بدون حسا .. استخدم نجوم كيوتل للحصول على تموين رمضان

[البدع]

بمناسبة رمضان بعد 12 يوم

وللتذكير

الي عنده تليفون كيوتل

ادخل على موقع كيوتل ... روح لقسم نجوم

وهناك بتلاقي كم نقطة عندك

واستخدم النقاط للحصول على تموين من المخازن الكبرى

اذا عندك 20 الف نقطة ... تحصل على تموين ب 800 ريال مجانا

وببعثون لك مسج

تاخذ المسج وتروح مخازن الكبرى ... وبيعطوك قسيمة مشتريات ب 800 ريال

عملية جدا سهلة

هذي تفيد رب الاسرة اكثر

وبالتوفيق

[عاهد بن علي]

بس لازم تشتري في نفس يوم استلام الرساله
والا راحت عليك
للتنبيه فقط
اشكرك استاذي

[الخزرجي قطر]

اذا بتروح عليك وماشريت في نفس اليوم مشكله ؟؟؟؟

[كتكوت الوحش]

ال 800 ريال عالفاضي اغراضهم غاليه وايد اسعار المخازن اسعار اجانب

[عنيــــد]

بالنسبة للي يقول بنفس اليوم ،،

هالكلام غير صحيح و انا بنفسي مجرب ،، بالعكس لك لمدة ست شهور و اذا ضاع رقم الكوبون اتصل لكيوتل و يعطونك الرقم مره ثانيه ،،

و رمضان مبارك على الجميع

[khalid525]

عجبتني بدون حسا
اشكرك اخوي على النصيحة

[البدع]

بس لازم تشتري في نفس يوم استلام الرساله
والا راحت عليك
للتنبيه فقط
اشكرك استاذي

غير صحيح

بالمسج وصلني انه صالح لمدة 6 اشهر

[شيزكيك]

لا مش في نفس ليوم مدة الصلاحية تتم شهور وانا انصح اي عضو ما سجل في نجوم يسجل وراح ينحسب له نقاط كل ما سدد الفتورة وعقب يقدر يستبدلها بجوائز ثانيه

[البدع]

عجبتني بدون حسا
اشكرك اخوي على النصيحة

حياك ،،،

اعتذر لباقي الردود بسبب المشاغل

[سـ ع ـود]

سؤال يراودني من فتره
نجوم كيوتل
واميال القطريه
مش نوع من انواع الربا؟

[بو الجوري]

انا من اول مانزلو برنامج نجوم والنقاط
وانا شغال على هالموضوع :)

تقريبا استفدت من هالبرنامج ٣٢٠٠ ريال
والحين عندي ٢٦٠٠ ريال


الصراحه برنامج حلو و عساك عالقوه ومبارك عليك الشهر مقدما :..

[الزعفراني]

جان زين عندي 20 الف نقطة .. كلها 3000 نقطة يادوب تجيب لي خيشة بصل :rolleyes2:

[رُفق المجنّا]

جان زين عندي 20 الف نقطة .. كلها 3000 نقطة يادوب تجيب لي خيشة بصل :rolleyes2:

:funny:

يجيب الله خير

[البحار00]

كل سنه قبل رمضان

اطلع لي ب ١٠٠٠ ريال من نجوم

أخذ بها أغراض لرمضان بس ههههه طبعا أحط فوقها ١٠٠٠ ريال من جيبي

[خيالة قطر]

أنا أجوف احيانا يطرشولي بس ما عرفت

أنزين شلون ألطريقه أجوف كم نقطه عندي ؟

[طبيب قطري]

أنا أجوف احيانا يطرشولي بس ما عرفت

أنزين شلون ألطريقه أجوف كم نقطه عندي ؟

علموني ألطريقه انا حاولت اسجل من الكمبيوتر بس ماعرفت !!

[عنيــــد]

اتصل على 114 و الخطوات سهله للتسجيل ،،

و اذا فيه اي مشكلة اضغط صفر و استفسر من خدمة العملاء

[MAZEN37]

حاولت بس كل ما دش الموقع يفصل ويقول الرقم السري خطاء
وكم مره شكيتهم ويطرشون باسوورد ويعلق من منكم مواجه هالمشكله

[البدع]

حاولت بس كل ما دش الموقع يفصل ويقول الرقم السري خطاء
وكم مره شكيتهم ويطرشون باسوورد ويعلق من منكم مواجه هالمشكله

واجهت نفس المشكلة اول مرة

نفس المشكلة

بعدها سهلة جدا

[لمعة الالماس]

بس المخازن اغراضه غالية

[طبيب قطري]

واجهت نفس المشكلة اول مرة

نفس المشكلة

بعدها سهلة جدا

جربت اسجل ومانفع

ممكن تشرحلي كيف؟

[فقيه زمانه]

أنا لعام نفعتني ميرة لبيت كله من عندهم ما شاالله لخطوط وايد وسنه بأمر عليهم بالفين ريال تموين لبيت كامل ومبارك عليكم شهر جميع

[bohilal191]

تقريبا كيوتل مسجله الكل في نجوم ماعليك الا تطلب اليوزر والباسورد لأن واحد من الربع سجلوه وهو مايدري

خدمة نجوم انفعتني وايد شريت ايفون وبلاك بيري من ستار لنك

[Locale]

جاتنا حول الـ ٤٠٠٠ للسلام
وحول الـ ٢٠٠٠ للمخازن
بسبب نجوم
اول مره احس اني استفدت من كيوتل

[البدع]

انا العام استفدت 1800 ريال

والسنة استفدت 800 ريال

واستخدمتها قبل 4 اشهر واستفدت 300 ريال

والهدف حتى تعم الفائدة ويستفيد رب كل اسرة على رمضان

[بصمة قطرية]

التسجيل في نجوم سهل جداً ..
يتم ادخال رقم الهاتف الجوال
واذا صادف ونسيت الباسوورد والنك نيم
مجرد ا تدخل رقم الجوال و تطلب اعادة الارسال
توصل رسالة على الجوال باسم المستخدم والباسوورد ..
ارسل المسج من جوال لثاني
مرات اروح بنفسي المخازن و مرات زوجي
مب شرط اسم الشخص نفسه المهم المسج ..

[البدع]

جربت اسجل ومانفع

ممكن تشرحلي كيف؟

بعض الاحيان لازم تسجل

اذا كنت غير مسجل فاتصل بكيوتل وخلهم يعطونك الباسورد والنيك نيم

كيوتل سجلت اسمي بدون ما اطلب

كل شخص عنده نقاط بدون مايسجل

فقط

[Riku3]

ذكرتني بالنقاط ..

للاسف كنت ناوي استفيد منها قبل نهاية العرض الي يعطيك +25% على نقاطك في المخازن الكبرى وانتهى في شهر 6 ..

بس سهالات اول امس شاري من اللولو بـ 1300 ريال وناوي اكملها بزيارة للمخازن الكبرى لان عندي 800 ريال من نجوم :] .

سؤال يراودني من فتره
نجوم كيوتل
واميال القطريه
مش نوع من انواع الربا؟
الخدمة ما تدفع عليها شي وهي مجانية بالكامل .. يعني هم يعطونك نقاط مقابل فواتيرك الي انت دافعها بسبب استخدامك للتلفون .


بس المخازن اغراضه غالية

نص ريال والا ريال على الغرض ما تفرق وايد دام ان الفاتورة مدفوعة بالكامل :) .

[راعي القالات]

سؤالين للاخوة اصحاب التجربة :

١- عند الذهاب للمخازن هل يذهب الزبون للشراء مباشرة وبعدين عالكاشير يطلع لهم المسج ويرويهم رقم الكوبون ؟ او ان عليه مراجعة مكان اخر لأخذ كوبون ورقي ؟

٢- هل من الممكن ان اخذ كوبونات مشتريات و أهديها لأحد يشتري بها؟ ام انها لاتصرف الا لي ؟

شكراً

[بو الجوري]

سؤالين للاخوة اصحاب التجربة :

١- عند الذهاب للمخازن هل يذهب الزبون للشراء مباشرة وبعدين عالكاشير يطلع لهم المسج ويرويهم رقم الكوبون ؟ او ان عليه مراجعة مكان اخر لأخذ كوبون ورقي ؟

٢- هل من الممكن ان اخذ كوبونات مشتريات و أهديها لأحد يشتري بها؟ ام انها لاتصرف الا لي ؟

شكراً

هلا أخوي :..

أولا عقب ماتآخذ النقاط من موقع كيوتل نجوم
بيطرشون لك مسج ،

عقب تروح المخازن عند قسم الإستعلامات وتراويه المسج
بيصور بطاقتك الشخصيه وبيطبعلك الكوبون بالمبلغ :..

حزتها تقدر تعطيه أي حد يروح يشتري :..

[catqat]

اذا كنت قطري ، روح أقرب جمعية ميرة ، مع بطاقاتك الشخصية ومن حق كل مواطن الحصول مجانا على كميات معينة من اكياس العيش والسكر والزيت، وبلا ذل كيوتل

[البدع]

اذا كنت قطري ، روح أقرب جمعية ميرة ، مع بطاقاتك الشخصية ومن حق كل مواطن الحصول مجانا على كميات معينة من اكياس العيش والسكر والزيت، وبلا ذل كيوتل

مافيها مذلة

عملية سهلة جدا جدا

[البدع]

سؤالين للاخوة اصحاب التجربة :

١- عند الذهاب للمخازن هل يذهب الزبون للشراء مباشرة وبعدين عالكاشير يطلع لهم المسج ويرويهم رقم الكوبون ؟ او ان عليه مراجعة مكان اخر لأخذ كوبون ورقي ؟

٢- هل من الممكن ان اخذ كوبونات مشتريات و أهديها لأحد يشتري بها؟ ام انها لاتصرف الا لي ؟

شكراً

بو الجوري وضحها لك

[h9466]

الله يجزيك خير اخوي البدع على تذكيرك لنا ...المهم قلت ليش ما اسوي مثل اخونا البدع واحول النقاط لكوبونات لشراء اغراض رمضان..دخلت موقع كيوتل وياليتني مادخلت ,,وجدت مجموع نقاطي 1250 نقطة..يعني علبة حليب مراعي لتر واحد او بالكثير لتر ونص..ما ادري ليش مع اني عندي خطين جوال واشتراك بالانترنت ...

[البدع]

الله يجزيك خير اخوي البدع على تذكيرك لنا ...المهم قلت ليش ما اسوي مثل اخونا البدع واحول النقاط لكوبونات لشراء اغراض رمضان..دخلت موقع كيوتل وياليتني مادخلت ,,وجدت مجموع نقاطي 1250 نقطة..يعني علبة حليب مراعي لتر واحد او بالكثير لتر ونص..ما ادري ليش مع اني عندي خطين جوال واشتراك بالانترنت ...

سبب كتابتي للموضوع هو أني تفاجات ان اثنين من الشباب معاي في الشغل مايعرفون عن النقاط

واحد منهم متزوج

وبالنسبة ل 1250 نقطة

اعتقد في شي غلط

لان كل ريال بنقطة

اتصل فيهم *

[h9466]

سبب كتابتي للموضوع هو أني تفاجات ان اثنين من الشباب معاي في الشغل مايعرفون عن النقاط

واحد منهم متزوج

وبالنسبة ل 1250 نقطة

اعتقد في شي غلط

لان كل ريال بنقطة

اتصل فيهم *

وانا مثلك اقول فيه شي غلط...بتصل اشوف...