&&& افكار رمضانيه &&&

[فلتة زمانها]

السلام عليكم ورحمة الله

هذا الموضوع لطرح افكار متنوعه لقضاء شهر رمضان المبارك،،

الافكار متنوعه تشمل كل شيء في حياتنا اليوميه وكيف نرتب اوقاتنا

في الشهر الفضيل ،، ونحاول نصحح بعض السلبيات،،

بانتظار افكاركم الجميله

[بو الجوري]

بانتظار افكارهم :)

[فلتة زمانها]

حاول ان تنهي أمور تسوقك وتجهيزك لرمضان واستعداداتك للعيد قبل رمضان كاملا
، حتى لا تضيع ساعات ثمينة من رمضان في أسواق الدنيا

[M S A]

ننتظر أفكار إبداعية و متميزة.

[intesar]

متابعة فقط..

[فلتة زمانها]

احرص على أن يكون هذا الشهر المبارك نقطة محاسبة لنفسك وتقوم لأعمالك ومراجعة وتصحيح لحياتك ،،

[فلتة زمانها]

فكره :قوم بشراء هدايا بسيطه للخادمات (ملابس،عطر،اعراض العنايه الشخصيه او مبلغ بسيط من المال) تشجيعا للمسلمات و تأليفا لقلوب غير المسلمات بهذا الشهر العظيم

[flourish]

خلال شهر شعبان يجب الصيام وإحياء الجزء الأخير من الليل حتى يتعود الجسم على ذلك بحيث نتغلب على التعب في رمضان ونستمتع أكثر بالعبادات

[M S A]

فكره :قوم بشراء هدايا بسيطه للخادمات (ملابس،عطر،اعراض العنايه الشخصيه او مبلغ بسيط من المال) تشجيعا للمسلمات و تأليفا لقلوب غير المسلمات بهذا الشهر العظيم

إختي فلته ، إحنا نعطي الخادمات دائما هدايا و ملابس (غير الضروريات) في العيدين مثلا و نربط هذي الهدايا بدينا الحنيف و لا نعطيهم الهدايا اعتباطا لأن أغلب الخادمات يربطن إعطاء المال أو الملابس في غير أوقاتها المناسبة بأن لو إنج مش محتاجتني و ما كنت مهمة لج كان ما جبتي لي هالأشياء.

و الله من وراء القصد

[بو الجوري]

مثل ماقلتوا

اهم شي الواحد يفصل ثياب العيد من الحين ويرتاح
عشان ما يتاخر عليه الخياط ويطلع غلط ويرجع يعدل ويضيق الوقت
وايد شباب يستلمون ثيابهم ليلة العيد :..
فنصيحه خلص من الحين وافتك :..
وعن الزحمه

والبنات نفس الشي :)


وبخصوص الخدم بغض النظر عن الديانه حلو الواحد يشتريلهم للعيد


و اهم شي الواحد يستغل رمضان في كسب الاجر :)

[فلتة زمانها]

إختي فلته ، إحنا نعطي الخادمات دائما هدايا و ملابس (غير الضروريات) في العيدين مثلا و نربط هذي الهدايا بدينا الحنيف و لا نعطيهم الهدايا اعتباطا لأن أغلب الخادمات يربطن إعطاء المال أو الملابس في غير أوقاتها المناسبة بأن لو إنج مش محتاجتني و ما كنت مهمة لج كان ما جبتي لي هالأشياء.

و الله من وراء القصد

صدقتي اختي العزيزه
لكن اقترحت ان نهديهم شيء بسيط بمناسبة شهر رمضان
عشان نحببهم في الدين والواحد يخلص النيه
يعطيج العافيه عالمداخله

[بـارود]

- المكوث والاعتكاف في المسجد بعد صلاة القيام لحين صلاة الفجر
أو من بعد صلاة المغرب الى ما بعد التراويح , والخيارين مناسبين
وكلن حسب وقته .

[M S A]

- المكوث والاعتكاف في المسجد بعد صلاة القيام لحين صلاة الفجر
أو من بعد صلاة المغرب الى ما بعد التراويح , والخيارين مناسبين
وكلن حسب وقته .

أتمنى عيالي يطبقون هذا الشي بدل الهياته في المجمعات .

[العنود55]

ان شاء الله نكون من المقبلين على الشهر الفضيل على حسن الطاعة والعباده اللهم آمين حلو ان الواحد يضع له جدول ويمشي عليه مثلا نخصص فتره قبل الفطور بساعه باالتسبيح والتحميد وكثرة الدعاء واحنا نقرأ القرآن بعد كل صفحه نقراها نرجع نتدبرهالصفحه نحاول على احياء صلة الرحم ان لم تكن بالزياره تكون بالاتصال بالهاتف عدم ضياع الوقت بالاسواق والمسلسلات اللي تطبخ تحاول انها تستغفر او تسبح او تحمدوتذكر الله باي طريقه ممكن تحط لها راديو وتسمع اي اذاعة دينية والحمدلله القنوات كثر ونحاول على قد مانقدر انه نفطر صائم محتاج او نساهم بالفطور اذا كان بمسجد الحاره اشتروا الصحون البلاستيك مع الملاعق وكل يوم ارسلوا شي كلنا نعرف اجر افطار الصائم وطبعا الصدقه ماننساهاممكن ساعة نخليها رياضه وحتى خلال هالساعه ماننسى نذكر ونرطب لسانا بذكر الله والله يعينا واياكم على طاعته وحسن عبادته على الوجه الذي يرضيه .

[غيمة مطر]

عن نفسي سويت جدول حطيته على سبوره فلبين فالصاله واليهال مستانسين ينتظرون رمضان بفااارغ الصبر .. جهزو السجادات والجلال والمصاحف الخاصه بجزء عم وتبارك ...

كل اسبوع برمضان -- 1-مواعيدد الصلاه والصلاه جماعيه انا وبناتي .. صح هم صغار بس حابه اعلمهم من رمضان ان شاء الله الالتزام بالصلاه ..
2- مواعيد الامساك والافطار ..
3 - وقت لتحفيظهم القران .. ووزعت السور على الشهر طبعا جزء عم وتبارك فقط ..
4- وقت لشرح كل سوره بنحفظها ..
5- وقت للعب والتلفزيون لليهال . وبهالوقت انا اقرا قران
6- كل يوم بنت تدخل معاي المطبخ تساعدني
7- زيارات يوميه للاهل القريب والبعيد واخص بالذكر العجايز ومعاي اليهال عشان يتعرفون على اهلهم
8- قبل القرنقعوه حطينا وقت لتجهيز القرنقعوه ... ويوم القرنقعوه خليناه فري شوي لليهال

وبس .. عسى ربي يكتب لنا فيه الاجر والثواب

[بصمة قطرية]

مثل ماقلتوا

اهم شي الواحد يفصل ثياب العيد من الحين ويرتاح
عشان ما يتاخر عليه الخياط ويطلع غلط ويرجع يعدل ويضيق الوقت
وايد شباب يستلمون ثيابهم ليلة العيد :..
فنصيحه خلص من الحين وافتك :..
وعن الزحمه

والبنات نفس الشي :)


وبخصوص الخدم بغض النظر عن الديانه حلو الواحد يشتريلهم للعيد


و اهم شي الواحد يستغل رمضان في كسب الاجر :)

ان شاء الله ناوية هالاسبوع اجهز للعيد واخلص امور العيال
و الخدامات ..
اجهز للخدامات للعيد سواء المسلمة ولا المسيحية
نفس الشي
هالشي وايد يفرحهم
خدامتي مسيحية و تصوم معانا
الله يهديها وتسلم ...


اهم شي الواحد يخلص امور العيد من وقت عشان يرتاح
عن الزحمة

حالياً ادور شغلات حلوة للقرنقعوه
ان شاء الله اخلص قريب وارتاح

ما احب اروح السوق الا مرة وحدة واخلص كل شي ..