تبليط الحوش الخارجي

[السد]

بغيت رقم شركة او اي واحد يكون فنان في تبليط الحوش الخارجي ( بلاط شعبي) يكون فنان
وشغل مضمون
وشكرا

[معماري قطري]

يا إخوي إذا تبغي تبليط يدوم سو صبية خرسانه أول بميول بسيط لإتجاه تصريف الماي ... وطبعاً بتكون محدد أماكن الزراعة بطابوق أو حجر أو غيره .. وخل الخرسانة تكون على أرضية ممهدة ومدكوكة عدل وبينها وبين الأرضية فاصل بلاستيك سميك .. وإبتعد عن أي حديد أو شبك حديد لكن قبل الصب خلهم يحطون مادة .. Crack controlling additive Grade CEMFIBER F12 أو مادة مساوية لها وهذي تنخلط شوي مع الردي مكس وتكون خيوط فايبر قوية تقاوم التشقق في الخرسانة ... وتنضاف أثناء دوران الخلاط وبكمية بسيطة حسب تعليمات المصنع وسعرها يطلع أوفر بكثير من نظام الحديد ويضمن لنا عدم التشقق مستقبلاً... وللبيوت العادية صبية 25 نيوتن أو حتى 20 نيوتن بسُمك 15 سم كفاية، وفوقها يتركب البلاط ويفضل شعبي كبير بكسر رخام القابل للجلي وبلون رمادي مائل للأسود جتى ما تبين آثار تواير السيارة فيه، ويتركب بلزاق خاص وقراوت نوعية جيدة .

وبهذي الطريقة إنسى ظهور النمل بين البلاط وإضمن ثبات البلاط وقوته، ولا تنسى تركب منهولات قوية اللي يركب البلاط هذا في غطاها، ولا تنسى تعمل فواصل تمدد في ما بين كل مساحة ومساحة ثانية .. يعني في الأطراف كلها خل فاصل بسيط فراغ في حدود 6 ملم وممكن تغطيه بنعلة من نفس البلاط، ولو عندك مثلاً مكان عرضه قليل مقارنة بالمساحات الباقية سو فيه فاصل تمدد بحيث يكون معبأ بالماستك الخاص.

وبالتوفيق إن شاء الله.. ملاحظة إذا إستشاريك عليمي بيعقد لك العملية كلها.

[بن غيث]

معماري قطري .. يبي يسولك حوش ضمان 100 سنة
لو دبابة مرت عليه ما ينكسر البلاط

[معماري قطري]

معماري قطري .. يبي يسولك حوش ضمان 100 سنة
لو دبابة مرت عليه ما ينكسر البلاط

ههههه والله ما بالغت

كان عقدي مع المقاول اني أسوي أسفلت واستبدلناه بهذي الطريقة وطلع تقريباً مساوي لها، وهو صج تشوف البلاط ما شاء الله للحين ثابت بعد 7 سنين من تركب، وتشوف النمل طلع صوب الزراعة بس بين البلاط كلش ما طلع عندي مثل اللي يحطون بلاط على دفان، والميلان تم ثابت الماي يتصرف بسرعه ولا فيه خفقان في الأرض مثل شوارع قطر والشارع اللي سووه بانترلوك كله حفر من سووه لين الحين أشغال ما درت به ويبون ألف واحد يشتكون علشان يصلحونه.

[بن غيث]

ياريال كلها مصالح ..
ولو اشغال فيها خير وناس تخاف ربها ما تعطي المناقصات حق شركات يدرون انها دايخه
وكله من ميزانية الدولة ..

[(محمد)]

معماري قطري .. يبي يسولك حوش ضمان 100 سنة
لو دبابة مرت عليه ما ينكسر البلاط



اضحك الله سنك اخوي بن غيث




خذيتها من لساني ههههههههههههههههههه






معماري قطري احبك في الله :) .. جزاك الله خير على وقفتك مع اخوانك ونصيحتهم بما هو خير لهم ... بيض الله وجهك

[معماري قطري]

اضحك الله سنك اخوي بن غيث




خذيتها من لساني ههههههههههههههههههه






معماري قطري احبك في الله :) .. جزاك الله خير على وقفتك مع اخوانك ونصيحتهم بما هو خير لهم ... بيض الله وجهك


تسلم إخوي الغالي محمد

بما إنك مقاول وممارس لهذي الأعمال شرايك تكلف حد يسوي دراسة مالية لكذا نوع من الأرضيات .. أكيد بدون شك بيكون أرخص نوع الإنتلوك على دفان بودرة الكسارات .. انا سمعت عن شخص خذ بورسلان راقي جداً رمادي وقطع كبيرة 60 في 60 وركبه للحوش .. وحسب كلام ناقل الخبر إنه طلع وايد حلو .. وناس ركبت حجر وغيره ولكل مادة مساويء ومحاسن وانا بحثت وتعبت لين وصلت للي ركبته واقتنعت به وحبيت أوصل الفكرة للباقيين على أساس يطبقونها في مبانيهم، ولو حتى أشغال ما إستخسرت تحط صبية خرسانية تحت الأرصفة والإنترلوك ما كنا بنشوف اللي نشوفه الحين في كل شوارع وأرصفة قطر.

[Chambray]

فكرتك حلوه يا معماري

لكن تدري
الواحد الي يبني يحط الي وراه والي جدامه في هالفيلا

وطبعاً التبليط الخارجي يكون من التشطيبات النهائية للفيلا

فالواحد خلاص فلس ولا عنده امكانية لدفع مبالغ إضافيه خخخخخخخخخخخخ

خصوصاً ان موضوع الصبيه والحديد يكلف :weeping:

[بن غيث]

حديد وصبية بس
اوفر بوايد من تبليط الحوش
مثل ما ذكرت في موضوع سابق
http://www.safeshare.tv/w/RAJBaMxCbb

[(محمد)]

حديد وصبية بس
اوفر بوايد من تبليط الحوش
مثل ما ذكرت في موضوع سابق
http://www.safeshare.tv/w/rajbamxcbb



الفيديو مهم ياخوي بن غيث ... جزاك الله خير

[معماري قطري]

حديد وصبية بس
اوفر بوايد من تبليط الحوش
مثل ما ذكرت في موضوع سابق
http://www.safeshare.tv/w/rajbamxcbb

بهذي التكنولوجيا وبهذي المواد مستحيل يطلع أرخص .. أرخص شيء بيكون بلاط شعبي أردأ الأنواع على بودرة وبأردى مونه وبسمنت أبيض كقراوت وحتى لتهتم بالسلوب ولا بتصريف الماي .

الأرخص طبعاً نفس الطريقة اللي ذكرتها بدون بلاط وبسمك خرسانة 10 سم وبفواصل تمدد كل 3 متر في الإتجاهين، ولو حد يبي يسوي شيء حلو نسبياً يصبغ هذي الأرضية ايبوكس بعد عمل حزوز بسيطة فيها لتمسك في التواير.

[(محمد)]

تسلم إخوي الغالي محمد

بما إنك مقاول وممارس لهذي الأعمال شرايك تكلف حد يسوي دراسة مالية لكذا نوع من الأرضيات .. أكيد بدون شك بيكون أرخص نوع الإنتلوك على دفان بودرة الكسارات .. انا سمعت عن شخص خذ بورسلان راقي جداً رمادي وقطع كبيرة 60 في 60 وركبه للحوش .. وحسب كلام ناقل الخبر إنه طلع وايد حلو .. وناس ركبت حجر وغيره ولكل مادة مساويء ومحاسن وانا بحثت وتعبت لين وصلت للي ركبته واقتنعت به وحبيت أوصل الفكرة للباقيين على أساس يطبقونها في مبانيهم، ولو حتى أشغال ما إستخسرت تحط صبية خرسانية تحت الأرصفة والإنترلوك ما كنا بنشوف اللي نشوفه الحين في كل شوارع وأرصفة قطر.



دعواتكم لنا في أن نصبح مؤسسة كبرى ويكون لنا اقسام للدراسات والتطوير .


والفكرة رائعة حقيقة وتحتاج الى دراسة.

[معماري قطري]

دعواتكم لنا في أن نصبح مؤسسة كبرى ويكون لنا اقسام للدراسات والتطوير .


والفكرة رائعة حقيقة وتحتاج الى دراسة.

إخوي ما قصدت دراسة وتطوير

انتوا أكيد سويتوا مشاريع مشابهة وبمواد تختلف حسب طلب كل عميل .. وتعرفون تكلفة كل نظام تقريباً كم للمتر المربع شامل المواد والأعمال .. وحتى لازم عندكم حاسب كميات يحسب الكميات ونوعيتها وتكلفتها مع نسبة ربحكم ... إلا إذا ما سويتوا هالنوعية من المشاريع أكيد بيكون شيء غريب عليكم .. وبعد حتى أتوقع أي محاسب شاطر يقدر يحسبها بسهولة وتنعرض هنا كمعدل للمتر المربع على أساس المقارنة وإختيار النظام الجيد المناسب لكل شخص.

[(محمد)]

إخوي ما قصدت دراسة وتطوير

انتوا أكيد سويتوا مشاريع مشابهة وبمواد تختلف حسب طلب كل عميل .. وتعرفون تكلفة كل نظام تقريباً كم للمتر المربع شامل المواد والأعمال .. وحتى لازم عندكم حاسب كميات يحسب الكميات ونوعيتها وتكلفتها مع نسبة ربحكم ... إلا إذا ما سويتوا هالنوعية من المشاريع أكيد بيكون شيء غريب عليكم .. وبعد حتى أتوقع أي محاسب شاطر يقدر يحسبها بسهولة وتنعرض هنا كمعدل للمتر المربع على أساس المقارنة وإختيار النظام الجيد المناسب لكل شخص.

طبعا غريب علينا باعتبار اننا مؤسسة صغيرة وناشئة فتحت قريبا جدا ... وتنقصنا الخبرة في امور كثيرة في هذا المجال.


والدراسة والتطوير ليس في مسائل البناء المتعارف عليها , بل دراسة وتطوير للمؤسسة واختصاصاتها واعمالها مقارنة بباقي الشركات المنافسة.

[بونواف2011]

يا إخوي إذا تبغي تبليط يدوم سو صبية خرسانه أول بميول بسيط لإتجاه تصريف الماي ... وطبعاً بتكون محدد أماكن الزراعة بطابوق أو حجر أو غيره .. وخل الخرسانة تكون على أرضية ممهدة ومدكوكة عدل وبينها وبين الأرضية فاصل بلاستيك سميك .. وإبتعد عن أي حديد أو شبك حديد لكن قبل الصب خلهم يحطون مادة .. Crack controlling additive grade cemfiber f12 أو مادة مساوية لها وهذي تنخلط شوي مع الردي مكس وتكون خيوط فايبر قوية تقاوم التشقق في الخرسانة ... وتنضاف أثناء دوران الخلاط وبكمية بسيطة حسب تعليمات المصنع وسعرها يطلع أوفر بكثير من نظام الحديد ويضمن لنا عدم التشقق مستقبلاً... وللبيوت العادية صبية 25 نيوتن أو حتى 20 نيوتن بسُمك 15 سم كفاية، وفوقها يتركب البلاط ويفضل شعبي كبير بكسر رخام القابل للجلي وبلون رمادي مائل للأسود جتى ما تبين آثار تواير السيارة فيه، ويتركب بلزاق خاص وقراوت نوعية جيدة .

وبهذي الطريقة إنسى ظهور النمل بين البلاط وإضمن ثبات البلاط وقوته، ولا تنسى تركب منهولات قوية اللي يركب البلاط هذا في غطاها، ولا تنسى تعمل فواصل تمدد في ما بين كل مساحة ومساحة ثانية .. يعني في الأطراف كلها خل فاصل بسيط فراغ في حدود 6 ملم وممكن تغطيه بنعلة من نفس البلاط، ولو عندك مثلاً مكان عرضه قليل مقارنة بالمساحات الباقية سو فيه فاصل تمدد بحيث يكون معبأ بالماستك الخاص.

وبالتوفيق إن شاء الله.. ملاحظة إذا إستشاريك عليمي بيعقد لك العملية كلها.

السلام عليكم ورحمة الله وبركاته
اخوي معماري قطري تعرف شركه تقدر تسوي لي هذه الطريقة

[العاصم]

يا إخوي إذا تبغي تبليط يدوم سو صبية خرسانه أول بميول بسيط لإتجاه تصريف الماي ... وطبعاً بتكون محدد أماكن الزراعة بطابوق أو حجر أو غيره .. وخل الخرسانة تكون على أرضية ممهدة ومدكوكة عدل وبينها وبين الأرضية فاصل بلاستيك سميك .. وإبتعد عن أي حديد أو شبك حديد لكن قبل الصب خلهم يحطون مادة .. Crack controlling additive Grade CEMFIBER F12 أو مادة مساوية لها وهذي تنخلط شوي مع الردي مكس وتكون خيوط فايبر قوية تقاوم التشقق في الخرسانة ... وتنضاف أثناء دوران الخلاط وبكمية بسيطة حسب تعليمات المصنع وسعرها يطلع أوفر بكثير من نظام الحديد ويضمن لنا عدم التشقق مستقبلاً... وللبيوت العادية صبية 25 نيوتن أو حتى 20 نيوتن بسُمك 15 سم كفاية، وفوقها يتركب البلاط ويفضل شعبي كبير بكسر رخام القابل للجلي وبلون رمادي مائل للأسود جتى ما تبين آثار تواير السيارة فيه، ويتركب بلزاق خاص وقراوت نوعية جيدة .

وبهذي الطريقة إنسى ظهور النمل بين البلاط وإضمن ثبات البلاط وقوته، ولا تنسى تركب منهولات قوية اللي يركب البلاط هذا في غطاها، ولا تنسى تعمل فواصل تمدد في ما بين كل مساحة ومساحة ثانية .. يعني في الأطراف كلها خل فاصل بسيط فراغ في حدود 6 ملم وممكن تغطيه بنعلة من نفس البلاط، ولو عندك مثلاً مكان عرضه قليل مقارنة بالمساحات الباقية سو فيه فاصل تمدد بحيث يكون معبأ بالماستك الخاص.

وبالتوفيق إن شاء الله.. ملاحظة إذا إستشاريك عليمي بيعقد لك العملية كلها.

ما شاء الله عليك معماري قطر ...كلامك مظبوط وده الصح اللي واجب يتعمل حتى لا يحدث أي هبوط للبلاط سواء من المياه او من السيارات ممكن يعمل anti termite treatment قبل صب الخرسانة للنمل الأبيض

[معماري قطري]

ما شاء الله عليك معماري قطر ...كلامك مظبوط وده الصح اللي واجب يتعمل حتى لا يحدث أي هبوط للبلاط سواء من المياه او من السيارات ممكن يعمل anti termite treatment قبل صب الخرسانة للنمل الأبيض

تسلم أخ العاصم

مشكور على التأييد كنت اسبح ضد التيار والكل يحذفني بحصى المبالغة .. وانا والله أقول طريقة مجربها وبالنسبة للنمل الأبيض سويت طريقة له وللحين متوفق فيها .. بس بعد كلامك صح للمباني الكبيرة واللي فيها فواصل بناء كثيرة النمل الأبيض يدخل من الحوش للمبنى من خلال هذي الفواصل ويخرب الخشب كله وياكل حتى الإسمنت، فعمل حماية ضده في الحوش مجدي أما للمنازل فبيكون مبالغة شوي حسب تقديري لعدم وجود الفواصل..

ما شاء الله مبين عليك إنك مهندس أو متخصص في البناء.

[معماري قطري]

السلام عليكم ورحمة الله وبركاته
اخوي معماري قطري تعرف شركه تقدر تسوي لي هذه الطريقة

عليكم السلام ورحمة الله وبركاتُه أخ بو نواف

هذي الله يسلمك من أسهل الطرق وأنظفها وأي مقاول تشرحها له ممكن يسويها، وبدايةً يحدد مستوى الأرض مع عمل ميلان لناحية الباب أو مكان التصريف المخطط له إذا كان غير الباب، وبعدها تُغرس أسياخ حديد أو قطع خشب يُحَدد عليها عمق الخرسانة اللي بتنصب حتى تغطي هذي النقطة ثم تُزال هذه العلامات، وطبعاً ما ننسى إن الأرض تحت تكون مدكوكة زين وإن الدفان ما فيه حجارة كبيرة أو شوائب أو خشب أو تواير، وما نصب الخرسانة الا بعد وضع غشاء نايلون ويتم الصب في وقت واحد .. يعني ما نصب جزء ونخلي جزء ليوم آخر الا إذا عملنا فاصل تمدد، وفاصل التمدد يُستحسن نسويه قبل جفاف الخرسانة بحيث يكون ثلث عمق الخرسانة.

بعد هذي المرحلة بتكون أرضية حوش المبنى نظيفة وبسهولة بيتم تركيب البلاط الشعبي كبير الحجم والسميك بسمك أعتقد يوصل 4 سم أو حتى الإنترلوك لو حبينا، ولا تنسى تتفق على تركيب نعلات جانبية تعطي منظر للحائط وتكامل مع حوش البيت حتى لو من نوعية ثانية من البلاط.

[معماري قطري]

طبعا غريب علينا باعتبار اننا مؤسسة صغيرة وناشئة فتحت قريبا جدا ... وتنقصنا الخبرة في امور كثيرة في هذا المجال.


والدراسة والتطوير ليس في مسائل البناء المتعارف عليها , بل دراسة وتطوير للمؤسسة واختصاصاتها واعمالها مقارنة بباقي الشركات المنافسة.

إن شاء الله تكبر مؤسستكم وتتوفقون في كل أعمالكم يا رب

[روح الاطلس]

اخ معماري ذكرت بردك بخصوص البورسلان بلون رمادي او غامق للحوش عشان تواير السيارات

بس انا اشوف الالوان الغامقه راح تسبب لي مشكلة وهي الغبار والتراب بيظهر شكله على طول وسخ!!

يعني الالوان الفاتحة بتخفي لي الاتربه بس بتنعدم من السيارات
والالوان الغامقة بتطلع لي الاتربة ويطلع شكله على طول وسخ!

[Aozomblue]

السلام عليكم
ما شاء الله اخوي معماري قطر ما قصر بالرد كفيت و وفيت اخوي
للتاكيد انا مسوي نفس الشغل مع ميول بسيط لإتجاه تصريف الماي ... أكيد تم تحدد أماكن الزراعة بس الحوش صغير مش كبير و حبيت ارفق بعض الصور للفائدة

قبل البدء بالعمل
http://www.qatarshares.com/vb/attachment.php?attachmentid=80806&d=1341910543

تمديد بايبات الكهرباء
http://www.qatarshares.com/vb/attachment.php?attachmentid=80807&d=1341910543

البدء بأعمال الصب مع مراعاه وضع عازل بلاستك و شبك الحديد طبعاً
http://www.qatarshares.com/vb/attachment.php?attachmentid=80808&d=1341910543

http://www.qatarshares.com/vb/attachment.php?attachmentid=80809&d=1341910645

أخيرا و ليس آخراً بعد الانتهاء من العمل
http://www.qatarshares.com/vb/attachment.php?attachmentid=80810&d=1341910645

بالتوفيق اخوي السد مع الشكر للاخ معماري قطر

[معماري قطري]

اخ معماري ذكرت بردك بخصوص البورسلان بلون رمادي او غامق للحوش عشان تواير السيارات

بس انا اشوف الالوان الغامقه راح تسبب لي مشكلة وهي الغبار والتراب بيظهر شكله على طول وسخ!!

يعني الالوان الفاتحة بتخفي لي الاتربه بس بتنعدم من السيارات
والالوان الغامقة بتطلع لي الاتربة ويطلع شكله على طول وسخ!

صحيح كلامك أخ روح الأطلس

بس هنيه عندنا مشكلتين .. مشكله شبه دائمة اللي هي دوس السيارات وأثر توايرها ومشكله شبه موسمية اللي هي الغبار، واللي يتنظف بسهولة، وأثر تواير السيارات يتنظف بشوية صعوبة إذا كان البلاط ناعم وإذا خشن بكثير من الصعوبة .. فمن الأفضل إذا كانت مساحة الحوش كبيرة عمل مسار واحد مخصص للسيارات وإختيار اللون الداكن والأملس له، وتغيير اللون بالكامل والنوع من ناعم إلى خشن نسبياً لمناطق الحوش الأُخرى .. حتى ممر للدخول للمنزل كمسار للمشاة مظلل بخشب مرتب وبأرضية غير يكون بعد جزء من تصميم اللاندسكيبنغ للمنزل.. وما ننسى الأماكن الثابتة المخصصة للزراعة وطريقة تنفيذها فيكون لنا الحوش كله لوحة معمارية متميزة ومريحة وجميلة لإستخدام يومي ولتكون واجهة المنزل.

[معماري قطري]

السلام عليكم
ما شاء الله اخوي معماري قطر ما قصر بالرد كفيت و وفيت اخوي
للتاكيد انا مسوي نفس الشغل مع ميول بسيط لإتجاه تصريف الماي ... أكيد تم تحدد أماكن الزراعة بس الحوش صغير مش كبير و حبيت ارفق بعض الصور للفائدة



بالتوفيق اخوي السد مع الشكر للاخ معماري قطر


عليكم السلام ورحمة الله وبركاته

إنت ما قصرت يا اخوي بهالصور التوضيحية، والعملية سهلة ما يبي لها تعقيد وإنت يمكن سويت أقل المطلوب وإستخدمت الحديد اللي ممكن يسبب صدأ في المستقبل وعدم تماسك وتكسير للصبية وتلف للأرضية، لكن إن شاء الله ما توصل الرطوبة ويتصرف الماي بسهولة حسب الميلان المعمول، وحسب مساحة الحوش كل ما كبرت تحتاج تزيد سُمك الصبية تحت البلاط... وراح عن بالي تركيب الإضاءَة الأرضية وعمل تمديداتها بخطة مسبقة قبل وهذا شيء مهم لإنارة الحوش وعمل جو حلو فيه... بس مهم التأكد من عزل هذي التمديدات كلها عن الرطوبة.

[Chambray]

حديد وصبية بس
اوفر بوايد من تبليط الحوش
مثل ما ذكرت في موضوع سابق
http://www.safeshare.tv/w/rajbamxcbb

بس وين احصل الطابعه الي تطبع على الصبيه ؟؟؟؟؟؟؟؟؟؟؟؟؟؟

[Bozizoo]

بس وين احصل الطابعه الي تطبع على الصبيه ؟؟؟؟؟؟؟؟؟؟؟؟؟؟
على حد علمي في شركه اسمها
سنو وايت
في شارع ال شافي في الريان بس رقمهم مب عندي