وسائل الأمن والسلامه بالمنازل والفلل الجديده ..

[Chambray]

تكاد تخلو منازلنا وفللنا من وسائل الامن والسلامه
على سبيل المثال :
طفايات الحريق
بطانيات الحريق
إلخ ..


هل لديكم اقتراحات لتنفيذ هذه الامور في الفلل .؟؟

انا عن نفسي امفكر اعمل اماكن مخصصه لطفاية حريق
وحده في المطبخ الخارجي
وحده في الطابق الارضي ( تحت الدرج )
وحده للبانتري ( الطابق الاول )
وحده للبنت هاوس
ووحده للمجلس
( عدة اسعافات اوليه )
بطانية حرائق ( للمطبخ الرئيسي ) إلخ ......



يجب ان لا نستهين في مواضيع الامن والسلامه

بيوتنا خسرنا ودفعنا فيها دم قلبنا .. فلا نستخسر على نفسنا 1000 او 2000 او 3000 ريال


ولحد يستخسر على نفسه في الكهرباء
اكثر مسببات الحرائق هي الكهرباء ... الله يحمينا وياكم من كل مكروه وشر .. والي عنده اضافه خليتفضل

[بن غيث]

اتمنى ان نقوم بهذا الاقتراح من انفسنا ولا ننتظر اجبار الدفاع المدني بتطبيقها
وفي النهاية نحن المستفيدون
وارجوا من كل صاحب بيت يطبق هذا الاقتراح

[آلملآزم]

فعلاً موضوع مهم والمفروض أننا حاسبين حسابه من زمان
ومن فتره صراحه وأنا أفكر في هالموضوع
ربي يعطيك العافيه

[ولد المنصور]

والله الفكره في بالي,, وناوي اخذلي طفايات حريق ,,,,,,
وقتراحك في محله اخوي ,, ويعطيك الف عافيه

[al saad]

انا بسوي في البيت الجديد خزائن خشبيه ديكور مع مريا وادراج مثل التسريحه فيها طفايات مخفيه مع شعار بوجود طفايه داخلها صغيره وخلفها بلك كهرباء وفيهل اناره طوارء مخفيه لين تنقطع الكهرباء تشتغل

[معماري قطري]

إخوي نسيت شيء مهم جداً باذكرك به

اللي هو جهاز الإنذار بوجود الدخان .. وهو جهاز صغير يتركب في السقف وفي المسار المتوقع إن يتحرك فيه الدخان في حال حريق لا قدر الله ... وفيه نوعيات سهلة وببطارية والمفروض تكون رخيصة .. انا شريت واحد من أمريكا في حدود 5 دولار وإحتديت أشتري من قطر طلع علي ب 300 وشي نسيت بالضبط كم ... لا وبدون بطاريه مع ان الكرتون مكتوب عليه ان البطارية موجوده.

وهذا الجهاز سهل تركيبه بدريل وبرغي واحد صغير بس وإذا قربت البطارية تفضي يعطي صوت متقطع ، ويفترض الواحد يركبه في أغلب الأماكن لأن مشكلة الحريق محد يدري بها الا بعد ما ينزل عليه الدخان ويستنشقه ويكون أقرب للموت وقت النوم .. ومعروف إن الدخان يرتفع فوق وإذا عبى الجزء الفوقي نزل تحت وبدأ يتسرب من كل مكان، ومعروف إنه في حالة الإنذار بجهاز موصول بالكهربه إنه أغلب الحرايق تكون من التماس كهربي وتطفى الكهربه ولا تشغل الجهاز.

أذكر قبل لين تكلمت في هذي النقطه يزعلون علي يقولون لي لتفاول ... الحين الحمد لله فيه وعي وفهم.

وزين للي يصممون جديد يسون مخارج طواريء ومهم للبيت يكون فيه درج ثانوي للسطح لو لا قدر الله انسدت المنافذ التحتيه الواحد يطلع فوق ولو فيه درج خدمات خارجي ممكن ينزل عليه أو يجون الإنقاذ.

ومهم فحص الطفايات وتعليم الخدم عليهم ووضعهم في مكان سهل الوصول له وقريب من الكل وتبين واضحه .. ونوعية البودره تجي حمرا وتصلح للحرايق المنزلية وحتى الكهربية ... وسلامتكم من كل شر.

[Chambray]

إخوي نسيت شيء مهم جداً باذكرك به

اللي هو جهاز الإنذار بوجود الدخان .. وهو جهاز صغير يتركب في السقف وفي المسار المتوقع إن يتحرك فيه الدخان في حال حريق لا قدر الله ... وفيه نوعيات سهلة وببطارية والمفروض تكون رخيصة .. انا شريت واحد من أمريكا في حدود 5 دولار وإحتديت أشتري من قطر طلع علي ب 300 وشي نسيت بالضبط كم ... لا وبدون بطاريه مع ان الكرتون مكتوب عليه ان البطارية موجوده.

وهذا الجهاز سهل تركيبه بدريل وبرغي واحد صغير بس وإذا قربت البطارية تفضي يعطي صوت متقطع ، ويفترض الواحد يركبه في أغلب الأماكن لأن مشكلة الحريق محد يدري بها الا بعد ما ينزل عليه الدخان ويستنشقه ويكون أقرب للموت وقت النوم .. ومعروف إن الدخان يرتفع فوق وإذا عبى الجزء الفوقي نزل تحت وبدأ يتسرب من كل مكان، ومعروف إنه في حالة الإنذار بجهاز موصول بالكهربه إنه أغلب الحرايق تكون من التماس كهربي وتطفى الكهربه ولا تشغل الجهاز.

أذكر قبل لين تكلمت في هذي النقطه يزعلون علي يقولون لي لتفاول ... الحين الحمد لله فيه وعي وفهم.

وزين للي يصممون جديد يسون مخارج طواريء ومهم للبيت يكون فيه درج ثانوي للسطح لو لا قدر الله انسدت المنافذ التحتيه الواحد يطلع فوق ولو فيه درج خدمات خارجي ممكن ينزل عليه أو يجون الإنقاذ.

ومهم فحص الطفايات وتعليم الخدم عليهم ووضعهم في مكان سهل الوصول له وقريب من الكل وتبين واضحه .. ونوعية البودره تجي حمرا وتصلح للحرايق المنزلية وحتى الكهربية ... وسلامتكم من كل شر.

لاتنسى البخور والعود !! تلعب دور مهم في تشغيل الانذار بدون سبب !!

[معماري قطري]

إذا وايد وقوي أكيد بيشتغل وهو صوت ممكن تبنده

وعندي عن تجربة للحين ما صاح .. شكلي باسوي تجربة عملية ليكون خربان بس ب 300 وخربان والله مشكله .. وعندي 3 غيره للحين ما ركبتهم صراحة احنا في هالأُمور متقاعسين .. بس الحمد لله الطفايات شرينا زيادة وإستحملوا العيال شوفتهم جاهزين في الممرات قبل يخشونهم.

[elders]

موضوع جميل بارك الله فيك
متابعة لاني في صدد تحضير لمادة عن الامن والسلامة

[al saad]

انا شريت كاشف الدخان من دبي من محل ace الي عند الفستفيل مول ب ٦٠ ريال وبطاريه مده ١٠ سنوات وماركه معروفه بس عجيب ١٠ سنوات ضمان مع البطاريه شغاله طول المده وبعد ترميه في الزباله

شي مايتصدق بس التجربه خير برهان بجربهم لين خلص البيت

[معماري قطري]

انا شريت كاشف الدخان من دبي من محل ace الي عند الفستفيل مول ب ٦٠ ريال وبطاريه مده ١٠ سنوات وماركه معروفه بس عجيب ١٠ سنوات ضمان مع البطاريه شغاله طول المده وبعد ترميه في الزباله

شي مايتصدق بس التجربه خير برهان بجربهم لين خلص البيت

والله شيء زين وتجارنا محل كشره ويبيع بضاعة غش وأشكره شايل البطاريات ويقول لك تبي زين ما تبي كيفك ب 300 ريال .. يعني ب 300 أشتري 5 للبيت كامل !

[kuwari]

نعم فكرة حلو وانا كنت بطبقها في البيت اللي ببنية الحماية والسيفتي مهمة حتى لو كانت غالية بس الروح ما يتعوض وكاطفائي لازم اطبقة عندي قبل مثل ما قال الاخ لا تنتظر الدفاع المدني يطبقة لك

[بن غيث]

اهتموا في البنيان بـــ اعمال الكهرباء والماء
فهي اساس البيت ... وكل المشاكل منها

[خزامئ]

موضوع ممتاز الله يجزي راعي الفكره خير
انا ابي اسويها كلها في بيتي اذا خلص بس ماعرف من وين اجيب هلاشياء
ياليت الي ركبو يحطون لنا اسماء الامحلات كل قطعه اي محل
وهل المحل الي عنده هلاشيا يركبها او انا اركبها
وفي ميزان حسناته

[مرتبش]

كاشف دخان بالبطارية ( والانتباه لوقت تبديلها في وقت محدد مثلا تخليه علي بداية الاجازة المدرسية،، طفايات حريق في المطبخ وللطابق الارضي واخرى للاول مع توزيعة مريحة على حجم البيت وسهولة الوصول لها ولاتنسون الصيانة،، بطانية حريق للمطبخ

والجزئ المهم الاخر تدريب اهل البيت والخدم على استخدام الطفاية والبطانية ووضع خطة طوارئ وتعليم الصغار والكبار عليها

[خزامئ]

طيب كل هلاشياء من وين اشتريها؟؟؟؟؟؟؟؟؟؟

[معماري قطري]

طيب كل هلاشياء من وين اشتريها؟؟؟؟؟؟؟؟؟؟

فيه عدة محلات يا اخوي الكريم

على ما اذكر فيه قرب سوفتيل قبل لتوصله من إشارات كيوتل نسيت إسم المحل .. أتوقع السالم وفيه كم محل غير تقدر تسئل إستعلامات كيوتل، وأسعار طفايات الحريق في حدود 100 ريال وشوي ... ويوجد كذلك جهاز لكشف تسربات الغاز وهذا مهم جداً للمطابخ بس ما حصلته للحين وما ادري وين ينباع اللي يعرف عنه يعلمني فضلاً.

[said454]

على حسب علمي أفضل شركة لأنظمة السلامة ومكافحة الحريق هي شركة نافكو قطر على طريق سلوى