احلى الذكريات الرمضانية

[qatarshark]

حكايات وذكريات رمضانية مرت بنا ونحن صغار تملأ وجهنا البراءة والعفوية وكنا نعمل اشياء لانقصدها والبعض نقصدها ولها في ذاكرتنا مكان ومنها المضحك والمبكي....
في هذا المكان سوف نستعرض ذكرياتنا الحلوة وانا اول واحد سوف اسرد لكم احدى ذكرياتي الحلوة.
خبركم رمضان واجوائه الحلوة ولا تحلى السهرة الا برمضان المهم مرة من المرات رحت وشريت جرس كهربائي الي يستخدم للبيوت بونغمة حلوة (تن تن) لان جرسنا سندارة كنه جرس مدرسة المهم بيغيت اجرب الجرس انا واخوي وكانت الساعة حوالي السابعة والنصف صباحا ( الوالدة طبعا قاعدة تخيط دراعتها بواسطة السانجة :nice:) وانتوا تدرون ان مثل هذه الاشياء الكهربائية يبغيلها توصيلات وشغلتها شغله, انا واخوي عبالنه ان المسالة سهلة رحنا وركبنا الوايرات على طول في البلك من غير توصيلات ولا هم يحزنون وانا اقول حق اخوي انا باعد من واحد لين ثلاثة وباشغله , طبعا الجرس في يد اخوي مب على الارض .... المهم 1.2.3. بممممممممممممم :tease:والا بذيك الفقعة والدخنة الي حشرت الحجرة:nice: , قمنا على طول سكرنا البلك والحمد لله ان الوالدة ما سمعت شي والا كان بتصير علوووم:anger1:
ومن الخرعة رقدنا على طول ولا قعدنا الا قبل الفطور.
خلصت وملصت ويات الدياية وعنفصت:tease:

[عاهد بن علي]

الله سلمكم
وعسى الله لا يفرق بينكم اللهم آمين

[GENIUS]

اذكر سنة من السنين بعد الفطور طلعت فوق السطح أتحرى شوفة هلال العيد وكان يوم ٢٩ رمضان. وكان أيامها الجو زوين. المهم وانا قاعد فوق السطح خذت لي غفوة كم دقيقة إلا وصوت المدافع وكان اعلان ان غداً العيد. قحصت وفزيت من الصوت ونزلت على الدرج إلا الأهل قافلين باب السطح بالمفتاح. المهم ضربت الباب ولما سمعوا ضرب الباب كل منهم حط رجله وشرده لين الحوش يحسبون جني. إلا وانا اطل من فوق السطح اقول لهم بطلوا لي الباب

[عاهد بن علي]

انه يوم اني صغير ، في رمضان ، ما كنت ابلع ( ريجي ) طول النهار احسبه يفطر
لين صادني جفاف حاد وطحت عليهم
ههههههههههههههههههههههههههههههههههه

[فلتة زمانها]

صج احلى الذكريات كانت في ارمضان
اذكر يوم القرنقعوه اروح اقرقع مرتين في البيوت الي تعطي فلوس مع القرقيعان
مره بالبخنق والمره الثانيه بلفيت مغيره شكلي عشان ما انعرف اشل البخنق وافل شعري
انا وبنت عمي هاهاهاهاها وفالبيت اعد البيزات كنت اجمع 16 ريال واحس اني صرت غنيه هاهاهاهاها يعطيك العافيه اخوي قطر شارك على الموضوع اللطيف

[GENIUS]

وهذا موقف عمري ما أنساه. بعد المغرب بدينا مشوار القرنقعوه. دخلنا عمارة أنا ومعاي صديق الطفولة ولد الجيران. ضربنا الجرس على إحدى الشقق طلع لنا واحد صاحي من النوم وكان من جنسية عربية وقلنا له بصوت واحد قرنقعوه قرقاعوه. الرجل دخل شقته ورجع لنا وعطانا خمسين ريال وعلى ذيك الايام الخمسين تسوي شغل. المهم خذنا الخمسين وما هي إلا دقائق إلا كل يهال الفريج عند باب الشقة

[intesar]

هههههههه. زين ماعنفصت صج على روسكم..

[intesar]

ما عندي ذكريات شينه..
مسكينة أنا ..

[qatarshark]

الله سلمكم
وعسى الله لا يفرق بينكم اللهم آمين


اسكت ياعاهد:nice:
جان اللحين انا واخوي في متحف الشمع:tease:

[qatarshark]

صج احلى الذكريات كانت في ارمضان
اذكر يوم القرنقعوه اروح اقرقع مرتين في البيوت الي تعطي فلوس مع القرقيعان
مره بالبخنق والمره الثانيه بلفيت مغيره شكلي عشان ما انعرف اشل البخنق وافل شعري
انا وبنت عمي هاهاهاهاها وفالبيت اعد البيزات كنت اجمع 16 ريال واحس اني صرت غنيه هاهاهاهاها يعطيك العافيه اخوي قطر شارك على الموضوع اللطيف


هاااااااااااااااااااااااي
والله مب سهلة يافلتة:victory:
ذكرتيني بسوالفنا ندش البيت اربع مرات:tease:
يعيك العافية اختي على المشاركة الرائعة:nice:

[FCB 123]

لما كنا صغار كانت عندي ( نباطة ) وكان الوقت بعد صلاة العصر .. وحدة من الجيران جالسه عند جدتي الله يرحمها ويرحم موتى المسلمين .. وكان بالغلط اشد النباطة ابي اضرب برع البيت ولا اخوي بالغلط يفر يدي .. تضرب باب الصالة وتروح الحصاه سييييييييييييييييييدة في راس العيوز ههههههه

عاد الجدة وين ذيك العلوم ... والسب والشتم والقذف ههههههه

قالت فطرتنا حسبي الله على بليسك

طبعاً أخوكم يومين ما مر جدام جدته لأنها ماسكة المهفة تنتظرني علشان تربعها على راسي هههههههه

[qatarshark]

وهذا موقف عمري ما أنساه. بعد المغرب بدينا مشوار القرنقعوه. دخلنا عمارة أنا ومعاي صديق الطفولة ولد الجيران. ضربنا الجرس على إحدى الشقق طلع لنا واحد صاحي من النوم وكان من جنسية عربية وقلنا له بصوت واحد قرنقعوه قرقاعوه. الرجل دخل شقته ورجع لنا وعطانا خمسين ريال وعلى ذيك الايام الخمسين تسوي شغل. المهم خذنا الخمسين وما هي إلا دقائق إلا كل يهال الفريج عند باب الشقة


والله خوش 50 ريال حته وحدة:weeping:
عيل سيده مطعم باباي:nice:
والله انكم مب يهلين علمتوا اليهال بعد:tease:
يسلمو على الطلة الحلوة:victory:

[qatarshark]

ما عندي ذكريات شينه..
مسكينة أنا ..


ههههههههههههههههه
انتي ما عندج ذكريات شينة:anger1:
تذكرين جدر الهريس لما اتحوسين في الورية:nice:
وكوعج املقمص من الهريس:tease:
ماتبين اتعلمين هاااااااا:eek5:

[qatarshark]

لما كنا صغار كانت عندي ( نباطة ) وكان الوقت بعد صلاة العصر .. وحدة من الجيران جالسه عند جدتي الله يرحمها ويرحم موتى المسلمين .. وكان بالغلط اشد النباطة ابي اضرب برع البيت ولا اخوي بالغلط يفر يدي .. تضرب باب الصالة وتروح الحصاه سييييييييييييييييييدة في راس العيوز ههههههه

عاد الجدة وين ذيك العلوم ... والسب والشتم والقذف ههههههه

قالت فطرتنا حسبي الله على بليسك

طبعاً أخوكم يومين ما مر جدام جدته لأنها ماسكة المهفة تنتظرني علشان تربعها على راسي هههههههه


ههههههههههههههههههههههههههه
والله ضحكتني سالفتك:)
اما لو صايدتك جدتك الله يرحمها:nice:
بتلبلبك بالمهفة تلبلب:tease:
يسلمو على الطلة البلوبية:nice:

[كازانوفا]

لما كنا صغار كانت عندي ( نباطة ) وكان الوقت بعد صلاة العصر .. وحدة من الجيران جالسه عند جدتي الله يرحمها ويرحم موتى المسلمين .. وكان بالغلط اشد النباطة ابي اضرب برع البيت ولا اخوي بالغلط يفر يدي .. تضرب باب الصالة وتروح الحصاه سييييييييييييييييييدة في راس العيوز ههههههه

عاد الجدة وين ذيك العلوم ... والسب والشتم والقذف ههههههه

قالت فطرتنا حسبي الله على بليسك

طبعاً أخوكم يومين ما مر جدام جدته لأنها ماسكة المهفة تنتظرني علشان تربعها على راسي هههههههه


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه
ادمعت عيوني من الضحكههههههههههههههههههههههههههههههههههههه

[طموحي عالي]

موتوني ضحك بسوالفكم


انا ماعندي ذكريات كلش
والله ساعات احس طفولتي فاشله ماعشتها

[روز باريس]

عمتي الله يرحمها كانت تخش لي من الثريد واكله بارد كان طعمة وايد غير و للحين احب اكلة بارد بعد صلاة الترويح واحس نفس طعم ثريد عمتي الله يرحمها ويرحم اموات المسلمين

[qatarshark]

موتوني ضحك بسوالفكم


انا ماعندي ذكريات كلش
والله ساعات احس طفولتي فاشله ماعشتها


معقولة مالك ذكريات شدعوة
فلعة في الراس:tease:
لشطة عسو:nice:
نعال يابسة
مسمار حلي في الريل
انت عندك بس مستحي
خايف الربع يستلمونك:nice:

[qatarshark]

عمتي الله يرحمها كانت تخش لي من الثريد واكله بارد كان طعمة وايد غير و للحين احب اكلة بارد بعد صلاة الترويح واحس نفس طعم ثريد عمتي الله يرحمها ويرحم اموات المسلمين


اخ يا الفاطرة :anger1:
أحلى شي يوم كنا نفطر في رمضان واحنا صغار:secret:
انتخشش عن الوالدة:nice:
خبرج المحلبية والجلي له طعم الصبح:tease:

[بصمة قطرية]

خخخخخخخخخ
المشاركات عجيبة :nice:
يا زين ذكريات رمضان ..
ما اذكر شي حالياً بس ان شاء الله اذا تذكرت رجعت للموضوع :victory:
كل سنه اعاني في رمضان من كائن بشري صغير عندي :weeping:
كل ما سويت سويت و دخلته الثلاجة لازم احصل بصمات اصابعه :(
هددته السنه انه ما يدخل المطبخ كلش :anger1:
يقول ابي اساعدج يمه و اتعلم عشان اصير طباخ :rolleyes2:

[M S A]

أحلى شي أذكرة و أنا صغير و أول ما بديت الصوم (ههههه) كنت أنخش و آكل إلي أبيه و بعدين آكل وراه لازم حبة جبن راميك (مال أول) عشاك كل أبوي يقول إفتح حلجك أشوفك صايم و ألا فاطر؟ فكنت بالنسبة لهم إني صايم لأن حلجي دايما لونه أبيض من الصيام. طبعا مب من الصيام !! إنتوا تعرفوون ليش!!!:shy:

[غزلان]

اصعب شي رمضان بالجامعه عندي محاضرات برمضان قمة التعب الدكتور يشرح ومحد منتبه من السهر ومافي نوم والصبح جامعه

[البحار00]

اتذكر ايام الطفوله كنت أنا وعيال عمي صيااام

وقبل الفطور بساعه ولا ساعتين عندنا مباراة في حوش بيتنا

والحكم اخوي الكبير ههههههه عاد ياهو حكم الله بالخير الفاول لي يحسبه ضدي

والفطوووور يوميا في الميلس

يازين ذيك الايام


ههههههه كانت الوالدة ساعات تقولي تعال ذوق الصالونه شوف ملحها زين

هههههه أقولها ماصخه وهي بحر اخخخخخ أخساس من قلب

[qatarshark]

خخخخخخخخخ
المشاركات عجيبة :nice:
يا زين ذكريات رمضان ..
ما اذكر شي حالياً بس ان شاء الله اذا تذكرت رجعت للموضوع :victory:
كل سنه اعاني في رمضان من كائن بشري صغير عندي :weeping:
كل ما سويت سويت و دخلته الثلاجة لازم احصل بصمات اصابعه :(
هددته السنه انه ما يدخل المطبخ كلش :anger1:
يقول ابي اساعدج يمه و اتعلم عشان اصير طباخ :rolleyes2:


ههههههههههههه
الحين أنا عرفت السبب ليش نكك بصمة:tease:
الله يخلي لج عيالك

[qatarshark]

أحلى شي أذكرة و أنا صغير و أول ما بديت الصوم (ههههه) كنت أنخش و آكل إلي أبيه و بعدين آكل وراه لازم حبة جبن راميك (مال أول) عشاك كل أبوي يقول إفتح حلجك أشوفك صايم و ألا فاطر؟ فكنت بالنسبة لهم إني صايم لأن حلجي دايما لونه أبيض من الصيام. طبعا مب من الصيام !! إنتوا تعرفوون ليش!!!:shy:


هاااااااااي
خوش فكرة
لا أنا احسن منك كنت اكل زعتر
ويبين السمسم بين الضروس:tease:
يسلمو على المشاركة الحلوة

[qatarshark]

اصعب شي رمضان بالجامعه عندي محاضرات برمضان قمة التعب الدكتور يشرح ومحد منتبه من السهر ومافي نوم والصبح جامعه






سكتي كرهت الجامعة والسلة رمضان
لي سالفة بعدين باقولها

[qatarshark]

البحار
صدقت والله ياحلو الكورة قبل الفطور حتى السياكل لها طعم
يسلمو على الطلة الحلوة

[intesar]

ههههههههههههههههه
انتي ما عندج ذكريات شينة:anger1:
تذكرين جدر الهريس لما اتحوسين في الورية:nice:
وكوعج املقمص من الهريس:tease:
ماتبين اتعلمين هاااااااا:eek5:

لا ورية الهريس ما سويتها :tease:
بعظامة اللحم اللي يالهريس ايه..:nice:

[qatarshark]

لا ورية الهريس ما سويتها :tease:
بعظامة اللحم اللي يالهريس ايه..:nice:


اما العظامة شي :nice:
احلى شي حق التمصمص

[intesar]

والكاسترد والمهلبية..

من أمي تخلص وتصبها بالطوووس..
نقعد نحوس باللي بالقاع..

هذي قمة في الروعة..

[غزلان]

سكتي كرهت الجامعة والسلة رمضان
لي سالفة بعدين باقولها



هذا وانت فاطر:secret:

[ام وليد]

واو والله كانت ايام حلوة . ذكرتوني ببرنامج امرح واربح لجاسم عبدالعزيز .

[بو الجوري]

أحلى شي أذكرة و أنا صغير و أول ما بديت الصوم (ههههه) كنت أنخش و آكل إلي أبيه و بعدين آكل وراه لازم حبة جبن راميك (مال أول) عشاك كل أبوي يقول إفتح حلجك أشوفك صايم و ألا فاطر؟ فكنت بالنسبة لهم إني صايم لأن حلجي دايما لونه أبيض من الصيام. طبعا مب من الصيام !! إنتوا تعرفوون ليش!!!:shy:

طلعت مب هيّن ههههههههه

[qatarshark]

والكاسترد والمهلبية..

من أمي تخلص وتصبها بالطوووس..
نقعد نحوس باللي بالقاع..

هذي قمة في الروعة..


الله يغربل ابليسج:nice:
والله ايام خصوصا اذا توها مستويه حااااارة
اممممممممممممممممممممم
وساعات انغافل الوالدة ونبوق وحد من الطوووس

[qatarshark]

هذا وانت فاطر:secret:


سكتي:anger1:
اششششششششششششش:secret:
لحد يدري:(

[qatarshark]

واو والله كانت ايام حلوة . ذكرتوني ببرنامج امرح واربح لجاسم عبدالعزيز .


بل يا ام وليد صج عتيجة:tease:
لا وبالاخير يقدم برنامج ليلة العيد:tease:

[بـارود]

- متابع .. ولكن بصمت :) ؛

[M S A]

طلعت مب هيّن ههههههههه



كلي حركاااااااااااااات

[Tulip - Q6r]

لما كنا صغار كانت عندي ( نباطة ) وكان الوقت بعد صلاة العصر .. وحدة من الجيران جالسه عند جدتي الله يرحمها ويرحم موتى المسلمين .. وكان بالغلط اشد النباطة ابي اضرب برع البيت ولا اخوي بالغلط يفر يدي .. تضرب باب الصالة وتروح الحصاه سييييييييييييييييييدة في راس العيوز ههههههه

عاد الجدة وين ذيك العلوم ... والسب والشتم والقذف ههههههه

قالت فطرتنا حسبي الله على بليسك

طبعاً أخوكم يومين ما مر جدام جدته لأنها ماسكة المهفة تنتظرني علشان تربعها على راسي هههههههه




هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههه ضحكتني من قلللب

[آنا غيــر]

انا مره عشت اتعس قرنقعوه في حياتي

لاني يوم لبست البخنق .. قذلتي تنزل على عيني .. قمت ويبلفيت بقصها بنفسي

وقصيتها مثلث :(

وامي خلتني عقابا لي اطلع بهالقذله المثلثه لانها انفجرت من العصبيه :/

وكل بيت اروحه يقولون ليش قذلتج جذي قولي حق امج تعدلها ..

حررام =(

[intesar]

انا مره عشت اتعس قرنقعوه في حياتي

لاني يوم لبست البخنق .. قذلتي تنزل على عيني .. قمت ويبلفيت بقصها بنفسي

وقصيتها مثلث :(

وامي خلتني عقابا لي اطلع بهالقذله المثلثه لانها انفجرت من العصبيه :/

وكل بيت اروحه يقولون ليش قذلتج جذي قولي حق امج تعدلها ..

حررام =(


هههههههههه.. أحلى عقاب.،:tease:

[M S A]

انا مره عشت اتعس قرنقعوه في حياتي

لاني يوم لبست البخنق .. قذلتي تنزل على عيني .. قمت ويبلفيت بقصها بنفسي

وقصيتها مثلث :(

وامي خلتني عقابا لي اطلع بهالقذله المثلثه لانها انفجرت من العصبيه :/

وكل بيت اروحه يقولون ليش قذلتج جذي قولي حق امج تعدلها ..

حررام =(


ما شاء الله عليج سابقة عصرج بالقصّات funky

[qatarshark]

كل يوم في رمضان اخذ اليهال واوديهم للمدفع لكن ما انتظر لين يحين موعد الاذان مجرد تمشية مع اليهال وفي يوم من الايام قررت اني اخلي اليهال يشوفون المدفع وهو يثور وخذيت الفطور معاي المهم قبل الموعد بدقايق اقول لليهال لاتخافون ترى صوته ما يخرع وانا حاط رجلي اليسرى برع الموتر المهم وانا اتكلم مع اليهال الا ثاير المدفع ومن الخرعة ضربت ريلي في باب السيارة اليهال ماتوا من الضحك علي:tease: وانا في حالة ما يعلم بها الا الله:weeping:
الركبة راحت في خرايطها:(
وهذي اخر مرة اخلي ريلي برع السيارة

[intesar]

فشلة.. صح..

[qatarshark]

فشلة.. صح..

سكتي لين اللحين يذكروني :anger1:
مع انهم تخرجوا من الجامعة:victory:
لا في قصة اعبر منها باقولها بعدين :tease:

[intesar]

منتظرين..

[Chambray]

اذكر سنة من السنين بعد الفطور طلعت فوق السطح أتحرى شوفة هلال العيد وكان يوم ٢٩ رمضان. وكان أيامها الجو زوين. المهم وانا قاعد فوق السطح خذت لي غفوة كم دقيقة إلا وصوت المدافع وكان اعلان ان غداً العيد. قحصت وفزيت من الصوت ونزلت على الدرج إلا الأهل قافلين باب السطح بالمفتاح. المهم ضربت الباب ولما سمعوا ضرب الباب كل منهم حط رجله وشرده لين الحوش يحسبون جني. إلا وانا اطل من فوق السطح اقول لهم بطلوا لي الباب

:nice::nice::nice::nice: ههههههههههههههههههه

[آنا غيــر]

سكتي لين اللحين يذكروني :anger1:
مع انهم تخرجوا من الجامعة:victory:
لا في قصة اعبر منها باقولها بعدين :tease:

غريبه يعني يا قطر شارك يعني انت الحين ماشالله شيبه شلون جذي تعرف تطبع وتدش النت وتستعمل الفيسات :eek5:

[qatarshark]

غريبه يعني يا قطر شارك يعني انت الحين ماشالله شيبه شلون جذي تعرف تطبع وتدش النت وتستعمل الفيسات :eek5:

شيبة :anger1:
انا شباب عمري 45
يعني يوم كنت في العشرينات هم صغار وعليج الحسبة:victory:
ياخالتي:tease:

[طموحي عالي]

معقولة مالك ذكريات شدعوة
فلعة في الراس:tease:
لشطة عسو:nice:
نعال يابسة
مسمار حلي في الريل
انت عندك بس مستحي
خايف الربع يستلمونك:nice:

خيي أول شيء كل عام ؤانت بخير

ثانيا أنا بنت

ثالثا كلش ماعندي ذكريات عشت طفولتي بنت وحيده وهاديه واهلي يخافون على من كل شيء

إن شاء الله من تجارب الأعضاء ممكن أذكر شيء

[طموحي عالي]

انا مره عشت اتعس قرنقعوه في حياتي

لاني يوم لبست البخنق .. قذلتي تنزل على عيني .. قمت ويبلفيت بقصها بنفسي

وقصيتها مثلث :(

وامي خلتني عقابا لي اطلع بهالقذله المثلثه لانها انفجرت من العصبيه :/

وكل بيت اروحه يقولون ليش قذلتج جذي قولي حق امج تعدلها ..

حررام =(

ههههههههههههههههه
ماتخيل المصيبه اللي سويتيها

إنا كنت ؤايد خوافه ماسوي جيه مستحيل

[الإكسير]

انه يوم اني صغير ، في رمضان ، ما كنت ابلع ( ريجي ) طول النهار احسبه يفطر
لين صادني جفاف حاد وطحت عليهم
ههههههههههههههههههههههههههههههههههه

هههههههههههههههههاي ذبحتني من الضحك

[qatarshark]

خيي أول شيء كل عام ؤانت بخير

ثانيا أنا بنت

ثالثا كلش ماعندي ذكريات عشت طفولتي بنت وحيده وهاديه واهلي يخافون على من كل شيء

إن شاء الله من تجارب الأعضاء ممكن أذكر شيء

مشكورة اختي على الرد الحلو:victory:
بس الي اقصده لازم في مواقف حلوة:nice:
يعني مرة مارحتي المطبخ وسلمتي على الثلاجة والاهل راقدين:tease:
وخذتي لج محلبية ولا جلي ورحتي الحجرة وهفيتيها:tease:

[intesar]

شارك البنات ما يبوقون أكل برمضان هاي شغل الأولاد..

[qatarshark]

شارك البنات ما يبوقون أكل برمضان هاي شغل الأولاد..

انتصار والله الظاهر اني باييب الثلاجة تشهد عليكم:tease:

[روعة الجوري]

انا مره عشت اتعس قرنقعوه في حياتي

لاني يوم لبست البخنق .. قذلتي تنزل على عيني .. قمت ويبلفيت بقصها بنفسي

وقصيتها مثلث :(

وامي خلتني عقابا لي اطلع بهالقذله المثلثه لانها انفجرت من العصبيه :/

وكل بيت اروحه يقولون ليش قذلتج جذي قولي حق امج تعدلها ..

حررام =(

على كثر ماضحكت عورتي قلبي

انا سويت سالفتج قبل العيد مرة بس مب مثلث سيدة واندستني امي على راسي وهزاتني وصحت وسطرتني اختي الكبيرة وصحت وماتفطرت عدل احط اللقمة فحلجي واصيح وابوي يروح ويرجع يراضيني بالكلام بس مافي فايدة مصيبة وصارت وعدلتها امي عقب العشا قصت من شعري ونزلته على قذلتي وطلع ثاني يوم العيد ومشيت حالي وماكان حلو ذاك العيد وجمعت 38 ريال

مالي نفس اعيد ذاك اليوم

[روعة الجوري]

اتذكر فترة الاعلانات تلوع جبدي متى يبدا المسلسل او الفوازير

الضحى و الظهر خواتي يهاوشونا يبونا نهدأ من اللعب لكن مافي فايدة لين يلعنون شكلنا ولا تبدا فترة طبق اليوم وبرامج الاطفال

[روعة الجوري]

يوم القرنقعوة يوم حافل

ارفض اقرقع بجلابية وبخنق.... ابي فستان منفش ومب مشكلة مال العيد اللي قبل

مابي خريطة قرقيعان ابي قرطاس كبير ومتين يستحمل القرنقعوة واحجزه قبل القرقيعان بيوم واحيانا اذا خايفة على مستقبلي بيومين

فطورنا بس جلي ونطير نتجهز

ويا حلاة القرقيعان

[qatarshark]

روعة الجوري
ضحكتني سوالفج
خصوصا الفستان المنفش:tease:
بس والله كانت ايام حلوة مب اللحين اليهال يقرقعون مع الخدامات:nice:

[آنــه]

من أحلى الذكريات المسحر والسياكل

كنا تتجمع كلنا عيال الفريج وبعض البنات مب كلهم أهلهم يرضون يطلعون والا يسوقون سيأكل عاد أبوي رحمة الله عليه يكون ويانا وننتظر المسحر يمر علينا ونلحقه عاد في شباب كبار بالنسبة لنا وفيهم شوي وش الله يذكرهم بالخير يمكن اللي سكنوا مدينة خليفه وبن عمران و كليب والهتمي وشقره يعرفونهم اذكر مره كنا تونا لافين ع الفريج اللي ورانا والا انا اضحك وقلت للبنات اللي وياي ابيه اكو حكيم جانا .. انا قلت هالكلمه الا الكل شرد لا بنات ولا صبيان وأعقد أتلفت ابي اعرف شالسالفه الا حكيم موجود صح وأبوي يضحك علي تميت بروحي مافي الا أحط رجلي الا أشوف حوادث في فريجنا اللي داشه في الطوفه وتصيح واللي اهلهم مسكرين عنهم الباب واللي دروا ان حكيم جا سكروا عنه الباب
وانا دشيت بيت جيرانا انطر أبوي وأختي نزلغت من الخوف ويوم جا أبوي قعد يضحك علينا يقول لي ليش ما وقفتي عندي ما يسوي لج شي وسكر من الضحك على اختي قال لها المره الجائع ما تر حين ع الهيكل صار أبوي يؤديها وياه في السياره هي واللي دشت في الطوفه هذي من اجمل ذكريات رمضان

بس والله مسكين طلع الريال حليو بس ما يتكلم .. الله يذكره بالخير

[R 7 A L]

انا اتذكر رمضان يمكن سنة 88 او 87 كان في أخر الشتاء والجو
حلو
المهم مجهزين الفطور في الدكه وكانت فيه وحدة من سياراتنا واقفة جهه الجنوب
اخوي الكبير قال غير مكانها خل الهواء يجينا المهم ابو الشباب وبحكم صغري ما اشوف قدامي وبحكم اخر واحد وقف السيارة كان كاسر للدركسون حده شغلت السيارة و واحد ولا هي راكبه الدكه والشلة متناثرين زين مادعست احد والفطور في خبر كان تحت السيارة وانا ضربت لدركسون وانتفخت جبهتي من غير الدم من خشمي
تقولون ضاربنا لغــم ههههههههههههههه :funny:

[حفيد الأنصار]

[quote=البحار00;8323266]اتذكر ايام الطفوله كنت أنا وعيال عمي صيااام

وقبل الفطور بساعه ولا ساعتين عندنا مباراة في حوش بيتنا

والحكم اخوي الكبير ههههههه عاد ياهو حكم الله بالخير الفاول لي يحسبه ضدي

والفطوووور يوميا في الميلس

يازين ذيك الايام




انت مثلي زمان كنا العصر لازم نلعب مباراة
صح تعطش لكن شي حماسي

[طموحي عالي]

مشكورة اختي على الرد الحلو:victory:
بس الي اقصده لازم في مواقف حلوة:nice:
يعني مرة مارحتي المطبخ وسلمتي على الثلاجة والاهل راقدين:tease:
وخذتي لج محلبية ولا جلي ورحتي الحجرة وهفيتيها:tease:

خخخخخخ
لا نهائيا ماعندي هالسوالف

[طموحي عالي]

انا اتذكر رمضان يمكن سنة 88 او 87 كان في أخر الشتاء والجو
حلو
المهم مجهزين الفطور في الدكه وكانت فيه وحدة من سياراتنا واقفة جهه الجنوب
اخوي الكبير قال غير مكانها خل الهواء يجينا المهم ابو الشباب وبحكم صغري ما اشوف قدامي وبحكم اخر واحد وقف السيارة كان كاسر للدركسون حده شغلت السيارة و واحد ولا هي راكبه الدكه والشلة متناثرين زين مادعست احد والفطور في خبر كان تحت السيارة وانا ضربت لدركسون وانتفخت جبهتي من غير الدم من خشمي
تقولون ضاربنا لغــم ههههههههههههههه :funny:

إخس المواقف اللي تصير والفظور كله يرووووح
خصوصا إذا مسويين شيء حلو وألواحد جوغان وخلاص ينتظر الآذان

[بصمة قطرية]

يحليلكم يا بنات :nice:
ذكرتوني بايااااااااام
في العيد لازم اكون سندريلا :shy:
احلى فستان في الفريج :nice:
و لازم الفستان نافش :shy:
خخخخخخخخخخخ
لازم اطلع احلى وحدة ولا ما اروح اعيد معاهم :secret:
اشوف فساتين البنات و ارتاح نفسياً اذا فستاني احلى :shy:
و لازم اقود البنات انا الاميرة خخخخخخخخخ :secret:
حلجي ينشق اذا دخلنا بيت و امدحوني او امدحوا فستاني :nice:
فديت ابوي الله يحفظه و يطول بعمره :shy:
كان كل عيد يوديني محل ايفل و ياخذ لي احلى فستان :nice:

[روعة الجوري]

يحليلكم يا بنات :nice:
ذكرتوني بايااااااااام
في العيد لازم اكون سندريلا :shy:
احلى فستان في الفريج :nice:
و لازم الفستان نافش :shy:
خخخخخخخخخخخ
لازم اطلع احلى وحدة ولا ما اروح اعيد معاهم :secret:
اشوف فساتين البنات و ارتاح نفسياً اذا فستاني احلى :shy:
و لازم اقود البنات انا الاميرة خخخخخخخخخ :secret:
حلجي ينشق اذا دخلنا بيت و امدحوني او امدحوا فستاني :nice:
فديت ابوي الله يحفظه و يطول بعمره :shy:
كان كل عيد يوديني محل ايفل و ياخذ لي احلى فستان :nice:

اول مرة اسمع بهالمحل :shy: مادريت عنه ولا كنت حنيت على امي :eek5:

فساتينا مالت العيد لازم منفشة ودلاغ بو كركش وجوتي كرمكم الله جديد وشنطة جديدة :victory::nice:

فديت امي لازم القطعة احدث ما وصل والموديل نفس الشي عالموضة

ويوم 29 الصبح لازم نتحنى

ليلة العيد فالليل عقب ماياخذ البيت اللوك الجديد ويتدخن ويتبخر والمشموم والحركات نعلق الفستان وتحط تحته الجوتي اعزكم الله والدلاغ والشنطة

مرة كرهت نفسي على هالسالفة حطيت الدلاغ فالجوتي كل طبجة دلاغ وكنت لافتها ويوم قمت الصبح وجيت البس انهرت نفسيا وقعدت اصيح :weeping: وعطتني وحدة من خواتي دلاغها ويوم جيت بلبس الجوتي الا دلاغي فيه! :eek5::shy: طبعا رجعت دلاغها ولبست دلاغي لاني من الاساس كنت ميته عليها واول من اختارها :nice: هههههههههههههههههه




جنه طلعنا عن صلب الموضوع :shy:

[آنــه]

^


انتوا وديتونا العيد الله يهدأكم خلنا في اول الايام ههههههههه

[بصمة قطرية]

اول مرة اسمع بهالمحل :shy: مادريت عنه ولا كنت حنيت على امي :eek5:

فساتينا مالت العيد لازم منفشة ودلاغ بو كركش وجوتي كرمكم الله جديد وشنطة جديدة :victory::nice:

فديت امي لازم القطعة احدث ما وصل والموديل نفس الشي عالموضة

ويوم 29 الصبح لازم نتحنى

ليلة العيد فالليل عقب ماياخذ البيت اللوك الجديد ويتدخن ويتبخر والمشموم والحركات نعلق الفستان وتحط تحته الجوتي اعزكم الله والدلاغ والشنطة

مرة كرهت نفسي على هالسالفة حطيت الدلاغ فالجوتي كل طبجة دلاغ وكنت لافتها ويوم قمت الصبح وجيت البس انهرت نفسيا وقعدت اصيح :weeping: وعطتني وحدة من خواتي دلاغها ويوم جيت بلبس الجوتي الا دلاغي فيه! :eek5::shy: طبعا رجعت دلاغها ولبست دلاغي لاني من الاساس كنت ميته عليها واول من اختارها :nice: هههههههههههههههههه




جنه طلعنا عن صلب الموضوع :shy:


^


انتوا وديتونا العيد الله يهدأكم خلنا في اول الايام ههههههههه

العيد بعد رمضان :shy::secret:

[آنــه]

لي موقف كنت فيه شيطانه وكان في رمضان في اول او ثاني ابتدائي يعني في الثمانينات ههههههههههههه
انا وبنت جيرانا الله يذكرها بالخير .. كنا حاقدين على وحده ونبي نأدبها من نشوف خدامتهم موديه اغراض لبيوت الجيران نعطيها رسايل ونخليها توديها لها , اختي اللي اكبر مني مسكينه كنا نقول لها ترسم وانا وبنت جيرانا نكتب الكلام لين امها صادت الرسايل وما مداها اختي تدش البيت وجان تتصل بيتنا وبيت بنت جيرانا وتعلم اهلنا ان احنا نكتب ونسب بنتها وان البنت تصيح وان راسمين لها و كاتبين كلام عيب والله ما كتبنا شي بس كنا نكتب لها يالعنيوش والا عقرب الساس ههههههههههههههههه وانضرت بنت جيرانا واختي قبل الفطور وعليه وانا طلعت سالمه الحمدلله

[دااانة قطر]

لي موقف كنت فيه شيطانه وكان في رمضان في اول او ثاني ابتدائي يعني في الثمانينات ههههههههههههه
انا وبنت جيرانا الله يذكرها بالخير .. كنا حاقدين على وحده ونبي نأدبها من نشوف خدامتهم موديه اغراض لبيوت الجيران نعطيها رسايل ونخليها توديها لها , اختي اللي اكبر مني مسكينه كنا نقول لها ترسم وانا وبنت جيرانا نكتب الكلام لين امها صادت الرسايل وما مداها اختي تدش البيت وجان تتصل بيتنا وبيت بنت جيرانا وتعلم اهلنا ان احنا نكتب ونسب بنتها وان البنت تصيح وان راسمين لها و كاتبين كلام عيب والله ما كتبنا شي بس كنا نكتب لها يالعنيوش والا عقرب الساس ههههههههههههههههه وانضرت بنت جيرانا واختي قبل الفطور وعليه وانا طلعت سالمه الحمدلله



حركااات حلوة:nice:

[Bin Hood]

اخوي انا عندي ذكرى عيد عاد ما اذكر فطر والا اضحى

امرة يوم كنت صغير كنت اصيح على الوالد ابغي عيد باجر
قام وداني البلكونه قال لي تشوف الهلال
قلت له لاء
قال لي عيل باجر هب عيد
وبعدين سكت

عاد شدعوة لو باجر عيد بشوف الهلال

[الزعفراني]

انا من الناس اللي كانوا يبطلون الثلاجة ويشوفون جيك الفيمتو البارد وما يقدرون يقاومون المنظر .. ويشربون منه وعقب ما يشرب يمش شفايفه عشان لا تبين اثار الفيمتو .. ويغسل لسانه .. والمشكلة كل ذي قبل الفطور بنص ساعه

[الزعفراني]

راحوا الطيبين

[دااانة قطر]

انا من الناس اللي كانوا يبطلون الثلاجة ويشوفون جيك الفيمتو البارد وما يقدرون يقاومون المنظر .. ويشربون منه وعقب ما يشرب يمش شفايفه عشان لا تبين اثار الفيمتو .. ويغسل لسانه .. والمشكلة كل ذي قبل الفطور بنص ساعه



داايما اخر سااعه ونص سااعه ثقيله



بس انا كنت احب اكل السمبوسه والبااكوره ( لاتقاااوم)

[qatarshark]

لي موقف كنت فيه شيطانه وكان في رمضان في اول او ثاني ابتدائي يعني في الثمانينات ههههههههههههه
انا وبنت جيرانا الله يذكرها بالخير .. كنا حاقدين على وحده ونبي نأدبها من نشوف خدامتهم موديه اغراض لبيوت الجيران نعطيها رسايل ونخليها توديها لها , اختي اللي اكبر مني مسكينه كنا نقول لها ترسم وانا وبنت جيرانا نكتب الكلام لين امها صادت الرسايل وما مداها اختي تدش البيت وجان تتصل بيتنا وبيت بنت جيرانا وتعلم اهلنا ان احنا نكتب ونسب بنتها وان البنت تصيح وان راسمين لها و كاتبين كلام عيب والله ما كتبنا شي بس كنا نكتب لها يالعنيوش والا عقرب الساس ههههههههههههههههه وانضرت بنت جيرانا واختي قبل الفطور وعليه وانا طلعت سالمه الحمدلله


هههههههههههههههههههه
والله منتي سهلة ياالعنيوش:tease:

[qatarshark]

اخوي انا عندي ذكرى عيد عاد ما اذكر فطر والا اضحى

امرة يوم كنت صغير كنت اصيح على الوالد ابغي عيد باجر
قام وداني البلكونه قال لي تشوف الهلال
قلت له لاء
قال لي عيل باجر هب عيد
وبعدين سكت

عاد شدعوة لو باجر عيد بشوف الهلال

هااااااااااااااااااااااااااي
والله ابوك فنان يعرف يقص عليك
ذكرني بولدي قبل رمضان بيومين يقولي ودني المدفع لا ويصيح بعد:tease:

[qatarshark]

انا من الناس اللي كانوا يبطلون الثلاجة ويشوفون جيك الفيمتو البارد وما يقدرون يقاومون المنظر .. ويشربون منه وعقب ما يشرب يمش شفايفه عشان لا تبين اثار الفيمتو .. ويغسل لسانه .. والمشكلة كل ذي قبل الفطور بنص ساعه

هههههههههههههههههههههه
المفروض ما يسمونك الزعفراني
يسمونك الفيمتواني:tease:

[qatarshark]

داايما اخر سااعه ونص سااعه ثقيله



بس انا كنت احب اكل السمبوسه والبااكوره ( لاتقاااوم)

دانة
انا مثلج كل يوم سمبوسة خضرة من عند بوهناد:victory:
بس ودي اعرف الباكورة شنهي:eek5:

[روعة الجوري]

لي موقف كنت فيه شيطانه وكان في رمضان في اول او ثاني ابتدائي يعني في الثمانينات ههههههههههههه
انا وبنت جيرانا الله يذكرها بالخير .. كنا حاقدين على وحده ونبي نأدبها من نشوف خدامتهم موديه اغراض لبيوت الجيران نعطيها رسايل ونخليها توديها لها , اختي اللي اكبر مني مسكينه كنا نقول لها ترسم وانا وبنت جيرانا نكتب الكلام لين امها صادت الرسايل وما مداها اختي تدش البيت وجان تتصل بيتنا وبيت بنت جيرانا وتعلم اهلنا ان احنا نكتب ونسب بنتها وان البنت تصيح وان راسمين لها و كاتبين كلام عيب والله ما كتبنا شي بس كنا نكتب لها يالعنيوش والا عقرب الساس ههههههههههههههههه وانضرت بنت جيرانا واختي قبل الفطور وعليه وانا طلعت سالمه الحمدلله
هههههههههههههههههه فضيعة احس انج انتي اللي محرضة عالرسايل

هااااااااااااااااااااااااااي
والله ابوك فنان يعرف يقص عليك
ذكرني بولدي قبل رمضان بيومين يقولي ودني المدفع لا ويصيح بعد:tease:
اول يوم في رمضان يغنون يالعيد عود :eek5:

دانة
انا مثلج كل يوم سمبوسة خضرة من عند بوهناد:victory:
بس ودي اعرف الباكورة شنهي:eek5:

كباب نخي/كباب هندي

[دااانة قطر]

دانة
انا مثلج كل يوم سمبوسة خضرة من عند بوهناد:victory:
بس ودي اعرف الباكورة شنهي:eek5:


http://www.shamoa.com/up//uploads/images/shamoa-a5ad726d63.jpg

[qatarshark]

من ذكرياتي المضحكة في رمضان :nice:
مرة من المرات قلت باروح اسمع المدفع مال السحور وطبعا خذت لي قرشة ماي:)
علشان امسك , المهم انا من غبائي رحت من جنوب المدفع مب من شمال:eek5:
ومخلي دريشة السيارة مفتوحة يابلفيت ان الجو حلو:eek5:
واول ما ثار المدفع الا البارووود كله عندي بالموتر:(
قمت اكح كح من ريحة البارووود وحسيت اني بلعت المدفع بكبره:tease:
قمت اشرب ماااااي واتمضمض لان البارود لصق في لهاتي:weeping:
وهاي آخر مرة اشوف المدفع يضرب:tease:

[آنــه]

هههههههههههههههههه فضيعة احس انج انتي اللي محرضة عالرسايل





والله مب انا هذي بنت جيرانا اللي قالت خلنا نكتب لها
انا فكرتي هي الرسمه لانها بتكون معبرة اكثر :shy:


قرش قطر :
من هين الحين يا قرش حتى العتله ماهي بهينه


لي ذكرى مع المدفع بعدين بذكرها

[qatarshark]

من الذكريات الي ما نساها برمضان:nice:
كنا نلعب بالسياكل وتخبرون الليف مال المواعين لما اتشبه اشلون يصير شييييييي والله:victory:
المهم انا شفت الربع يحطون الليف على الرنغ مال السيكل ويشبونه ويمشون به شكله وايد حلو :nice:بس لابد من الحرص :)المهم اخوكم شارك الي هو انا حبيت اجرب الحركة ولفيت الليف على رنغ السيكل والباقي خليته في فخذ السيكل وهي المنطقة بين سكان السيكل والمقعدة وشبيت الليف ومشيت المهم وانا امشي يات شرارة على الليف:tease: الي بفخذ السيكل وشب الليف كله عند ريولي:weeping: وبقى يشب ثوبي :tease:انا من الخرغة طبيت من السيكل على القار:eek5: وتزلقت وحالتي حالة :tease:وحرمت اني اسوي شي ما اعرفه :anger1:
وهاي قصتي مع الليف في رمضان:nice:

[M S A]

يا حلو سوالفكم مالت أول. مب أول واجد ... بس حلوة . تونس.