عملية الليزك او انتراليزك .. تفضوا

[هيا82]

السلام عليكم ورحمة الله وبركاته


اخواني واخواتي الافاضل .. اليوم بغيت رايكم

بأفضل مكان لعملية الليزك او الانتراليزك اذا عندكم فكرة وكم صارت تكلفتها حالياً
صديقتي تعاني من بعد النظر وليس القصر .. يعني تشوف البعيد والقريب ماتشوفه
تلبس العدسات 3.5 + .. وتتسائل اذا حالتها ينفع لها الليزك ولا لا

اتمنى تفيدوني جزاكم الله خير

[faisalqatar]

عملية الالترا ليزك ليحين ما جابوها الدوحه بس موجوده في دبي في عيادة الدكتور خالد الشريف
على كلام الدكتور خالد الشريف هالعملية وايد اريح و اسهل للمريض والله اعلم

انا عن نفسي سويت عملية الليزك العادية في مركز العيون التخصصي في قطر عند الدكتور خالد الشريف و الحمدلله الحين اشوف تمام التمام و لله الحمد والمنه
كلفتني العملية 10000 ريال تقريبا مع الفحوصات

الصراحة اعرف وايد ناس سوو عند الدكتور خالد و محد تشكى منهم وهاي الشي اللي خلاني اسوي عنده بدون ما افكر اني اروح حق حد ثاني .. وميزة مركز العيون التخصصي يعطونج تأمين بعد العملية و اتراجعينهم كثر ما تبين بدون اي رسوم اضافية .. ((عيبهم الوحيد .. زحمة عندهم وتنطرين سنة لين تدخلين على الدكتور))

[الحال مايساعد]

إختي حياك الله
بالنسبة لأفضل مكان مافي أحد راح يفيدك لأن العمليه هذي تسوينها مرة واحدة بالعمر بمعنى ماقدر أقول إني جربت أكثر من واحد ولأفضل هو كذا!!! ، لكن أنا سويتها من سنه بمستشفى العيون التخصصي وكانت قصر نظر وليس بعد نظر ، والحمد لله مرتاح والأمور طيبه ، بالنسبة لحالة صديقتك بالإمكان الذهاب وأخذ:
* إستشارة من الدكتور مجاناً ، شرح مفصل للعملية
* في حالة الموافقه يتم عمل فحص يستغرق حوالي ساعتين بمبلغ 900 ريال
* على ضوء الفحص يتم تحديد موعد العملية بتكلفة 9000 ريال
سمعت بعد إن مستشفيات مغربي تسوي هالعمليات لكن ماجربت

وماتشوفون شر

[eXpert*]

السلام عليكم ورحمة الله وبركاته


اخواني واخواتي الافاضل .. اليوم بغيت رايكم

بأفضل مكان لعملية الليزك او الانتراليزك اذا عندكم فكرة وكم صارت تكلفتها حالياً
صديقتي تعاني من بعد النظر وليس القصر .. يعني تشوف البعيد والقريب ماتشوفه
تلبس العدسات 3.5 + .. وتتسائل اذا حالتها ينفع لها الليزك ولا لا

اتمنى تفيدوني جزاكم الله خير

عليكم السلام ورحمة الله وبركاته .

أتمنى من صديقتج تراجع المختصيين في تصحيح النظر ، لأنها تختلف من شخص لأخر.

[الفرحه]

السلام عليكم انا بعد انصحج بالدكتور الشريف بس اللي سمعته ان الاسعار ارتفعت عن قبل انا سويتها مع الفحص بعشرة , والدكتور ما شاء الله ما عليه كلام الكل يمدح فيه استخيري وتوكلي .

[ذباح]

الله يكتبب الي فيه الخير

[383 STROKER]

سويت مركز العيون التخصصي في قطر عند الدكتور خالد الشريف و الحمدلله الحين اشوف تمام التمام
التكلفة كانت تقريبا 10 الاف من قبل سنتين

[faisalqatar]

الدوحه كلها مسويه عند خالد الشريف ههههههههههههههه

[القلم الصريح]

د خالد الشريف سوا عملية الليزك للوالده قبل 7 سنوات فالمركز االجبر على ايام المرضى ينعدون على اصابع اليد

[Chambray]

انا سويتها عند الدكتور عثمان العمر ..
نصحني اني اسوي عملية ( ليزر ) وليس ليزك

والحمد لله الم لمدة يومين
ثم الامور ممتازة

لا جفاف ولا غيره ولله الحمد

الليزك يسبب الجفاف

[Riku3]

انا حالياً اتابع من الدكتور احمد في مركز العيون التخصصي وناوي بعد العيد ان شاء الله اسوي العملية مع الدكتور الشريف .. بس قصر نظر ..

الافضل زيارة العيادة وهم بيخبرونها عن افضل الحلول .

[ابوالمديونين]

السلام عليكم ورحمة الله وبركاتة عملة العملية في القاهره في مركزفتحي الصياد للعيون لبنتي والعمليه كانت ناجحه والحمدلله وكلفتني حوالي 3000 الف ريال واليوم ان شاء الله راح اعمل عمليه لاحدى خواتي بنفس المبلغ

[الرايــق]

يمكن انا أكثر واحد سألت عن هالموضوع في المنتدى ..

والحمد لله سويتها عند د. خالد الشريف بمستشفى العيون التخصصي قبل 6 شهور

في فحص لمدة ساعتين ونص هو اللي بيحدد نوع العملية

طبعا في هالمستشفى أفضل من غيره لان عندك مواعيد بعد العملية لمدة بين 3-5 شهور

والف سلامة : )

[بحرقطر]

السلام عليكم ورحمة الله وبركاتة عملة العملية في القاهره في مركزفتحي الصياد للعيون لبنتي والعمليه كانت ناجحه والحمدلله وكلفتني حوالي 3000 الف ريال واليوم ان شاء الله راح اعمل عمليه لاحدى خواتي بنفس المبلغ

يعني ياخوي تنصح نسويها في القاهره هل الاجهزه الي عند مركز فتحي الصياد حديثه
لاني رايح مصر وافكر اسويها هناك ما عليك امرلو تبعث لي عنوانه ورقمه على الخاص *

[هيا82]

جزاكم الله خير على تفاعلكم

[ماريسا]

بالتوفيق

[راشد محمد]

up up up

بالتوفيق