[ قصة نجاح مطعم .. تجربة شخصية وتحليل خاص ]

[الزعفراني]

كثير من قصص النجاح لكثير من المشاريع التجارية كانت نتاج دراسة وتحليل لنفسيات وأمزجة ورغبات الفئات المستهدفة من هذه المشاريع .

فجزء مما تحتاجه لكي تحقق النجاح في مشروعك التجاري هو اشباع رغبة ومزاج العميل وتحقيق شعور الرضا النفسي والداخلي له .

في قطر أو المجتمعات الخليجية المطاعم تلقى رواجا كبيرا لدى الناس ، يعني الناس تأكل كثير خارج المنزل ، ففكرة تواجد مشروع مطعم فكرة ناجحة وجدير الأخذ بها وتنفيذها وتدر الأرباح الوفيرة على صاحبها .

لكن يبقى الفيصل في الموضوع ، هو اشباع الشعور بالرضا لدى الشخص الذي يرغب في زيارة المطعم وتناول وجبته سواء بمفرده أو مع أصدقائه أو مع عائلته .

يجب أن أوفر له المكان المتميّز ، والجودة في الطعام ، والتميز في تقديم الخدمة .

كثير من العوائل المحافظة هنا ، تعاني من تواجد المطاعم التي تمنح الخصوصية لهذه العوائل ، فكثير من الناس يرغب بالذهاب الى مطعم وأن يتمتع بالخصوصية التامة مع عائلته الزوجة والأولاد .

فكرة أن توفر هذه الخصوصية في مطعم ، تكفي أن تحقق نوع من الرضا لدى الناس .

عن تجربة شخصية مطعم ( ذا فيلاج ) استطاع أن يحقق هذه الفكرة ، الخصوصية التامة للعائلات ، بالإضافة إلى توفير تنوع من الأكلات التي يفضلها الناس هنا ( الهندية والإيرانية والإيطالية بالإضافة للمأكولات البحرية ) ، وأخيرا الجودة في تقديم الخدمة .

ما يميّز المطعم كذلك ، عدم وجود فكرة الحجوزات المسبقة للطاولات ، كل ما يمكن تقديمه لك ، هو أن تأتي إلى المطعم في حالة عدم توفر شاغر يتم ادراج اسمك والانتظار للاتصال بك للحصول على المكان الذي يناسبك ( بالنسبة للعائلات تحديدا ).

ديكورات المطعم متميّزه ، قد يعتقد البعض ويقول أن الأسعار مرتفعه قليلا مقارنة بالمطاعم الأخرى ، لكنك في الحقيقة تدفع هذا السعر من أجل المكان وهذا الفارق في السعر أظنه لا يفرق معك مقابل الخصوصية التي تجدها !

[intesar]

زرته مرة من باب التجربة..

حلو أكلهم..

[بو الجوري]

أولا أنا أشوف نجاحه كان بسبب الدعايه فالبلاكبيري
قبل لايكون بسبب الخصوصيه :..

يعني الناس سوت له دعايه وفي ناس راحوا بس عشان يجربون
وعشان يحطون ( ذا فيلج تايم ) :..

المهم مانختلف طبعاً مثل ماتفضلت سبب نجاحه هو جودة الطعام
و خصوصية المكان فوق ،،

الواحد يروح مع هله وهو مرتاح :..

لكـن عيبه شي واحد :

الإزعاج اللي فيه ،، أنا أحب آكل فالهدووووووء :)


تشكر عالموضوع والدعايه للمطعم خخخخخخخ

مبارك عليك الشهر مقدمـاً يالزعفراني :..

[intesar]

عجبتني ذا فيلج تايم..

[بصمة قطرية]

للحين ما جربته
ان شاء الله بجربه قريب ..
اعتقد السبب الرئيسي في نجاحه هو تنوعه في الأكل ..
ما إقتصر على نوع معين من الأكل ..
مثل ما ذكرت نوع ما بين ( الأكل الهندي و الايراني و الايطالي و المأكولات البحرية )
كل اللي جربوا المطعم ذكروا هالنقطة على انها السبب في تفضيلهم هالمطعم ..

[غايه الطواش]

ماعجبني اكله

[بصمة قطرية]

ما يميّز المطعم كذلك ، عدم وجود فكرة الحجوزات المسبقة للطاولات ، كل ما يمكن تقديمه لك ، هو أن تأتي إلى المطعم في حالة عدم توفر شاغر يتم ادراج اسمك والانتظار للاتصال بك للحصول على المكان الذي يناسبك ( بالنسبة للعائلات تحديدا ).
!

باك بعد تجربة المطعم ..
بصراحة المطعم رائع و يستاهل الواحد يروحه ..
عجبني الأكل جداً لذيذ ..
المكان حلو وهادي ..
بس فكرة الحجوزات موجودة ..
ما عدا الويكيند لا يتم الحجز ..

[ANONYMOUS]

المطعم اكله عادي يعني مش ذاك ال وااااااو

رقم 2 - اكثر اللي يروحون هياط تايم

رقم 3 - وهو الاهم بعض المطاعم كان فيها خصوصيه بس البلديه اجبرتهم يشيلون الخصوصيه ( على قولت اهل المطاعم ) بس مادري عن هالمطعم هو وهيديارد ليش فيه الخصوصيه متاحه


رقم 4- لو انا من راعي المطعم بعطيك 12 زياره مجانيه للمطعم وسقف الطلب مدفوع على هالدعايه الطيبه

[احمد بن علي]

الله يرزق صاحبه
المطعم حلو لتنوع الوجبات في المنيو وجلسته حلوه
والاحلى ان فيه مصلى

[وطن]

ماعجبني اكله

أنا بعد ما عجبني

جربنا الايطالي مره وتحسفنا كلنا

و الهندي والايراني مقبولين مب واااو مثل ما قال انونيموس

بس فكرة المكان حلوة
ان مبنى كله مطاعم وفيه كذا نوع

[catqat]

ذي فلج،، الاثاث والستاف و الاكل ماعليهم كلام... ومثل ماتفضل الاخ بموضوع الخصوصية

[الزعفراني]

زرته مرة من باب التجربة..

حلو أكلهم..

زين عجبج أكلهم .. للأمانه جربت البرياني وكان حلو لولا ان الفلفل لعب في حسبتي :rolleyes2:

[الزعفراني]

أولا أنا أشوف نجاحه كان بسبب الدعايه فالبلاكبيري
قبل لايكون بسبب الخصوصيه :..

يعني الناس سوت له دعايه وفي ناس راحوا بس عشان يجربون
وعشان يحطون ( ذا فيلج تايم ) :..

المهم مانختلف طبعاً مثل ماتفضلت سبب نجاحه هو جودة الطعام
و خصوصية المكان فوق ،،

الواحد يروح مع هله وهو مرتاح :..

لكـن عيبه شي واحد :

الإزعاج اللي فيه ،، أنا أحب آكل فالهدووووووء :)


تشكر عالموضوع والدعايه للمطعم خخخخخخخ

مبارك عليك الشهر مقدمـاً يالزعفراني :..

علينا وعليك والله يبلغنا الشهر ويعينا على صيامه وقيام ليله .. كلامك صحيح اللي ذكرته ، لكن أنا خصيت جانب الخصوصية لان الكثير من العائلات تعاني من هالموضوع .

ووجود مثل هالفكرة زادت من اقبال الناس عليه ، لأنه يوفر أجواء عائلية للناس اللي تحافظ على خصوصيتها عند الأكل في المطاعم .

[الزعفراني]

للحين ما جربته
ان شاء الله بجربه قريب ..
اعتقد السبب الرئيسي في نجاحه هو تنوعه في الأكل ..
ما إقتصر على نوع معين من الأكل ..
مثل ما ذكرت نوع ما بين ( الأكل الهندي و الايراني و الايطالي و المأكولات البحرية )
كل اللي جربوا المطعم ذكروا هالنقطة على انها السبب في تفضيلهم هالمطعم ..



باك بعد تجربة المطعم ..
بصراحة المطعم رائع و يستاهل الواحد يروحه ..
عجبني الأكل جداً لذيذ ..
المكان حلو وهادي ..
بس فكرة الحجوزات موجودة ..
ما عدا الويكيند لا يتم الحجز ..

زين انه عجبكم المكان .. ومعلومة جيدة بخصوص الحجز .

يعطيج العافية

[الزعفراني]

ماعجبني اكله

وجهة نظر

[الزعفراني]

المطعم اكله عادي يعني مش ذاك ال وااااااو



وجهة نظر ، بس ماخبر حد قال اكلهم واااااو :rolleyes2:




رقم 2 - اكثر اللي يروحون هياط تايم



مادري صراحة اذا اللي أكثرهم يروحون هياط تايم ومادري على أي اساس حكمت بهالشيء ؟





رقم 3 - وهو الاهم بعض المطاعم كان فيها خصوصيه بس البلديه اجبرتهم يشيلون الخصوصيه ( على قولت اهل المطاعم ) بس مادري عن هالمطعم هو وهيديارد ليش فيه الخصوصيه متاحه



منا إلى مدير بلدية الدوحة للاجابة على أسئلتك




رقم 4- لو انا من راعي المطعم بعطيك 12 زياره مجانيه للمطعم وسقف الطلب مدفوع على هالدعايه الطيبه



المطعم مش بحاجة لدعاية هو يسوق نفسه بنفسه والمطعم صار له فترة ما وقف على هالموضوع عشان حد يسوي له دعاية

[الزعفراني]

الله يرزق صاحبه
المطعم حلو لتنوع الوجبات في المنيو وجلسته حلوه
والاحلى ان فيه مصلى

يعطيك العافية اخوي احمد

[الزعفراني]

أنا بعد ما عجبني

جربنا الايطالي مره وتحسفنا كلنا

و الهندي والايراني مقبولين مب واااو مثل ما قال انونيموس

بس فكرة المكان حلوة
ان مبنى كله مطاعم وفيه كذا نوع


فعلا فكرة المكان والتنوع في مكان واحد

يعطيج العافية

[الزعفراني]

ذي فلج،، الاثاث والستاف و الاكل ماعليهم كلام... ومثل ماتفضل الاخ بموضوع الخصوصية

يعطيج العافية

[لـبـيـه]

ادري طلعنه عن الموضوع لاكن حاب ابدي رايي في ذا فيلج واقدم النصيحه

من باب تجربتي للمطعم


المطعم اكله ممتاز جدا

النظافه ممتازه

الاسعار تقريبا مرتفعه

الخصوصيه ؟؟؟؟؟

لانه الحواجز ماتفي بلغرض صحيح صاده عن الانظار لاكن تسمع الطاوله الي جنبك

كانه جالس معاك يعني الي بيروح وياكل وهو ساكت مع هله اوكي لاكن ان قال شي

الي على يمينه بيسمع والي على يساره بيسمع وهذا من واقع تجربه مب لاني اتسمع

لا والله بس طول ما انا اكل الطاوله الي جنبي اسمع الرجال يقول لزوجته تكلمي شوي

شوي وبصراحه حاولت ما اسمع لاكن مافي فايده حتى الشوي شوي كانت واضحه

يعني كل السوالف تسمعها وبصراحه اضطريت اتم ساكت عشان محد يسمعني عشان

يوفرون اكبر عدد ممكن م الطاولات خلوها متلاصقه وقريبه من بعض واااايد والحاجز

ولا يسوي شي

[آنــه]

السلام عليكم و رحمة الله و بركاته

الله يوفقهم ويزيدهم ان شاء الله


بالنسبه لرايي المطعم مب لي هناك رحت له ٣ مرات
المره الاولى كنت انا عازمه فية ضيوف من برى الدوحة
المره الثانيه معزومه فيه و كلت في القسم الايطالي
الثالثة اخوي كان جوعان وقال ي الله بنروح ناكل

كلت هندي وإيراني وإيطالي
اكثر شي يمكن تقبلته الإيراني لان ما كان فيه دهن وايد

والمكان جداً مزعج والسيرفس وايد بطيء يمكن من الزحمه

[chillis]

ماعجبني اكله كلش