هل ترضى ان يرا اهلك ناس عراه

[alsoq]

السلام عليكم
انا الصراحة اتعجب لمن يذهب سياحه هو وزوجته وعياله الى اروبا
هل ترضى ان اهلك يرون ناس شبه عراه من غير المناظر الخادشه للحيا كيف ترضاها على اهلك واولادك
فا والله انه من الافضل ان اجلس في حره بلادي اشرف لي وافضل
وكيف بيكون رده فعلك وانت ماشي معا العائله وشفت منظر مخل بالادب ايش موقفك

[وليف قطر]

ف كل مكان فيه مناظر مالها داعي
ما جات على اوروبا ..

[NQtr]

عالاقل مع اهله اصون له و اشرف من روحته بروحه ويا "الربع"

لا اعمم البعض و ليس الكل،،

[khalid525]

اذا على هالكلام معناته بنخلي اهلنا محبوسين في البيت ، لان المناظر اللي نشوفها في اوربا نشوف مثلها في الدوحة ،

[بنت العلي]

اذا على هالكلام معناته بنخلي اهلنا محبوسين في البيت ، لان المناظر اللي نشوفها في اوربا نشوف مثلها في الدوحة ،

صح كلامك اخوي هالمصخرة ترى اتصير ف بلادنا بعد ... قمنا انشوف اشساء غريبة تصير

[alsoq]

القصد انه ما نبي نزيد الطين بلاه احنا عندنا بس هناك ادها وامر

[كلنا قطر 1981]

ااويد كلام اخوي خالد 525 و اختي بنت العلي و ازيد عليه

انه بعد لازم امنع دخول التلفزيون في البيت لانه في مناظر خليعه و خادشه للحياء في

التلفزيون فعدم ادخال التلفزيون في البيت يكون افضل :)

لو كل انسان فكر بالسفر بهذه الطريقه ما كان انتشر الاسلام في كل بقاع الارض

في من اهل الدعوه يروحون بلاد الفجر و يدعون الناس الى الله و الناس تدخل الاسلام بفضل

الله عز وجل تتوقع اخوي السائل لو اهل الدعوه فكروا بنفس المنطق و قالوا انه ممكن نشوف

مناظره خادشه للحياء و خليعه و قعدوا في بلادهم كان ممكن يكون في اسلام في الخارج ؟؟!!

اخوي انما الاعمال بالنيات

تحياتي لك

[مكين]

هات اقنع النسوان

[المقاول]

كلامك سليم وملاحظاتك في محلها .. هناك من يسافر بالعائلة
ويقول بس بطريقة غير مباشرة صيعوا على كيفكم وخلوني اصيع
على كيفي .. البنات يتمشون ويجمعون الارقام .. والام تحاول ان
تقدم استعراض للبنات قدام اصحاب الثراء والسمو يمكن واحد
ينعجب في البنت ويتقدم لخطبتها .. مع العلم اكثر المسافرين
بيكون شخص طايح حضة مستلف قرض من البنك ومسافر ويتفشخر
انة من ال فلان ويلاحق البنات وهدفة دنئ ..والاب يدور على اماكن السهر
والعربدة .. طبعا ما اعم الكل لكن ياكثرهم .. وهناك من يسافر بأم العيال
ويتمشى معاه كم يوم في الاماكن الجميلة الباردة . وهذا احسن من غيرة
يعني يستانس ويونس زوجتة .. بس العيال من عندهم من المسؤل عنهم
في غياب الاب والام ؟
انا عن نفسي اسافر بهم رحلة الى مكة والمدينة واحببهم في الدين والمقدسات
وبيكونوا اسعد من غيرهم .

[alsoq]

قالوا تسافر قلت مليت الاسفار
لاهل السفر غايه وانا غايتي غير

قالوا تصيف قلت في دار الاخيار
مصيفي قطر منزل العز والخير

[alsoq]

كلامك سليم وملاحظاتك في محلها .. هناك من يسافر بالعائلة
ويقول بس بطريقة غير مباشرة صيعوا على كيفكم وخلوني اصيع
على كيفي .. البنات يتمشون ويجمعون الارقام .. والام تحاول ان
تقدم استعراض للبنات قدام اصحاب الثراء والسمو يمكن واحد
ينعجب في البنت ويتقدم لخطبتها .. مع العلم اكثر المسافرين
بيكون شخص طايح حضة مستلف قرض من البنك ومسافر ويتفشخر
انة من ال فلان ويلاحق البنات وهدفة دنئ ..والاب يدور على اماكن السهر
والعربدة .. طبعا ما اعم الكل لكن ياكثرهم .. وهناك من يسافر بأم العيال
ويتمشى معاه كم يوم في الاماكن الجميلة الباردة . وهذا احسن من غيرة
يعني يستانس ويونس زوجتة .. بس العيال من عندهم من المسؤل عنهم
في غياب الاب والام ؟
انا عن نفسي اسافر بهم رحلة الى مكة والمدينة واحببهم في الدين والمقدسات
وبيكونوا اسعد من غيرهم .
جزاك الله خير اخوي
والله ادخلهم مركز حفظ قران او مركز تعليمي
او مثل ما تفضلت رحله للمكه ومنها كم يوم بالطائف
والمصيبه ان فيه ناس بتقضي رمضان بالخارج

[intesar]

بصراحة أنا بتكلم من نظرة أخرى أو من واقع آخر..
الإنسان لما يسافر برع لازم يحترس لأن اسمه مسلم.. لازم يشرف هذا الدين قولا وفعلا.. ويكون قدوة للإنسان المسلم الملتزم..

لأن سمعتنا برع بلاليط..

وثانيا لازم يشرف ويرفع اسم بلاده عاليا.. حتى ما يقولون أهل قطر يسوون الشين برع البلد..

ودمتم بحفظ الرحمن..

[عاهد بن علي]

يستطيع الرجل ان يذهب الى السينماء وان يدير وجهه الى الخلف وهذا امر شاذ ولكن
يسمع ولا يرى !!!!!!!!

[ثابت]

والله العظيم مازرت اوروبا وامريكا الا لشغل فقط وكنت بنفسي والله لو يعطوني السكن مجاني والمواصلات مجانية ويقولون لي تعال سياحة لهذي الدول مستحيل اروح فديت جو بلدي واذا حبيت اسافر مع اهلي وعيالي تراء الخليج فية اماكن حلوة وعلى قولتهم 5 ستار

[ابن سينا]

والله يالمقاول كلامك 100% في 100% لا ام العيال تبغي اتشبب والله لايراويك الباس والمكياج وابو العيال المسكين متسلف لفسحت ام العيال

[الخزرجي قطر]

انا والعائله مقاطعين السفر الى امريكا واوربا
بسبب تعاملهم مع المسلمين ومواقفهم مع الاسلام
والمسلمين وهناك عدة دول بديله اسلاميه ممكن الواحد
يسافر مع اهله والمصاريف الي بصرفها في دول اوروبا ابرك
لي اني اصرفها في دول اسلاميه لزيادة ودعم اقتصادها من السياحه

[Buxton]

الحل بسيط وهو غض النظر
والواحد ينبته لانه سفير دينه ولا يسوي الغلط
ناس واجد يروحون للدول الغربيه بقصد السياحه فقط ويستمتعون
وناس تروح للمعاصي والاشياء التافهه لكن الحمدلله (قليل)

[قانوني متميز]

والله العراااااااه تارسين المجمعات في الدوحة محد قالهم شئ خصوصا مال اوروبا الشرقية والزلمات على الاقل وهم داشين البلاد يوعونهم او يحطون صور على ابواب المجمعات اذا هم بقر مايعرفون عاداتنا

وبعدين في اوروبا اماكن العراة معروفة وما اظن حد بيودي هله هناك

[بـــــدوي]

اللي بيكون شغله الشاغل هالاشياء بيلقاها حتى وهو في بيته سواء من النت او التلفزيون يعني هالشي ماهو سبب اني احبس اهلي ومااوديهم مكان ، لأن اللي بيغض نظره ويمشي في سبيله (ماعنده مشاكل)

[محمد]

انا اقول .. اقطع قنوات ام بي سي كلها من رسيفرات بيتك .. ولا تروح كاتارا .. ولا تروح مجمعات .. ولا تتغدا او تتعشى في فندق .. ولا تروح سيلين .. وشنو بعد ؟

صح .. لا تخلي هلك يطلعون من البيت كلش ..

بعدها بقتنع انك تطبق الفكرة الي تتكلم عنها ..

[catqat]

كع كع كع ..... انت ولا مرة سافرت اوروبا؟

[بورصواوي]

لحد يسمعك بس تحمل تقول حق احد شخصيا بيضحكون عليك
الذي يساعد في المنتدى ان محد يشوفك

مكبر السالفه حسستني انك بتروح على البحر ههههههههه

مب عراه يعني بدون ملابس نهائيا اشوف حتى في بلادنا العربيه في مناظر تقريبا نفس المستوى في التلفزيون في المجلات الاجنبيه ....

في الاكيد الغرض الاساسي للسفر تغير الجو

اذا انت بتركز على هذي النقطه براحتك ترى اوفرلك

[penguin]

استوقفتني كمية التخلف الموجوده في تفكير
البعض القليل ليس هنا فقط
اول شغله مقياس الاخلاق ضارب عند البعض اصلح من نفسك بالاول وبعدين فكر بالعري اللي قاعد اتجوفه
اذا مجتمعك فيه تجاوز بالحشمه من وجهة نظرك -المحتاجه اعادة نظر-
جوف نفسك واهلك و عقب فكر باللي حولك
واللي مو حاب يسفر هله لا يقول عري لان صج شدخل اذا واثق من هلك ليش وايد خايف
فقط اشغل نفسك باصلاح نفسك و أمورك طيبه :)

[faisalqatar]

الصراحة موضوع مضحك

ياخوي اذا همك انك اتشوف العراة فـ هذا شي راجع لك مب كلنا انسافر عشان انشوف العراة

و البني ادم الثاني اللي يقول عن العالم يروحون و يخلون اهاليهم يدورون و يترقمون والله ياخوك اذا اتشوف هالشي في نفسك شي راجع لك لكن مب كلنا نفسك

الحمدلله لين سافرنا نكون مع اهالينا و ندير بالنا عليهم و حاشمين عمرنا و كأنا في قطر والحمدلله

يعني الواحد لين نوى يغير جو مع هله صار راعي عري و فساد

الله يصلحكم بس

ومثل ما قالوا اغلب الاعضاء اللي يبي الفساد والعري مب لازم يسافر و موجود عندنا

نصيحتي لك ياخوي انصب خيمة في البر واقعد فيها بروحك و غض البصر تره في نوق و عراة في البر بعد !

[الامل القديم]

اظن انه اشياء كثيره رضينا فيها وما وقفت على هاي

[المقاول]

طبعا انا اشوف كل ينضر للمسألة حسب تربيتة وحسب بيئتة وحسب العرق
الذي ينتمي لة ... الناس اجناس حتى لو كانوا يعيشون على بقعة واحدة او
ينتمون الى شعار واحد ... هناك من ينضر الى المخالفة الاخلاقية بأنها منكر
وهناك من ينضر لها انها تجاوز بسيط يعني .. وكل يغني على ليلاه .. ولكن
بمن اعتز واتشرف بالاول او الثاني؟
فأكيد الاول من ينكر المنكر ويرفضة ويحسب حساب السمعة والقيل والقال
اما الثاني فياليت إذا سافر خارج قطر بأهلة لا يقول انة قطري يختار اي مكان
اخر لآنة لا يشرفني والخيمة والناقة اشرف منة .. الخيمة كانت تأوي الرجال
الذين صنعوا التاريخ بمساعدت النوق والناقة ذكرت في القرآن .
ونحن في هذا المنتدى نحاول ان نقوم بنوع من التنبية ونذكر ونحرك الغيرة عند
عند افراد مجتمعنا. لماذا؟ لانة مجتمعنا ولكن ما يسم البدن عندما تتلقى مشاركة
في المنتدى نفسة من دلخ للحين عالة على ابوة ويتكلم في امور اكبر منة .. يعني
المنتدى سلاح ذو حدين .. ولكن نوجة المشاركة لاصحاب العقول الراجحة.. ودمتم.

[الخيزران]

والله يالمقاول كلامك 100% في 100% لا ام العيال تبغي اتشبب والله لايراويك الباس والمكياج وابو العيال المسكين متسلف لفسحت ام العيال

مسكين !!!!! غريب أمرك يوم قلت ان ابو العيال المسكين متسلف لام العيال علشان تكشخ وتلبس !!!!

في رأيي انه سكين !!!! مب مسكين !!!! يتسلف علشان مرته تكشخ وتلبس وتتزين لغيره وهو المسكين !!!!! هذا ديوث لا يغار على اهله !!!عجبا أمركم يا بعض معشر الرجال !!!!!! تلتمس له العذر وتلبس الخطأ للزوجة !!!!


قسم بالله ان لم يردعني ديني او خلقي على الاقل مفروض يشكمني ( رجل) عطاني اسمه وانجبت له عياله!!!!!


قال مسكين قال !!!

[مشاكل]

لااحنا كرجال نرضى ولا حد يرضى اهله او عياله يشوفون العراه
لكن الله سبحانه وتعالى امرنا بغض البصر
واللي يسافر اوروبا او غيرها يبتعد عن اماكن العراه
اوروبا فيها الخضره والانهار والجبال والجو البارد واشياء كثيره وجميله ،،، نترك هذا كله ونروح عند العراه ؟؟؟!!!

[الخيزران]

سافرنا اوروبا واسيا وأفريقيا ما شفنا عراة على حد وصفك !

كل واحد وقناعاته وأفكاره ! عباتي علي في ديرتي وفي ديرة غيري ! امثل نفسي وبلادي وديني واعتز بحجابي وهويتي وأفكاري

ووالله كل ما سافرت بلاد ( العراه) على حد وصفك ، حمدت ربي حمدا كثيرا ان وهب للكافرين جنة الدنيا بلاد وجو وخضار ومطر وكل شي وادعي الله مخلصة ان يرزقني جنته في الآخرة !


ولا تعمم وتقول كل واحد يروح في صوب الاب في صوب وآلام في صوب والبنات في صوب ! ترى اذا هي حال البعض هناك فهذا حالهم اهنيه! المسالة مسالة مبادئ وقيم !


والله ما شفت التعري والمنكر الا في قطر وفي الاكوا بارك امس !!!! وصرنا نشوفهم في كل مكان ولكن ليست عارية بصريح العبارة ! بل كاسية عارية !!!! وهذا أدهى وامر !

[بعيد المرامع]

لا اكيد مابرضى

انا الحين متواجد في سويسرا ، ومعروفه هالمنطقة بروعة بحيراتها ، وسحر جبالها ، بس انحرمنا منها ، صرنا نكره نجيها من المناظر اللي ممكن نشوفها انا وزوجتي ، نحاول نغض الطرف ، ونجاهد اعمارنا بس بعد نحصل كم لقطة تضايقنا

الله يعين ويقوينا

[الخيزران]

لا اكيد مابرضى

انا الحين متواجد في سويسرا ، ومعروفه هالمنطقة بروعة بحيراتها ، وسحر جبالها ، بس انحرمنا منها ، صرنا نكره نجيها من المناظر اللي ممكن نشوفها انا وزوجتي ، نحاول نغض الطرف ، ونجاهد اعمارنا بس بعد نحصل كم لقطة تضايقنا

الله يعين ويقوينا

اخوي الفاضل ؛ كيف تكره تجيها وانت الحين فيها !!!:omg:

دام تكره هالمكان ! ليش تروحه !

[بعيد المرامع]

اخوي الفاضل ؛ كيف تكره تجيها وانت الحين فيها !!!:omg:

دام تكره هالمكان ! ليش تروحه !

يالشيخ ، انا قلت البحيرات نكره نروح لها ، بسبب التعري الشديد

ماقلنا نكره الديرة بكبرها

:nice: عجبني انتباهك

[بوسلمان 2010]

الله المستعان. هذولا دول الاوربيه. ما يعرفون شي عن الدين الاسلامي. لا كن الي عندنا يعرفون الدين الاسلامي ودولتنا دولة مسلمة. وللأسف الي يسونه ادها وأمر. الله يهديهم ويصلحهم ان شاء الله.

[خـالـد]

اختي اليوم في بلادك مناظر خادشه للحياء اكثر من اوروبا للاسف !!

انا من فتره شفت بـ احد المقاهي شاب قطري بغترته وعقاله .. ماسك يد رفيجته مافي شئ يستر جسمها الا قطعه صغيره تحت وقطعه صغيره فوق .. في اوروبا في مناطق سياحية جبليه وفي الارياف مافيها اي شئ خادش للحياء بالعكس طبيعه ومناظر جميله