مواشي:خروفان مدعومان لكل مواطن بالبطاقة

[العميد الركن]

الخرفان المدعومه من الحكومه للمواطنين فقط

ولكل مواطن حق خروفين

وبنظام عن طريق رقم البطاقه الشخصيه

الخروف السعودي يباع للمواطن من شركة مواشي ب 950 وسعره بالسوق عند التجار ب 1400 ويوصل فوق ال 1500 برمضان

الخروف الاردني يباع للمواطن عن طريق شركة مواشي ب 800 ريال وسعره بالسوق 1200 وبرمضان يصل فوق ال 1300

الحكومة بتدفع فرق الخسارة لشركة مواشي فقط لتوفير سلعة اللحوم من النوعية الجيدة للمواطن

شكر كبير للحكومة وضربة قوية للطماع الي يستغل الشهر الفضيل

[العميد الركن]

الخروف الاردني مثل لحم السوري وافضل انصحكم فيه

وفروا 500 ريال بكل خروف

[ابن الجزيرة]

خطوة ممتازة ..يعني هذا يقود الى ان الخرفان سوف ينزل سعرها بحكم ان الطلب سوف يقل

في السوق الحرة..اقصد للخرفان غير المدعومة

[جلمود]

جزاهم الله الف خير وماقصرت الحكومه

بالفعل الدعم واضح للمواطن في جميع المواد الغذائية

من حليب وزيت وسكر ورز ولحوم

[م.قطري]

خطوووه طيبه يعطيهم العافيه

[عاهد بن علي]

راحت عليهم اهل الاضاحي !!!!!!!!!!!!!!!!!!!

[العميد الركن]

والانواع الاخرى مدعومه ايضا الي عليها طلب من المقيمين

البكستاني والهندي والجورجي والاسترالي مدعومه من الدوله

[لاجل QT]

مافهمت ؟؟

يعنى بيدخلون اللحوم من ضمن المواد التموينية

[بصمة قطرية]

الله يجزاهم خير ..
شي طيب بصراحة ..

[حسن]

مافهمت ؟؟

يعنى بيدخلون اللحوم من ضمن المواد التموينية

لا يا لاجل قطر
هذا بس في رمضان مواشي بتجيب خرفان وبسعر اقل لاجل قطر
يعني لك خاروفين :victory:

[alfahad1]

مافهمت ؟؟

يعنى بيدخلون اللحوم من ضمن المواد التموينية


لا اختي هذه في فترة شهر رمضان وقد يتكرر في عيد الاضحى انشاءالله

واتمنى ان الدولة تستمر بهذه الخطوه عشان يثبت سعر الخروف ويرد للسعر القديم

[ام مروان]

ما شاء الله والله انا بفرح لما بلاقى ان فى بلد بتفكر فى اهلها كده الله يديم قطر فى خير ونعمه علينا وعلى اهلها يا رب

[لاجل QT]

لا يا لاجل قطر
هذا بس في رمضان مواشي بتجيب خرفان وبسعر اقل لاجل قطر
يعني لك خاروفين :victory:


لا اختي هذه في فترة شهر رمضان وقد يتكرر في عيد الاضحى انشاءالله

واتمنى ان الدولة تستمر بهذه الخطوه عشان يثبت سعر الخروف ويرد للسعر القديم

طيب ومن وين نشتريهم

[حسن]

طيب ومن وين نشتريهم

في الشوروم اللي في معرض الغنم جنوب شرطه النجده الي عند جبرك السمج

[فارس قطر]

وهل يسمح لنقل الخراف للمنزل حية ام مذبوحة؟؟؟؟

[ANONYMOUS]

طيب ومن وين نشتريهم


عاد الله الله في التفنن في الطباخ في صفحة الاكل اللي لج نبي ابداع زي كذا

http://food.sabayagazine.com/wp-content/uploads/2011/06/Lamb-couscous.jpg

في الشوروم اللي في معرض الغنم جنوب شرطه النجده الي عند جبرك السمج



ههههههههههههههههه حلوه الـ show room



وهل يسمح لنقل الخراف للمنزل حية ام مذبوحة؟؟؟؟



تدفع لفلوس ويقتلون الخروف قدامك وتشيله مقطع

[خزامئ]

ممكن توضحون الطريقه يعني اخذ البطاقه الشخصيه
او بطاقه التموين وين اروح ؟؟؟؟؟؟؟؟؟؟؟؟
ولين متا وهي مدعومه لين اخر رمضان؟؟؟؟؟؟؟؟؟؟

[..er..]

اللي فهمته ان المطلوب البطاقه الشخصيه

ولكل مواطن على بطاقته الشخصيه خروفين ..

بس متى يبتدون ماعندي خلفيه

ياليت اللي عنده خلفيه عن وقت البدء يعطونا خبر

[mhassan]

الدوحة - الراية : كشف جميل عمران مدير المبيعات والتسويق لدى الشركة القطرية لتجارة اللحوم والمواشي "مواشي" أن كل مواطن في قطر سوف يتمتع بخروفين في إطار مبادرة وزارة الأعمال والتجارة ممثلة بإدارة حماية المستهلك بدعم 30 ألف رأس من الخراف ذات المنشأ السعودي والأردني.

وقال عمران خلال مؤتمر صحفي أقيم أمس بمقر الشركة حول تحضيرات "مواشي" لاستقبال شهر رمضان المبارك، إن عملية توزيع الخراف على المواطنين ستكون ببطاقة الهوية وعبر نظام يشمل قاعدة بيانات جميع المواطنين والذي عن طريقه سيتم التأكد أن كل مواطن لن يستلم سوى العدد المحدد، مشيرًا إلى أن النظام المعلوماتي مفعل ابتداء من منتصف الشهر الحالي."

[لمعة الالماس]

خطوة حلوة تقلل من جشع التجار واستغلال المواسم

[khalid525]

بعد ردينا لسالفة البطاقة ، مب كفاية الاسهم واللي صار فيها :)

الف شكر للحكومة

[مساهم فنان]

الله يجزيهم خير... خل السوق العادي يعاني من الكساد ... وياليت المواد التموينية اتضيف أصناف جديدة ومنها خروف للأسرة الصغيرة وخروفين للأسرة الكبيرة ... الكويت كل شي مضاف في المواد التموينية.

[شموخ]

جزاهم الله الف خيروعسى الله يبارك في حكومتنا

[البحار00]

المشكله كلها هلااااايم (ضعاااف)

[زقرتي ومزاجي]

جزاهم الله خير ... والحين برسل برودكاست

[العميد الركن]

المشكله كلها هلااااايم (ضعاااف)

مشاء الله عليك ياخوي شكلك تبيع غنم وزعلتك الاسعار

لان الشحنه ماوصلت يبغيلها كم يوم وشلون حكمت انها هلايم

[جلمود]

مافهمت ؟؟

يعنى بيدخلون اللحوم من ضمن المواد التموينية

بس في شهر رمضان تقوم الدوله بدعم المواطن في شراء المواشي للأكل

[لاجل QT]

في الشوروم اللي في معرض الغنم جنوب شرطه النجده الي عند جبرك السمج

صعبة علينا احنا الحريم نروح شبرة الغنم ماقط دخلتها:shy: ..وبعد نشترية حي انشالله:eek5:
نبي نشترية من المجمعات مذبوح ومصلوخ


عاد الله الله في التفنن في الطباخ في صفحة الاكل اللي لج نبي ابداع زي كذا

http://food.sabayagazine.com/wp-content/uploads/2011/06/Lamb-couscous.jpg




ههههههههههههههههه حلوه الـ show room






تدفع لفلوس ويقتلون الخروف قدامك وتشيله مقطع

ههههه هذي بسيطة مايبلها شي:)

[أخر الدنيا]

بارك الله فى الحكومة وجزاهم الله الف خير...

[الامل القديم]

لا حول ولا قوة الا بالله

الله يرحم زمانك يا رسول الله

[نسناس]

كيف طريقة الحصول على اغراض رمضان المدعومه من الدوله

[(بوطلال)]

شوف يانسناس:nice:

اي محل او جمعيه ملزمين بالبيع بتسعيرة الدعم مثل العام

[OREO]

لا حول ولا قوة الا بالله

الله يرحم زمانك يا رسول الله

استراحة المنتدى ذاك الصوب ،،

[مشاكل]

الله يديم علينا العز والنعمه
ويبعد عنا عين الحسود

[الجوكر90]

الدوحة - الراية : كشف جميل عمران مدير المبيعات والتسويق لدى الشركة القطرية لتجارة اللحوم والمواشي "مواشي" أن كل مواطن في قطر سوف يتمتع بخروفين في إطار مبادرة وزارة الأعمال والتجارة ممثلة بإدارة حماية المستهلك بدعم 30 ألف رأس من الخراف ذات المنشأ السعودي والأردني.

وقال عمران خلال مؤتمر صحفي أقيم أمس بمقر الشركة حول تحضيرات "مواشي" لاستقبال شهر رمضان المبارك، إن عملية توزيع الخراف على المواطنين ستكون ببطاقة الهوية وعبر نظام يشمل قاعدة بيانات جميع المواطنين والذي عن طريقه سيتم التأكد أن كل مواطن لن يستلم سوى العدد المحدد، مشيرًا إلى أن النظام المعلوماتي مفعل ابتداء من منتصف الشهر الحالي."

بخصوص ان مكتوب بس 30 الف راس
يعني حق 15 الف مواطن
راح تكفي؟

[OREO]

بخصوص ان مكتوب بس 30 الف راس
يعني حق 15 الف مواطن
راح تكفي؟

لــ ١٥ الف عيلة و مهب فرد ،،

[مشاكل]

لــ 15 الف عيلة و مهب فرد ،،

البيع بالبطاقه حسب مافهمت
وكل بطاقه براسين
يعني اللي عنده عشر بطاقات له ولعياله يقدر يشتري 20 راس والله اعلم

[بصمة قطرية]

لــ 15 الف عيلة و مهب فرد ،،
معناته بنفس طريقة بطاقة التموين اللي تصرف باسم رب الاسرة
بهالطريقة راح تكون لكل عائلة مش لكل بطاقة شخصية ..
صعبة تصرف لكل قطري يعني الاب و عياله الاربعة
كل واحد خروفين هاي صاروا عشرة للعائلة الواحدة ..!!!!

[الـجـنـاحـي]

الله يجزيهم خير

[OREO]

البيع بالبطاقه حسب مافهمت
وكل بطاقه براسين
يعني اللي عنده عشر بطاقات له ولعياله يقدر يشتري 20 راس والله اعلم


معناته بنفس طريقة بطاقة التموين اللي تصرف باسم رب الاسرة
بهالطريقة راح تكون لكل عائلة مش لكل بطاقة شخصية ..
صعبة تصرف لكل قطري يعني الاب و عياله الاربعة
كل واحد خروفين هاي صاروا عشرة للعائلة الواحدة ..!!!!


بالمنطق لـ ١٥ الف عيلة قطرية لان من المستحيل بتكون لــ ١٥ الف فرد لان هذه خرفان و مهب اسهم ،، اما كيف و اشلون و متى !!!

الله اعلم ،،

[بصمة قطرية]

بالمنطق لـ 15 الف عيلة قطرية لان من المستحيل بتكون لــ 15 الف فرد لان هذه خرفان و مهب اسهم ،، اما كيف و اشلون و متى !!!

الله اعلم ،،

كلامك صحيح
مستحيل يكون لكل بطاقة شخصية ...!!!
متاكدة راح تكون نفس بطاقة التموين
لرب الاسرة
الاب فقط ..
يعني العائلة الواحدة ..
ولا ال 15 الف ما راح تكفي ربع هل قطر ...!!!

[OREO]

كلامك صحيح
مستحيل يكون لكل بطاقة شخصية ...!!!
متاكدة راح تكون نفس بطاقة التموين
لرب الاسرة
الاب فقط ..
يعني العائلة الواحدة ..
ولا ال 15 الف ما راح تكفي ربع هل قطر ...!!!


طبعاً المسؤولين يتطلعون على النوعية هذه من المواضيع و يزاهم ربي كل خير ،،

حبيت اذكرهم بشي ،، اذا التوزيع بيكون على بطاقة رب الاسرة ،، فإنتبهوا للمطلقات و الأرامل لان لهم حق ،، يعني لا تنسون تنزلون اساميهم في الكشوفات ،،


موفقين ان شاءالله ،،

[(بوطلال)]

البيع بالبطاقه لكل منهو فوق 18سنه بشرط حضور الشخص نفسه

[تربوي]

المشكلة مش في عدد الأغنام ولا في طريقة التوزيع بالطاقات الشخصية
المشكلة في المواطن القطري اللي يسوي نفسه طيب وخير ويعطي بطاقاته لغير المواطن

كما حدث العام الماضي وكما يحدث كل شهر مع بطاقات التموين

وهولا يعلم ان ما يقوم به مخالف للدين وللقانون

يعني يتصدق ويأثم دينا وقانونا

[غزلان]

جزاه الله خير الشيخ بومشعل وولي العهد

ماقصروا وفي ميزان حسناتهم

[تربوي]

جزاه الله خير الشيخ بومشعل وولي العهد

ماقصروا وفي ميزان حسناتهم

طول عمرهم ما يقصرون ولذلك ندعو المواطن ان يكون اهلا لهذه الثقة

[مشاكل]

الحل الوحيد انهم يضيفون خروفين في بطاقة التموين
ولا اذا على نظام كل بطاقه راسين الحق ماتلحق

[$$ ام حمد $$]

بارك الله فى الحكومة وجزاهم الله الف خير

[بوسلمان 2010]

واخرتها بيقلون. الخرفان خلصت انتمنا. انه اتكون. الامور طيبة. ويتم تنفيذ القرار

[الخزرجي قطر]

الحمد لله الحكومه ماقصرت

[خـالـد]

اليوم انا اخذت خروف سعودي بـ1250 ريال اخوي !!

والسـؤال : هل هذا شهري ولا حق شهر رمضان المبارك فقط ؟؟

[العميد الركن]

اليوم انا اخذت خروف سعودي بـ1250 ريال اخوي !!

والسـؤال : هل هذا شهري ولا حق شهر رمضان المبارك فقط ؟؟

لرمضان فقط لكبح الاستغلال من التجار الاجانب !

وان شاء الله هذه خطوه لينضاف على بطاقة التموين خروف شهريا لكل رب اسره :nice:

[البحار00]

مشاء الله عليك ياخوي شكلك تبيع غنم وزعلتك الاسعار

لان الشحنه ماوصلت يبغيلها كم يوم وشلون حكمت انها هلايم

يكرم علي من اني ابيع غنم

الحمدلله الله غانيني

بس أنا أتكلم عن شيء شفته السنه الي راااحت

وماتوقع مواشي بتجيب شيء يسوى

ولا شمعنا الزين عند التجار ومواشي لا

[king999]

صدقت . العام رحنا بناخذ وكلها قطيع ضعاف واما بالنسبه لبيع الغنم ترا مش عيب بيعها ولا رعيها اشرف الخلق رعاها صللى الله علية وسلم .

والاخ العميد لا تغتر بعروض مواشي ترا كلها كذب اذا جيتهم قالوا لك هذل محجوز وهذا محجوز وما باقي الا الضعاف اللي الواحد بيدف فرق 20 او 300 وبياخذها من برا

عموما مبروك عليكم الشهر مقدما واللة يجعلنا وياكم من صيامه يارب العالمين واحبتنا

اللهم امين

[دنيا الاسهم]

اللي يعيب على اللي يبيعون غنم كبر ترى هذة مهنة الانبياء كلهم تقريبا رعاة غنم
استغفر الله العظيم من كبر ابن ادم

[الإكسير]

من تاريخ كم يبدأ العرض ؟؟؟

[لاجل QT]

وين ناخذة مذبوح جاهز؟؟

[قطري !]

وين ناخذة مذبوح جاهز؟؟




لا تاخذين مذبوح جاهز


تدرين متى مذبوح ؟؟؟؟

حالته قبل الذبح ؟؟ بعضهم يذبح له واحد مريض او ضعيف ..



الافضل يكون من السوق وانت تذبحه في المقصب ..

[N!GHTWOLF]

الحمدلله رب العالمين

و الحمدلله ايضا استهلاكنا للحوم قليل جدا (مرة كل اسبوع او اسبوعين).... نص ذبيحة تكفينا شهر رمضان كامل

عقبال الهامور و الجنعد و الصافي *قلب يبرق*

[لاجل QT]

يلا عاد قولو لنا وين نروح نشتري خروف جاهز ارمضان قرب:anger1:

[captin]

خفوا من للحوم ولشحوم

اغلب اهل قطر كوليسترول وسكر وضغط
وسمنة وبدانة وامراض ما نزل الله بها من سلطان
وتارسين دول العالم يدورن لعلاج من الامراض الخبيثة
والبلاوي الله يكفي الجميع الشر.

[العميد الركن]

يلا عاد قولو لنا وين نروح نشتري خروف جاهز ارمضان قرب:anger1:

جاهز بملاحم مواشي في وحدة بشارع السلام-الريان

[العميد الركن]

خفوا من للحوم ولشحوم

اغلب اهل قطر كوليسترول وسكر وضغط
وسمنة وبدانة وامراض ما نزل الله بها من سلطان
وتارسين دول العالم يدورن لعلاج من الامراض الخبيثة
والبلاوي الله يكفي الجميع الشر.


جزاك الله خير

مشوووووي زين بروتين وحديد

[تربوي]

إخواني
الخراف السعودية 900 - 980
الخراف الاردنية 800 - 850
الخراف التركية لم تصل بعد

كل بطاقة شخصية سيكون لها خاروفين مع الذبح والتغليف

وبدء العرض من عدة ايام

هذا العرض لدى مواشي فقط اي ان التجار العاديين غير مشمولين في هذا العرض

هذا ما عرفته وكل عام وانتم بخير

[رذاذ]

يمدحون الجورجية وسمعت ان عليها خصم بعد

[فريج النجادة]

يمدحون الجورجية وسمعت ان عليها خصم بعد


من يبيعها وكم الاسعار

[رذاذ]

نفس الاسعار 1200 تقريبا وفي السوق موجودة
بس خروف صح

[قطريه ماركه]

جزاهم الله خير

الله يعز الحكومة

[السلولي]

جزاها الله كل خير الحكومه

[لاجل QT]

جاهز بملاحم مواشي في وحدة بشارع السلام-الريان

يعنى لازم يصعبونها..واللى مايدل ..كان وزعوها على الميرة

[شيزكيك]

كم رقم خدمة التوصيل للمواشي

[خليفـة]

انا رحت أول يوم
تاريخ 15/7
الحمدلله ما كان فيه زحمة أبداً
وخذيت لي خروفين ( سعودية )
ماشاء الله تبارك الله .. كباااااار
:eek5:
والسعر مقارنة مع السعر الغير مدعوم فرق كبير ماشاء الله
جزاها الله خير الحكومة .. ما قصرت
:)

اليوم اسولف مع الربع في الدوام
يقولون اكثر من 3000 ذبيحة انباعت
والزحمة لا تُطاق من الصبح لين اخر الدوام في السوق
والدم للركب
:eek5:
اعتقد افضل حل للي يبي ياخذ له ذبيحة يروح بدري الساعه 5
عشان يمسك له دور .. ويلقى له ذبيحة تسوى

:)

خليفــة

[مستجدة]

جزاهم الله خير شئ طيب

واتمنى انه الأمهات في الشؤون الدوله تصرف لهم الخرفان بالمجان ترى فيهم اجر

[استغفرالله]

ماقصروا

الذبيحة ما شاء الله كبيرة والسعر طيب

[دفرنت]

[QUOTE=خليفـة;8341323]انا رحت أول يوم
تاريخ 15/7
الحمدلله ما كان فيه زحمة أبداً
وخذيت لي خروفين ( سعودية )
ماشاء الله تبارك الله .. كباااااار
:eek5:
والسعر مقارنة مع السعر الغير مدعوم فرق كبير ماشاء الله
جزاها الله خير الحكومة .. ما قصرت
:)


انا سويت نفسك يابودعيج من اول يوم رحت وافتكيت :nice:
وماشالله الحلال الموجود طيب وماعليه كلام

[دلة الرسلان]

هل لازم الخروفين في نفس الوقت ولا يمكن الخروف الثاني نصف رمضان مثلا ؟؟

[Class - Qtr]

السلام عليكم

طرشت الادريول اليوم عندة خبرة في الخرفان راح الساعه 5 الا ربع موصيه انا يروح بدري

خروف سعودي على 900 ريال والحجم كبير ماشاء الله ويقول الخرفان زينه

يقول خلص الورقه الساعه 5 وربع وبعدها راح

وخذ حمالي وانتظر من الساعه 5 وربع

لين الساعه 7 دخلت الذبيحه ههه

رجع البيت الساعه 8 الصبح

قال لي بعدها بابا ابي

اسافر بلادي

ههه

[ANONYMOUS]

هل لازم الخروفين في نفس الوقت ولا يمكن الخروف الثاني نصف رمضان مثلا ؟؟


اي تقدرين تاخذين واحد والثاني عقب

[ضوى]

انا طرشت السايق اليوم عالساعة تسع راح ، وللحين ماخلص الله يعينه على هالحر والرطوبة ، شنسوي نحتاج لحم واذا الحكومة تدعمه ليش مانستفيد منه

[أبو راكان]

السلام عليكم

طرشت الادريول اليوم عندة خبرة في الخرفان راح الساعه 5 الا ربع موصيه انا يروح بدري

خروف سعودي على 900 ريال والحجم كبير ماشاء الله ويقول الخرفان زينه

يقول خلص الورقه الساعه 5 وربع وبعدها راح

وخذ حمالي وانتظر من الساعه 5 وربع

لين الساعه 7 دخلت الذبيحه ههه

رجع البيت الساعه 8 الصبح

قال لي بعدها بابا ابي

اسافر بلادي

ههه

ههههههههههه الله يكون في عونه
يستاهل الفرقيه بخشيش :nice:

[دلة الرسلان]

اي تقدرين تاخذين واحد والثاني عقب

جزاك الله خير ياخوي على التوضيح .

[تربوي]

إخواني
الخراف السعودية 900 - 980
الخراف الاردنية 800 - 850
الخراف التركية لم تصل بعد

كل بطاقة شخصية سيكون لها خاروفين مع الذبح والتغليف

وبدء العرض من عدة ايام

هذا العرض لدى مواشي فقط اي ان التجار العاديين غير مشمولين في هذا العرض

هذا ما عرفته وكل عام وانتم بخير