المساعد الشخصي الرقمي

مشاهدة النسخة كاملة : البياكم الامريكية هل يفرق في التطعيس بين 1500 و 2500


fantasy
07-07-2012, 07:46 PM
السلام عليكم
البياكم الامريكية سواء الدوج الرام او الجمس سييرا او حتى السلفرادو و الفورد الخ...
هل بالنسبة للرملة و التطعيس موديلات 1500 اخف و اسهل عن موديلات 2500؟؟؟
هل تفرق غمارة عن غمارتين ايضا؟

سمعت ان 2500 مش رييف نفس 1500 و يكون وعر و مايشفع له قوة الاحصنه حيث موديلات 2500 الاحصنة اكثر من موديلات 1500 مثل مانتوا عارفين فمادري هل هذا يشفع للمواتر بو2500 ياليت اصحاب المواتر يفيدونا و لكم الشكر
صقر الجزيرة
07-07-2012, 11:06 PM
مرحباً

بالنسبة ١٥٠٠ استعمال وخطوط وفي الرمل أحسن من ٢٥٠٠
لان ٢٥٠٠ مخصص حق سحب وحمولة مع ان المحرك ٦.٠ بس وعر
هذا للتوضيح

ويمكن الاخوان يفيدونك اكثر مني



تحياتي
الماضــــي
08-07-2012, 12:21 AM
انا استعملت ١٥٠٠ و٢٥٠٠ صح ان ١٥٠٠ قوي بلرملة بس اذا غرس دور الي ايطلعة و٢٥٠٠ ماشاء الله علية انا امجربة وساحب موترين جي اكس واف جي مع بعض وطلعتهم وانصحك اذا تبي مال رملة عليك ٢٥٠٠
fantasy
08-07-2012, 01:02 AM
اشكركم على الردود واخوي الماضي حلو انك مجرب بس هل بالفعل وعر ال2500 و تحسه ثقيل في القومه ولا طبيعي كأنه فورويل نفس الكروزر
الماضــــي
08-07-2012, 01:20 AM
اي نعم فرق وعر بس مش واجد خصوصا اذا علية بوالين اتخف الوعورة اما بلقومة صح ان ١٥٠٠ اخف بس ٢٥٠٠ بعد قوي بلقومة وشكرا
fantasy
08-07-2012, 01:39 AM
اشكرك ياخوي ماقصرت والله بس ولا تهون اللي عندك سييرا ولا علشان نتأكد من تجربك يالغالي
و هل عندك خلفيه عن الدودج رام 1500 اشوف الناس تذم في وكالتهم بس ماشوف له شهره وانتشار اش رايك فيه؟
الماضــــي
08-07-2012, 08:16 AM
والله ياخوي ماعندي خلفية عن الدوج الي عندي جمس ونفس الي بلتوقيع
بويعقوب
08-07-2012, 08:51 AM
2500 موتر ماعليه غباااار من واقع تجربه

واذا تبغيه يصير ريف شل آخر ريشه مالت الحموله وبيصير اريف من الجي :)

والله يوفقك
asasasss
08-07-2012, 09:42 AM
ياخي انا كانو عندي 1500 و 2500

ال 1500 استعمال مدينه و رحلات و ريف في البر و كسراته صغيره ولكن ال2500 كانك اتسوق شاحنه كسراته كبيره و وعر لانه مصمم للحمولات و القلص و ارتفاعه عالي بالنسبه لسيارات الفورويل بس الموترين مريحين من الداخل

بس انصحك في ال 1500 مع اني حاليا استعمل ال 2500

لكن لا تقارن الرابتر بهم سواء في السعر او الاداء لانه هذاك مصمم للراليات

الدودج ماله شعبيه و بيعته ثقيله بالاضافه الى الصيانه و قطع الغيار تعبانه في قطر

لكن تقدر اتشوف التندرا يمكن يعجبك بس بعد غالي بالنسبه للامريكي

والله يوفقك
Rayane
09-07-2012, 01:59 AM
الــ 1500 افضل من جميع النواحي...

نصيحه لا تاخذ الــ 2500 الا اذا انت راعي حموله ....

الـ 2500 عيبه شاصيه نازل واجد من تحت الغماره بالضبط... يعني اقل تغريزه خلاص... تعلقت... طبعا بالبوالين يرتفع الموتر شوي....

عن تجربه ياخوي... خذ الــ 1500 واشرد عن الـ 2500...

موتر ملغ ولفته صعبه ووعر لحد ما تصوره وثقيل... وما ينساق في الدوحه.

الـ 1500 بالنسبه للـ 2500 تقول كابرس في البر هههههههههههههـــ

لكن خذ عززززززززم الــ 2500 ... مكينه صححح...
fantasy
10-07-2012, 12:58 AM
الصراحه والله ماصرتوا معلومات قيمة بس شوي اتخربط لاني مش راعي قلص نهائي كلش كلش لكن الاشكاليه ابي موديل 2500 لان مكينته قوية حول ال400 حصان و هذا اللي مشجعني لكن موديلات ال1500 كم اقوى مكينه فيه بالاحصنه اظنها ماتتعدى 350 ولا؟
ياليت هاي تفيدوني فيه وشاكر لكم الصراحه الله يحفظكم
qatar005
10-07-2012, 10:31 AM
اخوي اذا الموتر شد وكاله ماراح تحس ب 400 حصان لان الموتر مقفول ويمكن ال 1500 يكون اخف واريف واسرع

واذا انت مصمم على 2500 خذلك باب وربع

وعن القلص ماعندك مشاكل في الموترين

وانا مع الشباب 1500 احسن للدوحه
Bin.Qatar
10-07-2012, 08:44 PM
طيب واللي عنده كبينه ٣ في ٩ تنصحونه بالـ ١٥٠٠ غمارتين ولا الـ ٢٥٠٠ غمارتين ؟

طبعاً ابي موتر في قوه يسحب كبينه بهل حجم ومايطبن اذا دخل بالرمله ..
Rayane
10-07-2012, 11:55 PM
الــ 2500 يقفل على 170 *_* واذا برمجته وفتحت القفله راح الضمان عليك... والـ 1500 على 190 او 195...

واخوي بن قطر... ما عندك مشكله في الكبينه... حتى الشاص والجي اكس بيسحبها فما بالك بثمانيه سلندر... الله الله في وزن هوا الموتر والحجره... وفالك التوفيق
fantasy
11-07-2012, 12:22 PM
مشكورين ماقصرتوا الله يعطيكم العافيه
ajabor
11-07-2012, 01:14 PM
انصحك اخوي 1500 احسن فى استعمال الشارع والرمل والخطوط الاختيار عندك
بطران متملل
12-07-2012, 07:42 AM
مع احترامي لاراء الشباب اذا انت تقول حق سحب لاتاخذ غير ال2500 سحب وحموله مكينة 6.0 فورتيك مصمم حق هذي الشغل اما ال1500 مكينة 5.3 وقيره اضعف ودفرنشه اصغر واذا على الاسواقه عاديه عيل اذا سقت الدبل تاير شبتقول واذا وعر تقدر تقلل عدد الريش وتقدر تركب جامبينات غاز يصير اريف من الكابرس والعداد تقدر تفتحه وترجعه وكاله ولايطيح الضمان