محطة بترول اللاند مارك .. ما تم محل ما فتح فيهاا

[mariamaziz]

المحطة الأكثر زحمة على مستوى محطات البترول في قطر ...
يااويلك ان رحت هنااك من الساعة 7 لين 10 فالليل ...
مأســـــــــــــــــــاة ..

محتويات المحطة:
أولا بعد لكم المحلات اللي مسوية زحمة في هالمحطة /
أولا :كافتيريا النعيمي ( غنية عن التعريف )
ثانيا : وقت الشاي ( المنافس الأول للنعيمي و غني عن التعريف .. يا سلام على سندويش الفيليه من عنده )
ثالثا : مطعم هلا اسطنبول ( يا لبى الشاورما )
رابعا :سوبر ماركت عالم الأغذية
خامسا: كيو تاير ( أغلى محل تبديل تواير و ميزانيه )
سادسا : الوسام للعناية بالسيارات و أحلى دلع للسيارة بس ادفع ...
سابعا : محلات غسيل سيارات مخشوشه ورى
ثامنا : محل أزياء القرية العالمية
تاسعا : صالون حلاقة للرجال
عاشرا : خياط رجالي لكزس ( قاص ع الشباب )
الحادي عشر : صيدلية تايلوس
الثاني عشر : محل لعب الأطفال .
الثالث عشر : مطعم الدجاااااااج الحار
الرابع عشر : مكتبة الروائع
الخامس عشر : مغسلة لندن ( دوبي )
السادس عشر : ( مغسلة الريفيرا )
السابع عشر : ( مطعم المجلس العربي ) و أحلى تحية .
الثامن عشر : كافتيريا الطعم .. محد عنده مسكين
التاسع عشر : محل تصوير فوتغرافي
العشرون : مسجد ..
الواحد و العشرون : ماكينة صراف آلي
الثاني و العشرون : سيارات معروضة للبيع حوالي 30 سيارة .. ياسلااااااااااااااااام
و أخييييييييييرا رااااااااااامز ... خااطري أعرف من اللي اقترح وجود محل مثل رامز في محطة بترول ؟؟؟؟؟؟؟؟؟؟ هااي بروحه يبيله ساااحة و قطعة أرض خااصة ....
ما صارت محطة بترول هااذي ... كل محل يبيله مواقف ..
لا حد يستغرب اذا ما لقى مكان لسيارته .. هنااك كل شي غريب السيارات عكس السير .. حيااة من عالم آخر ..

خلينا من كل هذااا ... الوقت الوحيد اللي تكون فيه المحطة شبه فاضية و خالية من السيارات هو وقت الفجر ... لكن الله لا يراويكم شلون تكون الأرض مفروشة بالوصااخة يعني هم ما تعرف شلون تمشي سياراتك على الأرض من كثر الوصااخة و الحفر اللي في المحطة ... الشباب يشربون الكرك و يحذفون القلاصات فالشارع و يقطون قراطيس الساندويشات على الأرض من شبابيك السيارات ...
و أنا بعيني شفت هالتصرفاات .. و أمام العيون تصير هالحركات ...

نسيت أقولكم .. ديروا بالكم و انتو ترجعون ريفرس في سياييركم .. عادي الدعمات شي طبيعي في هالمحطة .. لأنكم ما رح تركزون

ماعرف شنهو الحل ؟؟ ساعات نحتاج هالمحطة بالذات لكن وضعها مأساوي..

[بريق الحق]

ماعليهم من الزحمة اهم شي اطلع فلوس من جيبك من المحلات الي هناك ومن المرور الي يخالفك

[روز باريس]

ليش انت ماشفت محطة ابو هامور

[بريق الحق]

سلامتك الاند اخس الصراحة
بوهامور مافي كرك النعيمي

[الموضوعي]

مثل هذه المحطات قنابل موقوتة لأنها خرجت عن وظيفتها كمحطات للوقود وخدمة السيارات طبعاً مثل هذه المحطات تجدها في مناطق لاتوجد فيها شوارع تجارية وغباء وزارة البلدية المزمن هو السبب الأول في المشكلة

[النهار]

صيدليه ومغسلة ملابس وسوبرماكت ومكاتب خدمات مقبوله
اما مطاعم ومقاهي مرفوض لانها تستخدم الغاز لولاسمح الله حدث حريق تكون كارثه لان جميع المحطات في المدينه وسط احياء سكنيه

[ANONYMOUS]

باقي تفتح فرع كارفور

[jaf111]

شالمشكله اذا فتحوا هالمحلات ؟
ناس و بتسترزق
هذي محطه بترول مب فندق عشان تزعجنا الزحمه

[MAZEN37]

صحيح الي يدش ما يعرف وين يروح او وين المسار الصحيح او عكس السير
دليل التخطيط الغلط بس بهالحاله غلطت من مرور او بلديه او تراخيص المباني او الدفاع المدني

[السحابة]

اتت نسيت رامز ولاسقط سهوا

[فلتة زمانها]

اللي مستغربه منه مطعم المجلس مبين انه مكانه غلط
وعندي ملاحظه ثانيه الدوحه انترست مطاعم الشارع الواحد فيه اكثر
من 15مطعم حتى المجمعات والمحطات والدواعيس نصها صارت مطاعم!!

[الخزرجي قطر]

الخدمات كلها مجتمعه في مكان واحد اعتقد انه مناسب
تنوع المحلات في المحطه شي ايجابي الله يرزق الجميع

[Mohammed2]

محطه ابوهامور فيها محلات اكثر بوايد من محطه اللاند مارك
والزحمه اكثر

[فـيـراري قطر]

قريبا محطة الاند مارك بسوون طابق ثاني لها

[مرحوم قطر]

والله صراحه

انا اشوف ان شي حلو ان محطه فيها كل هلاشياء


بالعكس المحطات لازم تكون شامله كل شي


بس محطه مافي الا دكان و مطعم هندي

[زعبي]

خلينا من كل هذااا ... الوقت الوحيد اللي تكون فيه المحطة شبه فاضية و خالية من السيارات هو وقت الفجر ... لكن الله لا يراويكم شلون تكون الأرض مفروشة بالوصااخة يعني هم ما تعرف شلون تمشي سياراتك على الأرض من كثر الوصااخة و الحفر اللي في المحطة ... الشباب يشربون الكرك و يحذفون القلاصات فالشارع و يقطون قراطيس الساندويشات على الأرض من شبابيك السيارات ...
و أنا بعيني شفت هالتصرفاات .. و أمام العيون تصير هالحركات ...
ذكرتني بصفة مطاعم ساندويشات وعصائر بالرياض يتجمعون عندها العالم, بعد المطاعم فيه دخله عالحارة العالم تطلب بالسيارة وتدخل عالشارع اللي باللفة وتوقف تاكل وترمي القراطيس عالأرض حتى صار أسم الشارع "شارع القراطيس"..

أتذكر واحد من الجدران اللي عالشارع كان مكتوب عليه بالبخاخ "كل وانت ساكت" هههههه

http://www.alriyadh.com/Contents/29-01-2004/Mainpage/COV_1786.php

[قطرية مثقفة]

ذكرتني بصفة مطاعم ساندويشات وعصائر بالرياض يتجمعون عندها العالم, بعد المطاعم فيه دخله عالحارة العالم تطلب بالسيارة وتدخل عالشارع اللي باللفة وتوقف تاكل وترمي القراطيس عالأرض حتى صار أسم الشارع "شارع القراطيس"..

أتذكر واحد من الجدران اللي عالشارع كان مكتوب عليه بالبخاخ "كل وانت ساكت" هههههه

http://www.alriyadh.com/contents/29-01-2004/mainpage/cov_1786.php

:) :) :) :)

[دنيا الاسهم]

وين وزارة الصحة عن اللي فاتحين مطاعم جنب محطات البترول اصلا مايصير ليش ماتخالفهم
ليش يفتحون مطاعم في محطات البترول اللي مليانة بزيوت السيارات والايل والوصاخة غير الغازات المنبعثة
شلون يسمحون بترخيص مطاعم ...صدق الدنيا ضايعة والقانون على كيفهم والواسطة شغالة لناس وناس

[مساهم فنان]

محطه ابوهامور فيها محلات اكثر بوايد من محطه اللاند مارك
والزحمه اكثر
فعلاً المحلات في محطة أبو هامور أكثركمثال مطاعم كثيرة ومتنوعة عربية واجنبية مثل كنتاكي وماكدونلدز وبيتزا هات وبابا جونز وهارديز وبيرجركنج ومطاعم تركية ولبنانية وهندية ومحلات متخصصة في الشوارما ومحلات حلويات مثل توسكانا والحلويات السويسرية والبتيل وشهد الجزيرة وجيلاتو الاسكا ومحلات موبايلات ومحلات زينة السيارات ومكتبة وورش شركات تويوتا ونيسان وصيدليتين وبقالة وحلاقين وورش غسيل سيارات والكثير الكثير الكثير والزحمة فيها شديدة طول الوقت

[ابوالكلام]

ينتظرون محطة تنفجر وناس تموت بعدين بينزل قرار والناس بطبل في الجرائد

[الملا]

اللي مستغربه منه مطعم المجلس مبين انه مكانه غلط
وعندي ملاحظه ثانيه الدوحه انترست مطاعم الشارع الواحد فيه اكثر
من 15مطعم حتى المجمعات والمحطات والدواعيس نصها صارت مطاعم!!


شيء طبيعي اتحصلين مطاعم في كل زواية وداعوس الكل صار همه الاول الاكل .. وانصحج تفتحين مطعم مشويات

[mariamaziz]

حمستوني أتعرف على محطة بوهااامور

أبو الكلام ردك عين العقل ...

انا شفت انه محطات وقود و محطات أدنوك فالامارات ما فيها هالأشياء و احس انها مواصفاتها فيها امن و سلامة ... و بعدين مب من صغر البلد علشان تتكدس المطاعم في محطات البترول

يا اخوان راس مالها سيجااارة بتسوي البلاوي فالمحطة ...

الله يحمينا ياااارب

[روز باريس]

(حمستوني أتعرف على محطة بوهااامور )
يعني اذا بغيتي اتين اتجربين المحطه جيبي لج ناس ايراقبون لج السيارات من اربع اتجاهات لان في اي لحضه بتطلع لج سياره في ويهج من اي اتجاه =))

[آلملآزم]

ينتظرون محطة تنفجر وناس تموت بعدين بينزل قرار والناس بطبل في الجرائد

كلام سليم :nice:

[فلتة زمانها]

شيء طبيعي اتحصلين مطاعم في كل زواية وداعوس الكل صار همه الاول الاكل .. وانصحج تفتحين مطعم مشويات

يقولك كنتاكي فرع التاون سنتر يدخل في اليوم 25 الف :omg:
اذا السالفه جذيه ابشر بفتح مطعم متخصص في الكباب السلطاني وكبده اسكندراني

[الخفي]

تدرون متى بيعدل وضع محطات البترول اللي تغرق في العشوائيه

والفوضى واللي اللكل همه الربح المادي على حساب التنضيم

اذا احترقت وحده من المحطات لاسمح الله وماتو ناس ذاك الوقت

بيصحون ربعنا من السبات العقيم وبيكتشفون التجاوزات والاخطاء

فجأه ذاك الوقت اجزم ان الوضع بيتعدل بشرط بعد الكارثه

[khalid969]

تدرون متى بيعدل وضع محطات البترول اللي تغرق في العشوائيه

والفوضى واللي اللكل همه الربح المادي على حساب التنضيم

اذا احترقت وحده من المحطات لاسمح الله وماتو ناس ذاك الوقت

بيصحون ربعنا من السبات العقيم وبيكتشفون التجاوزات والاخطاء

فجأه ذاك الوقت اجزم ان الوضع بيتعدل بشرط بعد الكارثه

فعلاً بعد الكارثه

[السليطي]

هذا يدل ان هناك عجز في المحلات التجارية في البلاد
نحتاج لعدد كبير من المحلات

[ابوالكلام]

هذا يدل ان هناك عجز في المحلات التجارية في البلاد
نحتاج لعدد كبير من المحلات

انتظر شوي لين يلخصون النخب من البنيان الاراضي كلها لهم

[قطرية مثقفة]

انتظر شوي لين يلخصون النخب من البنيان الاراضي كلها لهم

:nice: :secret:

[عزووز قطر]

العنوان هذا يصلح لمحطة بوهامور
كل اللي يطري على البال تلقونه في محطة بوهامور

وبخصوص محطة اللاند
أناشد وزارة البلدية وبالتعاون مع إدارة المرور بسحب السيارات المعروضة للبيع لأن وجودهم يعتبر إعاقة لحركة المرور ،،، انا متفهم لوضع اصحاب السيارات بأن المكان حيوي وماراح يدفعون عمولة للمعرض بس العشوائية اللي صايرة في عرض السيارات مسببة زحمة*،،،

[فقيه زمانه]

المفروض المحطة فيها دكان ومطعم وبنشري مثل اول بس الي نشوفه الحين كل محطه من كبرها تقول سوق يخلونها نفس قبل ويزيدون لمحلات التجارية في المناطق ولفرجان ..... تحياتي

[مشاكل]

من شروط السلامة في المحطات عدم تواجد المطاعم وكل مامن شأنه ايقاد النيران فيها حيث انها تمثل شرارة فوق خزانات من الوقود قد تنفجر في اي لحظه

[حفيد الأنصار]

ماشاء الله كل هاذي المحلات بمحطة
اللي اعرفه المحطة تتكون من تعبئة بترول وبقالة ومحلات لصيانة السيارات
واذا زادت تحصل كافتيريا وصراف

[حفيد الأنصار]

ذكرتني بصفة مطاعم ساندويشات وعصائر بالرياض يتجمعون عندها العالم, بعد المطاعم فيه دخله عالحارة العالم تطلب بالسيارة وتدخل عالشارع اللي باللفة وتوقف تاكل وترمي القراطيس عالأرض حتى صار أسم الشارع "شارع القراطيس"..

أتذكر واحد من الجدران اللي عالشارع كان مكتوب عليه بالبخاخ "كل وانت ساكت" هههههه

http://www.alriyadh.com/contents/29-01-2004/mainpage/cov_1786.php






ههههههههه

[w.qatar]

شوفوا منهو مالك المحطة ترا الخربطه هذي ماتصير ولا يوافقون على الاشياء اللي مخالفه الا لناس معينين

[eXpert*]

سبحان الله اليوم مريت من هناك و أكثر ما لفت إنتباهي معرض السيارات علي الرصيف لا حسيب ولا رقيب لو سيارة أصابها ماس كهربائي شممكن يصير هناك ؟

السيارات خطر توقف لفترات طويلة بقرب من محطة بترول لا قدر الله لو سيارة صار فيها شئ !!

[BO.ABDULLA]

أشبة المحطة بخط الدكتور أو وصفت الدكتور يكتبه ولا حد يفهم لها إلا الصيدلي ، على ماعتقد أنة المسؤلين يفهمون خط الدكتور عدل

[ابن سينا]

الله يزيد المطاعم ان شاالله في كل زاويه ايش الي حاركم الله ام لاحسد قل اعوذ برب الفلق من شر ما خلق .......... الى اخر الايه ودمتم

[شموخ]

الا رامز على الاقل قريب من مناطقنا ونقدرنوصله بسهولة واقرب من اللي في النصر

[elders]

خلاص يشيلو المحطة(الوقود يعني ) ..ويحطو نافورة

[khalid969]

شوفوا منهو مالك المحطة ترا الخربطه هذي ماتصير ولا يوافقون على الاشياء اللي مخالفه الا لناس معينين

من اصحاب المحطات ؟

ترى في رخص ماتطلع الا بموافقة الديوان الاميري !

حتى محطة وقود اللي عند دوار العطية فيها مطاعم .

[khalid969]

من اصحاب المحطات ؟

ترى في رخص ماتطلع الا بموافقة الديوان الاميري !

حتى محطة وقود اللي عند دوار العطية فيها مطاعم .

إذا ماخنتني الذاكرة

السفريات والصيدلية والصرافة

[qatar.syria]

صيدليه ومغسلة ملابس وسوبرماكت ومكاتب خدمات مقبوله
اما مطاعم ومقاهي مرفوض لانها تستخدم الغاز لولاسمح الله حدث حريق تكون كارثه لان جميع المحطات في المدينه وسط احياء سكنيه

كلام سليم اخي العزيز ... وازيدك من الشعر بيت : سمعت احد الاطباء ينصح بعدم تناول الاطعمة من المطاعم او محلات الوجبات السريعة الموجودة في محطات الوقود ، ورايه بذلك ان محطات الوقود تطلق الكثير من الغازات السامة سواء كانت ابخرة البنزين والمشتقات النفطية او عوادم السيارات وغيرها مما هو موجود بكثرة في محطة الوقود، وبالتالي سوف تصل هذه الغازات إلى المطاعم الموجودة في محطة الوقود وتتداخل مع الطعام الذي يتم طهيه واعداده فيها.

[زعبي]

سمعت احد الاطباء ينصح بعدم تناول الاطعمة من المطاعم او محلات الوجبات السريعة الموجودة في محطات الوقود ، ورايه بذلك ان محطات الوقود تطلق الكثير من الغازات السامة سواء كانت ابخرة البنزين والمشتقات النفطية او عوادم السيارات وغيرها مما هو موجود بكثرة في محطة الوقود، وبالتالي سوف تصل هذه الغازات إلى المطاعم الموجودة في محطة الوقود وتتداخل مع الطعام الذي يتم طهيه واعداده فيها.كلام مهم جدا!