هل يعقل يااهل قطر؟؟؟

[ام صقوري]

السلام عليكم ورحمة الله

هل يعقل يا اهل قطر بتلاعب اصحاب العقارات في ابنااء الوطن؟؟

ادخل بالموضوع ..


انا بنفسي اخذت جولة حوول اغلبيه مكاتب الاجار واغلبيه المندوبين لاصحاب العقارات
سواء بالذهاب الى مكاتبهم او بالاتصال عليهم هاتفيا

لكن لللاسف


هل يعقل جميع اصحاب العقارات سواء كانت قطري او اجنبي ويمتلك

(( شقق او ملاحق او بيوت شعبيه او فلل او المجمعات السكنيه ))

بان يرفع الاجارات الى اكثر من 10.000 عشر الاف ريال وادونها 7000

يمكن الارتفاع هذاا بسبب مجاراااة الحياااة

ماعليناا االاهم من كل هذا كله

تتفق مع صاحب العقار بانك تروح وتشوف العقار المعروض للايجار

وبعد ماتروح ويعجبك وتتفق معااة على كل شي
سواء (( صياانه او المبلغ الممطلوب للايجار او الاتفاق ))

على كل شي \\وفالاخير لما ياتي وقت توقيع االعقد يتاخر و يماطل فالموضوع بعد ساعه
الموعد وتجي الساعه اللي وراها ويرجع وياجلههاا

وفالاخير يصدمك بالصاعقه الكبرى !!!!

ان صاحب الاجار قطري ولكن رفضك؟؟؟ ليش !! ماليش مافي سبب

تبووون تعرفوون السبب ؟؟؟!!

يقول لك صاحب العقار مااايبي يسكن القطرين في المكان اللي له ؟؟؟!!

عسى ماشر وش فيهم القطرين ليش كل المكاتب ترفض والسبب لما يتاكد من ان الموجر
قطري الجنسيه ؟؟
ويقول لك يفضل الاجانب ؟؟؟

ليش يعني اهل قطر وين يروحون ؟؟ ينامون فالشارع والا في خراابه؟؟

الواحد مادور له مكان الا انه محتاج سكن يحتويه اهو وابنائه وعائلته ؟؟

اكثر من مكتب ياخذ التفاصيل الشخصيه كامله كانه يطلب القرب منك وفالاخير يقول لك لا
لازم صاحب العقار يسال عن اللي يبي ياجر المكان ؟؟
ليش انا طالبه القرب مثلاً ؟؟؟

وفالاخير نفس الكلمه قطرين لا !! ليش لااا ؟؟

ودي افهم شالعيب فينا احنا كشعب قطري وشالافضل فالشعب الاجنبي؟؟

شيكات ونكتب على نفسنا واجار ندفع كل راس شهر ؟؟
شالمطلوووووب مناا الحين ؟؟

ننذل بسبب اصحاااب العقار ؟

ياليت المشاركه باراائكم وهل يوجد حل لاصحاب الطمع والجشع ؟؟



تحياااتي....

[ابوالكلام]

حلاله وكيفه

[Chambray]

المفروض اي عقار في قطر يتبع نظام وقانون موحد للدولة
وبناء على مواصفات العقار يتم السعر
من
مساحة
وجود حديقه
وجود مصعد
مؤثث
بدون اثاث
مساحة الشقه
عدد الغرف
حسب المنطقة
الخ ......

كل هالامور يجب ان تتحكم في الايجار
بناءً على قانون موحد للدولة


لكن للاسف
ان قطر مافيها قانون يخص هالموضوع

في الدول الاوروبية المتقدمه
مش اي واحد يقيم شقته او بيته ويعرضه للايجار على كيفه

التقييم يتم عن طريق عدة نقاط

وتسجل هذه النقاط في عقد الاستئجار

[ANONYMOUS]

المشكله ان في نسبه بسيطه خربت السمعه على الباقي

مع ان في أجانب يماطلون ويطنشون ومع ان يتم تهديدهم بالمحكمه ومع ذلك ماتتحرك فيهم شعره وحده هاهاهاها

الله يصلح الحال*

[بن غيث]

الله يرزقك بقصر في الجنة .. ويصبرك

[MAZEN37]

لما تكوني من اصحاب الاملاك والعقار بتعرفين السبب
الله ييسر امرك

[النواخذة]

اخوي انا أقولك السبب انا واحد نزلت اعلان القطريين فقط عدد ثلاث ملاحق للايجار العام وكل اجنبي جاني علشان أجر لها الملاحق ارفضها أقولا لا واجرت الملاحق حق ثلاث عوائل قطرية. اول شهرين كانو يدفعون زين وبعدها الشهرين لاعوزوني كل مادخل الشيكات الثلاثة البنك مرفوض لايوجد رصيد واتصلهم واقعد كل شهر علي نفس الموال واحد يدفع بعد طلعت روح والاثنين اللة يعني وياهم كل شهرين ثلاثة باللة ياللة يدفعون بعد مذابح وياهم لين وصلت وياهم مراكز ولعواز وواحد منهم صار لي 5شهور مادفعلي اجاري وكل ماكلمتها قالي اصبر اصبر عاد لين متي والثاني يقولي إذ ماتبي تصبر المركز مفتوحة رح اشتك وتبهدلت من مركز لين نيابة وكلها مراجعات وتحسفت واللة قد شعر راسي أني أجرت حق اقطرين بس انا ورآهم لين ماطللعهم من الملاحق ولا راح اجر مرة ثانية حق اقطري حرمت خلاص واللة

[مرتبش]

اجرت مرتين ومحد قالي شي للامانة
لكن سمعت ان اصحاب العقارات لايفضلون القطري لانه مايدفع.
السؤال اذا قطري مادفع الاجار واشتكيت عليه وماطل هل الاجنبي مايسوي نفس الحركة؟ هل بامكانك ياصاحب العقار تقطع الكهربا عنه وتغير المفتاح؟
اشوف الاثنين اذا كانو من اصحاب المشاكل مابينهم فرق

المفروض الدولة تتحرك لكنها ماتتحرك الا للشديد القوي للاسف

[المسك1969]

يالغلا يمكن أنتي تكونين حريصة وخايفه الله وتعطين المؤجر أجاره بس للأسف بعض القطريين يخربون على البقية وما يدفعون كلش ألا تلقين طولت اللسان منهم... وان مب عاجبك روح اشتك

عاد شاستفيد بطول وقت المحاكم؟؟؟ عشان جي يفضلون يأجرون لغير القطريين لأنهم ملتزمين مع القطري بدفع الايجار

دوري في مجمعات ممكن تلقين والله المستعان

بالتوفيق إن شاء الله

[مرتبش]

اخوي انا أقولك السبب انا واحد نزلت اعلان القطريين فقط عدد ثلاث ملاحق للايجار العام وكل اجنبي جاني علشان أجر لها الملاحق ارفضها أقولا لا واجرت الملاحق حق ثلاث عوائل قطرية. اول شهرين كانو يدفعون زين وبعدها الشهرين لاعوزوني كل مادخل الشيكات الثلاثة البنك مرفوض لايوجد رصيد واتصلهم واقعد كل شهر علي نفس الموال واحد يدفع بعد طلعت روح والاثنين اللة يعني وياهم كل شهرين ثلاثة باللة ياللة يدفعون بعد مذابح وياهم لين وصلت وياهم مراكز ولعواز وواحد منهم صار لي 5شهور مادفعلي اجاري وكل ماكلمتها قالي اصبر اصبر عاد لين متي والثاني يقولي إذ ماتبي تصبر المركز مفتوحة رح اشتك وتبهدلت من مركز لين نيابة وكلها مراجعات وتحسفت واللة قد شعر راسي أني أجرت حق اقطرين بس انا ورآهم لين ماطللعهم من الملاحق ولا راح اجر مرة ثانية حق اقطري حرمت خلاص واللة

الله يعينك عليهم لكن شلون اذا كان المستأجر اجنبي بتكون الامور افضل؟
نفس الشي بيقول لك اشتك وانت بتمر بنفس المراحل؟ والا في شي ناقص في الموضوع

[Dana’1]

الله يعينك وفيك كربتك...حالة بصراحة ناس تخرب على ناس

وهذا نموذج ...لية ان الاجنبي ما يواجهة مشاكل مثل القطري
لان للاسف قاعدن لبعض..بسبب تصرفات بعضهم!!!

[المسك1969]

الله يعينك عليهم لكن شلون اذا كان المستأجر اجنبي بتكون الامور افضل؟
نفس الشي بيقول لك اشتك وانت بتمر بنفس المراحل؟ والا في شي ناقص في الموضوع

عفوا اسمحي لي أخوي وقبل ما يرد عليك الأخ أقول لك ترى الأجنبي يخاف وأن أخر يتصل عليك يبلغك أنه بيتأخر ويعتذر لك بعد

وما سمعنا من مشاكل يات من أجانب في الايجار حتى التأجير من الباطن من يبتلش فيه إلا الأجنبي نفسه لأنه هو اللي يأجر من الباطن والقطري يأخذ ايجاره كامل

[مرتبش]

عفوا اسمحي لي أخوي وقبل ما يرد عليك الأخ أقول لك ترى الأجنبي يخاف وأن أخر يتصل عليك يبلغك أنه بيتأخر ويعتذر لك بعد

وما سمعنا من مشاكل يات من أجانب في الايجار حتى التأجير من الباطن من يبتلش فيه إلا الأجنبي نفسه لأنه هو اللي يأجر من الباطن والقطري يأخذ ايجاره كامل

الاجنبي يعتذر ويخاف؟
هذي الجملة تفيد في الاسراع في المحاكم اذا وصل الموضوع للمحكمة؟
هل عندنا في قطر محاكم للقطريين واخرى للاجانب والاولى تطول والثانية سريعة؟

هل الاجنبي يخاف على مستقبله ووظيفته اذا انسجن والقطري بيقعد يصرف من وين اذا انحكم عليه؟ وفقد وظيفته!

[البحار00]

أجرنا شقق في عمارتنا على جنسيات كثيرة

بس غير التزام الفلبينيين ماشفت صراحه

ملتزمين صح والله

حتى ان عائله وحده منهم يتصلون لنا قبل لاينتهي الشهر بيومين

يعلمونا ان الإيجار جاهز

[تربوي]

عجبني الموضوع ...

ومتابع بهدوء

[خالد32]

خلك جامد و خذ حقك منه بالقانون
((((( ارفع عليه قضية )))))
عنصرية

و صدقني انت كسبان و هذا حقك و كفله لك المشرع

[الملا]

حالات عايشتها بنفسي

شقق تم تاجيرها لجنسيات مختلفه ( ايطالية ، اردنية ، هندية ، امريكية ، بريطانية ، سودانية ) ماشفت منهم مشاكل او تاخير في الايجار الا واحد هندي حاول يلعب علي وهددته اني اقدم شيكاته ، بالفعل قدمت الشيكات ويوم بغى يسافر ماقدر ، جاني ركيض عشان يدفع اللي عليه .

وحاله ثانية اجرنا مكتب اداري على واحد من الشباب والله تحسفنا تمينا نراكض وراه سنة ويوم قلنا له ماراح انجدد العقد ، قال لنا يا اتجددون معاي او روحو تبهدلو في المحاكم

[وحيد-الشوق]

للأسف احنا فينا الكثير من العنصرية والحقد تارس قلوبنا

ولد بلادك وماتبي تسكنة ليش ماكل حلالك هو !!!

[مرحوم قطر]

والله اختي ما اعرف شاقول

بس صراحه و عن واقع تجربه

و اتمنى تسامحونلي على الكلام الي بقوله


اول شي انا ما اداني الاجانب

بس تبون الصراحه و بدون زعل

بقولكم موقف صار لنا

عندنا ورى بيتنه 4 فلل ابوي اجرهم

في عز الغلا في 2006 و 2007

جات حدا السفارات و قالو حق ابوي يبون ياجرون الاربع فلل و بيسوونها اعتقد ملحق ثقافي او شي كذا

ما اذكر بالضبط

المراد ان ابوي رفض و كانو بياجرون الفله على 35 الف قلت له ليه قال مانبي نقلب فريجنا بمبي ( بومباي )

و فريجنا حنى ساكنين فيه من زمان و البيوت الي قدام الفلل و حول بيتنه كلهم بيوت اهلنا و ربعنا من سنين


و ابوي كان معارض فكرة رفع الاسعار و كان ضدها

و قالي اعرض الفلل و اجرهم على قطريين و طبعاً بشرط يكونون عوايل


و قالي الاجار يكون 5000 ريال خمس الاف ريال رفضت في البدايه بس ماقدر ارادد ابوي وهو صاحب الحلال


قلت له تم و عرض البيوت للاجار و سويت الي قالي عليه الوالد و في يوم وليله لقيت ماجرين

لان 5000 مستحيل تحصل هلسعر على فله مساحتها تقريباً 300 متر تشطيب سوبر دلوكس بيبان تماتيك و طبيله

و حديقه الدور الارضي صاله مجلس و مطعم و غرفه و مطبخ ثلاث حمامات تكرمون و الدور الثاني 3 غرفه وحده ماستر

و ثنتين بينهم حمام و صاله و ملحق حق الخدامه غرفه و حمام و مخزن

اتمنى تدققون على الوصف



فلتين اجروهم قطريين و للاسف من عوايل معروفه و فلتين عمي قال انا باخذهم و باجرهم على

فلسطينيين مواليد قطر معاه في الدوام و حالتهم تعبانه ابوي قال مافي مشكله


لاكن للاسف الفلسطينيين لحد اليوم موجودين و ما اشتكينا منهم ابد ولا في مشاكل


اما القطريين الاول قسم الفله و اجرها غرف على فلبينيين

ابوي قالي روحله و اطرده من البيت و كلمته و قالي بينه عقد رحت المركز و اثبت حاله و اخلى البيت و دفع تعويض


و اجرناه على قطري ثاني تم شهرين و بعدين قال خلاص انا بطلع لان ابوي ما رضى يغير العقد

و يكتب في العقد الجديد 15 الف عشان بدل السكن لانه استحرم هلشي

و بعدين اجره قطري عياله بهدلونا عنده يهال ما شاء الله عليهم بهدلونا والله يشقحون على بيتنه و يلعبون في الزرع

كلمنا كم مره قال بزارين وش اسويلهم لين تعبنا و طردناه

وبعدين جاتنه قطريه و عطيناها البيت لها و لعيالها اظن ارمله او مطلقه و الحمدلله ما عليها كلام و ملتزمه معانه



اما البيت الثاني و اسكنه و للاسف الشديد قطري من عايله معروفه


دفع اول 6 شهور بانتظام

و بعد الست شهور كل ما اروح اكلمه عن الاجار يتكلم الوالد و يتعذرله و شوي و يصيح في التلفون

و ابوي يقولي خله و تم على هلحاله 6 شهور لين ما خلص العقد اهني قلت حق ابوي هلكلام ما يمشي

خلاص انا باخذ حسابنا و بطلعه من البيت و بلغي العقد


قالي كيفك قلت له طيب وين الشيكات قالي رديتهم له بس باقي عندي شيك واحد الي هو شيك التامين


اهني انقلب ويهي و قلت حق ابوي شلون كذا

اهني نزلة علي الصاعقه ان اصلا ابوي موقع بس على 6 شيكات و شيك التامين و كان مامن على اساس انه ولد فلان بن فلان و دفتر شيكاته كان مخلص


صعقني


المراد رحت له و كلمته

و اهني كانت الصدمه انه قال مالكم عندي شي وهو كان ناسي موضوع شيك التامين

و قالي ابكل وقاحه اذا عندك شيكات روح اشتك علي و قالي القانون لا يحمي المغفلين

قلت له خلاص العقد انلغا و يصير خير قالي بصرك


ثاني يوم شل شلايله كلها و طلع و ما غلط في البيت ولا خووص


و يوم دخلته انصعقت من الحقاره الي فيه

والله يا اخوان مكسر كل اليتات و كات وصخ على الارض و مشخبطين على الطوف

و الارضيات كلها عصير و وصخ و سواد


يعني حرام شلي ظريناك فيه عشان تسوي كذا


كلمته قلت له شلون تسوي كذا قالي مب الغيت العقد و طلعتني من البيت هذي وحده بو وحده

قلت له طيب


انا اخوي محامي كلمته و خذت الشيك من ابوي

و كان اجار شهرين يعني على 10 الاف المهم نطرت لين اخر الشهر و بعدين رحت البنك قبل الرواتب


و الحمدلله صار الي ابيه و رصيده ما كان فيه العشره و صار شيك بدون رصيد


و بين عيونه العاصمه


اشتكينا عليه و طلبه الضابط


و يوم جا رافع خشمه و يتكلم ابكل قلة ادب

الضابط قاله انت ما عندك خبر عن هلشيك و يوم شافه تغيرة ملاح وجها


المراد تم يترجى ان ما نرفع عليه قضيه و ابوي قالي خله يولي عنك خذ بس منه الاجارات و قيم الاضرار


دفعته الفلوس و فوقهم جبت شركه قيمة الاضرار و دفعته 30 الف غرامه يعني سعر الست شهور مرتين




بس السؤال هنا حنى ما كانة بينه و بينه اي علاقه ولا كنه نشوفه او يشوفنا لا هو ولا عياله ( ابو عيال )


يعني مابينه مشاكل ولا شي و بالعكس صبرنا عليه و ما كنت اكلمه الى كل راس شهر



ليه سوى كذا ؟.؟

[الامل القديم]

اخوي انا أقولك السبب انا واحد نزلت اعلان القطريين فقط عدد ثلاث ملاحق للايجار العام وكل اجنبي جاني علشان أجر لها الملاحق ارفضها أقولا لا واجرت الملاحق حق ثلاث عوائل قطرية. اول شهرين كانو يدفعون زين وبعدها الشهرين لاعوزوني كل مادخل الشيكات الثلاثة البنك مرفوض لايوجد رصيد واتصلهم واقعد كل شهر علي نفس الموال واحد يدفع بعد طلعت روح والاثنين اللة يعني وياهم كل شهرين ثلاثة باللة ياللة يدفعون بعد مذابح وياهم لين وصلت وياهم مراكز ولعواز وواحد منهم صار لي 5شهور مادفعلي اجاري وكل ماكلمتها قالي اصبر اصبر عاد لين متي والثاني يقولي إذ ماتبي تصبر المركز مفتوحة رح اشتك وتبهدلت من مركز لين نيابة وكلها مراجعات وتحسفت واللة قد شعر راسي أني أجرت حق اقطرين بس انا ورآهم لين ماطللعهم من الملاحق ولا راح اجر مرة ثانية حق اقطري حرمت خلاص واللة

اخي النوخذه لي تعليق بسيط ياريت اسم الله يكتب هكذا الله وليس اللة واظن قد اوضحنا من قبل الفرق الرجاء الانتباه وبارك الله فيك

[رجل الجزيرة]

يا سبحان الله، ما أصدق إن بعض القطريين تطلع منهم هذي التصرفات.

[وليف قطر]

حلاله وكيفه


^
كفو ..




..



ربعنا مواضيعهم كلها صارت
الاجنبي عنده .. الاجنبي اشترى .. الاجنبي يبيع .. الاجنبي لبس

والله لو بيدهم .. دخلوا فمخابيهم .. لاحول ولا قوة الا بالله

عرفتوا ليش امطارنا مو مثل الاول ..

قال صلى الله عليه وسلم‏ " لا يدخل الجنة من كان في قلبه مثقال ذرة من كبر‏"‏‏


الحمدلله والشكر

[ام صقوري]

انا راح ارد عليكم كلكم في رد واحد ..

المشكله انت لو كنت عسكري اوكي وتبي تاجر مستحيل راح تتاخر في الاجار على اي شي انت موقع فيه شيكات لان هاي الشي بيضرك انت كككونك قطري وعسكري
راح تتحاكم محكمتين مدنيه وعسكريه وغير هاي ملف عالمراكز
فهل يعقل ان راح يتاخر على الاجار ؟؟؟

وثاني شي كلهم يفضلون الاجنبي اوكي شوف اصابع يدك ال10 هل اهي متساويه لا طبعا !!

فليش تظلمون القطريه وتشبهووونهم كلهم في بعض
في ناس ملتزمين في كل شي جات على اجار
وش هي المصلحه او الفايده من التخير او ان ادخل مراكز شرطه ومحاكم على شي انا راح انضر فيه
وفالاخير موقع شيكات باسمي وشيك تامين ؟؟

من اللي راح يتضرر اكثر الموجر او راعي الحلال


المشكله كل مكان نفس الجمله عنده .. وااحد كلمته قال لا اذا اجنبي ب 5000 او 6000 او 7000
لكن اذا قطررررررررري !!! للاسف قال لي فوووق ال عشر الاف
طيب ليش؟؟
شالمقصد من هاااي ..

وووين الرقابه واللي يحاسبوون

يعني هل يعقل هاي الشي يستوي بدون لا رقيب ولا حسيب والقطري ينظلم
شالفرق بينا وبين الاجانب ؟؟؟

المفروض في كل شي له قانون وحكمه مو كل شخص يستغل الثاني ويمشي اللي اهو يبيه

يعني في اكثر من سكن مريت عليه والله مايسوى المبلغ اللي طالبه يقول لا الاجانب ياجررون حتى لو شنو لو كان خرابه او عدل لا انتوا الفسق كله قلت له اوكي فسق على شي يستاهل مو خرابه وربي خرابه

لكن لاحياه لمن تنادي ..

الى متى بتستغلوناااا وبتلتهونااا ؟؟؟!!

[(بوطلال)]

للاسف كلام اغلب الاخوان صحيح الاجنبي يدفع ولو صار ومادفع مجرد تقدم شيكه للعاصمه يجيك ركيض .اما لقطري يقولك لو ماتدل المركز ادليك لانه يدري ان يوم المحكمه بسنه.

انا لو بأجر على قطري استلم منه مقدم سنه واخلي العقد سنوي وهاي احسن طريقه .

واحد من الربع يقول راح يصرف الشيك لبيته الي مأجره على قطري الا الشيك بدون رصيد ويوم راح للمأجر يطالبه بالاجار ويقوله الشيك بدون رصيد قاله : روح اشتك في العاصمه ولو شفتك مره ثانيه عند باب بيتي حشيت رجولك حش

[ام صقوري]

للاسف كلام اغلب الاخوان صحيح الاجنبي يدفع ولو صار ومادفع مجرد تقدم شيكه للعاصمه يجيك ركيض .اما لقطري يقولك لو ماتدل المركز ادليك لانه يدري ان يوم المحكمه بسنه.

انا لو بأجر على قطري استلم منه مقدم سنه واخلي العقد سنوي وهاي احسن طريقه .

واحد من الربع يقول راح يصرف الشيك لبيته الي مأجره على قطري الا الشيك بدون رصيد ويوم راح للمأجر يطالبه بالاجار ويقوله الشيك بدون رصيد قاله : روح اشتك في العاصمه ولو شفتك مره ثانيه عند باب بيتي حشيت رجولك حش


انا معاك .

لكن وين المشكله في القطري
ترى مو كل مؤجر قطري نفس الثاني ؟؟
ليش الظلم ؟؟
اقل شي يكون عقد مشروط فيه وياليت يسوون انظمه جديده لكل راعي عقارات او اللي بيستاجر منه
ويكون العقد فيه قوانين وانظمه تخلي الكل يلتزم فيها ويتحول على طوول للمسائله القانويه
وبهالطريقه صدقوني بتنحل المشكله

وولا يظلمونا كلنااعلى شي احنا مالنا ذنب فيه ذنب اغلبيه الناس اللي مايخافون الله ولا عندهم لاذمه ولا ضممير

[ابوالكلام]

^
كفو ..




..



ربعنا مواضيعهم كلها صارت
الاجنبي عنده .. الاجنبي اشترى .. الاجنبي يبيع .. الاجنبي لبس

والله لو بيدهم .. دخلوا فمخابيهم .. لاحول ولا قوة الا بالله

عرفتوا ليش امطارنا مو مثل الاول ..

قال صلى الله عليه وسلم‏ " لا يدخل الجنة من كان في قلبه مثقال ذرة من كبر‏"‏‏


الحمدلله والشكر

حسد سبحان الله كل واحد حاط عينه على غيره

[Engineer]

حلاله وكيفه

كلام سليم,, صاحب العقار حر بملكه, يمكن واحد له تجربة سيئة مع مستأجر قطري و ما يبي يكررها
كل انسان وله نظرته
و العقارات مليانه البلد محد مجبور على عقار :)
اسأل الله لكم التوفيق

[musel999]

انا عندي تجربه وحده وايجابيه ماجر فله لقطري بالخور بدون شيكات بدون شي والرجال يجيب الاجار في وقته يتاخر كم يوم بس يجيبه وماعندي مشاكل معاه

[الدبلوماسي]

والله يااختي الخير يخص والشر يعم في جزء من القطريين مايدفعون و يخربون على الكل بخصوص استأجار العقار والمماطله في دفع الايجار وانا سمعت وشفت هالشي بعيني وبالمقارنه بالاجانب الوالد مؤجر شقق على الجاليه الفلبينيه والله انا في حياتي ماشفت مستأجرين جذيه ملتزمين في موعد دفع الاجار ويطلعون من العقار بالكلام يعني اليوم الواحد يكلمهم بعد 3 ايام طالعين مع ان لهم مهله طويله هههههههه وناس قمه في الذوق والتعامل

[qtr qtr]

عندي حل يظمن حق المؤجر

يكون العقد مبني على شروط
اولا كشف حساب المستأجر من البنك.
شيكات مصدقه لمدة سنه من تاريخ توقيع العقد
حجز مبلغ من قيمة الاجار اثناء نزول الراتب
ويكون العقد موثق بين البلديه والبنك لضمان حق المؤجر

وان شاءالله الاقتراح يعجبكم

[abdulla999]

خل يولي في الي مايحفظة
غيره مليون ولا تعور راسك ها الاشكال وايد في البلد محسوب علينا قطري

[مرحوم قطر]

عندي حل يظمن حق المؤجر

يكون العقد مبني على شروط
اولا كشف حساب المستأجر من البنك.
شيكات مصدقه لمدة سنه من تاريخ توقيع العقد
حجز مبلغ من قيمة الاجار اثناء نزول الراتب
ويكون العقد موثق بين البلديه والبنك لضمان حق المؤجر

وان شاءالله الاقتراح يعجبكم



صراحه كلامك لا يعلى عليه


واعتقد ان المستاجر ما بيكون عنده مانع ابهلشي وهو ان يقتطع الاجار من راتبه


صراحه هذا الكلام المظبوط

[alfaisaly]

سبحان الله على كثر المشاكل اللي سبوها الاجانب لنا

الا انا نقف بصفهم ضد اهلنا واهل قطر

ياخي وثق العقد وماراح يجيك شي من المشاكل ان دفع وإلا تقدر تطلعه

والاجنبي اخر شي بيوصل ماعندي شي وبيقعد في المركز لين يزهقون منه وعقب يحاولون معك بحل ودي وباقساط
يعني ظامنين حقهم ولعبتهم ميه بالميه

[صـــــدق]

لا يقول ايجار الفيلا 13000الف ع القطري والاجنبي 9000الاف هذا يسمونه ؟؟؟؟؟؟؟؟؟؟؟؟؟؟؟؟؟؟

[qtr qtr]

صراحه كلامك لا يعلى عليه


واعتقد ان المستاجر ما بيكون عنده مانع ابهلشي وهو ان يقتطع الاجار من راتبه


صراحه هذا الكلام المظبوط

نسلم اخوي عالاطراء :shy:...

حتى لو يبي ياخذ فرض من البنك بفلون له عندك عقد اجار سنوي :deal::deal:

يحني محكرين له من كل صوب :nice:

[qatari 111]

عندي حل يظمن حق المؤجر

يكون العقد مبني على شروط
اولا كشف حساب المستأجر من البنك.
شيكات مصدقه لمدة سنه من تاريخ توقيع العقد
حجز مبلغ من قيمة الاجار اثناء نزول الراتب
ويكون العقد موثق بين البلديه والبنك لضمان حق المؤجر

وان شاءالله الاقتراح يعجبكم


اقتراح جميل في محله .. وممكن يشترط فيها مالك العقار عالمستأجر فالعقد اللي بينهم ..

ماشاءالله عليك

[MAZEN37]

اخواني مقترح قطر قطر جميل لكن مثالي
اولا كشف حساب اوكي
شيكات مصدقه من البنك يعنى حجز المبلغ من وديعه او من الراتب
توثيق العقد مع البنك هو نفسه حجز المبلغ من الراتب
الفكره انه الفئه الي تتوجه لبيت اجار اصلا راتبه مقسم
من وين يجيبلك شيكات مصدقه
غير الاقساط والتزامات الحياه
الحل هو انه لو يكون فيه قانون فوري ما دفع بامر المالك تقطع الكهربا ويخلى العقار بالقوه الجبريه
حط خطيين تحت كلمة فوري مب اتلته بالمحاكم مدني عقب استئناف عقب تنفيذ ووو يبيلك سنتين لين ما تجيك المراره

[nasser003]

الاجنبي ... الاجنبي .. والله حرام

[qtr qtr]

الاخ مازن 37 .. موضوع الشيكات المصدقه تحتسب على عدد الاشهر كل شهر 1و2و3و4و5و6و7و8و9و10و11و12يكون مصدق من البنك ..

مب شرط كيون عنده وديعه وينحجز .. الامور سهلات والله .. بس لو يتطبق ويتنفذ كان العالم ارتاحت من المحاكم ..

واشكر لك ولكلمن اعجب باقتراحي