مجال العمل في الهندسه الصناعيه للبنات

[فلتة زمانها]

ممكن احد يوضحلي مجال العمل للبنات بعد التخرج
هل فيه نزول للمصانع او شغل اداري فقط،، لانه اختي اختارت هالتخصص..
وشكرا

[eXpert*]

الله يهديها وتشوف تخصص أخر إن شاء الله .

الشباب طايحين في التخصصات الادارية لأنها أريح وفي الدوحة .

والبنات يتعنون في الهندسة ويضربون خطوط للمصانع !!!

سبحان مغير الأحوال

[فلتة زمانها]

اخوي في الجامعه يقولون انه تخصص نظم اداري لكن سمعت من البنات انه ممكن تنزل المصانع
حبيت اعرف اذا ماناسبها في مجال تغير
والف شكر على تواجدك في الموضوع

[ANONYMOUS]

خل تدش طب اسنان ابرك لها

[فلتة زمانها]

الطب ماله مستقبل وتعب عالفاضي
بنات خالتي دكاتره وتحسفوا
يعطيك العافيه انونيموس

[تحداني]

اختي متخرجه هندسه صناعيه وشغلها في المصنع
ولو تحولت لعمل اداري راح ينشال منها بعض امتيازات المهندسيين


المهندس افضل له للخبره والترقيات والمصانع
ولا الشخص ليش يدرس هندسه بالاساس
لازم الطالب يعرف ابعاد التخصص ومجالات العمل
عشان يكون على بينه وما ينصدم بالواقع



بالتوفيق يارب

[الزعفراني]

إذا عندج واسطة في التوظيف عادي يكون شغلج إداري ولا تطبين المصانع ولا هم يحزنون :)

[فلتة زمانها]

اختي متخرجه هندسه صناعيه وشغلها في المصنع
ولو تحولت لعمل اداري راح ينشال منها بعض امتيازات المهندسيين


المهندس افضل له للخبره والترقيات والمصانع
ولا الشخص ليش يدرس هندسه بالاساس
لازم الطالب يعرف ابعاد التخصص ومجالات العمل
عشان يكون على بينه وما ينصدم بالواقع



بالتوفيق يارب

لاصعبه تشتغل في مصنع مايناسب فطرة البنت زين وضحتيلي عشان تقدر تغيير التخصص
جزاج الله خير عالتوضيح

[فلتة زمانها]

إذا عندج واسطة في التوظيف عادي يكون شغلج إداري ولا تطبين المصانع ولا هم يحزنون :)

الله يكتب اللي فيه الخير ويبعدنا عن الواسطات:nice:

[تحداني]

لاصعبه تشتغل في مصنع مايناسب فطرة البنت زين وضحتيلي عشان تقدر تغيير التخصص
جزاج الله خير عالتوضيح




صباح الخير على الجميع
ويجزيج يارب بمثله


لا مب شرط تشتغل في مصانع لان الهندسه الصناعيه اقرب ما تكون للاعمال الاداريه
وانعرضت عليها وظايف كثيره منها " لوسيل " مدينه الوعب .. وعندج بعد الشركه الي ماسكه قطار الدوحه ..

والشغل في المصنع ما يعني ليل نهار في المصنع
هي في منطقه صناعيه وفي مكاتب اداريه .. وتمر على المصنع
وتالي كل بيئه وطبيعتها


بالتوفيق يارب

[ANONYMOUS]

الطب ماله مستقبل وتعب عالفاضي
بنات خالتي دكاتره وتحسفوا
يعطيك العافيه انونيموس

اما ماله مستقبل

انا قلت طب أسنان هذا ام وابو المستقبل

الله يعافيج

[روح الاطلس]

فلتة زمانها

انصحيها تغير التخصص
افضل مجال في الهندسة للبنت هو الكمبيوتر

تقدر تشتغل بأي مكان في خاطرها وكل مكان يحتاجها من اكبر الشركات لاصغر المؤسسات

الكمبيوتر - القانون - البزنس ( هالتخصصات مطلوبة بكل جهه ومافي جهه تخلو منها)

اما الهندسة الصناعية ولا الكهربائية ولا الكيميائية خلوها للشباب

[فلتة زمانها]

فلتة زمانها

انصحيها تغير التخصص
افضل مجال في الهندسة للبنت هو الكمبيوتر

تقدر تشتغل بأي مكان في خاطرها وكل مكان يحتاجها من اكبر الشركات لاصغر المؤسسات

الكمبيوتر - القانون - البزنس ( هالتخصصات مطلوبة بكل جهه ومافي جهه تخلو منها)

اما الهندسة الصناعية ولا الكهربائية ولا الكيميائية خلوها للشباب
ان شاءالله
قلت لها نفس الكلام وحتى الوالد كلمها هي بنفسها ضايعه ومب عارفه شيء
عن هالتخصص والافضل تختار هندسة الكمبيوتر مثل ماقلتي انسب للبنت وتقدر
تشتغل في اي مكان ،،ماقصرتي اختي روح الاطلس جزاج الله خير

[فلتة زمانها]

اما ماله مستقبل

انا قلت طب أسنان هذا ام وابو المستقبل

الله يعافيج

مشواره طويل
5سنين بكالوريوس وعقب خبرة كم سنه تالي تتخصص وتفتح عياده سالفه

[روح الاطلس]

الله يوفقها واحسن لها الكمبيوتر عشان عقب ما تتحسف ويحكمها التخصص بجهات معينه واذا مارتاحت فيها بتضيع مابتلقى عمل يناسبها .. التخصص اللي يفتح لها مجالات وظيفية اكثر وبكل مكان افضل، وعقبال ماتبشرينا بتخرجها

[فلتة زمانها]

الله يوفقها واحسن لها الكمبيوتر عشان عقب ما تتحسف ويحكمها التخصص بجهات معينه واذا مارتاحت فيها بتضيع مابتلقى عمل يناسبها .. التخصص اللي يفتح لها مجالات وظيفية اكثر وبكل مكان افضل، وعقبال ماتبشرينا بتخرجها

صح كلامج،، تقدر تتوظف بأي مكان
تسلمين يالغلا:nice: