أم عبدالله ......والجنرال العمادي ....عجب .!!!؟؟

[بوغانم995]

بسم الله الواحد الأحد الفرد الصمد ...اما بعد :

كالعاده ......كل جمعه ...اذهب مع الأولاد .....لزيارة ...اهل ...الوالده ...والوالد ...رحمهم الله ..واموات المسلمين الموحدين أجمعين .....فأقرب بيت لي ...خالتي ....ويامحلا ...جلستها ...والغـدوع ... (( الفاله ..توضيح .. الأكل المطبوخ في البيت ...عندها )) .....بلاليط ...موجود ....خبيص ...موجود ..باجيلا ...كذلك موجود ....أم أبريد (( اليقط )) ..موجوده ....خنفروش ....تبي محلا بس بالطلب .

..بيتها الله يعطيها الصحه والعافيه ....مايخلى....وبهذه الميزه تراها أنشط من البنات ...الله يحفظها .
المهم ام عبدالله ..من عيايز الفريج الذي كل مره ..اسأل عنها ..لآنها تعرف الوالده رحمة الله عليها ....وتعرفنا من يوم أحنا صغار ....اشوف... فيها ..شىء ماتشفونه ....من حلاوة السوالف .....الغنيه بماهو جميل من الماضي ........
المهم ام عبدالله ...قالت لي ...يايبه ...قلت لها سمي ....يمه ..آآمري :
الحر قطعنا ....وأنا شاريه كنديشن جنرال ...شارينه ....في التنزيلات ...والتركيب ..يايبه ...قالوا لي بعد ...شهر .....قلت بعد مايخلص الصيف..ويدش علينا سهيل ......شابيبه .....تصدق ...دافعه فلوسهم كامله .....نوط ينطح نوط .....3طن ..الكنديشن ..أول شهر من القيض .. ...بطوووو ..مايابوا ..الكنديشن .....
هنا ...العصا ولا شربي ..
من منا لا يعرف شركة العمادي ....وكيل الجنرال .....ماشاء الله عليهم وزادهم الله من الخير الكثير ...بس التأخير في تنفيذ طلبات المشترين منهم .من مكيفات السبيلت ..تكاد تكون تعجيزيه ....
ام عبدالله شاريه المكيف قبل نصف شهر 6 م ....والتركيب في شهر سبعه ..يمكن على حسب الشراء نص سبعه يعني 30 يوم .....ماذنب المشترين ..اذا كانت القوه العامله ...ضعيفه لا تلبي طلبات المشترين ....يجب زيادة الأيدي العامله المهره ....حتى يتم التركيب في اقرب وقت ....

أكيد التاجر لا ينظر الى هذه المشاكل ..وين أرضاء الزبون او المشتري ..

.لماذا لا ترفع للتاجر تقارير..تفيد من تذمر ..المشترين من التأخير في التركيب ..وأن التأخير من التاجر ....وليس المشتري ...مادام دافع فلوسك ...تأخذ ...حاجتك في مدة لا تتجاوز اليومين .....3 أيام ...بس ان تصل مدة التركيب الى الشهر ....
مافائدة المكيف اذا ذهب الصيف .
المشتري دفع الفلوس كامله .....وبعد الدفع يقال له .....التركيب بعد شهر ....يأخي لماذا تأخذا فلوسي ..وتعطيني البضاعه بعد شهر ....أنت أستلمت حقك كامل وأنا أتمرمط ...لمدة شهر ......والحاجه ايش مكيف .....من يقدر يعيش بدونه اليوم ...شهر ...والله قهر ...

ماهو الحل ...اخي في المجلس يقول ..نفس قوة المكيف سامسونج يركبه في خلال أسبوع بعد ان يقبض لفلوس ...ونحن نقول الحمدلله على السلامه ..اسبوع احسن من شهر ..لماذا ..تأخذون فلوسكم كاش ......بس

أين حماية المستهلك من قضية الدفع العاجل والأستلام الآجل .......أذا لم يستطيعوا تلبية الطلبات في وقتها .....فليفسحوا المجال لغيرهم ...يستطيعون توفير كل متطلبات المشتري .. ....و يستطيع التاجر ان يرضي المشتري وضميره كتاجر ....الله يعين ام عبدالله ....وبس

[عاهد بن علي]

الله يصلح الحال

[(بوطلال)]

ماهي العلاقه بين الخنفروش والعمادي ؟

ومامعنى (باجيلا)؟

[intesar]

أطالب باغلاق الموضوع حالا.. انذكر فيها أسماء..:secret:

[intesar]

ماهي العلاقه بين الخنفروش والعمادي ؟

ومامعنى (باجيلا)؟

ايش تقصد..:secret:

[Rashid554]

انا عن نفسي لما اخر مره شريت مكيف لغرفتي مارضيت اشتريه الايركبونه لي بنفس اليوم وان طول اليوم الثاني
فمادري ليش ام عبدالله خذته وموعد التركيب عقب شهر
اكيد التاجر ماراح يهتم بخدمة التركيب دام المستهلك بيشتري مع توفر البديل

[ذيب ازغوى]

ههههههههههههههههههههههههههههه

[Chambray]

أطالب باغلاق الموضوع حالا.. انذكر فيها أسماء..:secret:

:eek5:

[الخزرجي قطر]

الله يطول في عمر العجايز والشيبان ان شاءالله هم الخير والبركه
ويرحم المتوفين منهم موتانا وموتى المسلمين .
وكالة مكيفات جنرال عليهم طلب كثير وهذا سبب التاخير في التركيب
انا بغيت اشتري مكيف سبيلت والموظف قال التركيب بعد شهرين ؟؟؟
بسبب طول المده غيرت الى نوع اخر من وكاله ثانيه .

[المسك1969]

صراحة أنا دخلت عبالي قصة أم عبدالله والجنرال العمادي (شخص لها معه قصة)

طيب ربي يحفظك كان أقل شيء تسويه تتصل لها عليهم أو تروح لهم تحاول تساعدها... مالفايدة من نشر الموضوع هنيه غير شهيتنا بالاكل

جزاك الله خيرا

[بوسنافي]

السالفه ومافيها ان العمال يبون بخشيش عشان اركبون لها قبل ،،،، والاي يدفع يوصله المكيف قبل دوره وبسسس

[سعادة الوزير]

والله انا شاك في سالفة ان الجنرال يركبونه بعد الشراء بشهر او شهرين ، احس ان السالفة فيها لعبه! ، اشمعنى بس العمادي الي ياخذون فلوسهم كلملة والتركيب عقب شهر؟ كل وكالات المكيفات الثانيين التركيب خلال يومين او ثلاث ايام بالكثير ، الموضوع مش طبيعي.

[مستثمر 999]

السالفه بسيطه وام عبدالله ما اتعرف تتصرف

روحي اقرب محل لغسيل المكيفات ويرركبون المكيف بنفس الوقت ب 50 ريال او 100 ريال

واخصموها من سعر المكيف

بوخالد وخالد والشباب مب مقصرين فيهم الخير والبركه

[khalid525]

هههههههه حسبت انه جنرال في الجيش ...

الله يحفظ ام عبدالله ...
من يوم يومهم وكالة الجنرال ما يركبون السبليت الا عقب شهر اوشهرين ..
دام فيه وكالات غيرهم ما يخالف ..

[intesar]

بالفعل اللي مو عاجبه يروح وكالات غيرها.. بس كمكيفات مافي أحسن من جنرال..

وهي يوم دفعت ما عرفت متى التركيب يعني ما سألت..
ليش اقبلت.. والحين تذمرت..

[دوحة الجميع]

احدى الحلول الممتازة لشراء مكيفات جنرال انك تشتريه من محلات لبيع المكيفات والثلاجات اللي في شارع الأصمخ والتركيب في يومين أو أقل . والله إيش رأيك يا أخت. Intesar

[£عبدالعزيز£]

صح كلامك اخوي

طلبية بوينغ 777 مب مكيف !!

[intesar]

احدى الحلول الممتازة لشراء مكيفات جنرال انك تشتريه من محلات لبيع المكيفات والثلاجات اللي في شارع الأصمخ والتركيب في يومين أو أقل . والله إيش رأيك يا أخت. Intesar

مافي راي بعد رايك..:anger1:

[sweet qatar]

أسلوبك حلو بو غانم.. والله يحفظ أم عبدالله ويطول بعمرها في طاعته..

المشكلة انها وافقت ان التركيب بعد شهر.. الله يعينها..

اما الشركة المفروض تحل المشكلة من الأساس..

في قطر ما في اهتمام بخدمات البيع وبعد البيع الا ما رحم ربي..

[مرحوم قطر]

الله يعيينك الجميع

ويصلح الحال


بصراحه لما قريت بداية الموضوع او العنوان

راح بالي بعييييييييييييييييييييييد في شخص ثاني


اظن هو نفس الجنرال الي يقصده الاخ المسلك 1969

[بن غيث]

يعطيك العافية بوغانم
موضوع مهم جدا
ان هم التجار الاول البيع وبس
مايفكون في الخدمات الي يقدمونها للناس سوا في التركيب اوالصيانة

[مرحوم قطر]

السالفه بسيطه وام عبدالله ما اتعرف تتصرف

روحي اقرب محل لغسيل المكيفات ويرركبون المكيف بنفس الوقت ب 50 ريال او 100 ريال

واخصموها من سعر المكيف

بوخالد وخالد والشباب مب مقصرين فيهم الخير والبركه

لا والله يا الشيخ انا رحت محل في العزيزيه و بيتي في العزيزيه

قالولي بنركبه لك اب 800 :anger1:

[بن غيث]

50 او 100 سبيلت ..!
تقصد شباك

[Roo7MooT]

انا شريت من عندهم مكيفين ويندو 2.5 طن

على فترتين والتركيب يكون ثاني يوم

مادري شسالفة الشهر مع اني شريتهم وقت التنزيلات

[الخـود]

سبحان الله

[القطو السمين]

الله يعين المسكينة والمفروض يزيدون عمالهم

[h9466]

السبيليت تركيبه اصعب بكثير من الويندو وياخذ وقت اطول بكثير...واعتقد لكثرة الطلب على السبيليت يكون التركيب متاخر ...لكن الحق يقال مكيفات جنرال ممتازة وحاليا تنافسها وبقوة مكيفات ل جي

[ame32480]

افضل مكيفات الجنرال واكيد سبب التاخير هو فتره التنزيلات والعماله عندهم تمشي الشغل في الايام العاديه اما ماراح توفي معاهم اذا بيجيبون العماله لفتره التنزيلات ودفع مصاريفهم طول السنه

[بوغانم995]

يسلموا ياسويت قطر ...............الصراحه خير الكلام ماقل ودل ...

((((((((((( في قطر ما في اهتمام بخدمات البيع وبعد البيع الا ما رحم ربي..))))))))))))))

ابشركم تدخل .....واحد من الشباب ....صاحب نخوه ....وبعثنا له ....الفاتوره .....التي تغني عن الف دليل .....وواضح فيها يوم الشراء .....والدقع نفداً لقيمة البضاعه .....بالتاريخ ....المبين في اصدار الفاتوره .....يوم الشراء والدفع لكامل القيمه ...يوم 11/6/2012 م .....وموعد التركيب ....يوم 10 /7 /2012م
هذا النشمي .....لا ...اعرفع...قام بتذليل .....كل العقبات ....والتركيب ....قريباً ...وتستاهل ام عبدالله .....وتقول حق شبكة الأسهم .....قداكم ....محمر ...على صافي ...وربيب ....بس بعد تركيب الكنديشن ....

هذه ....ام عبدالله ........وكيف حال الجمهور من أهل قطر .....ودي واحد ...أخذ مكيف سبيلت في التنزيلات ....يعلمنا ...هل واجه هذه العقبه ....

يجب على التاجر تحسين أداء العمل .....وأعطاء المشتري حقه .....وبعدين اذا انته كاتاجر ...وضعت خطه للتنزيلات ....يجب عليك مراعات .....المشترين .....ويوم التنزيلات ليس كاكل يوم عادي .....لذلك زيادة القوه العماليه .....لتلبيت الطلبات ....وتفعيل دور الوكاله ...عن طريق التاجر ....ويسس:telephone:

[عيسى العمادي]

الله يهديك ويصلحك

[تاسيتوس]

الموضوع مهم والخطأ يقع على الطرفين اولا التاجر انه مب قادر يلبي مواعيد تسليم معقولة وثانيا العميل انه رضى بمواعيد تسليم بعيدة المدى وهنا ياتي دور حماية المستهلك من اجل توجيه التاجر بعدم بيع سلعة دون الالتزام بتركيبها في مواعيد معقولة.

[الحال مايساعد]

فعلا في تأخير لكثرة الطلبات خلال فترة التنزيلات
أنا بعد كنت بشتري واحد وهونت يوم دريت إنه يتأخر بالتركيب
وإشتريت نوع ثاني

[غايه الطواش]

يوم الاربعا شرينا مكيفين جينرال وركبوهم يوم الخميس :)

[أسد الجزيرة]

يوم الاربعا شرينا مكيفين جينرال وركبوهم يوم الخميس :)

أكيد شباك

التأخير في السبليت

[الزعفراني]

الله يعينها

[Qt.1]

الله ايعينها وموضوعك مكانه في قسم حماية المستهلك

[بـــــدوي]

سبحان الله ، امس تعرضت لنفس الموقف عند شرائي لنفس النوع (سبيليت) وقالوا لي تركيبه بتاريخ 8/8 وبعدها سألت عن كيفية استلامه من لستور لو بغيت اخذ فني من مكان ثاني وعطاني رقم واحد من الفنيين اللي مايتبعون للشركة واتفقت وياه وبيتم تركيبه اليوم ان شاءالله بـ 400 ريال

مشكور ياابوغانم وسلم على ام عبدالله وقلها مبروك المكيف الله يعطيها من خيره ويكافيها شره :nice:

[مرتبش]

شركة كبيرة مالها حجة في التأخير.. خدمة العملاء صفر

اصلا لما تدخل محلهم محد من الموظفين يقوم يساعدك،، كأنهم مايبونك تشتري

[intesar]

شركة كبيرة مالها حجة في التأخير.. خدمة العملاء صفر

اصلا لما تدخل محلهم محد من الموظفين يقوم يساعدك،، كأنهم مايبونك تشتري

روح اشتك عليهم عند المدير.. ولا بس تبغون تحتجون..

[بوغانم995]

سبحان الله ، امس تعرضت لنفس الموقف عند شرائي لنفس النوع (سبيليت) وقالوا لي تركيبه بتاريخ 8/8 وبعدها سألت عن كيفية استلامه من لستور لو بغيت اخذ فني من مكان ثاني وعطاني رقم واحد من الفنيين اللي مايتبعون للشركة واتفقت وياه وبيتم تركيبه اليوم ان شاءالله بـ 400 ريال

مشكور ياابوغانم وسلم على ام عبدالله وقلها مبروك المكيف الله يعطيها من خيره ويكافيها شره :nice:

سالم من كل شر ................وماجور منه ...بس ....400 ريال تحسب عليك ..لأن سعر المكيف يباع مع التركيب ....للعلم .....نريد تفعيل العمل في هذه الشركه الرائده في مجال التبريد ....نريد تحسين الأداء على حسب المبلغ المدفوع ....وتطوير حركة التركيب ..لتواكب ....المدفوع على الفور .....والتركيب يجب كذلك ..والسلام بسسسسسسسسس