مستشفى دخان

[ذيب ازغوى]

السلام عليكم ورحمة الله وبركاته

اشلونكم يالربع ان شاء الله بخير

طبعا عندي استفسار عن مستشفى دخان ويقولون انها احسن مستشفى في قطر كلها لانه دكاترته من افضل الدكاتره وهذا اللي سمعته من الاخوان والشباب

بس عندي سؤال هل يوجد لهم قسم الاعصاب والمخ وكيف علاجهم زين

لان عندنا حاله تحتاج لعلاج طبيعي لولد عمره 4 سنين انولد من غير مخيخ ايسر وقد فتحت موضوع

ولاكن اغلب الدكاتره يقولون علاجه طبيعي ومع الايام ان اشاء الله يتشافى وان المخيخ الايمن راح يسد المخيخ الايسر

وانا حبيت اعرف احسن مستشفى طبيعي في قطر للاعصااب

[الخزرجي قطر]

الله يشفيه ويعافيه ان شاءالله
الأعضاء في المنتى بيفيدونك

[البدوي]

ممممممم ما اعتقد ومن قالك احسن مستشفي .... مواعيدة اخس من مواعيد حمد

[OM_OMAR_QATAR]

اسأل الله العظيم رب العرش العظيم ان يشفيه

[لقمان]

عسى الله يشفى فى اسرع وقت وانشا الله ما راح تحتاج حق اى علاج

[بوحمد111]

شافاه الله وعافاه
واسأل الله العظيم رب العرش العظيم ان يشفيه

[بنت العلي]

هلا اخوي انا ختي تتعالج هناك ( علاج طبيعي ) عندها مشكله ف اعصاب اليد ومااشوفها قالت شي والموظفين اللي هناك كلهم من كوبا..

بتاكد اكثر وبسال وبعطيك الخبر اذا عندك اي استفسار ....

[تحداني]

في دكتور جزائري " للاعصاب " في مستشفى حمد له باع طويل من الخبره
ويعالج الكثير من الشخصيات الهامه في البلد .. للاسف ما اتذكر اسمه
بس ضروري ادور على اسمه لانه ممتاز بشهاده الي تعالجوا عنده


ما اتشوفون شر يارب

جملك الله برضاه

[حفيد الأنصار]

الله يشفيه ويعافيه ان شاءالله

[هارودز]

الله يشفيه انشاءالله

[السندان]

اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه
اسأل الله العظيم رب العرش العظيم ان يشفيه

يفيدونك الاعضاء ان شاء الله

[قطر70]

الله يشفيه ويعافيه يارب

[ذيب ازغوى]

لاهانو اللي مروا ودعو للمريض ويبعد الشر عنهم

وفي انتظار الجواب وهل المستشفى كوبي زين او لا

[HADi]

مستشفى دخان او بالأصح الكوبي

استبشرنا خير لما سمعنا انه بيفتح وقلنا افتكينا من مواعيد الدوحه

لكن الواقع كان مخيب للامال وخاصه من ناحية المواعيد الي عادي الواحد رغم انه واصل قبل موعده بربع ساعه او اكثر ويتم ينطر فوق الساعه . والي يقهر ان مافي ضغط على المستشفى

بل تسيب واضح . وتأخير غير مبرر . أنا اول مره اشوف دكتور ياخذ بريك في وقت موعد مريض. يعني واحد يجي في موعده يقلون له الدكتور بريك لا ويطلع من كثر مانطر وهو ما شاف الدكتور .

[ANONYMOUS]

مستشفى دخان او بالأصح الكوبي

استبشرنا خير لما سمعنا انه بيفتح وقلنا افتكينا من مواعيد الدوحه

لكن الواقع كان مخيب للامال وخاصه من ناحية المواعيد الي عادي الواحد رغم انه واصل قبل موعده بربع ساعه او اكثر ويتم ينطر فوق الساعه . والي يقهر ان مافي ضغط على المستشفى

بل تسيب واضح . وتأخير غير مبرر . أنا اول مره اشوف دكتور ياخذ بريك في وقت موعد مريض. يعني واحد يجي في موعده يقلون له الدكتور بريك لا ويطلع من كثر مانطر وهو ما شاف الدكتور .




وهالمستشفى فيه مدير

فيه قسم علاقات عامه

فيه قسم شكاوي

فيه قسم جوده




ولا الموضوع سوق خضره وسمك

[HADi]

وهالمستشفى فيه مدير

فيه قسم علاقات عامه

فيه قسم شكاوي

فيه قسم جوده




ولا الموضوع سوق خضره وسمك


صادق ان فيه مثل ماقلت . المستشفى أنا ماحكمت عليه من اول مره، أنا زرته اكثر من مره ونفس التأخير يتكرر. وماغاب عن بالي اوصل صوتي للمسؤولين وفعلا أشتكيت. وبعدها الموعد الثاني خلصوني بسرعه بسبب شكوتي عليهم
ومن بعدها ماعاد طبيته كلش .


ولحد الحين اسمع من الي أعرفهم التذمر بسبب التأخير في المواعيد .

التأخير الواحد يتقبله لو يشوف زحمه لكن القهر اذا ماتشوف حد قدامك او بالكثير واحد وتتنقع كان 10 قدامك

[qatari4]

الله يشفيه

[qrt_trading]

في عندك اخوي اذا انت قادر مركز الحكيم في منطقة الخيسة وهو مركز قطري جيكي وكل اللي يشتغلون هناك من الجيك وعلاجهم أشوفه ممتاز تلفونهم ٤٤١٧٤٣٣٣ والجلسة ب٢٥٠ وبعد الخصم ممكن يصير ١٥٠ ريال، أنا بعد بنتي عندها ضمور في اجزاء من المخ ونتيجة هالضمور شد في اعصاب الجسم واوديها للعلاجالطبيعي هناك.

[حسن]

جربته مره مع ولد عمي كان تعبان بلاعيم وكحه الصراحه المبني ماعليه كلام
لكن الفحص بطيئ جدا وحتى صرف العلاج من الصيديليه تاخذ اكثر من عشرين دقيقه
مادري ليش لا وبفلووس
لو ام العيادي حيه كان ودينا ولدعمي لها وعالجته لاكن توفت الله يرحمها

[Dana’1]

الله يشفيه ويطمن قلوبكم علية آمين يارب العالمين

[qrt_trading]

جربته مره مع ولد عمي كان تعبان بلاعيم وكحه الصراحه المبني ماعليه كلام
لكن الفحص بطيئ جدا وحتى صرف العلاج من الصيديليه تاخذ اكثر من عشرين دقيقه
مادري ليش لا وبفلووس
لو ام العيادي حيه كان ودينا ولدعمي لها وعالجته لاكن توفت الله يرحمها



اخوي وش جربت قصدك مركز الحكيم؟

اذا هذا قصدك فانت غلطان اخوي لان هالمركز هو للعلاج الطبيعي بس وما يعالج لا كحة ولا زكام ولا احتقان وما عندهم صيدلية :eek5:

[علي رشيد]

.


علاج المخ و الأعصاب ماله إلا طبيب واحد استشاري في قطر ..
و هو الدكتور غانم السليطي ..


رقم سكرتيرته لأي استفسار 44392799


____________________________

الله يشافيـــه و يعافيه