مطعم تشاو والكوبونات واستهتار صاحب المطعم

[هدوء العاصفة]

ذهبت إلى مطعم تشاو ومعي بطاقات خصم من بيبسي ورفض صاحب المطعم قبولها مع العلم بأني استعملتها للمطاعم الأخرى ..

وقال لي بتهكم لا اقبل هذه البطاقات ..

لهذا قمت بإالغاء الطلب والخروج من المطعم ولن أعاود الذهاب إليه مرة أخرى

[بو الجوري]

عندي نفس الكوبونات :..
بس ماجربت ولامطعم :.. كان إتصلت على شركة بيبسي وخبرتهم باللي صار :..

زين إنك كنسلت الطلب

[هدوء العاصفة]

جربت بوفيه كورنيش الايطالي ومطعم روجر وهارديز كلهم سو لي خصم حسب الكوبون عدا هالايطالي يقول لي بخياس نفس لا هاي مال بيبسي ما يمشي اهني

عاد انا قلت ها ليش قال لي لا هذا ما اقبله .. المهم كنت طالب بيتزتين قلت له اوكي عيل بس بيتزا بعدين قلت والا اقول كنسل الطلب ورحت بابا جونز وطلبت من عندهم

[airbus]

ياعني على اساس مطعم ايطالي

والطباخين هنود و فلبن ماله خص بالبيتزا ابد

[catqat]

خلاص راعي المطعم مايقبل وراعي الطب كنسله ، فليش زعلانين...!!
جايز انه مابينه اتفاقية مع شركة الخصم اللي تكلمون عنها...
راعي الحلال وبكيفه، مايبي كوبونات ، محتاج انه الاخ يكتب موضوع على الموقف؟؟؟؟

المفروض المنتدى يسمونه منتدى (حرك تبلش)

[بو الجوري]

^
هههههههههههههههه شفيك داش عرض


شنو مافيه إتفاقيه :..

إسأل عن كوبونات البيبسي وعقب قول في إتفاقيه وإلا لأ :..


لو مافي كان ماحطو إسم المطعم وسووله كوبونات :..

لكـن هو مخيس النفس ومايبي يخسر :..

[sweet qatar]

مطعم تشاو من المطاعم المفضلة عندي..
ما تفرق جنسية الشيف ولا العاملين أهم شي المكونات تكون طبيعية وقريبة من الطعم الأصلي..


زين سويت اخوي انك كنسلت الطلب.. باقي بس تبلغ الشركة يمكن يعوضونك..
لأن الموقف الي تعرضت له مب حلو.. ودام انهم معلنين لازم يلتزمون..


حصل خير.. و وسع صدرك..

[catqat]

للقارئين باللغة العربية، والشوي انجليزي cat qat معناة قطوة قطر ،، يعني نك مؤنث :)

[راشد محمد]

من وين ماخذين كوبونات البيبسي ,....توني ادري عنها..

[بو الجوري]

للقارئين باللغة العربية، والشوي انجليزي cat qat معناة قطوة قطر ،، يعني نك مؤنث :)

زين يا كتكات :tease: آسفين :..

مبارك عليكم الشهر :..

[383 STROKER]

للقارئين باللغة العربية، والشوي انجليزي cat qat معناة قطوة قطر ،، يعني نك مؤنث :)

معناتها قطر قطوة الاصح qat cat عالعموم حصل خير كورس انجيلزي لمدة شهرين يفي بالغرض هههههههههههههههههه :nice:

[abdo222]

الكابونات انا شريتها من فيرجن, اتوقع نفسها يوزعونها ببسي,,

الكابونات للمطاعم فيها شروط
1- احيانا يكون الطلب لقائمه معينه بس (ناندوز مثلا تطلب الكلاسيك ميل بس وتاخذ نفسها مجانا)
2- احيانا يكون فطور بس , او غذاء بس
3- احيانا يكون فروع معينه
4- احيانا يكون لازم تعطيه الكابون قبل ما يحط الطلب في السستم,,

في كابونات تستاهل الواحد يستخدمها و بعضها ماله لزمه,,