++ اش هالزين اش هالـــدلــع ++

[شبح الصمت]

ما هو شعورك عند دخولك لمكتب ووتتفاجى بـ ــــ !!!




:eek5:



:eek5:



:eek5:




http://www.samsem.net/images/news2009/21292009130401.jpg


ويحلفون عليـك الموظفين إلا تأكل معاهم !!



وتنزل وتاكل وتترس الدبه وسوالف وعقب تقوم تغسل وتقولهم ابي اخلص معاملتي ويخلصونك ..

اش رايكم في هالموقف اول شيء ترس بطنه وثاني شيء تعرف على الشباب وخلصوه !!

:D


أو خلنا نقول انك رفضت تـأكل والشباب تاخروا عليـك قريب 10 دقايق هل بدش عليهم وبتعفس المكتب .. والا بتقول خلهم يخلصون مساكين !!


:shy:

[عاهد بن علي]

كن الاكل ايراني صح

[مدرسة]

هاي مكاتب ( بعض ) الموظفات الله يصلحنا وياهم:shy:


مع ان المفروض وقت الدوام الواحد ياكل شي خفيف و عالسريع مو قعدة و مواعين و جدور و النسوان ما شاء الله ما يقصرون :nice:

وقت الاختبارات الوطنية كانوا يجونا مدرسات من برا للمراقبة ،،،،، الصحون و المواعين اللي كانت تدخل معاهم الصبح شي مو طبيعي لدرجة صار عندي اعتقاد ان في مجاعة في المدرسة !! مع ان المدرسة موفرة فطور و عصاير و شاي و قهوة و مقبلات كل يوم :rolleyes2: و كل للي يقعدونه عندنا 3 ساعات :omen2:

[هدوء العاصفة]

وايد تصير نكون مسوين عزيمة ويجوني مراجعين ونعزمهم البعض منهم يستحي وياكل معانا والبعض يرفض ويشكرنا .. واحنا نصمم هههه

[Charisma]

ياخي في شي مافهمته فالموضوع ..

شلون يعني انا رايح جهه حكوميه مثلا وابي اخلص معامله والقى الموظفين متربعين ويضربون بالخمس؟
سلاااااااااامي.. يعني الموضوع بلاليط في بلاليط لاشغل ولا مشغله ولا احترام للمعاملات اذا في بريك؟ممكن
لكن بأي وقت والمووضوع يترك سبهلله ووقت ماصنفوا صنفوا لا ماينفع طبعا عن نفسي بقدم شكوى
حتى لو احلفوا علي .. يمكن اتربع وياهم واتوتب واخلص المعامله وعقب اكتب الشكوى المهم ان في شكوى بالاخير :p

[intesar]

لا تعليق..
المفروض بكل الدوائر الحكومية يسوون كافتيريات.. ويريحون الجدور.. ويخلونها بالبيت..

[Charisma]

هاي مكاتب ( بعض ) الموظفات الله يصلحنا وياهم:shy:


مع ان المفروض وقت الدوام الواحد ياكل شي خفيف و عالسريع مو قعدة و مواعين و جدور و النسوان ما شاء الله ما يقصرون :nice:

وقت الاختبارات الوطنية كانوا يجونا مدرسات من برا للمراقبة ،،،،، الصحون و المواعين اللي كانت تدخل معاهم الصبح شي مو طبيعي لدرجة صار عندي اعتقاد ان في مجاعة في المدرسة !! مع ان المدرسة موفرة فطور و عصاير و شاي و قهوة و مقبلات كل يوم :rolleyes2: و كل للي يقعدونه عندنا 3 ساعات :omen2:


تذكرت موقف .. من زمان دخلت مركز صحي وكان فاضي
دفعت الباب بكلتا يدي .. واذا بالموظفات ضرب في مكان الاستقبال مادري هل هو فطور عشا غدا برنش لينر
المهم وتقدمت ببطء شديد وعطوني النظرة الشعندكيه .. والله تحس انك مذنب
او سويت شي غلط وانت مسكين جاي المركز بطنك يعورك ..

لا بس صج للامانه لازم تحدد اوقات في البريك يسوون
اللي يسوونه وفي اماكن خاصه بالموظفين مب قدام خلق الله

[بوحمد111]

يا يزين الدلع والله

بس في اعتقادي هالسوالف ما تصير في الجهات اللي فيها مراجعين مثل المستشفيات والاسكان والاراضي والجوازات والمرور ....... الخ من المستحيل ان تصير ولكن في بعض الاماكن ممكن ولو مريت عليهم وكان وقت ترسة الدبه ما عندي مشكله بهوس معاهم وبقول لهم الله ينعم عليكم وبطلع

تحياتي اخوي الغالي شبح

[ANONYMOUS]

تخيل تاكل وياهم

وانت عقب ماتطلع يعقرون فيك ويطرشون برودكاستس

ف الاحسن لاتقط حلجك وياهم

[شبح الصمت]

كن الاكل ايراني صح

صحيح
:nice:



هاي مكاتب ( بعض ) الموظفات الله يصلحنا وياهم:shy:


مع ان المفروض وقت الدوام الواحد ياكل شي خفيف و عالسريع مو قعدة و مواعين و جدور و النسوان ما شاء الله ما يقصرون :nice:

وقت الاختبارات الوطنية كانوا يجونا مدرسات من برا للمراقبة ،،،،، الصحون و المواعين اللي كانت تدخل معاهم الصبح شي مو طبيعي لدرجة صار عندي اعتقاد ان في مجاعة في المدرسة !! مع ان المدرسة موفرة فطور و عصاير و شاي و قهوة و مقبلات كل يوم :rolleyes2: و كل للي يقعدونه عندنا 3 ساعات :omen2:



عاد المدارس مافي مراجعين وايد نفس الوزارات والا المؤسسات ..

:nice:


وايد تصير نكون مسوين عزيمة ويجوني مراجعين ونعزمهم البعض منهم يستحي وياكل معانا والبعض يرفض ويشكرنا .. واحنا نصمم هههه

وين مكانكم واي صوب ومتى تحطون الاكل !!

:shy:



ياخي في شي مافهمته فالموضوع ..

شلون يعني انا رايح جهه حكوميه مثلا وابي اخلص معامله والقى الموظفين متربعين ويضربون بالخمس؟
سلاااااااااامي.. يعني الموضوع بلاليط في بلاليط لاشغل ولا مشغله ولا احترام للمعاملات اذا في بريك؟ممكن
لكن بأي وقت والمووضوع يترك سبهلله ووقت ماصنفوا صنفوا لا ماينفع طبعا عن نفسي بقدم شكوى
حتى لو احلفوا علي .. يمكن اتربع وياهم واتوتب واخلص المعامله وعقب اكتب الشكوى المهم ان في شكوى بالاخير :p

ياخي صج انك شرير

خل العالم تاكل تحك 7 والا 8 والا 9 خلنا ناكل ياخي

:shy:


لا تعليق..
المفروض بكل الدوائر الحكومية يسوون كافتيريات.. ويريحون الجدور.. ويخلونها بالبيت..

مهب جدور اكل خفيف

سمعي مره شفت رفيجي قلت له يابو الشباب اشفيك جذيه كرشتك ناطه شالسالفه يقولي ياخي اسكت في الدشه اكل وفي الطلعه اكل قلت له اشلون

يقول ياخي دلع والله دلع عندنا

3 وجبات ياكل في اليوم قبل لا يرد بيتههم


يقول البنات مهب مقصرين كل شيء يجبونه عادي يعني تجيب المطبخ معاها بعد

زعلني واحنا وجبه وحده يلا يلا

:weeping:




يا يزين الدلع والله

بس في اعتقادي هالسوالف ما تصير في الجهات اللي فيها مراجعين مثل المستشفيات والاسكان والاراضي والجوازات والمرور ....... الخ من المستحيل ان تصير ولكن في بعض الاماكن ممكن ولو مريت عليهم وكان وقت ترسة الدبه ما عندي مشكله بهوس معاهم وبقول لهم الله ينعم عليكم وبطلع

تحياتي اخوي الغالي شبح


هلا وغلا باخوي بوحمد
يه سهلات انزل واكل وضبط امورك عقب اي شيء بيخلصونك بسرعه

:nice:


تخيل تاكل وياهم

وانت عقب ماتطلع يعقرون فيك ويطرشون برودكاستس

ف الاحسن لاتقط حلجك وياهم



اشدعوه يعقرررررررررررررررون

هههههههههههههههههههههههههههههاي

عادي خلهم يعقرون

:shy:

[شبح الصمت]

وكله يقولون كرشنا انقزت الكرشه

والا اشلون نخفف

دام العالم هالاكل يزطونه لق فيه ويلسه ولا حركه وبعد ما تبونها تنقز الا بطير الكرشه


الكرشه هيبه هههههههههههههههههاي

:eek5:

[ريماس الغلا]

هذه العادة موجوده للحين في :



بعض المدارس



حتى في البرج شفتها اكثر من مره في مكاتب البنات خاصه

[مدرسة]

هذه العادة موجوده للحين في :



بعض المدارس



حتى في البرج شفتها اكثر من مره في مكاتب البنات خاصه

اختي ربة بيت

تقول:
( انتو يالمدرسات كله مواعين و جدور و اكل،،،، ما جد دخلت عليهم الا ياكلون هالمدرسات:secret: )

[فلتة زمانها]

وييييييييييه كانك تتكلم عن دوامنا
عندنا قروب في القسم الثاني ريحة مكتبهم هريس ومحاشي ودياي مسحب
شخلوا حق الغدا خلها على الله

[مرحوم قطر]

صارة فيني خخخخخخخخخخخخخخخ


دخلت البلديه قالولي اورقتك في المكتب الفلاني دخلته


الربع متجمعين على طاوله

و حاطين جبن و روب و دلال و جام و عسل و بيض و فلفل و زعتر و طبعاً خبز و مظبطين امورهم


و حاطين جرايد فوقها الاكل و صافين الغراش و يغرفون منها


اول ما دخلت قلت السلام عليكم

محد رد السلام

سلمت مره ثانيه قالولي وعليكم السلام امر

قلت لهم شكلي ازعجتكم اسمحولي بس عندي اورقه يبيلها ختم

قالي طيب خلها على المكتب بندقق عليها و تعال بعد نص ساعه استلمها


حطيتها عند طرف الكيبورد عشان احفظ المكان خخخخخخخخخخخخ


رحت و جبت بعد نص ساعه الا يتقعوون و ظحك و كان واحد قاعد على المكتب الي في الورقه

شفت الا مكانها ما تحركة قلت له الشيخ ان شاء الله خلصة قالي اي تونا مخلصين تدقيق خذها و ختمها و عطاني اياها


قلت له مشكور و فيه العافيه و انا محرك



الله كريم المشكله هلمكتب تبع خدمة العملاء

[الـخـالـدي]

اخوي الجوع كافر خلهم ياكلون و كلم واحد فيهم اكيد ماراح يقصر وبيخلص له المعامله

اما اني اكل معاهم .. انا ماجيت عشان اكل جاي عشان اخلص المعامله

وقواك الله على الطرح

[miss.so0s0o]

انا ارحم اللي دواماتهم طويله مساكين خل ياكلون عليهم بالعافيه

[خليفـة]

مب كاسر حلفتهم
هههههههههههههه
عنوان الموضوع خطير ومولع يا شبح
:nice:
قواك الله

خليفــة

[الكنترول]

قابل الجيش ,,, ولا تقابل العيش هههههههههه

[mariamaziz]

تحملوا تشوفون الأكل و تااكلون ...

حشاا هااي ع الصبح مشااوي عيل شنهوو الغداا ..

[لاجل QT]

بل من الصبح اعيوش:(

مستحيل اكل جدام مراجعين :(منظر غير لائق او حضاري..لكل شي وقتة

انا من النوع اللى ماحب حد ينطر احب اخلص العالم بسرعة:victory:

ولو انا مراجعة اكيد باستنكر الموقف وباستنكر اكثر لو نقعونى ..وين حقي كامراجعة

[Miss Merna]

اعور القلب من سبع لين ثلاث ولا وجبه يمكن شبس ليز بس وطبعا البلاك كوفي لازم عشان مايفتح الشهيه واجوع

[M S A]

لا يفوتكم بعد إن في الأخير و بعد الضرب بالخمس يتوتب الواحد و يحس إنه كسّل عن الشغل و يبغي يرتاح و يتمدد على كنبه صّادة و ما عاد يبغي يكمل الشغل . و تعال بكرة راجع يا مراجع، و عجبي !!!

[نوار قطر]

احنا اذاطلبنا في الدوام نطلب حق الاداره كلها حتى الفراشين وعليه يستانسووون للعلم ادارتنا موظفيها مب واايد يعني 15 شخص كلنا وبكره ان شالله احنا عازمين بنات من الاداره الًثانيه حياااكم معانا :)

[ريماس الغلا]

اختي ربة بيت

تقول:
( انتو يالمدرسات كله مواعين و جدور و اكل،،،، ما جد دخلت عليهم الا ياكلون هالمدرسات:secret: )


عقبها يتساءلون عن وسائل التخسيس :rolleyes2:

[وثائقي]

الموضوع ذكرني باحد زملائي الموظفين الرجال مدمن حلويات وعصير بأنواعها وبس يتحين فرصة عشان يطلع البقالة يجيب له كيس ويعود الدوام وينزل بالحلويات لدرجة انه مره اخذ مقاس احد الدوالايب الي عنده بالمكتب وجاب ثلاجة صغيرة ونزلها داخله وسوا مكان لواير الكهرب والدولاب فيه مفتاح طبعاً وراح جاب المونه كاملة وترسها بالثلاجة وحنا نضحك عليه ونقول انتبه لا يكشفك المدير لين نقل لإدارة ثانية واخذ ثلاجته معه هههههه

الله يذكره بالخير

[تربوي]

المفترض ان الزين نقوله وش هذا الزين

والدلوع نقوله وش هذا الدلع

لازم يا اخي نعترف للحلو انه حلو


:shy:

[تحداني]

في الدوائر الحكوميه وبالتحديد الاماكن المخصصه للمراجعين يجب ان تكون الاولويه للمراجع حتى لو كان على حساب الموظف
والريوق يبدأ مبكرا اما البعض من الموظفين لا يحترمون مراجع ولا مكان ولا حتى يملكون حسن تصرف مع الاخرين


جملكم الله برضاه

[الشيخة شيوخة]

هههههههههههههه هاااااااااااااااااااااااااااى وين هذا المكتب ابي اخلص كل معاملاتى فيه

[الكونتيسه غلا]

ههاااااااااي عجبني العنوان والاسلوب اخوي الشبح:nice:

الصراحه ماجربت انحط في هالموقف ،، بنتظرهم يخلصون

البوفيه هذا تحصله في المدارس ،، البترول ،، الداخليه :D
اذا هذا الريوق :con2: الغدا شنو
والنتيجه عاااجل مطلوب منتجات التخسيس :anger1:

انا نظامي الصبح اول مادخل المكتب كابتشينو ،، والساعه 11 قهوه عربيه :cool:

[OREO]

ما هو شعورك عند دخولك لمكتب ووتتفاجى بـ ــــ !!!




:eek5:



:eek5:



:eek5:




http://www.samsem.net/images/news2009/21292009130401.jpg


ويحلفون عليـك الموظفين إلا تأكل معاهم !!



وتنزل وتاكل وتترس الدبه وسوالف وعقب تقوم تغسل وتقولهم ابي اخلص معاملتي ويخلصونك ..

اش رايكم في هالموقف اول شيء ترس بطنه وثاني شيء تعرف على الشباب وخلصوه !!

:D


أو خلنا نقول انك رفضت تـأكل والشباب تاخروا عليـك قريب 10 دقايق هل بدش عليهم وبتعفس المكتب .. والا بتقول خلهم يخلصون مساكين !!


:shy:

اذا دخلت مكان و شفت من هالزين ،، اكيد راح اضرب بالخمس :nice:

و طبعا مهب غلط اتنزل الجراك بعد هالاكل الزين ،، :shy:

[moonبنتnight]

معظم دوائر دولة ما تحدد بريك حق الموظف 00
يعني حرام مساكين يش يسون 00
والله يصلحهم بعض ناس من يدش على واحد يأكل يطلعون عليه اشاعة انه طول سنة يأكل هههه 00 نفس شي اذا شرب شاي والا قرىء جريدة تهمة تثبت عليه 00