هل القطري اصبح عدو القطري

[صـــــدق]

هل القطري اصبح عدو القطري الموضوع بخصوص اللايجارات يا على الاسكان او اجنبي القطري ممنوع اللايجار عليه هل كل القطرين اهل مشاكل مثلا ابي الهدف من عدم ايجار القطري على القطري شئ يحز في الخاطر اذا قال انت قطري على الاسكان فقط غير قطري حياك الله اهل قطر يحبون البعيد وليش الحسد الكره عندهم الموظفين في الشركات والبنوك والمؤسسات ماعندهم ايجار اسكان كيف نستاجر اندور في الخليج للايجار كل شئ في الدوحة صار ضد المواطن حتا المواطن صار ضد اخيه المواطن والله شئ يحزن والسموحة على عدم ترتيب الموضوع والله المستعان على اخر الزمان

[ابوالكلام]

لان بعض القطريين للأسف صار نفس لهنود لين وصل فوق قام يحتقر الي تحته فلازم

[eXpert*]

نعيب زماننا والعيب فينا
وما لزماننا عيب سوانا

مع الأسف ضاعت المصادقية عند البعض بحكم إنه مواطن .
صحيح أصابع اليد مب سواسيه ،، ولكن لا يلدغ المؤمن من جحر مرتين .

ولي قصص وتم الإتعاض والعبرة ولله الحمد .

[الجني]

هل القطري اصبح عدو القطري الموضوع بخصوص اللايجارات يا على الاسكان او اجنبي القطري ممنوع اللايجار عليه هل كل القطرين اهل مشاكل مثلا ابي الهدف من عدم ايجار القطري على القطري شئ يحز في الخاطر اذا قال انت قطري على الاسكان فقط غير قطري حياك الله اهل قطر يحبون البعيد وليش الحسد الكره عندهم الموظفين في الشركات والبنوك والمؤسسات ماعندهم ايجار اسكان كيف نستاجر اندور في الخليج للايجار كل شئ في الدوحة صار ضد المواطن حتا المواطن صار ضد اخيه المواطن والله شئ يحزن والسموحة على عدم ترتيب الموضوع والله المستعان على اخر الزمان

شوف يا صدق هذه ظاهرة يجب البحث فيها
أنا عدة مرات أجرت على قطريين و كل شهر الشيك راجع
و تليفونات و اليوم و بكره و الله يخليك و شهر و شهرين
و يحز في نفسك تشتكي عليه
تضطر تتنازل عن كم شهر علشان يطلع

و مأجر على نيبالي و أخر كل شهر يأتي و يدفع كاش و يأخذ وصل و يخرج
و ثانكيو سير

أما في العمل الحكومي و شبه الحكومي فأصبحت النذالة من واجبات النجاح
و كل ما كنت نذل كل ما كنت ناجح الا من رحم ربي

و سبحان الله كل وزارة لها طبيعة و الطبيعة هي التي تشكل الموظف
في الجوازات القطرية و الداخلية عموماً : طب و تدلل
و في . . . . . . : وين جنبك اللي يوجعك

[Riku3]

انا بعد اعتبرها ظاهره وللاسف البعض يخربون سمعة القطري !! ..

انا جربت اجانب واسيويين وعرب وقطريين .. والافضل للاسف هم الاسيويين والاسوء هم العرب من جنسية معينة لان صاروا محتالين ويعرفون للقضاء واطالة القضايا ..

بس للامانة مب الكل بس لما يطلع واحد بين كل 3 تقريباً ( شقق وليس للفلل ) .. هذي تعتبر ظاهرة خطيرة ! .

صارتلي اكثر من سالفة مع كذا مواطن .. بس بعطي مثال على الاخيرة الي انتهت بعد سنة كاملة معاناة وبخسارة من جيبي 11,000 ريال ..

كنت ادافع عنه في الدوام علشان يمددونله وما يقدمون عليه شكوى على الشيكات لدرجة ان وصل ان انخصم من راتبي علشانه ولا استحى واخر الشهر جاي يقولي ما عندي توني مطلع نيسان وانا متزوج 2 ومصاريف !! ..

المشكلة ان كل شهر يرجع شيكه وينخصم منه .. ويسدد كاش ويتواعد معاي كل مره بمكان وانا الي اروحله مب العكس !! .. مره في الريان ومره الخليج الغربي ومره الغانم .. ذبحني >_< ..

بعد شهور من المعاناة الله يستر عليه طلع بعد ما طلب سماح على اخر شهرين وهو يدري ان انا الي بدفعها لاني تحملت مسئوليته بس تم يستهبل .. وفي النهاية قتله الشركة وافقت على السماح بس توكل على الله !!! ..

غير الي يطلع من الشقه وشيكاته ترجع ولا يرد على الجوال وبعد ما تقدم عليه شكوى يروح للقاضي ويقول انا طالع من الشقه من 3 شهور مالهم حق بالفلوس ههههه .. القاضي يقوله العقد خلص او سلمت الشقه او اخطرتهم على الاقل .. يقول لا !! .. عسى ما شر .

والي يرجع شيكه ولاهو بمفتكر .. بعكس الاجنبي الي لو رجعله شيك والبنك خصم منه 300 ريال بسببها يتحسف ويتصل يعتذر وتحس من صوته بالاسف على ضياع الـ 300 ريال ! .

علشان كذا للاسف صار البعض ما يفضل الدخول بهالدوامة .

[تربوي]

متابع بهدوء

[صـــــدق]

اول شئ الف شكر للجميع ع المرور وثاني شئ بشرى سارة مثل مصارللمحلات التجارية من 20الف في الخور صار ايجار المحل 6000الاف و7000الاف والخلو من مليون صار ب15الف والشكر للحكومة على بروه تبني فلل وعمارات وشقق واسواق ومحلات و مجمعات سكنية

[BoFahed]

شوف يا صدق هذه ظاهرة يجب البحث فيها
أنا عدة مرات أجرت على قطريين و كل شهر الشيك راجع
و تليفونات و اليوم و بكره و الله يخليك و شهر و شهرين
و يحز في نفسك تشتكي عليه
تضطر تتنازل عن كم شهر علشان يطلع

و مأجر على نيبالي و أخر كل شهر يأتي و يدفع كاش و يأخذ وصل و يخرج
و ثانكيو سير

أما في العمل الحكومي و شبه الحكومي فأصبحت النذالة من واجبات النجاح
و كل ما كنت نذل كل ما كنت ناجح الا من رحم ربي

و سبحان الله كل وزارة لها طبيعة و الطبيعة هي التي تشكل الموظف
في الجوازات القطرية و الداخلية عموماً : طب و تدلل

و في . . . . . . : وين جنبك اللي يوجعك


صادق اخوي للاسف وايد خربوا السمعه ولايهمهم حقوق الناس وصارت ذمتهم وسيعه وصارت لي اكثر من سالفه اللي يقولي عندي ظروف والبورش صاف علا الباب واللي عليه 4 شهور شيكات مرجعه ويقولي سندرتنا انت مب قطري ومب راعيها !!!!! واللي ماجر من الباطن ويقولي هذيلا موظفين في شركاتي والحبيب ماخذ دبل الايجار

اقولك وللاسف صرت مستحيل اجر قطري الا علا الاسكان بعد سنين من بهذلة المحاكم والعداوات والمشاكل

[الأصيلة]

هي جات على الإيجارات
نعم وبكل قوة بعض القطريين عندما يكونوا في مراكز قوة
يكونوا ضد القطري
واسألوا زوايا الدوائر والمؤوسسات الحكومية والوزارات
وستعرفون حقيقة هذا الكلام...
الهندي بشهادة دبلوم يتفوق على القطري بشهادة الدكتوراه

[البدع]

كنت في شركة

شباب فيها محترمين

وشباب مثل العقارب يلدغون بعضهم بعض

واحد فيهم مثل السحلية قدام ربعه وجه ووراهم وجه ،،

والثاني شاذ جنسيا ويحب يفتن بين الناس وينشر اكاذيب عشان يعوض عقدة الطفولة

*

[الموضوعي]

شوفوا اكابر البلاد ربعهم الخاصين اجانب ومايحبون القطري شلون عاد الناس العاديين

[نيساني]

اصابع اليد مب سوا فيه الزين وفيه الشين وهذي سنة الحياه والحمدلله انا مأجر بيت حق قطري

ونسئل الله حسن الخاتمه

[Engineer]

للأمانه و من تجربة لأحد اقاربي
عنده 4 فلل
2 منهم مؤجرين على عوائل قطريه
و 2 على عوائل اجنبيه
العوائل القطرية يا شهر شيك راجع يا يتصل يطلب تأجيل صرف الشيك,و مسكين صاحب العقار كل شهر يتصل فيه يبي يصرف الشيك يا ما يرد يا يسكر الجوال!
اما العوائل الأجنبية شهر بشهر واذا بيسافرون يخطرون راعي العقار و يعطونه شهرين مقدم!
انا لا اقول كل العوائل القطرية بس هذا نموذج و الآن يحاول يأجر على اجانب للعقارات الأخرى وا اعتقد احد يلومه!
الله يصلح الحال

[qtr qtr]

عندي حل يظمن حق المؤجر

يكون العقد مبني على شروط
اولا كشف حساب المستأجر من البنك.
شيكات مصدقه لمدة سنه من تاريخ توقيع العقد
حجز مبلغ من قيمة الاجار اثناء نزول الراتب
ويكون العقد موثق بين البلديه والبنك لضمان حق المؤجر

وان شاءالله الاقتراح يعجبكم

[نيساني]

عندي حل يظمن حق المؤجر

يكون العقد مبني على شروط
اولا كشف حساب المستأجر من البنك.
شيكات مصدقه لمدة سنه من تاريخ توقيع العقد
حجز مبلغ من قيمة الاجار اثناء نزول الراتب
ويكون العقد موثق بين البلديه والبنك لضمان حق المؤجر

وان شاءالله الاقتراح يعجبكم



انت فنان وعساك عالقوه:)

[naif3]

الله يعين

[مشاكل]

بالنسبه لتأجير البيت على القطري
للاسف في ناس خربت على ناس
وراعي البيت بيقولك باجرة على اجنبي لأنه مب منحرج منه اذا في يوم بيقوله مع السلامه او بيشتكي عليه مب متردد بيعطيها اياه على بلاطه

بالنسبه للعمل
انا صار لي شغال حول 21 سنه واشتغلت خلال هالفتره في ثلاث جهات مختلفه وشفت انواع كثيره من الموظفين
لكن عندي قاعده ماشي عليها طول هالفتره والحمد لله الله موفقني
امشي عدل يحتار عدوك فيك
وحقك بيجيك دام الله سبحانه وتعالى مقدر لك تاخذه بتاخذه

[qtr qtr]

انت فنان وعساك عالقوه:)


تسلم اخوي والله يقويك ويبقيك ... بس من يسمع اقتراحاتنا من الناس البسطاء للاسف .. اذا هالاقتراح طلع من بعيون زرق كان اليوم الثاني مطبقينه ..

ويما اني ابديت اقتراحات كثير للمدراء ولمكتب الوزير عندنا بالبلديه وهي تصب في مصلجة الوطن والمواطن ... ولكن لا حياة لمن تنادي ..

الثقه معدوووووووووووووووووووووومه للمواطن القطري للاسففففف :omen2:

[الجوكر90]

بل اغلب الاعضاء عندهم تجارب شينه مع القطريين
لان القطري ضامن ان حتى لو وصلت المحاكم راح يطلع منها

وشوف اذا واحد عنده حلال ماراح يسكن الناس عنده ابلاش
ترى مثل ما المستاجر عنده مصاريف حتى المؤجر عنده مصاريف
اما فالشغل كل واحد يدور مصلحته حتى لو ع حساب غيره

وبالتوفيق ان شاء الله

[king fish]

شوفوا اكابر البلاد ربعهم الخاصين اجانب ومايحبون القطري شلون عاد الناس العاديين


صحيح ماشاء الله عليك دقيق الملاحظه اكثر رجال الاعمال اعز اصحابهم اجانب

[ريماس الغلا]

عمتي عندها بيت واجرته لعائلة قطرية ولا قدرت تطلعهم

حتى بحكم المحكمه ما قدرت

[Aaziz]

السلام عليكم


انا ماجر بيت و اعمل تحويل بنكي من حسابي الى حساب صاحب البيت كل تاريخ 1 الشهر اوتوماتيكيا يتحول المبلغ
و كشف حسابي البنكي و كشف الحساب البنكي لصاحب العقار كافيه بان تكون اثبات لسداد الايجار