+++ أبــي سلف يا ناس يا بنوك +++

[شبح الصمت]

.

.


.


.


.


هالكلمة مرت علي مرور الصاروخ ولكنها توقفت في ذهنـــيــ ,,

هل السفر أساسي وهل هو ضرورة في حياتنا

عن نفسـي وبكل أمانة أشوفه أساسي لتجديد الروح والي متزوج يبي عيالها يغيرون جــو ويستانسون !!


ولكن بالمقابل حتى تستانس لازم تتجرع مر السلف التي ستثقل كاهلك !!


فما هي الطريقة المثلى لتوفير مبلغ وادخاره لسفره جميلة حتى تستانس وتونس اهلك او نفسك !!


هناك من يعتمد على راتب بدل الاجازة والتذاكر !!

هناك من يعتمد على استقطاع شهري يدخره كل شهر من راتبه !!

هناك من يضرب سلفه للسفر والوناسه !! ومن ثم :secret: يغني مع البنوك



آرائكم أقتراحاتكم توجيهاكم ..


آآآبي أسافر

:shy:

[بوهلال]

سافر تحت المكيف ابرك من السلف

[شبح الصمت]

سافر تحت المكيف ابرك من السلف




تمللنا من هالمكيف نبي بدون مكيف

:shy:

[FCB 123]

والحين طالعين لنا طلعة .. السفر بالأقساط عند الأولى للتمويل مادري الجزيرة للتمويل

ياخي شلون اسافر استانس شهر او اسبوعين .. وارجع على ظهري ديون ادفعها لسنة او سنتين بسبب هاي السفرة

الله المستعان

[موووج قطر]

السفر في الاجازه الصيفيه مايصير في يوم و ليله
والتجهيز له يكون من شهر 4 او 5
حتى تتمكن من معرفه امكانياتك و حدودك الماليه الصرفيه الاستمتاعيه ههههههه
اما اذا باجر تبي تسافر ... وانت و عدد اثنين من المرافقين
مالك الا الخليج ... وكلها 3 ايام بالكثير 4 اتغير جو
اما المخطط على شي اكبر ... يوفر عشان مايستضيق بعد الوناسه :)
ولاتنسووون فوائد السفر :) اقروها عدل
من اهمها انها تزيل الهم و الغم ... ولكن مع السلف ... ماظن انك سويت شي ..
و سمحولي على الاطاله

[شبح الصمت]

والحين طالعين لنا طلعة .. السفر بالأقساط عند الأولى للتمويل مادري الجزيرة للتمويل

ياخي شلون اسافر استانس شهر او اسبوعين .. وارجع على ظهري ديون ادفعها لسنة او سنتين بسبب هاي السفرة

الله المستعان




صج مريحين المسافرين

بعد في ناس تبي تونس نفسها اسبوع اسبوعين شهر وعقب تقعد تقول سلف وسلف

سهلات ياخوي


نبي حلول لنا ولهم

:secret:

[شبح الصمت]

السفر في الاجازه الصيفيه مايصير في يوم و ليله
والتجهيز له يكون من شهر 4 او 5
حتى تتمكن من معرفه امكانياتك و حدودك الماليه الصرفيه الاستمتاعيه ههههههه
اما اذا باجر تبي تسافر ... وانت و عدد اثنين من المرافقين
مالك الا الخليج ... وكلها 3 ايام بالكثير 4 اتغير جو
اما المخطط على شي اكبر ... يوفر عشان مايستضيق بعد الوناسه :)
ولاتنسووون فوائد السفر :) اقروها عدل
من اهمها انها تزيل الهم و الغم ... ولكن مع السلف ... ماظن انك سويت شي ..
و سمحولي على الاطاله




انا احترم الناس الي تجدول سفرتها قبلها بـكم شهر ..

في مخطط وحجز وكل هالامور بس الي يخططون ويحجزون من قبل ذولي يعني عندهم فلوس مالهم عازه فيها

احنا نتكلم عن الي ينتظر بدل الاجازة او مجمع له شيء وينتظر لين يكتمل المبلغ

وتشكرين على المشاركة الطيبه

[المواطن]

أنا الصراحه اذا ما تكون السفره شهر على الأقل ما تكون سفره

[كلنا قطر 1981]

الحل بسيط

عندك فلوس سافر ما عندك خلك قاعد في الدوحه

السفر مب فرض و لا سنه مؤكده علشان اموت عليه و احمل على نفسي ديون

(( لا يكلف الله نفسا الا وسعها ))

[شبح الصمت]

أنا الصراحه اذا ما تكون السفره شهر على الأقل ما تكون سفره




انزين اشلون طريقة التحويش :)


اشلون تجمع لك مبلغ

[شبح الصمت]

الحل بسيط

عندك فلوس سافر ما عندك خلك قاعد في الدوحه

السفر مب فرض و لا سنه مؤكده علشان اموت عليه و احمل على نفسي ديون

(( لا يكلف الله نفسا الا وسعها ))



:nice:

ردك واضح وصريح ومختصر

[فلتة زمانها]

مادري شلون بعض الناس تاخذ قرض وتسافر
رغم انه الرواتب زادت لكن لاحظت الكثير من الناس ماعندهم تدبير
مثلا اللي حاب يسافر،، يخطط ويوفر مبلغ معين من راتبه شهريا
واذا عليه التزامات ماليه وامكانياته ماتسمح، يكنسل او يسفر هله لدبي او العمره
والحين حتى بعض البنات قاموا يضربون سلفيات حق السفره،، والله الدين يكسر الظهر

[شبح الصمت]

مادري شلون بعض الناس تاخذ قرض وتسافر
رغم انه الرواتب زادت لكن لاحظت الكثير من الناس ماعندهم تدبير
مثلا اللي حاب يسافر،، يخطط ويوفر مبلغ معين من راتبه شهريا
واذا عليه التزامات ماليه وامكانياته ماتسمح، يكنسل او يسفر هله لدبي او العمره
والحين حتى بعض البنات قاموا يضربون سلفيات حق السفره،، والله الدين يكسر الظهر




احلى مكان مكه وترتاح لي دفعت

الله يتقبل منا ومنكم والمسلمين اجمعين

وبقولك شيء ترى السفر للسعودية والا البحرين والا الامارات والا الكويت والا عمان مصرفها اوقات يكون قريب لمصرف دول اسيويه ومناظر طبيعية او في افريقيا

بس اهي سالفة بتسافر بالطياره أو السيارة اهنيه الزيادة تبين

ولكن من ناحية فنادق وتفرفر واكل قريب يكون

يعني في ناس تروح دبي اسبوع تدفع الـ 15 الف ويمكن اكثر

وفي ناس تروح ماليزيا اسبوع غير التذاكر تكفيهم الـ 15 الف

يعني اهي سالفة تدبير وتخطيط صح

[وحيد-الشوق]

اغبى شيء في الدنيا سفره بديون !!!!

انا تميت فتره طويله وماسافرت مكان عقب ما اشتغلت صرت اجمع من راتبي واسافر واذا ماعندي فلوس بتم في قطر ترى صج الواحد مب لازم يسافر اذا ماتسمح ظروفه

[شبح الصمت]

اغبى شيء في الدنيا سفره بديون !!!!

انا تميت فتره طويله وماسافرت مكان عقب ما اشتغلت صرت اجمع من راتبي واسافر واذا ماعندي فلوس بتم في قطر ترى صج الواحد مب لازم يسافر اذا ماتسمح ظروفه




هذا اهو الصحيح اسافر من حر مالي مب من ديون والا سلف

واروح البلاد الي تشلني وارتاح فيها مش اقعد احاتي المصرف كم وقحقح على عمري بفل نفسي بس بالعقل

:nice:

[الحاقول]

تمللنا من هالمكيف نبي بدون مكيف

:shy:

انا حالياً في النمسا ومنذ يومين وصلت درجة الحراره عندنا 37 %

يعني الفرق عن قطر 10 درجات

[شبح الصمت]

انا حالياً في النمسا ومنذ يومين وصلت درجة الحراره عندنا 37 %

يعني الفرق عن قطر 10 درجات





زين الجو

اهم شيء في مطر تشوف الطبيعه ترتاح

وبالسلامة وربي يحفظكم ويحفظ كل المسافرين

اشلون جمعت الفلوس بسرعه يالحاقول قولي

:shy:

[ماسة قطر]

أنا عن نفسي أستقطع مبلغ شهري يدخل في حساب التوفير جزء منه للوناسة والسفر وجزء منه للعيال ونفس الشي زوجي

في آخر السنه يتجمع مبلغ حلو مع بدل الأجازة ونروح سفرة حلوة

السفر بالنسبة لي ولزوجي والعيال يكون في الأغلب في نهاية شهر 9 مع شهر 10

لكن بدون ديون عشان سفر يعني لو صادتنا ظروف ما ناخذ سلفة ونسافر مستحيل

تحياتي

[شبح الصمت]

أنا عن نفسي أستقطع مبلغ شهري يدخل في حساب التوفير جزء منه للوناسة والسفر وجزء منه للعيال ونفس الشي زوجي

في آخر السنه يتجمع مبلغ حلو مع بدل الأجازة ونروح سفرة حلوة

السفر بالنسبة لي ولزوجي والعيال يكون في الأغلب في نهاية شهر 9 مع شهر 10

لكن بدون ديون عشان سفر يعني لو صادتنا ظروف ما ناخذ سلفة ونسافر مستحيل

تحياتي



يعطيج الف عافيه

هالشيء الجميل

التعاون + الاستقطاع الشهري + حساب توفير ( من دون بطاقة ) :nice:

[ماسة قطر]

يعطيج الف عافيه

هالشيء الجميل

التعاون + الاستقطاع الشهري + حساب توفير ( من دون بطاقة ) :nice:


يوجد بطاقة لحساب التوفير وذلك لأي أمر طارئ وطبعا انا اتكلم عن غير حساب العيال لأن العيال عندهم حسابات خاصة فيهم وبدون بطاقات

تحياتي

[شبح الصمت]

يوجد بطاقة لحساب التوفير وذلك لأي أمر طارئ وطبعا انا اتكلم عن غير حساب العيال لأن العيال عندهم حسابات خاصة فيهم وبدون بطاقات

تحياتي




ادري بس في ناس التوفير ما ياخذون البطاقه لجل ما تحكهم اياديهم ويبون يسحبون

:)

ربي يحفظكم إن شاء الله

[مدريدي بفخر]

استغرب من اللي يقول السفر مب ضروري والخ من الكلام

يااخي امراض الضغط والسكر زادت الواحد ماراح يعيش الامره وحده

الواحد يتم يجمع ويحوش ويوصل عمره 40 او 50 الا صاير باباعود وهو للحين ماعاش حياته

اللي بسافر وياخد غرض من البنك انا ضد هالشيء السلف مامنه فايده الافالشديد القوي

احسن حل هو الجمعيه انا صارلي سنتين ومشترك فجمعيتين فنفس الوقت

ترتب لها وتنسق متى تبي تستلمها لافايده ولابطيخ

[بوحمد111]

انا ولله الحمد كل سنه اسافر مع العيال سفره ما تقل عن اسبوعين وغير السفرات الخطافيه من وقت الى اخر وطريقتي في التوفير استقطب جزء من راتبي للسفره الطويله وقبلها بشهر او شهرين ابدأ في التجهيز وتدوين جميع احتياجات السفر من تذاكر ومواصلات وسكن وووووو اشياء كثيره وهذا ولله الحمد جميع سفراتي استانس فيها بدون ديون ولا فكرت في يوم من الايام اتدين لسفرة او لغيرها وهذا من فضل الله علي

اللهم ادمها من نعمة واحفظها من الزوال

[شبح الصمت]

استغرب من اللي يقول السفر مب ضروري والخ من الكلام

يااخي امراض الضغط والسكر زادت الواحد ماراح يعيش الامره وحده

الواحد يتم يجمع ويحوش ويوصل عمره 40 او 50 الا صاير باباعود وهو للحين ماعاش حياته

اللي بسافر وياخد غرض من البنك انا ضد هالشيء السلف مامنه فايده الافالشديد القوي

احسن حل هو الجمعيه انا صارلي سنتين ومشترك فجمعيتين فنفس الوقت

ترتب لها وتنسق متى تبي تستلمها لافايده ولابطيخ




السفر حلو ياخوي ويرد الروح

بس طريقة الجمعيه ترى مثل البنك صج مافي فوائد بس بعد بتسدد

بس لو جمعت من حر مالك راح ترتاح صح !

بس بعد فكرتك حلوه وناس وايد مسوينها ومرتاحين عليها

شالفايده اجمع صح والكك فلوس على قلبي واخرتها ما استانس

[شبح الصمت]

انا ولله الحمد كل سنه اسافر مع العيال سفره ما تقل عن اسبوعين وغير السفرات الخطافيه من وقت الى اخر وطريقتي في التوفير استقطب جزء من راتبي للسفره الطويله وقبلها بشهر او شهرين ابدأ في التجهيز وتدوين جميع احتياجات السفر من تذاكر ومواصلات وسكن وووووو اشياء كثيره وهذا ولله الحمد جميع سفراتي استانس فيها بدون ديون ولا فكرت في يوم من الايام اتدين لسفرة او لغيرها وهذا من فضل الله علي

اللهم ادمها من نعمة واحفظها من الزوال




الله يبارك لك في اهلك ومالك ويحفظكم والحاضرين

طريقة التوفير اهي الطريقة المناسبه لكل شخص

واهم شيء الوناسه والاماكن المختاره للسفر واهم شيء في السفر وناسه اليهال وتخليهم يعتمدون على انفسهم في بعض الشغلات ويشوفون الدنيا

:nice:

[الخزرجي قطر]

السفر له عدة فوائد ايجابيه ولكن ليس على حساب اشياء اخرى
ليس من العقل والحكمه اني استمتع بالسفر عن طريق قرض او سلفه
التخطيط قبل السفر بوقت كافي وحسب الميزانيه المتوفره يتم تحديد الوجهه والمده

[شبح الصمت]

السفر له عدة فوائد ايجابيه ولكن ليس على حساب اشياء اخرى
ليس من العقل والحكمه اني استمتع بالسفر عن طريق قرض او سلفه
التخطيط قبل السفر بوقت كافي وحسب الميزانيه المتوفره يتم تحديد الوجهه والمده



:nice:

[الجني]

أنا اذا عندي فائض أسافر اذا ما عندي فائض لا أسافر

حد جرب يسكن في فندق في الدوحة يوم الخميس و الجمعة و السبت
هذا تغيير جو و الأولاد يستأنسون كأنهم مسافرين

الاحساء ليلة او ليلتين ممتعة جداً

اهم شيء ان اعرف ماذا اريد و ليس السفر من اجل السفر
فلن يجني سوى التعب و الديون

و تقبل مروري اخي شبح الصمت

[النهار]

ايش تقول للي يسافر ويقول اني صرفت في هالسفره 200 الف ريال والسفره كلها اسبوعين وهو في الاصل منتف ماخلى بنك ولاحد من ربعه لاوماخذ منهم سلف جاني واحد من الربع بيغى منى 50 الف ريال سألته ليش تبي السلف قال حق الوناسه ابي اسافر بردهم لك بعد مأرجع قلت له اسف ماعندي سلفيه حق الوناسه صار له سنتين مايكلمني من شهرين مقطوط في السجن حتى الفراريش ماخلاهم في حالهم يأخذ من هني ويرقع هني هذالحال ينطبق على كثير من الناس وناسه شهر وذل ومهانه طول السنه واكثر

[شبح الصمت]

أنا اذا عندي فائض أسافر اذا ما عندي فائض لا أسافر

حد جرب يسكن في فندق في الدوحة يوم الخميس و الجمعة و السبت
هذا تغيير جو و الأولاد يستأنسون كأنهم مسافرين

الاحساء ليلة او ليلتين ممتعة جداً

اهم شيء ان اعرف ماذا اريد و ليس السفر من اجل السفر
فلن يجني سوى التعب و الديون

و تقبل مروري اخي شبح الصمت



يعطيك العافيه ويا حياك الله

الفنادق داخل قطر جميلة وتغيير جو بس لا تنسى انه اوقات الاهل يبون ياخذون راحتهم يعني لو شاليه احسن واحسن حرية تكون شخصية


ونفس ما تفضلت من عنده يسافر والي ما عنده يفكر اشلون يجمع له ويسافر

:)

[شبح الصمت]

ايش تقول للي يسافر ويقول اني صرفت في هالسفره 200 الف ريال والسفره كلها اسبوعين وهو في الاصل منتف ماخلى بنك ولاحد من ربعه لاوماخذ منهم سلف جاني واحد من الربع بيغى منى 50 الف ريال سألته ليش تبي السلف قال حق الوناسه ابي اسافر بردهم لك بعد مأرجع قلت له اسف ماعندي سلفيه حق الوناسه صار له سنتين مايكلمني من شهرين مقطوط في السجن حتى الفراريش ماخلاهم في حالهم يأخذ من هني ويرقع هني هذالحال ينطبق على كثير من الناس وناسه شهر وذل ومهانه طول السنه واكثر


:eek5:

:eek5:

لا حول ولا قوة الا بالله

وناسه اسبوع وتعب سنين ما تسوى وسومت اوجيه عند فلان وفلان وعلان

الله لا يحوجنا لأحد إن شاء الله

ورفيجك ما عنده سالفه وهذا درس له لجل يدري انه الوناسه لازم يكون وراها مردود يا مردود خير وفرح يا مردود الم وسلف

:)

[وطن]

الواحد اول شي لازم ينظم مصروفه ويكون عنده حسن تدبير للمدخول الشهري
بيقدر بعدها يوفر وهو مرتاح
ما راح يحس انه متقيّد بمبلغ معين وما يكفيه لان بيكون عارف شنو الضروريات وشنو اللي مب مهم،، ولا راح يصرف فلوسه في الشي اللي ما منه فايده

و من التوفير في اولويات بعد .. يعني ممكن يكون عنده شي اهم من السفر يدفع له من التوفير ويأجل السفر لوقت ثاني


أهم شي حسن التدبير
و الابتعاد عن الديون لا حق سفر ولا سيارة ولا غيره

[شبح الصمت]

الواحد اول شي لازم ينظم مصروفه ويكون عنده حسن تدبير للمدخول الشهري
بيقدر بعدها يوفر وهو مرتاح
ما راح يحس انه متقيّد بمبلغ معين وما يكفيه لان بيكون عارف شنو الضروريات وشنو اللي مب مهم،، ولا راح يصرف فلوسه في الشي اللي ما منه فايده

و من التوفير في اولويات بعد .. يعني ممكن يكون عنده شي اهم من السفر يدفع له من التوفير ويأجل السفر لوقت ثاني


أهم شي حسن التدبير
و الابتعاد عن الديون لا حق سفر ولا سيارة ولا غيره




كل الحاضرين قالوا تخطيط وتدبير

التخطيط في حياة الانسان مهم مهم واساسي في المصروفات وغيرها ..

والسفر متعه متعه متعه لتجديد الروح من تعب عمل 5 شهور او 6 شهور او سنه على حسب !!

فالانسان يقدر يعوض تعبه حسب تخطيطه


تحياتي لج اختي وطن

ووين الماااي

:tease:

[وطن]

كل الحاضرين قالوا تخطيط وتدبير

التخطيط في حياة الانسان مهم مهم واساسي في المصروفات وغيرها ..

والسفر متعه متعه متعه لتجديد الروح من تعب عمل 5 شهور او 6 شهور او سنه على حسب !!

فالانسان يقدر يعوض تعبه حسب تخطيطه


تحياتي لج اختي وطن

ووين الماااي

:tease:

:omg:

ممممممممممم
شدراك ؟

[شبح الصمت]

:omg:

ممممممممممم
شدراك ؟




العصفوره

:vampire:

[pink pearl]

الصراحة السفر فرصة طيبة لتجديد النشاط والابتعاد عن الروتين اليومي سواء في العمل ولا في البيت وهو في حد ذاته تغيير جو ومتعة واستمتاع..

من وجهة نظري أحب التخطيط ووضع جدول خاص للسفر من( نوع السفر بر ولا جو-عدد أيام الإجازة-ميزانية السفر- عدة السفر- أسماء الأماكن اللي ناوي يروحها-تكلفة الهدايا وغيره)

فعلاً وعن تجربة التخطيط وايد مريح حتى لو كنا رايحين الحسا، منها إنها تنظم وقتك ومنها إن الواحد عارف بالضبط شالهدف من سفرته ..

وبخصوص مصاريف السفر أحسن شي إن الواحد ينظم صرفه ويوفر ميزانية في حساب توفير ويكون مستعد مادياً ومعنوياً للسفر، وبلا سلف ولا عوار راس وعلى قولتهم:"الدين ذل في النهار - هم في الليل " وجزاك الله خير على الموضوع الهادف

[وطن]

العصفوره

:vampire:

سلم عليها
:victory:

[شيزكيك]

السلام عليكم

تدرون احس ان الي حاط في باله ان يسافر في الصيف لازم يحط في باله الامور

اجازته تتوافق مع اجازة المدام والي بالتالي اجازتهم هم الاثنين تتوافق مع اجازات العيال والمدارس

ثاني شي يبتدون يوفرون من راتبهم خل نقول من شهر 1 وبالتالي ما راح يضطرون انهم يتسلفون من البنوك


وشي ثاني ممكن يقدمون على سلفيات الحكومه مبالغها حلوه ومن غير فوايد واقساطها بعد زينه

[عاهد بن علي]

بالمختصر المفيد ، الي من كلام الشيبان وما هو جديد:

((((((( مد رجلك على قد لحافك )))))))

وكان الله غفورآ رحيمآ

[alsoq]

لا انصحك انك تودي عيالك او اهلك للدول مثل اروبا او دوله عربيه لا تلتزم بالحشمه
الناس شبه عراه وانت لا تريد ان ينظر اولادك للمثل هذي المشاهد
لا تسلف ولا شي اشغل عيالك بالمراكز التعليميه مثل حفظ القران

[khalid525]

فيه اكثر من طريقة للتوفير ، لكن اهم شي قوة العزيمة .
ممكن تفتح حساب توفير في بنك غير البنك اللي يتحول عليه راتبك ويكون هالحساب بدون بطاقة صراف الي ، وحول شهريا في بداية الشهر ٣٠٪ من الراتب ، لازم يكون التحويل بداية الشهر اول ما ينزل الراتب ، وشوف شلون راح يكون التوفير عادة وطبع عندك ،
بهالطريقة راح تقدر تسافر وتشتري سيارة او اي شي في خاطرك .

من الامور المهمة ايضا في السفر التخطيط المالي قبل السفر ، يعني اذا ناوي تروح باريس وانتوا اربع اشخاص مثلا لازم قبل مدة لا تقل عن اربع شهور تسألون عن اسعار السكن والتذاكر ومصاريف التنقل وتحطون ميزانية واضحة كم بتصرفون ، ولازم ابدا ما تتجاوزون الميزانية هذي ، والامر الثاني بطاقات الائتمان لا تستخدم الا ضمن الحد الائتماني والافضل ايداع المبلغ المتوقع صرفة في بطاقة الائتمان عشان ما تستنزف اللمت وترجع تقسط المبالغ اللي عليك في البطاقة .

انصح الشباب اللي حابين يتبعون نظام توفير بالاستفادة من موقع فيصل كركري خبير كويتي في الاستثمار .

والله يبعد شبح الديون عن الكل .

[الكونتيسه غلا]

السلام عليكم ورحمة الله وبركاته

موضوع مهم اخوي شبح ،،:)

تبي تسافر وانت مرتاح ،، عليك بالآتي:

1- اعادة جدوله لصرفك خلال سنه او 6 شهور.
أ) احسب بالتقريبي نسبة الصرف عندك على البيت والاهل ( توفير كل احتياجاتهم ).
ب) افصل الضروريات عن الكماليات.
ج) احسب نسبة الصرف بعد الاستغناء عن بعض الكماليات.

2- افتح حساب توفير/ واطلب تحويل مبلغ شهري ( ممكن 2000 أو اكثر ) من الجاري للتوفير.
3- التعاون بين الزوجين.

وان شاء الله امورك في الروب :nice:

[شبح الصمت]

السلام عليكم

تدرون احس ان الي حاط في باله ان يسافر في الصيف لازم يحط في باله الامور

اجازته تتوافق مع اجازة المدام والي بالتالي اجازتهم هم الاثنين تتوافق مع اجازات العيال والمدارس

ثاني شي يبتدون يوفرون من راتبهم خل نقول من شهر 1 وبالتالي ما راح يضطرون انهم يتسلفون من البنوك


وشي ثاني ممكن يقدمون على سلفيات الحكومه مبالغها حلوه ومن غير فوايد واقساطها بعد زينه


معاك حق في كل شيء الا سلفيات الحكومه

الواحد يخليها للثقيله

:nice:


بالمختصر المفيد ، الي من كلام الشيبان وما هو جديد:

((((((( مد رجلك على قد لحافك )))))))

وكان الله غفورآ رحيمآ


الله يجزاك خير

وصادق مد رجلك على قد لحافك

اخاف ينشق بوعلي من كثر ما امغط رجولي

:shy:


لا انصحك انك تودي عيالك او اهلك للدول مثل اروبا او دوله عربيه لا تلتزم بالحشمه
الناس شبه عراه وانت لا تريد ان ينظر اولادك للمثل هذي المشاهد
لا تسلف ولا شي اشغل عيالك بالمراكز التعليميه مثل حفظ القران


شيء طيب ولكن لا نحكم على السفر انه العراه موجودين

لا ننكر في بعض البلدان ولكن العراه موجودين بيننا في شاشات التلفزيون في المسلسلات والافلام فالافضل لنا ان نبتعد عنها
والسفر للاستجمام والترفيه عن الروح

وشاكر لج مرورج


فيه اكثر من طريقة للتوفير ، لكن اهم شي قوة العزيمة .
ممكن تفتح حساب توفير في بنك غير البنك اللي يتحول عليه راتبك ويكون هالحساب بدون بطاقة صراف الي ، وحول شهريا في بداية الشهر ٣٠٪ من الراتب ، لازم يكون التحويل بداية الشهر اول ما ينزل الراتب ، وشوف شلون راح يكون التوفير عادة وطبع عندك ،
بهالطريقة راح تقدر تسافر وتشتري سيارة او اي شي في خاطرك .

من الامور المهمة ايضا في السفر التخطيط المالي قبل السفر ، يعني اذا ناوي تروح باريس وانتوا اربع اشخاص مثلا لازم قبل مدة لا تقل عن اربع شهور تسألون عن اسعار السكن والتذاكر ومصاريف التنقل وتحطون ميزانية واضحة كم بتصرفون ، ولازم ابدا ما تتجاوزون الميزانية هذي ، والامر الثاني بطاقات الائتمان لا تستخدم الا ضمن الحد الائتماني والافضل ايداع المبلغ المتوقع صرفة في بطاقة الائتمان عشان ما تستنزف اللمت وترجع تقسط المبالغ اللي عليك في البطاقة .

انصح الشباب اللي حابين يتبعون نظام توفير بالاستفادة من موقع فيصل كركري خبير كويتي في الاستثمار .

والله يبعد شبح الديون عن الكل .

اللهم آمين

:nice:



السلام عليكم ورحمة الله وبركاته

موضوع مهم اخوي شبح ،،:)

تبي تسافر وانت مرتاح ،، عليك بالآتي:

1- اعادة جدوله لصرفك خلال سنه او 6 شهور.
أ) احسب بالتقريبي نسبة الصرف عندك على البيت والاهل ( توفير كل احتياجاتهم ).
ب) افصل الضروريات عن الكماليات.
ج) احسب نسبة الصرف بعد الاستغناء عن بعض الكماليات.

2- افتح حساب توفير/ واطلب تحويل مبلغ شهري ( ممكن 2000 أو اكثر ) من الجاري للتوفير.
3- التعاون بين الزوجين.

وان شاء الله امورك في الروب :nice:



اموري في الروب مع مقترحاتك

لا وبشرج فوق النخل

:nice:

[qrt_trading]

بالنسبة لنا الحريم ندخل في جمعيه وكل شهر لوحدة وانخش المبلغ للسفره او لحاجتنا في وقت الضيقة بالنسبة لي داخلة بجمعيتين وراح اخش المبلغ ليوم نحتاج فيه افلوس علشان انفج زنئه وما اقعد حزتها اتحسر وانوح ما عندي وما عندي.

وانا ما احب شي اسمه سلفه اللهم من الشغل اي لان ما عليه فوائد وممكن تعتبره بعد مثل الجمعية او الحصاله.

[شبح الصمت]

بالنسبة لنا الحريم ندخل في جمعيه وكل شهر لوحدة وانخش المبلغ للسفره او لحاجتنا في وقت الضيقة بالنسبة لي داخلة بجمعيتين وراح اخش المبلغ ليوم نحتاج فيه افلوس علشان انفج زنئه وما اقعد حزتها اتحسر وانوح ما عندي وما عندي.

وانا ما احب شي اسمه سلفه اللهم من الشغل اي لان ما عليه فوائد وممكن تعتبره بعد مثل الجمعية او الحصاله.

:nice:

[intesar]

كله ولا السلف.. يقتطع جزء من راتبه ويجمع ويسافر على قده حتى لو كان للإحساء..
الواحد يقدر يكيف نفسه وين ما كانت الرحلة.. هي بس القناعة.. بتخلي رحلتك رحلة ملوكية..
أنت كيف تعدلها وتسويها وتقننها.. على كثر مالديك..

صحيح ومن ما يحب السفر.. والسفر فيها فوايد..

ودمتم بحفظ الرحمن..

[شبح الصمت]

كله ولا السلف.. يقتطع جزء من راتبه ويجمع ويسافر على قده حتى لو كان للإحساء..
الواحد يقدر يكيف نفسه وين ما كانت الرحلة.. هي بس القناعة.. بتخلي رحلتك رحلة ملوكية..
أنت كيف تعدلها وتسويها وتقننها.. على كثر مالديك..

صحيح ومن ما يحب السفر.. والسفر فيها فوايد..

ودمتم بحفظ الرحمن..




يعني من صجك يجمع عشان يروح الحسا !!

يا بشر يا ناس ههههههههههههههههاي

العالم تبي تشوف طبيعه تبي تشوف جو تبي تشوف عالم ثاني

لازم يعني اذا بشقح اروح قريب بدو

خلونا نروح اشوي بعيد

هل شعورج يوم انج في دولة خليجيه

مثل ما انتي جالسه في كوخ في جزيرة لكناوي في ماليزيا على البحر وتسمعين صوت العصافير وتشوفين الفراش وتقومين تمشين على هالبحر !!


شعور جميل عشته لحظات

:shy:

[شبح الصمت]

أخبر في سنه من السنين جاني رفيجي قالي بتسافر قلت له قدام بس اصبر علي اشوي

قالي اشفيك ليش قلت له عندي مبلغ بس باقي اشوي لجل ما اكون عاله على احد قالي شنو قلت له اصبر

الحبيب الله يرحمه ويغفر له يارب

اشوي ثاني يوم حاجز لي وحطني قدام الامر الواقع قالي عندك اسبوعين ترتب اجازتك والفلوس الي في مخباك تجيبها مصروف لك قلت له ليش سويت جذيه بعطيك الفلوس وبدبر نفسي قالي لا لا تحاتي انا اصلا عندي الاميال ومادري شاسوي فيهم قلت احجز لي ولك وبعد باقي احجز تذكره ثالثه بس الي معانا عيى قال لا لا يبه بتتوهقون فيها ان تاخرتم ( وطلع كلامه صح ) توهقنا ههههههههههههاي طارت الطياره ونقعنا :tease:

احرجني الله يرحمه ويغفر له صديقي واخوي الي ما جابته امي صديق دنيا يا جعل الجنه مثواك ياخوي خالد المالكي

وسافرنا لمدة 15 يوم واستانسنا وكنا على قلب واحد

السفر له فوائد تعرف رفيجك على يمناك وتعرف كل الي فيه اشلون طبعه واشياء اخرى

الله يخلي لكم ربعكم ويحفظكم


الصاحب ساحب

الصاحب اوقات يكون ساحب لك فالخير

واوقات ساحب لك في الشر

فالله يجعلنا وياكم من الساحبين لربعنا في الخير

هذه قصة من القصص الي خطرت لي وتجربة من استعجال ولكن الحمد لله تسهلت الامور

[qrt_trading]

يعني من صجك يجمع عشان يروح الحسا !!

يا بشر يا ناس ههههههههههههههههاي

العالم تبي تشوف طبيعه تبي تشوف جو تبي تشوف عالم ثاني

لازم يعني اذا بشقح اروح قريب بدو

خلونا نروح اشوي بعيد

هل شعورج يوم انج في دولة خليجيه

مثل ما انتي جالسه في كوخ في جزيرة لكناوي في ماليزيا على البحر وتسمعين صوت العصافير وتشوفين الفراش وتقومين تمشين على هالبحر !!


شعور جميل عشته لحظات

:shy:



ياخوي عورت قلبي يوم جبت سيره ماليزيا:weeping: خاااااااااااااااطري اروح هناك لكن وش اسوي ما اقدر حالياً عندي بنت من ذوي الاحتياجات الخاصة ما اقدر أأخر علاجها الطبيعي علشان أسافر عشرة ايام وغير هذا بنتي الثانية صغيرة توها شهرين ونص وين اقدر اخليها وأروح يالله في رمضان يوم واحد للحسا اخذلي كم لبسة للعيد وبس حدي. :shy::shy::shy::shy::shy:

[شبح الصمت]

ياخوي عورت قلبي يوم جبت سيره ماليزيا:weeping: خاااااااااااااااطري اروح هناك لكن وش اسوي ما اقدر حالياً عندي بنت من ذوي الاحتياجات الخاصة ما اقدر أأخر علاجها الطبيعي علشان أسافر عشرة ايام وغير هذا بنتي الثانية صغيرة توها شهرين ونص وين اقدر اخليها وأروح يالله في رمضان يوم واحد للحسا اخذلي كم لبسة للعيد وبس حدي. :shy::shy::shy::shy::shy:




اجر اجر اجر ان شاء الله

البنت الي عندج بتاخذين منها اجر والسفر لاحقين عليه

اهم شيء الاهل قبل كل شيء وبعدين السفر السفر ما راح يطير السفرات احنا نجيبها بفلوسنا بس عيالنا وصحتهم من رب العالمين ..

ان شاء الله تسهل اموركم وتروحون وتستانسون في القريب العاجل

[intesar]

يعني من صجك يجمع عشان يروح الحسا !!

يا بشر يا ناس ههههههههههههههههاي

العالم تبي تشوف طبيعه تبي تشوف جو تبي تشوف عالم ثاني

لازم يعني اذا بشقح اروح قريب بدو

خلونا نروح اشوي بعيد

هل شعورج يوم انج في دولة خليجيه

مثل ما انتي جالسه في كوخ في جزيرة لكناوي في ماليزيا على البحر وتسمعين صوت العصافير وتشوفين الفراش وتقومين تمشين على هالبحر !!


شعور جميل عشته لحظات

:shy:


تبغيها بصراحة.. أنا إذا بسافر ما أحب إلا أوروبا.. ما أرتاح إلا بجوها..

بس أقرأ ردي عدل.. :anger1::anger1::anger1:
والقناعة كنز لا يفنى..

[qrt_trading]

آآآآآآآآآآآآآآآآآآآآآآآآآآآآآآآآآآآآآآآآآآآآمين

[شبح الصمت]

تبغيها بصراحة.. أنا إذا بسافر ما أحب إلا أوروبا.. ما أرتاح إلا بجوها..

بس أقرأ ردي عدل.. :anger1::anger1::anger1:
والقناعة كنز لا يفنى..

خفي علينا يا الطير المهاجر ما يروح الا اوروبا

ههههههههههههههههههههههههههههههاي

اشقصدج يعني احنا ما نروح الا الاماكن الشلحه الملحه

قولي لا لا تكلمي انطق يا قلم تكلم يا منتدى .. !!



اوكي خالتي فرنسا

:tease:



آآآآآآآآآآآآآآآآآآآآآآآآآآآآآآآآآآآآآآآآآآآآمين



آمين

[حسن]

الحل بسيط

عندك فلوس سافر ما عندك خلك قاعد في الدوحه

السفر مب فرض و لا سنه مؤكده علشان اموت عليه و احمل على نفسي ديون

(( لا يكلف الله نفسا الا وسعها ))

لا ابشرك الحين صار السفر يطبقونه اكثر من السنه وفرض واجب على المعسر والغير معسر
وحتي الحريم صارو يسافرون بروحهم بدون محرم عادي

[شبح الصمت]

لا ابشرك الحين صار السفر يطبقونه اكثر من السنه وفرض واجب على المعسر والغير معسر
وحتي الحريم صارو يسافرون بروحهم بدون محرم عادي




بوعلي صديقنا الحاضر الغايب

مادري اشفيك هالايام مختفي ان شاء الله خير

شوف السفر للي يقدر

(( لا يكلف الله نفساً الا وسعها ))

احنا مع الانسان المقتدر والانسان الي يقدر يجدول يخطط قبلها بفترة ويرتب نفسه من كل النواحي الماديه والاجازيه

:)

[حسن]

:)


بوعلي صديقنا الحاضر الغايب

مادري اشفيك هالايام مختفي ان شاء الله خير

شوف السفر للي يقدر

(( لا يكلف الله نفساً الا وسعها ))

احنا مع الانسان المقتدر والانسان الي يقدر يجدول يخطط قبلها بفترة ويرتب نفسه من كل النواحي الماديه والاجازيه

:)

هلا هلا اخوي شبح
وش نسوي رحنا كم يوم غصب علينا اتصدق انا عكسك احب قطر ولا اداني السفر
خير شر واتمنى من الجوازات يسحبون جوازي علشان ام العيال :anger1: ماتحن علي
وتقوم العيال ضدي
اتصدق اذا باسافر احساسي اني داخل سجن مادري هذا مرض نفسي فيني
عايش ملك ببلادي والا تشحطط من مطار ليى قطار لين تكسي
السيارات موجوده والخدم موجودين والسنترال شغال
والحر ماندري عنه نبي نشوفه
ماعندي مانع اسلفك 5000 حق الحسا وبوحارب هو الكفيل
يسلم عليكم كلكم كلمته امس
ها وش قلت

[شبح الصمت]

:)

هلا هلا اخوي شبح
وش نسوي رحنا كم يوم غصب علينا اتصدق انا عكسك احب قطر ولا اداني السفر
خير شر واتمنى من الجوازات يسحبون جوازي علشان ام العيال :anger1: ماتحن علي
وتقوم العيال ضدي
اتصدق اذا باسافر احساسي اني داخل سجن مادري هذا مرض نفسي فيني
عايش ملك ببلادي والا تشحطط من مطار ليى قطار لين تكسي
السيارات موجوده والخدم موجودين والسنترال شغال
والحر ماندري عنه نبي نشوفه
ماعندي مانع اسلفك 5000 حق الحسا وبوحارب هو الكفيل
يسلم عليكم كلكم كلمته امس
ها وش قلت



يا جعل عمرك طويل

شوف الواحد يوم يسافر يحس بضيقه كلنا نحس فيها صدقني بس يوم نوصل الوجه اول يوم تحس بنكد بس عقب صدقني ترتاح واخر ايامك تمل وتبي ترد ديرتك هالشيء غريزه وطبيعه مهما كان الجو الي انت فيه ومها شفت من مناظر تبقى بلادك في عيونك احلى بلاد صدقني

وربي يحفظه بوحارب ويشفيه ويشفي مرضى المسلمين اجمعين

ويرجع كل مريض من برى سالم معافي ويلبسهم ثوب الطهاره

[شبح الصمت]

اشوفكم على خير

وبيحوني واسمحوا لي

انا مسافر بعد اشوي

وارفعوا الموضوع حتى تعم الفائده للجميع

بتوحشوني :cry2:

.

.

.

.

يلا ما علينا اسبوع وراجع لكم ركيض

:fight:

[intesar]

[QUOTE=شبح الصمت;8324281]خفي علينا يا الطير المهاجر ما يروح الا اوروبا

ههههههههههههههههههههههههههههههاي

اشقصدج يعني احنا ما نروح الا الاماكن الشلحه الملحه

قولي لا لا تكلمي انطق يا قلم تكلم يا منتدى .. !!



اوكي خالتي فرنسا

:tease:


الحين انا من الهاتف الجوال ما أقدر أرد
ياشبيحه على قولة ناس:rolleyes2:
بعدين أرد

[قانوني متميز]

أخوي شبح الصمت اذا بغيت تسافر سفرة حلوة خصوصا كونك قطري وكل الظروف ضدك :anger1:من اجازة او تذاكر او اسعار فنادق لازم تحسبها عدل
مثل انك تحدد موعد اجازتك قبلها بخمس شهور عشان تحجز التذاكر بسعر منخفض :( وطبعا هالشئ مستحيل في قطر
ونفس الشئ بالنسبة للفنادق تدخل وتحجز اون لاين قبلها بفترة
اما بالنسبة للصرف هناك ستقطع جزء من راتبك في حساب التوفير

انا بالنسبة لي عمري مارتبت حق سفرة :shy: كله احجز قبلها بكم يوم بس اهم شئ الفيز جاهزة

لكن الوهقة اول ما اشتغل شكلي بسوي هالحسبة

[بن موسى]

انا ابي سلف بس مش على شان سفرة

على شان مصاريف رمضان والعيد والمدارس

وياحلو جو الدوحة غبار + رطوبة = مطر

[Rashid554]

افضل حل للسفر هي

"الوديعه الذكية" وانصحكم فيها يقدمها بنك الدوحه

هو مبلغ انت تحطه مثلاً 100 الف ريال وتاخذ عليه قرض بضمان الوديعه مثلاً 90 الف ريال
وتسدد هذا القسط على سنه / سنتين / خمسه على راحتك

وترد القرض مثل ما خذته 90 بالتمام والكمال
وفوقه فوايد لك :nice:
وبعدها تاخذ الـ 100 مالتك او اذا تبي تجددها عشان تسافر مره ثانيه

[intesar]

تروح بالسلامة شبح..

يوم سموك شبيحه.. مسيجينه على نياتي وطيبه.. كل ما قالوا شبيحه.. أقول بخاطري ايش دخل شبيحة سوريا.. ههههههههه..

أثاريهم اسم تصغير لشبح.. وهذي بعد ما فهمتها بنفسي قالتها لي عضوة من العضوات وحنا نسولف..

افتكرتك شبيحه من سوريا.. زين ماجبت مولوتوف وفجرتك.. ههههههه..

على العموم أخي شبح الصمت.. ما أحب إلا أوروبا بلا منازع.. أحب الشتاء بالرغم من الشعور بكآبة الشتاء لمعظم الناس.. لكنني أحب الشتاء والمطر والغيوم..

نعم ياخالتو فرنسا.. أحب فرنسا وأجواءها.. يمكن لأنني درست تاريخهم بالمدرسة.. ولا شعوريا تعلقت بماري انطوانيت وحبيت سذاجتها وغباءها..

بس زرت دول عربية كثيرة.. حتى تونس ما طافت عني.. بس كنت صغيرة ما أوعى منها إلا لقطتين..

نعم أنا طير مهاجر .. وأحب السفر.. وأنت تحب السفر.. وما في كائن ما يحب السفر..
العبرة كيف تستفيد من هالسفر بجانب المتعة والإسترخاء.. وبأقل التكاليف..

طولتها وهي قصيرة..

ودمتم بحفظ الرحمن..