و بعدين مع وكالات السيارات

[faqadi]

تعطلت سيارتي ، و بحكم اني بعمل الصيانة في الوكالة ارسلت السيارة عندهم ،
تقدير الوكالة كان تقريبا حوالي 13000 ريال على اساس انهم بدهم يفتحو المحرك.....، طبعا انا ما عجبني الحكي ، اخذت السيارة و وديتها كراج في الصناعية شارع 10، و عمل الصيانة اللازمة للسيارة و الفاتورة 1200 ريال و اعطاني ضمان 6 شهور، يعني و فر علي 11800 ريال :rolleyes2: :rolleyes2: :rolleyes2: :rolleyes2:

[qatari 111]

اوكي الحمدلله انك طلعت ذكي وصلحتها برع.. وطبيعي الوكاله اسعارهم غاليه ..

[الحال مايساعد]

وضح أخوي!!

[الشيخة شيوخة]

الا حراميه وياليتهم يصلحون صح هم على غلاهم شغلهم فاشل

[ابوالكلام]

الوكالة مصاريفها اكثر من الكراج فلازم السعر مرتفع

[كتكوت الوحش]

بلا ضمان بلا كلام فاضي كلاااااااااااااااااااااااااا
برااا اشرف واحسن
الوكالات تاخذ فلوس كذا
واذا كان بالسياره عطل قالوا لك سؤء استعمال
وراح الضمان

[OREO]

الناس انتقدت و اتهمت جميع الوكالات بأنهم حراميه و ما تستاهل و الخ ،،

لكن ما عرفنا اي وكالة هذه ؟؟

ام انكم تقصدون بأن جميع الوكالات حراميه و ما تستاهل !!!

كلام كبير الصراحه و اتهام صريح في حق الوكالات و وجهاء البلد و اصحابها ،،

المفروض الشخص يسأل قبل ليتهم الغير ولا يعمم ع الكل ،،

[وحش قطر]

الناس انتقدت و اتهمت جميع الوكالات بأنهم حراميه و ما تستاهل و الخ ،،

لكن ما عرفنا اي وكالة هذه ؟؟

ام انكم تقصدون بأن جميع الوكالات حراميه و ما تستاهل !!!

كلام كبير الصراحه و اتهام صريح في حق الوكالات و وجهاء البلد و اصحابها ،،

المفروض الشخص يسأل قبل ليتهم الغير ولا يعمم ع الكل ،،







وجهاء البلد وايد مضايقتك

أزين اشرايك في شركه عبدالغني والصيانه التعبانه عندهم

[OREO]

وجهاء البلد وايد مضايقتك

أزين اشرايك في شركه عبدالغني والصيانه التعبانه عندهم


مهب من حقك و لا من حقي و لا من حق اي احد يتهم الناس بالباطل ،،

اي وكاله ماهي عاجبتك ابتعد عنها و ريح راسك و مهب شرط تشتري من عندهم ،، لكن مهب من حق اي شخص يوصفهم بالحرامية ،، لانك تجنيت عليهم و اطلقت التهمه في حقهم ،،

نعم اسعارهم غاليه و اذا ما اعجبتك تقدر ترفع عليهم دعوة لكن لا توصف الناس بالحرامية و الكلمات المرادف لها ،، اما قانونياً انت مُحاسب ،،



موفق حبيبي،،

[مشاكل]

أوعى الرخيص يخدعك دا الغالي تمنه فيه

[وحش قطر]

مهب من حقك و لا من حقي و لا من حق اي احد يتهم الناس بالباطل ،،

اي وكاله ماهي عاجبتك ابتعد عنها و ريح راسك و مهب شرط تشتري من عندهم ،، لكن مهب من حق اي شخص يوصفهم بالحرامية ،، لانك تجنيت عليهم و اطلقت التهمه في حقهم ،،

نعم اسعارهم غاليه و اذا ما اعجبتك تقدر ترفع عليهم دعوة لكن لا توصف الناس بالحرامية و الكلمات المرادف لها ،، اما قانونياً انت مُحاسب ،،



موفق حبيبي،،


انت على راسي

بس اذا وكالات السيارات تتجاهل تصريحات رئيس مجلس الوزراء فهذا عليها علامه استفهام

على العموم كلامك فيه نسبه كبيره من للحقيقه وانا معاك في أشياء كثيره لكن بعد وكالات السيارات ضؤ وتحرق كل من قرب صوبها

[OREO]

انت على راسي

بس اذا وكالات السيارات تتجاهل تصريحات رئيس مجلس الوزراء فهذا عليها علامه استفهام

على العموم كلامك فيه نسبه كبيره من للحقيقه وانا معاك في أشياء كثيره لكن بعد وكالات السيارات ضؤ وتحرق كل من قرب صوبها



يا الوحش ،،، اسم على مسمى :victory:

اخوي بارك الله فيك الغلط مهب من الوكالات ،، الغلط مننا بالمقام الاول و الثاني من حكومتنا ،،

اولاً حكوتنا صرحت في الاعلام لكن اين القوانين الرادعه ؟ و اين تطبيق هذه القوانين ؟


ثانيا نسبه كبيره مننا يتذمر و في نفس الوقت هو اول المشترين في الصف ،، التناقض واضح من قِبل الكثر ،، فلذالك لا تنتظر الوكالة بتعديل قائمة الاسعار ،،


سؤال ... اذا حكومتنا فعلا حريصه على المواطن ،، ليش ما تلغي حق الاحتكار للعلامات التجارية و تخلي العالم تجيب من دول ثانيه و تبيع بأقل الاسعار ؟


من وجهة نظري الشخصيه الحكومة عاجبتها الاسعار و ما عندهم مشاكل معاها ،، و المواطن له الله ،،


موفق يا الوحش و لا تشل بخاطرك و انا اخوك لان الدنيا ما تسوى الواحد يحرق قلبه على شي ما منه فايده ،، :)