العيال يحنون يبة نبي نروح دبي ونشوف مدهش !!

[فريج النجادة]

وبعدين معاكم يا اهل السياحة الى متى هذا النوم العميق

يمكن الربع ما يدرون ان الفعاليات في دول مجلس التعاون

تعمل بجد واجتهاد وعمل مميز نهنيكم علية

ونعزي انفسنا الى المستوى الذي وصلنا لة

[(محمد)]

مشغولين بحفلات سوق واقف

[Rashid554]

احنا هالفتره مانقدر نسوي شي لان المجمعات سكروها حتى يتم مراجعه مواضيع الامن والسلامة
وانا أأيدهم ، مو مهم المهرجان الاهم ان نكون ضامنين سلامتنا وقت المهرجان

[السيف5]

من حقهم اليهال يصيحون ويصارخون لانه الدوحة صارت مملة مافي شي
وخصوصا بعد تسكير المجمعات .........!
وين مدير السياحة اللي طالع لنا تصريح في الجرائد بنسوي ونسوي وماشفنا
شي ..كل همه المعرض التجاري

[ابو تميم11]

الاهتمام بالسياحه عندنا كلش تعبان
مافي ابتكار مافي شي جديد مافي ابداع
كله متأخرين

[رُفق المجنّا]

الغريب انهم يسوون دعاية في دول الخليج للسياحة في قطر

!

[mariamaziz]

صج من كثر ما نروح نفس الأماكن أحس إن الناس حفظت شكلي ,,, مللل ما في مكان

[Bozizoo]

نيسيتوا في سيرك عندنا
يوم روحوا السيرك و اليوم الي عقبه روحوا السيرك
و يوم عندكم سيرك تقدرون تروحين السيرك
والي بعده سيرك وااااايد بيستانسون اليهال
كل يوم في مكان

[NINA RICCI]

اي والله مالومهم احنااا الكبار متمللين مافي مكان عدل كلللش

[الزعفراني]

لا نلوم القائمين على السياحة عندنا

لان ماعندنا بنية تحتية للسياحة

احتمال في المستقبل مع بطولة كأس العالم

اللي عندنا حاليا سياحة موجهه لفئة معينة

سياحة البطولات الرياضية والمؤتمرات الاقتصادية والسياسية

[قطرية مثقفة]

ملل من قلب أمس كان ودي أصيح :weeping: استغفر الله

[alsoq]

الدوله اهتمت بكل شي معاد السياحه

[حفيد الأنصار]

الله يعين

[بحرقطر]

عندنا اماكن وايد للسياحه والتمشي ( المول ، لاند مارك ، سوق الديره ، الرونق عند سوق الديره ، الشاهين في بن عمران ، اللولو ،.......) اتمنى كل واحد يحط لنا مطعم او مكان حلو حق التمشي واليهال عن تجربه

[بوهلال]

اي سياحه الله يهديك اذا مسؤول السياحه وروس الكبيره من بداية الصيف الى نهايته هم وعيالهم وخدمهم في ربوع اروبا شلون بحس فيك عنده براد وخضره وذا رجع في البراد تذكر السياحه في البلاد عاد خذ تصاريح في الجرايد بنسوي السنه الجايه وبنحط وبنعمل وذا جاه الصيف الجاي طق اروبا ونساك انت وانا وطوايفنا في الحر ههههههه حر ياحسين :nice:

[لمعة الالماس]

احنا الكبار متمللين ما نعرف وين نروح وشنو نسوي زهقنا :(

ما نقدر نروح الحدائق ولا وكتارا ولا اللؤلؤة حتى سوق واقف ما يصلح في الصيف

[رُفق المجنّا]

كل اللي نبيه سياحة لنا وللخليجيين تحترم العادات والتقاليد

- مدينة العاب تخصص بعض أيامها للنساء والعوائل
- قرية لدول العالم ( مثل كتارا ) تمثل ثقافات تلك الدول والأفضل ان يكون مكانها ع القناة المائية بالخليج الغربي
- منتجعات بحرية مثيلة باللي تنوي يسوونها في ليبيا وتكون مغلقة لكل شاليه


هيئة السياحة هي اللي في الواجهة ونعرف ان صلاحياتها محدودة ولكن ع المسؤول ان يطر جيبه قدام اللي اكبر منه

لو افترضنا ان القطريين يصرفون ع السياحة في الخارج مليار سنويا ( والرقم اكبر من كذا بكثير ) اعتقد ان 30 ٪ منها سيستفاد منها في الداخل بالاضافة الى القادمين من الخليج

[intesar]

الزحمة خانقتنا..

[الزعفراني]

ياجماعة الخير اذا نطالب الدولة تسوي مهرجان سياحي ترفيهي نفس دبي محتاجه الى بنية تحتية تستوعب هالمهرجان .. يعني مهرجان دبي للتسوق يزورونه حول 3 مليون زائر في فترة شهر فقط !!!!

بالله 3 مليون وين نستوعبهم في قطر يبيلهم فنادق مجمعات تجارية يبيلهم مطارات مثل الناس وشبكة مواصلات وأماكن متخصصة للفعاليات .. .. إلخ

هالأمور كلها ان شاء الله في المستقبل ..

ولو تلاحظون حاليا في فترة انتقالية عندنا .. المجمعات التجارية تحت الانشاء في تزايد .. والمطار الجديد .. وتطوير الميناء ... إلخ

يعني إن شاء الله في المستقبل - مب الحين - راح تكون هناك بنية تحتية يعتمد عليها للسياحه .

[شموخ]

في سياحةبس حق الاجانب اما عيال البلدىفخلهم يولون هذا اللي يبونه اهل السياحةلكم الله ياعيالنا

[qatari 111]

سوو مهرجان في بيوتكم .. جمعوا اليهال وسولهم مسابقه والعاب وغيرها .

[بصمة قطرية]

صج ملل
و العيال زهقونا يبون يطلعون
وين نروح ..؟
رحنا السينما
و رحنا جنغل زون
:(

[(بوطلال)]

ودبي وشفيها زود عن الي عندنا ؟

[QtrGate]

وين الكرنفالات الي كانت
ماكانوا يحتاجون حق المجمعات

كلها ارض خاليه ويجيبون الالعاب والمحلات التراثية وكم حصان بوني
ويحطون مسرح حق السرك و المسرحيات الشبابية
ونادي الجسره او فؤقة تعرض بعض الفنون

وبيصير احلى مهرجان

[تحداني]

كلام اخونا الزعفراني صحيح
صعب اتقوم سياحه في الوقت الحالي لا بنيه تحتيه تتحمل ولا ابنيه ولا عندنا اي نوع من الاستعدادات


ما عندنا مشكله ملل اليهال والاكبار
كل يوم يتجمعون في بيت وكل واحد يبات بيت الثاني
الله يحفظهم يارب


جملكم الله برضاه

[رُفق المجنّا]

ودبي وشفيها زود عن الي عندنا ؟

لا ابد ما فيه فرق ولكن الحظ معهم

يا سبحان الله !!

[بصمة قطرية]

كلام اخونا الزعفراني صحيح
صعب اتقوم سياحه في الوقت الحالي لا بنيه تحتيه تتحمل ولا ابنيه ولا عندنا اي نوع من الاستعدادات


ما عندنا مشكله ملل اليهال والاكبار
كل يوم يتجمعون في بيت وكل واحد يبات بيت الثاني
الله يحفظهم يارب


جملكم الله برضاه




نبي سياحة داخلية .. :(
صيف و ما في اي مكان الواحد يقدر يروحه ..!!
اجتمعنا و غيرنا جو و رحنا الشاليه و رجعنا للملل ..:weeping:

[تحداني]

نبي سياحة داخلية .. :(
صيف و ما في اي مكان الواحد يقدر يروحه ..!!
اجتمعنا و غيرنا جو و رحنا الشاليه و رجعنا للملل ..:weeping:




حبيبتي بصمه
شوفي احنه الاكبار ان قلنا ملل الاعيال بيقولون ملل
والله تبين الحقيقه في البيت ما عندنا اعيال اصغار
بس اعيال الاهل كل يوم في مكان متجمعين
واوقات انجمعهم عندنا في البيت يسون لنا جو
احيانا ناخذهم مطعم في العاب يتونسون
يوم يسون حفله في بيت وحده من الاهل يرسمون على الويه
يوم يجيبون نطاطيه
يوم يجيبون ملعب صابوني
يوم يسون حفله باربكيو


يوم يتسبحون في بركه وحده ثانيه
وهذا اهما
والامهات تلقينهم قاعدين في الصاله يسولفون
والله اليهال يدورون يهال وان طلعتيهم ملوا



ما ادري انا اشوفهم جذي



والسياحه الداخليه اشلون تبينها
حاليا قطر صعيه اتصير فيها سياحه لان لا منتجعات ممكن اتصير الا بعد فتره
والمجمعات موجوده بس هالفتره بندت
ومدينه العاب مائيه كاهي موجوده بس البعض من المجتمع ما متقبل فكره دخولها .. والسينمات ابوابها مفتوحه


دبي تفرق وايد عن قطر
مساحاتها شاسعه
اماراتها كبيره
سياسه البلد من البدايات سياحه


جملك الله برضاه

[ANONYMOUS]

من صجكم معطينهم ويه

اجلدوهم


قال ملل قال

[Locale]

بروحها الدوحه زحمه بعد تبون مهرجان
خلونا جذي احسن
اختي في دبي حاليا عيالها راحوا مشتطين والحين تمللوا يبون يرجعون
هذا هم اليهال يحنون عالشي وعقب مايعجبهم
احجزوا شاليه استراحه فندق كله حلو وتغيير واليهال يستانسون
واذا كلش حطوا نطاطيه فالحوش،،
اليهال يتونسون على اي شي

[فرهود]

اليهال مايعجبهم شي لو توديهم القمر بعد بيقولون ملل . احلى شي يحبونه جمعتهم مع بعض لو في الصحرا