عاجــــــل....بلاكات الكهرباء والليتات الخارجة

[بروق QTR]

بغيت اعرف وين القى بلاكات الكهرباء وشنو احسن نوع حق الليتات الخارجية والسبوت لايت
ضروري تردون علي لاني مستعجلة والخبرة قليلة في هالامور..وماتقصرون وجزاكم الله خير

[*¤ بن قطر¤*]

بالنسبة للبلكات انصح بماركة mk و و كيلهم في قطر الكترو تريد بجانب الدفاع المدني عند اشارات المجنون

بالنسبة للسبوتات و الانارة الخارجية ... اضواء الصالحية في قرية بروة أو طريق سلوى

[السد]

بغيت اعرف وين القى بلاكات الكهرباء وشنو احسن نوع حق الليتات الخارجية والسبوت لايت
ضروري تردون علي لاني مستعجلة والخبرة قليلة في هالامور..وماتقصرون وجزاكم الله خير

احسن نوع لبلاكات الكهرباء ( صناعة انجليزية)
شركة الدرويش للتجارة
مكانهم طريق المطار - بعد الفاميلي فود سنتر

احسن نوع حق السبوت لكن غالية جداً
محل فليبس - طريق سلوى
عن نفسي اخترت الجابري - فرع نجمة

[ولد المنصور]

الترالايت عنده انوااع وايد واسعاره معقوله

[سنافي]

اللي عنده خبرة عن الليتات الخارجية المخفية للبيوت ايفيدنا وجزاكم الله خير ( قصدي اللي في الارض مخفية ) ايقولنا اسم الشركة لو الشخص
وشكرا

[العقل زينة]

بخصوص البلكات انا انصح في ماركتين نوع انجليزي
mk
tenby
هذول المشهورين واحنا عندنا فالبيت ام كي من عشرين سنة والحمد لله ما اشتكينا منهم

وبخصوص الليتات الخارجية و المخفية أنا اشوف الشعلة احسن واحد فالسوق عندهم تشكيلات حلوة و لهم فروع منتشرة فالدوحة
شارع مشيرب
طريق سلوى
الهلال
قرية بروة .. توه جديد من شهرين

بالتوفيق للجميع

[كبير المتداولين]

بالنسبه للبلاكات اختي كما ذكر الاخوان افضل نوعين

mk غالي شوي موجود عند عبدالغني مقابل امن العاصمه بجوار الدفاع المدني الذهبي والابيض

tenby
في ديزاين ذهبي منه حلو تحصلينه عند سعد ال ماجد شارع السوفتيل الذهبي والعادي الابيض بكل مكان موجود.


الليتات الخارجه كل الموجود في الدوحه نوعيات رديئه تتغير الوانها ومشاكلها كثير انصح بوضعها مجرد ديكورات ووضع كشاف كبير لاعطاء الاضائه الحقيقيه .


بالنسبه للسبوت لايت يتكون من 3 قطع

الديمر
اللمبه
الاطار

الديمر افضل نوع bg سعره 25 ريال خفيف الوزن

والثاني الماني سعره 20 ثقيل الوزن وهو الافضل

الاطار توجد نوعيه اسبانيه في السوق ممتازه تحصلينها عند المشاعل في شارع السوفتيل او فرعهم في مجمع بروه طريق الوكره وسعره 10 ريال

وممكن الاسعار اختلفت من ايام ماشريتهم


والله يوفقك

[السيليه]

جزاكم الله خير