هل تخطط لسفرك بالصيف؟

[MAZEN37]

ام الموضوع حسب التساهيل
ما المفروض بفكرة السفر بالصيف
التخطيط المسبق وترتيب الامور الماديه او مثل ما تجي تجي ما هو الافضل
ايش طريقة الاجانب للي عنده خبره
الاحظ الاجانب لما يكبروا بالسن يسافروا كثير

[الحاقول]

انت تريد وأنا اريد والله يفعل مايريد

معظم الاهل كان عندهم تخطيط مسبق للسفر

وحسبي الله على المجلس الاعلى للتعليم

خرب التخطيط وجداول السفر

وضرب الاجازه الصيفيه في الصميم

اشلون الواحد يخطط ومايدري اشلون المجلس يخطط عليه

[The Watcher]

أنا أخطط قبل السفر بسنة

اختار الوجهة وأخذ آراء العائلة وأبدا بالبحث .. من طيران وسكن وتأشيرة والأماكن السياحية

وقبل السفر بخمس شهور أبدأ بالحجوزات والترتيبات

والحمدلله لاحظت تغيير كبير لما أسافر وأنا مخطط للسفرة .. ما ألاقي اي مشاكل في الحجوزات والأسعار افضل

[elders]

في سفر برمضان متل الناس ؟؟

ان شا الله بشهر شباط

[تحداني]

ما عمري خططت لسفره ابدا .. اعيش على البركه .. ان جاتني سفره لبلده اقريبه اعتقد ما تحتاج تخطيط .. اما اذا كانت دوله اول مره اروح لها قبلها ابشهر اذا كنت عارفه على وين ..


اما عن الجانب المادي
اذا كانت الميزانيه ما تسمح ما افكر ولا اخطط اقعد مكاني
واحط اغراضي في الكبت .. الي بيسافر لازم يحط له ميزانيه حلوه
ويرفه عن نفسه اما اروح مكان واحاسب على الدولار اتصير العمليه متعبه

جملك الله برضاه

[intesar]

لازم تخطيط من الألف للياء.. والأماكن اللي بنروحها.. والميزانية..

[ذيب ازغوى]

انا ماقد سافرت برع الخليج والاردن وتركيا ومرتااح على ذي الدول وعارف لها زين

[ANONYMOUS]

أنا أخطط قبل السفر بسنة

اختار الوجهة وأخذ آراء العائلة وأبدا بالبحث .. من طيران وسكن وتأشيرة والأماكن السياحية

وقبل السفر بخمس شهور أبدأ بالحجوزات والترتيبات

والحمدلله لاحظت تغيير كبير لما أسافر وأنا مخطط للسفرة .. ما ألاقي اي مشاكل في الحجوزات والأسعار افضل



هذا المفروض يصير

اما اذا الميزانيه مفتوحه وقت ماتطق براسك أحجز

وهذي ماتنفع إلا مع الأمراء والملوك ومن هم في نفس ثرائهم

[غير عنهم]

انا كنت مخطط وحاط ميزانيه بس المجلس الاعلى نكب مخططي وآجل سفرتي وحول جزء من الميزانية للمدرسين الخاصين

[مدحوب_ قطر]

يا حلو السفر بتخطيط وبدون تخطيط
يعني متملل وتتصل على زوجتك تقول لها يالله نروح سبوع فينا الله ...بس سعات حتى لو عندك كل شي
يجون اليهال ويخربون عليك

[OM_OMAR_QATAR]

الآهم من التخطيط، الآطّلاع على المكان ثقافته تاريخه عاداته قبل ان تروح
وبعدها الحجوزات لازم تكون منظمة وكاملة
والباقي على البركة

[حفيد الأنصار]

انا خبط ولزق
والله قبل كم شهر طلعت اندونيسيا
داومت يوم السبت وجاني واحد من العيال وقالي ابغى اجازة بس مدري وين اروح قال يمكن اطلع جدة وقاله خويي اطلع اندونيسيا جدة خليها خميس وجمعه وانا كنت معهم وتحمست خخخ وقلتله يلا نروح اندونيسيا قال قدام وفي نفس اليوم رحت محلات الحجوزات لقيت حجز على القطرية وخبرت خويي بالموضوع ويوم الاحد حجزنا والخميس رحلتنا كانت قعدنا 11 يوم ورجعنا

[حفيد الأنصار]

اذا عوائل افضل التخطيط من بدري اما شباب مافيها خوف

[كلنا قطر 1981]

اخوي الكريم مازن

يعطيك الصحه و العافيه على الموضوع الطيب

بالنسبه لي في السفرات حق دول الخليج المستعجله ف انا ما اخطط و لا شي ابي شي او محتاج

شي او انه طقت في راس الشباب يكون التصرف على السريع ملابس مال يومين و الجواز

في الدرج اذا كان موجود و بترول فل و امسك الخط و على الله السلامه

اما اذا كانت برا الخليج و الي هي غالبا في السنه مره ف اخطط لها بفترة سنه تقريبا

اشيك في النت عن الفنادق و الاسعار و الاماكن السياحيه و طبيعة الشعب و اسلوب التعامل

وياهم و ديانتهم و اسعار التذاكر و افضل طيران و و اشوف من ربعي زار هالبلاد و اساله عنها

و عقبا ابتدي باستقطاع جزء من راتبي كل شهر لين موعد السفر و استخدمه بالسفره و طبعا

اختار من الربع الي اسافر وياهم و الحين صارلي 3 سنين ثابت على شباب فيهم الخير و صج

كفو بالسفر و ما عليهم قصور


اما بالنسبه حق الاجانب الشياب و كثرين السفر انا بقولك على حسب معرفتي بهم فهم عندهم

فكره انه يشتغل طول عمره و يجمع هو و زوجته لين يوصلون سن التقاعد و يسافرون

كل مكان و اذا ارتاحوا في بلد عادي يتمون فيها لمدة 6 شهور او سنه على حسب المزاج

لانه الدوله بتم تصرف له راتب التقاعد هو و زوجته و بيصرفون منه ضيف على هالشي

انه هم ما يهتمون بولد و لا بنت خلاص من طق ال 18 هو حر بنفسه و هو برا البيت

و في اجانب نفس الشعب الالماني على شفته بعيني و حتى تكلمت مع الكثير منهم

و كان لهم نفس التفكير الشعب الالماني يا سيدي العزيز هم اكثر شعب يسافر للسياحه

و هالشي لسبب انه الدوله تاخذ منهم كل سنه من الفلوس الي يجمعونها ضريبه تروح حق

اسرائيل علشان المحرقه الي سواها فيهم هتلر و سمعتها من اكثر من الماني انهم يفضلون

انهم يطلعون سياحه بهالفلوس علشان الدوله لا تاخذ الضريبه من فلوسهم الي جمعوها بتعبهم

و تدفعها ك تعويض حق اليهود هم ياخذونها و يصرفونها بالسياحه و يتمتعون فيها قبل لا

الدوله تاخذ الضريبه السنويه على الدخل و يطرشونها لاسرائيل ((هذي هي وجهة نظر الشعب

الالماني الي سمعتها منهم شخصيا ))

كل التوفيق لجميع المسلمين و لا ننسى انه لازم على كل واحد يسافر للخارج و خصوصا

الدول الغير اسلاميه انه يخلي في باله انه هو و تصرفه و افعاله و تعامله في الخارج مع البشر

هو سفير حق دينه و وطنه و اتمنى انه يكون خير سفير حق امته الاسلاميه


السموحه على الاطاله اخواني و اخواتي الاعضاء :shy:

و كل الشكر لك اخوي مازن على الطرح الطيب :victory:

[روح الاطلس]

التخطيط للسفر ضروري جداً لان بدون تخطيط بيكون فيه مضيعة للوقت ولا تعرف وين تروح، ما اسافر اي بلد بدون تخطيط واعرف كل صغيره وكبيرة واختار الافضل والانسب من ناحية موقع الفندق والخدمات وهدفي من الرحلة والاماكن اللي حاطتها بالقائمة ( مع اني ساعات انضرب واتوهق واكتشف ان المعلومات اللي جمعتها غلط ^_^ ) ، صار لي اكثر من سنه ماسافرت لاني مافضيت اخطط لسفرة :) .. والاحلى انا اخطط والمرافقين معاي على الجاهز ^_^


اما خبط لزق واروح على عماي لا ماحب جذي ابداً

[خليفـة]

كانت النية السفر لتركيا
ولكن بحكم ان الاوضاع هناك مو مستقرة .. تغير المخطط لأوروبا ان شاء الله

الميزانية طبعا بتكون مفتوحة
لأن اوروبا بشكل عام غالية
:)

خليفــة

[Rashid554]

مافي احلى من التخطيط والحجوزات المبكره

حاليا قاعد اخطط لسفره لامريكا شهر ٢
وببتدي حجوزاتي شهر اكتوبر او نوفمبر من فنادق وطيران

[حقيقه]

ياليت أسافر

[khaldoon]

والله يا اخوي لا خططت و لا بسافر

[(الكبيسي)]

اهم شي فالسفر التخطيط المسبق عشان تكون مرتاح هناك وعارف كل مكان بتروح له وقاري عنه فتروح وانت مرتاح

وتقدر تحجز الفنادق اللي تبيها فالموقع اللي تبيه مايكون هناك ضغط

انا ان شاء الله مسافر اول ثاني العيد على حسب اي يوم بيكون العيد

ومخلص كل حجوزاتي من فنادق وتذاكر ومواصلات من شهر 4 والحين متفرغ للقرايه اكثر عن المناطق اللي باروحها

وادعولي برحله ممتعه ومريحه :nice: :shy: