شوركم يا جماعه العقد انتهت مدته

[almaf1a]

السلام عليكم

المقاول انهى مدة العقد الي هي 6 شهور من يومين
عظم بلاستر كهرباء وماء
المرحله الي وصل لها شغل الحديد لصب الدور الاول والملاحق شغله زين ومتعاون
وانا ماني مستعجل لكن مابي ارخي عليه ويقعدني 6 شهور ثانيه
العقد يتظمن غرامة 300 ريال لكل يوم
بعد مكالمتي للاستشاري قالي بعطيك ورقه وروحلهم فيها اخطار او تنبيه
لو احسب عليه تأخير 6 شهور المبلغ 54 الف معقوله اخصمها عليه
والا اضغط عليه

اذا اجتهد معاي ما ادري كم المده الي بيحتاج لها خصوصا انه ملتزم بالكهرباء والماء والتمديدات

:weeping:

[كبير المتداولين]

السلام عليكم

المقاول انهى مدة العقد الي هي 6 شهور من يومين
عظم بلاستر كهرباء وماء
المرحله الي وصل لها شغل الحديد لصب الدور الاول والملاحق شغله زين ومتعاون
وانا ماني مستعجل لكن مابي ارخي عليه ويقعدني 6 شهور ثانيه
العقد يتظمن غرامة 300 ريال لكل يوم
بعد مكالمتي للاستشاري قالي بعطيك ورقه وروحلهم فيها اخطار او تنبيه
لو احسب عليه تأخير 6 شهور المبلغ 54 الف معقوله اخصمها عليه
والا اضغط عليه

اذا اجتهد معاي ما ادري كم المده الي بيحتاج لها خصوصا انه ملتزم بالكهرباء والماء والتمديدات

:weeping:

افسخ عقدك معاه وشوف لك مقاول ثاني الحل الافضل

[مضارب دوسري]

انا عن نفسي منتهي العقد من شهرين و ١٠ ايام بس عادي جدا
عطيته اخطار بالتاخير من شهرين
والحسابه تحسب واخر دفعه بخصمها من الدفعه الاخيره وبخليه يوقع ان هو تاخر الفتره الفلانيه
عالعموم باقيله حول ال ١٠ او ١٥ يوم ويسلم المشروع
والخصم بيكون ف حدود ال ٣٠ الف ريال

[مضارب دوسري]

افسخ عقدك معاه وشوف لك مقاول ثاني الحل الافضل

لا ياخوي غلط يغير المقاول والبيت للحين ماخلص عظم لانه مستحيل يحصل مقاول يكمل على شغل القديم الا بسعر خرافي مقارنه مع السعر الحالي

[almaf1a]

افسخ عقدك معاه وشوف لك مقاول ثاني الحل الافضل

بنشوف كلامه وتعليقه على التأخير وبحدد القرار بالاستمرار او فسخ العقد
الله كريم


انا عن نفسي منتهي العقد من شهرين و ١٠ ايام بس عادي جدا
عطيته اخطار بالتاخير من شهرين
والحسابه تحسب واخر دفعه بخصمها من الدفعه الاخيره وبخليه يوقع ان هو تاخر الفتره الفلانيه
عالعموم باقيله حول ال ١٠ او ١٥ يوم ويسلم المشروع
والخصم بيكون ف حدود ال ٣٠ الف ريال

التأخير بمجمله 3 شهور مقبول نوعا ما راح تخصم مبلغ معقول نسبيا
اما تاخير 6 او 7 شهور هذي مالها الا شيك الضمان ابو 150 الف
:anger1:

[Bozizoo]

لا ياخوي غلط يغير المقاول والبيت للحين ماخلص عظم لانه مستحيل يحصل مقاول يكمل على شغل القديم الا بسعر خرافي مقارنه مع السعر الحالي
صحيح كلامك 100٪
عشان اي مقاول يكمل شغله بدات سعره يكون غالي
محد بيكمل بسعر الاول او فارق بسيط

اذا انت تشوفه جيد هدده بالتأخر و شجعه بنفس الوقت

[معماري قطري]

السلام عليكم

عليكم السلام ورحمة الله وبركاتُه

إسمح لي يا اخوي الكريم أعلق على كلامك
المقاول انهى مدة العقد الي هي 6 شهور من يومين
عظم بلاستر كهرباء وماء
المرحله الي وصل لها شغل الحديد لصب الدور الاول والملاحق شغله زين ومتعاون
وانا ماني مستعجل لكن مابي ارخي عليه ويقعدني 6 شهور ثانيه
العقد يتظمن غرامة 300 ريال لكل يوم
بعد مكالمتي للاستشاري قالي بعطيك ورقه وروحلهم فيها اخطار او تنبيه

الصج يا اخوي استشاري ينتظرك لين تكلمه ويعطيك ورقه ويقول لك روح لهم مع احترامي لبعض الإستشاريين هذا شغله تعبان للغاية .. هو واجبه ينبه الشركة أول بأول ويفهمهم إنه بيكون فيه تأخير وغرامة تأخير يوميه ويرسل لهم كتاب رسمي سواءً بالفاكس أو الإيميل أو هو يتكلف ويتصل بمسؤول الشركة ويعطيه كتاب رسمي أو يسجل كل الملاحظات في دفتر الموقع.

ولا تنسى يا اخوي عندنا مقاولين مساكين شغالين على البركة ووايد منهم يخسرون أو ربحهم يكون محدود للغاية، وعامل الحر والصيف وإنت مثل ما قلت مب مستعجل .. ركز إن حضرة الإستشاري المحترم يسوي شغله صح وبالتدرج الصح وينبههم كتابياً لكل هذي الأُمور وإذا فيه ظروف أدت إلى تأخير تتفقون على فترة تمديد معينة وبعدها تطبقون الغرامات، وإذا المقاول غير ملتزم ومعاند ممكن تطبق عليه الغرامات وتلجأ لفسخ العقد بس على الإستشاري واجب كبير من حيث تحديد نظافة الشغل وشوصل له المقاول حتى ما يخرب المقاول شيء من اللي سواه كإجراء انتقامي منه.

وإذا يا اخوي مسكت على المقاول تأخير وبكتب رسمية وتفاهمت مع المقاول ودياً إنك بتتغاضى عن هالتأخير في حال إتمام العمل بأفضل صورة بيكون أفضل لك، وممكن إذا شفت المقاول قادر على إتمام باقي الأعمال التشطيبية وإنهاء العمل تتفق معاه شيء بشيء أفضل لك لأن الموقع كله يكون تحت سيطرته، ولازم بيسوي شغله صح لأن الشغل الجاي هو بيسويه فبيأسس له صح... وكل هذا المفروض بتنسيق وإدارة الإستشاري وانتباهه لكل ما يجري في الموقع وتنظيمه لباقي العقود.

لو احسب عليه تأخير 6 شهور المبلغ 54 الف معقوله اخصمها عليه
والا اضغط عليه

هو ممكن يخلص لك في شهر إذا عرف ان الموضوع جد وبيدخل في مشاكل .. وبيكون الخصم عليه 9000 بس بيحاول يخلص بأسرع ما يمكن وبأسوأ ما يمكن .. والإستشاري اللي يبين لي من كلامك ضعيف بيمشي كل شيء وبيخليك تتورط مع تأخير لين تحصل مقاولين يكملون شغل التشطيب .. وكل مقاول بتسوي معاه عقد جديد وشغله كبيره لين تخلص وبيتم بنيانك واقف مدة ما تقدر تحددها .. وبالنسبة للتمديدات تحتاج تكون عندك رسومات تفصيلية لتوزيعة الغرف وأماكن نقاط الكهربه والتلفزيون والتلفون والكاميرات والإنترنت والإنتركم وعارف شتبي حتى الغاز لازم له تحضير الحين، فالمفروض تضغط على المقاول إنه يخلص لك هذي الأُمور كلها صح وتضغط على الإستشاري يسوي شغله صح وتتفق على باقي الشغلات عن طريق المقاول مع مسكك عليه بغرامة التأخير ومع وعدك له بإلغائها إذا سوى شغله بجودة زينة وفي وقت محدد تجدولونه انت وهو والإستشاري مع باقي الأعمال.

اذا اجتهد معاي ما ادري كم المده الي بيحتاج لها خصوصا انه ملتزم بالكهرباء والماء والتمديدات

:weeping:

وبالتوفيق إن شاء الله

[مرحوم قطر]

الشيخ لا تفسخ العقد ولا شي

عطه الاخطار و خل الحسابه تحسب

وانت الربحان هذا واحد

اثنين انت ما عليك شي لان هو الغلطان هو الي ما خلص في وقته

[Chambray]

اذا شغله زين ومضبوط عطه مهله 4 شهور
لاتفسخ العقد وتتوهق في شركة ثانية تكمل الشغل

[king999]

اللة يعينك وانا لي الحين 9 شهور تاخير ويعينا

[باتريوتP]

والله يا خوي ما عليك من الاستشاري ولا غيره
الاستشاري شغله اشراف هندسي بحث
ومب شغله القوانين والاطلاع على العقود
واصلا وايد خراب بيوت بسبب الاستشاريين
ومب معناه ان المقاولايين اغلبهم نزيهيين
بس اعتقد ان الحين ولله الحمد انكشف الحرامي والنصاب من الشريف
فنصيحتي لك يا اخي الكريم
انت تقدر تحكم على المقاولال
اذا كان فعلا متعاون وشغال ومتواصل وما كان يماطل وياك
ويطنش وما ينقطع عن الموقع بالعماله المنتجه فأعتقد ان التأخير الي صار تأخير مراحل شغل
واصلا يالغالي البيت العظم هندسيا ما يقل عن 8 شهور الي 9 شهور اذا كان بمساحة بناء 800 وفيه اعمال خرسانيه اكثيره
ولو بتحسب السقف الواحد اكيد بيحط الجيكات اقل شي 10 يام يعني 10 ايام بالدور مافيه شغل وجي
المهم اخوي تعوذ من الشيطان ولا تلتفت للاستشاري بالامور هذي لانها مب من تخصصه
واصلا حتى لو بطبق الغرافه الغرامه ما تفرض الا بأمر من المحكمه بعد تعيين خبير هندسي
اتمنى التوفيق لي ولكم وللجميع

[almaf1a]

اشكر الجميع على الردود الطيبه
وأن شاء الله اليوم رايح للمقاول والله يكتب الي فيه الخير

[كبير المتداولين]

لا ياخوي غلط يغير المقاول والبيت للحين ماخلص عظم لانه مستحيل يحصل مقاول يكمل على شغل القديم الا بسعر خرافي مقارنه مع السعر الحالي

ادفع زياده ولا اتم مع مقاول يلعوزني ويخرب الشغل الحلين الرجال بيصب لك الدور الارضي
افسخ عقدك معاك وجب لك مقاول يخلص لك الدور الثاني افضل بكثير والتشطيب اي مقاول يشطب

[kuwari]

انا اموقع تاخير 500 ريال بس للحين مبتدى دعواتكم

[PGR]

لا تهدده ولا شي , اذا شغله زين ومضبوط خله يشتغل على راحته لانه هذا بيت العمر وما تبي البيت اي كلام ,,, اذا انت مب مستعجل لا تضغط عليه بس نبهه وتابع الشغل دوم معاه والله يكتب لك اللي فيه الخير

[almaf1a]

الشكر للجميع على النصائح الطيبه
المقاول تعهد انه يضغط على عمره واشوفه زاد عدد العمال في الموقع
رمضان داخل على الابواب الله يبلغنا ياه وراح يقل الاداء وهذا شئ طبيعي
الي صار اني قلتله راح اجل مبلغ 50 الف من الدفعه الجايه (بعد صب الدور الاول والملاحق) لين ماشوف الشغل وسرعته وراح اعطيه ياها مع الدفعه الي بعدها ان شاء الله