لماذا اهل قطر بعضهم محروم من الوظيفة

[alsoq]

السلام عليكم
انا بتكلم عن شي انتوا بعد شفتوه ليس حسد وانما عيالنا اولى بالوظايف من غيرهم
عيالنا خلصوا الثانويه بعضهم نسبته فوق 90
عني انا لما شفت الوظايف المعروضه بالجرايد يشترط التوفل لماذا هل هو طريقه للتعجيز ام ماذا
لماذا لا يطلب التوفل على باقي الجاليات اللي زوجنه تشتغل ولده يشتغل وهو يشتغل وجايب ولد عمه ولد خاله
والقطري بالسنين قاعد في البيت بدون وظيفه
الكل يعرف ايش اللي صار للمدرسين القطرين يوم جابو مدرسين وايدارين من دوله خليجيه وحطوهم محلهم
حتى العسكريه قدمت لولدي عليها علما ان طوله ممتاز وزنه ممتاز جايب فوق 90 لم يصلني رد
لماذا لا يتم توظيف عيالنا وبعد التوظيف يتم تطويرهم وانتو عارفين اختبارات التوفل وعارفين مستوى طلاب قطر في للغه الانجليزيه انه ضعيف والفضل يرجع للمجلس الاعلى

اتمنى ان القطري يتوظف

وان يكون فيه مراقبه على كل الوزارات التي لا توظف الا الاهل والجمعاه حتى الاجانب يسون مثلهم اهلهم وجماعتهم

والقطري اللي ما عنده واسطه يبلط البحر

[sho_sha]

الواحد من القهر مب عارف شيقووووول , احنا الاجانب عندنا قامو يشغلون اهلهم ونسوانهم وكل فريجهم ايبوونهم قطر ويوظفونهم عادي والقطري تتصكر في ويه البيبان .

[qatari 111]

الصبر ثم الصبر والدعاء لرب العالمين .. والارزاق بايد الله سبحانه وتعالى .. وان شاءالله راح يحصل ولدج الشغل اللي يرضيه ويسعدكم .. لا تستعجلين ..

ونصيحه دامه ماشاءالله جايب النسبه 90% خليه يدرس على حساب الدوله برع وياخذ الباكلريوس احسن له من يكون صغار الموظفين

[ابوالعبد]

السبب واضح

اول شي دام نسبته 90% يدخل جامعه يكمل اما بسبب ليش بعض القطرين مب محصل وظيفه السبب

كل مكان من ماسكه؟ رئيس توظيف؟؟؟ يا انه من جنسيه عربيه او انه من جنسيه هنديه او غيرهم

فيوظف ربعه هذا هو السبب واغلب الاماكن hr من ماسكها كله الاجانب

عالعموم بتوفيق للجميع

[تحداني]

شهاده الثانويه العامه القطريه في الاساس مافيها نسبه ثانويه
وسياسه دوله قطر ان لا تكون هناك نسبه لان الكل عارف
قبول الطالب في الجامعات وفي الابتعاث عن طريق اي جهه يكون على حسب القبول الجامعي
والقبول الجامعي يحتاج توفل وايلز واختبارات عالميه



مثال :
وزاره الخارجيه كان من ضمن شروطها نسبه ثانويه
وبعدها ألغوا هالشي لانهم اعرفوا ان المستقلات مافيها نسبه
وهالمعلومه لازم كل الجهات يعرفونها

جملكم الله برضاه

[mariamaziz]

عليج بالدعاء و الاستغفار و خلج على يقين انتي وكل اللي حالتهم مثل حالة ولدج إن رزقهم موجود محفوظ فالسماء محد يقدر ياخذه ...

الرزق عند الله و يرزق من يشاء بس عليكم بالصبر و محد بياخذ رزق ولدج يالغالية ..

ابشري فالبشرى عند الله و الخير كله من الله وحده و ليس من العبيد

الله يوفقه يارب

[فرهود]

خله يكمل الجامعه .حرام العالم يتطور واحنا نرجع ورا

[شيزكيك]

شهاده الثانويه العامه القطريه في الاساس مافيها نسبه ثانويه
وسياسه دوله قطر ان لا تكون هناك نسبه لان الكل عارف
قبول الطالب في الجامعات وفي الابتعاث عن طريق اي جهه يكون على حسب القبول الجامعي
والقبول الجامعي يحتاج توفل وايلز واختبارات عالميه



مثال :
وزاره الخارجيه كان من ضمن شروطها نسبه ثانويه
وبعدها ألغوا هالشي لانهم اعرفوا ان المستقلات مافيها نسبه
وهالمعلومه لازم كل الجهات يعرفونها

جملكم الله برضاه

ممكن توضحين اكثر بخصوص النسبه لان الجامعه مشترطه النسب للقبول فيها

[ANONYMOUS]

شلون وظيفه يشترطون توفل مايصيير

تقصد دراسه أظن

[ابوالكلام]

هذه هي العولمة العالم اصبح قرية والعمال يتنقلون من مكان الى مكان والشركة او القطاع يختار الأنسب له

[خليفـة]

هذي المشكلة ليست منتشرة في قطر بنسبة كبيرة ولله الحمد
بعض الدول المجاورة تعاني من هالمشكلة بصورة مخيفة .. وواضحه
اعتقد ان احنا لا زلنا بخير لله الحمد
ومع ذلك المفروض المواطن يلقى وظيفة محترمة ومناسبة بمجرد ان ينهي دراسته

دام عزج يا قطر
:)

خليفــة

[alsoq]

الولد يبي كليه الترشيح وما ابي اوقف في دربه
هو خاطره يترشح انا بشوف الى بعد رمضان اذا ما فيه نصيب في ترشيح طرشته يدري للغه وتوفل اي شي يطلبونه هنا علشان اسكر الاعذار عليهم

[QtrGate]

الولد يبي كليه الترشيح وما ابي اوقف في دربه
هو خاطره يترشح انا بشوف الى بعد رمضان اذا ما فيه نصيب في ترشيح طرشته يدري للغه وتوفل اي شي يطلبونه هنا علشان اسكر الاعذار عليهم

الترشيحة يبيلها فيتامين واو :secret:

انا وثلاثه من ربعي قدمنا على الترشيحة وخلصنا كل الاختبارات لياقة وفحص طبي وانجليزي والمقابله
لاكن رفضونا:eek5:

وواحد كان معانا في الثانوية شفناه في الفحص الطبي ويمشي وصوبة واسطته
وسبحان الله كان امتن منا كلنا
لاكن هو الي قبلوه :victory:

الله يهنيه ان شاء الله

لاكن الترشيحه صعبة
حياه البترول يقبلون الكل:nice:

[بصمة قطرية]

الله يوفقه
و يوفق الجميع يارب ..