جمعية المهندسين و وظيفة !

[aaa333]

السلام عليكم

بغيت مساعدتكم ياجماعة الخير

انا خريجة هندسة صناعية ونظم ومعدلي 2.5 :secret:

ممكن تشورون علي وين اقدم .. في اي شركة

وابي مكان يكون فيه تدريج وظيفي يعني اطور من نفسي

وشنو الامتيازات اللي يعطونها للموظفين والراتب وطبيعة العمل

او ممكن تعطوني اسماء الشركات وكيفية التقديم



واخرر شي والاهم
ابي اعرف شنو مهام جمعية المهندسين القطريين اللي في كتارا ؟؟

:shy::shy:
ومشكووورين

[Al-Kuwari]

اختي راجعي الخاص والله يوفقج

[غيمة مطر]

اختي وانا ايضا مهندسه ...

وقدمت في كذا جهه بس انتظر الفرج ...

قدمي في قطر غاز... تطوير ومستقبل ... وان شاء الله يقبلونج ويقبلوني

الله يوفقج ...

[bo-ibrahem]

اتمنى لكل القطريين والقطريات التوفيق بحياتهم العلميه والعمليه

واتمنى من الاخوه الي بيفيد .. يفيد الجميع ..

اما راسلني عالخاص واراسلك .. مافيه نتيجه

واستشارت الاخت واضحه وهي (( وين تنصحوني اقدم )) + ((مهام جمعية المهندسين بكتارا ))


نسأل من الله العلي العظيم ان يوفقك اختي الكريمه ويكتب لك الستر في الوظيفة الجديده ودوام الترقيه

[ماريسا]

موفقة

[محمد]

اتمنى لكل القطريين والقطريات التوفيق بحياتهم العلميه والعمليه

واتمنى من الاخوه الي بيفيد .. يفيد الجميع ..

اما راسلني عالخاص واراسلك .. مافيه نتيجه

واستشارت الاخت واضحه وهي (( وين تنصحوني اقدم )) + ((مهام جمعية المهندسين بكتارا ))


نسأل من الله العلي العظيم ان يوفقك اختي الكريمه ويكتب لك الستر في الوظيفة الجديده ودوام الترقيه

100%

صدقت .. وغالبا "راجعي الخاص" لطلب السي في لحسن الظن طبعاً :) .. لكن الموضوع انطرح بالعام ويجب ان يرد عليه بالعام !

اتمنى من الاخوات المقبلات على التوظيف عدم ارسال السي في الخاص فيهم لاي ايميل مجاني "هوتميل .. ياهو .. مسن .. جي ميل .. الخ الخ " ..
لو كان ولا بد من ارسال السي في .. فيتم ارساله فقط لايميل رسمي لجهة العمل المراد تقديم الوظيفة فيها متبوع بالدومين نيم الخاص فيها .gov.qa او الدومين الرسمي للشركة يعني تدش جوجل وتدور هل فعلا الايميل الي خذته يخص الموقع الرسمي لهذي الشركة ..

اما اي حد يطق الصدر وايميل مجاني .. اتمنى تجنب هالشي .. وانا هنا ما اقصد الاخ الي بادر برده .. بل بشكل عام

[بوحمد111]

الله يوفقج اختي العزيزه وتحصلين الوظيفة المناسبه

وعن نفسي انصحج بقطر للبترول وان شاء الله تتم الموافقة عليج وصحيح في البداية عراقيلهم وايد ولكن بعد التوظيف امورج في السليم ان شاء الله

[الزعفراني]

هذا موقع جمعية المهندسين القطرية

http://www.qatarse.org/

وهذي أرقامهم

Contact Details:

Tel: +974 4408 1815 – +974 4408 1472
Fax: +974 4408 1732
P.O.Box : 12826
Doha – Qatar
E-mail: info@qatarse.org
Website: www.qatarse.org



وفي شي أنا مستغرب منه والكلام على العموم ، يعني مش معقوله انا دارس جامعه و داخل تخصص معين ومكروف 5 سنين في الجامعه ، وفي معرض مهني كل سنه ، وأخرتها ما أعرف وين أقدم أو شنهي الشركات او الجهات اللي تقبل تخصصي ؟ :anger1:


الله يوفقج ان شاء الله وتفرحين بأول راتب :)

[مرتبش]

جمعية المهندسين تسوي محاضرات او ندوات تثقيفية بين فترة واخرى ولاتوجد لها انشطة ومهام اخرى

بالنسبة للتوظيف الله يوفقج

[Al-Kuwari]

الأخوان اللي عقبوا على ردي

انا موظف في شركة من شركات قطاع الطاقة

ولما قلت للأخت راجعي الخاص بناء على اني وضحت لها من انا + منصبي + اسم شركتي في الخاص + ايميل الدوام الرسمي وبلغتها اذا كانت حابه تقدم عندنا خل ترسل لي السي في من باب المساعدة لا اكثر

مسألة اني اضع رد عالعام واوضح فيه من انا + وين اشتغل + ايميلي الرسمي هذي معلومات شخصية والحق يرجع لي اذا كنت حاب اعرضها او لا

يعطيكم العافيه :)

[روح الاطلس]

الله يوفقج اختي وتلقين وظيفة مناسبة قدمي بكل مكان وبوزارة العمل

والاخ الكواري مايقصر ان شاء الله اتذكره كان من اكثر الاعضاء الفعالين في موضوع التوظيف ايام المعرض المهني

واحسنوا الظن في اخيكم

[حفيد الأنصار]

الله يوفقك

[Al-Kuwari]

الله يوفقج اختي وتلقين وظيفة مناسبة قدمي بكل مكان وبوزارة العمل

والاخ الكواري مايقصر ان شاء الله اتذكره كان من اكثر الاعضاء الفعالين في موضوع التوظيف ايام المعرض المهني

واحسنوا الظن في اخيكم

قصر عنج الشر , والله يجزاج خير ويرحم والديج عالكلام الطيب

[فلتة زمانها]

ياليت حد يفيدني شسالفة تخصص الهندسه الصناعيه
اختي مختاره هالتخصص ومب عارفه عن مجال عمله ياليت احد يوضحلي؟؟

[aaa333]

اختي راجعي الخاص والله يوفقج

شكرا اخي الكريم..

اجهل الهجوم الذي شن من اجل هذه المساعدة
عموما لا استطيع الرد بالرسائل الخاصة لعدم بلوغي ال50 مشاركة
شكرا جزيلا عالمساعدة وحاليا انا خارج الدوحة

[aaa333]

ياليت حد يفيدني شسالفة تخصص الهندسه الصناعيه
اختي مختاره هالتخصص ومب عارفه عن مجال عمله ياليت احد يوضحلي؟؟

راجعي اللنك
http://www.qu.edu.qa/engineering/mechanical/academics/ie/index.php
التخصص وايد حلو وفيه ابداع والله يوفق اختج

[aaa333]

اختي وانا ايضا مهندسه ...

وقدمت في كذا جهه بس انتظر الفرج ...

قدمي في قطر غاز... تطوير ومستقبل ... وان شاء الله يقبلونج ويقبلوني

الله يوفقج ...

شكرا اختي الكريمة
بس عندي سؤال
قدمتي في شل؟

[aaa333]

اتمنى لكل القطريين والقطريات التوفيق بحياتهم العلميه والعمليه

واتمنى من الاخوه الي بيفيد .. يفيد الجميع ..

اما راسلني عالخاص واراسلك .. مافيه نتيجه

واستشارت الاخت واضحه وهي (( وين تنصحوني اقدم )) + ((مهام جمعية المهندسين بكتارا ))


نسأل من الله العلي العظيم ان يوفقك اختي الكريمه ويكتب لك الستر في الوظيفة الجديده ودوام الترقيه

شكرا اخي الكريم .. الرساله محتواها معلومات شخصية .. من باب الخصوصية لا اكثر :)

[aaa333]

الله يوفقج اختي العزيزه وتحصلين الوظيفة المناسبه

وعن نفسي انصحج بقطر للبترول وان شاء الله تتم الموافقة عليج وصحيح في البداية عراقيلهم وايد ولكن بعد التوظيف امورج في السليم ان شاء الله

سمعت وايد عن العراقيل من بنات مقربات .. راح اقدم .. والله كريم
شكرا بوحمد

[aaa333]

هذا موقع جمعية المهندسين القطرية

http://www.qatarse.org/

وهذي أرقامهم

contact details:

Tel: +974 4408 1815 – +974 4408 1472
fax: +974 4408 1732
p.o.box : 12826
doha – qatar
e-mail: info@qatarse.org
website: www.qatarse.org



وفي شي أنا مستغرب منه والكلام على العموم ، يعني مش معقوله انا دارس جامعه و داخل تخصص معين ومكروف 5 سنين في الجامعه ، وفي معرض مهني كل سنه ، وأخرتها ما أعرف وين أقدم أو شنهي الشركات او الجهات اللي تقبل تخصصي ؟ :anger1:


الله يوفقج ان شاء الله وتفرحين بأول راتب :)

زرت المعرض المهني تقريبا كانو يبحثون عن السبونسر او من البداية يقفلونها بوجهي بسبب المعدل

شكرا عالمساعدة

[aaa333]

جمعية المهندسين تسوي محاضرات او ندوات تثقيفية بين فترة واخرى ولاتوجد لها انشطة ومهام اخرى

بالنسبة للتوظيف الله يوفقج

تجمع كل المهندسين اللي في قطر ولا بس المقيدين في الجمعية؟
ويسوون ندوات خارج قطر ويطلبون من المهندسين الحضور والمشاركة؟

شكرا عالمساعده

[naif3]

اخوي الكواري انا معاي بكالوريوس اقتصاد من امريكا ومعدلي 3.2
اذا فيه مجال عندكم اكوون شاكر لك واسمحلي ع الازعاج

[naif3]

الأخوان اللي عقبوا على ردي

انا موظف في شركة من شركات قطاع الطاقة

ولما قلت للأخت راجعي الخاص بناء على اني وضحت لها من انا + منصبي + اسم شركتي في الخاص + ايميل الدوام الرسمي وبلغتها اذا كانت حابه تقدم عندنا خل ترسل لي السي في من باب المساعدة لا اكثر

مسألة اني اضع رد عالعام واوضح فيه من انا + وين اشتغل + ايميلي الرسمي هذي معلومات شخصية والحق يرجع لي اذا كنت حاب اعرضها او لا

يعطيكم العافيه :)

اخوي الكواري انا معاي بكالوريوس اقتصاد من امريكا ومعدلي 3.2 اذا فيه مجال عندكم اكوون شاكر لك واسمحلي ع الازعاج

[CH Engineer]

راجعي اللنك
http://www.qu.edu.qa/engineering/mechanical/academics/ie/index.php
التخصص وايد حلو وفيه ابداع والله يوفق اختج

التخصص موجود في كلية البنات
توني اشوف الخطه الدراسية اتوقع تنفعين تشتغلين في كل شركات النفط والغاز
اذكر من فتره شباب من راس غاز وقطر غاز يدورون مهندسين متخرجين ليش ماتروحين تقدمين بهالشركتين
وعندج دولفن وقطر للبترول واوريكس قدمي وبعد اسبوع تابعي معاهم بالكثير شهرين وانتي متوظفه

[فلتة زمانها]

راجعي اللنك
http://www.qu.edu.qa/engineering/mechanical/academics/ie/index.php
التخصص وايد حلو وفيه ابداع والله يوفق اختج

تسلمين يالغلا
يعني ماتنزل مصانع مثل ما سمعت شغل اداري صح ؟

[Al-Kuwari]

اخوي الكواري انا معاي بكالوريوس اقتصاد من امريكا ومعدلي 3.2 اذا فيه مجال عندكم اكوون شاكر لك واسمحلي ع الازعاج

مسموح طال عمرك

اخوي بخصوص تخصصك للأسف مش مطلوب حالياً حسب الشواغر , اغلب الشواغر الموجوده لخريجين الهندسة

لكن هذا ما يمنع ان احنا نلقي نظرة على السيرة الذاتية واحتمال نلاقي شي يناسبك

راجع الخاص ياخوي

[Al-Kuwari]

^
^
^

اخوي نايف

الرسائل الخاصة عندك فل

امسح بعض الرسائل لا هنت

[aaa333]

تسلمين يالغلا
يعني ماتنزل مصانع مثل ما سمعت شغل اداري صح ؟

الدراسة تقريبا ادارية ومازرنا الا مصنع واحد ومن برا لبرا
بس الاسم اللي يخوف ان صناعية لازم مصنع :nice:

[qatarman8008]

واسطة ..!! فيتامينات ..!!

[ANONYMOUS]

كم واحد خريج هندسه صناعيه هذيلا هم مدراء اتش أر


اتوقع تصيرين اتش أر مانيجر مستقبلا

[تحداني]

اختي خريجه هندسه صناعيه .. ما صار لها متخرجه 5 اشهر
اول شي فكروه فيه اخواني كونهم مهندسين في الاماكن المخصصه للهندسه وتستفيد منها في البدايه كخبره .. وبعدها اذا حابه تنتقل فالخيار لها ..

من بين الاماكن :
1 / راس غاز
2 / اكسون موبيل
3 / دوحه لاند
4 / الشركه الي ماسكه مشروع قطار الدوحه
5 / وشلمبر جي ما اعرف اذا نطقتها صح ولالا
6/ قطر غاز

الحمد لله رب العالمين ردوا عليها كل الشركات وسوت المقابله
والمقابله تلعب دور كبير .. هيأت نفسها وساعدوها اخواني في جمع المعلومات عن كل شركه
اسإلوها عن تخصصها .. عن مشاريع الشركه عن نظرتها الماديه للمكان .. عن الراتب
حطوها في بعض المواقف الاداريه والهندسيه ..والي تحتاج قرار
تجاوزت كل الاختبارات بنجاح
بدأ التفاوض على الجانب المادي بين الاماكن كلها
رسينا على شركتين .. وبعدها اخترنا الافضل في الاستفاده الشخصيه والمعرفيه
محتاج الخريج في بداياته مكان يعمل على تطويره من كل الجوانب
لا يعني استمرارها في المصنع .. بس حلو تتعرف على عالم العمل من كل الزوايا
وبعدها راح تنتقل لعمل داخل الدوحه

وهي ولله الحمد سعيده واحنه معاها .. وما راح نتركها
ومحتاجين جيل يواجهه تحديات كثيره ويبني طموحه واحلامه خاصه اذا كان صاحب شهاده وعلم تعب عليها وايد والاهل يلعبون دور كبير



جملك الله برضاه

[aaa333]

تحداني الزمن .. كلامج ماشالله حلو ويشجع وصج الاهل لهم دور كبير

شكرا للجميع :)