العازل الواتر ابروف

[حمد 2002]

السلام عليكم ورحمه الله وبركاته
عندي الله يسلمكم. حمام ونتو تكرمون في بيب ماي داخا البلاط منكسر وشكله إذا صلحته بيخترب جزء من الواتر ابروف ، فحبيت اعرف كم تكلفه تركيب العازل المائي بالحمام الواحد ؟ وهل هناك شخص ممتاز ايركبه ؟ والسؤال الثاني هل هناك شخص اممتاز بالسباكه وامين بامكانه ايصلح البيبات المختربه ؟ وايركب عازل ؟ والبلاط بعد التكسير ؟تحياتي لكم

[العاصم]

استاذ حمد لا اعتقد ان تصليح البايب ممكن يأثر على العازل لان تمديد البايبات في الأرضية يكون بعد عمل العازل وعمل طبقة من الأسمنت لحمايته.

[تركواز]

تكسير ارضيه + بايبات جداد + بلاط ارضيه جديد + وتر بروف +شغل ايده

3000 عند اتعس بايب فيتر وعليه البلاط ولو قلت عليك البلاط بيقط 500 ريال عن الشغل

[معماري قطري]

استاذ حمد لا اعتقد ان تصليح البايب ممكن يأثر على العازل لان تمديد البايبات في الأرضية يكون بعد عمل العازل وعمل طبقة من الأسمنت لحمايته.

صحيح أصلاً البايبات الموصلة للماء تكون بإرتفاع 30 سم تقريباً في الحائط من أرضية الحمام ... وبايبات الصرف الصحي هذي تكون تحت وفوق العازل المائي بعد .. بس نصيحة إذا التسريب من صوب الحائط بدل تمديدات الماء سواءً بعمل تمديدات داخل الحائط بالقص بمنشار كهربائي وبعدين التكسير لعمل ممر للبايبات وتغطيتها وفي هالحاله لو عندك شوية بلاط حائط مقارب للموجود أو نفس الموجود ممكن تقص منه وتركبه أو تزيل بلاطة كاملة وتحفر مكانها وتركب وتركب بلاطة كاملة بعدين،، أو تركب بايبات خارجية وتنسى الداخلية.

لو التسريب يبين من تحت الحمام وبعيد عن الحايط يعني ناحية وسط الحمام وينقط من تحت يعني عندك مشكلة في الصرف الصحي أو في امداد الماء ومشكلة بعد في العازل، وفي هذي الحالة سكر الحمام كم يوم وخلهم يسوون لك شغل كامل يعني تجديد الحمام بيكون أحسن، وبحيث تنعمل فتحة لدخول الحمام من الخارج والعمال يشتغلون بدون أي إزعاج لساكني البيت ويسوون اللي تتفق عليه، وأحسن يكون كل شيء مخطط له وبرسومات توضيحية وعقد متكامل وفترة محدده وتحت إشرافك ومتابعتك.

[بن غيث]

السلام عليكم ورحمه الله وبركاته
عندي الله يسلمكم. حمام ونتو تكرمون في بيب ماي داخا البلاط منكسر وشكله إذا صلحته بيخترب جزء من الواتر ابروف ، فحبيت اعرف كم تكلفه تركيب العازل المائي بالحمام الواحد ؟ وهل هناك شخص ممتاز ايركبه ؟ والسؤال الثاني هل هناك شخص اممتاز بالسباكه وامين بامكانه ايصلح البيبات المختربه ؟ وايركب عازل ؟ والبلاط بعد التكسير ؟تحياتي لكم

السلام عليكم
اشلون عرفت ان في بيب ماي منكسر ..؟
يمكن في تسريب من المغسلة .. او من البانيو .. او او او ..
والوتر بروف لازم السباك يتأكد انه ما ينفع عقب يتغير
لازم يسكر الماي عن الحمام يوم كامل ويسوي التيست
عقب يبين من وين التسريب ويعالج المشكلة
وما يقدر احد يسعر صيانة الحمام الا بعد ما يتم معاينته
ويعرف المساحة والمواد المطلوبة ووووو....

[حمد 2002]

يعطيكم العافيه يالربع وماقصرتو على المعلومات الوافيه ،،، وتم الاتصال بإحدى الشركات لحل المشكله تحياتي لكم