بيت للبيع بالأقساط

[الخيالة]

بغيت استفسر يصير اشتري بيت بالأقساط اذا يصير شلون الطريقة بلضبط أتمني تفيدوني أنا من مواليد الدوحه ابي اساعد أمي وابوي الله يطول في عمرهم واريحهم من سالفة أجار البيت ابيهم يرتاحون صار لهم قريب 60 سنة في الدوحه ابيهم في هالعمر يرتاحون ويعيشون في بيت ملك
أتمني اللي عنده فكره يساعدني وجزاكم الله خير

[طموحي عالي]

اول شي اخوي الله يجزاك خير انك تفكر باهلك

ثانيا ايه يصير



وشوف هالمتطلبات بالنسبه للمصرف الاسلامي
تمويل العقاري

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

التمويل العقاري من مصرف قطر الإسلامي يمنحك فرصة العمر بامتلاك منزل أحلامك من خلال التمويل المتوافق مع أحكام الشريعة الاسلامية.



المميزات:



• تأمين تكافلي

• فترة سداد طويلة تصل الى 20 سنة سواء للمواطنين او للمقيمين

• هامش ربح تنافسي

• تمويل يصل الى 70% من قيمة العقار

• متوافق مع أحكام الشريعة

• فترة سماح 3 أشهر

• بدون رسوم ادارية

• بدون كفيل

• أقساط ثابته وشفافية بالتعامل

• إمكانية إعادة تمويل جميع التزاماتك للبنوك الأخرى

• فريق مبيعات لخدمتك على مدار الساعة

• متاح للشركات المعتمدة والغير معتمدة لدى المصرف



الأحكام والشروط
(( بالنسبه لغير القطريين))



الدفعة الأولى المطلوبة




%30 دفعة أولى

الحد الأدنى للراتب



10,000 ر.ق

الحد الأقصى للقسط الشهري



%50 من الراتب الإجمالي

العمر



21-60

مدة التوظيف


6 أشهر





المستندات المطلوبة:



• شهادة راتب

• بطاقة هوية للمواطنين وجواز السفر والإقامة للمقيمين

• تقييم العقار من قبل شركتين معتمدتين لدى المصرف

• في حال وجود مصادر سداد أخرى للتمويل غير الراتب، يجب تقديم المستندات


________________

[ANONYMOUS]

انسب شي شقه في احد مناطق المسموح لغير القطريين بالتملك بها

وماعتقد في شي اقل من مليون او مليون ونص

[الخيالة]

طموحي عالي
أنا بنت مب ولد
انزين بس أنا راتبي ٤٥٠٠ ريال فقط
وأخوي راتبه قريب ١١ الف بس يدفع ٦ الاف أجار البيت وانا ادفع نص راتبي حق مصروف البيت والمآي والكهربا
لازم للإقساط شهريا ١٠ الاف ريال؟؟؟ مابيخلون اقل؟؟ لان اذا اقساط ١٠ الاف صعب :-(

[الخيالة]

انسب شي شقه في احد مناطق المسموح لغير القطريين بالتملك بها

وماعتقد في شي اقل من مليون او مليون ونص

أنا ماعرف ألطريقه أبيكم تساعدوني عشان اعرف
واذا اقساط فوق 5000 ريال صعب ماقدر ادفع :( يعني مافي اقل ؟؟؟

[الزعفراني]

جربي تتصلين في بنك بروة أظن كان عندهم عرض ممكن يشترون لكم بيت بمجموع راتبج وراتب أخوج وايجار البيت اللي بتشترونه ( القيمة الايجارية تروح للبنك ) .

[بصمة قطرية]

الله يسهل لكم اختي ..
و يرزقج على نتيج يارب ..

[الخيالة]

جربي تتصلين في بنك بروة أظن كان عندهم عرض ممكن يشترون لكم بيت بمجموع راتبج وراتب أخوج وايجار البيت اللي بتشترونه ( القيمة الايجارية تروح للبنك ) .

شلون يعني مجموع راتبي وراتب اخوي؟؟؟؟ ممكن توضيح اكثر

[الخيالة]

الله يسهل لكم اختي ..
و يرزقج على نتيج يارب ..

امين
تسلمين اختي

[طموحي عالي]

سوري خيتي ماانتبهت. للنك نيم

أمممم ؤألله مادري
شوفي البنوك وتجي فتره فيها عروض



موفقه حبوبه