الأثيوبيات .. وجشع مروجينهم على القطريات ..... >> حلوهااا

[Cute Mother]

السلام عليكم ورحمة الله وبركاته ..


http://bw88wd.com/up//uploads/images/domain-cd6a741333.gif


أخواني وأخواتي ..

أنا بتكلم عن موضوع الخدامات اللي يشتغلون في البيوت بصفة مؤقته ..
يعني ممكن شهر .. شهرين .. 3 .. 6 .. إلخ .. هذيلا من أي جهة ؟!!!! أعدادهم هائلة تفوق الـ 400 خدامة لـ كفيل واحد ؟! معقولة ؟؟ طيب كيف ؟



قصتي معاهم :

أنا عندي خدامة أثيوبية حبوبة ومسلمة وسنها صغير ما تعرف تلف ولا تدور .. تسوي شغلها وبس وقلبها أبيض وخوافة ( يعني تخاف تطلع بروحها برا البيت ) ..

المهم إني احتجت لوحدة ثانية تساعدها في شغل البيت يحكم إني أداوم ..
فـ اتصلت على شخص أثيوبي من لهجته ومعروف إنه يجيب خدامات أثيوبيات ..
وفعلا جاب لي بس طلعت وحدة أستغفر الله راعية حركات وووو غير إنها ما تحتشم أبداااا و .. و .. المهم ما استحملت انها تقعد في البيت مع عيالي فـ طلبت منها تروح وعطيتها حسابها ومشيتها ..

أثــــاااااريها .. خذت شغالتي الأثيوبية معاها واهربوا مع بعض !!!!
واتصلت على الأثيوبي اللي جابها وغسلت شراعه وطلبت منه يرجعون شغالتي او أبلغ عنهم الشرطة قام يتأسف ويقول يا مدام اصبري علينا كم يوم لين نلقاهم واحنا الحين ندورهم وللحين ما لقيناهم ..
نبيها هالاثيوبية ( المؤقتة ) ما تأثر على الـ 400 شغالة ويسوون نفسها ويهربون !!!! ... >>> بعني خايف على الـ 400 أثيوبية لا تخربهم !



الحين ..

من المسؤول عن هالنوعية من الناس اللي توزع هالأثيوبيات على البيوت بدون ترخيص ؟!!!!
لا .. وكل خدامة منهم راتبها 2000 ولها يوم او يومين اجازة !


الغريب ان في ناس بعد امدحوا لي شخص مصري يجيب فلبينيات رواتبهم 3000 ولازم كاش من أول يوم !!!! ومضطرة أوافق .. وبجيبها لي بكرة .. بس لين متى ينضحك علينا ويستغلونا ؟!


أرجع وأقول وين الرقابة ... ؟
ومن المسؤول ؟ وعلى أي أساس يتم عمل هالنوعية من الناس االإستغلاليين .... ؟






نبي حل ....

[الشيخة شيوخة]

قلعتكم لوكنتوا تشتغلون في البيت وتشغلون بناتكم كان ماحتجتوا عسى في زود

[مستجدة]

من زينهم ولا من نظافتهم ولا تفانيهم في العمل الاثيوبيات اكثر مأمور علي من الخدم يمتون في النوم تخيلوا نحن اهل البيت اللي نصحيهم مرة ومرتين وثلاث
واذا قعدوا في نص ساعه خلصوا كل شئ بس عشان يردون ينامون الضحى العود
ان شااءالله الداخليه تمنع استقدامهم للبلد وياريت استقدام جميع الجنسيات خل الحريم والبنات اللي بين النوم والابلاك بيري والحش والأسواق يشتغلون في بيوتهم ويسلون وقتهم بشئ مفيد

[Cute Mother]

قلعتكم لوكنتوا تشتغلون في البيت وتشغلون بناتكم كان ماحتجتوا عسى في زود

ما اقول الا كل اناء بما فيه ينضح اختي ومع ذلك ارجع واقول جزاك الله خير

[Cute Mother]

من زينهم ولا من نظافتهم ولا تفانيهم في العمل الاثيوبيات اكثر مأمور علي من الخدم يمتون في النوم تخيلوا نحن اهل البيت اللي نصحيهم مرة ومرتين وثلاث
واذا قعدوا في نص ساعه خلصوا كل شئ بس عشان يردون ينامون الضحى العود
ان شااءالله الداخليه تمنع استقدامهم للبلد وياريت استقدام جميع الجنسيات خل الحريم والبنات اللي بين النوم والابلاك بيري والحش والأسواق يشتغلون في بيوتهم ويسلون وقتهم بشئ مفيد

تسلمين اختي ومثل ما قلتي بس تجبرك الظروف تجيبين هالخدامات بصفة مؤقتة الين ما يتفضل عليك المكتب ويجيب خدامتك الفلبينية في الوقت المحدد اذا ما تضاعفت المدة والله المستعان على كل حال

[romoz]

قلعتكم لوكنتوا تشتغلون في البيت وتشغلون بناتكم كان ماحتجتوا عسى في زود

ليش يعني كل من جابت خدامة ، حطت ايد على ايد و قعدت ، لا اختي الخدم عشان يساعدونا مو عشان نتوكل عليهم بالكامل !

الشغل و البيوت مو نفس قبل ، الحين الشغل صار وايد لان البيت صار كبير و الحياة تغيرت ، فطبيعي الوحدة تحتاج اللي يساعدها .

بس "الرفله" هي اللي تعتمد ع الخدامة 100٪ ، و لا النسوان الطبيعيات يشتغلون مع خدمهم و يساعدونهم .


على فكرة انا ما عندي خدامة:) بس مو كل من خذت خدامة و احتاجت نقول "عسى و عساكم في زود"

[قلبي الطيب]

الله يعين أختي الهم مشترك وبعض الردود الله يعين

[ANONYMOUS]

السلام عليكم ورحمة الله وبركاته ..





الحين ..

من المسؤول عن هالنوعية من الناس اللي توزع هالأثيوبيات على البيوت بدون ترخيص ؟!!!!

أرجع وأقول وين الرقابة ... ؟
ومن المسؤول ؟ وعلى أي أساس يتم عمل هالنوعية من الناس االإستغلاليين .... ؟

نبي حل ....

المسؤوله انتي وكل شخص يساعدهم

اختي عندج الشرطه دقي عليهم

واشتكي

وخلي هالاثيوبي والاربعمية حرامي قصدي خدامه والمصري وكفيلهم يحضرون في المركز ويتصرفون معاهم

اذا كل شخص ساعد على الخطأ ومخالفة القوانين هذي مصيبه وإذا كان مواطن ف المصيبة اكبر

[رذاذ]

المسؤوله انتي وكل شخص يساعدهم

اختي عندج الشرطه دقي عليهم

واشتكي

وخلي هالاثيوبي والاربعمية حرامي قصدي خدامه والمصري وكفيلهم يحضرون في المركز ويتصرفون معاهم

اذا كل شخص ساعد على الخطأ ومخالفة القوانين هذي مصيبه وإذا كان مواطن ف المصيبة اكبر

هذا التصرف الصحيح .. ويتم عمل ضبط على السكن الخاص فيهم ويشيكون ع اقاماتهم .

الله يصبرج ومعناتج حاس بها الكثير لكن الكل يقول ليش اعور راسي بجيب غيرها .

ومشكله لو كان الكفيل للاثيوبي وااصل :secret:

[khalid525]

سؤال في محله ، هل هالسوق له تنظيم ولا سوق سوداء ؟

بالنسبة للاثيوبيات بصراحة كل الاثيوبيات اللي اشتغلوا معانا كانوا جيدين ونظاف ، بس اهم شي تعرف تتعامل معاهم خصوصا اذا جتهم ام العبيد ..

[مرتبش]

ليش تتعاملين مع اثيوبي وعقبه مصري؟
روحي مكتب خدم وخلصي عمرج من تعاملات تحت الطاولة..
ماتدرين فيهم ومشاكلهم..

احد الزملاء الاجانب جاب له خادمة مؤقتة عن طريق اثيوبي ( عن طريق صديق له مجربه) المهم بعدها باسبوع سرقت البيت بمساعدة الاثيوبي والحين يتابع قضيته في المحكمة..

[tawareq]

انتوا السبب في جلب الخدم المؤقتين لبيوتكم
المفروض تشتكون على هالاشكال من تجار البشر من الاثيوبيين والمصريين او حتى غيرهم من الجنسيات

[FCB 123]

والله في بيت الوالدة وخواتي 4 أثيوبيات يقربون لبعض

وأصابعك ماهي سوى علشان تحكم بأن جميع الاثيوبيات مب شي او انهم مايعرفون النظافة

والله كل وحده اشطر من الثانية واحسن من الثانية
وكل وحده تشتغل ولا تقول اف ولا ترد على الأهل بكلمة وحده
ومافي احسن منهم مع انه جربنا الفلبينيات ماينفعون .. الأندونيسيات كلش ماينفعون

الوالدة صار لها اكثر من 5 سنوات مع الأثيوبيات ومستانسة منهم ولله الحمد

بالتوفيق للجميع إن شاءالله

[روح الاطلس]

اختي انتي عارفة ان هذيلا بدون ترخيص ولا لج فترة ضمان 3 شهور لو مهما جبتي شلون بتضمنين حقج؟ ثاني يوم الا هي شاردة ولا سارقة بيتكم شلون تأمنين على هالخدم المؤقتين؟!!

المؤمن لا يلدغ من جحر مرتين لو تاخذين لج مسترجعه من مكتب افضل مليون مرة من انج تعيدين الكرة مرة ثانية والراتب 3000 !! معقولة اختي فكري فيها يعني خلال شهرين كأنج جايبة وحده جديده من مكتب نفس القيمة انا اقول صح داخلين على رمضان والشغل وايد لكن بعد لا تعيدين الكرة شوفي لج مسترجعه عليها ضمان 3 شهور احسن من هالنصابين

والاثيوبي اشتكي عليه عند الشرطة ومتأكده بتتفاجئين ان عليه ملف شكاوي قبلج هذا شكله مسوي عصابة يجمع الخدم من البيوت ويغريهم بالفلوس ويتكسب من وراهم

[لاجئ عاطفي]

بيني وبينج انتي المسؤولة لانج دخلتي بيتج خادمه لاهي على كفالتكم وهذا يخالف القانون وثاني شي شلون تامينها على بيتج وعيالج وهي مهب على كفالتكم؟؟ يعني انتي جبتي المشكله لنفسج فتحملي نتايجها لاتقولين وين المسؤولين ومن المسؤول

[..er..]

سؤال صغير ..

بالنسبه لـ هالاثيوبي .. طبعآ انا اذكر اني خذت اثيوبيه من شخص نفس نظام الاثيوبي واعتقد انه هو بعد ..
سؤالي .. وش يثبت لي انها مب مريضه .. ؟
للاسف عقب ماخذتها وبكم يوم وديتها القمسيون .. واكتشفت ان فيها مرض جنسي معدي :)
والاثيوبي اللي جابها مايرد علي وعقب ماتوهقت وسفرتها على حسابي .. كنسل رقمه ..

يعني ب اختصار احنا اللي نجيب البلاوي لـ انفسنا ..
صحيح ان المكاتب لاعبين فينا بس شنسوي .. ودي ادفع 10 الاف ل مكتب ولا ادفع 4 الاف لشخص مايضمنها لي
وتحيه خاصه لـ مكتب العمل :)

[خزامئ]

الله يعوضشً خير
استغرب من بعض الردود اذا الواحد طرح مشكلته اتجيه الردور كن بينه وبينهم عداوه
يخي قل خير او اصمت

[نشميه]

اتصلت على وحده من شهرين قالتلي انها تشتغل خمس ساعات يوميا ميتين ريال، قتلها واذا ثمان ساعات كم قالت تاخذ ثلاثميه وعشرين ريال في اليوم ،تخيلو يعني كم راتبها بالشهر؟؟؟؟؟؟؟؟؟؟؟؟

[القطو السمين]

الخادمة الاندونسية ماتاخذاكثر من اسبوعين لين تجي اما مؤقته مانصح كلش

[بصمة قطرية]

الخدامات الاثيوبيات المؤقتات ما فيهم خير كلش ..
تجنبوهم ..
ما وراهم الا البلاوي والمصايب ..
الحمدلله طول عمري متعودة عندي خدامتين ..
جاتني فترة و صارت ظروف سافروا فيها الثنتين اللي عندي اجازة
مدة شهرين ..
فضلت اتعب و اشتغل بنفسي في البيت و لا ادخل بيتي خدامة مؤقتة
ما اعرف اش وراها ..
صديقاتي كانوا يجيبون لي ارقام ان هالمكتب عندهم مؤقتات لشهر او شهرين
رفضت رفض تام اني ادخلهم بيتي ..
يا ليت تبلغون عليهم لأنهم مجرمات و يخربون الخدم ..!!!

[حـ ن ـيـ ن]

المسؤوله انتي وكل شخص يساعدهم

اختي عندج الشرطه دقي عليهم

واشتكي

وخلي هالاثيوبي والاربعمية حرامي قصدي خدامه والمصري وكفيلهم يحضرون في المركز ويتصرفون معاهم

اذا كل شخص ساعد على الخطأ ومخالفة القوانين هذي مصيبه وإذا كان مواطن ف المصيبة اكبر


لابد من تبليغ الشرطة عليهم ...

وأكيد آنهم هربانين من كفلائهم ...

[gym4ever003]

الشيخه الله لايهنيج ممكن رقم الريال الاثيوبي لي خوي في الامن الوقائي يبيه

[ولد ازغوى]

الحين انتي يوم خذتي من عند هالاثيوبي ما تكلمتي ولا قلتي مين يحمينا منهم الا يوم شردت خدامتج رحتي اشتكيتي
ترى انتي كان لج يد في تشجيع هالسوق السودا :eek5:
والخدم مشوارهم طويل الله يعيننا عليهم وعلى جشع المكاتب

[دنيا الاسهم]

اكيد هذاالاثيوبي هو اللي يجمع الخدامات اللي شاردين ويأويهم عندة ويشغلهم مؤقت عند الناس
مثال/ اختي جايبة خادمة اثيوبية تمت عندها مدة وشردت .. يعني من لها الان وين المشتكى وين الفلوس اللي خسرها المواطن عشان يجيب خادمة تساعد في عمل البيت
..هذا مايجوز ويجب معاقبتة وتسفيرة لان يشجع الخدامات على الهروب والفوضى ويكبد المواطن خسائر وقهر
يعني حتى في بيوتنا وحياتنا وخصوصياتنا مهب سالمين
هذة جريمة في حق اهل قطر وفي حق قطر وهو مجرم واللي يتستر علية مجرم
يجب ان تنتبة والنظر من قبل الداخلية وامن الدولة في هالفوضى ترى قطر ماعادت قطر اصحواااااااااااااااااااااااااااااااااااااااااا وهؤلاء ممكن يرتكبون جرائم وترويع للامنين
الله لايحوجنا لهم ويكافي المسلمين شرهم
حسبي الله ونعم الوكيل

[الخيزران]

اصلا مفروضما نتعامل مع أشخاص او جهات غير رسمية !!


كلمت هالاثيوبي مرة وطلبت منه وحده مؤقته ، جاب لي وحده من مشيتها بغيت احذفها باللي في يدي ( بس خفت ع البي بي ينكسر) :) وفوق شينها تتشرط وتتامر ! قلت لها بعد عطيني كف حياتي!

وبعد ما في اي اوراق رسمية او عقد او إيصال باستلام المبلغ او اي شي ! يعني لو صار شي القانون ما يحميك يا مغفل ! قبضتها الباب والله !


ورتبت أموري مع بناتي فديتهم ، صج كي الملابس كسر ظهورنا بس الحمد لله :)

[مساهم فنان]

قلعتكم لوكنتوا تشتغلون في البيت وتشغلون بناتكم كان ماحتجتوا عسى في زود
ليش قلعت النسوان .؟؟؟؟؟.. النسوان يشتغلون مثل الرياييل ويتعبون بعد تبينهم يطبخون وينفخون ويجابلون رياييلهم وعيالهم. ...لا والله مايقدرون واعتقد انتِ إذا كنتِ قطرية عندچ أكثر من خدامة في البيت وإذا موب قطرية فإنتِ تحسدين نسوانا .

[Cute Mother]

جزاكم الله خير جميعا
وكلكم قلتوا الصحيح ومنكم من حط اللوم علينا ولا نبري انفسنا بس ترا الظروف هي اللي أجبرتنا فجينا بين نار المكاتب وبين غار هالاثيوبيين
وبالنسبة للي طلب رقم الإثيوبي اقول أنا ما اضمن انه بيبلس او يبلغ عليه الأمن بالعكس أخاف يطلب منه خادمة إثيوبية والصراحة تعبنا منهم واللي يضمن لي انه بيتكفل بقضية هالنوعية من الاستغلاليين راح اعطيه البيانات وليعذرني اخوي اللي طلب رقم الإثيوبي
أنا هددته امس واليوم وترجاااااني ما ابلغ الشرطة
بس ما سكت وبلغت البحث والمتابعة وربكم كريم

[العاصم]

الله يعينك

[فلتة زمانها]

غلطانه تتعاملين مع جهه مجهوله والافضل تشتكين مثل ماقالوا الاعضاء

وعندي ملاحظه في مجموعه كبيره من الاثيوبيات اشوفهم يتجمعون كل ويك اند
في شارع ال شافي صوب سوبر ماركت السعوديه وسوبرماركت فاطمه اعداد كبيره
حزات اشك انهم شاردين مادري ايش قصتهم

[┋أَجِوَدًيّ┋]

قلعتكم لوكنتوا تشتغلون في البيت وتشغلون بناتكم كان ماحتجتوا عسى في زود



ههههههههههههههههه

وشهد شاهد من اهلها !!

[ANONYMOUS]

الشيخه الله لايهنيج ممكن رقم الريال الاثيوبي لي خوي في الامن الوقائي يبيه



كفو كفو والله

[┋أَجِوَدًيّ┋]

الشيخه الله لايهنيج ممكن رقم الريال الاثيوبي لي خوي في الامن الوقائي يبيه



يمكن هالأثيوبي ظهره قوي !!

[النهار]

( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا )

هذالي عندي