لغز رقم 9 ((((((( انشدك عن شي يحمل )))))))

[عاهد بن علي]

هذا اللغز توني مسويه فرش مهب من الالغاز القديمه الي انه كاتبها من قبل

((((((( انشدك عن شي يحمل من لطيور ولا يطير، لاهو جندي ولاهو امير، فيه طاقه ويمكن مسامير ، لاهو غني ولاهو فقير ، ماهو عمي لانه بصير ، ياالله حل اللغز يا المستنير )))))))

يا الله انتشروا
اذهبوا الى الاقارب
العم قوقل او الخال جوجل
لربما تجدوا عندهم حلول
مغلوطه !!!!!!!!!!!!!!!

ملاحظه : ارجو ان الرد ما يكون بجوابين في آن واحد وهذا مهم جدآ كل جواب يكون في رد لحاله حتى ما تدخل العشوائيه في الحلول

ها ! لحد يتبجبج و يتنحنح

[غايه الطواش]

خفاششششش

[فلتة زمانها]

الخفاش

[intesar]

يقول لكم ما يطير..

الديك.. عنده عرف يعني تاج.. إذا هو لا هو جندي ولا أمير.. هو ملك..

كنت بقول الهدهد.. لكن الهدهد يطير..

لذا هل هو الديك..

[عاهد بن علي]

خفاششششش

والله مادري شاقول اسب نفسي ادعي على نفسي اني سويت هاللغز

والله مشكل كبير انتي
غلط

[intesar]

الديج..

[غايه الطواش]

البطريق

[intesar]

البطريق.. لو قال يحب يطبل ممكن أقتنع.. بعد ممكن لأنه ما يطير..

[عاهد بن علي]

الخفاش

بعد انتي
خفاش يالي ما تخافين الله

خفاش عاد
انتي سبب الضغط اذا جاني

ودي اخنق نفسي بس مهب عارف شلون اخاف اتعور

انتي مع غاية الطواش متخادنين علي

كلكم مجاوبين بخفاش

لكن الشرهه علي الي تعبت نفسي وكتب لكم
:tease:

[intesar]

صج كلامك بس اكتب لي.. أجوبتي مقنعه..

[عاهد بن علي]

يقول لكم ما يطير..

الديك.. عنده عرف يعني تاج.. إذا هو لا هو جندي ولا أمير.. هو ملك..

كنت بقول الهدهد.. لكن الهدهد يطير..

لذا هل هو الديك..

لا ؟ يعني انتي احسن منهم
واثقه من نفسج وايد
يا مدام انتصار
لحقي على جدورج
طفي الجوله
غلط
في ذمة فلتة زمانها:anger1: غلط

[intesar]

الطاووس

[عاهد بن علي]

الديج..

والله لاديج ولا ديك
لا يكون عندج عشة دجاج في البيت ؟
ومتاثره ابهم
هههههههههههههههههههههههههههههههه

[intesar]

خاطري بعشة دجاج.. بس عندي أرنبين ودي أذبحهم وأطبخهم.. بس عيالي مو مخلييني.. هم شاريينه..

[المهاجر]

النعامه

[فلتة زمانها]

الفراشه

[عاهد بن علي]

البطريق

يا غاية المقراش
ذبحتيني بهالاجوبه
انتي احد اسباب الزهايمر في اعضاء المنتدى

بطريق عاد!!!!!!!!
ههههههههههههههههههههههههههههههههههه

[intesar]

القرود.. تطير من شجرة لأخرى لذا جنها تطير..

هههههههههههههه..

[عاهد بن علي]

الطاووس

عودنا على ( طير يلي)
اي طاووس اي ماووس
في ذمة فلته غلط !!!!!!!!!!

[intesar]

النعامه

النعامه طير جبير له جناح وما يطير..
طير خواف وجبان ما يصير مثل الشجعان..

مع تحيات.. مسرحية السندباد البحري..
من ذكريات الطفولة..

[المهاجر]

:waiting::waiting:

[عاهد بن علي]

النعامه

يعني انت احسن من ( فلتة زمانها )

والله غلط
في ذمة انتصار غلط

[intesar]

:waiting::waiting:

يحق لك تعصب على عاهد..

[المهاجر]

عيل المركب البانوش اللنج

[المهاجر]

يحق لك تعصب على عاهد..

:nono::nono:

[عاهد بن علي]

خاطري بعشة دجاج.. بس عندي أرنبين ودي أذبحهم وأطبخهم.. بس عيالي مو مخلييني.. هم شاريينه..

قطي لهم سم ولين ماتوا
اكليهم بيعذرونج لعيال
لانج ما ذبحتيهم بيدج صح ؟

[فلتة زمانها]

القمل

[فلتة زمانها]

الكنغر

[عاهد بن علي]

الفراشه

يحليلج
انتي والله الفراشه
لا يطيرج الهوى بس ، لا تطلعين اليوم برع

غلط في ذمة المهاجر غلط

[عاهد بن علي]

عيل المركب البانوش اللنج

كل الطرق تؤدي الى روما

غلط غلط غلط

[عاهد بن علي]

القمل

ذكرتين
باغنيه قديمه تقول
( يا ام القمل والصيبان صكو عليج البيبان )

ومهب حافضها كلها
غلط بكل اصرار وترصد

[المهاجر]

خفوني ارقد ويمقن اعرف الجواب بالحلم ويمقن لا

:tease:

واذا قعدت باقول لكم


عاهد طرش الجواب على الخاص :secret:

[عاهد بن علي]

الكنغر

الكنغر اقول انج تجيبين السوالف حق نفسج ما تصدقيني

انتي جربتي تدخلين داخل المخبأ الي في بطن الكنغر وتخلين طارق العلي ياخذ لج صوره
والله غلط
هههههههههههههههههههههههههههههههههههه

[عاهد بن علي]

عيل المركب البانوش اللنج

المهاجر : ترى ابتلشت انتصار مهب عارفه معنى ( البانوش )

تحسبك قلت
برانيوش
يعني عيش محمر
لانها راعية جدور
هههههههههههههههههههههههههههه

[عاهد بن علي]

انا خاطري اعرف انتم طالعين على من !!! فيكم تناحه غير طبيعية الله لا تبلانا

حل اللغز هو ( قفص الحمام )


http://s3.kenanaonline.com/photos/1155637049.jpg



لأن اللغز يقول انشدك عن شي يحمل الطيور واكيد اللي يشيل الطيور القفص مثل اللي في الصورة

والمقصود فيه طاقة ويمكن مسامير ان القفص يستحمل اكبر كمية من الحمام وطبعاً القفص فيه مسامير

يالله حط لغز رقم 10 بسرعة مب فاضي وراي شغل العصر

الصراحه في البدايه خوفتني لكن بعدين اكتشفت ان حلك غلط مثل :
وجهي
ههههههههههههههههههه
انت مشكلتك انك واثق من نفسك وايد ، واجد ، كثير ، كتير ، تو ماتش ، بود ، خيلي خوب
هههههههههههههههههههههههههههههههههههههههههههههههههه ههههههههه

[عاهد بن علي]

خفوني ارقد ويمقن اعرف الجواب بالحلم ويمقن لا

:tease:

واذا قعدت باقول لكم


عاهد طرش الجواب على الخاص :secret:

يا المهاجر لازم المنتدى يشترون لي لاب توب احدث نوع حتى اقدر اتواصل معاكم على حسابكم
من اي مكان اكون فيه
ها يا الاعضاء ايش رايكم انه على حق او على باطل
في ذمتكم؟
ههههههههههههههههههههههههههههههه

[فلتة زمانها]

امتنع عن المشاركه واعطي فرصه لغيري
وانا واثقه من بنات حواء بالفوز

[غرِيبهـ]

سياره

[ريم الشمال]

الوكر الي يحطون عليه الطير

[ريم الشمال]

القفاز الي حاطه في صورتك الرمزيه

[غايه الطواش]

الدسسسسس

[غايه الطواش]

صندوق البريد

[غايه الطواش]

الطياره

[الخـود]

والله اجابة الاخ طارق مقنعة.. وحاط لك الصورة بعد..

انزين إذا غلط أنا اقول الطيــــــــارة << ادري غلط

[الخـود]

فزاعة ؟؟ x_x

[intesar]

:nono::nono:

اتق شر الحليم إذا غضب..
escape

[intesar]

الفلامنجو

[intesar]

عش الطيور.. فوق الشجر..

[intesar]

وقلت قبل القرد..

[عاهد بن علي]

امتنع عن المشاركه واعطي فرصه لغيري
وانا واثقه من بنات حواء بالفوز

بنات. حوى. أو بنات. أوى. المفترسات. هههههههههههههه

[intesar]

صندوق البريد

عجبني هذا:victory:

[عاهد بن علي]

سياره

مكتوب تحت. تحت اسمك عضو نشط جدا
بس الواقع غير
غلط. هههههههه.
أهلا بك أستاذي على رأسي مشاركتك أرجو تقبل مزاحي

[intesar]

مكتوب تحت. تحت اسمك عضو نشط جدا
بس الواقع غير
غلط. هههههههه.
أهلا بك أستاذي على رأسي مشاركتك أرجو تقبل مزاحي

غريبه مو غريب..
أنثى وليست بذكر..:nice:

[intesar]

طاقة ومسامير..
يعني كهرباء وبراغي..

الكمبيوتر.. أو المحمول.. الرسايل اللي تنحمل عن طريقها ..

يعني الإيميل أو المسجات ..

قول صح.. مرة أفوز..

[عاهد بن علي]

سياره

سياره عاد ؟ سياره يلي ما تخافون الله ؟ تبون تذبحوني من القهر بسبت هالاجوبه ؟
سياره ؟
انه لو ادري ماتعبت مخي وكتبت لكم لغز لو كاتب نكته احسن
غلط في ذمة طارق وطارق وطارق غلط
هههههههههههههههههههههههههههههههههههههههههه

[عاهد بن علي]

الوكر الي يحطون عليه الطير



انتي من وين طلعتي ؟
كنت مفتك منج
اظن الجلطه قربت تجيني
ايش ها الاجوبه
انتي غطيتي على
الاخ عاهدهههههههههههههههههههههههههههههههههههههه

[عاهد بن علي]

القفاز الي حاطه في صورتك الرمزيه

القفاز ليش اغسل مواعين انه
ههههههههههههههههههههههههههههههههههه
غلط يا بنت الاجواد غلط

[عاهد بن علي]

الدسسسسس

الدس كلمه فارسيه تعني القفاز او اليد
والله لو اترجمها لج بالاماني بعد غلط
ههههههههههههههههههههههههههههههههههههههههههه

[عاهد بن علي]

صندوق البريد

هني انه اوقف و اوجهلج سؤال ،
ايش دراج اني اشتغل في ادارة البريد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تراني مفضوح وانه مادري عن نفسي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

قالت صندوق بريد : لا صندوق طماط خايس
ههههههههههههههههههههههههههههههههههه
هم غلط
كثري من المحاولات الخاطئه بليز

[عاهد بن علي]

الطياره

الصراحه بدا مخج يشتغل بس شوي مهب وايد

ههههههههههههههههههههههههههههههه

ركبي مخج على الشاحن شوي لين انشحن عودي ههههههههههههههه

غلط

[عاهد بن علي]

والله اجابة الاخ طارق مقنعة.. وحاط لك الصورة بعد..

انزين إذا غلط أنا اقول الطيــــــــارة << ادري غلط

انتي بكبرج غلط

وطارق اذا قدر يقنعج

وهقج

صوري مع الصوره الي حطها طارق
هههههههههههههههههههههههههههههههه

[عاهد بن علي]

فزاعة ؟؟ x_x

اقسم بالله
ان تفكيرج نظيف

جدآ وراقي

جواب جميل

ولكن غلط
هاهاهاهاهاهاهاهاهاهاها

[الخـود]

يمكن المنطاد!!!!!!

[عاهد بن علي]

اتق شر الحليم إذا غضب..
escape

واتقي شر عاهد اذا عصب

:anger1:

ههههههههههههههههههههههههههههههههههه

[عاهد بن علي]

الفلامنجو

الفلامنجو نوعين :
فلامنجو طائر
وفلامنجو رقصه
ابشرج كلهم غلط

[الخـود]

يمكن الرييييـــــش..

[Class - Qtr]

السلام عليكم

يصير نشارك ؟؟

[intesar]

شوف عاهد إذا مو الإيميل ولا المسج.. يكون..


الفاكس..

[intesar]

السلام عليكم

يصير نشارك ؟؟

أكيد..

[عاهد بن علي]

وقلت قبل القرد..

اي قرد الي في عين امه غزال

او القرد الي في عين امه سبال

هههههههههههههههههههههههههههههههههههههههههههههههه
غلط يا راعية الارانب والملوخيه

[لاجل QT]

وووي الغازك واايد صعبة :(يبلك حد متعمق في انشدك:nice:

مالى في انشدك:shy:

[عاهد بن علي]

غريبه مو غريب..
أنثى وليست بذكر..:nice:

العتب على النظر اسف
صادوني
:weeping:

[intesar]

لا لا شوف حلولي.. اللي بعد..
أكيد منها صح..

[عاهد بن علي]

طاقة ومسامير..
يعني كهرباء وبراغي..

الكمبيوتر.. أو المحمول.. الرسايل اللي تنحمل عن طريقها ..

يعني الإيميل أو المسجات ..

قول صح.. مرة أفوز..

ارجو عدم ادماج عدة اجوبه في رد واحد

بعد كلهم غلط

[intesar]

ما فيه إلا الحمام الزاجل.. اللي موجودين بقفص طارق العلي..

[عاهد بن علي]

يمكن المنطاد!!!!!!

ااااااااااااااااااااااااااااااااااااااه يا حضي توني اقول ان تفكيرج نظيف وراقي
طحتي من عيني

اي منطاد اي جهاد
غلط ورب العباد
ههههههههههههههههههههههههههههههههه

[intesar]

ولا التلغراف..

[intesar]

لا يمكن الدي اتش ال أو أراميكس..

[عاهد بن علي]

يمكن الرييييـــــش..

ريش طائر او ريش صدر غنم مشويه على الفحم

غلط في ذمت امي وابوي الله يرحمه

[intesar]

اللي عنده القلب لا يدخل.. بعد الشر على الجميع..

فيه أجوبه تجلط..

هههههههههههه..

[عاهد بن علي]

السلام عليكم

يصير نشارك ؟؟

لا يصير تبارك
هههههههههههه
اصلآ لو عند حل ماسالتني ولا استاذنت جان دخلت علي بشراع ومجداف

ههههههههههههههههههههه

[intesar]

اترك عنك القيل والقال..
وشوف أجوبتي.. أشعر بنفاذ صبري..

[Class - Qtr]

انا اجابتي ,,

السلام او المحبه هذي اجابتي

[الخـود]

اللي عنده القلب لا يدخل.. بعد الشر على الجميع..

فيه أجوبه تجلط..

هههههههههههه..


طبعا انتصار ما تقصديني صح
أنا ادري

:shy:

[عاهد بن علي]

شوف عاهد إذا مو الإيميل ولا المسج.. يكون..


الفاكس..
شوف عاهد !!!!!!!!!!!!!!!!!!!!!!!! هذا تهديد مبطن !!!!!!!!!!!!!!!!!!!!
شوفي انتصار ::anger1:
في فاكس جهاز وفي فكس للعلاج
كلهم ابشرج غلط
هههههههههههههههههههههههههههههههه

[intesar]

طبعا انتصار ما تقصديني صح
أنا ادري

:shy:

أكيد.. أقصد نفسي..

هههههههههه..
شفتي من الطفش قمت أهاجم نفسي....:nice::omen2:

[الخـود]

عندي اجابة غلط بس لازم اقولها.. يمكن السحاب

[intesar]

عندي اجابة غلط بس لازم اقولها.. يمكن السحاب

مدامج عارفة إنه غلط.. ليش تتحفيننا فيه..:rolleyes2:

[عاهد بن علي]

وووي الغازك واايد صعبة :(يبلك حد متعمق في انشدك:nice:

مالى في انشدك:shy:

ها ايش هاذي الكلمه البناتيه ( وووي )
صيري رجاله احسن لج
:anger1:
ههههههههههههههههههههههههه

[عاهد بن علي]

اللي عنده القلب لا يدخل.. بعد الشر على الجميع..

فيه أجوبه تجلط..

هههههههههههه..

انتي راعية الاجوبه الي تجلط وتملط وتغلط وتزلط
هههههههههههههههههههههههههههههههههههه

[عاهد بن علي]

انا اجابتي ,,

السلام او المحبه هذي اجابتي

لا والله ؟
وبكل هدوء بعد!
يعني واثقه انج بتحلين
الحمد لله غلط
ههههههههههههههههههههههههه

[عاهد بن علي]

عندي اجابة غلط بس لازم اقولها.. يمكن السحاب

ما دري اطق راسي ( بالموس ، الفاره ) الي بيدي من القهر
اي سحاب اي غراب اي سنجاب يا ( ام باب )
ههههههههههههههههههههههههههههههههههههههههههههههههه

[Class - Qtr]

لا والله ؟
وبكل هدوء بعد!
يعني واثقه انج بتحلين
الحمد لله غلط
ههههههههههههههههههههههههه


تصدق اني في الجواز مكتوب ( الجنس : ذكر )

يالله ماعليه ابتسامتك الطيبه تغطى اي خطا غير مقصود منك

:shy:

[الزعفراني]

هلا بوعلي هو شي ينوجد في المطبخ ؟

نشوفكم وقت ثاني

[intesar]

ماى أنسيرز صح ولا غلط..

[عاهد بن علي]

تصدق اني في الجواز مكتوب ( الجنس : ذكر )

يالله ماعليه ابتسامتك الطيبه تغطى اي خطا غير مقصود منك

:shy:

انا اسف استاذي وتاج راسي
.لا تواخذني دوختني مدام انتصار
فرت مخي فر باجوبتها
ههههههههههههههههههههههههههههههههههههه

[intesar]

أنا بعد ظنيت وظني ليس بمحله أنه أنثى..

السموحه أخ كلاس..

[عاهد بن علي]

هلا بوعلي هو شي ينوجد في المطبخ ؟

نشوفكم وقت ثاني

في المطبخ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله شاقول لك !!!!!!!!!!!!!!!!!!!!!
بس لو اعلق عليك ماتزعل مني ؟
اذا ماتزعل باعلق عليك واذا بتزعل لا

لا استاذي مهب في المطبخ
وينك انت تخوف شد حيلك

[عاهد بن علي]

أنا بعد ظنيت وظني ليس بمحله أنه أنثى..

السموحه أخ كلاس..

العدوه انتقلت بينا
هههههههههههههههههههههههههههههه

[المسك1969]

أشرايك تقرب الاجابة شوي... بمعنى تقول هو من الحي أو الجماد؟؟؟ عشان نعرف وين نخمن


ممكن البط؟؟؟:)

[الخـود]

مدامج عارفة إنه غلط.. ليش تتحفيننا فيه..:rolleyes2:

اولا لاني احبج ومابيج تقولينه فقلته عنج خخخخخخخخخخ

ثانيا لزيادة عدد المشاركات :victory:

[intesar]

هههههههه..
حبيبتي انتي.. أول مرة حد يخاف علي من الغلط..

هههههههههه..

[عاهد بن علي]

أشرايك تقرب الاجابة شوي... بمعنى تقول هو من الحي أو الجماد؟؟؟ عشان نعرف وين نخمن


ممكن البط؟؟؟:)

البط نوعان :
1/ بط عباره عن طائر
2/ بط عباره عن بط في كوره او تاير سياره او بط في بالونه
لكن ابشرج كلهم غلط
ههههههههههههههههههههههه

[intesar]

البط نوعان :
1/ بط عباره عن طائر
2/ بط عباره عن بط في كوره او تاير سياره او بط في بالونه
لكن ابشرج كلهم غلط
ههههههههههههههههههههههه

ورقم 3 .. بط من بطة جبد..:nice:

[عاهد بن علي]

أنا بعد ظنيت وظني ليس بمحله أنه أنثى..

السموحه أخ كلاس..

محد ورطني مع خلق الله الا انتي
:anger1:

[intesar]

ههههههه.

وينهي فلتة..

[عاهد بن علي]

ههههههه.

وينهي فلتة..

يمكن راحت مع الربع ( حداق ) تصيد لج سمج حق غداج بكره

المنتدى من غيرها مافيه طعم فلفل
ناقصه شي
هههههههههههههههههههههههههههه

[intesar]

أنا أقول الصقر..

[غايه الطواش]

حامله الطائرات

[عاهد بن علي]

أنا أقول الصقر..

لو الصقر يسمع أجابتج انتحر ههههههه

[عاهد بن علي]

حامله الطائرات

يا غاية ألمشباص من صجج.
أو اعتبر جوابج مجرد غشمره
أو بس المقصد رفع ضغطي ؟
حاملة طائرات.
مهب طائرة حاملات
غلط

[المهاجر]

:waiting::protest:

[الخـود]

انزين
والشجر؟ بعد صح؟ اقصد غلط؟!

[عاهد بن علي]

انزين
والشجر؟ بعد صح؟ اقصد غلط؟!

الشجر يا. مشروم مبخر ؟؟؟
غلط

[عاهد بن علي]

:waiting::protest:

ها شبعت نوم يا جرجور بو جدوم ؟؟؟
وين حلولك
تكفى عندنا عضوه مفقوده أول حرف من اسمها ! فلتة
أرجو التحري والبحث

[فلتة زمانها]

بل للحين ماحليتوا الفزوره؟

[qatarshark]

عاهد
الحل
مب الخفاش:tease:
انت فاهمني:nice:

[عاهد بن علي]

بل للحين ماحليتوا الفزوره؟
أهلا وسهلا سيده فلته
وين هالغبه
ؤالله أولج وحشه.
الأعضاء ألمشاغبين يسألون عنج
يقولون رايح حداق تصيدين سمج حق غداً انتصار بكره صج ؟
ؤالله ورايقه داشه علينا عرض فزوره ؟ يا شحروره ؟

[عاهد بن علي]

عاهد
الحل
مب الخفاش:tease:
انت فاهمني:nice:

هلا. شاركوه. وينك ما وحشتنا
افتكينا من أسنانك الحاده
ترى راعي الخفاش كان راقد توه قاعد من شوي لا أو حاطينه مراقب علينا هههههههه

[غايه الطواش]

عش الطيور

[غايه الطواش]

أنزين شالقصد من يحمل
يعني يحمل جنين
والا يحمل يعني يشيل

[فلتة زمانها]

أهلا وسهلا سيده فلته
وين هالغبه
ؤالله أولج وحشه.
الأعضاء ألمشاغبين يسألون عنج
يقولون رايح حداق تصيدين سمج حق غداً انتصار بكره صج ؟
ؤالله ورايقه داشه علينا عرض فزوره ؟ يا شحروره ؟

لا والله رحت المعرض
اخوي عاهد عندي لك اقتراح
شرايك تسوي مسابقه في ارمضان وتحط كل يوم لغز ماشاءالله ثقافتك عاليه
ومسوي جو حلو في الاستراحه

[عاهد بن علي]

عش الطيور

لا عش لطيور. ؤلا. أسنان الجرجور
غلط

[qatarshark]

اخوي عاهد ان ما خاب ظني هو الحيوان الي في بالي
والكثير يمكن ما يعرفه صح

[عاهد بن علي]

أنزين شالقصد من يحمل
يعني يحمل جنين
والا يحمل يعني يشيل

ها ! الحين بديتي تستخدمين مخج صح
الحين جينا لبداية النهائه
هذا مربط الفرس
فعلا إنتي بديتي تمسكين طرف الخيط
يحمل يعني. يحمل. في جسمه. ؤليس بمعنى حمل جنين
ئالله انتظر الجواب الصحيح حتى ارتاح منكم هههههههه

[عاهد بن علي]

اخوي عاهد ان ما خاب ظني هو الحيوان الي في بالي
والكثير يمكن ما يعرفه صح

ؤالله انت أنه ما أمن فيك
يلله قول !

[qatarshark]

شوف اخوي عاهد
اي يحمل من الطيور حيوان و اسمه البلاتيبوس
له منقار مثل البطة ويبيض لكن عند فقس البيض يقوم بارضاع صغاره
يوجد بالنقار ذبذبات كهربائية تساعده على الصيد لانه عندما يصيد تحت الماء يغلق عينه واذنه
غشاء بين أصابع قدميه (مثل البط) لذا يقوم باستخدام قدميه الأماميتين كمجداف للحركة تحت الماء، أم القدمين الخلفيتين فتحويان مخالب حاده مثل المسامير يستخدمها لزيادة سرعت والحفر، كما تحوي هذه المخالب أيضاً سماً قاتلاً يستخدمه البلاتيبوس لقتل أعدائه
اتمنى ان يكون جوابي صح
وهاي صورته
http://www.tqatar.com/vb/uploaded/91_1234965279.jpg

[غايه الطواش]

هو طير يحط طير في بلعومه (يحط ولده) ماعرف شسمه يمكن هو

فيه غرغره كبيره شفته في قناه ديسكفري

[غايه الطواش]

عيل جواب شارك صح

[إكليل الزهور]

يمكن البجع!

[عاهد بن علي]

شوف اخوي عاهد
اي يحمل من الطيور حيوان و اسمه البلاتيبوس
له منقار مثل البطة ويبيض لكن عند فقس البيض يقوم بارضاع صغاره
يوجد بالنقار ذبذبات كهربائية تساعده على الصيد لانه عندما يصيد تحت الماء يغلق عينه واذنه
غشاء بين أصابع قدميه (مثل البط) لذا يقوم باستخدام قدميه الأماميتين كمجداف للحركة تحت الماء، أم القدمين الخلفيتين فتحويان مخالب حاده مثل المسامير يستخدمها لزيادة سرعت والحفر، كما تحوي هذه المخالب أيضاً سماً قاتلاً يستخدمه البلاتيبوس لقتل أعدائه
اتمنى ان يكون جوابي صح
وهاي صورته
http://www.tqatar.com/vb/uploaded/91_1234965279.jpg


آلصراحه. آلصراحه آلصراحه
صدمتني
أنه الحين في مجمع حياة بلازا 10 دقائق واكون في البيت
انت يبغيلك جلسه على الكمبيوتر مهب من البلاك بيري
آلصراحه صدمتني بس عطني فرصه أوصل البيت

[qatarshark]

آلصراحه. آلصراحه آلصراحه
صدمتني
أنه الحين في مجمع حياة بلازا 10 دقائق واكون في البيت
انت يبغيلك جلسه على الكمبيوتر مهب من البلاك بيري
آلصراحه صدمنتني بس عطني فرصه أوصل البيت


صدمتك ,,,, عسى ما تعورت :tease:

[عاهد بن علي]

يمكن البجع!

مساء الخير
شرفت اللغز بمداخلتك. ! البجع عاد ؟
الأخ شغال في البيئه ؟
خلاص أنه قررت إن اعتزل كتابة الشعر والقصص والالغاز وافتك ! راح أكتب طبوب و محو ، حق الناس أحسن لي .
على الأقل أحصل فلوس
بدال هالبهدله
غلط

[ريم الشمال]

البيض

عاهد لا تعصب أجابه مضمن الاجابات
إذا ما عجبتك سوها بيض عيون أوكي

[الخـود]

عندي اجابة خرافية جهنميـــة





التمســـــــاح

[عاهد بن علي]

البيض

عاهد لا تعصب أجابه مضمن الاجابات
إذا ما عجبتك سوها بيض عيون أوكي

بيض عيون ؟؟؟؟؟؟؟
بيض عيون عاد ؟؟؟
وين اودي وجهي من المنتديات الخليجيه الي اشارك فيها ، ايش بيقولون عني لو واحد منهم دخل وقرا ردج
يا فضيحتاه !!!!!!!
هذه اخرتها يا اعضاء المنتدى
يا جماعه حد يرد عليها بدالي انه امتنع عن الرد :anger1:

[إكليل الزهور]

مساء الخير
شرفت اللغز بمداخلتك. ! البجع عاد ؟
الأخ شغال في البيئه ؟
خلاص أنه قررت إن اعتزل كتابة الشعر والقصص والالغاز وافتك ! راح أكتب طبوب و محو ، حق الناس أحسن لي .
على الأقل أحصل فلوس
بدال هالبهدله
غلط

انا الأخت:nice:

يمكن يكون طائر الكيوي!

[qatarshark]

انا الأخت:nice:

يمكن يكون طائر الكيوي!


طائر الكيوي
لا طائر البرتقال:tease:

[إكليل الزهور]

طائر الكيوي
لا طائر البرتقال:tease:

كنت حاسة ان حد بيقول جذي :happy:

[عاهد بن علي]

عندي اجابة خرافية جهنميـــة





التمســـــــاح
اي تمساح لا يكون من مواليد خور لعديد
التمساح مره وحده على الاقل ابدي من لصغير لين لكبير، قولي ((((((( دماسه ))))))) الي تعيش في جنوب قطر في لطعوس ، قولي ((((((( بريعصي ))))))) الي ما يخلى بيت منه ولا مطعم.
وين انتي عايشه في انهر جنوب افريقيا
غلط بابا غلط

[الخـود]

اوكي اسفة والله اسفة

[عاهد بن علي]

انا الأخت:nice:

يمكن يكون طائر الكيوي!

طائر الكيوي ، لو تامه على البجع احسن لج ، بغت تكحلها عمتها ، قال طلقها وخذ اختها قال الله يقطع الثنتين .
طائر الكيوي . اصلآ انه انقرف من شكله تبين ارفع قدره واكتب فيه لغز ، يهبي ويخسي ،
لا يبه لا ، ما نزل مستواي
غلط يا يمه غلط:anger1::anger1::anger1:

[غايه الطواش]

ليش تسوي لردي طاااااف

[qatarshark]

اوكي اسفة والله اسفة


ههههههههههههههههه
ليكون عبالج عاهد ابله (مدرسة)تتاسفين لها:tease:
لا عادي ما يزعل قولي اي شي:nice:
مايحس لانه صاده انهيار عصبي من الحلول:eek5:

[عاهد بن علي]

هو طير يحط طير في بلعومه (يحط ولده) ماعرف شسمه يمكن هو

فيه غرغره كبيره شفته في قناه ديسكفري

لو قناة دسكفري تدري انج يا غاية الطواش من متابعينهم كان باعوا القناه
وفتحو دكان في سوق واقف وباعوا ((((((( بطاطيل ))))))) :tease:
تير يحط تير في بلعوه ، فيه غرغره ، جعل غرغرته القص ، انه ايش علي منه
الله لا يرده لا هو ولا الي في بلعومه:tease:
غلط يا بنتي غلط

[فلتة زمانها]

الوزه

[عاهد بن علي]

لا والله رحت المعرض
اخوي عاهد عندي لك اقتراح
شرايك تسوي مسابقه في ارمضان وتحط كل يوم لغز ماشاءالله ثقافتك عاليه
ومسوي جو حلو في الاستراحه

مساء الخير
انه متأكد ان الاعضاء مستغربين منج اول مره تقولين جمله(:tease: صح )!!!!!!
ولا يهمج يا بنتي اذا الاداره اطلبت مني انه حاضر
وفي الشوفه اشكرك على اهتمامج واطرائج الجميل اخجلتي تواضعي

[عاهد بن علي]

عيل جواب شارك صح

انتظري شوي لي رجعه على الاخ شارك بس يبغيله جلسة عمل صح !
ابغي اتفرغ معاه شوي / وادردش معاه شوي / وآخذ واعطي معاه شوي /
على نار هادئه
عطوني فيرصه اتباحث معاه اكثر وبالتفصيل الممل

[الخـود]

ههههههههههههههههه
ليكون عبالج عاهد ابله (مدرسة)تتاسفين لها:tease:
لا عادي ما يزعل قولي اي شي:nice:
مايحس لانه صاده انهيار عصبي من الحلول:eek5:

شسوي.. مابي اتفشل ،، أنا نجحت في اللغز السابق
مابي أتهزأ :rolleyes2:

[qatarshark]

شسوي.. مابي اتفشل ،، أنا نجحت في اللغز السابق
مابي أتهزأ :rolleyes2:


هههههههههههههههههههه

[عاهد بن علي]

اوكي اسفة والله اسفة

حاولي لعل وعسى

[عاهد بن علي]

ليش تسوي لردي طاااااف

اي رد ؟
انتوا خليتوا فيني تركيز؟
جننتوني بهالحلول الي تجيب الانيميا

[ريم الشمال]

بيض عيون ؟؟؟؟؟؟؟
بيض عيون عاد ؟؟؟
وين اودي وجهي من المنتديات الخليجيه الي اشارك فيها ، ايش بيقولون عني لو واحد منهم دخل وقرا ردج
يا فضيحتاه !!!!!!!
هذه اخرتها يا اعضاء المنتدى
يا جماعه حد يرد عليها بدالي انه امتنع عن الرد :anger1:



أنا ما قلت لك لا تعصب .. ليش ما تسمع الكلام :anger1:

دعابه ... دعابه .. دعابه
شكل الروح الرياضيه راحت وطي في الباباي من الأجوبه الخرافيه وشكلك بتعتزل الالغاز
شفت شلون أعضاء المنتدى مو بسهلين ( دعابه :secret: )

[عاهد بن علي]

ههههههههههههههههه
ليكون عبالج عاهد ابله (مدرسة)تتاسفين لها:tease:
لا عادي ما يزعل قولي اي شي:nice:
مايحس لانه صاده انهيار عصبي من الحلول:eek5:

صدقت يا مستر
جرجور
علمهم خبرهم فهمهم

[qatarshark]

صدقت يا مستر
جرجور
علمهم خبرهم فهمهم


ياجماعة الخير قولوا اي جواب عادي:victory:
ما يزعل اخوي عاهد:nice:
حتى لو كان الجواب لابتوب:eek5:
عادي ترى تعود على الاجوبة الفنكوشية:tease:

[عاهد بن علي]

الوزه

مادري يا جماعه كني احس ان حد رد هني في هالمكان بس مهب شايف الجواب حد يشوفه
يمكن الخط وايد صغير
يالله يمكن حد كتب رد وعقب محاه ، جايز
ماشوف شي
اطلع اروح حق ردود ثانيه احسن لي بدل ما ضيع وقتي في البحث والتفتيش

[intesar]

عاهد
الحل
مب الخفاش:tease:
انت فاهمني:nice:

أرجوك يا قرش ما بغيت أنسى وأوقف ضحك..

:tease:

[intesar]

اخوي عاهد ان ما خاب ظني هو الحيوان الي في بالي
والكثير يمكن ما يعرفه صح

الشارك زوج الحوت ماملز.. هو الحيوان اللي تقصده..


عاهد هذا جوابي النهائي..

[الخـود]

عيل بقول الجواب اشارة المرور

[qatarshark]

أرجوك يا قرش ما بغيت أنسى وأوقف ضحك..

:tease:


انتصاااااار
اما جواب الخفاش:eek5:
ذبحني من الضحك :)
مت:tease:
فطست والله:nice:

[الخـود]

الهواء

[intesar]

عيل بقول الجواب اشارة المرور

أي واحد فيهم يعتمد اللي برمادا ولا اشارات اللي بالكورنيش..

[qatarshark]

الهواء


اي هواء:eek5:
اي ريح:anger1:
اي عاصفة:(
عاهد:telephone:
وينك الحقني اضروسي قامت اطيح من الاجوبة:tease:

[intesar]

عاهد ما رديت على جوابي..

[qatarshark]

عاهد ما رديت على جوابي..


عاهد الحين بالمستشفى:(
يغيرون له المخ:nice:
لانه صاده انهيار من اجوبتكم:tease:

[الخـود]

هههههههههههههههههه

كيفكم انتو عطيتونا الضوء الاخضر



انزين عندي جواب ثاني : غصن الشجرة

[intesar]

مسكين.. ما يشوف شر..

[intesar]

هههههههههههههههههه

كيفكم انتو عطيتونا الضوء الاخضر



انزين عندي جواب ثاني : غصن الشجرة

أي جزء من الغصن من فوق الشجرة ولا اللي قريبة من الجذور..

[عاهد بن علي]

شوف اخوي عاهد
اي يحمل من الطيور حيوان و اسمه البلاتيبوس
له منقار مثل البطة ويبيض لكن عند فقس البيض يقوم بارضاع صغاره
يوجد بالنقار ذبذبات كهربائية تساعده على الصيد لانه عندما يصيد تحت الماء يغلق عينه واذنه
غشاء بين أصابع قدميه (مثل البط) لذا يقوم باستخدام قدميه الأماميتين كمجداف للحركة تحت الماء، أم القدمين الخلفيتين فتحويان مخالب حاده مثل المسامير يستخدمها لزيادة سرعت والحفر، كما تحوي هذه المخالب أيضاً سماً قاتلاً يستخدمه البلاتيبوس لقتل أعدائه
اتمنى ان يكون جوابي صح
وهاي صورته
http://www.tqatar.com/vb/uploaded/91_1234965279.jpg


انه اقولك صدمتني ما صدقتني ، مستانس تحسب جوابك صح مع هالويه الي كله ظروس !!!!!!!
حسبي الله على الي علمك على الكمبيوتر ( شاركوه )؟ انه حاطك سند لي تفشلني قدام البنات؟
في ذمتك غايب من متى وراجع بهالجواب السخيف ؟
تيتي تيتي مثل ما رحتي جيتي ؟
الي ما يدخل العقل ولا ينزل من البلعوم ؟
في ذمتك انت مقتنع من جوابك ؟
لا لا لا خلاص من اليوم ورايح ما راح اشد الظهر فيك !!!!!!
بادورلي بديل عنك !!!!!!!
ما راح ارضى عليك الابشرط ؟
اما انتك تجيب الجواب الصحيح او تغير اسمك من (( شاركوه )) الى (( مباركوه ))
لاتحاول تراضيني لا لا لا لا لا لا لا لا:anger1:

[qatarshark]

أي جزء من الغصن من فوق الشجرة ولا اللي قريبة من الجذور..


اللحين عاهد شكله جذيه

:tease::tease::tease:

[intesar]

الشارك زوج الحوت ماملز.. هو الحيوان اللي تقصده..


عاهد هذا جوابي النهائي..

:telephone: عاهد.. وينك..

[intesar]

ترى راعي الخفافيش موجود.. بخليه يعطيك باند..

[عاهد بن علي]

الشارك زوج الحوت ماملز.. هو الحيوان اللي تقصده..


عاهد هذا جوابي النهائي..

لا اذا النهائي انه راضي بس افتك من محاولاتج
غلط

[عاهد بن علي]

الهواء

الهوى غطيتي على فلته
غلط

[غايه الطواش]

جواب شارك غلط
انا وقفت مشاركات حسباليً جوابه صح

[الخـود]

انتصار يمة
بدل ما تساعديني تصعبين علي الأمور أكثر :(

[عاهد بن علي]

عيل بقول الجواب اشارة المرور

واثقه من نفسج
عيل باقول الجواب ؟
ومن ماسكج
انتي اليوم اغلاطج بالجمله

[عاهد بن علي]

عاهد الحين بالمستشفى:(
يغيرون له المخ:nice:
لانه صاده انهيار من اجوبتكم:tease:

صدقت
بس اجوبتهم ؟؟؟؟؟؟؟
جوابك انت الي كان بمثابة الضربه القاضيه لي
كسرت حنجي
وصادني ارتجاج في عقلي

[عاهد بن علي]

هههههههههههههههههه

كيفكم انتو عطيتونا الضوء الاخضر



انزين عندي جواب ثاني : غصن الشجرة
جواب ثاني !!!!!!! بدينا نجذب قولي عاشر

غصن شجره يا البمبره:tease:

[intesar]

جواب ثاني !!!!!!! بدينا نجذب قولي عاشر

غصن شجره يا البمبره:tease:

أبجي على البمبرة أبجي على التينة..
أبجي على من ضرب قلبي بسجينة..

من ذكريات الطفولة..
ههههههههههه..

[الخـود]

اوكي .. خلني اقول : القفص الذهبي اقصد القفص وبس

مادري احس انه صح !!!!!!!!!!!!!!!!!!

[الخـود]

كأني بديت اخورها



سوري والله سوري

[intesar]

وقفوا نفسكم..
لحظة بعد شوي..


بعد شوي..


شوي..

لسه..

آه ختنقتوا..

الجواب هو..


الجواب هو..

الكنغر..

[غايه الطواش]

طير الشبنم

[عاهد بن علي]

جواب شارك غلط
انا وقفت مشاركات حسباليً جوابه صح

لانج مثله لو انج مثلي ما صدقتيه، انه ذبحني من القهر، لا و انه كنت في المخازن الكبرى اشتري شامبو حمر بو ريال حق الخدامه ، يوم شفت جوابه في لبلاك بيري انصدمت من تفكيره البايخ لا وانه حاطه لي عون وسند ، هديت الشامبو مال الخدامه وطرت جيت ارد عليه من الكمبيوتر

مسكين ( شاركوه احرقوه ) ههههههههههههههههههههههههههههه
يااااااااااااااااااااااااااااااااااااااااااااااااا ااااااااااااااااااااااااو

[عاهد بن علي]

انتصار يمة
بدل ما تساعديني تصعبين علي الأمور أكثر :(

ردينا الحين يمه وخالتي وعمتي
يا حبكم حق المصالح

[الخـود]

دقت الساعة الثانية عشر.. لابد ان نعرف الجواب!!!

[عاهد بن علي]

اوكي .. خلني اقول : القفص الذهبي اقصد القفص وبس

مادري احس انه صح !!!!!!!!!!!!!!!!!!

بغت تكحلها عمتها
لكن تفكيرج سليم ونضيف يشهد الله

[عاهد بن علي]

كأني بديت اخورها



سوري والله سوري

تركي والله تركي
شنو ذي

توج حاسه
انتي من زمان خايرتها
اغلاط في اغلاط

[intesar]

دقت الساعة الثانية عشر.. لابد ان نعرف الجواب!!!

طيب والزنوبة طلعت صاحبته ولا لسه الأمير يحوس من فريج لفريج يدور صاحبته..

[عاهد بن علي]

وقفوا نفسكم..
لحظة بعد شوي..


بعد شوي..


شوي..

لسه..

آه ختنقتوا..

الجواب هو..


الجواب هو..

الكنغر..
هذا الجواب قالته الاخت فلته من ظهر
غلط

[عاهد بن علي]

طير الشبنم

شاقول بس وشاخلي
في ذمتكم هاذي حاله
من حيوان شارك الي طيرني من المخازن الكبرى الى طائر الكيوي الى( طير الشبنم )
هاذي حاله
واعليه واعلى حالي
غلط

[غايه الطواش]

الفقمه

[إكليل الزهور]

ممكن يكون الغراب!

[intesar]

أتحدى غايتي..

كلب البحر..

[عاهد بن علي]

الفقمه

الفقمه يا البصمه ؟؟؟؟؟؟؟
غلط

[إكليل الزهور]

شاقول بس وشاخلي
في ذمتكم هاذي حاله
من حيوان شارك الي طيرني من المخازن الكبرى الى طائر الكيوي الى( طير الشبنم )
هاذي حاله
واعليه واعلى حالي
غلط

لأنك تقول انه مايطير! الكيوي و الشبنم و النعام ...إلخ مايطيرون!

أخاف فالنهاية مايطلع من الطيور:rolleyes2: يمكن الجواب الإنسان

[الخـود]

ههههههههه انتصار سألي عاهد هالسؤال خخخخخخخخخ

المهم .. قد يكون الجواب: السفينة ..

[عاهد بن علي]

ممكن يكون الغراب!

اوه انتي للحين سهرانه
لابده ورى الجهاز تتصوخين علينه
لغراب يا مزعل الاصحاب ؟؟؟؟؟؟؟
اي غراب اي دولاب اي مشعاب

غلط والله غلط

[intesar]

صدقني يا أخ عاهد بالأخير الكل بيروح وبيترك المكان ..
وأنت معاهم..
بتم بنفسي هني.. أعلق وأرد على نفسي..

فحط الجواب وريحنا.،

[غايه الطواش]

خلاص عاهد جا وب

[عاهد بن علي]

أتحدى غايتي..

كلب البحر..

انتي تشتغلين في خفر السواحل

كلب البحر ؟ ولا فرس النهر
غلط

[غايه الطواش]

ياخوفي حتي هو مايعرف جواب لغزه

[عاهد بن علي]

لأنك تقول انه مايطير! الكيوي و الشبنم و النعام ...إلخ مايطيرون!

أخاف فالنهاية مايطلع من الطيور:rolleyes2: يمكن الجواب الإنسان

انسان ؟ انسان ؟ انسان ؟ يا اكليل زهر الرمان
غلط

[عاهد بن علي]

صدقني يا أخ عاهد بالأخير الكل بيروح وبيترك المكان ..
وأنت معاهم..
بتم بنفسي هني.. أعلق وأرد على نفسي..

فحط الجواب وريحنا.،

ما جذبج هاذي عوايدج هههههههههههههههههههههههههههههه

[عاهد بن علي]

ياخوفي حتي هو مايعرف جواب لغزه

ممكن بعد الاجوبه الي جابت لي الزهايمر

[غايه الطواش]

خلاص جاوب ابي انام

[عاهد بن علي]

انه باجاوب خلاص على شان خاطركم لانكم سهرتوا و واصلتوا وشاركتوا ولكم مني كل احترام و تقدير واوقف لكم واضرب لكم تحيه على روحكم الرياضيه ، وسامحوني على اي اساءه جاتكم مني او اي خطأ او قلة ادب
واشكر ادارة المنتدى على اتاحة الفرصه لي ان اشارك واتشرف بمعرفتكم اخوكم لصغير ( عاهد )
بس لحضه

[غايه الطواش]

طيور شلوى

[إكليل الزهور]

اللغز يقول لا هو غني و لاهو فقير.. ايش علاقة الغنى و الفقر فيه اذا كان من الطيور؟

[intesar]

غاية ارحمينا من أجوبتج.. يكفي بتصيدني كوابيس..

[غايه الطواش]

ههههههههه

بس طيور شلوي كنايه عن شباب ثلاثه

[غايه الطواش]

وينه عاهد

[intesar]

فص ملح وداب

[فلتة زمانها]

زبد البحر

[عاهد بن علي]

هذا هو اللغز :

((((((( انشدك عن شي يحمل من لطيور ولا يطير، لاهو جندي ولاهو امير، فيه طاقه ويمكن مسامير ، لاهو غني ولاهو فقير ، ماهو عمي لانه بصير ، ياالله حل اللغز يا المستنير )))))))

الجواب هو : ((((((( الحصان ))))))) قولوا شلون وخلكم معاي حبه حبه:

انشدك عن شي يحمل من لطيور ولا يطير ( لاحض السؤال يحمل من لطيور )
الحصان يحمل من اسماء الطير في بعض اعضاءه وهي كالتالي وهي حقيقه:
1 / ( النسر) وهو يقع تحت حافر الحصان
2 / ( العصفور) وهو عباره عن عضمه في الجبهه
3 / ( القطاه ) وهي عباره عن ارداف الحصان تسمى بالقطاه

لاهو جندي ولاهو امير :
فعلآ لاهو بجندي ولاهو بامير

فيه طاقه ويمكن مسامير
نعم الحصان فيه طاقه وهذا مؤكد ويمكن مسامير لان بعض الاحصنه تركب لها حذوه وهذه الحذوه لا تثبت الا بالمسامير

ما هو غني ولا هو فقير
هذا شيئ اكيد ما يحتاج توضيح

ماهو عمي لانه بصير
يعني له عيون يبصربها يعني انه كائن حي

وكثير من الناس يجهل هذه الاسماء بالخيول حتى بعض ملاك الخيل لانهم ما ينمون هوايتهم بالمطالعه والقراءه
وهناك ملاك على ثقافه عاليه في مجال الفروسيه ويحسب لهم الف حساب

اشكركم اخواني واخواتي وادارة المنتدى على تجاوبكم مع الغازي
اخوكم لصغير ( عاهد بن علي )

[غايه الطواش]

؟؟؟؟؟؟؟؟؟؟؟؟؟؟؟

[عاهد بن علي]

طيور شلوى

طيور شلوى لها قصتين

قصة العجوز واحفادها وقصه ثانيه
بس غلط

[فلتة زمانها]

عسى ماشر يطلع حصان!!!
لو بقره بصدق بس حصان لا لا لا

[عاهد بن علي]

زبد البحر

انه جاوبت وخلصت وانتي توج
( زبد البحر ) ؟

لا زبد مراعي
هههههههههههههههههههههههههههههههههههههههههه

[غايه الطواش]

ذكرني بدعايه در بول يعطي للحصان جوانح

[عاهد بن علي]

عسى ماشر يطلع حصان!!!
لو بقره بصدق بس حصان لا لا لا

وانتي دايمآ عندج اعتراضات ؟؟؟؟؟؟؟
والمشكله تستعملين حق الفيتو ضدي

ههههههههههههههههههههههههههه

[عاهد بن علي]

ذكرني بدعايه در بول يعطي للحصان جوانح

شلون ( در بول )
بديتي تخربطين
خلف الله علي

[عاهد بن علي]

حد عنده اي استفسار
لاني بابدا باللغز العاشر
وبنسكر على هذا اللغز خلاص

[إكليل الزهور]

يعطيك العافية

[intesar]

لا تعليق..
لغز للأذكياء فقط..

هههههههههه..
حلو الجواب ومقنع..

[غايه الطواش]

ههههههههههه رد بول

قلت لكم بنام

[غايه الطواش]

خلاص عطنا اسبوع راحه

[intesar]

غاية ريد بول.. بيعطي جوانيح..

[الخـود]

يعطيك العافية
وننتظر القادم

فاصل ونواصل