يبون يفنشوني وأنا قطرية !!!!

[النجلا]

السلام عليكم ورحمة وبركاته

اخواني وخواتي بشرح لكم موضوعي وابي رآيكم وشوركم .. انا مساعدة مدرسة في مدرسة مستقلة ..

صار عندنا اجتماع مع المديرة والنائبة الأكاديمة وقالولنا ان المجلس الأعلى مسوي هيكلة جديدة وحدد عدد معين من الموظفات في كل قسم وانهم حاولو مع المجلس وقالولهم احنا مانقدر نستغني عن موظفاتنا بس هآذي هيكلة وقانون يمشي عالكل .. وانتوا فائض خلاص ..ولأني مساعدة قالولي الله يوفقج وشوفي لج مكان ثاني ولاتداومين السنة اليآية ومع السلامة ..

وبما إني جديدة في سلك التعليم صدقت في البداية ورحت من ثاني يوم اقدم اوراقي كذا مكان ورحت وزارة العمل استغربوا قالولي بس جذي يقولون لج اطلعي بدون كتاب نقل او ترشيح قلت هذا اللي صآر قالولي مانقدر ندور لج مكان ثاني لين تجيبين اخلاء طرف .. رحت ثآني يوم قلت حق المديرة ان وزارة العمل يبون اخلاء طرف قالت اخر اسبوع من الدوام بعطيج ..

لكن غيري كان اشطر راحوا وسألو في المجلس الأعلى وسمعوا كلام ثاني ان الموضوع مب من عندهم وسالفة الهيكلة كانت بتنطرح لكن انلغت !!! ومب من حق المدرسة تفنش موظفات قطريآت إلا لازم تبدي اسبابهآ!!!!

رحت انا المجلس عقبهآ وقآلولي نفس الكلام اللي انقال حق الموظفات وتأكدت ان الموضوع مب من المجلس الأعلى من عند المدرسة وقالولي حتى لو انتي فائض اذا مدرستج مارشحتج فمدرسة ثانية ولاطلبت لكم نقل ماتطلعون وتداومون السنة الجاية حتى لو كنتوا فائض ورواتبكم مابتوقف!!! مع العلم ان في الاجتماع قالولي اخر راتب تستلمينه شهر 7 !!!!

والغريب في المدرسة انهم عطوني ورقة استكمال بيانات حق العقد السنة الجآية ويقولون لي عبيهآ ماتدرين يمكن المجلس الأعلى يغيرون رآيهم ويقولون خلوهم خلاص ..؟؟؟

عقب ماعبيت ورقة استكمال البيانات بكم يوم إلا مطرشين لي ورقة اخلاء طرف حالي حال باقي الموظفات العربيات وانا القطرية الوحيدة اللي مطرشين لأن مالي صوت وماتكلمت ولا رديت عليهم مثل الباقي وقالولي خلصيها بسرعه !! بس خليتها عندي وماسويت فيهآ شي ..

بصرآحة كرهت المدرسة وكرهت المجلس الأعلى بكبره ومب عارفة شسوي ..؟؟
انتوآ شرآيكم وشلون اتصرف معاهم ..؟؟؟!!

[elders]

لا تسكتي عن حقك ...انا لو منك بخليهم يتراجعو وبعدين بستقيل بكيفي

"انا شوي شريرة "

[elders]

كمان شهر سبعة !!!!!! هلأ انتبهت !!

والله ظلم وانا رأيي انو اللي بدافع عن حقو مش بس مشانو مشان اللي قدامو ما يظلم غيرو وبنفس الوقت مشان ما يضل ذنبك برقبتهم

استغفر الله

[mariamaziz]

اختي شوفيلج مدرسة ثانية و قدمي عليهاا ...

لا تمين في هالمدرسة لأنج ما رح تحسين بالراحة مهما تعدل وضعج ..

لا تكرهين و لا تتحطمين و لا تيأسين و توكلي على الرحمن الرحيم ...

الرزق و انا اختج عند الله ... و يمكن خير لج و الله أعلم ...

لا تزعلين فديتج ... ترى الله يحبج و يبيلج الخير ..

الله يوفقج دنياا و آخرة و مثل ما وصيتج لا تحااتين الرزق ...

الرزق من عند الله بس سواء كنتي قطرية و لا مب قطرية ...

قلبي معااج .. و ياليت تبشرينا عنج عقب ما يتحسن الحال قريبا ..

موفقه

[intesar]

تمي بالمدرسة واكسري عين المديرة. وجيبي اثبات على أن كلامهم غلط من المجلس..

[عنزي قطر]

السلام عليكم ورحمة وبركاته

اخواني وخواتي بشرح لكم موضوعي وابي رآيكم وشوركم .. انا مساعدة مدرسة في مدرسة مستقلة ..

صار عندنا اجتماع مع المديرة والنائبة الأكاديمة وقالولنا ان المجلس الأعلى مسوي هيكلة جديدة وحدد عدد معين من الموظفات في كل قسم وانهم حاولو مع المجلس وقالولهم احنا مانقدر نستغني عن موظفاتنا بس هآذي هيكلة وقانون يمشي عالكل .. وانتوا فائض خلاص ..ولأني مساعدة قالولي الله يوفقج وشوفي لج مكان ثاني ولاتداومين السنة اليآية ومع السلامة ..

وبما إني جديدة في سلك التعليم صدقت في البداية ورحت من ثاني يوم اقدم اوراقي كذا مكان ورحت وزارة العمل استغربوا قالولي بس جذي يقولون لج اطلعي بدون كتاب نقل او ترشيح قلت هذا اللي صآر قالولي مانقدر ندور لج مكان ثاني لين تجيبين اخلاء طرف .. رحت ثآني يوم قلت حق المديرة ان وزارة العمل يبون اخلاء طرف قالت اخر اسبوع من الدوام بعطيج ..

لكن غيري كان اشطر راحوا وسألو في المجلس الأعلى وسمعوا كلام ثاني ان الموضوع مب من عندهم وسالفة الهيكلة كانت بتنطرح لكن انلغت !!! ومب من حق المدرسة تفنش موظفات قطريآت إلا لازم تبدي اسبابهآ!!!!

رحت انا المجلس عقبهآ وقآلولي نفس الكلام اللي انقال حق الموظفات وتأكدت ان الموضوع مب من المجلس الأعلى من عند المدرسة وقالولي حتى لو انتي فائض اذا مدرستج مارشحتج فمدرسة ثانية ولاطلبت لكم نقل ماتطلعون وتداومون السنة الجاية حتى لو كنتوا فائض ورواتبكم مابتوقف!!! مع العلم ان في الاجتماع قالولي اخر راتب تستلمينه شهر 7 !!!!

والغريب في المدرسة انهم عطوني ورقة استكمال بيانات حق العقد السنة الجآية ويقولون لي عبيهآ ماتدرين يمكن المجلس الأعلى يغيرون رآيهم ويقولون خلوهم خلاص ..؟؟؟

عقب ماعبيت ورقة استكمال البيانات بكم يوم إلا مطرشين لي ورقة اخلاء طرف حالي حال باقي الموظفات العربيات وانا القطرية الوحيدة اللي مطرشين لأن مالي صوت وماتكلمت ولا رديت عليهم مثل الباقي وقالولي خلصيها بسرعه !! بس خليتها عندي وماسويت فيهآ شي ..

بصرآحة كرهت المدرسة وكرهت المجلس الأعلى بكبره ومب عارفة شسوي ..؟؟
انتوآ شرآيكم وشلون اتصرف معاهم ..؟؟؟!!



الله يعينج اختي ونصيحه لاتسكيت عن حقج ولكن بما انك مساعدة مدرسة وقطرية هل تحملين الشهادة الثانوية ام لا بصراحه سمعنا بعض من الاخوات ماعندهم ثانويه :)<<<< وهنا همسه للمجلس الاعلى :)

واذا كنتي تحملين الشهادة الثانوية الحل هو المجلس الاعلى

وللاسف الشديد اننا نسمع بنائبه الاكادميه واغلبهم غير قطريات من جنسيات اخرى ولااعرف السبب :victory:

السؤال الاخير اختي هل يوجد مساعدات مدرسات غير قطريات الان وكم نسبة القطريات بالمدرسه

اذا يوجد اذاً الجواب "اذا حبتك عيني ماضامك الدهر"!

[بوعلي2]

حسبي الله ونعم الوكيل فيهم

لاتسكتين عنهم

وقدمي على مدرسه اخرى

وان شاء الله يكتب لج نصيب

[عنزي قطر]

حسبي الله ونعم الوكيل فيهم

لاتسكتين عنهم

وقدمي على مدرسه اخرى

وان شاء الله يكتب لج نصيب


أخوي بوعلي والاخوان بصراحه اذا بتقدم مدرسة اخرى وتحصل نفس المشكله هنا المدرسات مايحسون بالاستقرار الوظيفي هنا تكون ام المصائب سوف يعكس هذا على نفسية المدرس ولاراح يقدم العمل المطلوب منه :)

[ذيب ازغوى]

اخذ اوراق اخلى طرف ووديها حق المجلس الاعلى ولاتسكتين عنهم

وبصراحه هي مب مدرسة ابوها

روحي ولاتسكتين عن حقج ولو عندج حد من اخوانج عطيه وخليه يتصرف معااهم ابرك لج

[غزلان]

الله يكون في عونج

استخيري قبل لا تسوين اي شي

[فلتة زمانها]

لا تكدرين خاطرج ولا تشيلين هم حبوبه،، تاكدي انه رزقج بيد رب العالمين
وخلج قويه طالبي بحقج ولا تأسين مو من حقهم يطلعونج دام المجلس الاعلى
ألغى الهيكله،،وحطي في بالج الكل يواجه مشاكل في الشغل،،والله يوفقج ويسعدج دنيا واخره

[شموع قطريه]

هذا المجلس الاعلى وهذا خلاقينه .. يحاولون بطريقه او باخرى ابعاد القطريات عن المدارس حتى يخلو لهم الميدان ..
نفس الشي سووه فينا من سنتين علشان يبعدونا عن المدارس حطونا في برنامج المسار التدريبي للتدريس في المدارس المستقلة لمدة سنه والسنة اللي عقبها تفاجأنا انهم موزعينا على المدارس تحت مسمى فائض بواقع عشرين مدرّسه على كل مدرسة او اكثر وكلهم من المدرسات القديرات اللي عملوا في مدارس التربية والتعليم ..!! الحين احنا الجامعيات عقب اكثر من 17 سنه خدمة في المدارس واكثر وتقاديرنا كانت كلها امتياز تحطونا فائض !! والمشكله اللي يدرسون في المدرسة كانوا اكثرهم اجانب واحنا القطريات مخلينا فائض .. ونفس اللي صار معاج صار معانا قالت لنا المديره اني متقيدة بعدد محدد وماقدر احطكم كلكم للتدريس في المدرسة والمدرسه ماتستوعب ومن الاحسن تدورون لكم مدرسه ثانيه .. ويوم رحنا للمسؤولين في المجلس الاعلى قالوا لنا غصبن عنها تعطيكم جدول وهي ملزومه فيكم روحوا وخلكم عندها لين تعطيكم جدول .. ويوم قلنا لها هالكلام قالت انا كلمت المجلس الاعلى وقالوا لي ماتزيدين على العدد المحدد والفائض اللي عندج خل يشوفون لهم مدارس ثانيه !! يعني كلن يقطنا على الثاني علشان يفتك ، وكنا نداوم يوميا 7 ساعات من 7-2 حاطين رجل على رجل لا شغله ولا مشغله وكانت المديره تحاول تطفشنا وتضيق علينا بشتى الطرق لين لاعت جبودنا وقلنا اشرف لنا نقعد في بيوتنا بلا مذلة المجلس الاعلى ومديرات المدارس المستقلة وقدمنا على البند المركزي وعطونا اياه على طول والحمدلله ارتحنا من المجلس الاعلى وتخبطاته ..
الحين الدور عليكم بيطفشونكم وبيكرهونكم في المدرسه لين تكرهونها وتدورون لكم مكان غيرها .. هذي سياستهم حبيبتي تطفيش اكبر عدد من القطريات من المدارس المستقلة ..

[النجلا]

بالنسبة حق اللي انتي ثانوية ..؟ انا ثانوية ومساعدات مافي إلا قطريات ..

واللي قالولي شوف لج مدرسة ثانية خلاص احس كل المدارس نفس الشي كل وحدة جات مسكت ترخيص وتآمر وتنهي على كيفهآ كأنها تعطينآ رواتبنا من جيبها الخاص ..!!

واصلا المدارس كلهآ مافيهآ أمان واستقرار حق الموظفة إلا مارحم ربي ..

[elders]

اخذ اوراق اخلى طرف ووديها حق المجلس الاعلى ولاتسكتين عنهم

وبصراحه هي مب مدرسة ابوها

روحي ولاتسكتين عن حقج ولو عندج حد من اخوانج عطيه وخليه يتصرف معااهم ابرك لج

لا اخي ما بينفع معهم شي !!! اصلا انا مقهورة عليها لانو صاحبتي من بيت العطية وكفاءة وحكولها شكرا وسكتت لانها ادمية ومن باب "ما نبي اللي ما يبينا" ولحد الان ما اشتغلت وكل ما يصير شاغر بنفس المدرسة بحكيلها ولما تسألهم بيحكولها مافي شاغر !!!
لما يصير الموضوع بيد النساء ونفسياتهم لازم تكون القوه للحصول على الحق هي سيدة الموقف ..الله المستعان

[النجلا]

مشكورين كلكم عالردود واللي دعآلي جزاكم الله خير ..
والله يعلم شبيصير ..
بكرة بحآول اتفاهم وأشوف آخرتها معآهم << مشكلتي مسآلمة لأبعد الحدود ..

وجزاكم الله خير ..

[Al-Kuwari]

دام ان شهادتج ثانوية ومب متخصصه في تخصص تعليمي بحت

ليش ماتغيرين وظيفتج ؟

[شموع قطريه]

لا اخي ما بينفع معهم شي !!! اصلا انا مقهورة عليها لانو صاحبتي من بيت العطية وكفاءة وحكولها شكرا وسكتت لانها ادمية ومن باب "ما نبي اللي ما يبينا" ولحد الان ما اشتغلت وكل ما يصير شاغر بنفس المدرسة بحكيلها ولما تسألهم بيحكولها مافي شاغر !!!
لما يصير الموضوع بيد النساء ونفسياتهم لازم تكون القوه للحصول على الحق هي سيدة الموقف ..الله المستعان

الحين اشدخل بيت العطيه في السالفه :rolleyes2:..
هي تقصد عطيه = أعطيه = إمنحيه :nice:

[وبشرالصابرين]

نظام تطفيش القطرين .... اكيد بالمدرسه خبير تطوير اجنبي

[elders]

الحين اشدخل بيت العطيه في السالفه :rolleyes2:..
هي تقصد عطيه = أعطيه = إمنحيه :nice:

ههههههههههههههههههههههههه
نعسانة كأني ..لاني شفتها للبنت امبارح ضل الموضوع ببالي ففكرتو عم يحكي عن واسطة تاخدلها حقها
:shy:

تصبحو عخير
:tooth:

موفقة اختي النجلا ان شاء الله

[النجلا]

دام ان شهادتج ثانوية ومب متخصصه في تخصص تعليمي بحت

ليش ماتغيرين وظيفتج ؟

قدمت وانطر :)

[تينا85]

أختي لاتسكتين عن حقج وأخذه من عينهم ولاتروحين مكان غير ولاشي اهي مب ملكها ولا وارثتها هذي حبيبتي ملك الحكومة وميزانيتها منهم ولولا انتم المعلمات ماعطوها شي هذا حقكم وهي موظفة مثلها مثلج
لاتتهاونين اذا كل وحدة المديرة قالت لها كلمتين بتسكت وبتنسحب المدارس بتخلا الا اوقفيلها وقفة عظم
بعضهم لين خذت الترخيص حسبت انها ملك لها ماتدري موظفة مثلها مثل اللي معاها في المدرسة
الله ياخذ الحق منهم ...................( ترى أنا مش معلمة ) لكن من كثر ماسمع قلبي ينفطر

[يراعٌ فراتي]

لا يجوز لصاحب الترخيص
انهاء خدمات الموظف القطري

الا بعد ان يحصل الموظف على تقدير ضعيف لسنتين على التوالي
وعدم استجابته لما يقدم له من تطوير مهني

يعني قولي لهم مب طالعة وبداوم في وظيفتي

شوفي الصورة المرفقة

http://www.qatarshares.com/vb/attachment.php?attachmentid=80819&stc=1&d=1342039067

[Cute Mother]

شوفي عزيزتي موضوع الهيكلة الجديدة صحيح بس راح تستحدث لكم وظايف جديدة وبديلة عن مسمى مساعدة مدرسة لكن ماتفصلكم المدرسة ومش من حقها بالعكس راح تظلون في نفس مكان وتطمني عزيزتي القطرية مكانها محفوظ وعلى فكرة الوظايف الجديدة اريح لكم من مساعدة المدرسة والله يوفقج يارب

[يراعٌ فراتي]

القانون قال الموظف القطري

ما حدد ثانوي او جامعي
اكاديمي او اداري

يعني القانون يشمل كل القطريين

وقولي لمديرتج

روحي اشتكي فالمجلس وقولي لهم مب متنازلة عن وظيفتي

وهي اصلا تعرف انه مو بكيفها تفنش وتنهي خدمات هالكلام كان زماااااان

[تينا85]

القانون قال الموظف القطري

ما حدد ثانوي او جامعي
اكاديمي او اداري

يعني القانون يشمل كل القطريين

وقولي لمديرتج

روحي اشتكي فالمجلس وقولي لهم مب متنازلة عن وظيفتي

وهي اصلا تعرف انه مو بكيفها تفنش وتنهي خدمات هالكلام كان زماااااان



كلام صحيح وسليم 100% وأثبتي مكانج

[مشاكل]

لاتخافين ولاتحاتين
تمي مكانج وماعليج من كلام المديره

[طبيب قطري]

اخذ اوراق اخلى طرف ووديها حق المجلس الاعلى ولاتسكتين عنهم

وبصراحه هي مب مدرسة ابوها

روحي ولاتسكتين عن حقج ولو عندج حد من اخوانج عطيه وخليه يتصرف معااهم ابرك لج


كلامك صح هذا الي المفروض تسوينه

[vip-30003]

استغفر الله

تصرف حقير من ادارة حقيره

الهيكل ثابت يزيد ولا ينقص

مساعدة معلمة وقطرية مفروض ما اتكونين فائض

وانا اعرف افكار اصحاب التراخيص ونذالت النائب الاكاديمي الاجنبي

اتوقع كل هالسالفه اللي صارت يبون يجيبون اجنبيه مكانج

صارت بلادهم مب بلادناا

والشرهه على صاحب الترخيص والمجلس الاعلى

انا اطالب ان يلغى موضوع التوظيف مباشر من المدارس

علشان محد يلعب ويجيب ربعه


نصيحه وانا اخووج

قولي حسبي الله ونعم الوكيل

والرزق بيد الله سبحانه

يا المجلس الاعلى يوظفج يا شوفي مكان ثاني

اما هالمدرسة خليها اتولي باللي فيهاا

لا تزعلين ولا تتضايقين

[محمد سعيد]

على فكرة

المجلس الاعلى ماراح يسوي شي للاسف

الا اذا صوتك عالي

وإنهاء العقد الموظفيين القطريين موجود من زمان على كيف المدير


ولانسيتوا البند المركزي

وحتى الشركات الخاصة والمعروفة يعتمد على كل جهة


والظلم موجود في كل مكان

الله يرزقك وظيفة افضل

[حـ ن ـيـ ن]

أختي إذا أنتي فائض مثل ماقالت ...

اطلبي منها ترفع كتاب للمجلس وهو يتكفل لك بالبحث عن شاغر

وإن لم تفعل فالزمي وظيفتك...

[moonبنتnight]

قانون معاج وفي صفج 00
تقدريين تحاججينهم بالمجلس الأعلى 00

[mariamaziz]

بخصوص اللي مب عارفين القانون

ترى وظيفة مساعدة المدرسة هي فقط للقطرياات .. يعني لا تدخلون الأجانب فالسالفه ..

شكلها صاحبة الترخيص عندها اشكاليات ويااج اختي ..

[بنت الطائي]

يا اختي ما فيها فنش من قالج الله يرضى عليج كل ما فيه ان الفائض بيتوزعون على مدارس اخرى محتاجة والله اعلم

لا تفقدين الامل حبيبتي

[كازانوفا]

لا اخي ما بينفع معهم شي !!! اصلا انا مقهورة عليها لانو صاحبتي من بيت العطية وكفاءة وحكولها شكرا وسكتت لانها ادمية ومن باب "ما نبي اللي ما يبينا" ولحد الان ما اشتغلت وكل ما يصير شاغر بنفس المدرسة بحكيلها ولما تسألهم بيحكولها مافي شاغر !!!
لما يصير الموضوع بيد النساء ونفسياتهم لازم تكون القوه للحصول على الحق هي سيدة الموقف ..الله المستعان


هذا السبب الرئيسي اللى مخليني اكره الشغل بمكان تكدس النسااااء :rolleyes2:

[عضيدة بومطر]

أختي النجلا تحياتي لك اسمعي نصيحة مدرسة قديمة اعتقد تم فتح مجال لاستكمال دراستكم الجامعية فتوكلي على الله وواصلي واستكملي دراستك افضل ، اما اذا رغبتي في مواصلة عملك كمساعدة فاستمري في نفس المدرسة ولاتتنازلين عن حق من حقوقك صحيح انك ستكوني في القائمة السوداء عند الادارة ولكن أثبتي في مكانك ولا تتركي لهم مجال يلعبوا على القطريات لان بعض المديرات هداهم الله سم ضروسها القطرية ليش ؟لا اعلم مع انهم قطريات ، فتوكلي على الله واصمدي في مكانك ولا تتركي لهم مجال يلعبوا عليك ووفقك الله

[meme~qatar]

مب على كيفها تنهي العقد

انتي مواطنة قطرية وانتي اللي تنهين العقد اذا حبيتي

والمواطن القطري مايفنشونه .. هو يستقيل اذا حب يطلع

مهما كان التقييم ومهما كان اداءه

المشكلة الحريم اذا مسكوا منصيب تفرعنوا على بالهم ارزاق خلق الله بيدهم ..

ماعليج منها بما ان مافي شي رسمي واوراق رسمية من المجلس الاعلى ( مب من المدرسة نفسها ) اقعدي على قلبها حتى لو كنتي فائض .. داومي ووقعي في الدفتر وصبحي عليها بابتسامة عريضة وتقهوي وسولفي وطقطقي في الجوال والنت وردي البيت اخر الدوام .. واذا كلمتج قوليلها روحي المجلس الاعلى وجيبي اوراق رسمية .. واصلا المجلس مابيعطونها ويه اصلا .. انتي الحق معاج وهذا اللي حار قلبها

صج انا وحدة بس اقولها بالفم المليان المفروض الحريم مايمسكون مناصب

[الطائر الحائر]

رجعي لهم اخلاء الطرف واكتبي على ظهره ((( أنا موظفة قطرية )))

[الحال مايساعد]

إختي الجواب مبين من عنوانه
حقك بتاخذينا بلسانك وبصوتك
والله يكون في العون

[اوف ليميت]

:taunt:

[درع الوطن]

يعني للحين مافيه قناعه بأن النظام التعليمي عندنا سواء من ناحية التعليم أو الإستقرار الوظيفي فاشل بكل ماتحمل الكلمة من معنى....

موظفين مهددين بأي لحظة بفقدان وظائفهم ، والطلاب ضايعين في المعمعة ....

حسبي الله ونعم الوكيل ....

[هارودز]

مجلس الاعلى مساء الخير

[مدرسة]

مااااا عليج منهم ،،، انا نائبة اكاديمية و اقولج

انتي موظفة قطرية محد يقدر يفنشج ،،، مب عزبة السالفة

ولا حد له عندج شي لين توقعين بنفسج على ورقة استقالة ،،،،

و علشان تكسرين عينهم تمي عندهم وش يطلعج اذا المكان مناسب لج

المدارس يستغلون جهل الموظفات بالقانون و لاعبين بحسبة العرب

بس الله فوق

[حسن]

عادي كل شي يصير عندنا ونصيحه شوفي للك وظيفه ثانيه ولاتعبين حاللك السستم بكبره خربان

[فارس بلا جواد]

مساء الخير اختي النجلاء

يبى شوفي انا باقولج على حاجه

لا تسوين ولا شي

السنه اليايه اخذي معاج دلال الهوه والجاي وملة التمر والفناييل والبيلات

وحطيهم في غرفة المدرسات

وسولفي معاهم وحطي ريل على ريل

واذا ياتج المديره قولي لها انتي خلصي اجرائاتي انا عيزانه اروح

ماعندي دريول

وبالمره لو توقعين بدالي يكون احسن

ولا عليج منهم

القطريه ما تتفنش

هذاك الاول مديرة الترخيص تحويل الموظفات على التقاعد

على قولة القايل

قصاب وجلوته في يده

قسم بالله اقهرتني هلمديره

لو انا منج اسوي لها عرس لا صار ولا استوى

اخليها تلعن اليوم الي وظفتني فيه

استغفر الله العظيم يارب

وربي شي يقهر

الله يكون في عونج يا اختي

ما الومج والله

[عنزي قطر]

مااااا عليج منهم ،،، انا نائبة اكاديمية و اقولج

انتي موظفة قطرية محد يقدر يفنشج ،،، مب عزبة السالفة

ولا حد له عندج شي لين توقعين بنفسج على ورقة استقالة ،،،،

و علشان تكسرين عينهم تمي عندهم وش يطلعج اذا المكان مناسب لج

المدارس يستغلون جهل الموظفات بالقانون و لاعبين بحسبة العرب

بس الله فوق



لماذا جهل الموظفات لازم كل موظفه تعرف القانون من حقها شكرا لك على التوضيح


ياريت نستفيد منك بموضوع كامل عن المدرسين حقوقهم الخ ويكون خير لج والجميع يستفيد

[ساس الوفا]

السلام عليكم ..

مع احترامي لكل الردود ..

اختي عليج وعلى الامانة العامة اللي مجابل المتحف الاسلامي - قسم التظلمات -

انا ماقدر اطرش رسائل خاصه والا جان قلت لج وين تروحين بالضبط وشنو الاجراء اللي تسوينه بالضبط وعند من وصدقيني 100% حقج بيج ..

ماقدر اتكلم اكثر وافيد اكثر ..

وربي يوفقج واي استفسار انا حاضر ..

ومن فرج عن مؤمن كربة من كرب الدنيا فرج الله عليه كربة من كرب الدنيا والاخرة ..

وبالتوفيق ..

[حسن]

لماذا جهل الموظفات لازم كل موظفه تعرف القانون من حقها شكرا لك على التوضيح


ياريت نستفيد منك بموضوع كامل عن المدرسين حقوقهم الخ ويكون خير لج والجميع يستفيد

ووش تقول عاد يا العنزي جهل مركب انت خبرت يدفعون الناس مخالفات يقولك الرادار
البشري صادك:omg:
يعني جات على هل المسكينه مثل ماقولك كلمه ناصح اكثر من اخ شوفيلك وظيفه اخري
واذا تبين راي اقعدي في البيت استر وابرك للك وداري بوعيالك وعيالك:victory:

[مدرسة]

لماذا جهل الموظفات لازم كل موظفه تعرف القانون من حقها شكرا لك على التوضيح


ياريت نستفيد منك بموضوع كامل عن المدرسين حقوقهم الخ ويكون خير لج والجميع يستفيد

هذي مسؤولية مشتركة ولازم يكون الموظف في نفس الوقت حريص على ما ينفعه و متابع و يعرف الحقوق اللي كفلها له القانون

يعني مب ليش ما قلتولي طول الوقت

الواجب في بداية العام الدراسي نعرف كمدارس موظفينا بقانون المدرسة و سياساتها و قانون الجزاءات و العقوبات و نناقش معاهم توصيفه الوظيفي و مهامهم الوظيفية تبعا لذلك في جلسات خاصة بكل قسم نجيب فيها على تساؤلات الموظفات و نوضح لهم الجزئيات المتعلقة بعملهم

هذا واجب علينا

لكن الواجب على الموظف انه يعرف الحقوق و الواجبات المترتبة عليه كموظف بشكل عام ،،،، اسأل الموظفين اقرب شي هل قرأوا قانون الموارد البشرية اللي فيه القالب العام لحقوقهم كموظفين في قطر تلقى الجواب عند الكثير لا ،، كل ما يعرفونه عن قانون الموارد ان جتهم زيادة ذيك السنة !! حتى مقدار الزيادة و اجزاء الراتب الصحيحة ما يعرفونها بحيث لو نقص 500 والا الف ما راح يعرف الموظف من وين نقصت بالضبط ،، يمكن هالكلام عند الحريم بس ما ادري
عندي موظفة يوم التقييم اقوللها يوم خلصنا من كل شي ،،، بقى شي تبين تقولينه قالت اي ظلمتوني بالراتب انا اخذ 15000 و زميلاتي 17 و شي !!!
سألتها تكلمتي قلتي حق المديرة او كلمتي المحاسب ،،، قالت لا ما تكلمت استحيت اتكلم في فلوس !!! و يوم خاطبنا المحاسب طلع في علاوة هو حسبها غلط من أول السنة الظاهر ولا انتبه و مشى الراتب ،،، طبعا نزل لها بأثر رجعي بس ليش ،، ؟ ليش ما نعرف و نسأل ؟؟؟

و تجي الموظفة ما توقع على تقييمها و تقول انا رافضة و بشتكي ،،، هذي سمعتها من بعض المدارس،،، الموظفة ما تعرف ان التظلم مااااا يتبطل ولا ينظر فيه بدون توقيع الموظفة !!!

الله المستعان

[حسن]

يا مدرسه اتني تقولين كلام والواقع غير كلش

[مدرسة]

يا مدرسه اتني تقولين كلام والواقع غير كلش

نعم انا اقول كلام والواقع غير !
زميلتي منسقة قطرية في مدرسة مستقلة العام ااااخر السنة اكتشفت ان لها الف ريال في كل راتب ما خذتهم من اول السنة ،،،، تقوللي حرامية ما عطوني فلوسي الا اخر السنة يوم طالبتهم

هذا واقع

و يوم اسألها شلون ما فقدتي الف من راتبك طووووول السنة ،،، من باب الفضول سألتها

قالت والله ما اعرف حيثيات الراتب !! هم عطوني و خلاص !

بالله هاي كلام ... و ابشرك مهي بجديدة صار لها سنينو بنين و من قبلي بسبع سنين متوظفة .

هذا هو الجزء الآخر من الواقع اللي احنا ما نفكر فيه ،،،،، الجزء الخاص بواجباتنا تجاه انفسنا

دمتم بخير

[فارس بلا جواد]

اختي مدرسه

تدرين في احد المؤسسات الاجنبية وفي دولة اجنبيه

اذا جاو يبلشون في الاجرائات

يسئلون المراجع او الموظف بعض الاسئله

لدرجة انه الموظف والمراجع يستغرب من هذي الاسئله وكيف ما اخطرت على باله

وهل يعقل من موظف انه يكون صريح لهذه الدرجه ويوضح بعض

النقاط للموظفين والمراجعين ؟!!

يا عيني على الاهتمام والله

وفي نفس الوقت فيه منشورات وكتيبات صغيره عن المؤسسه الي بيروح لها الموظف

انا كنت في هذه الدولة لفتره

لاحظت انهم يحبون الاطلاع على تلك المنشورات والكتيبات وفي يدهم مجموعه من اولاراق وقلم

وجالسين المساكين يسجلون ملاحظتهم قبل المقابله ... سواءً كان موظف او مراجع

ويطلعون بنتايج زينه ويكونون عارفين الي لهم والي عليهم

ياترى هل هذا الشيء يصير عندنا ؟

احنا مع الاسف الشديد المراجع او الموظف يبي حد يقرا له ويفهمه ايش

الي ممكن يصير وايش الي يقدر يسويه

واذا صار سؤ فهم يقول انتو و انتو

سبحان الله

[حسن]

نعم انا اقول كلام والواقع غير !
زميلتي منسقة قطرية في مدرسة مستقلة العام ااااخر السنة اكتشفت ان لها الف ريال في كل راتب ما خذتهم من اول السنة ،،،، تقوللي حرامية ما عطوني فلوسي الا اخر السنة يوم طالبتهم

هذا واقع

و يوم اسألها شلون ما فقدتي الف من راتبك طووووول السنة ،،، من باب الفضول سألتها

قالت والله ما اعرف حيثيات الراتب !! هم عطوني و خلاص !

بالله هاي كلام ... و ابشرك مهي بجديدة صار لها سنينو بنين و من قبلي بسبع سنين متوظفة .

هذا هو الجزء الآخر من الواقع اللي احنا ما نفكر فيه ،،،،، الجزء الخاص بواجباتنا تجاه انفسنا

دمتم بخير


وشهد شاهد من اهلها

الحمدلله ان الكلام اللي ذكرتيه يؤكد على صحه كلامي
الناس تشتغل بدون عقود موضحه وشلك وش عليك
عجل كلامي يثبت نظريه حسن بان الوقع غير
:victory:

ارجوك يافارس قوله انا وش لابس

[فارس بلا جواد]

حسن يسولف على واحد من الشباب

يقول في يوم من الايام قررت اخذ سلفيه من احد البنوك

ماذكر لي اذا كان بنك اسلامي او ربوي

المهم طال عمرك

يوم عطوه العقد والبنود عشان يقراها

لقاها ملخبطه وم واضحه

يوم سئل الموظف قاله ليش هشكل الصيغه مب واضحه ؟

قاله انت تبي سلفيه ولا لا ؟

قال اي بالله ابي سلفيه

قال خلاص انت وقع وخل الموضوع علي

يا سلام والله خوش

وين تبينا انتطور او نتقدم خطوه وحده يا اخوي حسن

[مدرسة]

وشهد شاهد من اهلها

الحمدلله ان الكلام اللي ذكرتيه يؤكد على صحه كلامي
الناس تشتغل بدون عقود موضحه وشلك وش عليك
عجل كلامي يثبت نظريه حسن بان الوقع غير
:victory:

ارجوك يافارس قوله انا وش لابس

:eek5: من وين صحة كلامك ؟

العقود فيها الراتب طبعا و قطعا ،،،،،

ركزززززز،،،،، ((مسؤلية الأفراد تجاه أنفسهم )) هي ما نختلف عليه نحن لا نختلف على ان المدرسة مسؤولة عن الموظف شرحت كيف ان كل مدرسة ملزومة بتوضيح السياسات و مستشارة المدرسة تراجع هذا في اجتماعات المدرسة

القانون موجود و الخلل في التطبيق لدى البعض راجع لعدم متابعة المجلس الأعلى

نحن نختلف في ان أيضا لازم احنا نكون واااااعيين ،،، التعميم ينزل بالمدرسة واضح و صريح ومفصص و بعد يومين تخالف الموظفة و لما تسألها تقول ( أي وقعت بس ما قريت ) ( وقعت بس ما قريت عدل ) ( ما دريت ان بنتحاسب عليه )

ليش ننكر هالفئات موجودة بين الموظفين في أي بلد ،،،،

[حسن]

حسن يسولف على واحد من الشباب

يقول في يوم من الايام قررت اخذ سلفيه من احد البنوك

ماذكر لي اذا كان بنك اسلامي او ربوي

المهم طال عمرك

يوم عطوه العقد والبنود عشان يقراها

لقاها ملخبطه وم واضحه

يوم سئل الموظف قاله ليش هشكل الصيغه مب واضحه ؟

قاله انت تبي سلفيه ولا لا ؟

قال اي بالله ابي سلفيه

قال خلاص انت وقع وخل الموضوع علي

يا سلام والله خوش

وين تبينا انتطور او نتقدم خطوه وحده يا اخوي حسن

واخر شي يبطل حلجه في الراديو يصيح
باقوني انا مديون حق البنك 50 سنه شفت اشلون
يارجل انا محدثك نزع الملكيه اجبروني بتوقيع انك تقبل بالظلم ولا لك حق تشتكي
وش تقول
لكيد هذه اللي يقول عنها الكواري في ذاك الموضوع
مادري يوصلون الكلام ولا لا وينك ياللي هناك اشوفك
ارجوك يافارس خلني لابس النظاره ابرك

[مدرسة]

اختي مدرسه

تدرين في احد المؤسسات الاجنبية وفي دولة اجنبيه

اذا جاو يبلشون في الاجرائات

يسئلون المراجع او الموظف بعض الاسئله

لدرجة انه الموظف والمراجع يستغرب من هذي الاسئله وكيف ما اخطرت على باله

وهل يعقل من موظف انه يكون صريح لهذه الدرجه ويوضح بعض

النقاط للموظفين والمراجعين ؟!!

يا عيني على الاهتمام والله

و

احنا عندنا يكلفتون الموضوع تكلفت

الموظف ما يبي يعور راسه بالتفاصيل و لا يهتم لين يطيح بمشكلة ،،،

و المسؤول من مصلحته الموظف يتم مغمض و يمشيه على كيفه

الله المستعان ----> لازلت أرى المسؤولية مشتركة بين الاثنين

[فارس بلا جواد]

هههههههه تفائل بالخير اخوي

الصبر الصبر

[حسن]

:eek5: من وين صحة كلامك ؟

العقود فيها الراتب طبعا و قطعا ،،،،،

ركزززززز،،،،، ((مسؤلية الأفراد تجاه أنفسهم )) هي ما نختلف عليه نحن لا نختلف على ان المدرسة مسؤولة عن الموظف شرحت كيف ان كل مدرسة ملزومة بتوضيح السياسات و مستشارة المدرسة تراجع هذا في اجتماعات المدرسة

القانون موجود و الخلل في التطبيق لدى البعض راجع لعدم متابعة المجلس الأعلى

نحن نختلف في ان أيضا لازم احنا نكون واااااعيين ،،، التعميم ينزل بالمدرسة واضح و صريح ومفصص و بعد يومين تخالف الموظفة و لما تسألها تقول ( أي وقعت بس ما قريت ) ( وقعت بس ما قريت عدل ) ( ما دريت ان بنتحاسب عليه )

ليش ننكر هالفئات موجودة بين الموظفين في أي بلد ،،،،


اها لورحتي المحكمه وشفتي الملفات حاطينها على الكرسي بوتواير ويدزونها
لين قاعه المحكمه
بعدين بتقولن الخلل مهب في القضاه الخلل في تواير الكرسي متكسره
واخر الملفات للقاعه

اارجوك يا مربيتنا الفاضله
خليني لابس النظاره تري الشمس تسوي ماي في العين

[فارس بلا جواد]

اختي مدرسه

انا لاحظت اغلب الموظفين عندنا على مختلف مستواياتهم الوظيفيه يخافون

ماعندهم جرائه ولا عندهم ثقه في نفسهم

يخاف اي حد يسئله عن معلومه في الكتيب او المنشورات

وما يحصل على اجابه

وبذلك يكون وهق نفسه والي يسئل

وعندنا عيب الموظف ياخذ معاه هلكتيبات والمنشورات ويقراهم في البيت ويطبقهم

انا مره الموظف الي معاي في المكتب لما جانا احد المراجعين

مسكين كان يبغي حاجه وانا دليته عليها وشرحت له بعض النقاط

تدرين ايش قالي زميلي الموظف ؟

قال انت راح توهق نفسك معاه بكره اذا سمع من موظف ثاني غير

الكلام الي قلته له راح يجيك على طول

قلت له طيب وشفيها لو ساعدته مسكين المراجع هايم على ويهه

يبي حد ينوره يدليه المكان

مو كل المراجعين عندنا مثقفين ويعرفون يقرون

في وايد منهم اميين ما يعرفون الكتابه والقراءه

وما هي الا ايام معدوده و صار الي صار

يقولي انا قلت لك من البدايه

حوله على الموظف المختص وفك عمرك

اتحسين مافي تعاون اختي مع الاسف

الكل منطوي على حاله

ينيطر متى يخلص الدوام عشان يدق سلف حق موتره ويحرك

لا حول ولا قوة الا بالله العلي العظيم

[مدرسة]

في مجال التعليم

بعض الموظفات ( ابشرك ) شاطرين في مجال الشكوى و الإحساس بالظلم بس ما يفكرون ياخذون حقهم بالطريقة الصح ،،،

يعني الاجراءات القانونية ما تعرفها و لا تقوم بها بالطريقة الصحيحة ،،،

واللي يعرف ياخذ حقه و يطالب به يسمونه راعي مشاكل و لسانه طويل و ما يكون مرغوب فيه في وسط المدارس المستقلة

يبون الساكت اللي يكرف ولا يبطل حلجه و يشتغل فوق شغله ولو نسوه و ما قدروه ما يحتج

و الافضل تكون مب متزوجه ولا وراها ريل و عيال

ولو ما عندها حياة اجتماعية يكون افضل علشان يكمل نظام الاستعباد !!


احنا مسويين قروب اغلبنا مدرسات ،، حق هالسوالف و في كل شي نسأل و نلاحق و نشيك مع المجلس لأن احنا جدد على المستقلة من العام بس و البنات في القروب ما يقصرون توعية في المعلمات عسى وعلى الله ينفع

[OM_OMAR_QATAR]

لا تسكتي عن حقك .

[دااانة قطر]

لكن غيري كان اشطر راحوا وسألو في المجلس الأعلى وسمعوا كلام ثاني ان الموضوع مب من عندهم وسالفة الهيكلة كانت بتنطرح لكن انلغت !!! ؟؟؟!!



مدري عن قواانين المجلس الأعلى ولا المداارس المستقله لكن هالكلااا سمعته في المقاابله مع احدى المداارس لما نصحوني ماترك شغلي واقدم في المدرسه والسبه ان الهيكله الجديده ماتعتمد سنواات الخبره يعني اذا توظفت رااح اتوظف كأني جديده ومابتنحسب سنواات الخبره


ان شااء الله يفيدونج اصحااب الخبره

[قطر70]

والله امصخت السالفه

اتمنى انج ماتسكتين عن حقج

وحاولي قد ماتقدرين انج اتصرفين مع المديره بكل هداوه وبالقانون

[سان سيمون]

اختي ولا تفكيرين تطلعين حقج ومكانج انت قطرية وهذه غلطتنا اول ما دخلنا مجال العمل متى ما انضغطنا او نكدوا علينا حققنا مطالبهم وتركنا الجمل بما حمل أنا مر علي نفس مشكلتج كثير وقدرت بعون الله احل موضوعهم
عليج تطلبين منهم ورقه رسمية بالكلام الي قالوه ما فيه شيء اسمه شفهي
يبون يفنشونج يكتبون كتاب رسمي
وعقبها العبي لعبتج أبهم في المجلس الي ما منه فايده واوصيج دايركت لوزارة العمل هم الي يعرفون يتعاملون مع هالنوعيه
واذا تبين تواصلي معي على الخاص وانا بتصرف

[قانوني متميز]

اختي اتمنى انج ما تسكتين عن المديرة وشئ طبيعي لما سكتي عنها ضحت فيج وبتشوف مدرسة غير قطرية راتبها اقل

حاولي انج توصلين الموضوع للمجلس الاعلى وتحملي تغيرين المدرسة الا اكسري عينها وتمي في مدرستج والمعاش مش من جيبها المعاش من الحكومة الا اذا هي نصابة وتبي تقتصد عشان تسرق شئ ثاني
مديرات اخر زمن :anger1:

[Class - Qtr]

لاحول الله ولا قوة

والله عيب عليها هذي المديرة انتي قطريه مايصير ومايجوز نظام التطفيش هذا

مديرة مدرسه قطريه المفروض تكون داعم اول للقطريات في المدرسه وقدوة

شي محزن بصراحه لما القطريه المسووله تعادي بنت البلد عشان التوفير

طيب راتبها وصل 70 الف الله يزيدها شتبي طيارة خاصه مثلا

الله يهديها هالمديرة

[مدرسة]

اختي اتمنى انج ما تسكتين عن المديرة وشئ طبيعي لما سكتي عنها ضحت فيج وبتشوف مدرسة غير قطرية راتبها اقل

حاولي انج توصلين الموضوع للمجلس الاعلى وتحملي تغيرين المدرسة الا اكسري عينها وتمي في مدرستج والمعاش مش من جيبها المعاش من الحكومة الا اذا هي نصابة وتبي تقتصد عشان تسرق شئ ثاني
مديرات اخر زمن :anger1:

على فكرة ما يصير تفنشها و تحط غير قطرية يا جماعة لأن الاخت مو معلمة ،، هي مساعدة معلمة و وظيفة المعلم المساعد خاصة بالقطريات فقط يعني ما راح تفرق معاها المديرة بالراتب بالمرة .

الموظف القطري هو ثروة هذا البلد ، نرفض الأساليب الملتوية التي تمارس من قبل بعض الإدارات في سبيل تطفيش الكفاءات ،، بس احيانا نفس طرق التطفيش الادارات تستخدمها مع غير الكفاءات ! لأن القانون و لله الحمد يحمي الموظف القطري و ما يعرفون شلون يتخلصون من المتسيبة او كثيرة روحات الحسا و البحرين ،،

وين المجلس الأعلى من كل هذا ؟؟؟

[سان سيمون]

على فكرة ما يصير تفنشها و تحط غير قطرية يا جماعة لأن الاخت مو معلمة ،، هي مساعدة معلمة و وظيفة المعلم المساعد خاصة بالقطريات فقط يعني ما راح تفرق معاها المديرة بالراتب بالمرة .

الموظف القطري هو ثروة هذا البلد ، نرفض الأساليب الملتوية التي تمارس من قبل بعض الإدارات في سبيل تطفيش الكفاءات ،، بس احيانا نفس طرق التطفيش الادارات تستخدمها مع غير الكفاءات ! لأن القانون و لله الحمد يحمي الموظف القطري و ما يعرفون شلون يتخلصون من المتسيبة او كثيرة روحات الحسا و البحرين ،،



وين المجلس الأعلى من كل هذا ؟؟؟


هو صح ما راح توظف الا قطرية بس ممكن ممن الأهل تحط بالأخص توافق وقت تفنيشها مع وقت خريجات الثانوية يعني لا تخافون مدبرة من بتحط سواء اهلها او احد تبي تتميلح عنده وظفت اهله والمقابل هي بتحصل مصلحتها يعني شيلني واشيلك

[ANONYMOUS]

هو صح ما راح توظف الا قطرية بس ممكن ممن الأهل تحط بالأخص توافق وقت تفنيشها مع وقت خريجات الثانوية يعني لا تخافون مدبرة من بتحط سواء اهلها او احد تبي تتميلح عنده وظفت اهله والمقابل هي بتحصل مصلحتها يعني شيلني واشيلك



هذا اوضح سيناريو لخطة المديره الفاضله


عاد الله الله في اختكم لاتخلونها وانصحوها وش تسوي في إطار القانون

ولا حد يحط خطط تنكبها مستقبلا

[Ahmed25]

لا تسكتين عنهم و خل كل شي بينج و بينهم رســـــمي .. هذا الحل معهم .. اذا قالولج اي كلمه خلهم يكتبونها في خطاب رسمي ،، خل كل شي رسمي عشان تضمنين حقج.. عادي ااعادة الهيكله تكون انها تجيب ناس من اهلها و توظفهم لا تستغربين .. فلا تسكتين عن حقج

[كريمه زيد]

تدرين وين المشكله !! ان المدرسات مايعرفون حقوقهم لان من الأساس لا المجلس ولا المدارس تبينا نعرف هالحقوق .. تروحين المجلس يقولون من المدرسه والعكس .. عرفتي وين اللعبة !!! حتى في التقييم الموظفين يقيمون حسب الموارد البشرية كذا بند واحنا 40 بند وصفحتين ؟؟؟ تقولين لهم إحنا عالموارد !! يقولون من المجلس !! تكلمين المجلس يقول ماعندنا فورما للتقييم !!!! فججي !
قعدي بمدرستج لو هي قريبه محد يقدر يزحزحج من مكانج والله يحفظ لنا الامير ونصيحة اقري حقوقج عدل في الموارد البشرية واحفظيها ولا تلومين حد لو انتي جاهله بحقوقج تلومين الاخرين !!

[ريماس الغلا]

الخبر من المديرات


هم ما يبونكم يا قطرييات حتى لو تم عندها شاغر

[ريماس الغلا]

اغلب الردود من اناس ما لهم علاقه بالمجلس الاعلى


خذي نصيحتي وروحي يوم الاحد للبرج عند ابراهيم الكواري

او الاخ المسؤول عن التنقلات بين المدارس

[النجلا]

مشكورين كلكم عالردود .. وبالنسبة حق اللي قالوا يمكن المسألة شخصية بينج وبين المديرة هي مب مسألة شخصية فيه موظفات غيري بعد بس سكتوا عنهم لما دروا انهم رآحوا المجلس الأعلى وشافوني انا ساكته وكل ماقالوا شي قلت حاضر وان شاء الله ..

رحت حق ابراهيم الكواري وماقصر جزاه الله خير .. قال لي مايحق لهآ تقولج قعدي في البيت حتى لو كنتي فآئض دام انها ماشافت لج مكان داومي السنة الجاية وراتبج محد يقدر يوقفه لج ..

يوم الأحد بقولهآ وان شاء الله خير..

مع اني احس ماعاد لي قآبلية اكمل معاهم عقب هالحركات .. بس وش حادك عالمر !!

[مرحوم قطر]

الظاهر و الله اعلم

ان الحكومه محدده الداخليه و الجيش و الخويا للقطريين

و مب مدنيين عساكر

[عنزي قطر]

مشكورين كلكم عالردود .. وبالنسبة حق اللي قالوا يمكن المسألة شخصية بينج وبين المديرة هي مب مسألة شخصية فيه موظفات غيري بعد بس سكتوا عنهم لما دروا انهم رآحوا المجلس الأعلى وشافوني انا ساكته وكل ماقالوا شي قلت حاضر وان شاء الله ..

رحت حق ابراهيم الكواري وماقصر جزاه الله خير .. قال لي مايحق لهآ تقولج قعدي في البيت حتى لو كنتي فآئض دام انها ماشافت لج مكان داومي السنة الجاية وراتبج محد يقدر يوقفه لج ..

يوم الأحد بقولهآ وان شاء الله خير..

مع اني احس ماعاد لي قآبلية اكمل معاهم عقب هالحركات .. بس وش حادك عالمر !!


اذا رحتي يوم الاحد ودي نسخه من موضوع الاسهم قولي لهم اعضاء الاسهم القطرية زعلانين عليكم :nice:

[عنزي قطر]

هذي مسؤولية مشتركة ولازم يكون الموظف في نفس الوقت حريص على ما ينفعه و متابع و يعرف الحقوق اللي كفلها له القانون

يعني مب ليش ما قلتولي طول الوقت

الواجب في بداية العام الدراسي نعرف كمدارس موظفينا بقانون المدرسة و سياساتها و قانون الجزاءات و العقوبات و نناقش معاهم توصيفه الوظيفي و مهامهم الوظيفية تبعا لذلك في جلسات خاصة بكل قسم نجيب فيها على تساؤلات الموظفات و نوضح لهم الجزئيات المتعلقة بعملهم

هذا واجب علينا

لكن الواجب على الموظف انه يعرف الحقوق و الواجبات المترتبة عليه كموظف بشكل عام ،،،، اسأل الموظفين اقرب شي هل قرأوا قانون الموارد البشرية اللي فيه القالب العام لحقوقهم كموظفين في قطر تلقى الجواب عند الكثير لا ،، كل ما يعرفونه عن قانون الموارد ان جتهم زيادة ذيك السنة !! حتى مقدار الزيادة و اجزاء الراتب الصحيحة ما يعرفونها بحيث لو نقص 500 والا الف ما راح يعرف الموظف من وين نقصت بالضبط ،، يمكن هالكلام عند الحريم بس ما ادري
عندي موظفة يوم التقييم اقوللها يوم خلصنا من كل شي ،،، بقى شي تبين تقولينه قالت اي ظلمتوني بالراتب انا اخذ 15000 و زميلاتي 17 و شي !!!
سألتها تكلمتي قلتي حق المديرة او كلمتي المحاسب ،،، قالت لا ما تكلمت استحيت اتكلم في فلوس !!! و يوم خاطبنا المحاسب طلع في علاوة هو حسبها غلط من أول السنة الظاهر ولا انتبه و مشى الراتب ،،، طبعا نزل لها بأثر رجعي بس ليش ،، ؟ ليش ما نعرف و نسأل ؟؟؟

و تجي الموظفة ما توقع على تقييمها و تقول انا رافضة و بشتكي ،،، هذي سمعتها من بعض المدارس،،، الموظفة ما تعرف ان التظلم مااااا يتبطل ولا ينظر فيه بدون توقيع الموظفة !!!

الله المستعان

بيض الله وجهك اختي انا استفدت من المعلومات فما بالك المدرسين :)

[بـو ناصـر]

الأخت مدرسة من كلامك يبين إنك ماترضين بالظلم وحقانية بس إحنا نسمع عن مستشارين من المجلس بس كموظفين الصراحة مانشوفهم وفيه تقصير من مسؤولي المجلس الأعلى بأخذ حقوق الموظفين والموظفات في المدارس لذا نتمنى أن يكون هناك متابعة وخاصة المدارس تكثر فيها الشكاوي من أصحاب التراخيص وظلمهم وتعاملهم مع الموظفين فكل مايقوم به مسؤولي المجلس هو تبليغ صاحب الترخيص بشكوى الموظف وسماع أعذاره دون أن إتخاذ إجراءات تضمن للموظفين حقوقهم مما يتسبب في زيادة الظلم على هولاء الموظفين الذي ينتظر حل مشكلته فلا يجد لها حلا بل في المقابل تعقدت الأمور ويعاقب لأنه تكلم وأراد رفع الظلم عنه .

[مدرسة]

إحنا نسمع عن مستشارين من المجلس بس كموظفين الصراحة مانشوفهم وفيه تقصير من مسؤولي المجلس الأعلى بأخذ حقوق الموظفين والموظفات في المدارس لذا نتمنى أن يكون هناك متابعة وخاصة المدارس تكثر فيها الشكاوي من أصحاب التراخيص وظلمهم وتعاملهم مع الموظفين فكل مايقوم به مسؤولي المجلس هو تبليغ صاحب الترخيص بشكوى الموظف وسماع أعذاره دون أن إتخاذ إجراءات تضمن للموظفين حقوقهم مما يتسبب في زيادة الظلم على هولاء الموظفين الذي ينتظر حل مشكلته فلا يجد لها حلا بل في المقابل تعقدت الأمور ويعاقب لأنه تكلم وأراد رفع الظلم عنه .

المستشارين موجودين ،، و يشرفون على عمل المدارس

المعلمة أو الموظفة في المدرسة لها حق تتواصل مع المستشارة في أي موضوع يستشكل عليها بس الملاحظ ان في تعتيم و من الجهتين
من قبل المجلس الأعلى يسكتون عن كثييييير من الأمور علشان يفكون عمرهم من وجع الراس و يتركونها عند المدارس .
و من قبل المدارس علشان ما يفتحون على عمرهم ابواب المطالبات ،،،
انا ما اعتب على المدارس !


أعتب على من وضع الحقوق و المصالح دقها و جليلها بيد أفراد قد يخلصون لله النية و قد تحركهم الأهواء و المصالح !!

و ياريت اختيار هؤلاء الأشخاص يتم بشكل مدروس !

من كم يوم سمعت بشخصية بتمسك ترخيص مدرسة ،، هالإنسانة من عرفتها و إلى الآن ،، خلوقة نعم ، ذوق .. صح لكن لها في كل سنة عالاقل 70 يوم غياب و معروفة بهالشي ! ناهيك عن عدم دقة العمل و التسيب فيه ! كسر قلبي ان الملتزم اللي يذبح عمره يقولون له والله اصبر لين يجيك الدور و تاخذ ترخيص :weeping:،، واللي لاعب لعبته يحصلها بااااردة مبررردة ! :secret:

[بـو ناصـر]

الأخت الفاضلة مدرسة كلامك صحيح الأخوة في المجلس الأعلى شلهم بعوار الراس وسندارة الموظفين يكلمون صاحب أو صاحبة الترخيص يقولون الموظف الفلاني مقدم شكوى شرايك ؟؟ فيرد هذا الكلام غير صحيح وإنتهى الموضوع والمسكين ينتظر أحد ياخذ حقه وإلا يرد عليه على الأقل .. الله المستعان

[بـو ناصـر]

حسب ماسمعت ولا أعلم إذا كان هذا الكلام صحيح أم لا أن موظفات المستقلة لايسمح لهن بالتحدث مع المستشارة وأخذ مشورتها في أي مشكلة تعترضها وإلا أعتبر ذلك تجاوزاً تستحق عليه العقاب .

[طلعة الروح]

فيه بند واضح وصريح ف المجلس الأعلى اسمه " الأمان الوظيفي " ، الا اذا كان هالبند حبر على ورق هاي شي ثاني.....

[حسن]

فيه بند واضح وصريح ف المجلس الأعلى اسمه " الأمان الوظيفي " ، الا اذا كان هالبند حبر على ورق هاي شي ثاني.....

هذا البند موجود في الامم المتحده يمكن

اللي عندنا هو حفظ لامن والسلم الدولي

[مدرسة]

فيه بند واضح وصريح ف المجلس الأعلى اسمه " الأمان الوظيفي " ، الا اذا كان هالبند حبر على ورق هاي شي ثاني.....

مرة وانا اسولف مع ربعي - معلمات - لقيت بعضهم عندهم مواقف تكلموا عنها ،، وحدة منهم من النوع اللي في حالها و ما لها لسان و صاحبة الترخيص لاعبة بها لعبة ،، و هي تكلمني
شفت في عيونها القهر و قلة الحيلة ،، :weeping:

الأمان الوظيفي يبيله موظف قوي و عارف حقوقه له قلب قوي ياخذ حقه من فم الأسد ،،
اما الموظفين الباقيين فيعينهم رب العالمين اذا عندهم صاحب ترخيص أو نواب بليا ضمير :secret:
فكرته حق مكفول للجميع ،،، ولقيته على أرض الواقع ينتهك أكثر مما يوفر للموظف !

[catqat]

ومازال مسلسل مديرات المدارس المستقلة مستمر... !!

[اوف ليميت]

الله يهديكم..اي قانون ماقانون

اليوم قريت لبوحسن (ذكر في العقود الجديدة للمدارس المستقله ان هناك "رعايه صحيه لك ولجميع إفراد اسرتك " وعند الاستفسار تبين فقط الرعايه داخل المدرسه هل يعقل !)

شر البليه مايضحك

[عضيدة بومطر]

يا طلعة الروح اي أمان وظيفي الله يهديج طلعتي روحي قهر يوم قلتي أمان وظيفي لو انج مدرسة راح تعرفين ان المدرسة من الساعة ٧ وحتى الساعة ٢ في كلية عسكرية لازم تقول سمعا وطاعة للادارة وان رفضت شي لازم توقع كتاب رفض وتستلم كتاب لفت نظر او إنذار هذا المعسكر تديره صاحبة الترخيص والتي تعتبرة انه معسكر ورثته من والدها ( بعض المديرات) وتصدر قوانين على كيفها ضاربة بقوانين المجلس عرض الحائط والمدرسة لابد ان تخضع لهذه القوانين وتستجيب لها واحيانا هذه الأوامر تكون القيام بمهام الادارة طبعا يعني ( شغل الادارة ينقط على المدرسة) ولازم يتنفذ والا يوضع اسم المدرسة في القائمة السوداء والتي في النهاية سوف يتم الاستغناء عن خدماتها وتوضع فائض في المدرسة ويتم تحويل ملفها للمجلس ، فاي أمان وظيفي تتكلمين عنه نحن في قهر وظيفي .

[مدرسة]

يا طلعة الروح اي أمان وظيفي الله يهديج طلعتي روحي قهر يوم قلتي أمان وظيفي لو انج مدرسة راح تعرفين ان المدرسة من الساعة 7 وحتى الساعة 2 في كلية عسكرية لازم تقول سمعا وطاعة للادارة وان رفضت شي لازم توقع كتاب رفض وتستلم كتاب لفت نظر او إنذار هذا المعسكر تديره صاحبة الترخيص والتي تعتبرة انه معسكر ورثته من والدها ( بعض المديرات) وتصدر قوانين على كيفها ضاربة بقوانين المجلس عرض الحائط والمدرسة لابد ان تخضع لهذه القوانين وتستجيب لها واحيانا هذه الأوامر تكون القيام بمهام الادارة طبعا يعني ( شغل الادارة ينقط على المدرسة) ولازم يتنفذ والا يوضع اسم المدرسة في القائمة السوداء والتي في النهاية سوف يتم الاستغناء عن خدماتها وتوضع فائض في المدرسة ويتم تحويل ملفها للمجلس ، فاي أمان وظيفي تتكلمين عنه نحن في قهر وظيفي .



:weeping::weeping::weeping:

[النجلا]

اختي طلعة الروح وين الأمان الوظيفي..؟؟؟

انا بقولج وين ..؟ اذا كانت الموظفة تعرف تنافقهم او لسانها طويل ومايقدرون عليهآ.. هني يخافون منها ويحسبون لها حسآب ..

لكن اللي تربيتها ماتسمحلها انها تطول لسآنها و((تلعلع )) عليهم يآكلونهآ ويكرفونها .. عادي يخلونها تداوم لين العصر .. !!

[ريماس الغلا]

متابعـــــــــــــــــــــه

[مدرسة]

اختي طلعة الروح وين الأمان الوظيفي..؟؟؟

انا بقولج وين ..؟ اذا كانت الموظفة تعرف تنافقهم او لسانها طويل ومايقدرون عليهآ.. هني يخافون منها ويحسبون لها حسآب ..

لكن اللي تربيتها ماتسمحلها انها تطول لسآنها و((تلعلع )) عليهم يآكلونهآ ويكرفونها .. عادي يخلونها تداوم لين العصر .. !!

شدخل اختي ؟؟؟؟ يعني المتربية ما تاخذ حقها لازم تستوي ضحية ؟؟؟
والا اللي تطالب بحقها معناها مو متربية ؟؟؟؟
انا من توظفت معلمة جديدة عمري ما سكت عن حقي ،، اذا يسمونها في قاموس المجلس الأعلى لسان طويل ف نعم لساني طويل في الحق :victory: !! ولا آسمح لأي شخص ان يدوس لي على طرف ،، واخذ حقي بالقانون

و اذا هالشخص صاحب اللسان الطويل غير مرغوب فيه و لن يتطور وظيفياً فهذا أيضاً غير صحيح لأن الأرزاق بيد الله اذا قفلوا في وجهك باب يفتح لك ربي الف باب افضل من بابهم !! و الحمدلله ترقيت وظيفيا اسرع من زميلاتي ولا زال لساني طويل ( في الحق :nice: )

[حـ ن ـيـ ن]

دائماً اسمع أن المدراء يريدون توظيف الأجانب بدلا من القطريين

والسبب راتب الموظف القطري عالي !!!!!

وبما أن الرواتب من الدولة فما هي مشكلة المدير ان قلت الرواتب أو زادت ؟!!!!

[حسن]

شدخل اختي ؟؟؟؟ يعني المتربية ما تاخذ حقها لازم تستوي ضحية ؟؟؟
والا اللي تطالب بحقها معناها مو متربية ؟؟؟؟
انا من توظفت معلمة جديدة عمري ما سكت عن حقي ،، اذا يسمونها في قاموس المجلس الأعلى لسان طويل ف نعم لساني طويل في الحق :victory: !! ولا آسمح لأي شخص ان يدوس لي على طرف ،، واخذ حقي بالقانون

و اذا هالشخص صاحب اللسان الطويل غير مرغوب فيه و لن يتطور وظيفياً فهذا أيضاً غير صحيح لأن الأرزاق بيد الله اذا قفلوا في وجهك باب يفتح لك ربي الف باب افضل من بابهم !! و الحمدلله ترقيت وظيفيا اسرع من زميلاتي ولا زال لساني طويل ( في الحق :nice: )

انا اشوف انا مجلس الشوري المنتخب من قبل الشعب لازم يتاجل عشر سنين اخرى
لين يسسير الكل حقوقه ماشيه زي الفل ولا تبي لسان طويل ولا لوي ذراع وعضلات
ولا لين الله يبل القوم بقوم اخرين خلاص رفعت الاقلام وجفت الصحف

[طلعة الروح]

أنا أشوف ان مافي قصة ولا في قضية أصلا ، كل ما في الأمر ان ادارة مدرستج عندها حالة مستعصية من التخبط وعدم فهم للأمور
الأخت النجلا ذكرت مشكلتها وذكرت من ضمنه الحل أيضا
والإخوان ماقصروا بينوا القانون الواضح والصريح
الدولة قالت لكم في حالة كذا اسلكوا الطريق A ، البعض يبي يسلك طريق B بدون داعي:) Piece of cake
وانتي بنفسج قلتي لا يوجد كتاب رسمي من المدرسة بالتفنيش ولا حتى الرغبة في التفنيش
ولي صار فيه تفنيش ووافق عليه المجلس الأعلى وصدقه ، هنيه نقدر نقول "هناك قضية " تستوجب التدخل السريع.................

[الصغيره]

لا تسكتين واطلبي المشوره من ادارة العمل واسالي وقولي وش ذنبي

الحين المقيمه افضل مني بويش وبعدين وين نروح ونترك المكان لمن

حسبي الله والنعم الوكيل

[النجلا]

.. ورقة إخلاء الطرف طنشت وماسويتها . .المديرة شافتني اليوم وكنت متعمدة ادخل اسلم عليهآ عشان اراويها اني موجودة إلا تقولي : ها خلصتي اخلاء الطرف ..؟؟؟:eek5:

قلت لها : لاالمجلس الأعلى قالولي تمي في دوامج .. إلا تقولي لا لا مايصير من اللي قآلج لاتسمعين كلام من برع واصلا المجلس لو قالولج تمي لازم يعطونج ورقة .. قلت لهأ ماسمعت كلام من حد .. إلا تقولي عيل رحتي حق من ..؟ (( عبآلهآ اني اكذب عليهآ واني مارحت بس سمعت كلام البنات اللي معاآي ))

قلت لها رحت حق ابراهيم الكواري وقآلي تمي في دوامج حتى لو كنتي فآئض وداومي السنة اليآية .. هني صآر ويهها جذي :secret::eek5: .. سكتت وماقدرت تقول غير خير ان شاء الله .. :nice::nice:

[الـخـالـدي]

قالوها المسكين ماكول حقه بس بولسانه محد يقدر عليه

الله يعينج اختي بس لازم تاخذين حقج كامل وماتسكتين عنهم بس الموضوع كله ظلم في ظلم وكله شكوى في شكوى يعني بتشتكين على من وعند من و الكل يشتكي منهم !!!!

المجلس الاعلى الكل يشتكي منه و انتي تشتكين من مدرستج تهقين بينفعونج اللي بتشتكين عندهم اللي يشتكون عليهم

الموضوع ملخبط وطويل ويضيع

السموحه منج بس الله يعينج عليهم لو تشوفينلج مكان ثاني ابركلج و اريحلج من هالمكان

تقبلي مروري

[7llo]

الشيخه روحي اشتكي عليهم في مجلس الشورى الي طلع منه قانون الموارد البشريه

[آنــه]

والله يا خيتي اذا كان جايج كتاب بإنهاء الخدمة والا جايج كتاب باي شي به الخصوص جمعي كل الكتب وأخري قانون المجلس الاعلى للتعليم وقاراته وعلى وشو ينص القانون وروحي لأي محامي مختص في القضايا الادارية واستشار يه في هالموضوع وطالبي بتعويض مالي على هالصور النفسي اللي سبقوه لج
بس شوفي لج محامي شاطر وانتي الربح انه بعدها قدمي على وظيفه ثانيه
تضمين فيها حقوقك ولا تقعدين في هنا لمجتمع الاستعبادي

تحت رعاية المجلس الاستعبادي الظالم

[kitmat]

حسبي الله ونعم الوكيل الاجانب الان هم الذين لهم القرار والسلطا ت العليا في المدارس مازال التقطير ليس له وجود وهذا كله من المجلس الاعلي هو من يعطي الضوء الاخضر لهم مازالت منسقات علوم الشريعة من هي اردنيه اوذات جنسيات اخرى تلعب بالقطريه لعبه وتفر راسهم فر القطريات اللي تحتها لهم خبرة وامتيازات عديده تبقى مدرسه اما الاجنبيه منسقة لماذا لا اعلم لماذا حتى الان لايتم تقطير الاجانب في الشريعة واللغة العربية لماذا المجلس الاعلى يجلس مكتوف الايدي لديهم كل مايثبت بان القطرية هي كفؤ ولكن لحد الان الاجنبية تعين فوقها وياريتهم راضين بالراتب الي اهمة مش محصلين نصة في بلدانهم ولا يتفوهون بذلك امامنا لماذا لا ناخذ نفس راتبكم في قلوبهم حسد كبير وحقد كبير عندما تتقدم قطريةة يتم رفضها من قبل المنسقة الاردنيه بينما تقوم بتعين اردنيات من ربعها وجنسيتها لاكن ماقول الاحسبي الله علي من ولاهم علينا*

[لاجل QT]

لازم تجيب لج العقد الجديد اللى نوقعة نهاية كل سنة..طالبي فية

[bo_hamad]

ان ما نفعوج روحي لأقرب جريدة رسمية وفضحيهم والله يوفقج

[شموع قطريه]

دائماً اسمع أن المدراء يريدون توظيف الأجانب بدلا من القطريين

والسبب راتب الموظف القطري عالي !!!!!

وبما أن الرواتب من الدولة فما هي مشكلة المدير ان قلت الرواتب أو زادت ؟!!!!

حبيبتي هذاك اول الرواتب من الدوله .. الحين الرواتب سلموها صاحب الترخيص وهو اللي يوزعها بكيفه .. اللي صاير ان الدولة تخصص ميزانية للمجلس الاعلى والمجلس الاعلى يخصص ميزانية كبيره لكل صاحب الترخيص ومنها بتكون رواتب الموظفين ومصروفات الطلاب ومصروفات كل مايتعلق بالمدرسه وهو يتصرف بهذه الميزانية المخصصه له بكيفه .. يخصم من الرواتب ، يزيد الرواتب ، وطبعا صاحب الترخيص راح يحاول يوفر مبلغ لابأس به من وراء هالميزانية فيقوم بالتالي بتعيين موظفين اقل اجورا من غيرهم .. يعني بدال مايعطي القطري 50 الف يقسمها على ثلاثة مدرسين اجانب وبجذيه بيوفر من الميزانية المخصصه له كثير من المال .. هذا غير الاستعباد اللي يمارسونه اكثر اصحاب التراخيص كون المجلس الاعلى عطاه الترخيص وسلمه الخيط والمخيط وحسسه انها مدرسة ابوه فصار عند الكثير منهم داء العظمه يعني مايراعي الله في موظفينه ويعتبرهم يشتغلون عنده وبالتالي يستغلهم ويستعبدهم واذا ماعجبوه ممكن يستغني عنهم في اي وقت حيث انه في المدارس المستقله مافيه امان وظيفي ممكن يستغني عنج صاحب الترخيص في اي وقت ويعطيج اوراقج ويقول لج روحي دوري لج مدرسه ثانية .. وغيرها وغيرها من وسائل تطفيشية للمدرس القطري والله المستعان ..

[آنــه]

لا تتكلمون عن الاجانب لان التوجه الحالي للمجلس الاعلى هو التقطير وانهاء خدمات الاجانب
من هنديات وفلبينيات و اخواتنا من الدول العربية
والحق يقال ان هذا الشيء يحسب للمجلس الاعلى باعادة المدرسات القطريات الى كادر التعليم

لكن يظل هناك امور سلبية في نظام المجلس الاعلى
وانا لا امجد قرارتهم بل اثني على ماهو في الصالح العام وفي صالح المدرسات القطريات

[آنــه]

حبيبتي هذاك اول الرواتب من الدوله .. الحين الرواتب سلموها صاحب الترخيص وهو اللي يوزعها بكيفه .. اللي صاير ان الدولة تخصص ميزانية للمجلس الاعلى والمجلس الاعلى يخصص ميزانية كبيره لكل صاحب الترخيص ومنها بتكون رواتب الموظفين ومصروفات الطلاب ومصروفات كل مايتعلق بالمدرسه وهو يتصرف بهذه الميزانية المخصصه له بكيفه .. يخصم من الرواتب ، يزيد الرواتب ، وطبعا صاحب الترخيص راح يحاول يوفر مبلغ لابأس به من وراء هالميزانية فيقوم بالتالي بتعيين موظفين اقل اجورا من غيرهم .. يعني بدال مايعطي القطري 50 الف يقسمها على ثلاثة مدرسين اجانب وبجذيه بيوفر من الميزانية المخصصه له كثير من المال .. هذا غير الاستعباد اللي يمارسونه اكثر اصحاب التراخيص كون المجلس الاعلى عطاه الترخيص وسلمه الخيط والمخيط وحسسه انها مدرسة ابوه فصار عند الكثير منهم داء العظمه يعني مايراعي الله في موظفينه ويعتبرهم يشتغلون عنده وبالتالي يستغلهم ويستعبدهم واذا ماعجبوه ممكن يستغني عنهم في اي وقت حيث انه في المدارس المستقله مافيه امان وظيفي ممكن يستغني عنج صاحب الترخيص في اي وقت ويعطيج اوراقج ويقول لج روحي دوري لج مدرسه ثانية .. وغيرها وغيرها من وسائل تطفيشية للمدرس القطري والله المستعان ..



لا الشيخه بعد التلاعب بالمال العام
عادت الرواتب الى المجلس الاعلى للتعليم وليست في تصرف صاحب الترخيص :)

[أسير الأحلام]

السلام عليكم ورحمة وبركاته

اخواني وخواتي بشرح لكم موضوعي وابي رآيكم وشوركم .. انا مساعدة مدرسة في مدرسة مستقلة ..

صار عندنا اجتماع مع المديرة والنائبة الأكاديمة وقالولنا ان المجلس الأعلى مسوي هيكلة جديدة وحدد عدد معين من الموظفات في كل قسم وانهم حاولو مع المجلس وقالولهم احنا مانقدر نستغني عن موظفاتنا بس هآذي هيكلة وقانون يمشي عالكل .. وانتوا فائض خلاص ..ولأني مساعدة قالولي الله يوفقج وشوفي لج مكان ثاني ولاتداومين السنة اليآية ومع السلامة ..

وبما إني جديدة في سلك التعليم صدقت في البداية ورحت من ثاني يوم اقدم اوراقي كذا مكان ورحت وزارة العمل استغربوا قالولي بس جذي يقولون لج اطلعي بدون كتاب نقل او ترشيح قلت هذا اللي صآر قالولي مانقدر ندور لج مكان ثاني لين تجيبين اخلاء طرف .. رحت ثآني يوم قلت حق المديرة ان وزارة العمل يبون اخلاء طرف قالت اخر اسبوع من الدوام بعطيج ..

لكن غيري كان اشطر راحوا وسألو في المجلس الأعلى وسمعوا كلام ثاني ان الموضوع مب من عندهم وسالفة الهيكلة كانت بتنطرح لكن انلغت !!! ومب من حق المدرسة تفنش موظفات قطريآت إلا لازم تبدي اسبابهآ!!!!

رحت انا المجلس عقبهآ وقآلولي نفس الكلام اللي انقال حق الموظفات وتأكدت ان الموضوع مب من المجلس الأعلى من عند المدرسة وقالولي حتى لو انتي فائض اذا مدرستج مارشحتج فمدرسة ثانية ولاطلبت لكم نقل ماتطلعون وتداومون السنة الجاية حتى لو كنتوا فائض ورواتبكم مابتوقف!!! مع العلم ان في الاجتماع قالولي اخر راتب تستلمينه شهر 7 !!!!

والغريب في المدرسة انهم عطوني ورقة استكمال بيانات حق العقد السنة الجآية ويقولون لي عبيهآ ماتدرين يمكن المجلس الأعلى يغيرون رآيهم ويقولون خلوهم خلاص ..؟؟؟

عقب ماعبيت ورقة استكمال البيانات بكم يوم إلا مطرشين لي ورقة اخلاء طرف حالي حال باقي الموظفات العربيات وانا القطرية الوحيدة اللي مطرشين لأن مالي صوت وماتكلمت ولا رديت عليهم مثل الباقي وقالولي خلصيها بسرعه !! بس خليتها عندي وماسويت فيهآ شي ..

بصرآحة كرهت المدرسة وكرهت المجلس الأعلى بكبره ومب عارفة شسوي ..؟؟
انتوآ شرآيكم وشلون اتصرف معاهم ..؟؟؟!!

لا تسكتين عن حقج واتجهي إلى مكتب الوزير ولو ما نفع وهذا الأرجح عندج القضاء الإداري

[شموع قطريه]

لا الشيخه بعد التلاعب بالمال العام
عادت الرواتب الى المجلس الاعلى للتعليم وليست في تصرف صاحب الترخيص :)

دام انها عادت للمجلس الاعلى عيل ليش كل مدرسة فيها محاسب ومتعاقدين مع شركات محاسبة والخصومات اللي على التاخير والاستئذان والرواتب اللي يتاخر صرفها عن موظفات بعض المدارس وبدل التذاكر اللي نزلوه هالسنة بعض المدارس وبعضهم لا هذا كله يدل على ان المدرسة هي اللي تصرف الراتب مب المجلس الاعلى .. يجوز يكون كلامك صحيح بس اللي نشوفه مايدل على ان الرواتب تنصرف من المجلس الاعلى ..

[آنــه]

الحين انا اتكلم عن رفيجتي عندها ترخيص ومرت اخوي في المدرسه تشتغل
هي بلسانها قالت لي اول يعني السنه اللي طافت بالضبط كان هالشي موجود ومرت اخوي كانت متضرره من تاخر الراتب لكن الحين الرواتب تجي كامله ومن المجلس الاعلى وهم اللي يتحكمون بالراتب وبالخصومات .. اما بدل التذاكر اللي تقولون عنه ترى انا ما استفسرت عنه ابدا بس مب عيب نستفسر عن هالموضوع .. بس الاكيد ان الرواتب من المجلس الاعلى وليست تحت تصرف المديره أو صاحبة الترخيص

[الكونتيسه غلا]

السلام عليكم ورحمة الله وبركاته
اختي القانون معاج ،،
تقدمي بشكوى للمجلس الاعلى ،، :anger1:
بعد ماتخذين حقوقج ،، غيري وظيفتج :)
ربي يوفقج حبوبه

[الكنترول]

أنا أقترح يردون على نظام وزارة التربية أولا وتبقى المديرة مديرة وبس ,,,

بلا أصحاب تراخيص ضاع التعليم من أصحاب التراخيص بس همهم الوحيد

جمع المال على احساب الطلاب الضائعين ’’’’

إلا متى وأنتم على هذا الحال وين أصحاب القرارهم ما يسمعون ولا يشوفون الفوضى في

التعليم ولا هم مصريين على قراراتهم ,,,, أنقضوا التعليم يأصحاب القرار وحطوا أيديكم بأدي

المدرسيين والمدرسات وترجع القطرية غصبن عن صاحبة الترخيص وتعين حسب

تخصصها وراء خشم صاحبة الترخيص أو من ينوب عنها لأن بعض أصحاب التراخيص

نائمين في بيوتهن ومتى ما طرأ عليها جاءت تسحب عباءتها تتمخطر داومت ساعة وبعدين

قالت عندي اجتماع خارج المدرسة مادري من تجتمع معه الوزير ولا هي في البيت ههههه

خافوووووووووووووووووا الله

الحين القطرية تنطرد من عملها وتم تراكض بين المدراء والوزراء كيف ترضون على بناتكم

عيب والله ,,, حنا معرفنا لكم مادري ويش تبغون توصلون له...

أنتم تفكرون أن زيادة الراتب بتغري الموظف للي هو مدرس ولا مدرسة لا ثم لا ثم لا

الكرامة ولا لستعباد

وراح تشوفون بعيالكم شلون بيضيعون في تعليمهم بعد المدرس لقطري أو لقطرية

خافوووووووووووووووووا الله يأصحاب القرار

ألا تعلمون أن الله يمهل ولا يهمل



:tease::omen2::tease:


دمتم بود مع ابو عبدالله

[kitmat]

أنا أقترح يردون على نظام وزارة التربية أولا وتبقى المديرة مديرة وبس ,,,

بلا أصحاب تراخيص ضاع التعليم من أصحاب التراخيص بس همهم الوحيد

جمع المال على احساب الطلاب الضائعين ’’’’

إلا متى وأنتم على هذا الحال وين أصحاب القرارهم ما يسمعون ولا يشوفون الفوضى في

التعليم ولا هم مصريين على قراراتهم ,,,, أنقضوا التعليم يأصحاب القرار وحطوا أيديكم بأدي

المدرسيين والمدرسات وترجع القطرية غصبن عن صاحبة الترخيص وتعين حسب

تخصصها وراء خشم صاحبة الترخيص أو من ينوب عنها لأن بعض أصحاب التراخيص

نائمين في بيوتهن ومتى ما طرأ عليها جاءت تسحب عباءتها تتمخطر داومت ساعة وبعدين

قالت عندي اجتماع خارج المدرسة مادري من تجتمع معه الوزير ولا هي في البيت ههههه

خافوووووووووووووووووا الله

الحين القطرية تنطرد من عملها وتم تراكض بين المدراء والوزراء كيف ترضون على بناتكم

عيب والله ,,, حنا معرفنا لكم مادري ويش تبغون توصلون له...

أنتم تفكرون أن زيادة الراتب بتغري الموظف للي هو مدرس ولا مدرسة لا ثم لا ثم لا

الكرامة ولا لستعباد

وراح تشوفون بعيالكم شلون بيضيعون في تعليمهم بعد المدرس لقطري أو لقطرية

خافوووووووووووووووووا الله يأصحاب القرار

ألا تعلمون أن الله يمهل ولا يهمل



:tease::omen2::tease:


دمتم بود مع ابو عبدالله

حسبي الله ونعم الوكيل الاجانب الان هم الذين لهم القرار والسلطا ت العليا في المدارس مازال التقطير ليس له وجود ولن يكون له وجود اذا ظل المجلس الاعلى في سباته وهذا كله من المجلس الاعلي هو من يعطي الضوء الاخضر لهم مازالت منسقات علوم الشريعة من هي اردنيه اوذات جنسيات اخرى تلعب بالقطريه لعبه وتفر راسهم فر, القطريات اللي تحتها لهم خبرة وامتيازات عديده وينهم ميتين من القهر التعين تحت يدهم التنسيق لهم, الكلمه لهم والله احنا مب عايشين في بلادنا اما الاجنبيه منسقة لماذا لا اعلم لماذا حتى الان لايتم تقطير الاجانب في الشريعة واللغة العربية لماذا المجلس الاعلى يجلس مكتوف الايدي لديهم كل مايثبت بان القطرية هي كفؤ ولكن لحد الان الاجنبية تعين فوقها وياريتهم راضين بالراتب الي اهمة مش محصلين نصة في بلدانهم ولا يتفوهون بذلك امامنا لماذا لا ناخذ نفس راتبكم في قلوبهم حسد كبير وحقد كبير عندما تتقدم قطريةة يتم رفضها من قبل المنسقة الاردنيه بينما تقوم بتعين اردنيات من ربعها وجنسيتها لاكن ماقول الاحسبي الله علي من ولاهم علينا*

[مدرسة]

حبيبتي هذاك اول الرواتب من الدوله .. الحين الرواتب سلموها صاحب الترخيص وهو اللي يوزعها بكيفه .. اللي صاير ان الدولة تخصص ميزانية للمجلس الاعلى والمجلس الاعلى يخصص ميزانية كبيره لكل صاحب الترخيص ومنها بتكون رواتب الموظفين ومصروفات الطلاب ومصروفات كل مايتعلق بالمدرسه وهو يتصرف بهذه الميزانية المخصصه له بكيفه .. يخصم من الرواتب ، يزيد الرواتب ، وطبعا صاحب الترخيص راح يحاول يوفر مبلغ لابأس به من وراء هالميزانية فيقوم بالتالي بتعيين موظفين اقل اجورا من غيرهم .. يعني بدال مايعطي القطري 50 الف يقسمها على ثلاثة مدرسين اجانب وبجذيه بيوفر من الميزانية المخصصه له كثير من المال .. هذا غير الاستعباد اللي يمارسونه اكثر اصحاب التراخيص كون المجلس الاعلى عطاه الترخيص وسلمه الخيط والمخيط وحسسه انها مدرسة ابوه فصار عند الكثير منهم داء العظمه يعني مايراعي الله في موظفينه ويعتبرهم يشتغلون عنده وبالتالي يستغلهم ويستعبدهم واذا ماعجبوه ممكن يستغني عنهم في اي وقت حيث انه في المدارس المستقله مافيه امان وظيفي ممكن يستغني عنج صاحب الترخيص في اي وقت ويعطيج اوراقج ويقول لج روحي دوري لج مدرسه ثانية .. وغيرها وغيرها من وسائل تطفيشية للمدرس القطري والله المستعان ..

عزيزتي الجملة فيها شي غلط. رواتب القطريين من المجلس مو من المدرسة! يعني راتبك ينزل من المجلس على حسب درجتك الوظيفية و مسماك الوظيفي محد يقدر يزيدك ( الا العمل بدل الاضافي وله حد اقصى هو 40٪ ) ولا احد يقدر ينقص من راتبك ( الا اذا عليك مخالفة صريحة مثبتة و الخصم حده ربع يوم نص يوم او يوم من الراتب و لازم قبله تنبهات شفويه و ثلاث تنبيهات كتابية )
يا ريت حد اداري يفيدنا اكثرر،،

[shaheen-915]

طبعا ايش متوقعين تراهم فشل بفشل اقسم بالله معاي بكالوريس وماجستير ودورات ومدير المدرسة بكالوريس علم اجتماع وما يدري شيقول وفنشني من الشغل فلسفة الله المستعان

[شموع قطريه]

طبعا ايش متوقعين تراهم فشل بفشل اقسم بالله معاي بكالوريس وماجستير ودورات ومدير المدرسة بكالوريس علم اجتماع وما يدري شيقول وفنشني من الشغل فلسفة الله المستعان
اخوي اذا على الدورات والشهادات بيعطونك حقك جان ماشفت حد قعد في البيت لكن المجلس الاعلى يرز اللي مايستاهلون ويستغني عن الخبرات والكفاءات بكل سهولة .. مانقول الا الله يصلح الحال