هل الخطأ من الجمارك ام من dhl ؟

[Chambray]

من اسبوع كلمت مصنع رخام في اسبانيا للتعاقد معاهم واخبرتهم اني محتاج سامبل للمعاينه
ارسلولي السامبل وكانت مكسوره وخبرتهم ان القطعه مكسوره
فأرسلولي وحده ثانية مغلفه بغطاء خشبي لحمايتها

القطعه حجمها 30 في 30

المهم اتصلوا فيني dhl وخبروني بوصول الشحنه

رحت لهم امس في الليل وتفاجئت ان الموظف في dhl يخبرني اني لازم ادفع مبلغ 290
قلت له بس انا دافع فلوس الشحن للشركه واموري خالصه

قالي لا مب فلوس شحن هذي الفلوس حق الجمارك !!
جمارك 290 !!
انزين ليش ؟
مادري !!!
الجمارك يبون فلوسهم ولا اعرف اكلم من؟
وحرام ادفع 290ريال على قطعه رخامه
لا اقدر ابلط البيت ولا اقدر ابيعها
يعني الجمارك لهدرجة الله يهديهم ماعندهم نظره وتقييم للشئ

يعني بلاطه حجمها 30 في 30 !! ومكتوب ( سامبل ماربل )
ليش يحطون علي جمرك !!!!!!!!!!!!!!!!!!!!!!!

الي اعرفه ياخذون الجمارك 5%
يعني 290 ريال ( جمارك لبضاعه قيمتها 6000 ريال )
في ذمتكم قد سمعتوا ببلاطه حجمها 30*30 سعرها 6000 ريال !!!!!!!!!!

مع اني لاحظت ان الشحنه مفتوحه يعني الجمارك فاتحها !!

الي يشتغل في الجمارك ما بطل عينه عدل وقال والله هاي بلاطه !! مب ذهب عيار 21 !!!!!!!!!!!!!!!!!!

قسماً بالله شئ يقهر


عموماً انا ما اخذت الشحنه وخليتها عند الdhl وبكرة باروح اتلطش واتعب علشان احفظ حقي !!!!!!!!!!!!!!!!


في النهايه

شكراً للجمارك الي المفروض يشتغلون بذمه وضمير اكثر ويقيمون اغراض الناس بصورة افضل !!!!!!!!

[OREO]

الجمارك حسابها عسير يوم القيامة ،، لانها تاكل فلوس الناس بغير وجه حق و فوق هذا لا اخلاق و لا ضمير عند تفتيش الاغراض ،،


ما قلت هذا الكلام الا لاني تعاملت معاهم و لازلت اتعامل معاهم و من باب التجربة ،،

المفروض رجال الجمارك تتبدل بناس لهم اكثر خبرة و ادب و كيفية التعامل و احترام عقول الجمهور ،،


موفق اخوي ان شاءالله ،، لكن لا تنسى بأن حقوقنا محفوظة بالتمام و الكمال يوم القيامة بإذن الله و راح تطلع من عيونهم ،،

[airbus]

احسنلك روح الجمارك في مطار الدوحة واستفسر هناك لان سامع مشاكل كتير من dhl تحط سعر من عندها بخصوص الجمارك

مرات يكون سعر الجمرك ٣٠ ريال و ٢٥٠ تخليص جمركي

[الزعفراني]

أخوي هد أعصابك :)

الحين انت سمعت جزء من المشكلة من طرف الدي اتش ال ، باقي تتواصل مع الجمارك وتسمع منهم ، عشان تكون الصورة واضحة لك .

كل التحية لرجال الجمارك ولجهودهم .

[Abdullah_89]

بعض موظفين الجمارك والله يضحكون .. خصوصا جمارك المطار


اذا شافوك واحد ومعاك اكثر من شنطه يفتشوهها لك واذا شافوا مثال ( قمصان وجنزات وايد وجديده بأسعارها) يقولك نبي الفاتوره ولا تعتبر تجاره

اقوله صوغه يقولي تجاره وهاي حالتنا معاهم في مطار الدوحة


الله يعينك اخوي ولاتسكت عن حقك

[eXpert*]

أنا اطلب أغراض من ألمانيا .

وعلى الرغم أن الشحن مدفوع مقدم .

دي أتش أل كل مرة يطلبون 100 ريال ثابتة رسوم جمركية ، ويعطونيّ وصل مكتوب عليه Customs Fee.

[Chambray]

جزاكم الله خير على الردود

والجمارك اليوم اتصلوا فيني وبيض الله وجهم وشرحوا لي المشكلة وعرفت المشكلة من وين

المشكلة من dhl الله يغربلهم

المشكلة ان الشحنه عبارة عن شئ شخصي وليس تجاري
لشخص وليس لشركة

الشركات وشركات الشحن تحصل فيها بعض التلاعب
ورجال الجمارك يحاولن التصدي لهذا التلاعب


وهذا من حقهم

لكن ان شركة dhl تكتب ان ( انا ) عبارة عن شركة وليس شخص ! فهذه طامه كبرى !
يعني ( فلان الفلاني ) شلون بتكون شركة !!!!!!!!!!
اي شركة لها سجل تجاري ومعروفه باسم من
لكن انا لا لي سجل تجاري ولا شئ
فكيف يكتبون ال DHL ان الشحنه لشركة !!!!!!!!!

علشان يفتكون من نظام الجمارك الي يطلبون منهم صورة من بطاقة العميل ( وهذا سهل ) في السستم او عند استلام العميل الشحنه ياخذون صورة من بطاقته الشخصيه والسلام ..

ظلمت الجمارك


المشكلة يا شباب ان احنا ندفع ونسكت ومانروح نستفسر ليش الجمرك هذا !!

في بعض الاحيان يكون من السهل على شركة الشحن انها تكتب اي شئ علشان تفتك من نظام الجمرك .. وهم يعرفون زين ان احنا اهل قطر لو قالولنا جمرك ندفع عندهم بدون مانتكلم خصوصاً اذا المبلغ كان 100 - 200


واشكركم على المتابعه

ابشركم المشكلة انحلت وانتهت

[الزعفراني]

جزاكم الله خير على الردود

والجمارك اليوم اتصلوا فيني وبيض الله وجهم وشرحوا لي المشكلة وعرفت المشكلة من وين

المشكلة من dhl الله يغربلهم

المشكلة ان الشحنه عبارة عن شئ شخصي وليس تجاري
لشخص وليس لشركة

الشركات وشركات الشحن تحصل فيها بعض التلاعب
ورجال الجمارك يحاولن التصدي لهذا التلاعب


وهذا من حقهم

لكن ان شركة dhl تكتب ان ( انا ) عبارة عن شركة وليس شخص ! فهذه طامه كبرى !
يعني ( فلان الفلاني ) شلون بتكون شركة !!!!!!!!!!
اي شركة لها سجل تجاري ومعروفه باسم من
لكن انا لا لي سجل تجاري ولا شئ
فكيف يكتبون ال dhl ان الشحنه لشركة !!!!!!!!!

علشان يفتكون من نظام الجمارك الي يطلبون منهم صورة من بطاقة العميل ( وهذا سهل ) في السستم او عند استلام العميل الشحنه ياخذون صورة من بطاقته الشخصيه والسلام ..

ظلمت الجمارك


المشكلة يا شباب ان احنا ندفع ونسكت ومانروح نستفسر ليش الجمرك هذا !!

في بعض الاحيان يكون من السهل على شركة الشحن انها تكتب اي شئ علشان تفتك من نظام الجمرك .. وهم يعرفون زين ان احنا اهل قطر لو قالولنا جمرك ندفع عندهم بدون مانتكلم خصوصاً اذا المبلغ كان 100 - 200


واشكركم على المتابعه

ابشركم المشكلة انحلت وانتهت

شفت شلون ؟ :)

الحمدلله ان مشكلتك انحلت .

[Chambray]

شفت شلون ؟ :)

الحمدلله ان مشكلتك انحلت .

تصدق في اوروبا تعيش معاهم وتحس ان القانون حاميك في كثير من الامور

الكل خايف من القانون من التجار ومن الحكومة

الكل يحترمك

تدري في فرنسا لو حسيت بعنصريه من اياً كان لو تقوله انت عنصري وانا بارفع عليك قضيه انك عنصري ! والله يخاف لان تقدر تتصل بالشرطة وتعمل محضر وترفع عليه قضيه ان كان عنصري معاك

لكن هنا كثير من القوانين غير مفعله

لحمايه المستهلك ولحماية المواطن من التجار :anger1:


واشكرك على تواجدك ومرورك الطيب يالزعفراني

[Dana’1]

احنا طلبا اغراض وانتو بكرامة الحممامات من امريكان ستاندرد الي بتايلاندا يوم جات قالت شركة الشحن ما ننزل الشحن الا بفلوس ونوصلها لكم للبيت حول 2500 تقريبا
والجمرك اخذ علينا 5٪ مع انها اغراض شخصية مو للتجارة؟!!!!!

وبصراحة الرجال الي في تايلاند قالنا انزل من سعر البضاعة بالفاتورة عشان الجمرك
قلنا لا شخصي ما ياخذون
وغير كذا نحس حرام التلاعب بالاسعار عشا جمرك
بس يوم جات واخذوا
بصراحة الواحد يتلاعب اصرف لان هي اغراض شخصية مو نيتة يبيعها فباي حق ياخذون زود وهم حتى مو منزلينها من المينا ولا يقدمون اي خدمة مقابلها

وان شاءلله ان تعلمنا الدرس منههم وبنعاملهم بالمثل

[Chambray]

احنا طلبا اغراض وانتو بكرامة الحممامات من امريكان ستاندرد الي بتايلاندا يوم جات قالت شركة الشحن ما ننزل الشحن الا بفلوس ونوصلها لكم للبيت حول 2500 تقريبا
والجمرك اخذ علينا 5٪ مع انها اغراض شخصية مو للتجارة؟!!!!!

وبصراحة الرجال الي في تايلاند قالنا انزل من سعر البضاعة بالفاتورة عشان الجمرك
قلنا لا شخصي ما ياخذون
وغير كذا نحس حرام التلاعب بالاسعار عشا جمرك
بس يوم جات واخذوا
بصراحة الواحد يتلاعب اصرف لان هي اغراض شخصية مو نيتة يبيعها فباي حق ياخذون زود وهم حتى مو منزلينها من المينا ولا يقدمون اي خدمة مقابلها

وان شاءلله ان تعلمنا الدرس منههم وبنعاملهم بالمثل

عادي الجمرك ياخذون 5% حتى لو اغراض شخصيه

+ فلوس المخلص الجمركي
+ فلوس للشاحنه الي توصل للفيلا
+ فلوس للفوركليفت ( لتنزيل البضاعه من الكونتينر للفيلا )

الله يعينكم

[airbus]

شفت متل انا ماتوقعت لان عندهم حالت كتير من dhl


انا غاسل يدي منهم من زمان

[Dana’1]

عادي الجمرك ياخذون 5% حتى لو اغراض شخصيه

+ فلوس المخلص الجمركي
+ فلوس للشاحنه الي توصل للفيلا
+ فلوس للفوركليفت ( لتنزيل البضاعه من الكونتينر للفيلا )

الله يعينكم


اي تو عرفنا ان حى الاغراض الشخصية...مع انه مو من حقهم بصراحة واذا كلش على الاقل ياخذون 2٪ عالاغراض الشخصية مو 5٪
والا الباقي مثل ما تفضلت مقابل خدمات

والحمدلله الاغراض تستاهل إن شاءلله:)
والله يعنا ويعنك ويعين كل مسلم..آمين يارب العالمين

[OREO]

عندي ١٢ غرض طايحين اسبوع في جمارك الدوحه و ما اخلصوا اجراءاتهم من تفتيش و الخ ،،

الاغراض جايين عن طريج ارامكس و راجعت الجمارك و قالوا زحمه عندنا ،،،، هل هذا رد السؤال ؟؟


شبه اسبوعي اطلب اغراض من النت و اكثر من عشرة سنين لي اطلب و ما شاءالله خبره مع الجمارك لكن اخر ثلاثة سنوات الجمارك للأسف خدماتها في الحضيض و خاصه يوم تستلم اغراضك بعد التفتيش و اللي يشوف الاغراض يقول كأنها جايه من بين ايادي وحوش و ناس مهب متعلمه و ما اعرفت كيف اتفتش ،،


اهم مافي موضوعك اخوي ،، ارفع ايدينك و اشكر رب العالمين بأن السبب دي اتش ال و مهب الجمارك ،، لان الجمارك لا تاخذ منها حق و لا باطل ،،


موفق ان شاءالله ،،

[OREO]

اسمحلي نسيت اقولك ،، امس اوصلوا لي غرضين من فيدكس كراتينهم منتفه و اللي يشوف الاغراض يقول ناسيين فيران في الكراتين و انتوا بكرامه ،،

[الخزرجي قطر]

الحمد لله انك خلصت امورك مع الجمارك
وشكرا لك على الموضوع حتى نستفيد من
تجربتك في المستقبل عند الطلب من الخارج

[راعي الدتسن]

حبيت اضيف معلومتين للمشايخ اللي موجودين:
الاغراض الشخصيه واللي تكون قيمتها فوق ثلاثة الاف ينحسب عليها جمارك.

وبخصوص المفتشين..!!! اقولكم موظفي شركات الشحن هم اللي يبطلون الطرود الواصله مب المفتش.. وكفانا تلتطيش واتهام بالزووور..
حبايبي تأكدوا من اي معلومه قبل لا تتهمون حد لان هذا اتهام بالباطل لناس مالهم ذنب وتشويه لسمعتهم..
وسلامتكم

[البرونزي]

شركات التخليص والشحن دوم تقط المشاكل على الجمارك
1-الرسوم مرتفعه قالوا الجمارك
وللعلم ال 10,000 ريال رسومها 500ريال بس
يعني 5%
2- بضايع تالفه قالوا الجمارك
3- تاخير قالوا الجمارك
وصاحب البضايع مايكلف نفسه يطلب فاتوره بالرسوم
على الاقل صادره من الجمارك ولا يراجع موضوعه بنفسه
ويصدق كلام شركات الشحن وغير هذا يشوه سمعة موظفين الجمارك .
تاكدوا رجال الجمارك مايسوون شي الا لمصلحة الوطن بأذن الله
ومافي داعي الواحد يشرح تفاصيل اكثر لكن كل هالاجراءات حمايه
للوطن واللي عايش على هالبلاد

[ابوالكلام]

تصدق في اوروبا تعيش معاهم وتحس ان القانون حاميك في كثير من الامور

الكل خايف من القانون من التجار ومن الحكومة

الكل يحترمك

تدري في فرنسا لو حسيت بعنصريه من اياً كان لو تقوله انت عنصري وانا بارفع عليك قضيه انك عنصري ! والله يخاف لان تقدر تتصل بالشرطة وتعمل محضر وترفع عليه قضيه ان كان عنصري معاك

لكن هنا كثير من القوانين غير مفعله

لحمايه المستهلك ولحماية المواطن من التجار :anger1:


واشكرك على تواجدك ومرورك الطيب يالزعفراني

اخر دولة تطبق القانون احنا يمكن

[OREO]

حبيت اضيف معلومتين للمشايخ اللي موجودين:
الاغراض الشخصيه واللي تكون قيمتها فوق ثلاثة الاف ينحسب عليها جمارك.

وبخصوص المفتشين..!!! اقولكم موظفي شركات الشحن هم اللي يبطلون الطرود الواصله مب المفتش.. وكفانا تلتطيش واتهام بالزووور..
حبايبي تأكدوا من اي معلومه قبل لا تتهمون حد لان هذا اتهام بالباطل لناس مالهم ذنب وتشويه لسمعتهم..
وسلامتكم


شركات التخليص والشحن دوم تقط المشاكل على الجمارك
1-الرسوم مرتفعه قالوا الجمارك
وللعلم ال 10,000 ريال رسومها 500ريال بس
يعني 5%
2- بضايع تالفه قالوا الجمارك
3- تاخير قالوا الجمارك
وصاحب البضايع مايكلف نفسه يطلب فاتوره بالرسوم
على الاقل صادره من الجمارك ولا يراجع موضوعه بنفسه
ويصدق كلام شركات الشحن وغير هذا يشوه سمعة موظفين الجمارك .
تاكدوا رجال الجمارك مايسوون شي الا لمصلحة الوطن بأذن الله
ومافي داعي الواحد يشرح تفاصيل اكثر لكن كل هالاجراءات حمايه
للوطن واللي عايش على هالبلاد



يقال ان الكلام موجه لي كوني انتقدت رجال الجمارك ...


حبيت اطمنكم احبابي الكلام هذا ماقلته الا بعد ما تأكدت مراراً و تكراراً و بخصوص الشركات نفس الطينه و مهب شي جديد عليهم ...

سؤال ،، البريد الممتاز و البريد العادي من المسؤول عنهم ؟؟ هل الشركات الخاصه !!

هل يوم استلم بضاعتي من مبنى البريد العام و بالضبط من عند رجال الجمارك وهي مفتشه بطريقه همجيه ،، ممكن اعرف ايش اسميها ،، ( على ما اظن الشركات مالها دخل في البريد العام و الا انا غلطان !! ) ،،


اما بخصوص البضايع اللي فوق ٣٠٠٠ ريال ،، هذه ما نختلف عليها و القائمة موجودة في صفحتهم و تقريبا القانون نزل اذا ما خاب ظني من خمسة سنوات و والخ ،، و هذا طبعاً بعد ما اعرفوا بأن اهل قطر قامت تطلب اغراضها من برا قالوا ليش ما نستفيد منهم ،،


الدوله اصرفت المليارات لأجهزة الفحص على البضايع و الاغراض الشخصيه و اخرتها هذا اسلوبهم في التفتيش ؟؟


مهب ملزوم حد ياخذ بكلامي لكن تذكر بأن عمرنا ما راح نتطور كون ندافع عن جهات بغير صدق ،،



موفقين ان شاءالله ،،

[AL.SHMOKH]

االله يكون بعونكم أنااحدشركات الشحن بعدواجهت معهم مشكلة وهي "فيرست فلايت كوريزر" الشرق الأوسط
للأسف كل الستاف هنود وةالواحد مايعرف يتعامل مع من كل مرة ادفع يدفعونني سعر وانا اكون اوردي دافعة الشحن اخر مرة كان نازل نظام الجمارك لازم صورة من البطاقة الشخصية مارضيت اعطيهم لي أتأكد تماما من صحة الكلام وتناقشت وياهم واشبكو المكالمة مع موظف عربي بالجمارك خاف الهندي كان بيدفعوني 500 ريال قام يتحجج للرجال يقوله له انا قلت لها 500 ماعطتنا صورة من البطاقة قال حتى لو ماعطتكم بأي حق تدفعونهها مب من حق الشركة صج صج تلاعب .....وصراحة اخر مرة فيدكس تأخرو علي لأسباب الجمارك والغلط منهم ولاخبروني ولاعطوني اي خبر وانا انتظر بس جد جد ماقصرووووووووووو معاي للأمانة حتى طلع علي جمرك مبلغ بسيط ومادفعوني اياه واعتذرو وخلصو اموري بيوم ولله الحمد

[راعي الدتسن]

اخوي محد قاعد يدافع عن حد..
اذا شفت الشي بنفسك قاعد يصير تقدر تجي وتكتب اللي شفته..
اما شي سمعته وتجي اهنيه وتحاجج العالم انك خبرره وعن شي ماشفته حتى..!!!

[OREO]

اخوي محد قاعد يدافع عن حد..
اذا شفت الشي بنفسك قاعد يصير تقدر تجي وتكتب اللي شفته..
اما شي سمعته وتجي اهنيه وتحاجج العالم انك خبرره وعن شي ماشفته حتى..!!!


شكرا اخوي ع ردك ،، لكن انا ما ذكرت اني سمعت ،،، قلت اللي عندي من باب التجربة الشخصية طال عمرك ،،


موفق ان شاءالله ،،

[المارونـــي]

كل عمل يقوم به الموظف هو واجب عليه سواء جمركي او غيره
واتمنى قرائة مايكتب لك لدى دخولك المنتدى من القران الكريم
لانه وراك رقيب

[غير مخالف]

انتقاد القوانين المعقدة مب غلط بس انتقاد الموظفين بشكل عام واتهامهم بالهمجية وغيره الصراحة مب عدل
ممكن اتكون هناك تصرفات فردية من البعض او سوء تعامل عاد هاذي الواحد يقدر يشتكي او يقابل المسؤول
بعدين حتى صاحب المعاملة ساعات مايقدر ضغط العمل او الإجراءات سواء إدارية او أمنية ويحسب الموظف يتعمد تأخيره أو تصعيب الأمور .
عموماً هذا ليس دفاع عن جهة معينة إنما المطلوب إتساع الصدور .