سياره كلاسيك

[بوالبيض]

السلام عليكم ورحمة الله وبركاته
سياره كلاسيك معناها سياره قديمه يمتلكها صاحبها من سنوات طويله 20 سنه 30 سنه
ونادره .. وطبعا السياره الكلاسيك القديمه تكونه غاليه وعلي حسب الموديل والنظافه
وطبعا اكثر الي يغتنون السيارات القديمه تجار واصحاب املاك لانها غاليه وبعضها
بطلبيه من الخارج بموصفات طبعا بعضهم حب في السيارات هوايه والبعض للتجاره
اما البعض للزينه والفشخره وشوفوني راكب سياره كلاسيك او شوفوني حاط سياره
كلاسيك في البيت وكثره هل الحركه والموضه سياره كلاسيك بقيمه عاليه فقط للزينه
او استعمال شهري مره واحده اكثرهم طبعا تقليد وبعضهم بقرض بنكي او يجمع له
مبلغ كبير علي مدار السنوات عشان يشتري سياره للزينه او الفشخره ليش زين
يعني هل المبلغ لو مستفيد منه في شي ينفعك احسن بوايد انا الي خلاني اكتب
هل الموضوع لان كثرة السيارات الكلاسيك للزينه والفشخر واكثرهم سلف
وتقليد للغير .
مادري وش رايكم .... موفقين جميع

[أبو راكان]

اخوي العزيز بوالبيض
السياره الكلاسيك مثلها مثل اي تحفه اخرى
يعني قيمتها تزيد كل مازاد عمرها وصارت اقدم
انا عندي سيارتين كلاسك وحده كمارو 69 والثانيه فورد كونتنتال 67
تراها هوايه حلوه مايحس فيها الا المهتم فيها وبنفس الوقت مب خساره ولاتبذير

[بوالبيض]

اخوي العزيز بوالبيض
السياره الكلاسيك مثلها مثل اي تحفه اخرى
يعني قيمتها تزيد كل مازاد عمرها وصارت اقدم
انا عندي سيارتين كلاسك وحده كمارو 69 والثانيه فورد كونتنتال 67
تراها هوايه حلوه مايحس فيها الا المهتم فيها وبنفس الوقت مب خساره ولاتبذير


حلو هوايه حلوه بس انا قصدي الي ياخذ قرض ولا بدون استعمال

[كلنا قطر 1981]

اخوي الغالي بو البيض

انا واحد عندي عشق غير طبيعي حق السيارات الكلاسيك و خصوصا الامريكيه السبورت

الي من موديل 80 و انت نازل و حاليا قاعد في موتر موديل 78 قاعد اقردن راعيه اني اخذه

منه و ان شاء الله باخذه و طبعا لين جى وقت الاستخدام مب مستخدمها بشكل دايم يعني حدي

اطلعها في الشتاء و حتى في الشتاء مب طالع فيها يوميا يمكن في الاسبوع مرتين و يمكن اقل

او اكثر يعني يالغالي مب ماخذ الموتر لا حق زبووو و لا حق انه شوفوني

السالفه و مافيها حب للموتر و لانه قبل واحد من اخواني الكبار كان عنده وحده و انا صغير

و كنت احب السياره ذي طبعا وقت الموتر كان عند اخوي ذيج الايام ما كان كلاسيك

يعني بالعربي يالغالي في علاقة عشق بيني و بين المواتر القديمه

ممكن وجهة نظرك اخوي تكون هذي السياره مالها قيمه و اكيد في ناس تاييدك و انتوا نظرتكم

صحيحه بس في نفس الوقت احنا ناس لنا نظره حق هالمواتر انها تسوى و تسوى الشي الكثير

بعد و خصوصا اذا كانت شد بلادها بمعنى توايرها نفس التواير الي تجي عليها من المصنع و

الفرش الداخلي يكون فرش المصنع و ما تكون منجده و حتى الريديوا ريديوا المصنع مب ابو

سي دي او ابو فلاش و المكينه تكون مكينة المصنع يعني هالاشياء كلها تفرق في سعر الموتر

الكلاسيك و صدقني انه هالمواتر في لها عشق غريب يمكن انت ما صادك و احمد ربك بعد انه

ما صادق لانك بتتلته نفس حالتنا في النت ندور و في طلبيات حق قطع الغيار و سالفه عويصه

بس تدري لين الحب تطلب شي لازم توفره لها حتى لو على حساب نفسك :shy: ((الحب

المقصود فيه الموتر :nice:)) تدري يالغالي لو تشابهت الاذواق لبارت السلع

كل التوفيق لك اخوي بوالبيض على الطرح الطيب

[ابوالكلام]

انا اقول استمتعو بالسيارات الجميلة الكلاسيكية هواية جميلة

[اوف ليميت]

انا اقتني 3 سيارات كلاسيك

بونتياك جي تي او 1967
كورفييت ستنغ راي 1974
موستانغ ماك1 1972

السبب؟ .. مش مثل ماتقول...السياره ريفربيشد أو كستمد وشغالين..لكن عمري ماطلعت فيهم ابعد من فريجنا..فقط عشان احافظ على بطاريتهم والمكينه
لا اتمشى فيهم ولا افوشر فيهم ولا عارضهم للبيع ولاشي...بس كذا من الله حب بداخلي للسيارات الكلاسيك

انا اتمنى اني ابيعهم لكن بشرط ... ابي ابادل مع لامبورغيني كاونتش اس اي25..اللي هي اطلعت مالت ال25 انيفرسيري لل لامبورغيني

هذي امنيتي وعقب بوقف اقتناء سيارات اخرى كلاسيك

صحيح متعبه ولكن اللي تحتاج ريفربشينق مره ثانيه تكسر الظهر شوي..بس الحمدلله لا سلف لابنوك ولا شي..اللي عنده ميزانيه يستانس واللي ماعنده يجمع سيارات كلاسيك تحف مصغره وخلاص (ماقولها طنازه بس في ناس عندها هلوسه وتجمع تحف مصغره لسيارات كلاسيك) كيفهم محد قال شي

[kuwari]

صحيح الهوايات تعتبر مكلفة بكل انواعة والسيارات الكلاسيك ما يحس الى اللي عندة

[Buxton]

لا فشخره ولا شي
اكثر الناس ياخذونها حب للسياره
او لهم ذكريات مع نفس السياره
والهاوي بيدفع للشي اللي يهواه ويحبه
والسبب انه مايطلعون فيها او يوقونها لانها ما تستحمل الاستعمال اليومي
فـ تشوف اكثر الناس يطلعونها فالشتاء فقط
ونااادر جدا اللي ياخذ قرض علشان سياره كلاسيك
وهي صراحه متعه وبتحس بها اذا كان عند سياره كلاسيك

[حفيد الأنصار]

^^
اقنعوني الاعضاء
شكرا على طرحك للموضوع

[الفا برافو]

يازين سيارتي الترانز ام 73

يكفي اطلع فيها لفه واستمتع بصوت مكينتهااا

:)

[w4rr10r]

وعليكم السلام ..
لا تدقق وآيد دام الموضوع مب عآجبك ..
كل/ ن يسوي الي يبيه بدون لا يضر احد ..