صدق اولاتصدق

[البارع]

راح ادخل فالموضوع على طول

كنت مسافر الى احد دول شرق اسيا وكانت رحلتي على خطوط طيران الخليج لاني مقاطع الخطوط القطريه :) كانت رحلتي الدوحه البحرين تايلند .المهم اني في مطار البحرين رحت اشتري لي كتاب اتسلى فيه فالرحله في محل بيع الكتب قابلت شخص كبير بالعمر نسبيا ودار بيني وبينه حديث .مثل من وين ووين مسافر والذي منه الى ان تطرقنا الى الاسعار سئلني شخبار رامز عندكم قلت بعفويه كان رخيص بس الحين غالي قالى انا مدير مجلس اداره رامز (رامز العواضي )قلت حياك عيل بسئلك ليش رفعتو الاسعار قال والله مجبرين على رفع الاسعار قلت ليش قال وزارة الاقتصاد عندكم اهي الي تجبرنا على رفع الاسعار ممنوع تبيع اقل من السوق لازم تماشي السوق قلت معقوله قال والله العظيم هذا الي صاير ولا حنا نبي نبيع بهامش ربح بسيط جدا بس ممنوع .هنا ردت بي الذاكره الى يوم فتحت عندنا مكتبة جرير حيث كان يعطون كرت خصم ومنعته على ماعتقد غرفة التجاره عندنا .سؤالي لمن عنده خلفيه عن هذا الشي ليش وزارة الاقتصاد ولاغرفة التجارة تجبر التاجر على رفع السعر؟؟؟؟؟؟؟؟؟؟؟؟؟

[intesar]

معقولة.. حاميها حراميها..

آسفة على اللفظ الكبير.. وزارة وضد المواطن..

[nasser003]

صراحة اشوف رامز اصبح مثل غيرة من المحلات ونا اقول ليش ؟؟؟؟ عموما مش غريبببببه ..

[المشتاقه الى الجنه]

لا حول ولا قوة الا بالله

[حراير قطر]

ما يندرى عنهم

بس لو صج هالكلام جان الرونق بعد رفع سعره :)

[intesar]

وين حماية المستهلك عن الوزارة..

[عاهد بن علي]

الله يصلح الحال

[GENIUS]

سالفة مكتبة جرير صحيحة مثل ما تفضلت. كان عندي كرت خاص للخصومات وتم إلغائه للسبب المذكور.

[Rashid554]

وين حماية المستهلك عن الوزارة..

:eek5: إدارة تحاسب وزارة مايصير

[eXpert*]

سبحان الله

كل ما كتبت رد مادري شيصير في الصفحة ..

..

فالأفضل ألتزم الصمت

[(محمد)]

احد الاصدقاء قال لي انه من زمان فتح تجارة منوعة مثل رامز

والاسعار كان يربح فيها بالنص ريال والريال للقطعة


يقول بعد مدة صار معروف وصار عليه طلب


يقول كان يجيني تجار في المحل يدعون علي لاني ضربت سوقهم


يقول بعد فترة جاوا عمال من البلدية وحفروا قدام المحل ومن كل المداخل لدرجة ان الزباين ماقدروا يدخلون ...


وراح يسأل المسؤولين عن هالحفريات يقولون اشغال وكهربا وماي ومن هالكلام ...


والعمال بس حفروا وماكملوا شغل


وتموا شهور ... حفر قدام المحل.. بدون لا يسكرون الحفريات ...لين خسرت تجارته وسكر




فعادي تسمع خبر نفس اللي فوق ... التجار اذا بغوا يخربون على احد بيخربون


والظاهر فيه حد مستقصد رامز


والله اعلم

[الزعفراني]

الموضوع خطير لو صحيح ، نتمنى حد من رؤساء التحرير عندنا يتبنى هالموضوع ، يعني يحمل حقيبته وجهاز التسجيل ويواجه اي مسؤول بهالكلام .

[البارع]

اشكر كل من مر على موضوعي شكرا جزيلا.. ونتي اختي الكريمه حراير قطر

(والله العظيم وف راس عيالي ان الي قلته هو الي صار لا وازيدج من الشعر بيت كان فيه تاجر قطع غيار سيارات قطري موجود معانا فالحديث اكد كلام الاخ رامز ) دمتي بود اختي الغاليه

[لاجل QT]

زاد اشوف نتكلم ونشتكى عن الغلا..ومحد يرد

[المسك1969]

والله شر البلية ما يضحك

أهكذا يا وزارة الاقتصاد والتجارة؟؟ ولمصلحة من؟؟؟ ياليت أحد يجاوبنا أو صاحب الموضوع حفظه الله ينقله لوطني الحبيب صباح الخير حتى تأتينا الوزارة بالجواب الصحيح

جزاكم الله خيرا

[qatari 111]

سبحان الله

كل ما كتبت رد مادري شيصير في الصفحة ..

..

فالأفضل ألتزم الصمت

لان الله يحبك ..

يمكن لاسباب مصلحة الاقتصاد احنا مانعرف عنها وتصب في مصلحتنا

[nasser003]

ما يندرى عنهم

بس لو صج هالكلام جان الرونق بعد رفع سعره :)


ومن اللي قالك ان الرونق ما رفع سعره ؟؟؟؟؟ خبرك عتييييييييج

[شموخ]

حتى الرونق رافع الأسعار بس رامز ماتوقعت انه بيرفع الاسعارلان في السعودية والبحرين الاسعار مخفضة لكن شنقول غيرحسبي الله ونعم الوكيل على الظالم

[بن غيث]

رجال اعمال + سلطة ونفوذ = دمار وخراب للوطن

[للرجوله ملامح]

من فترة كنت اسولف مع صاحب محلات الرونق وقال لي نفس الجمله : لازم نبيع باسعار السوق
هالسالفه من سنتين او اكثر
ولين اليوم مستغرب من الفكرة ومن المستفيد
ولازم نعرف من ورا هالقانون ويتم تغيره

[بصمة قطرية]

اذكر مرة سالت محل من اشهر محللت ملابس الاطفال
ماركة عالمية مشهورة
عن الخصومات..!!!
في السعودية مثلاً الخصومات توصل لحد 70٪
و فوقها خصومات اضافية
و في قطر ما توصل 50٪
30٪ و يعتبر وايد ..
قالت لي الموظفة انهم مانعينهم يسوون خصومات كبيرة
و محددين لهم نسبة معينة ...!!!!

[basma222]

لا حول ولا قوة الا بالله

[intesar]

اشكر كل من مر على موضوعي شكرا جزيلا.. ونتي اختي الكريمه حراير قطر

(والله العظيم وف راس عيالي ان الي قلته هو الي صار لا وازيدج من الشعر بيت كان فيه تاجر قطع غيار سيارات قطري موجود معانا فالحديث اكد كلام الاخ رامز ) دمتي بود اختي الغاليه

ما يجوز الحلف بارس عيالك..:nice:

[الدوحه1]

ماعتقد ان هالكلام صحيح!!!
التجار يدورون الاعذار عشان يرفعون الاسعار..
انا عندي محل والاسعار عندي ارخص من الانترنت .. بالاضافه الى اني اضمن للزبون في حالة الحصول سعر ارخص من سعري فاني اقوم ببيعه بنفس سعر الانترنت!! ماشوف حد كلمني او طلب مني رفع الاسعار؟؟؟

[بـارود]

ماعتقد ان هالكلام صحيح!!!
التجار يدورون الاعذار عشان يرفعون الاسعار..
انا عندي محل والاسعار عندي ارخص من الانترنت .. بالاضافه الى اني اضمن للزبون في حالة الحصول سعر ارخص من سعري فاني اقوم ببيعه بنفس سعر الانترنت!! ماشوف حد كلمني او طلب مني رفع الاسعار؟؟؟

ممكن لأن محلك ماله شهره بين الناس

[البارع]

وياك ا المسك/ ////
صح كلامك مايجوز احلف براس عيالي

ونت يابو محل ومرخص سعرك ومحد كلمك

ماجا اعلا ه حقيقه ؟؟

[mariamaziz]

ما يندرى عنهم

بس لو صج هالكلام جان الرونق بعد رفع سعره :)

و من قالج اختي ان الرونق ما رفع سعره

شي غريب صراحة ..

[الخزرجي قطر]

الصمت ابلغ من الرد اذا كان صحيح

[sahrleel]

الموضوع خطير جدا ولا يجوز باي شكل من الاشكال
ولازم يكون في رد من طرف وزارة الاقتصاد والتجارة
والادارة الي يضحكون علينا فيها المفروض يسموها حماية الهماوير وليس حماية المستهلك

[ريم 28]

الموضوع هذا ما ينسكت عنه ابدا ابدا


نحن مواطنين ومستهلكين لماذا يجبرون التجار علئ رفع السعر ولمصلحة من

ومصلحتنا من يفكر فيها


انشروا الموضوع

عندكم تويتر

وغيره


لا تسكتون


لابد ان نتاكد من هذا الكلام


كثر الدق ًًمفيد في هالحاله

[بنت المطر]

درسنا في مقررات الاقتصاد في الجامعة مثل هالنوع

يعني السعر المتعارف عليه هالشكل ف تحصل محل اسعاره اقل بس بشكل معقول عشان مايخرب عالتجار والمحلات الباقي ومايصير كساد في السوق

ف لما تطلب الوزارة رفع السعر بيرفع بس حتى لو رفع راح يكون باقل من بضاعة المتاجر الثانية فرق ريالين وخمس ريال هالشكل

والوزارة تسوي كل شي فيه مصلحة الدولة

+ دراسة للمواطن وراتبة ف كل شي نسبة وتناسب

[alfaisaly]

كيف تبون يحاسبونهم وهم التجار اصلا ,,,,وهم اللي في يدهم اي تاجر يطلع على الساحه يبدون

بتدميرة اهم شي تفضى الساحه لهم

ولكن في النهايه الله المستعان لاحياة لمن تنادي واحسن واظمن تجارة هي الاخرة

[Al-Kuwari]

عندما يكون التاجر هو نفسه المسؤول يضيع حق المواطن !

[بـو خـالد]

درسنا في مقررات الاقتصاد في الجامعة مثل هالنوع

يعني السعر المتعارف عليه هالشكل ف تحصل محل اسعاره اقل بس بشكل معقول عشان مايخرب عالتجار والمحلات الباقي ومايصير كساد في السوق

ف لما تطلب الوزارة رفع السعر بيرفع بس حتى لو رفع راح يكون باقل من بضاعة المتاجر الثانية فرق ريالين وخمس ريال هالشكل

والوزارة تسوي كل شي فيه مصلحة الدولة

+ دراسة للمواطن وراتبة ف كل شي نسبة وتناسب


كلام سليم

يمكن بالمنطق الواحد يقول شلون نزول الاسعار وعمل التخفيضات يضرني

لكن الحقيقيه ان على المدى المتوسط ستتضرر الشركات والاقتصاد والخاسر الاكبر المواطن

ارتفاع الاسعار يضر وتخفيضها يضر

هي عملية نسبه وتناسب والوزاره تراقب اسعار السوق وتديريها بالشكل المطلوب

الموضوع اعقد من ان نشرحه في كم سطر


فعلا ادرس الاقتصاد تفهم العالم

[البيرق]

اود ان انبه اولا ان رامز مصرف لمنتجات لم ينجح بعض التجار ببيعها لاسباب كثيرة

وان الحكومة لها بعد نظر في هذا الموضوع
ومن اهم الاسباب لهذا التوجه محافظة الدولة على التاجر المحلي وعدم خسارتة امام التاجر الاجنبي
وكذلك اغراق الاسواق الخارجية تتم به مصلحة بعض الدول للمدى الطويل وتظهر اثاره مستقبلا كما حصل في دول اوروبية امام المنتجات الخارجية وانتهاء تصنيع بعض المنتجات المحلية (للدول المصنعة) امام غزو المنتج الخارجي واقواها المنتجات الصينية التي سيطرت بعدما حطمت المنتجات الصناعية في دول الغرب حتى ان كثير من الدول رضخت امام هذا الغزو الماكر ومنها من نقل مصانعة الى الصين خوفا من خروجة من السوق بالمنافسة غير المتكافئة
هذا فضلا عن المنتجات التي يظهرها بعض التجار معيبة في الاساس بسبب منشأها ورفض التجارالموردة لها ببيعها بسبب ردائتها مما يتقبلها بعض شركات التصريف كرامز ولايضمنها ولاتكون مقبوله في الاساس مما ينعكس على سمعة السوق بعدم تقبل المشتري لها

[البارع]

اشوف بعض من الاعضا الكرام هداهم الله يبرر هالشي باي وسيله يااخوان

الامر هذا لازم يكون له حل جذري (ليش وزارة الاقتصاد لما نسئلها ليش التاجر الفلاني رافع سعر بعض السلع يجي الرد منهم بان السوق مفتوح وكلا حر في تجارته .ولما يجي تاجر يبي يرخص في السلع الي يبيعها تقولون له لا عليك البيع بسعر السوق المرتفع ولا يحق لك ان ترخص في الاسعار عشان ماتضر بالسوق او مدري شنو ) عجبي ؟؟؟؟؟؟؟
على كل حال الامر هذا راح يشوف النور ان شاء الله قريب وقريب جدا بحول الله وقدرته .

[khalid525]

ما اصدق

[البارع]

ما اصدق

شلي مب مصدقه طال عمرك الشيخ

[الصغيره]

لا لا تقوووووول

ما اصدق اكيد الرجل يمكن اقول خرف

معقول نشتكي لهم وهم اللي يرفعون الاسعار


لا ما اصدق ان صدقت بموت قهر

[fadthebad]

الي يقول رفع الاسعار من مصلحة الدوله وعشان ما يصير كساد خل التاجر الطماع يرخص اسعاره الناس بتشتري من عنده ولا بيصير كساد
ولا لازم ناخذ الموضوع نفس اذن جحا؟؟

[شمس]

رجال اعمال + سلطة ونفوذ +عبودية المال= دمار وخراب للوطن

:discuss:
لا حول ولا قوة الا بالله