى ( مصران بعير ) عز الله شانكم على الاقل أكبر شوي للمستقبل و بعدين يجيبهم مب يجيبهم وحنا اللي نبتلش بهم ... استغفرك الله واتوب اليك .. شكلي لو طولت بجيب الاضحى قبل لا يجي

[فلتة زمانها]

الله مكثر المجمعات اذا صكروا فيلاجيو


حياة بلازا

الرويال بلازا

المول التجاري

وذنان

اللاند مارك

مجمعين بعد بيفتحون من غربي الاند مارك

يعني لا تحاتون التفرفر

1+
اللاجونا

[آنــه]

اللاند / ( الخليج / ازدان ) .. كلهم في نفس المنطقه ولا وجاينا قريب فاستفال والثاني انواع الزحمه
المول .. صوب الهلال
الرويال .. السد
حياة بلازا .. طريق الوعب
الستي سنتر / ذا جيت + السلام منطقة الابراج
اللؤلؤة + اللاجونا .. جنب الريتز

[Dana’1]

]الله يرحم والديج اختي على التصحيح هو فعلا مجمع الرد سي في جده

ما شاء الله عليه له بدايه و ماله نهاية من كبر حجمه و عيني عليه بارده لا يصير فيه شي و

عقب اهلنا في السعوديه يزعلون على و يقولون هذي عين كلنا قطر

الله يحفظ السعوديه و قطر و كل بلاد المسلمين الللهم امين[/QUOTE]
ووالديك ان شاءلله
لا لا لا تحاتي...ان شاءلله ما يصير اي مكروة باي بلد
والعين حق ترى ...وايضا قضاء وقدر،،،يعني ايش الفايدة سماء وشبابيك بدون مرشات مياة او اهمال بالصيانة..ووايرات رايحة فيها...وجرس عطلان ...وتعديات على اجرآت التراخيص
الله يعين وان شاءلله ما تتكر باي مول لا بقطر ولا برا قطر

ولا تحاتي ما اظن السعوديين بيقولون عين اهل قطر :)
اتوقع بيحطون حرتهم باهمال الحكومة :tease:
ويارب ما نشوف مكروة باي دولة مسلمة آمين يارب العالمين




بالعكس ردسي مول رايحته أكثر من مرة
و ستارز افينو وشارع التحلية والخياط وفتيحي وجده مول وجرير
والبضائع حلوة وتجنن ماقلنا شيء..
بس السعوديين مايعجبهم ها النوع من الأسواق
يبغون فيلاجيو لأنه غير بالنسبة لهم حركة وكبير جدا بالنسبة لموالاتهم..
وأهم شيء فاتح طول اليوم ...
بالإضافة إن اللي يجون قطر مب أهل جده ..
اللي يجون أهل الشرقية والرياض والمناطق هذه تفتقد لمثل ها المجمعات...

:)
الي بالاخضر..يمين يسار ممكن تمشي
لكن الي بالاحمر عجيييبة هـ هـ هـ:)

ومسأله الوقت كثير من اهل الخليج الي يجون يقولون زين تجلس مولاتهم للساعة 12:) ما عدا بعض الشركات
عاد تعرفين السهر عند العرب وبالذات الخليج وبالذات السعودييين هههه:)
يعني هي مسأله تفرق من شخص لشخص

وتأكدي ان هل اغلب اهل السعودية يتمشون داخليا بين المناطق ..لان لا جوازات ولا غيرة وبالذات جدة مرورا بمكة وشبعانين مولات بكل مكان وحي مول بالذات بالمدن الكبيرة

وما اعرف اذا تصدقين او لا ...اغلب معارفي وصديقات خواتي .. كيفو وحبو سوق واقف اكثر شي بقطر
هذا اكبر دليل على تملل الناس من المولات لكثرتها

[مضارب دوسري]

ازدان مول بيفتح قريبا ملك للشيخ ثاني بن عبدالله
وبخصوص فيلاجيو الاي يقول بينهدم ومدري ايش انصحه يمر على فيلاجيو ويشوف العمال اللي يشتغلون فيه
وسلامتكم وخلوا عنكم الاشاعات


السيتي سنتر بيسكر فتره طويله تقريبا اكثر من سنه حسب كلام واحد من اللي يقربون لصاحب المجمع
والسبب ان بيهدمون الباركنغ كامل لانه ارتفاعه قليل ومايسمح لدخول سيارات المطافي

[سعادة الوزير]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

اي عين ماصلت على النبي ، اصلاً الي عطانا عين هو واحد من الفئة الحاقدة على قطر ، لان احنا الاول في كل شي والافضل في كل شي وكل شي في كل شي!! ، بس هم الي حاسدينا وحاقدين علينا ، ولا احنا شغلنا كله صح وعمرنا ما غلطنا في شي!!!

خلوا عنكم القاء اسباب الفشل على الغير!

[bo_s3ood]

استغرب من ردود البعض السعودين يحسدون مجمع فيلاجيو هههههه

اشدخل الحسد في الحريق لو بيحسدون مثل ماتفضلتي كان انخفس المجمع ماحترقت الحضانه الي محد يدري انها موجوده ولا محل الرياضه

في السعوديه فيها مجمعات واشكال والوان جاين يحسدون فيلاجيو عشان كبره ولا وش

خلوو عنكم سوالف الحقد والكراهيه لاهلكم

اذا بدخلين الحسد فحنا حاسدينهم بالفعل برخص المعيشه عندهم بترول رخيص واقراض البيت كلها من السعوديه ومحد ينكر هذا كلنا اخوان واهل
الي صار في فيلاجيو قضاء وقدر واهمال من اصحاب المحلات
وموضوع الازاله اخبر من اول مافتحوه وكان في خبر ازاله عليه وعلى حياة بلازا اضن

عشان تطوير المدينه الرياضيه والحين كل شي جايز

[شبح الصمت]

1+
اللاجونا




شو حبيتو كتير هالمجمع


بيطر العئل خيتوو

:tease:

[المحاميه]

بس يبقى الستي سنتر قلب المجمعات كلها شالسالفه مدري

:secret:


انا انطر الستي يفتح لان احصل كذا محل احذا بعض وفمكان واحد عالاقل :weeping: امس تلهت وانا ادور كل محل بروحه من مكان لي مكان ..

[سعادة الوزير]

ولد عمي شغال في الدفاع المدني ويقول جاهم تعميم الهدم

اخوي من متى الهدم يحتاج له تعاميم على الجهات الحكومية والامنية في الدولة؟ و شدخل الدفاع المدني في عملية الهدم؟

[Dana’1]

1+
اللاجونا


ذوق يا بنت:)
فعلا حلو ورايق...والمحلات حلوة،،،رغم ان اغلبها ما فتح
وحتى كارفور الي فية ملموم وزين:)

[الغلااا]

[QUOTE=مضارب دوسري;8310577]ازدان مول بيفتح قريبا ملك للشيخ ثاني بن عبدالله
وبخصوص فيلاجيو الاي يقول بينهدم ومدري ايش انصحه يمر على فيلاجيو ويشوف العمال اللي يشتغلون فيه
وسلامتكم وخلوا عنكم الاشاعات


:thumbup1:
والله نفس اللي ابي اقوله عمال يشتغلون فيه ويقولون ازاله وراح ينهدم اظاهر يسون له صيانه قبل الازاله

[شبح الصمت]

انا انطر الستي يفتح لان احصل كذا محل احذا بعض وفمكان واحد عالاقل :weeping: امس تلهت وانا ادور كل محل بروحه من مكان لي مكان ..



:weeping:

:weeping:

:weeping:

[M!$s ĀŁ!eN]

اخواني اخواتي لا تصدقون الاشاعات ..
لان ماله الا خراب البيوت وفيلاجيو ان شاء الله بيفتحون لان اصلا من اقصاد ومعالم الدوله
والسيتي سنتر بعد بردون يفتحون ..
بس بعد ما يخلصون من شروط الامن والسلامه ..

اصلا كانواا محتاجين .. لصحووه ( اللي اهي فاجعه فيلاجيو)
الله يرحم كل المتوفي ..
المشكله اللي سبب فيلاجيو ولا شاعات واحفاء الحقايق .. مب من حقنا انتكم فيها
في حكوومه وقرارات.. اهي اللي تسوي كل شي ..

اما بنسه لفيلاجيو .. الحمدالله ان مااراح يتصكر .. المساله وقت وان شاء الله .. بتعدي
بس لازم الحذر والحيطه
لازم تحافون الله في انفسكم..\
حريق فيلاجيو مجرد تخذير ..

لازم يتكون عندكم توعيه وارشاد في الاسعاف الاوليه

راي الشخصي عن فيلاجيو
انا من عشاق المجمع كل شي موجود ..
وقريب بيتنا مادري احب هاي المجمع ... ارتاح لما اتسوق فيه ..
بس اكره زحمته وخاصه الويك اند ..

ياااليت لو الاخوات العربيات والخليجات والمسلمات
بالاتزام بزي المحشتم ..
لان انا اجوف اسكت .. مره مرتين والثالثه اتكلم ..
وتحياتي ..

[الأصيلة]

:)
الي بالاخضر..يمين يسار ممكن تمشي
لكن الي بالاحمر عجيييبة هـ هـ هـ:)

ومسأله الوقت كثير من اهل الخليج الي يجون يقولون زين تجلس مولاتهم للساعة 12:) ما عدا بعض الشركات
عاد تعرفين السهر عند العرب وبالذات الخليج وبالذات السعودييين هههه:)
يعني هي مسأله تفرق من شخص لشخص

وتأكدي ان هل اغلب اهل السعودية يتمشون داخليا بين المناطق ..لان لا جوازات ولا غيرة وبالذات جدة مرورا بمكة وشبعانين مولات بكل مكان وحي مول بالذات بالمدن الكبيرة

وما اعرف اذا تصدقين او لا ...اغلب معارفي وصديقات خواتي .. كيفو وحبو سوق واقف اكثر شي بقطر
هذا اكبر دليل على تملل الناس من المولات لكثرتها


هــهـهـهـهـهـهـهـهـه

عادي من العجلة ...

[غير عنهم]

نعم القرار اذا تم الهدم وتوسعة حديقة اسباير وكفاية الحياة بلازا لتسوق

[البدع]

حسب ماوصلني

فيلاجو سيهدم

صكوه بعين

[Dana’1]

هــهـهـهـهـهـهـهـهـه

عادي من العجلة ...
:)
شسالفة؟

[الأصيلة]

:)
شسالفة؟

سالفة لموالاتهم..بدل مولاتهم

[الأصيلة]

حسب ماوصلني

فيلاجو سيهدم

صكوه بعين

طرش برودكاست وشوف كان ماوصل كل أنحاء العالم ها الكلام...

[fhd4]

حوبة حياة بلازا

[Dana’1]

سالفة لموالاتهم..بدل مولاتهم
:)..غير الغلط المطبعي ...الفكرة غلط..ماهو اكبر من مولاتهم:tease:
;)

[MAZEN37]

حسد السعوديين لفيلاجيو
شيء مضحك
فيلاجيو بكبره يحطونه بالباركنج تحت اصغر مول بالمدن السعوديه
مافي مقارنه اصلا

[OREO]

حتى لو ما تسكر اظن الكثير من العائلات راح يخافو انهم يروحو او حتى يتركو اولادهم بدون رقابه
لا زال الخوف مستمر في قلوب الكثير من الناس

اقسم بالله فيلاجيو مالها لا انياب و لا مخالب ،،

عالم تسافر شرق اسيا رقم التوسونامي و الزلازل المستمرة ،،

علم تسافر اوروبا و امريكا رغم الجرائم المستمرة فيها ،،


جات على فيلاجيو المسكينه ،، :(

[بورصواوي]

انا ماتفرق عندي لا اروح سينمه ولا اشتري الا نادر
بس الي عنده محل بدون افرع راح فيها يخسر مع التسكيره هذي... واذا سكروه نهائيا يعتبر بدى من الصفر

[لاجل QT]

انا مستعد أتطوع وأشارك في عملية الهدم والفأس موجود وانا حاضر

:tease:

ليــــــــــــــــــش عــــــــــــــاد:(
تووف من بؤك:(

متنا من الزحمة في اللند..احترقنا من الشمس واحنا ندور باركنغ:(

تونى عرفت قيمتك يافيلاجيو:weeping:

بصراحة كان مخفف الزحمة :weeping:

[elders]

حوبة حياة بلازا

هههههههههههههههههههههههههههه

[زعبي]

في الفيلاجيو كان بيفتح شيك شاك برجر.. أحد يدري وش صار عليه؟

[بصمة قطرية]

قولوا لي متى عشان أصور للذكـــرى .. :(

[بوعلي2]

زين قلتوا لي عشان اصور جنبه صوره للذكرى :weeping: :shy: :looking:

[airbus]

زين قلتوا لي عشان اصور جنبه صوره للذكرى :weeping: :shy: :looking:

صور واكتب تحت الصورة راحوا الطيبيين

[O N E]

أحسن عشان تخف الزحمة على الشارع

[لاجل QT]

زين قلتوا لي عشان اصور جنبه صوره للذكرى :weeping: :shy: :looking:

هههههههههههههه

بو على خذلي معك صورة للبحيرة والمركب اظن يسمونة دونديلا صورة تذكارية:nice:

وداعا فيلاجيو:weeping:

[بيانو]

افضل مول فى قطر

اتمنى اصلاحه وإعاده النظر فيه

[روح الاطلس]

اي عين ماصلت على النبي ، اصلاً الي عطانا عين هو واحد من الفئة الحاقدة على قطر ، لان احنا الاول في كل شي والافضل في كل شي وكل شي في كل شي!! ، بس هم الي حاسدينا وحاقدين علينا ، ولا احنا شغلنا كله صح وعمرنا ما غلطنا في شي!!!

خلوا عنكم القاء اسباب الفشل على الغير!

نعم نعم اصلا قطر طايفة اليابان بس واااااعليه محد يصيبه العين الا قطر :(

[Lap top]

ما عتقد بيصكرونه لان في خساير للدولة ,,

هو صج افتكتنا ماالزحمة في الشارع بس.. ان اشتقت للسينما .. و التسوق فيه ..

ترا محد نسى الاطفال و ضحايا فيلاجيو ابد ... دوم اتدكر الحادث كله صاير امس من من شهرين

اتمنى التعديل المبنى و تطويره الاحسن

[العقل الحر]

أكدت مصادر مطلعة لــ "بوابة الشرق" أن ما يتم تداوله هذه الأيام من قرار إغلاق نهائي لمجمع فيلاجيو التجاري وهدمه عارٍ من الصحة .

وتشير المعلومات التي حصلت عليها البوابة أن الجهات المختصة لم يصلها أي طلب لاستصدار ترخيص بالهدم ، حيث أن الامر يتطلب رخصة للهدم ، بل إنه قد تم صدور رخصة صيانة للأجزاء التي احترقت في المجمع .

وأفادت المصادر أنه حتى هذه اللحظة لم تصل الجهات المعنية بمنح تراخيص الهدم أية طلبات إزالة أو هدم للمجمع .

الجدير بالذكر أنه جرى تداول شائعة تفيد بقرار إغلاق المجمع نهائياً ، وذلك بقعد حريق المجمع الذي أدى إلى وفاة 19 شخصاً .

[بوراشد82]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

انا معاج 100٪ !!!!

المفروض اول شي نقاضي المملكة العربية السعودية عشان الاخوان السعوديين الي دخلوا فيلاجيو وصوروا ولا صلوا على النبي عليه الصلاه والسلام والشهادة على كل واحد صور ولا قال ما شاء الله .. المفروض انتي تشهدين في هالموضوع لان كل سعودي صور انتي كنتي قريبه منه وقاطه اذنج وتأكدي انه ماذكر الله !!!

لازم نقاضي المملكة ونطالب بالتعويض على ردج المضحك هذا !!!!

خليتي الاهمال من امن فيلاجيو وتاخر البلاغ للمطافي عشان يلحقون يطفون وينقذون الضحايا وخليتي الحضانه الي مكانها غلط ومافيها تهوية اصلا غير طريقها الصعب جدا ورحتي ولمتي اخواننا السعوديين .!!! ماصلوا على النبي ولا ذكروا الله !!!!

خلاص طرشي للسفارة السعودية ان السعوديين لايدخلون الاندمارك ولا المول ولا باقي المجمعات .. عشان مايحترقون على قولتج !!! وازيدج من الشعر بيت

الستي سنتر صكروه لان الاداره خالفت التعليمات ودخلت كم سعودي من جذي تصكر !!!

[رآعي موآجيب]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...


اتوقع انتي تستخدمين اليوزر نيم , بس ما توقع تكونين صاحبته الأصليه ( الأصيله )

لأننا ما تعودنا هالكبوات منها !!

[رجل الجزيرة]

أكدت مصادر مطلعة لــ "بوابة الشرق" أن ما يتم تداوله هذه الأيام من قرار إغلاق نهائي لمجمع فيلاجيو التجاري وهدمه عارٍ من الصحة .

وتشير المعلومات التي حصلت عليها البوابة أن الجهات المختصة لم يصلها أي طلب لاستصدار ترخيص بالهدم ، حيث أن الامر يتطلب رخصة للهدم ، بل إنه قد تم صدور رخصة صيانة للأجزاء التي احترقت في المجمع .

وأفادت المصادر أنه حتى هذه اللحظة لم تصل الجهات المعنية بمنح تراخيص الهدم أية طلبات إزالة أو هدم للمجمع .

الجدير بالذكر أنه جرى تداول شائعة تفيد بقرار إغلاق المجمع نهائياً ، وذلك بقعد حريق المجمع الذي أدى إلى وفاة 19 شخصاً .

http://www.al-sharq.com/ArticleDetails.aspx?AID=42197&CatID=64&title=%D9%84%D8%A7%D8%B5%D8%AD%D8%A9%20%D9%84%D8%A 5%D8%BA%D9%84%D8%A7%D9%82%20%D9%81%D9%8A%D9%84%D8% A7%D8%AC%D9%8A%D9%88%20%D9%86%D9%87%D8%A7%D8%A6%D9 %8A%D8%A7%D9%8B%20..%20%D9%88%D8%A7%D9%84%D8%B1%D8 %AE%D8%B5%D8%A9%20%D8%A7%D9%84%D8%B5%D8%A7%D8%AF%D 8%B1%D8%A9%20%D9%84%D8%B5%D9%8A%D8%A7%D9%86%D8%A9% 20%D8%A7%D9%84%D8%A3%D8%AC%D8%B2%D8%A7%D8%A1%20%D8 %A7%D9%84%D9%85%D8%AD%D8%AA%D8%B1%D9%82%D8%A9

[al-sadd]

جعله يتصكر ولا عاد يفتح
لو اللاند بعد مره وحده يتصكر كانت الفرحه اكتملت

مصخره مالها حدود
الله يستر على بناتنا وبناتكم ولاكن بعظهم هناك فاصخين الحيى
القذلا طالعه والوجه كله بودره ومكياج وخرابيط

وبعض الشباب ! الي صج فصخ الحيى !!
يغازل اشكره عيني عينك ! وقدام الله وخلقه

او الي يجونكم شباب باشكال بنات
وبنات باشكال شباب !

ااااخخخخخخ لو يجيني مسؤول ويقولي لك الصلاحيه المطلقه تسوي الي تبي تسويه
فالي يسوي مثل هالخرابيط
والله هالاشكال ماتوطوط شبر داخل المجمع

لا بارك الله فيهم

[khaldoon]

انا اعتبر فيلاجيو و المصخرة اللي فيه هي نفسها المصخرة اللي كانت تصير في السنتر ايام الثمانينات و خاصة يوم الخميس في السنتر

بس الفرق انه المصخرة في فيلاجيو كل يوم خاصة بالويك اند


على العموم قرار هدمه سمعته كاشاعة من اول ما فتح و انهم بيضموه لحديقة اسباير و الا بيكون ملاعب لبطولات قطر العالمية و ما اعتقد انه الخبر بهدمه الحين صحيح

[راسي براسك]

فيلاجيو راح يفتح في 1/8 ان شاء الله ,.

وهم الحين شغالين في فترة صيانه وتنظيف ..

[الزعفراني]

جريدة الشرق نفت خبر الاغلاق .

[ماريسا]

أتمنى يفتحونه بأقرب وقت
من زود الاماكن السياحية في قطر عشان تتطالبون بإغلاقه
اللي مب عاجبه لا يروح له و انحلت مشكلته!!

[لابس بشت]

أتمنى يفتحونه بأقرب وقت
من زود الاماكن السياحية في قطر عشان تتطالبون بإغلاقه
اللي مب عاجبه لا يروح له و انحلت مشكلته!!

:nice::nice::nice:

[عس عس]

ايييييه على سينما فيلاجيو :shy:

[الأصيلة]

اتوقع انتي تستخدمين اليوزر نيم , بس ما توقع تكونين صاحبته الأصليه ( الأصيله )

لأننا ما تعودنا هالكبوات منها !!

الله يسامحكم
يعني لازم تكون الأصيلة جد الجد ومكشرة ومعصبة
وإذا تغشمرت يكون أحد مستعمل الباس وورد الخاص بها...

[الأصيلة]

انا معاج 100٪ !!!!

المفروض اول شي نقاضي المملكة العربية السعودية عشان الاخوان السعوديين الي دخلوا فيلاجيو وصوروا ولا صلوا على النبي عليه الصلاه والسلام والشهادة على كل واحد صور ولا قال ما شاء الله .. المفروض انتي تشهدين في هالموضوع لان كل سعودي صور انتي كنتي قريبه منه وقاطه اذنج وتأكدي انه ماذكر الله !!!

لازم نقاضي المملكة ونطالب بالتعويض على ردج المضحك هذا !!!!

خليتي الاهمال من امن فيلاجيو وتاخر البلاغ للمطافي عشان يلحقون يطفون وينقذون الضحايا وخليتي الحضانه الي مكانها غلط ومافيها تهوية اصلا غير طريقها الصعب جدا ورحتي ولمتي اخواننا السعوديين .!!! ماصلوا على النبي ولا ذكروا الله !!!!

خلاص طرشي للسفارة السعودية ان السعوديين لايدخلون الاندمارك ولا المول ولا باقي المجمعات .. عشان مايحترقون على قولتج !!! وازيدج من الشعر بيت

الستي سنتر صكروه لان الاداره خالفت التعليمات ودخلت كم سعودي من جذي تصكر !!!

لا وانت الصادق نحط خزان ماي عند مركز بوسمرة
وكل واحد يدخل يغسل يده فيه..
وبعدين نرشه على فيلاجيو
والله ضحكتوني ..ماتوقعت تاخذون الأمر جد يعني....!!!

[الأصيلة]

جعله يتصكر ولا عاد يفتح
لو اللاند بعد مره وحده يتصكر كانت الفرحه اكتملت

مصخره مالها حدود
الله يستر على بناتنا وبناتكم ولاكن بعظهم هناك فاصخين الحيى
القذلا طالعه والوجه كله بودره ومكياج وخرابيط

وبعض الشباب ! الي صج فصخ الحيى !!
يغازل اشكره عيني عينك ! وقدام الله وخلقه

او الي يجونكم شباب باشكال بنات
وبنات باشكال شباب !

ااااخخخخخخ لو يجيني مسؤول ويقولي لك الصلاحيه المطلقه تسوي الي تبي تسويه
فالي يسوي مثل هالخرابيط
والله هالاشكال ماتوطوط شبر داخل المجمع

لا بارك الله فيهم

والله المفروض يتسكر الأكوبارك
هو أم المسخرة اللي تصير ها الأيام
مثل ماسمعت والله لايحدني وأروح له...
صراحة سمعت ماتشيب منه الرؤوس...

[meeemz]

هاي لعنه بي كيو
استغفر الله
والله مفتقدين المجمع
بس في نفس الوقت مرتاحين خفت الزحمه في طريق الوعب
فرررق
لا يوجد بديل الا اللاند و للاسف بعيد واكثر مول مشابه لفلاجيو وفيه نفس المحلات
لكن فيه محلات مب موجوده مثل شيكو توهقت ابي عربانه ولا عرفت وين مكانهم فرعه كان في فلاجيو وفي الستي سمعت انه في السد وصكوه

*

[عضو قديم]

إلا عين قوية وماصلت على النبي
ماشاء الله على السعوديين يدخلون يصورون كل جزء فيه
ومنبهرين بالمجمع انبهار غير طبيعي
شكلهم ماقالوا ماشاء الله ولاصلوا على النبي...

ما هكذا يا الأصيلة تورد الإبل
صحيح ان العين حق ولكن هذا الكلام يعتبر تجني على اخواننا في السعودية وبالفعل مادري كيف طرأ على بالك هالكلام مع العلم بان زوار فيلاجيو من جميع الجنسيات
طيب تذكرين الحريق اللي صار في الساعة اللي في مكة!!!!؟

http://www.dream4arb.net/up/download.php?imgf=13127389172.jpg

ليش اخواننا في السعودية ماقالوا ان الحريق بسبب عين ماصلت على النبي من القطريين مع العلم بان مكة حجاجها ومعتمريها من شتى بقاع الارض

[saryalia4u]

اتوقع انتي تستخدمين اليوزر نيم , بس ما توقع تكونين صاحبته الأصليه ( الأصيله )

لأننا ما تعودنا هالكبوات منها !!

نفس الرأي. مستغربه الاسلوب

[طلعة الروح]

قال تعالى : ( ولا تزر وازرة وزر أخرى)

مب معنى ان المجمع احترق وخلف ضحايا مايعني ان نقوم بهدمه ونمنع الناس من المجمع واسترداد الحياة
المشكلة الاساسية كانت معروفة لدى الكل ولولاها ماكنا شفنا ضحايا ووفيات .........

[حالي الذوق]

تم نفي خبر اغلاق المجمع في جريدة الشرق

شكرا لك من شارك بالموضوع