اللهم لاحسد

[ابوالمديونين]

السلام عليكم اخواني وخواتي كما تعرفون كثيرمن بنوك العالم مفلسه اوخسرانه وبنوكنا مشاء الله تربح بالمليارات اذا كان بنك واحد في قطر رابح اكثر من اربعه مليار في سته شهور كما ورد في الجرايد غير البنوك الاخرئ واحنا مشاء الله على المواطنيين القطريين معظم رواتبنا تروح فوائد على البنوك يا اخواني الاقتصاديون كيف بنوك ارباحها بالمليارات وشعب قطر معروف كم عددهم من وين تجي الارباح الخياليه؟؟؟؟؟؟؟؟

[شموخ دائم]

,

,


مرحبا
اخوي الكريم

سؤال ممتاز جدا جدا

سنه 2009 بنوك قطر كلها دخلت بنفس المشكله الي وصلت لها بنوك العالم
ولكن بدرجه اقل الحمدالله ولكن حصل خسائر متفاوته من بنك الى بنك

والي اشترى عقار عن طريق البنك ( وماقدر يسدد ) تم تأجيل السداد لهم

وحكومه قطر قامت بالتدخل من خلال ( جهاز الاستثمار ) واشترت اسهم 5% من كل بنك
وهذا ضخ سيوله كبيره في البنوك على ( مرحلتين )

اما ارباح البنوك في قطر فهي لا تتجاوز ال مليار الى مليارين بالكثير

واكثر الارباح في قطر تكون من ( السلفيات ) او شراء السيارات
او تمويل عقارات وهو استثمار داخل قطر

وهناك بعض الصفقات الخارجيه بين فتره واخرى كانت في العقارات و
مره تمويل صفقات طيارات او تمويل شركات ادويه او شراء ( محافظ ) اسهم
او دخول في تحالفات مع بنوك ثانيه

واخر افصاح عن المصرف الاسلامي هو ربح 700 مليون في 6 شهور 2012

يعني في السنه ( مليار ونص قطري تقريبا ) صافي ارباح المصرف


ملاحظه مهمه

بلغت ودائع العملاء 33 مليار

فلوس الناس الي محطوطه ودائع قيمتها 33 مليار
يعني الناس الي تارسه البنك بفلوسها
ههههه

لو البنك يبيع سمبوسه بهذي الفلوس في ( الهند ) راح يربح اكثر من مليار ريال
:)

ولو يبيع ( دود ) و ( عقارب ) على الناس في الصين راح يربح اكثر من مليار

:)

ترى ارباح البنوك بقطر مو كثيره مقارنه ( براس المال )
وواضح من توزيع ( ارباح الاسهم )
ترى مو جايبه ذاك الزود ننتظر سنه كاملها واخرتها يادوب تجيب اغراض العيد
:)
بعد ما نطلع زكاه الارباح



,

,


اخوك


شموخ دائم

[جلاد_قطر]

اخ شموخ دائم ..

يوم خلصت قرايت الموضوع قلت برد عالاخ الكريم .. بس قلت نص اللي ابي اقوله عني .. عساك عالقوه

[shaheen-915]

مشكورين عالتوضيح بس لا تنسوا الاستثمارات بالبنوك الاجنبية والبورصات والمشاريع والمحافظ العقارية وكل عام وانتم بخير