بتخالفك .. حماية المستهلك

[رحال الدوحه]

السلام عليكم ورحمة الله وبركاته ،،

إخواني وخواتي الأعضاء والزوار ، الموضوع صار حق واحد من ربعي عنده محل
خطاط يسوي لوحات إعلانيه اتصل لي من كم يوم وقال جاني مفتش من
إدارة حماية المستهلك وسألني عن الأسعار ( قائمة الأسعار )
فقلت له ما في سعر محدد السعر يكون على حسب المساحة
ونوع اللافتة واللوحة الإعلانية والخدمة والاتفاق ..

فقال له المفتش لازم تحط قائمة أسعار فالمحل هذا قانون ، فرد عليه العامل
اوكى راح أحط الأسعار مع أني مب عارف شنو اكتب ؟ راح أحط أسعار
تقريبية لان ما عندي سلعه أبيعها .

المهم خذت الوصل ورحت المبنى الجديد مقابل قناة الجزيرة ، تفاجئت معطينه
مخالفه قيمتها 5000 ريال وسألت الموظف
اخوي مخالفه بدون إنذار أو تنبيه .
قال أي هذا قانون الكل يعرفه ..!
كل محل أو مكتب يبيع سلعه أو يقدم خدمه لازم يحط قائمة أسعار فالمحل
نحمي المستهلك ؟ .

حبيت بموضوعي أنبهكم وأوعي الكل تحطون قائمة أسعار في محلكم أو
مكتبكم ، وما يصيرلكم اللي صار حق رفيجنا
( قائمة الأسعار ) تكون بالعربي وخط واضح .

رابــــط موقع حماية المستهلك (http://www.investinqatar.com.qa/Arabic/Consumer/Pages/ConsumerandTradeRights.aspx)

ربي يوفقكم كلكم

أخوكم : رحال الدوحه

[كازانوفا]

مااااااااااا شالله عليهم يخزي العين omen
فالحين في شي وشي :yes2:

الله اكبرر صحيح على كل ظالم:spider:

[naklan]

اخوي رحال الدوحه ربعنا ماسكين النضام من ذيله للاسف :(
في الدول المتقدمه يعطيك انذار ويقولك تسوي قائمة اسعار او اي شي مطلوب منك
ويمرعليك بعد اسبوعين واذا ما طبقت يخالفك وربعنا اول شي يخالفونك وبعدين
تعرف شنهو المطلوب منك شتسوي حكم القوي على الضعيف وانت احسن
من غيرك

محل جديد مخالفينه 14 الف وما يدري شسالفة هههههههه وانا من
اسبوع وزارة العمل مصورين عامل على السقالة الساعة 12 وغرامتها 6000 ريال
وما فيه اي سماح على طول قضية ومحضر ضبط خلها على الله موسسات الحكومة صارت
تستثمر من جيوب المواطنين وتنهب باسم القانون :anger1:

ولا من متى وزارة العمل صارت دار جباية
وتحاكم وتغرم والله يعيننا على الدوائر الثانية بكرة بيستحدثون لها طرق ومخالفات
وبتصير تلم فلوس من الشارع ذكروني ببلغاريا اثنين واقفين على الشارع ومادين
حبل تدفع وتطوف واكيد ربعنا ما يبون بلغاريا تتفوق عليهم :eek5:

الله يجملنا وياك بالصبر ويعينا على هالدواير :)

[eXpert*]

القوانين موجودة بس يوم أي وعشرة لا .

حسب ما تقتضيه الخزينة أقصد الضرورة .

[السحابة]

يعني ماحصلوه غير الرسام مسكين وكل النصب والحتيال علي البشر من المحلات ماحصلو الا الرسام عجبت لك يازمن اذا يبون مساعده واسماء محلات السعر فيها أضعاف يراسلوني

[رحال الدوحه]

السلام عليكم ،،

يصبحكم بالخير ويجمل كل اوقاتكم .. تسلمون لي اخواني وخواتي
على ردودكم الطيبه لا خلى ولا عدم

بس القهر الموظف يقول لك القانون من زمان والكل يعرفه ..
وين القانون اذا اغلب المواقع الرسميه للوزارات محتاجه تحديث
من 2010 وين الانذار والتنبيه والتوعيه .. ؟!

سؤال يطرح نفسه هل المسوؤلين يشوفون المنتديات أو الاقتراحات ؟ ويطورون إدارتهم وقوانينهم ؟

تحياتي لكم

[jaf111]

ياخي الناس تظلم وتخطي وهم مايشعرون
اذا تحس انك مظلوم قدم شكوا او تظلم موضح فيه الامور

[رحال الدوحه]

هلا وغلا
أخوي jaf111
أشكرك عالمشاركه ومع احترامي لك وللكل ..
بعض الموظفين يوم تقول لهم بكل احترام وتسأل ليش كذا او كذا أو تستفسر منه
يرد عليك ياخي بتعلمني شغلي .. ؟؟
ونادر ما تحصل احد يتفهم من شرواكم يقبل الغلط ويعترف ..

تحياتي لكم

[ll vip ll]

مشكور اخوي على التنبية والله يكون بعون الجميع
والله يجزيك الف خير

[abdo222]

يارجال ! خلهم يروحون اي محل زينه واتحدى يحصلون لوحه اسعار !!
او محلات العازل
او او او

ما حصلوا الا الخطاط !! يعني ايش يكتب

كتابه على خشب الحرف ب 20 ريال !!

[asmr]

شلون خطاط ويحط اسعار ثابته

الحمدلله والشكر

[رحال الدوحه]

مشكور اخوي على التنبية والله يكون بعون الجميع
والله يجزيك الف خير


هلا وغلا والعفو أخوي
وجزاك ربي كل خير دنيا وآخره وكل الاعضاء ..

طرحي للموضوع مجرد اني اوعي الكل وما يطيحون بالمخالفه .. نفس رفيجنا
مع انه وايد انشطه ما تقدر تحدد فيها سعر الا بالاتفاق .. !

وأشكرك اخوي عالرد والكلام الطيب

[رحال الدوحه]

يارجال ! خلهم يروحون اي محل زينه واتحدى يحصلون لوحه اسعار !!
او محلات العازل
او او او

ما حصلوا الا الخطاط !! يعني ايش يكتب

كتابه على خشب الحرف ب 20 ريال !!


تسلم أخوي

كلامك عين العقل بس شيسوي الرجال
اضطر يحط اسعار تقريبيه حق عمل اللافتات والخط وبعد ما سلم لاحقته المخالفه
اللي يعور القلب انه بدون تنبيه أو انذار .. !!

تحياتي لك

[رحال الدوحه]

شلون خطاط ويحط اسعار ثابته

الحمدلله والشكر


تسلم أخوي
الحمدلله على كل حال ..

لييتهم الاخوان في حماية المستهلك يشدون حيلهم ويطالبون الملاك
أصحاب المحلات والمكاتب التجارية

" تحديد الايجارات " .. !! ؟

ترا انا كصاحب مكتب يوم يرفع علي المالك الايجار اكيد راح ارفع سعر
السلعه أو الخدمه وبيتضرر فيها المستهلك ... وعلى هالغلى مب ناقصين
بعد المخالفات

تحياتي لكم

[bojassem13]

هم فالحين بس على التجار الصغار

اما الهوامير الكبار يخسون يقربون منهم
واكبر مثال مثل ما قالل اللي قبلي وينهم عن الاجارات
والا هذاك موضوع ثاني

[رحال الدوحه]

هم فالحين بس على التجار الصغار

اما الهوامير الكبار يخسون يقربون منهم
واكبر مثال مثل ما قالل اللي قبلي وينهم عن الاجارات
والا هذاك موضوع ثاني

الله كريم اخوي

الشكوى لله وتسلم عالرد لا هنت طويل العمر

ومبارك عليك الشهر الفضيل أخوي

[رحال الدوحه]

السلام عليكم ورحمة الله وبركاته ،،

اخواني وخواتي الكرام ..

" مبارك عليكم الشهر الفضيل "

ازف لكم اجمل التهانـــــي والتبريـــكات

بمناسبـــة حلول شهــــر الخيــــر والعطــــاء

شهـــر الرحمــة والغفــــران

شهر رمضان المبارك
غفر الله لنا ولكم وتقبل الله منا ومنكم صالح الأعمال
ويعينا واياكم على قيامـــه وصيامــه وطاعتـــه ..

آمين آمين آمين

لا تنسوني بدعواتكم الطيبه

أخوكم : رحال الدوحه

[النهار]

تسلم أخوي
الحمدلله على كل حال ..

لييتهم الاخوان في حماية المستهلك يشدون حيلهم ويطالبون الملاك
أصحاب المحلات والمكاتب التجارية

" تحديد الايجارات " .. !! ؟

ترا انا كصاحب مكتب يوم يرفع علي المالك الايجار اكيد راح ارفع سعر
السلعه أو الخدمه وبيتضرر فيها المستهلك ... وعلى هالغلى مب ناقصين
بعد المخالفات

تحياتي لكم



اما هذي صدقت فيها
مو كفو حد منهم يقدر يطلب من صاحب العقار الالتزام بالايجار
البلاء مو من التجار البلا من اصحاب العقار
على طاري الاجارات مره احد الاخوه يقص على قصة مدير شركة اجنبيه
طالبوا منه يستأجر فله والاجار السنوي كم رد على الشركه الام ان الاجار في السنه
300 الف ردوا عليه احنا طلبنا منك استئجار وليس شراء فله

[ANONYMOUS]

اخوي ترا القانون طالب ان تحط اسعار وبمكان ظاهر وانا استغرب كونك تاجر ماتعرف هالشي

صحيح نشاط المحل شوي صعب ان تحط اسعار ثابته ولكن الشكوى لله

انا اتوقع في حد اشتكى عليك وعشان كذا جاو طايرين لمحلك ولبسوك المخالفه


الله يعوضك انشالله

[بوخالد911]

كفو عليهم

[CH Engineer]

اخوي تقدر تسوي قائمة على حسب الطول والعرض ونوع اللوحه رسم او كتابه على فلين او خشب الخ...

على العموم الي يقهر يا كثر المحلات الي بدون اسعار وجايين عليك
الله يعوضك وان شاء الله بداية قوية لحماية المستهلك

[رحال الدوحه]

اما هذي صدقت فيها
مو كفو حد منهم يقدر يطلب من صاحب العقار الالتزام بالايجار
البلاء مو من التجار البلا من اصحاب العقار
على طاري الاجارات مره احد الاخوه يقص على قصة مدير شركة اجنبيه
طالبوا منه يستأجر فله والاجار السنوي كم رد على الشركه الام ان الاجار في السنه
300 الف ردوا عليه احنا طلبنا منك استئجار وليس شراء فله


هلا وغلا اخوي النهار تسلم اخوي عالرد
وفعلا الايجارات عندنا خياليه واغلى من الدول المجاوره المفروض الجهات
المعنيه تسوي دراسه بخصوص " القوه الشرائيه " عندنا اقل من الدول المجاوره
وحتى السياحه والكثافه السكانيه وبعد كل هذا يشتكون من غلاء المعيشه .. !!

يعطيك العافيه اخوي

[رحال الدوحه]

اخوي ترا القانون طالب ان تحط اسعار وبمكان ظاهر وانا استغرب كونك تاجر ماتعرف هالشي

صحيح نشاط المحل شوي صعب ان تحط اسعار ثابته ولكن الشكوى لله

انا اتوقع في حد اشتكى عليك وعشان كذا جاو طايرين لمحلك ولبسوك المخالفه


الله يعوضك انشالله


هلا وغلا اخوي

الصراحه اخوي في انشطه لازم تحط اسعار ما اختلف معاك لكن في انشطه تحتاج الى
اتفاق على مقاس ونوعيه وتفاصيل ثانيه ويحدد السعر السلعه أو الخدمه .

وايد ناس ما تعرف هالقانون والمفروض يوم ادارة حمايه المستهلك يفتشون ينبهون
اول شئ بعدين اذا ما طبقت قرارهم يخالفون من حقهم
لكن على طول تعال عليك مخالفه .. !!

والموضوع اصلا مب لي واحد من الشباب اعرفه هو اللي خالفوه ..

العوض على الله

[رحال الدوحه]

كفو عليهم


هلا وغلا بوخالد

تسلم عالرد وبارك الله فيك

[رحال الدوحه]

اخوي تقدر تسوي قائمة على حسب الطول والعرض ونوع اللوحه رسم او كتابه على فلين او خشب الخ...

على العموم الي يقهر يا كثر المحلات الي بدون اسعار وجايين عليك
الله يعوضك وان شاء الله بداية قوية لحماية المستهلك


هلا وغلا اخوي
تسلم وبارك الله فيك للعلم الرجال " الخطاط " سوا ثاني يوم الاسعار التقريبيه وحطهم على واجهة المحل من الداخل .

وانا نزلت الموضوع أوعي وانبه الكل باللي صار وما يطيحون بنفس الغلط ..

تم دفع المخالفه لادارة حماية المستهلك .

العوض على الله وربي يوفق الكل

[KSK Logistic]

اخي قائمة ااسعار اجبارية لكن كان فية اهمال في التطيق,

[رحال الدوحه]

اخي قائمة ااسعار اجبارية لكن كان فية اهمال في التطيق,


تسلم اخوي العزيز عالرد ..
القصد من عرض الموضوع التوعيه والتنبيه
للجميع وما يصير لهم اللي صار حق صاحبنا
" الخطاط "

[المناعي1]

الشكوى لغير الله مذله.... أذا فيهم خير خلهم يخلفون راعي محل واصل ..والله واجد في أشياء مصلوخين فيها أحنا الاطارات خاصة الدنلوب و قطع غير مكاين الماركري حجم 100 و نازل يقولك مافي و بنطلب لك عيل ليش عطوه تصريح لشركة و قبل أبدل إيل حق الاكروزر ب 10 مع الفتر و أبحين ب 30 ليش لانه مافي لاحسيب و لارقيب و في أمور أكثيرة لاكن .................؟؟؟؟؟؟؟؟؟

[رحال الدوحه]

الشكوى لغير الله مذله.... أذا فيهم خير خلهم يخلفون راعي محل واصل ..والله واجد في أشياء مصلوخين فيها أحنا الاطارات خاصة الدنلوب و قطع غير مكاين الماركري حجم 100 و نازل يقولك مافي و بنطلب لك عيل ليش عطوه تصريح لشركة و قبل أبدل إيل حق الاكروزر ب 10 مع الفتر و أبحين ب 30 ليش لانه مافي لاحسيب و لارقيب و في أمور أكثيرة لاكن .................؟؟؟؟؟؟؟؟؟


السلام عليكم ورحمة الله وبركاته ،،

تسلم أخوي وصدقت بكلامك في أشياء أهم ومسؤلية ادارة حماية المستهلك
عساهم عالقوه وربي يوفقك الجميع ..

ربي يعين الجميع