لا تبخلوا علي بالافادة

[أم عبد الله]

السلام عليكم ورحمة الله وبركاتة

كل عام وانتو بالف خير
موضوعي كالتالي بغيت استقدم اخت خدامة رفيجتي فشنو الاجراءات وشنو الاوراق المطلوبة من الفلبين ومن هني رجاء اللي يعرف الرد يرد علي
وشاكرة لكم اهتمامكم وردكم

[ALHAJAJI]

ان شاء الله الاخوان يفيدونكم

بالتوفيق ان شاء الله

[الامبراطوره]

اختي لازم عن طريق مكتب خدم ودي الفيزا وصورة من جواز الخدامه وهم يجبونها لج

[البحار00]

لا تتعبين عمرج

ماتقدرين اتجيبين اي خدامه من الفلبين الا عن طريق مكتب

لان مكتب القوى العامله الفلبيني الي ورى مستشفى حمد بيرفضون الاوراق

ومب امصدقين عليها لانها مب عن طريق مكتب


هاذي الحركه لعبه لاعبينها المكاتب علشان يستفيدون صح

لان اصلا مافي حد يردهم

[أم عبد الله]

معقولى مافي اي طريقة ثانية

[رحال الدوحه]

السلام عليكم ورحمة الله وبركاته ،،

يعطيج العافيه اختي وربي يوفقج ويوفق الجميع

وبخصوص موضوعج نفس ما تفضل اخوي البحار ، من فترة جبت خدامه وحجزت
لها وفي مطار فلبين اسألوها وين العقد ( عقد العمل ) المراد رحت ملحق القوى
العامله حق سفارة الفلبين اللي ورى مستشفى حمد .. قالوا لازم عقد العمل يكون
مصدق من مكتب فالدوحه ومكتب فالفلبين وغير هالشئ انسى .

ودفعت حق مكتب فالدوحه " جلب أيدي العامله " 4000 ريال عمولته
بس وصدق لي العقد والخدامه ادفعت حق مكتب اللي فالفلبين .

ربي يعينج إختي ويوفقج

[ajabor]

اختي في طريقه خلي الخدامه تسافر نايلاند ومن هناك تجي الدوحه بس خليها تقول بمطار الفلبين انها مسافره تايلاند سياحه.

و بالتوفيق

[alfahad1]

الله يهديهم عقدوا السالفة