راتب الزوجة ومصاريف رمضان @@

[هداية]

:: السلام عليكم ورحمة الله وبركاته ::

في البداية نبارك لكم قدوم شهر رمضان المبارك، والله يعيده علينا وعلى جميع الأعضاء والأمة الإسلامية بالخير واليمن والبركات، وأعاننا الله على صومه وقيامه بالوجه الذي يرضيه تعالى:.

موضوعي عن راتب الزوجة وتحديداً في رمضان، صديقة من الصديقات ناقشتني قبل أيام في هذا الموضوع وشكت لي إن زوجها من النوع المسرف ومرات يصل إلى التبذير ، وخصوصاً في رمضان من شيشة-الله يهديه- ومقاهي وغبقات وعزايم وما يجي أول 10 أيام من رمضان إلا الراتب طاير:omg: (التوفير والجاري)، وبعدها يروح يطلب من المدام فلوس ويصرفها على نفس الموال، وتتكرر عليها المشكلة في كل رمضان !!!

هي ذكرت هو ملتزم معاه في مصاريف البيت والعيال وأقساط السيارة، بأيام السنة العادية لكن الميزانية تتدهور في رمضان بشكل كبير بسبب مصاريفه اللي صارت فوق حد المعقول !! ووصل به الحال إنه يآخذ بطاقتها حق البنك :rolleyes2:

الحين الراتب من حق الزوجة وهذا حقها في الشرع -حتى لو كانت مليونيرية- والصراحة الزوج ماله حق يمد يده على ريال واحد من راتبها، فكيف إذا رضت إنها تتقاسم معاه المصاريف يقوم يستغلها ويقول :هاتي- هاتي، لا والمضحك والغريب في الموضوع إنه يقول لها لاتخبرين أهلج إنج أعطيتيني علشان يتسلف من أخوها !!
وصل بها الحال لكثير من المشاكل اللي ماتقدر تسيطر على هالزوج الطماع، الله يكون في عونها هي وأمثالها ..

أتمنى تشاركوني في هذا الموضوع، وهذا بعض الكاركتيرات اللي تعبر عن الموضوع :)

http://www.daoo.org/dim/contents/myuppic/04f55bd62d211d.jpg

http://www.waaiy.org.sa/reimg/w510h375_495Zwjh_mwzfh.jpg

[وليف قطر]

شفيها لو خذ بطاقتها ..
حسستيني انها سجلت البرج بإسمه ..

زوجها جنتها ونارها .. وبدال لا تقولج .. لو راحت تناقشه افضل
وتوصل معاه لحل ..


والله يهديه ..

[فلتة زمانها]

مايصير رفيجتج اطلع اسرار بيتها وامورها الخاصه وتتكلم عن ريلها بعد
وانتي ماقصرتي نشرتي غسيلها الله يهديكم يابنات حواء

[khalid525]

طبعا راتب الزوجة من حقها شرعا وقانونا ، لكن في اصول المحبة والمودة في الزواج يندمج الزوجين في جميع شئون حياتهم ، لدرجة ان مصطلح (راتبي وراتبك )يكون معدوم بينهم ، غير ذلك فمعناته ان هالعلاقة خالية من المودة والرحمة والشك هو سيد الموقف .

[بوالبيض]

الراتب من حقها اكيد لكن ما في مشكله لو تساعده في حدود المعقول لكن ياخذ
من راتبها ويصرفه في الشيشه والعبه لا مو من حقه .الطمع مشكله اذ وصل الي
هذا الحد مشكله كبيره الله يعينها ويساعدها .
الحل لزم تقعد معاه وتتفاهم معاه علي موضوع المصروف

[شبح الصمت]

هذه اهي بداية أسباب المشاكل

جات واشكت لرفيجتها رفيجتها قالت لها لا والف لا :anger1: اشلون ترضين ياخذ منج وليش تكونين مقصه


ويلا وتبدأ المشاكل ويبدا شريط المسلسل الدرامي الدموي بين الزوجين :secret:

من وجهة نظري اي امور عائلية واي انسان عنده كلمة خير يا قولها أو يلتزم الصمت في المشوره

لانه الكثير والبعض من الحريم كانوا سبب في هدم حياة زوجيه لكثير من الأسر فرجاء رجاء رجاء لبعض الحريم مشوارتكم الطيبه خلوها لكم لأنها في بعض الاوقات تودي إلى التهلكه

رآيي لا يفسد في الود قضيه

[Al-Kuwari]

مع احترامي للكل واراء الجميع

لكن هالزوج " مهب رجال "

[شيزكيك]

الصراحه زوجي شايل مصاريف البيت الحمدلله بس هالشهر شرينا تموين البيت العادي وانا ناويه اشتري تموين رمضان بعد التعاون حلو بين الازواج مب كل شي على ظهره

[OREO]

من وجهة نظري الرجال اخطأ في التصرف و المفروض ما يسمح لزوجته و ام عياله تشتغل كونه مهب محتاج ماديا و هذا باين من تصرفاته و تبذيره ،،

اما اذا خلاها فعلا تشتغل لأجل توفير المال و سد حاجة البيت ،، في الحاله هذه من واجبها تتشارك بمصاريف البيت مع بعلها و الا مالها لزمة تشتغل من البداية ،،


اما على ارض الواقع اللي اشوفه شي ثاني ،،، الزوج الله يهديه يشغل زوجته لاجل الزوجه تصرف على نفسها و على عيالها و يفتك من رقعة ويهها ،، حجه و حاجه ،،


نوعية التربية تغيرت في زمننا هذا و ربي يصلحهم و يهديهم ان شاءالله ،،

[ابداع قلم]

اذا اتفقوا من البداية على التعاون والمساهمة في مصاريف البيت
مالها حق تتشكى
اما ان ما كان بينهم اي اتفاق فالواجب على الرجل الانفاق على البيت
(( وان كنت من معارضين عمل المراة ))

[حفيد الأنصار]

انا ماحب احد يطمع في راتب زوجته
لكن ترى مافيها شي اذا مثل ماتقولين الرجال يسدد كل شي طول السنة علشان 15 او 20 يوم يطفرر فيها ماتساعده ومعروف في رمضان تزيد المصاريف ( اجازة _ اغراض رمضان _ تجهيز لللعيد )
اما اذا كان مستغلها طول الوقت اتمنى انها تكلمه بنفسه وانها ماتتكلم في اسرار البيت لحد ثاني
تحياتي ..

[حفيد الأنصار]

هذه اهي بداية أسباب المشاكل

جات واشكت لرفيجتها رفيجتها قالت لها لا والف لا :anger1: اشلون ترضين ياخذ منج وليش تكونين مقصه


ويلا وتبدأ المشاكل ويبدا شريط المسلسل الدرامي الدموي بين الزوجين :secret:

من وجهة نظري اي امور عائلية واي انسان عنده كلمة خير يا قولها أو يلتزم الصمت في المشوره

لانه الكثير والبعض من الحريم كانوا سبب في هدم حياة زوجيه لكثير من الأسر فرجاء رجاء رجاء لبعض الحريم مشوارتكم الطيبه خلوها لكم لأنها في بعض الاوقات تودي إلى التهلكه

رآيي لا يفسد في الود قضيه





+1 ...

[intesar]

ماراح أقول صح ولا غلط انها فضفضت لصديقتها..

لكن ما تكلمت عنه واقع يحدث في الكثير من البيوت.. ألا وهو استغلال الزوج لراتب زوجته.. وبعضهم يغصبها وياخذ منها الراتب.. يعني متزوج ماكينة سحب فلوس..

الراتب وشرعا.. من حق الزوجة وليس من حقه أن يطالبها بدرهم.. لكن أنا أشوف المشاركة وبطيب خاطر من حضرتها مافيها شيء.. بس ما يوصل لحد الاستغلال..

بالعكس لما تساعده ماديا.. هي بترتاح مو بس هو..إذا هو محتاج وراتبها يساعد تحط بدل ما يتراكم عليه الديون.. لكن من غير استغلال..

ودمتم بحفظ الرحمن..

[شبح الصمت]

+1 ...




ما فهمت يالحربي

شنو يعني هالحركة !!

:telephone:

[فلتة زمانها]

ما فهمت يالحربي

شنو يعني هالحركة !!

:telephone:

يعني يبي سلف :p

[شبح الصمت]

يعني يبي سلف :p




شكله يبي يشوف غبرتي صح

escape

[Al-Kuwari]

ما فهمت يالحربي

شنو يعني هالحركة !!

:telephone:

يعني انت جذي :nice:

[طلعة الروح]

فيٍ رايي ان الزوج (حياله) بدليل انه
ماعنده مشكله يتسلف من فلان وعلان بدون تفكير او تقدير.........
بصراحه كان الله بعونها على ريال من هالطخه اللي مايمد ريوله على قد لحافه :(

من نفس المنطلق اقولها بصراحه لازم مستوى معيشة الرجل تكون اعلى من مستوى معيشة المراة عشان مانشوف مثل هالاشكاليات "وريلي استولى على راتبي" :rolleyes2:
عشان جذي ما اشوف غلط لما الوحده تنظر لهالامر في بداية الخطوبة..................

[الكونتيسه غلا]

التعاون مطلوب بين الزوجين ،،:)
وكل واحد عارف واجباته ،،

والزوجه الذكيه هي اللي تعرف شلون تقلل من الصرف الزائد :nice:

[شبح الصمت]

يعني انت جذي :nice:




عيل اقول

هاكم

+ 10 ...

:nice:

[شبح الصمت]

التعاون مطلوب بين الزوجين ،،:)
وكل واحد عارف واجباته ،،

والزوجه الذكيه هي اللي تعرف شلون تقلل من الصرف الزائد :nice:




الكونتيسه تكفين طلب

غيري الخط :weeping:

خليه اسود وكبري الخط

احس يبيله كلامج اوقات دربيل

:anger1:

[طلعة الروح]

التعاون مطلوب بين الزوجين ،،:)
وكل واحد عارف واجباته ،،

والزوجه الذكيه هي اللي تعرف شلون تقلل من الصرف الزائد :nice:

تقولج ان المرأة ريلها يعاني من الاسراف والتبذير ,,, ما يخص التعاون والتراحم ف المسألة
الا اذا هي مستانسه وعلى قلبها حلو انها تصرف على ريلها بهالشكل.....

[الكونتيسه غلا]

:unsure:
ابشر
إن شاء الله :D

[الكونتيسه غلا]

تقولج ان المرأة ريلها يعاني من الاسراف والتبذير ,,, ما يخص التعاون والتراحم ف المسألة
الا اذا هي مستانسه وعلى قلبها حلو انها تصرف على ريلها بهالشكل.....



رديت عليها ان الزوجه الذكيه هي اللي تعرف شلون تقلل من الصرف الزائد :nice:
والكلام واضح :nice:

[عاهد بن علي]

الله يصلح احوالهم
اللهم آمين

[طلعة الروح]

رديت عليها ان الزوجه الذكيه هي اللي تعرف شلون تقلل من الصرف الزائد :nice:
والكلام واضح :nice:

عطينا شوية مقترحات يا فوزية الدريع:nice:
الظاهر كل الزوجات غبيات هالأيام:rolleyes2:

[روح الاطلس]

ماتوا الحريم اللي يتشكون من ريايلهم *_* الحين المدام هي الكل بالكل والريال هو اللي يتشكى بعد ماصار كل شي بيدها حتى ان لاعت جبده منها وفكر يطلقها بياكلها على راسه يعني دافع دافع سواء على ذمته ولا مب على ذمته :)

ما علينا

بالنسبة ان الريال مبذر على قولتها قهاوي وعزايم وغبقات وشيشه ويصرف راتبه كله من اول 10 ايام اهني لازم شوي تراجع الامور معاه من بداية الشهر وتمسك الميزانية معاه وتقسمها من غير المنطق ان يصرف كل راتبه على هالامور في شهر عبادات وطاعات .. يتفاهمون مع بعض من الناحية المادية هذا لك وهذا لي وهذا للبيت وهذا لعزايمك وممنوع اي تجاوز في بنود الميزانية اذا رضى كان بها ما رضى وتم يسرف فهذا سلوك متأصل في طبيعته ويحتاج يراجع نفسه ويتصرف بما يرضي الله وليس من الصواب انه يطالبها تساعده في استمراريته على هذا السلوك وهو ماعنده قدرة مادية!!

[رذاذ]

مشكله حساسة وخاصه ان كان راتب الزوج من 10 الشهر يخلص ..

والمشكله الاكبر لو تعطي وتقولك تردهم لي هههههههههههههههههه ما في تعاااون يكون .

زين انتي مشتغله بوظيفة وانا اودي الاولاد حضانة واصرف ع البيت تموين وجمعيه وغذانا يا من برع يا يكون بايت لثاني يوم ومشاركج باعمال البيت ما استحق انج تلتفي لبعض الامور غير هذا شاري لج سياره دافع لها دفعة وباقيها اقساط وتخافين من السواقة وحجتج الصبح احب اطلع وياك واتريق معك في وقت الشاي واصل الولد و وصلج للدوام واروح كل يوم متاخر نص ساعة .. ما استاهل انج تساهمين معي بالاعباء

[شبح الصمت]

مشكله حساسة وخاصه ان كان راتب الزوج من 10 الشهر يخلص ..

والمشكله الاكبر لو تعطي وتقولك تردهم لي هههههههههههههههههه ما في تعاااون يكون .

زين انتي مشتغله بوظيفة وانا اودي الاولاد حضانة واصرف ع البيت تموين وجمعيه وغذانا يا من برع يا يكون بايت لثاني يوم ومشاركج باعمال البيت ما استحق انج تلتفي لبعض الامور غير هذا شاري لج سياره دافع لها دفعة وباقيها اقساط وتخافين من السواقة وحجتج الصبح احب اطلع وياك واتريق معك في وقت الشاي واصل الولد و وصلج للدوام واروح كل يوم متاخر نص ساعة .. ما استاهل انج تساهمين معي بالاعباء




الحين بيقولون لك هذه شيء اجباري انك تسوي كل ذي وليس ههههههههههههههههههههههاي اختياري

تلقى وعدك تبي تساهم هاااااااا تبي تاخذ البطاقة

:shy:

[قوت القلوب]

انا اعرف. شباب وايد ودهم يتزوجون الثانيه لكن يقول ما اقدر اكسر قلب ام عيالي لأن وقفت معاي فالحلوه والمره وتشيل عني المصاريف اذا ضاقت بي الدنيا !
صنائع المعروف تقي مصارع السوء

هذا هو الحب والاخلاص لكل الطرفين ( شريك وشريكة حياتي)

جمله لن يفهمها اصحاب العقول الماديه!

[رذاذ]

تدري يا شبح وهذي قصه والله اعرف راعيتها ..

زوجها من شغله لشغله وراتبه ضعيف
راتبها مقارنه بالى حولها اعلى راتب .

زوجها اول ثلاث اسابع مطلع روحها واخر اسبوع قبل الراتب رومنسي حده .

بطاقتها معاااه ارقمها السرية يعرفها ساحبه له سلفية لجل عرس اخوه 30 الف

اجار بيت العائلة الى ساكنه فية تدفع نص 5000
مخالفات موتره مسحوبه من بطاقتها
فواتير تلفونه من بطاقتها .

اخر متاااخر يبقى لها مصروف 800 ريال

من سبع سنين شغاله ولا لها رصيد وعليها سلفية والسبه زوجها

وبعد سبع سنين تهاوش معها لجل ترتيب البيت وكانت بركان انفجر بعد سرد كل حوار حياتهم مع بعض طلقها طلقه وامام القاضي رجعها وقبلت ترجع لجل العيال ولزمه القاضي ببيت مستقل وجلست ببيت هلها 6 شهور والعيال من الاستشارات العائلية يوم واحد لرؤية العيال عن طريق ابوهم .

العيال عندها 3 اكبرهم 6 سنين.
وبعد كل المعامله يلومها لجل تنظيف البيت ولجل اهتمامها بنفسها ويبيها مره خارقة

من 7 الصبح شغل الين 3 تغذا ترجع تنام تقوم ساعه 5 تقعد تدرسهم قران الين 6ونص وبعدها تفضي للبيت وتجهز طبخة لثاني يوم وترجع ع تنام ساعة 11 .
فوووق كل هذا مب عاجبة الزوج !!

** المختصر ** بعض الزوجات فيهم تضحية ولازم يقدرها الزوج
** الواقع ** بعض الازواج فيهم تضحية ولازم تقدرها الزوجة.

يد لوحدها ما تصفق

[شبح الصمت]

انا اعرف. شباب وايد ودهم يتزوجون الثانيه لكن يقول ما اقدر اكسر قلب ام عيالي لأن وقفت معاي فالحلوه والمره وتشيل عني المصاريف اذا ضاقت بي الدنيا !
صنائع المعروف تقي مصارع السوء

هذا هو الحب والاخلاص لكل الطرفين ( شريك وشريكة حياتي)

جمله لن يفهمها اصحاب العقول الماديه!




كلام ما عقبه كلام

وده ولكن بالمقابل يحترم مشاعرها

لا يستطيع كسر قلبها من اجل شهواته

معروفها ووقفاتها التي لا تنسى من اجوديه ومربية ابنائه ومنه اهو الاجودي

حب لا يستطيع اي قلب تقديره الا من عاشه بحب واخلاص

وجزاك الله الف خير

[شبح الصمت]

تدري يا شبح وهذي قصه والله اعرف راعيتها ..

زوجها من شغله لشغله وراتبه ضعيف
راتبها مقارنه بالى حولها اعلى راتب .

زوجها اول ثلاث اسابع مطلع روحها واخر اسبوع قبل الراتب رومنسي حده .

بطاقتها معاااه ارقمها السرية يعرفها ساحبه له سلفية لجل عرس اخوه 30 الف

اجار بيت العائلة الى ساكنه فية تدفع نص 5000
مخالفات موتره مسحوبه من بطاقتها
فواتير تلفونه من بطاقتها .

اخر متاااخر يبقى لها مصروف 800 ريال

من سبع سنين شغاله ولا لها رصيد وعليها سلفية والسبه زوجها

وبعد سبع سنين تهاوش معها لجل ترتيب البيت وكانت بركان انفجر بعد سرد كل حوار حياتهم مع بعض طلقها طلقه وامام القاضي رجعها وقبلت ترجع لجل العيال ولزمه القاضي ببيت مستقل وجلست ببيت هلها 6 شهور والعيال من الاستشارات العائلية يوم واحد لرؤية العيال عن طريق ابوهم .

العيال عندها 3 اكبرهم 6 سنين.
وبعد كل المعامله يلومها لجل تنظيف البيت ولجل اهتمامها بنفسها ويبيها مره خارقة

من 7 الصبح شغل الين 3 تغذا ترجع تنام تقوم ساعه 5 تقعد تدرسهم قران الين 6ونص وبعدها تفضي للبيت وتجهز طبخة لثاني يوم وترجع ع تنام ساعة 11 .
فوووق كل هذا مب عاجبة الزوج !!

** المختصر ** بعض الزوجات فيهم تضحية ولازم يقدرها الزوج
** الواقع ** بعض الازواج فيهم تضحية ولازم تقدرها الزوجة.

يد لوحدها ما تصفق




مع احترامي هذا انسان عاله وانسان انتهازي ومادي درجة اولى بمرتبة الشرف

ياخي هذا يبيله تكريم على انجازاته :anger1:

مب لهدرجة خلها مسكينها الفقيره تجمع لها شيء وثاني شيء هالشيء الي بتجمعه والله بيرد لكم بطيب خاطر

ترى الحريم كلمة وتوديهم وكلمة تجيبهم بس اهم شيء رفيجاتها ما يدشون في الموضوع !

والله يستر على الجميع

[مرتبش]

تتحمله 20 يوم او 19 حسب الهلال :)

[حفيد الأنصار]

ما فهمت يالحربي

شنو يعني هالحركة !!

:telephone:





يعني مثل رأيك

[شبح الصمت]

يعني مثل رأيك




سنايدي

:nice:

[حسن]

مبروك عليكم الشهر الفضيل ان شاءالله
قولي حق صديقتك زوجها هذا من النوع الرزيل وانسان ماعنده اي شخصيه رجوليه
والله يهديه
بالنسبه لراتب الزوجه اذا كانت تعمل من راي الزوج له حق فيه مثل هي لها حق في راتب الزوج
هذا راي

[لمعة الالماس]

ماله داعي نقول مصاريف رمضان

لان الحمد لله طول السنة ناكل ونشرب :) بالعكس المفروض يقل الصرف وخاصة الاكل في رمضان لان نصوم وفي الفطور الاكل قليل.

اللهم بلغنا رمضـان.

[حسن]

ماله داعي نقول مصاريف رمضان

لان الحمد لله طول السنة ناكل ونشرب :) بالعكس المفروض يقل الصرف وخاصة الاكل في رمضان لان نصوم وفي الفطور الاكل قليل.

اللهم بلغنا رمضـان.

اي والله انا استغرب من اللي يقولك مصاريف رمضان مادري العالم فاتحين خيم رمضانيه
يقصون علينا
وهناك جوع وعطش في رمضان العالم رقاد لين المغرب ويقولك صيام
مانشتري الا الاغراض اليوميه ولا حق ككم يوم تركو عنكم هل العادات وتشوف ذا العالم
كل واحد يسحب من هل القواري تقول داش حرب

[qatara]

كلها اوهام

فنادر الزوجه التي هي رحيمه ببيتها
ومتساعده مع زوجها بالمصاريف
فدعونا نكون صادقين مع انفسنا

لاقول لايوجد نساء كفو
ومتعاونات لاكن نادرات

[ريم 28]

اختي العزيزه

اولا انبه كل زوجه ان لا تتكلم عن زوجها مهما كانت فيه عيوب وحتئ لو فضفضه

لان ابو اعيالك وسمعته من سمعتك

ثانيا موضوعها سهل تتفاهم معاه وترتب حياتها معاه من جديد

والاهتمام في الامور الماديه يعكر صفو الحياه بينهم


هناك رجال لا يرضون ابدا ان ياخذوا ريال من الزوجه

ورحال يريدها ان تتعاون معه ولا باس في ذلك لان في النهايه هو سيبني لها بيت وسيهتم بها وهذا الشخص اتكون صفاته حسنه وتستطيع المراه معرفة ذلك


ورجال للاسف الشديد ياخذ بطاقة الزوجه ويريدها تعمل حتئ يستمتع هو ومقصر ويبذر ويسرف هذا تنقصه الرجوله للاسف وليس من صنفهم



اما صديقتك عليها ان تتعامل مع زوجها بذكاء وترتب امور بيتها حتئ لا يسرفوا ويخسروا بعض

[ريم 28]

نسينا انقول مبارك عليكم الشهر

والدوا الشهر في رضئ الرحمن

وهذا ابليس يفرق بين الزوجين فيذكرهم بالماده وووو


الله يصلح الحال بين كل زوجين

[intesar]

كلها اوهام

فنادر الزوجه التي هي رحيمه ببيتها
ومتساعده مع زوجها بالمصاريف
فدعونا نكون صادقين مع انفسنا

لاقول لايوجد نساء كفو
ومتعاونات لاكن نادرات


:anger1:.. عطهم النصف.. ليش نادر.. ليش..:anger1:

[qatara]

:anger1:.. عطهم النصف.. ليش نادر.. ليش..:anger1:

ان اكانو النصف فانا لاافهم ولم
اتعلم ولم اخبر في الحياه اي شي

[intesar]

ان اكانو النصف فانا لاافهم ولم
اتعلم ولم اخبر في الحياه اي شي


لا ياخبير..
فيهم الخير.. الكثير منهم فيهم الخير.. أنت لما تقول نادرا.. يعني الغالبية العظمى..

والدنيا فيها الخير..
واللي في بالك .. أو التفصيل اللي في بالك صعب تلاقيه..

غير نظرتك.. وعط المرأة فرصة أكثر.. وتنازل عن بعض الأمور اللي ما تمس الدين..

لا تحكم من حالة مرت من صوبكم.. وأدخل أروقة المحاكم..
والمشاكل عمرها ما كانت من طرف واحد.. حتى لو تغيرت النسب واختلفت..

ودمت سيدي بحفظ الرحمن..

[الزعفراني]

احلى شي عجبني في الموضوع هالكاريكاتير .. للأمانة واقع أليم وصاير عند البعض :)

http://www.waaiy.org.sa/reimg/w510h375_495Zwjh_mwzfh.jpg

[mariamaziz]

مختصر الكلام

الرجال اللي يمد يده على فلوس مرته و هو مب محتاج و يشتغل عنده وظيفه .. الصراحة مهب كفو و لا ينطبق عليه اسم رجال ...

لكن اذا الرجال احتاج و فعلا كان محتاج انا اشوف من باب أولى المره تساعد ..

و شكرا

[qatara]

لا ياخبير..
فيهم الخير.. الكثير منهم فيهم الخير.. أنت لما تقول نادرا.. يعني الغالبية العظمى..

والدنيا فيها الخير..
واللي في بالك .. أو التفصيل اللي في بالك صعب تلاقيه..

غير نظرتك.. وعط المرأة فرصة أكثر.. وتنازل عن بعض الأمور اللي ما تمس الدين..

لا تحكم من حالة مرت من صوبكم.. وأدخل أروقة المحاكم..
والمشاكل عمرها ما كانت من ذرف وحيد.. حتى لو تغيرت النسب واختلفت..

ودمت سيدي بحفظ الرحمن..


من يجحد الجود بعد عشره عمر
وينساه بلحظه واحده
يستحيل ان يكون جواد
( كفران العشير )

[Locale]

حسستوني ان كارثه صارت بسبت انها شكت لرفيجتها
مب كأن اغلب مواضيع الرجال هنا فالمنتدى يكتبون عن مشاكل ربعهم مع زوجاتهم

[Locale]

ان اكانو النصف فانا لاافهم ولم
اتعلم ولم اخبر في الحياه اي شي
وانت كذلك

[intesar]

من يجحد الجود بعد عشره عمر
وينساه بلحظه واحده
يستحيل ان يكون جواد
( كفران العشير )

رجعنا على نفس القصة.. أنا مأقول كل الحريم ملاك.. أنا أقول نسبتك غلط.. ما يصير تعمم.. وأنت تقريبا عممت..

كثير من الحريم في هذا الزمان صاروا يصرفون على بيوتهم.. هل نقدر نقول من النادر أن يكون الرجل يتحمل المسؤولية..
بالطبع لا..

ومسألة كفران العشير.. من الجهتين.. :anger1:

[qatara]

وانت كذلك


من ردة فعلك يثبت صحة كلامي
فدائما الحق مرو مثل الدواء

[مرتبش]

الحريم فيهم الخير واكثرهم مايبون مشاكل مع ازواجهم ويتغاضون عن بعض المسائل لتستمر الحياة

الموضوع بسيط اذا هو فقط المشكلة! فترة قليلة من الانزعاج وترجع الامور صافي يالبن

[الكونتيسه غلا]

عطينا شوية مقترحات يا فوزية الدريع:nice:
الظاهر كل الزوجات غبيات هالأيام:rolleyes2:


انا مب فوزية انا غلا :D

ومافي زوجة غبية،، بس الطيبه الزايده تخرب :)
والحل يحطون لسته بكل احتياجتهم ( الضرورية ) في شهر رمضان.
ويحسبون التكلفه،، والمبلغ يتفقون عليه ينحط في ظرف وكل ماحتاجوا اصرفوا منه،،
اما صرف المتعه،، كلن يرفه عن نفسه وبالطريقه اللي تعجبه من راتبه ،،:nice:
وفي نقاط ماقدر اقولها مانبي مشاكل بين الزوجين :secret:
الله يحفظهم ويهديهم :)

[أخر الدنيا]

مايصير رفيجتج اطلع اسرار بيتها وامورها الخاصه وتتكلم عن ريلها بعد
وانتي ماقصرتي نشرتي غسيلها الله يهديكم يابنات حواء

:nice::nice::nice::nice::nice:الله يهديهم

[qatara]

http://www.waaiy.org.sa/reimg/w510h375_495Zwjh_mwzfh.jpg

هي ساحره ولا وش مطيرها من العش
تقر في عشها مثل ما ربي امرها
شوف عيونها بسم الله

[القطو السمين]

الله يعينها مافيه الاترتب الميزانية بالاتفاق معه

[ولد ازغوى]

انا ما اتخيل ان في موظفه ما تصرف في بيتها
اصلا شلون !!!!

[mariamaziz]

انا ما اتخيل ان في موظفه ما تصرف في بيتها
اصلا شلون !!!!

أخوي الطيب ولد ازغوى

المرة تصرف في بيتهاا بس ساعات يتحول الموضوع إلى استغلال من قبل الرجل ...
القصة المطروحة فالموضوع ان المره تصرف و رجالها استغلها بزياادة ...

بس اللي ما أتخيله ان رجال ياخذ بطاقة مرته و يصرف منها أو يرااقب رصيدهاا و هو عنده راتب و فلوس ... هااذي واااااااايد قويه ...

[خليفـة]

اولا الله يصلح حالهم ويزرع المودة بينهم
:)

خليفــة

[بصمة قطرية]

http://www.waaiy.org.sa/reimg/w510h375_495Zwjh_mwzfh.jpg

هي ساحره ولا وش مطيرها من العش
تقر في عشها مثل ما ربي امرها
شوف عيونها بسم الله

ضحكتني يا كتارا ..
و ليش ما علقت على هاي اللي فاج حلجه كأنه بلاعه ..:secret:

[ريم 28]

ضحكتني يا كتارا ..
و ليش ما علقت على هاي اللي فاج حلجه كأنه بلاعه ..:secret:

انا بعلق يا بصمه علشانك

واقول له ليش هو اللي قاعد بالعش ويستغل وما يسعئ ويعمل وهو اللي يصرف مثل ما امره ربي

[عنيــــد]

سندرونا بسالفة هالراتب و لا كانه في الشرع الا راتب الزوجه ،، و لين جا الرجال يبي يتزوج قامت الدنيا ولا قعدت و ترك في بيت اهلها لين يهون ولا اقلها يعوضها بهدية فوق مية الف عشان يراضيهاا ،، مب شرعا من حقه؟؟

اليوم راتب الزوجة ما يقل عن راتب الزوج الا في العلاوة الاجتماعية و السكن ،، و مع ذلك اجار البيت و ميرة البيت و مصاريف العيال و مدارسهم و علاجهم و سيارات تتبدل كل اربع سنين و فوق هذا مصروفها من غير الاعراس و المناسبات و ( الاغلب ) تبي سفرة صيف كل سنة،، و تبيه يبني لها بيت العمر ع الاقل نص مليون فوق قرض الاسكان ،، و هي راتبها في ساعات و مجوهرات و كل يوم مساعده واحد من اهلها بشي ولا شارية له هدية و الرجل الآلي اللي في البيت لو فكر في راتبها تشغل الموال ( ويلك ياللي تعادينا يا ويلك ويل ) ،، و عقب هذا كله تبيه يقابلها بوجه بشوش و لا يعصب و يدلعها و يصير رومنسي و يشتري لها هدايا و لا يجرح مشاعرها !!!!!!

تكلموا بالواقع ترى راتب الجامعي في الحكومة متوسطه 30 او35 الف ،، يروح 13 اجار بيت و 3 الاف رواتب خدم و 3 الاف ميرة البيت و مصروفها 4 الاف و الفين مصاريف العيال و 4 الاف اقساط سيارات البيت هذا من غير صيانة سيارات و ظروف طارئه و عزيمه لا دخل بيته رجال !! دخيل الله يبي يلبس الرجال و يبي يدفع فاتورة جواله !!

رجل آلي مب انسان من لحم و دم ،، والله كرهونا فيهم و الحمدلله احنا مب في حاجة رواتبهم ولا نبي منها ريال و لو يوقف الرجال قدام جمعية خيرية ابرك له من انه يحتاج لزوجته ،، لكن الكلمة الطيبة و المره اللي توقف مع زوجها راح تكسبه ،،


هذا اللي مخلي رجالنا يزهقون من البيت و يفضلون قعدات ربعهم على مقابل زوجاتهم ،، و احيانا يتهور الواحد و يتزوج الثانيه يلقى انه تدبس بهمين بدال هم واحد ،،

يقطع الله كل شي فيه منه

[زقرتي ومزاجي]

سندرونا بسالفة هالراتب و لا كانه في الشرع الا راتب الزوجه ،، و لين جا الرجال يبي يتزوج قامت الدنيا ولا قعدت و ترك في بيت اهلها لين يهون ولا اقلها يعوضها بهدية فوق مية الف عشان يراضيهاا ،، مب شرعا من حقه؟؟

اليوم راتب الزوجة ما يقل عن راتب الزوج الا في العلاوة الاجتماعية و السكن ،، و مع ذلك اجار البيت و ميرة البيت و مصاريف العيال و مدارسهم و علاجهم و سيارات تتبدل كل اربع سنين و فوق هذا مصروفها من غير الاعراس و المناسبات و ( الاغلب ) تبي سفرة صيف كل سنة،، و تبيه يبني لها بيت العمر ع الاقل نص مليون فوق قرض الاسكان ،، و هي راتبها في ساعات و مجوهرات و كل يوم مساعده واحد من اهلها بشي ولا شارية له هدية و الرجل الآلي اللي في البيت لو فكر في راتبها تشغل الموال ( ويلك ياللي تعادينا يا ويلك ويل ) ،، و عقب هذا كله تبيه يقابلها بوجه بشوش و لا يعصب و يدلعها و يصير رومنسي و يشتري لها هدايا و لا يجرح مشاعرها !!!!!!

تكلموا بالواقع ترى راتب الجامعي في الحكومة متوسطه 30 او35 الف ،، يروح 13 اجار بيت و 3 الاف رواتب خدم و 3 الاف ميرة البيت و مصروفها 4 الاف و الفين مصاريف العيال و 4 الاف اقساط سيارات البيت هذا من غير صيانة سيارات و ظروف طارئه و عزيمه لا دخل بيته رجال !! دخيل الله يبي يلبس الرجال و يبي يدفع فاتورة جواله !!

رجل آلي مب انسان من لحم و دم ،، والله كرهونا فيهم و الحمدلله احنا مب في حاجة رواتبهم ولا نبي منها ريال و لو يوقف الرجال قدام جمعية خيرية ابرك له من انه يحتاج لزوجته ،، لكن الكلمة الطيبة و المره اللي توقف مع زوجها راح تكسبه ،،


هذا اللي مخلي رجالنا يزهقون من البيت و يفضلون قعدات ربعهم على مقابل زوجاتهم ،، و احيانا يتهور الواحد و يتزوج الثانيه يلقى انه تدبس بهمين بدال هم واحد ،،

يقطع الله كل شي فيه منه



لافض فوك .. هذا الرد اللي من الخاطر ويبرد الخاطر
:nice:

[Al-Kuwari]

سندرونا بسالفة هالراتب و لا كانه في الشرع الا راتب الزوجه ،، و لين جا الرجال يبي يتزوج قامت الدنيا ولا قعدت و ترك في بيت اهلها لين يهون ولا اقلها يعوضها بهدية فوق مية الف عشان يراضيهاا ،، مب شرعا من حقه؟؟

اليوم راتب الزوجة ما يقل عن راتب الزوج الا في العلاوة الاجتماعية و السكن ،، و مع ذلك اجار البيت و ميرة البيت و مصاريف العيال و مدارسهم و علاجهم و سيارات تتبدل كل اربع سنين و فوق هذا مصروفها من غير الاعراس و المناسبات و ( الاغلب ) تبي سفرة صيف كل سنة،، و تبيه يبني لها بيت العمر ع الاقل نص مليون فوق قرض الاسكان ،، و هي راتبها في ساعات و مجوهرات و كل يوم مساعده واحد من اهلها بشي ولا شارية له هدية و الرجل الآلي اللي في البيت لو فكر في راتبها تشغل الموال ( ويلك ياللي تعادينا يا ويلك ويل ) ،، و عقب هذا كله تبيه يقابلها بوجه بشوش و لا يعصب و يدلعها و يصير رومنسي و يشتري لها هدايا و لا يجرح مشاعرها !!!!!!

تكلموا بالواقع ترى راتب الجامعي في الحكومة متوسطه 30 او35 الف ،، يروح 13 اجار بيت و 3 الاف رواتب خدم و 3 الاف ميرة البيت و مصروفها 4 الاف و الفين مصاريف العيال و 4 الاف اقساط سيارات البيت هذا من غير صيانة سيارات و ظروف طارئه و عزيمه لا دخل بيته رجال !! دخيل الله يبي يلبس الرجال و يبي يدفع فاتورة جواله !!

رجل آلي مب انسان من لحم و دم ،، والله كرهونا فيهم و الحمدلله احنا مب في حاجة رواتبهم ولا نبي منها ريال و لو يوقف الرجال قدام جمعية خيرية ابرك له من انه يحتاج لزوجته ،، لكن الكلمة الطيبة و المره اللي توقف مع زوجها راح تكسبه ،،


هذا اللي مخلي رجالنا يزهقون من البيت و يفضلون قعدات ربعهم على مقابل زوجاتهم ،، و احيانا يتهور الواحد و يتزوج الثانيه يلقى انه تدبس بهمين بدال هم واحد ،،

يقطع الله كل شي فيه منه

صح لسانك ..

[qatara]

ضحكتني يا كتارا ..
و ليش ما علقت على هاي اللي فاج حلجه كأنه بلاعه ..:secret:

هاذيه مسكين مسحورومربط
وملش ريشه وفاج حلجه
ههههههه

[عنيــــد]

السموحة من صاحبة الموضوع للخروج عن صلب الموضوع ،،
عودة لشكوى صاحبتج سلمي عليها و قولي لها يقولج عنيد :

اذا شرعا راتبها ما للزوج حق فيه ،، ترى شرعا يقدر يجبرج تقعدين في البيت (على الاقل يفكون الصغار من المربيات ،، هذا اذا هي شاطرة بعد ) ،،

و كذلك شرعا مالها حق تفشي اسرار بيتها و امورها الخاصة بينها و بين زوجها ،، و الناس ما راح تنفعج بشي و ترى مهما كان هو ريلج و ابو عيالج و اغلى من المال ،، المودة و المعروف بين الزوجين ،،

[qatara]

سندرونا بسالفة هالراتب و لا كانه في الشرع الا راتب الزوجه ،، و لين جا الرجال يبي يتزوج قامت الدنيا ولا قعدت و ترك في بيت اهلها لين يهون ولا اقلها يعوضها بهدية فوق مية الف عشان يراضيهاا ،، مب شرعا من حقه؟؟

اليوم راتب الزوجة ما يقل عن راتب الزوج الا في العلاوة الاجتماعية و السكن ،، و مع ذلك اجار البيت و ميرة البيت و مصاريف العيال و مدارسهم و علاجهم و سيارات تتبدل كل اربع سنين و فوق هذا مصروفها من غير الاعراس و المناسبات و ( الاغلب ) تبي سفرة صيف كل سنة،، و تبيه يبني لها بيت العمر ع الاقل نص مليون فوق قرض الاسكان ،، و هي راتبها في ساعات و مجوهرات و كل يوم مساعده واحد من اهلها بشي ولا شارية له هدية و الرجل الآلي اللي في البيت لو فكر في راتبها تشغل الموال ( ويلك ياللي تعادينا يا ويلك ويل ) ،، و عقب هذا كله تبيه يقابلها بوجه بشوش و لا يعصب و يدلعها و يصير رومنسي و يشتري لها هدايا و لا يجرح مشاعرها !!!!!!

تكلموا بالواقع ترى راتب الجامعي في الحكومة متوسطه 30 او35 الف ،، يروح 13 اجار بيت و 3 الاف رواتب خدم و 3 الاف ميرة البيت و مصروفها 4 الاف و الفين مصاريف العيال و 4 الاف اقساط سيارات البيت هذا من غير صيانة سيارات و ظروف طارئه و عزيمه لا دخل بيته رجال !! دخيل الله يبي يلبس الرجال و يبي يدفع فاتورة جواله !!

رجل آلي مب انسان من لحم و دم ،، والله كرهونا فيهم و الحمدلله احنا مب في حاجة رواتبهم ولا نبي منها ريال و لو يوقف الرجال قدام جمعية خيرية ابرك له من انه يحتاج لزوجته ،، لكن الكلمة الطيبة و المره اللي توقف مع زوجها راح تكسبه ،،


هذا اللي مخلي رجالنا يزهقون من البيت و يفضلون قعدات ربعهم على مقابل زوجاتهم ،، و احيانا يتهور الواحد و يتزوج الثانيه يلقى انه تدبس بهمين بدال هم واحد ،،

يقطع الله كل شي فيه منه

عز الله صدقت بحريم هل الوقت الي
بعضـــهم تستغل الزوج او الطليق لاخر ريال في ماله
وين حريم لول الي الي طاح رجلها بدين ولا قاصر
شلعت كل ذهبها وقالت خذ يا بو فلان ولا يضيمك
الوقت الله بيعطيك وبتجيب لي اخير منها

[الخيزران]

كل واحد مفروض يعرف حقوقه وواجباته

الرجال قوامون على النساء بما فضل الله بعضهم على بعض وبما أنفقوا من أموالهم ! يعني الإنفاق (بالحق) أعطى الرجل القوامة


انا موظفة ، زوجي ملزم بالانفاق علي وعلى البيت وانا ملزمة بمساعدته لانه قبل أني اكون موظفة ، أني اكون موظفة يعني اطلع من بيته يعني اقصر في حقه وفي حق عيالي لو بشي بسيط مع ذلك يقدر لي مشاركتي وياه اعباء الحياة ! يعني هو يتكفل براتب الدريول وانا براتب الخادمة على سبيل المثال !


لكن في رجال (بالاسم) للأسف ياخذ راتب زوجته ويصرفه على كيفه هو ويمكن على ربعه او ( ما ابي اكمل الجملة )!!! وبعد لا حمدا ولا شكورا !!!!!


الاعتدال مطلوب ومعرفة الحقوق والواجبات كذلك !


اي والله يكسر ميزانية البيت وميزانيتي علشان يفوشر ويهايط بالعزايم ! لا والأدهى يقول لها لا تقولين لاخوج علشان يتسلق منه بعد ! في ذمتكم هاي مب استغلال ! هاي من اخلاق الرجال !!!!!!!


الكثير قام يناقش قضية راتب الزوجة ! وترك التحدث عن هذه الحاله الغريبة ! استغلال وفي شهر الصيام بعد !!!!!

[الخيزران]

عز الله صدقت بحريم هل الوقت الي
بعضـــهم تستغل الزوج او الطليق لاخر ريال في ماله
وين حريم لول الي الي طاح رجلها بدين ولا قاصر
شلعت كل ذهبها وقالت خذ يا بو فلان ولا يضيمك
الوقت الله بيعطيك وبتجيب لي اخير منها

صدقت في كلامك بس ازيد عليه شوي : ووين رياييل اول اللي عزة نفسه واخلاقه وعنفوانه تخلي حريم اول تقول خذ يا بو فلان ولا يضيمك الوقت ! وبعد يفضل يتسلف من الغريب ويكابر ولا تطيح هيبته قدام اهله !


زمان اول تحول ! للأسف

[بوطويشم]

السلام عليكم

تصارحه بها الشي بهدوء وبعيد عن الأعصاب

ان فهم الحمد لله

و ان مافهم لاحول ولاقوة الآبالله

[عنيــــد]

كل واحد مفروض يعرف حقوقه وواجباته

الرجال قوامون على النساء بما فضل الله بعضهم على بعض وبما أنفقوا من أموالهم ! يعني الإنفاق (بالحق) أعطى الرجل القوامة


انا موظفة ، زوجي ملزم بالانفاق علي وعلى البيت وانا ملزمة بمساعدته لانه قبل أني اكون موظفة ، أني اكون موظفة يعني اطلع من بيته يعني اقصر في حقه وفي حق عيالي لو بشي بسيط مع ذلك يقدر لي مشاركتي وياه اعباء الحياة ! يعني هو يتكفل براتب الدريول وانا براتب الخادمة على سبيل المثال !


لكن في رجال (بالاسم) للأسف ياخذ راتب زوجته ويصرفه على كيفه هو ويمكن على ربعه او ( ما ابي اكمل الجملة )!!! وبعد لا حمدا ولا شكورا !!!!!


الاعتدال مطلوب ومعرفة الحقوق والواجبات كذلك !


اي والله يكسر ميزانية البيت وميزانيتي علشان يفوشر ويهايط بالعزايم ! لا والأدهى يقول لها لا تقولين لاخوج علشان يتسلق منه بعد ! في ذمتكم هاي مب استغلال ! هاي من اخلاق الرجال !!!!!!!


الكثير قام يناقش قضية راتب الزوجة ! وترك التحدث عن هذه الحاله الغريبة ! استغلال وفي شهر الصيام بعد !!!!!

الحين بنفسها تقول الرجال معتدل طول ايام السنه و تتخربط ميزانيته في هالشهر بالذات ،، المفروض تقعد وياه و بالكلام الطيب ممكن يتفاهمون ،،

لكن بذمتج على طاري شهر الصيام الله يبلغنا اياه و يعينا على صيامه و قيامه ،، اكبر انه احتاج لها ( و اللي فهمته انه مب بالغصب ) او اكبر انها تتشكى عند ربعها على زوجها و تفشي اسرار بيتها ؟؟؟

[الخيزران]

الحين بنفسها تقول الرجال معتدل طول ايام السنه و تتخربط ميزانيته في هالشهر بالذات ،، المفروض تقعد وياه و بالكلام الطيب ممكن يتفاهمون ،،

لكن بذمتج على طاري شهر الصيام الله يبلغنا اياه و يعينا على صيامه و قيامه ،، اكبر انه احتاج لها ( و اللي فهمته انه مب بالغصب ) او اكبر انها تتشكى عند ربعها على زوجها و تفشي اسرار بيتها ؟؟؟

انا ما قلت ان الرجال مقصر (وهذا واجبه) لكن بعد مب معناها يتسلف من زوجته او حتى من غيرها بس علشان يهايط! يا اخي لا يكلف الله نفسا الا وسعها !!!!

يمكن المره ما تقصد تفشي اسرار بيتها يمكن تبي المشورة مثلا ! ويمكن تكلمت وياه ولا في فائدة ! ولو على قولتك مب بالغصب وهي راضيه ما كان تكلمت!

وعلى طاري (مب بالغصب) ترى ممكن ان المفهوم ذيه يختلف من شخص لآخر ! يمكن شخص يفهمه ان مب بالغصب يعني ما أخذ بطاقتها البنكية وسحب دايركت غصبا عنها وعن اللي خلفوها !

ولكن ممكن هو قالها اسحبي وعطيني رضيتي والا انرضيتي! عاجبج الحال او لا ! وهاي يعتبر غصب ولا رضى؟!!!!


هذا شهر للصيام للعبادة للصدقة! مب للمهايط ! بفلوسه والا بفلوسها !

[flourish]

المعطيات غير كافية للحكم، والحكم له أهله

لكن بشكل عام في رجال تستاهل أن تعطيه الزوجة عيونها وما ينسالها وقفاتها معه، وفي أزواج استغلاليين ماديين.

الزوجة فقط هي التي تقدر أن تحدد ولكن يجب أن تكون صريحة مع نفسها وعليها ألا تكفر العشير بمعنى تتذكر المواقف السيئة وتنسى المواقف الحسنة، فإن كان في هذا الزوج هذا العيب فبالتأكيد له حسنات أخرى كثيرة. أحسبيها يا أختي صح، وإن وجدتي بعد كل ذلك أنه مخطئ في هذا التصرف ففكري في أنه راتب شهر واحد لا يستحق ألم الخلاف وشكوى الزوج للآخرين والسماح للآخرين بالتدخل وزيادة فجوة الخلاف تغاضي عن راتب هذا الشهر واشتري سعادتك

[هداية]

مشكورين جميعاً على المرور وردودكم ،فيه ردود منطقية وفيه ردود الله بالخير، لكن بخصوص هالردين اللي ظلموني وأساؤوا الظن فيني:


مايصير رفيجتج اطلع اسرار بيتها وامورها الخاصه وتتكلم عن ريلها بعدوانتي ماقصرتي نشرتي غسيلها الله يهديكم يابنات حواء

ليش إيش قايلة أنا علشان ناشرة غسيلها:rolleyes2: ، بس سؤال يالشيخة/ الحين عرفتيني ؟ عرفتي اسمي؟ عرفتي عن من كنت أتكلم عنها؟ ما شاء الله عبقرية زمانج علشان تلقطين البنت من موقف كتبته؟ على الله بس ما عرفتي اسم الشارع اللي ساكنة فيه ...:omg: هذا أولاً

الشي الثاني/ أنا صديقاتي يثقون فيني، وهذي أصلاً من المشاكل العامة اللي ممكن تحصل في كل بيت وبالعكس هي فضفضت وأنا أعطيتها حلول منطقية وقلت لها بالمنطق والحوار إن شاء الله كل شي ينحل، وإذا ما نفع أعطيتها رقم الاستشارات العائلية تستشيرهم بالتلفون..
* وعلى فكرة أنا استأذنت منها إني أطرح هالمشكلة في المنتدى، ورحبت بالفكرة لعلها تجد حد ينصحها

الشي الثالث/ السينيارو هذا تكرر من أقاربي واللي حولي وأشوفه صار ظاهرة سلبية في المجتمع، فحبيت أسلط عليها الضوء ونوجد له حلول يا فلتة زمانج...



هذه اهي بداية أسباب المشاكل
جات واشكت لرفيجتها رفيجتها قالت لها لا والف لا :anger1: اشلون ترضين ياخذ منج وليش تكونين مقصه ويلا وتبدأ المشاكل ويبدا شريط المسلسل الدرامي الدموي بين الزوجين :secret:
من وجهة نظري اي امور عائلية واي انسان عنده كلمة خير يا قولها أو يلتزم الصمت في المشوره
لانه الكثير والبعض من الحريم كانوا سبب في هدم حياة زوجيه لكثير من الأسر فرجاء رجاء رجاء لبعض الحريم مشوارتكم الطيبه خلوها لكم لأنها في بعض الاوقات تودي إلى التهلكه
رآيي لا يفسد في الود قضيه

الصراحة مشكلة بعض الأعضاء يألفون السينيارو والقصة من عندهم !!!
الحين أنت اشدراك إني قلت لها:لا وألف لا، اشلون ترضين ياخذ منج وليش تكونين مقصه!!:eek5:

بعض الأعضاء يهاجمون بس لمجرد الهجوم، يعني من ردودهم كأنهم ملاك منزل من السماء، ماشاء الله لا يشتكون ولايتذمرون ومثاليين فوق درجة الخيال !!! عيل ليش المجالس والدواوين مفتوحة ؟؟! هم واحدة من الثنتين يا إنهم :
-مثالين فعلاً فالواقع -وهذا استحالة- أو إنهم في المنتدى شي والواقع شي ثاني !!

[العربية نت]

((إنما أموالكم وأولادكم فتنة والله عنده أجر عظيم ))

صدق الله العظيم ..

الله المستعان

[catqat]

مبروك عليكم الشهر الفضيل ان شاءالله
قولي حق صديقتك زوجها هذا من النوع الرزيل وانسان ماعنده اي شخصيه رجوليه
والله يهديه
بالنسبه لراتب الزوجه اذا كانت تعمل من راي الزوج له حق فيه مثل هي لها حق في راتب الزوج
هذا راي

سؤال قبل المعارضة، هو انت على اي مذهب؟؟؟

لان اللي اعرفه على مذاهب اامتنا الاربعة الزوج ماله حق براتب الزوجة ،لاا برضاها. والزوجة لها حق النفقة.. صح !!

واللي يسمونه اسرار بيت، أي سر اللي بيضل سر لو صارت عادة وممارسة خاطئة وظالمة.. !!

[أبو راكان]

الناس صارت تقدس شي اسمه فلوس حتى لو على حساب الزوج او الزوجه او لعيال او حتى الدين
استغفر الله العظيم

[العربية نت]

الله اعلم انا الي الاحظة ان التفرقة والبعد الاسري والاجتماعي والحقد زادت عند الناس وعلى مستوى الاسرة الواحدة خاصة من بعد الزيادة الجديدة :eek5::omg:
الله يرحمنا إن شاء الله

[مضارب دوسري]

انا اشوف ماعندج سالفه وهي بعد ماعرفت تختار الشخص المناسب عشان تتكلم معاه
وشفيها لو اخذ من زوجته مره ولا مرتين فالسنه ؟
انتي تقةلين طول السنه ملتزم بمصاريف البيت والعيال والسيارات
اللهم في شهر رمضان تقصر عليه الفلوس وياخذ من زوجته
باختصار
ياحبكم حق تنقل السوالف والفضايح

[الامل القديم]

في عندنا مثل يقول

زوجك على ما عودتيه وابنك على ماربتيه

[آنــه]

السلام عليكم ورحمة الله وبركاته


انا ما اشوف فيها شي يعني لو عطته البطاقه او عطته اللي في الحساب كله دامه مب مقصر وياها
وملتزم طول السنه في كل شي ما عدا شهر رمضان اللي احنا اوردي فاهمينه غلط من زمان :) بس ربي يصلحه ويهديه ان شاء الله ويبعده عن التدخين وهالشيشه اللي ما وراها الا المضره .. بعدين تجي تشتكي هي ليه دام هو مب مقصر وياها شخلت للي طول السنه مصفرين حريمهم ولا بعد مب مكفيهم هالشي
ربي يهديها ويصلح بالها مفروض ما تتكلم في امورها الخاصه :(

[بـــــدوي]

.
.

عن نفسي وبرغم كرمها وجودها ، إلا ان هناك شيء يمنعي لااعلم ماهو

[هداية]

:rolleyes2:
ياليت بعض الأعضاء يحتفظون بآرآهم لأنفسهم، وكأنك يازيد ما غزيت !!
الصراحة بعض الردود لاتسمن ولاتغني من جوع، بأختصار : (قل خيراً أو اصمت)
يخلون الواحد يتحسف باليوم اللي شارك في بالمنتدى، أعوذ بالله

[بـــــدوي]

:rolleyes2:
ياليت بعض الأعضاء يحتفظون بآرآهم لأنفسهم، وكأنك يازيد ما غزيت !!
الصراحة بعض الردود لاتسمن ولاتغني من جوع، بأختصار : (قل خيراً أو اصمت)
يخلون الواحد يتحسف باليوم اللي شارك في بالمنتدى، أعوذ بالله

يعني انتي اللي رديتي :p

[روح الاطلس]

اسمحوا لي بمداخلة لاني لاحظت عند البعض لبس في الحقوق والواجبات من ناحية راتب الزوجة .. احب اوضح استناداً على رأي الفقهاء اذا الزوجة كانت مشترطة قبل الزواج ان يسمح لها بالعمل فليس للزوج حق في راتبها ... اما اذا لم تشترط وسمح لها بالعمل فله حق براتبها حسب الاتفاق بينهم وله ان يأخذ منه لانه بالمقابل ستقصر في الوقت الذي تمنحه لزوجها ولبيتها


واللي حاب يقرا التوضيح باسهاب هنا


-------

وأما بخصوص راتب الزوجة العاملة : فإنه من حقها ، وليس للزوج أن يأخذ منه شيئاً إلا بطِيب نفسٍ منها ، وهذا كله : في حال أن يكون العمل مشترَطاً عليه عند عقد الزواج ، كما سبق أن نبهنا .



ثالثا :

إن لم يكن عمل الزوجة مشترطاً عليه عند الزواج : فله أن يسمح لها بالعمل ، مقابل أن تساهم معه في النفقات ، بما يتفقان عليه ؛ لأن الوقت الذي تبذله في عملها هو من حقه ، فله أن يستوفي مقابله بالمعروف .

قال البهوتي رحمه الله :

" ولا تؤجر المرأة نفسها ، بعد عقد النكاح عليها ، بغير إذن زوجها ، لتفويت حق الزوج "

انتهى . " الروض المربع " (271) .

وقال الشيخ محمد بن صالح العثيمين – رحمه الله - :


" يجب على الإنسان أن ينفق على أهله ، على زوجته وولده بالمعروف ، حتى لو كانت الزوجة غنية ، فإنه يجب على الزوج أن ينفق ، ومن ذلك ما إذا كانت الزوجة تدرِّس ، وقد شُرط على الزوج تمكينُها من تدريسها ، فإنه لا حقَّ له فيما تأخذه من راتب ، لا نصف ، ولا أكثر ، ولا أقل ، الراتب لها ، مادام قد شُرط عليه عند العقد أنه لا يمنعها من التدريس فرضي بذلك ، فليس له الحق أن يمنعها من التدريس ، وليس له الحق أن يأخذ من مكافأتها ، أي : من راتبها شيئاً ، هو لها .

أما إذا لم يُشترط عليه أن يمكِّنها من التدريس ، ثم لما تزوج قال : لا تدرِّسي : فهنا لهما أن يصطلحا على ما يشاءان ، يعني : مثلاً له أن يقول : أمكِّنك من التدريس بشرط أن يكون لي نصف الراتب أو ثلثاه ، أو ثلاثة أرباعه ، أو ربعه ، وما أشبه ذلك ، على ما يتفقان عليه ، وأما إذا شُرط عليه أن تدرِّس ، وقبِلَ : فليس له الحق أن يمنعها ، وليس له الحق أن يأخذ من راتبها شيئاً " انتهى .

" شرح رياض الصالحين " ( 6 / 143 ، 144 ) .

------------


فبإمكان الزوج الذي سمح لزوجته ان تعمل ان يشرط عليها ان يكون له ربع او نصف راتبها وهذا من حقه :)

[فارس بلا جواد]

هذا رجل طماع ما يحب الا مصلحته

شيشه عاد

يالله سترك وعفوك

انا مابي اتكلم واقول الي سمعته من بعض الشباب الله يهديهم ايش الي يصير داخل الخيمه الرمضانيه

الله يستر علينا وعليهم

انا اقول لو يستغل فلوسه في اعمال البر والخير والصدقات على الفقراء والمساكين يكون احسن

حتى لو قال حق زوجته عطيني بيزات باروح اتصدق على الفقاره والمساكين

سبحان الله

وين الرجوله ؟

عسا الله يهديه ويصلح باله ويصبر زوجته المسكينه المصليه المسميه وذاكره الله

الله يفرج كربتهم يارب ويهدي الزوج للطريق الحق

اخوكم

فارس بلا جواد

[ريم 28]

اين الرجوله او القوامه اذا يشترط عليها اخذ جزء من الراتب


استغفر الله العظيم

ما همهم الا المال اشلون بتكون نظرة المراه له اشتغلي بس اصرفي علي

احنا عندنا عيب الرجال ما يمد يده علئ مال زوجته. هي من طيب خاطرها ما تقصر في عيالها والبيت من نفسها تساهم


الحمدلله يارب

[فارس بلا جواد]

مخافة الله قبل كل شيء

[الخيزران]

هذا رجل طماع ما يحب الا مصلحته

شيشه عاد

يالله سترك وعفوك

انا مابي اتكلم واقول الي سمعته من بعض الشباب الله يهديهم ايش الي يصير داخل الخيمه الرمضانيه

الله يستر علينا وعليهم

انا اقول لو يستغل فلوسه في اعمال البر والخير والصدقات على الفقراء والمساكين يكون احسن

حتى لو قال حق زوجته عطيني بيزات باروح اتصدق على الفقاره والمساكين

سبحان الله

وين الرجوله ؟

عسا الله يهديه ويصلح باله ويصبر زوجته المسكينه المصليه المسميه وذاكره الله

الله يفرج كربتهم يارب ويهدي الزوج للطريق الحق

اخوكم

فارس بلا جواد


كفيت ووفيت يا الفارس :victory:

نص الاعضاء ما اهتموا في شنو يبي ينفق الفلوس !!!! بس دققوا ليش اشتكت وليش ما تعطيه !!!!


اقروا التفاصيل عقب حطوا الردود !

اساهم برضاي اوكي ,,,وله عيوني الثنتين بس ياخذ مني علشان عزايم وخرابيط !!! اي طاعة هذي !! هاي اسمها اعانة على منكر واسراف وتبذير ومهايط بعد ! وهاي اللي يردنا 50 سنة ورا !

قال حق قال !!! جاك كسر حوأك على قولة المصريين !!! طبعا للرجال اللي يتفلسف ويقول حق :secret::shy:

[فارس بلا جواد]

ياخوي يالخيزران

الاعضاء فيهم الخير والبركه

بس يمكن من الي قروه ومن هول الموقف انه الريال يطلب من مرته حق وناسته

وينسى يقول لها عطيني جم بيزه اوزعها علفقاره والمحتاجين

لا تلومهم ياخوي فيهم حره على مثل هيك رياجيل

الله يصلحه يارب ويحقق امنية زوجته انه يكون رجل صالح ينفع هله وينفع المجتمع الي هو عايش فيه

[حسن]

انا شوف المره اللي تشتغل مافيها شي تساعد زوجها دام له هو الفضل عليها ان تنازل عن حقوقه
بدل ماتحطحا في شنطه تافه ماتشيل تليفونيين ب مبالغ خياليه

[الخيزران]

انا شوف المره اللي تشتغل مافيها شي تساعد زوجها دام له هو الفضل عليها ان تنازل عن حقوقه
بدل ماتحطحا في شنطه تافه ماتشيل تليفونيين ب مبالغ خياليه

اتفق معاك ,,اساعده في المصروف وفي اعباء الحياة ومن عيوني بعد !!!

لكن في عزايم ومهايط !! انت تقول بدال ما تحط الفلوس في شنطة تافهه ! معاك حق وهو بدال ما يرز ويهه ويتسلف منها او من غيرها علشان عزيمة تافهه وفي الشيشية والا الخيم الرمضانية والا غيره !! يا اخي يتسلف ويطلب لشي مهم اوكي ! الا مفروض الزوجة تبادر وتساعد لا شافته محتاج قبل لا يطلبها ! بس المشكلة بعض الرجال (قلت بعض هاه لا تاكلوني) فقد هيبته للاسف الشديد ! عطيني وعطيني وجيبي لي وحطي لي ! وعقب قال انتي ناقصه عقل ودين :anger1:

اراعي الله فيه دام انه مراعي الله فيني وفي بيتي وفي عيالي ،، اوقف معاه بالحلوة والمره بس لا يجحدني ولا يظلمني ! يعني ما طلبت الا الحق !

[مسمس12]

الموضوع ولع هههههههههههههههه

[مسمس12]

اتفق معاك ,,اساعده في المصروف وفي اعباء الحياة ومن عيوني بعد !!!

لكن في عزايم ومهايط !! انت تقول بدال ما تحط الفلوس في شنطة تافهه ! معاك حق وهو بدال ما يرز ويهه ويتسلف منها او من غيرها علشان عزيمة تافهه وفي الشيشية والا الخيم الرمضانية والا غيره !! يا اخي يتسلف ويطلب لشي مهم اوكي ! الا مفروض الزوجة تبادر وتساعد لا شافته محتاج قبل لا يطلبها ! بس المشكلة بعض الرجال (قلت بعض هاه لا تاكلوني) فقد هيبته للاسف الشديد ! عطيني وعطيني وجيبي لي وحطي لي ! وعقب قال انتي ناقصه عقل ودين :anger1:

اراعي الله فيه دام انه مراعي الله فيني وفي بيتي وفي عيالي ،، اوقف معاه بالحلوة والمره بس لا يجحدني ولا يظلمني ! يعني ما طلبت الا الحق !

كلام سليم مية بالمية

[حسن]

الموضوع ولع هههههههههههههههه

تدري ليش مولع لاني توني متهاوش مع المره تقول ودني الحسا تبي تشتري
فيمتو مقلد تقول ارخص

بعدين الخيزران منهو ذي اللي يقدر ياكلك هذا اكيد مايبي عمر ترى اللشطه تعور وخصوصا
من الخيزرانه اللينه:victory:

[فلتة زمانها]

اختي هداية لا تزعلين من صراحتي بعد هذا الصج،،هذا طبع منتشر بين الحريم وهو سبب من اسباب خراب البيوت،،
صار عادي الوحده تفوشر جدام الحريم ريلي يدلعني وريلي يحب المشمش ويكره الباتنقان واطلع اسرار بيتها وتذكر عيوب زوجها ومشاكلها الخاصه،،
والله حتى العلاقة الزوجيه الخاصه بعد يتكلمون فيها:eek:
في كل مكان في الدوام في التجمعات النسائيه،، وكل وحده عايشة دور فوزيه الدريع وهاك النصايح الهدامه،،
اللي فعلا تعاني من مشكله الافضل تستشير اهلها او اصحاب الاختصاص ،،الله يذكرها بالخير اللي في بالي تطلقت وماعمرها اذكرت طليقها بالسوء
اي حد يسالها ليش يا فلانه تطلقتي ،، ترد عليهم بكلمتين ما توفقنا وما صار نصيب،،
اما الثانيه تدعي واتحسب على بوعيالها جدامنا،، دياية امه،،مب ريال .....الخ
اتمنى وضحت الصوره،، خلاص تعبت من الكتابه مادري شفيني هاليومين اكتب ردود طويله

[ريم 28]

الخيزران

وفارس

انا اتفق معاكم في كل كلمة

الاغلب ما ركز في ايش يصرف وكيف بيذر علئ حساب زوجته

اللهم عافنا ولا تبلينا

[الخيزران]

تدري ليش مولع لاني توني متهاوش مع المره تقول ودني الحسا تبي تشتري
فيمتو مقلد تقول ارخص

بعدين الخيزران منهو ذي اللي يقدر ياكلك هذا اكيد مايبي عمر ترى اللشطه تعور وخصوصا
من الخيزرانه اللينه:victory:

:tease:

[حسن]

اختي هداية لا تزعلين من صراحتي بعد هذا الصج،،هذا طبع منتشر بين الحريم وهو سبب من اسباب خراب البيوت،،
صار عادي الوحده تفوشر جدام الحريم ريلي يدلعني وريلي يحب المشمش ويكره الباتنقان واطلع اسرار بيتها وتذكر عيوب زوجها ومشاكلها الخاصه،،
والله حتى العلاقة الزوجيه الخاصه بعد يتكلمون فيها:eek:
في كل مكان في الدوام في التجمعات النسائيه،، وكل وحده عايشة دور فوزيه الدريع وهاك النصايح الهدامه،،
اللي فعلا تعاني من مشكله الافضل تستشير اهلها او اصحاب الاختصاص ،،الله يذكرها بالخير اللي في بالي تطلقت وماعمرها اذكرت طليقها بالسوء
اي حد يسالها ليش يا فلانه تطلقتي ،، ترد عليهم بكلمتين ما توفقنا وما صار نصيب،،
اما الثانيه تدعي واتحسب على بوعيالها جدامنا،، دياية امه،،مب ريال .....الخ
اتمنى وضحت الصوره،، خلاص تعبت من الكتابه مادري شفيني هاليومين اكتب ردود طويله

وشهد شاهد من فلتتها

الصراحه لو الكل مثلك صريح كان المحكمه ومركز الاسره يكشون الذبان
عيني عليك بارده رغم اني ماعرف انظل
ماقصرتي كفيتي وفيتي وزدتى
الله يثبتك على قوله الحق وابشرك الصوره واضحه ولا الاثري دي
وباين عليك هل اليومين اشوفك ثرك طويل عجزت وانا اتبعه خفي علينا شوي

[qatara]

صدقت في كلامك بس ازيد عليه شوي : ووين رياييل اول اللي عزة نفسه واخلاقه وعنفوانه تخلي حريم اول تقول خذ يا بو فلان ولا يضيمك الوقت ! وبعد يفضل يتسلف من الغريب ويكابر ولا تطيح هيبته قدام اهله !


زمان اول تحول ! للأسف


اهل مهب ستر وغطا على بعضهم
لابارك الله في جمعتهم

وللحقيقه والامانه وماهو ملموس
من حيث مانرى ونسمع ونلمس
ان اغلب النساء اليوم هي من تلعب براتبها وراتب الزوج
وما كثرت الشاكوي الا طمعا من الزوجات
في ابتزاز الازواج باكثر من المعقول
وفي الاخير جحدان ونكران

[بصمة قطرية]

هاذيه مسكين مسحورومربط
وملش ريشه وفاج حلجه
ههههههه

:secret:
قصدك ساحرها و مخليها تجي له ببطاقتها طيران ..:victory:
:secret:



عز الله صدقت بحريم هل الوقت الي
بعضـــهم تستغل الزوج او الطليق لاخر ريال في ماله
وين حريم لول الي الي طاح رجلها بدين ولا قاصر
شلعت كل ذهبها وقالت خذ يا بو فلان ولا يضيمك
الوقت الله بيعطيك وبتجيب لي اخير منها

موجودات ..
الحمدلله ما زالوا هالحريم موجودات ..:victory:

[qatara]

:secret:
قصدك ساحرها و مخليها تجي له ببطاقتها طيران ..:victory:
:secret:


موجودات ..
الحمدلله ما زالوا هالحريم موجودات ..:victory:


لا قصدي ساحرته وملشه ريشه وجيبه
وجالس لاحول ولاقوه حسب الحاصل هل اليومين

[pinky-qtr]

اختي محد يعرف لزوجج غيرج لا انا ولا غيري ولا رفيجتج نقدر نقولج شلون تتصرفين معاه ..

بصوره عامه الرجال ع ما تعوده المره... وانتي عودتيه ع طريقه غلط والحين تضايقتي

تناقشي معاه واستعملي your w o m e n magic

This is all i can say sis :)